សំឡេងផ្ទុះខ្លាំងៗ ត្រូវបានគេឮពាសពេញទីក្រុងឈូងសមុទ្រឌូបៃ ដូហា និងម៉ាណាម៉ា ក៏ដូចជានៅក្រុងហ្ស៊េរុយសាឡឹម នៅថ្ងៃចន្ទនេះ ខណៈដែលទីក្រុងតេអេរ៉ង់ បានបន្តវាយប្រហារថ្ងៃទី ៣ ប្រឆាំងនឹងអ៊ីស្រាអែល និងប្រទេសជិតខាងឈូងសមុទ្រ ដើម្បីឆ្លើយតបទៅនឹងការវាយប្រហាររបស់សហរដ្ឋអាមេរិក និងអ៊ីស្រាអែល។

ស្ថានទូតអាមេរិកនៅទីក្រុងគុយវ៉ែត ត្រូវបានគេរាយការណ៍ថា កំពុងជំរុញឲ្យប្រជាជនកុំមកស្ថានទូត និងត្រូវលាក់ខ្លួន។

ទីភ្នាក់ងារសារព័ត៌មានបារាំង AFP បានរាយការណ៍ថា សំឡេងផ្ទុះខ្លាំងៗជាច្រើន ត្រូវបានគេឮ នៅក្នុងរដ្ឋធានីកាតា និងបារ៉ែន ក៏ដូចជានៅក្នុងទីក្រុងដែលមានប្រជាជនច្រើនបំផុតរបស់អារ៉ាប់រួមផងដែរ។

កងទ័ពអាកាសអ៊ីស្រាអែលបាននិយាយនៅលើប្រព័ន្ធផ្សព្វផ្សាយសង្គម X កាលពីពេលថ្មីៗនេះថា មីស៊ីលត្រូវបានបាញ់ចេញពីអ៊ីរ៉ង់ឆ្ពោះទៅអ៊ីស្រាអែល ហើយប្រព័ន្ធការពារដែនអាកាស កំពុងដំណើរការ ដើម្បីស្ទាក់ចាប់ពួកវាទាំងនោះ៕