រដ្ឋមន្ត្រីការបរទេសរុស្ស៊ី លោក សឺហ្គេយ ឡាវរ៉ូវ ( Sergey Lavrov) បានថ្លែងនៅក្នុងសន្និសីទសារព័ត៌មានមួយ បន្ទាប់ពីកិច្ចពិភាក្សាជាមួយរដ្ឋមន្ត្រីការបរទេសទី២របស់ប្រទេសប្រ៊ុយណេ លោក Erywan Yusof ថាការគំរាមកំហែងដល់សន្តិសុខនុយក្លេអ៊ែរសកល កំពុងកាន់តែអាក្រក់ឡើងៗ និងកើនឡើងទាក់ទងនឹងជម្លោះនៅមជ្ឈិមបូព៌ា។

ដោយឆ្លើយសំណួរអំពីភាពធ្ងន់ធ្ងរនៃការគំរាមកំហែងដល់សន្តិសុខនុយក្លេអ៊ែរសកលនាពេលបច្ចុប្បន្ននេះ ដែលទាក់ទងនឹងជម្លោះនៅមជ្ឈិមបូព៌ា លោក ឡាវរ៉ូវ បានកត់សម្គាល់ថា៖«ខ្ញុំចង់និយាយថា ការគំរាមកំហែង កំពុងកាន់តែអាក្រក់ទៅៗ និងកើនឡើងយ៉ាងខ្លាំង»។

រដ្ឋមន្ត្រីការបរទេសរុស្ស៊ីរូបនេះ បានរំលឹកថា សហរដ្ឋអាមេរិក និងអ៊ីស្រាអែល បានអះអាងថា មូលហេតុចម្បងនៃការវាយប្រហារអ៊ីរ៉ង់គឺ «ការជឿជាក់ថា ប្រទេសនេះ កំពុងផលិតគ្រាប់បែកនុយក្លេអ៊ែរ» ខណៈពេលដែលកាលពីខែមិថុនា ឆ្នាំមុន បន្ទាប់ពីសង្គ្រាមអ៊ីរ៉ង់-អ៊ីស្រាអែលរយៈពេល ១២ថ្ងៃ ទីក្រុងវ៉ាស៊ីនតោនបានប្រកាសថា «សមាសធាតុទាំងអស់ និងការងារទាំងអស់លើគ្រាប់បែកនេះ ត្រូវបានបំផ្លាញ»។

លោក ឡាវរ៉ូវ បានសន្និដ្ឋានថា៖«ដូចដែលខ្ញុំបានដកស្រង់សម្តីរបស់លោក Steve Witkoff ប្រសិនបើ     សង្គ្រាមនេះ បានចាប់ផ្តើមដោយសារតែអ៊ីរ៉ង់ បានបដិសេធគម្រោងណាមួយដែលដកហូតសិទ្ធិ ដែលមិនអាចកាត់ផ្តាច់បានរបស់ខ្លួន ក្នុងការបង្កើនការចម្រាញ់សារធាតុអ៊ុយរ៉ានីញ៉ូមសម្រាប់គោលបំណងសន្តិភាព គឺជាសិទ្ធិដែលរដ្ឋដទៃទៀតទាំងអស់ នៅក្នុងពិភពលោកទទួលបាន។ ហើយប្រសិនផលវិបាក បន្ត                រយៈពេលវែង ខ្ញុំធានាចំពោះអ្នកថា កម្លាំង និងចលនាដែលមានឥទ្ធិពល នឹងលេចចេញនៅក្នុងប្រទេសអ៊ី     រ៉ង់ ដើម្បីធ្វើអ្វីដែលសហរដ្ឋអាមេរិកចង់ជៀសវាង ក្នុងការទទួលបានគ្រាប់បែកនុយក្លេអ៊ែរ ពីព្រោះសហរដ្ឋអាមេរិក មិនវាយប្រហារអ្នកដែលមានគ្រាប់បែកនុយក្លេអ៊ែរទេ»៕