លោកប្រធានាធិបតី លោក ដូណាល់ ត្រាំ បានប្រកាសនៅលើប្រព័ន្ធផ្សព្វផ្សាយសង្គម Truth Social ថា សហរដ្ឋអាមេរិក បានចាប់ផ្តើមបើក «ប្រតិបត្តិការប្រយុទ្ធទ្រង់ទ្រាយធំ នៅក្នុងប្រទេសអ៊ីរ៉ង់» នៅព្រឹកថ្ងៃសៅរ៍ (ទី ២៨ ខែកុម្ភ)នេះ។

យោងតាមរដ្ឋមន្ត្រីក្រសួងការពារជាតិអ៊ីស្រាអែល លោក Israel Katz អ៊ីស្រាអែលបានចាប់ផ្តើមអ្វីដែលខ្លួនហៅថា «ការវាយប្រហារជាមុន» ប្រឆាំងនឹងអ៊ីរ៉ង់ នៅព្រឹកថ្ងៃសៅរ៍នេះ ខណៈដែលស្ថានភាពអាសន្ន ត្រូវបានប្រកាស នៅទូទាំងប្រទេសនេះ។

រដ្ឋាភិបាលបានប្រកាសស្ថានភាពអាសន្ន ដោយសារតែការរំពឹងទុកនៃការសងសឹករបស់អ៊ីរ៉ង់ ជាមួយនឹងយានដ្រូន និងមីស៊ីលបាលីស្ទីក៕