អាជ្ញាធរគ្រប់គ្រងគ្រោះមហន្តរាយលីបង់ បានរាយការណ៍កាលពីថ្ងៃអង្គារថា មនុស្សចំនួន ៥៨.០៦៤នាក់ ត្រូវបានផ្លាស់ទីលំនៅក្នុងស្រុក នៅទូទាំងប្រទេសនេះ អំឡុងពេលមានអរិភាពកាន់តែខ្លាំងឡើងជាមួយ     អ៊ីស្រាអែល។

យោងតាមតួលេខផ្លូវការ ចំនួនប្រជាជនសរុបដែលផ្លាស់ទីលំនៅនៅក្នុងប្រទេសនេះ បានកើនឡើងដល់ ១២.៥៣៩នាក់។

អាជ្ញាធរបាននិយាយថា ចាប់ពីព្រឹកព្រលឹមថ្ងៃចន្ទ រហូតដល់រសៀលថ្ងៃអង្គារ យ៉ាងហោចណាស់មានមនុស្ស ៤០នាក់ បានស្លាប់ និង ២៤៦នាក់ ផ្សេងទៀត រងរបួស ខណៈដែលអំពើហិង្សាឆ្លងព្រំដែនកាន់តែធ្ងន់ធ្ងរឡើង។

ភាពតានតឹងរវាងប្រទេសលីបង់ និងអ៊ីស្រាអែល បានកើនឡើង ក្នុងរយៈពេលប៉ុន្មានថ្ងៃថ្មីៗនេះ ជាមួយនឹងការវាយប្រហារតាមអាកាសកាន់តែខ្លាំងឡើង និងការបាញ់ប្រហារគ្នាតាមបណ្តោយព្រំដែន ដែលនាំឲ្យ មានអ្នកស្លាប់ និងរបួសកើនឡើង ប្រជាជនផ្លាស់ទីលំនៅកាន់តែច្រើន និងសម្ពាធកំពុងកើនឡើងលើប្រព័ន្ធឆ្លើយតបបន្ទាន់៕