ស្ថានទូតរុស្ស៊ីប្រចាំទីក្រុងឡុងដ៍ បានព្រមានជាការឆ្លើយតបទៅនឹងកញ្ចប់ថ្មីនៃការរឹតបន្តឹងប្រឆាំង  រុស្ស៊ីថា ទណ្ឌកម្មដែលដាក់ចេញដោយចក្រភពអង់គ្លេសប្រឆាំងនឹងរុស្ស៊ី នាំឲ្យមានអស្ថិរភាពទីផ្សារថាមពលសកល។ 

ស្ថានទូតរុស្ស៊ីបាននិយាយថា៖«ទណ្ឌកម្មថ្មីធ្វើឲ្យប៉ះពាល់ហេដ្ឋារចនាសម្ព័ន្ធបំពង់បង្ហូរប្រេង វិស័យនុយក្លេ  អ៊ែរ ឧស្សាហកម្មឧស្ម័នធម្មជាតិរាវ (LNG) និងពាណិជ្ជករប្រេង។ សកម្មភាពបែបនេះប្រឆាំងនឹងក្រុមហ៊ុនប្រេង និងឧស្ម័នរបស់រុស្ស៊ី នាំឲ្យមានអស្ថិរភាពទីផ្សារថាមពលសកល និងទីបំផុតប៉ះពាល់ដល់អាជីវកម្មអង់គ្លេស និងកាបូបលុយរបស់ពលរដ្ឋអង់គ្លេសធម្មតា។ ការពង្រីកវិធានការរឹតត្បិតដល់អង្គភាពនៃប្រទេសទី៣ ធ្វើឲ្យប៉ះពាល់ដល់សន្តិសុខថាមពលរបស់រដ្ឋនានា នៅក្នុងតំបន់កំពុងអភិវឌ្ឍន៍សកលខាងត្បូង។  

អ្នកការទូតរុស្ស៊ីបានព្រមានថា៖«ការប៉ុនប៉ងដាក់ទណ្ឌកម្មពាណិជ្ជកម្ម និងសេដ្ឋកិច្ច មិនអាចបង្កើតលទ្ធផលវិជ្ជមានណាមួយឡើយ ជាពិសេសដោយសារតែចក្រភពអង់គ្លេស បានឈប់ធ្វើជាមហាអំណាចសេដ្ឋកិច្ច ឬ 'សិក្ខាសាលានៃពិភពលោក» ។ ស្ថានទូតបានកត់សម្គាល់ថា៖«សេដ្ឋកិច្ចពិភពលោកសម័យទំនើបមិនពឹងផ្អែកលើសេវាកម្មអន្តរការីរបស់ទីក្រុងឡុងដ៍ទេ»។  

បេសកកម្មការទូតរុស្ស៊ីនេះ បានសង្កត់ធ្ងន់ថា៖«អស់រយៈពេល ៤ឆ្នាំ ជាប់ៗគ្នា ការអះអាងម្តងហើយម្តងទៀតអំពីការដួលរលំសេដ្ឋកិច្ចរបស់រុស្ស៊ីដែលកំពុងខិតជិតមកដល់ កាន់តែឃ្លាតឆ្ងាយពីការពិត។ សេដ្ឋកិច្ចរុស្ស៊ី បានបង្ហាញពីសមត្ថភាពរបស់ខ្លួន ក្នុងការសម្របខ្លួន ខណៈដែលវិធានការដាក់ទណ្ឌកម្មដ៏រង្គោះរង្គើរបស់លោកខាងលិច កាន់តែមានភាពស្មុកស្មាញ និងគ្មានប្រសិទ្ធភាព»៕