រុស្ស៊ី៖ ប្រធានាធិបតីរុស្ស៊ីលោក Vladimir Putin គ្រោងនឹងចូលរួមជំនួបកំពូល G20 ដែលនឹងធ្វើឡើងនៅក្នុងប្រទេសឥណ្ឌូនេស៊ីនៅឆ្នាំនេះ និងបានទទួលការគាំទ្រយ៉ាងពេញទំហឹងពីក្រុងប៉េកាំងកាលពីថ្ងៃពុធ ជំទាស់ទៅនឹងការលើកឡើងរបស់សមាជិកមួយចំនួនដែលថា រុស្ស៊ីអាចត្រូវបានរារាំងមិនឲ្យចូលរួមក្នុងក្រុមនេះ។
ប្រភពនានាពាក់ព័ន្ធនឹងការពិភាក្សានេះបានប្រាប់សារព័ត៌មាន Reuters ថា សហរដ្ឋអាមេរិក និងសម្ព័ន្ធមិត្តលោកខាងលិចកំពុងវាយតម្លៃថា តើរុស្ស៊ីគួរតែបន្តស្ថិតក្នុងក្រុមប្រទេសដែលមានសេដ្ឋកិច្ចលូតលាស់ទាំង 20 ឬអត់ ក្រោយការវាយលុករបស់ខ្លួនលើអ៊ុយក្រែន។ ប្រភពទាំងនោះបាននិយាយថា វិធានការទាំងឡាយក្នុងការរារាំងរុស្ស៊ីអាចនឹងត្រូវបានបោះឆ្នោតវ៉េតូ ដោយក្រុមសមាជិកក្នុងក្រុមប្រទេសទាំង២០ ដែលនាំឲ្យមានក្ដីបារម្ភពីប្រទេសមួយចំនួនថា ជំនួបកំពូល G20 នេះអាចនឹងលុបចោល។ ឯកអគ្គរដ្ឋទូតរុស្ស៊ីប្រចាំនៅប្រទេសឥណ្ឌូនេស៊ី ដែលបច្ចុប្បន្ននឹងត្រូវធ្វើជាប្រធានប្ដូរវេនជំនួប G20 បាននិយាយថា លោក Putin បានមានបំណងធ្វើដំណើរទៅកាន់កោះរមណីយដ្ឋាន Bali របស់ប្រទេសឥណ្ឌូនេស៊ីសម្រាប់ជំនួបកំពូល G20 នៅខែវិច្ឆិកា ឆ្នាំ២០២២ នេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
