​បាល់ទាត់៖ ​ក្រុមបាល់ទាត់​ជំរើសជាតិ​អេ​ស្ប៉ា​ញ​បានធ្វើការ​ប្រមូលផ្តុំ​ហ្វឹកហាត់​ នៅ​ថ្ងៃ​អង្គារ​ម្សិលមិញ​នេះនៅ​ទីក្រុង​ម៉ា​ឌ្រី​ត​ប្រទេស​អេ​ស្ប៉ា​ញ​មុន​ការប្រកួត​មិត្តភាព​ពីរ​ប្រកួត​ទល់នឹង​អាល់​បា​នី និងអ៊ី​ស្លង់​។

​​មិនមាន​វត្តមាន​អ្នកចាំទី Manchester United, David De Gea ឡើយ​ខណៈ​លោក Luis Enrique បាន​កោះហៅ​អ្នកចាំទី Athletic Bilbao, Unai Simon រួម​ជាមួយនឹង​អ្នកចាំទី Brentford, David Raya ដែល​អាច​នឹង​បង្ហាញខ្លួន​លើកដំបូង​ឱ្យ​ក្រុម​ជំរើសជាតិ​អេ​ស្ប៉ា​ញ​។ ​គ្រូបង្វឹក​អេ​ស្ប៉ា​ញ​លោក Luis Enrique សង្ឃឹមថា នឹង​យក​ការប្រកួត​មិត្តភាព​ទាំងពីរ​នេះ​ជាការ​ធ្វើតេស្ត​សមត្ថភាពកីឡាករ​ចំនូល​ថ្មី​មួយចំនួន​ដែរ បន្ទាប់ពី​កីឡាករ​ក្មេងៗ​កន្លងមក​អេ​ស្ប៉ា​ញ​ក៏បាន​ឡើងដល់​វគ្គ​ជ្រៅ​ដែរ​ដូចជា​នៅ Euro ២០២០ ឡើងដល់​វគ្គ​ពាក់កណ្តាល​ផ្តាច់ព្រ័ត្រ​តែ​ចាញ់​ក្រុម​ជើងឯក​អ៊ីតាលី និង​ឡើងដល់​វគ្គ​ផ្តាច់ព្រ័ត្រ UEFA Nations League តែ​ចាញ់​បារាំង​។ ​​អេ​ស្ប៉ា​ញ​នឹងត្រូវ​ជួប​ជាមួយ​អាល់​បា​នី​នៅ​ថ្ងៃទី២៦ ខែមីនា​នេះ មុន​បន្ត​ជួប​ជាមួយ​អ៊ី​ស្លង់​នៅ​ថ្ងៃទី២៩ ខែ​ដដែល ខណៈ​ការប្រកួត​ទាំងពីរ​នឹងធ្វើ​ឡើង​នៅ​កីឡដ្ឋាន Estadi Olimpic Lluis Companys ទីក្រុង Barcelona៕

​អត្ថបទ​៖​នាង សុភា​វុ​ធ