មន្ត្រីលោកខាងលិច បាននិយាយកាលពីថ្ងៃពុធថា នាវាចម្បាំងរបស់ចក្រភពអង់គ្លេសមួយគ្រឿងដែលនឹងត្រូវបញ្ជូនទៅប្រទេសកោះស៊ីប អំឡុងពេលសង្គ្រាមរបស់សហរដ្ឋអាមេរិក និងអ៊ីស្រាអែលជាមួយអ៊ីរ៉ង់ នឹង ចេញដំណើរពីចក្រភពអង់គ្លេស នៅសប្តាហ៍ក្រោយ។

លោកនាយករដ្ឋមន្ត្រី Keir Starmer បានប្រកាសកាលពីថ្ងៃអង្គារថា លោកកំពុងដាក់ពង្រាយនាវាចម្បាំង HMS Dragon ដែលជានាវាពិ

លោក Starmer ក៏បាននិយាយផងដែរថា លោកបានបញ្ជូនឧទ្ធម្ភាគចក្រ Wildcat ចំនួនពីរគ្រឿង ដែលមានសមត្ថភាពប្រឆាំងនឹងយានដ្រូន។

ការប្រកាសនេះ បានធ្វើឡើង បន្ទាប់ពីការវាយប្រហារដោយដ្រូនជាច្រើនលើកពីអ៊ីរ៉ង់ បានកំណត់គោលដៅលើសម្ព័ន្ធមិត្តចក្រភពអង់គ្លេស នៅមជ្ឈិមបូព៌ា និងបន្ទាប់ពីមូលដ្ឋានទ័ពអាកាសអង់គ្លេស Akrotiri ត្រូវបានវាយប្រហារពេញមួយយប់ថ្ងៃអាទិត្យ រហូតដល់ថ្ងៃចន្ទ។

សមាជិកសភាបក្សប្រឆាំង បានចោទប្រកាន់រដ្ឋាភិបាលថា យឺតពេកក្នុងការដាក់ពង្រាយធនធានបន្ថែមបន្ទាប់ពីសង្គ្រាមបានចាប់ផ្តើមកាលពីថ្ងៃសៅរ៍ (ទី ២៨ ខែកុម្ភៈ) ដោយគ្មាននាវាចម្បាំងអង់គ្លេស នៅក្នុងតំបន់នេះ។

មន្ត្រីទាំងនោះ បានប្រាប់អ្នកយកព័ត៌មាននៅទីក្រុងឡុងដ៍ថា នាវាពិឃាតនេះ កំពុងត្រូវបានផ្គត់ផ្គង់ឡើងវិញជាមួយនឹងគ្រាប់រំសេវ ហើយនឹងចេញដំណើរទៅប្រទេសកោះស៊ីប នៅសប្តាហ៍ក្រោយ៕