រូបភាពវីដេអូឃ្លីបដែលបានបញ្ចេញនៅថ្ងៃព្រហស្បតិ៍នេះ ឃើញក្រុមជួយសង្រ្គោះតំបន់ Kharkiv ព្យាយាមពន្លត់អគ្គិភ័យ និងស្វែងរកកាត់តាមកម្ទេចកម្ទី នៅទីកន្លែងរងការវាយប្រហារ បន្ទាប់ពីក្រុមមន្រ្តីអ៊ុយក្រែននិយាយថា វាគឺជាការវាយប្រហារមីស៊ីល និងយានដ្រូនរបស់រុស្ស៊ី ។

អភិបាលទីក្រុង Kharkiv លោក Oleh Syniehubov និយាយនៅលើបណ្តាញព័ត៌មានសង្គម Telegramថា មនុស្សយ៉ាងហោច ១៤នាក់ បានរងរបួសនៅតំបន់ Kharkiv រួមទាំងក្មេងប្រុសអាយុ ៧ឆ្នាំម្នាក់ផងដែរ ហើយទីក្រុងរបស់លោក បានរងការវាយប្រហារដោយមីស៊ីល ២គ្រាប់ និងយានដ្រូន ១៧គ្រឿង ។

ក្រុមមន្រ្តីអ៊ុយក្រែន រាយការណ៍ថា ការវាយប្រហារមីស៊ីល និងយានដ្រូនរុស្ស៊ីកាលពីយប់ថ្ងៃពុធ បណ្តាលឲ្យអគារអ្នកស្រុករងការខូចខាត ហើយមនុស្សប្រហែល ២០នាក់ រងរបួសនៅតំបន់ភាគខាងកើត និងតំបន់ភាគខាងត្បូង ។

មីស៊ីលបាលីស្ទិក និងមីស៊ីលតម្រង់គោលដៅ មានគោលដៅលើទីក្រុងគីវ តំបន់គីវ និងតំបន់ Kharkiv ស្ថិតនៅភាគខាងកើតអ៊ុយក្រែន ខណៈយានដ្រូនវាយប្រហារតំបន់ Zaporizhzhia ស្ថិតនៅភាគខាងត្បូងប្រទេស ៕