មន្ត្រីជាន់ខ្ពស់ក្រសួងការបរទេសរុស្ស៊ីម្នាក់ បាននិយាយថា កងទ័ពអ៊ុយក្រែនកំពុងប្រើប្រាស់សារធាតុពុលប្រឆាំងនឹងទាហាន និងជនស៊ីវិលរុស្ស៊ី។ 

លោក Kirill Logvinov ប្រធាននាយកដ្ឋានអង្គការអន្តរជាតិរបស់ក្រសួង បានប្រាប់សារព័ត៌មាន TASS ថា ដោយរំលោភលើកិច្ចព្រមព្រៀងអន្តរជាតិ ក្រោមអនុសញ្ញាអាវុធគីមី (CWC) អង្គភាពប្រដាប់អាវុធអ៊ុយក្រែនប្រើប្រាស់សារធាតុពុលជាប្រព័ន្ធប្រឆាំងនឹងកងទ័ពរុស្ស៊ី និងប្រជាជនស៊ីវិល នៅក្នុងតំបន់ប្រតិបត្តិការយោធាពិសេស។ ករណីបែបនេះទាំងអស់ ត្រូវបានកត់ត្រាដោយភ្នាក់ងារមានសមត្ថកិច្ចរបស់យើង»។

យោងតាមអ្នកការទូតរូបនេះ រុស្ស៊ីតែងតែចែករំលែកទិន្នន័យពាក់ព័ន្ធជាមួយអង្គការហាមឃាត់អាវុធគីមី ក្រុមប្រឹក្សាសន្តិសុខអង្គការសហប្រជាជាតិ និងមហាសន្និបាត ហើយជូនដំណឹងដល់សហគមន៍ពិភពលោកអំពីការរំលោភ CWC ដោយរបបក្រុងគីវ និងស្ថានភាពជាក់ស្តែង នៅក្នុងតំបន់ប្រតិបត្តិការយោធាពិសេស៕