ប្រធានាធិបតីអាមេរិក លោក ដូណាល់ ត្រាំ (Donald Trump) បាននិយាយថា រដ្ឋបាលរបស់លោក កំពុងពិចារណាលើបេក្ខជនដែលអាចធ្វើទៅបានជាច្រើនរូប ដែលអាចដឹកនាំប្រទេសអ៊ីរ៉ង់ នៅពេលដែលប្រតិបត្តិការយោធានៅក្នុងប្រទេសនេះ ត្រូវបានបញ្ចប់។

លោកបានប្រាប់សារព័ត៌មាន NBC News ក្នុងបទសម្ភាសន៍មួយថា៖«យើងចង់ឲ្យពួកគេ មានមេដឹកនាំល្អ។ យើងមានមនុស្សមួយចំនួនដែលខ្ញុំគិតថា នឹងធ្វើការងារបានល្អ» ដោយបដិសេធមិនបញ្ចេញឈ្មោះនរណាម្នាក់។

លោកបានលើកឡើងថា សហរដ្ឋអាមេរិកកំពុងចាត់វិធានការ ដើម្បីការពារមនុស្សទាំងនេះ ក្នុងអំឡុងពេលប្រតិបត្តិការយោធារបស់ខ្លួន។ លោកបាននិយាយថា៖«យើងកំពុងឃ្លាំមើលពួកគេយ៉ាងហ្មត់ចត់។ 

លោក ត្រាំ បាននិយាយថា៖«យើងចង់ចូលទៅសម្អាតអ្វីៗគ្រប់យ៉ាង»។ «យើងមិនចង់បាននរណាម្នាក់ដែលនឹងកសាងឡើងវិញ ក្នុងរយៈពេល ១០ឆ្នាំទេ»៕