អង្គភាបស៊ើបអង្កេតអង្គការសហប្រជាជាតិ(UN) បានព្រមានថា ស៊ូដង់ខាងត្បូងប្រឈមនឹងការវិលត្រឡប់រកសង្រ្គាមពេញបន្ទុកវិញ លុះត្រាតែពួកគេអាចបញ្ចប់ជាបន្ទាន់នូវនិទណ្ឌភាពដ៏សែនជ្រៅ និងការរំលោភបំពានយ៉ាងទូលំទូលាយ ស្របពេលអំពើហិង្សាកើនឡើងនៅក្នុងប្រទេសក្មេងខ្ចីបំផុតរបស់ពិភពលោកមួយនេះ ។

របាយការណ៍របស់គណៈកម្មការសិទ្ធិមនុស្សអង្គការសហប្រជាជាតិស្តីពីស៊ូដង់ខាងត្បូង (CHRSS) បានបញ្ចេញនាថ្ងៃសុក្រនេះ ក្នុងកិច្ចប្រជុំក្រុមប្រឹក្សាសិទ្ធិមនុស្ស នៅទីក្រុងហ្សឺណែវ ប្រទេសស្វីស បានរកឃើញថា ជនស៊ីវិលបានស៊ូទ្រាំនឹងការរំលោភបំពានធ្ងន់ធ្ងរ រួមទាំងការកាប់សម្លាប់ អំពើហិង្សាផ្លូវភេទជាប្រព័ន្ធ ការឃុំឃាំងក្រៅប្រព័ន្ធតុលាការ ការជម្លៀសខ្លួនទាំងបង្ខំ និងទុរគតភាព ស្របពេលវិបត្តិមនុស្សធម៌កាន់តែធ្ងន់ធ្ងរ នៅក្នុងប្រទេសស្ថិតស្ថិតក្នុងចំណោមប្រទេសក្រីក្របំផុតរបស់ពិភពលោកមួយនេះ ។

របាយការណ៍និយាយថា ហានិភ័យអំពើឃោឃៅកើនឡើង និងការដួលរលំនៃការការពារនយោបាយនៅក្នុងប្រទេសនេះ ត្រូវតែមានវិធានការចាំបាច់បន្ទាន់ ពោលគឺប្រទេសក្នុងតំបន់ និងអន្តរជាតិ ត្រូវតែចូលរួមជាមួយសម្ពាធការទូត ទណ្ឌកម្ម និងអនុវត្តតាមការហាមឃាត់អាវុធរបស់ UN រហូតដល់ការកែលម្អសិទ្ធិមនុស្សជាក់ស្តែង និងការទទួលខុសត្រូវ សម្រេចបាន ។

របាយការណ៍បន្តថា ការការពារឧក្រិដ្ឋកម្មដ៏ឃោឃៅទ្រង់ទ្រាយធំបន្ថែមទៀត ការដួលរលំស្ថាប័ន ហើយនិងការបំផ្លាញការផ្លាស់ប្តូរដ៏ផុយស្រួយរបស់ស៊ូដង់ខាងត្បូង ត្រូវការប្រទេសសម្របសម្រួលបន្ទាន់ ចូលរួមឡើងវិញ ទាំងក្នុងតំបន់ និងអន្តរជាតិ ៕