លោក Rustem Umerov លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន បាននិយាយថាប្រតិភូសហរដ្ឋអាមេរិក និងអ៊ុយក្រែន បានពិភាក្សាអំពីការធានាសន្តិសុខ និងទិដ្ឋភាពសេដ្ឋកិច្ច ក្នុងអំឡុងពេលកិច្ចប្រជុំចុងក្រោយរបស់ពួកគេ នៅទីក្រុងហ្សឺណែវ។  

លោកបានសរសេរនៅលើបណ្តាញ Telegram ថា៖«ជំនួបបន្ទាប់ កំពុងត្រូវបានរៀបចំ។ យើងកំពុងធ្វើការ ដើម្បីបញ្ចប់ការកំណត់រចនាសម្ព័ន្ធសន្តិសុខ ដំណោះស្រាយសេដ្ឋកិច្ច និងជំហរសម្របសម្រួល ដែលគួរតែចាក់ គ្រឹះសម្រាប់កិច្ចព្រមព្រៀងនាពេលអនាគត»។ «គោលដៅ គឺធ្វើឲ្យកិច្ចប្រជុំត្រីភាគីបន្ទាប់ជាមួយរុស្ស៊ី និងសហរដ្ឋអាមេរិក មានខ្លឹមសារតាមដែលអាចធ្វើទៅបាន»។

លោកបានថ្លែងថា៖«ការយកចិត្តទុកដាក់ជាពិសេស ត្រូវបានផ្តោតទៅលើប្រធានបទសេដ្ឋកិច្ច និងយន្តការរយៈពេលវែងនៃការគាំទ្រអ៊ុយក្រែន»។ «ឯកសារស្តីពីការកសាងអ៊ុយក្រែនឡើងវិញ ត្រូវបានបង្កើតឡើង ហ្មត់ចត់»។

កិច្ចពិភាក្សាកាលពីថ្ងៃព្រហស្បតិ៍ មានរយៈពេលប្រហែល ៤ម៉ោង៕