ប្តីប្រពន្ធជនជាតិប៉ូឡូញលោក Grzegorz និងអ្នកស្រី Malgorzata Markiewicz គ្រោងនឹងហោះហើរមកផ្ទះវិញជាមួយកូនស្រីរបស់ពួកគេ បន្ទាប់ពីរៀបការនៅប្រទេសអូស្រ្តាលី ។

ឥលូវពួកគេជាប់ខ្លួនក្នុងសណ្ឋាការនៅទីក្រុងដូហា ប្រទេសកាតា នៅក្នុងចំណោមអ្នកដំណើររាប់ម៉ឺននាក់ដែលបានជាប់ខ្លួននៅទូទាំងតំបន់ឈូងសមុទ្រអារ៉ាប់ ពេលដែលជម្លោះសហរដ្ឋអាមេរិក-អ៊ីស្រាអែលជាមួយអ៊ីរ៉ង់ បានបង្អាកការធ្វើដំណើរតាមផ្លូវអាកាស ។

អាកាសយានដ្ឋាននៅក្នុងតំបន់ កំពុងប្រតិបត្តិការក្នុងសមត្ថភាពកាត់បន្ថយច្រើនបំផុត ហើយក្រុមហ៊ុនអាកាសចរណ៍ និងរដ្ឋាភិបាល កំពុងព្យាយាមនាំអ្នកដំណើរចេញ ។

សម្រាប់លោក Grzegorz ការរង់ចាំ បានក្លាយជាទុក្ខលំបាករបស់ខ្លួន ។ លោកនិយាយថា បទពិសោធន៍ទាំងអស់ ក្រោយជាប់ខ្លួនអស់រយៈពេល ៤ថ្ងៃ ពួកយើងប្រៀបបាននៅក្នុងហ្គេម “Thrones in the Persian Gulf” ។ ដូច្នេះហើយពួកយើង អត់ដឹងអ្វីទេ ពួកយើងទទួលបានព័ត៌មានផ្លូវការតាមរយៈស្ថានទូតដែលពួកគេណែនាំឲ្យពួកយើងរង់ចាំសិន ។

នៅក្នុងសណ្ឋាគារ អ្នកដំណើរនាំគ្នាធ្វើបច្ចុប្បន្នភាពពីលទ្ធភាពនៃជើងហោះហើរ ហើយនិងថាតើមាននរណាម្នាក់ក្នុងចំណោមពួកគេ អាចចាកចេញទៅបានហើយឬនៅ ។

លោក Grzegorzនិយាយទៀតថា វាពិតជាពិបាកព្យាករខ្លាំងណាស់ ថាតើនឹងមានរឿងអ្វីកើតឡើង ។ តើពួកគេនឹងទុកឲ្យពួកយើងរង់ចាំរយៈពេល ២ថ្ងៃ ៥ថ្ងៃ ឬប្រហែល ២សប្តាហ៍ទៀតឬ? ដូច្នេះហើយ លោកបាននិយាយទៅកាន់ក្រសួងការបរទេសប៉ូឡូញ លោករដ្ឋមន្រ្តី Radek Sikorski ថា លោកចូលចិត្តគាត់ ប៉ុន្តែអ្នកត្រូវតែចាត់វិធានការ ពីព្រោះពួកយើងមិនមែននៅទីនេះ សម្រាប់លំហែរកាយនោះទេ ពួកយើងពុំបានសុំបែបហ្នឹងនោះឡើយ ។

នៅទីក្រុង Dubai ប្រទេសអារ៉ាប់រួម លោក Deirdre Amola ជាអ្នកបង្កើតគេហទំព័រជនជាតិអាមេរិក បានប្រឈមនឹងភាពពុំច្បាស់លាស់ស្រដៀងគ្នានេះ ។ លោកនិយាយថា ការសម្រេចចិត្តដ៏លំបាកបំផុត ថាតើពួកយើងត្រូវតែបន្តនៅ ឬត្រូវព្យាយាមឆ្លងកាត់តាមព្រំដែនគោក? ហើយសម្រាប់រូបលោក រឿងដែលលំបាកបំផុតបន្ទាប់ តើកន្លែងណាដែលលោកអាចហោះហើរបាន? ៕