កាសែត New York Times រាយការណ៍ថា បុរសជនជាតិប៉ាគីស្ថានម្នាក់ ដែលរងការចោទប្រកាន់ពីបទរៀបចំផែនការធ្វើឃាតលោកប្រធានាធិបតី Donald Trump បានប្រាប់អង្គចៅក្រម នៅថ្ងៃពុធ (៤ មីនា) ថា រូបគេមិនបានស្ម័គ្រចិត្តធ្វើការជាមួយកងកម្លាំងឆ្មាំបដិវត្តន៍អ៊ិស្លាមអ៊ីរ៉ង់ ដើម្បីរៀបចំផែនការនោះទេ។

ក្រសួងយុត្តិធម៌អាមេរិក បានចោទប្រកាន់បុរសឈ្មោះ Asif Merchant ថាបានព្យាយាមជួលមនុស្សនៅសហរដ្ឋអាមេរិក ក្នុងផែនការដាក់គោលដៅលើលោក Trump និងអ្នកនយោបាយអាមេរិកផ្សេងទៀត ដើម្បីសងសឹកនឹងការដែលទីក្រុងវ៉ាស៊ីនតោន បានសម្លាប់មេបញ្ជាការកំពូលរបស់កងកម្លាំងនេះ គឺលោក Qassem Soleimani។ ទីក្រុងតេអេរ៉ង់ បានបដិសេធនូវការចោទប្រកាន់ទាំងនេះ។

សវនាការនេះបានចាប់ផ្តើមកាលពីសប្តាហ៍មុន ពោលគឺប៉ុន្មានថ្ងៃប៉ុណ្ណោះមុនពេលលោក Trump បញ្ជាឱ្យយោធាអាមេរិក ព្រួតដៃគ្នាជាមួយអ៊ីស្រាអែល បើកការវាយប្រហារលើអ៊ីរ៉ង់។ បុរសរូបនេះត្រូវបានចាប់ខ្លួននៅថ្ងៃទី១២ ខែកក្កដា ឆ្នាំ២០២៤ ហើយរយៈពេលមួយថ្ងៃបន្ទាប់ពីការចាប់ខ្លួននោះ ក៏មានហេតុការណ៍ដែលបុរសម្នាក់បានប៉ុនប៉ងបាញ់ប្រហារធ្វើឃាតលោក Trump នៅព្រឹត្តិការណ៍ឃោសនាបោះឆ្នោតមួយក្នុងទីក្រុង Butler រដ្ឋ Pennsylvania។

កាសែត NYT ដកស្រង់សម្តីជនជាប់ចោទ Merchant ដែលបានប្រាប់តុលាការក្នុងអំឡុងពេលសវនាការពីបទភេរវកម្ម និងការជួលគេឱ្យសម្លាប់មនុស្សថា៖ «លោកមិនចង់ធ្វើរឿងនេះដោយស្ម័គ្រចិត្តទេ» ដោយបន្ថែមថា រូបគេចូលរួមក្នុងផែនការដើម្បីតែការពារគ្រួសារខ្លួនក្នុងទីក្រុងតេអេរ៉ង់ប៉ុណ្ណោះ។ យោងតាមកាសែតដដែល លោក Merchant និយាយថា លោកមិនដែលទទួលបានបញ្ជាឱ្យសម្លាប់បុគ្គលជាក់លាក់ណាម្នាក់ឡើយ ប៉ុន្តែអ្នកជួលជនជាតិអ៊ីរ៉ង់របស់លោក បានបញ្ចេញឈ្មោះមនុស្ស ៣ នាក់។

ក្រៅពីលោក Trump បុគ្គលទាំងនោះរួមមានលោក Joe Biden ដែលជាប្រធានាធិបតីនៅពេលនោះ និងលោកស្រី Nikki Haley ដែលបានបរាជ័យក្នុងកិច្ចប្រឹងប្រែងឈ្នះតំណែងបេក្ខជនតំណាងឱ្យគណ