នាយកវិទ្យាស្ថានសិក្សានុយក្លេអ៊ែរនៅសាកលវិទ្យាល័យអាមេរិក លោក សាស្ត្រាចារ្យ Peter Kuznick បានប្រាប់សារព័ត៌មាន TASSថា ប្រតិបត្តិការយោធារបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ បានធ្វើឲ្យសណ្តាប់ធ្នាប់ពិភពលោកដួលរលំ។

អ្នកជំនាញរូបនេះ បាននិយាយថា៖«សង្គ្រាមដែលបានចាប់ផ្តើមកាលពីព្រឹកព្រលឹមថ្ងៃសៅរ៍ បានផ្តួលរំលំសណ្តាប់ធ្នាប់សកល។ សង្គ្រាមនេះ ត្រូវបានចាប់ផ្តើមដោយរបបផ្តាច់ការ និងហិង្សាពីរនៅលើភពផែនដី។ យើងមិនដឹងថា វានឹងបញ្ចប់ដោយរបៀបណា ឬពេលណាទេ»។ 

លោក Kuznick បានបន្ថែមថា៖ «យើងដឹងថា ការផ្លាស់ប្តូររបបដែលដាក់ដោយសហរដ្ឋអាមេរិកកាលពីអតីតកាល តម្រូវឲ្យដាក់ពង្រាយកងទ័ពជើងគោក ហើយនៅតែមានលទ្ធផលដ៏មហន្តរាយ នៅក្នុងប្រទេសអាហ្វហ្គានីស្ថាន អ៊ីរ៉ាក់ លីប៊ី ស៊ីរី និងកន្លែងផ្សេងទៀត»៕