ប្រធានាធិបតីបារាំង លោក Emmanuel Macron នៅថ្ងៃពុធ (ទី៤ ខែមីនា ឆ្នាំ២០២៦) បានបង្ហាញសាមគ្គីភាពជាមួយអេស្ប៉ាញ បន្ទាប់ពីមានការគំរាមកំហែងថ្មីៗរបស់ប្រធានាធិបតីអាមេរិក លោក Donald Trump ជុំវិញជំហររបស់ទីក្រុងម៉ាឌ្រីដលើបញ្ហាអ៊ីរ៉ង់។

ការិយាល័យប្រធានាធិបតីបារាំង បានប្រាប់ទូរទស្សន៍ BFMTV ថា លោក Macron ទើបតែបានជជែកជាមួយនាយករដ្ឋមន្ត្រីអេស្ប៉ាញ លោក Pedro Sanchez «ដើម្បីបង្ហាញពីសាមគ្គីភាពរដ្ឋអឺរ៉ុបរបស់បារាំង ជាការឆ្លើយតបទៅនឹងការគំរាមកំហែងថ្មីៗ ដោយដាក់សម្ពាធសេដ្ឋកិច្ច ដែលអេស្ប៉ាញត្រូវបានកំណត់គោលដៅកាលពីម្សិលមិញ»។

លោក Sanchez បានរិះគន់ «សកម្មភាពយោធាជាឯកតោភាគី» របស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ ដោយព្រមានថា វាតំណាងឲ្យការកើនឡើងនូវជម្លោះ និងរួមចំណែកដល់ «សណ្តាប់ធ្នាប់អន្តរជាតិមិនប្រាកដប្រជា និងអរិភាពបន្ថែមទៀត»។

បន្ទាប់មក លោក Trump បានគំរាមកាត់ផ្តាច់ពាណិជ្ជកម្មជាមួយអេស្ប៉ាញ ដោយហៅប្រទេសនវថា ជាសម្ព័ន្ធមិត្ត «មិនល្អ» បន្ទាប់ពីទីក្រុងម៉ាឌ្រីដបានបដិសេធមិនអនុញ្ញាតឲ្យសហរដ្ឋអាមេរិកប្រើប្រាស់មូលដ្ឋានយោធារបស់ខ្លួននៅក្នុងប្រទេសនេះ ដើម្បីវាយប្រហារអ៊ីរ៉ង់។

យ៉ាងណាក្ដី អេស្ប៉ាញក៏បានថ្កោលទោសការវាយប្រហារសងសឹកដោយអ៊ីរ៉ង់ ដែលកំណត់គោលដៅប្រទេសឈូងសមុទ្រផងដែរ៕