រដ្ឋមន្ត្រីនៃក្រុមប្រឹក្សាសហប្រតិបត្តិការសម្រាប់រដ្ឋអារ៉ាប់នៃឈូងសមុទ្រ (GCC) បានប្រកាសបន្ទាប់ពីកិច្ចប្រជុំបន្ទាន់មួយថា អ៊ីរ៉ង់ត្រូវតែបញ្ឈប់ការវាយប្រហាររបស់ខ្លួនលើបណ្តាប្រទេសឈូងសមុទ្រជាបន្ទាន់ ដោយសារការឈ្លានពានរបស់ខ្លួន គឺមិនសមហេតុផល។  

សេចក្តីប្រកាសរបស់រដ្ឋមន្ត្រីទាំងនោះ បានបញ្ជាក់ថា៖«ទោះបីជាការពិតដែលថា បណ្តាប្រទេសនៃក្រុមប្រឹក្សា បានធានាម្តងហើយម្តងទៀតដល់អ៊ីរ៉ង់ថា ទឹកដីរបស់ពួកគេនឹងមិនត្រូវបានប្រើជាទីតាំងដាក់ជើងទម្របាញ់រ៉ូកែតម្រាប់ការវាយប្រហារលើសាធារណរដ្ឋឥស្លាមក៏ដោយ ក៏ប្រទេសនេះនៅតែបន្តវាយប្រហាររដ្ឋឈូងសមុទ្រ និងហេដ្ឋារចនាសម្ព័ន្ធស៊ីវិល។ ការឈ្លានពាននេះ គឺមិនសមហេតុផល ហើយត្រូវតែបញ្ឈប់ជាបន្ទាន់ ដើម្បីស្តារសន្តិភាព និងសន្តិសុខនៅក្នុងតំបន់»។  

យោងតាមសេចក្តីប្រកាសរបស់ GCC ប្រទេសឈូងសមុទ្រទាំងអស់ នឹងចាត់វិធានការ ដើម្បីធានាសន្តិសុខផ្ទាល់ខ្លួន និងការពារទឹកដី និងពលរដ្ឋរបស់ពួកគេ ដោយមិនរាប់បញ្ចូលជម្រើសផ្សេងទៀត ការឆ្លើយតបដែលអាចកើតមានចំពោះការឈ្លានពានរបស់អ៊ីរ៉ង់៕