កាសែត New York Times បានពណ៌នាអំពីប្រធានាធិបតីអាមេរិកលោក ដូណាល់ ត្រាំ (Donald Trump) ថា លោក«បើកចំហចំពោះការលើកលែងទណ្ឌកម្មលើអ៊ីរ៉ង់ ប្រសិនបើថ្នាក់ដឹកនាំថ្មីរបស់ប្រទេនេះ បង្ហាញថា ខ្លួនជាដៃគូពិតប្រាកដ»។

ក្នុងពេលជាមួយគ្នានេះ ក្នុងអំឡុងពេលសម្ភាសន៍ជាមួយកាសែតនេះ លោកបានបដិសេធមិនបញ្ជាក់ថាតើសហរដ្ឋអាមេរិកនឹងគាំទ្រអ្នកដែលព្យាយាមផ្តួលរំលំអាជ្ញាធរអ៊ីរ៉ង់បច្ចុប្បន្នតាមមធ្យោបាយណាមួយឬអត់នោះទេ។ ការបោះពុម្ពផ្សាយនេះ បានដកស្រង់សម្តីរបស់លោក ត្រាំ ដែលបាននិយាយថា៖«ខ្ញុំមិនធ្វើការ   ប្តេជ្ញាចិត្តតាមមធ្យោបាយមួយ ឬមធ្យោបាយផ្សេងទៀតទេ។ វាលឿនពេកហើយ»។ «យើងមានការងារដែលត្រូវធ្វើ ហើយយើងធ្វើវាបានល្អណាស់។ ខ្ញុំចង់និយាយថា យើងកំពុងដំណើរការលឿនជាងការរំពឹងទុកទៅទៀត»។

នៅថ្ងៃទី ២៨ ខែកុម្ភៈ សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់។ ទីក្រុងធំៗរបស់អ៊ីរ៉ង់ រួមទាំងទីក្រុងតេអេរ៉ង់ ត្រូវបានវាយប្រហារ។ សេតវិមានបានរាប់ជាសុចរិតចំពោះការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍   ឥស្លាម (IRGC) ដែលជាអង្គភាពសម្រាំងរបស់កងកម្លាំងប្រដាប់អាវុធអ៊ីរ៉ង់ បានប្រកាសពីប្រតិបត្តិការសងសឹកទ្រង់ទ្រាយធំមួយ។ មេដឹកនាំកំពូលអ៊ីរ៉ង់ លោក Ali Khamenei និងមេដឹកនាំសំខាន់ៗមួយចំនួនទៀតនៃសាធារណរដ្ឋឥស្លាមនេះ ត្រូវបានសម្លាប់នៅក្នុងការវាយប្រហាររួមគ្នារវាងសហរដ្ឋអាមេរិក និង     អ៊ីស្រាអែល ហើយប្រទេសនេះ បានប្រកាសកាន់ទុក្ខរយៈពេល ៤០ថ្ងៃ៕