យោងតាមការស្ទង់មតិថ្មី Gallup បានឲ្យដឹងថា ការគាំទ្រអ៊ីស្រាអែលក្នុងចំណោមពលរដ្ឋសហរដ្ឋអាមេរិក មានការធ្លាក់ចុះយ៉ាងខ្លាំងជាប្រវត្តិសាស្រ្ត ធ្វើឲ្យវាក្លាយជាការផ្លាស់ប្តូរមិនធ្លាប់ដែលមានក្នុងរយៈពេលជាច្រើនទសវត្សរ៍កន្លងមកនេះ ការគាំទ្រដោយគ្មានលក្ខខណ្ឌសម្រាប់អ៊ីស្រាអែល មិនសំខាន់ថាគណបក្សណាមួយនៅសេតិវមានជាអ្នកគ្រប់គ្រងសភានោះទេ ។

នៅក្នុងរបាយការណ៍ដែលបានចេញនៅថ្ងៃសុក្រនេះ ទីភ្នាក់ងារស្ទង់មតិ និយាយថា ៤១ភាគរយនៃពលរដ្ឋអាមេរិកបច្ចុប្បន្ននិយាយថា ពួកគេអាណិតជនប៉ាឡេស្ទីន ខណៈ ៣៦ភាគរយ ពួកគេនៅតែលំអៀងទៅខាងអ៊ីស្រាអែល ។

ផ្ទុយទៅវិញ មុនការវាយប្រហាររបស់ក្រុមហាម៉ាស នៅតំបន់ភាគខាងត្បូងប្រទេសអ៊ីស្រាអែលកាលពីខែតុលា ឆ្នាំ ២០២៣ ជាហេតុបង្កឲ្យមានសង្រ្គាមប្រល័យពូជសាសន៍អ៊ីស្រាអែលនៅតំបន់ហ្កាហ្សា ពលរដ្ឋអាមេរិក ៥៤ភាគរយ អាណិតអ៊ីស្រាអែល ហើយ ៣១ភាគរយ ឈរខាងប៉ាឡេស្ទីន ។

ការផ្លាស់ប្តូរគំនិតនេះ បន្ទាប់ពីអ្វីដែលត្រូវបានគេចាត់ទុកថាជា ការឆ្លើយតបមិនសមាមាត្រនឹងការវាយប្រហារថ្ងៃទី ៧ ខែតុលា ជាទីដែលមនុស្សប្រហែល ១២០នាក់ ត្រូវបានសម្លាប់ក្នុងប្រទេសអ៊ីស្រាអែល និងមនុស្សជាង ២៥០នាក់ ត្រូវបានចាប់ធ្វើជាចំណាប់ថ្នូរ ។

អ៊ីស្រាអែលបានសម្លាប់មនុស្សជាង ៧២.០០០នាក់ នៅតំបន់ហ្កាហ្សា ដែលភាគច្រើននៃពួកគេ គឺជាស្រ្តី និងកុមារ ហើយនិងធ្វើឲ្យតំបន់បិទច្រកមួយនេះ ក្លាយជាអគារបាក់បែក ៕