ខណៈអ៊ីស្រាអែល និងសហរដ្ឋអាមេរិក វាយប្រហារអ៊ីរ៉ង់ ប្រជាជនប៉ាឡេស្ទីននៅតំបន់ហ្កាហ្សាបានចាប់ផ្តើមភ័យខ្លាច។ ពួកគេបានចងចាំពីរបៀបដែលច្រកឆ្លងកាត់ត្រូវបានបិទកាលពីពេលមុនបណ្តាលឱ្យមានទុរ្ភិក្ស ហើយបានប្រញាប់ប្រញាល់ទៅកាន់ទីផ្សារដើម្បីទិញអ្វីដែលពួកគេអាចទិញបាន។ ជាលទ្ធផល តម្លៃអាហារ និងតម្រូវការចាំបាច់ជាមូលដ្ឋាន បានកើនឡើងកប់ពពក។ មិនយូរប៉ុន្មាន មានដំណឹង ថា ច្រកឆ្លងកាត់ព្រំដែនត្រូវបានបិទ។

ទាំងអស់នេះបានកើតឡើង នៅពេលដែលអំឡុងពេលអនុគ្រោះត្រូវបានកំណត់ពេលដោយអ៊ីស្រាអែលសម្រាប់អង្គការមិនមែនរដ្ឋាភិបាលចំនួន៣៧ក្រុមដើម្បីដកខ្លួនចេញពីតំបន់ហ្កាហ្សា ដោយសារតែមិនបានបំពេញតាមតម្រូវការចុះឈ្មោះដែលផុតកាលបរិច្ឆេទ។ អង្គការដូចជា គ្រូពេទ្យគ្មានព្រំដែន ជំនួយវេជ្ជសាស្រ្តសម្រាប់ប្រជាជនប៉ាឡេស្ទីនចក្រភពអង់គ្លេស អង្គការHandicap International និងអង្គការជាច្រើនទៀតត្រូវបានគេសន្មត់ថាឈប់ដំណើរការនៅក្នុងតំបន់ហ្កាហ្សា។

នៅពេលចុងក្រោយ ការចេញសេចក្តីសម្រេចរបស់តុលាការជាន់ខ្ពស់អ៊ីស្រាអែល បានអនុញ្ញាតឱ្យពួកគេបន្តធ្វើការ ខណៈពិចារណាលើការប្តឹងឧទ្ធរណ៍ប្រឆាំងនឹងបម្រាមនេះ។ ប៉ុន្តែទោះបីជាមានសេចក្តីសម្រេចរបស់តុលាការក៏ដោយ អង្គការទាំងនេះមិនអាចបន្តដំណើរការបានពេញលេញនោះទេ ដោយសារតែការកាន់កាប់របស់អ៊ីស្រាអែលនៅតែបន្តរារាំងការផ្គត់ផ្គង់ ហើយរារាំងបុគ្គលិកបរទេសរបស់អង្គការមិនឲ្យចូលទៅក្នុងតំបន់ហ្កាហ្សា។