កាសែត The New York Times បានរាយការណ៍កាលពីថ្ងៃពុធ ទី១១ ខែមីនា ថា សហរដ្ឋអាមេរិកទទួលខុសត្រូវសម្រាប់ការវាយប្រហារដោយមីស៊ីល Tomahawk ទៅលើសាលាបឋមសិក្សាអ៊ីរ៉ង់មួយកន្លែងដោយសារតែកំហុសក្នុងការកំណត់គោលដៅ។

កាសែតនេះ ដោយដកស្រង់សម្តីមន្ត្រីអាមេរិក បាននិយាយថា ការស៊ើបអង្កេតលើការវាយប្រហារកាលពីថ្ងៃទី២៨ ខែកុម្ភៈ កំពុងបន្ត ប៉ុន្តែការរកឃើញបឋមគឺ សហរដ្ឋអាមេរិកទទួលខុសត្រូវចំពោះការវាយប្រហារនេះ។ យោធាអាមេរិក បានធ្វើការវាយប្រហារលើមូលដ្ឋានអ៊ីរ៉ង់នៅជាប់គ្នានោះ ដែលអគារសាលារៀនធ្លាប់ជាផ្នែកមួយ ហើយវិធានការសម្របសម្រួលគោលដៅត្រូវបានកំណត់ដោយប្រើប្រាស់ទិន្នន័យចាស់ នេះបើយោងតាមការចុះផ្សាយរបស់កាសែត។

ប្រធានាធិបតីសហរដ្ឋអាមេរិក លោក Donald Trump បានលើកឡើងកាលពីដើមសប្តាហ៍នេះថា អ៊ីរ៉ង់ខ្លួនឯងអាចជាអ្នកទទួលខុសត្រូវ ប៉ុន្តែក្រោយមកបាននិយាយថា លោកអាច «ស្ថិតនៅជាមួយ» អ្វីក៏ដោយ ដែលការស៊ើបអង្កេតបានបង្ហាញ។ អ៊ីរ៉ង់ បាននិយាយថា ការវាយប្រហារលើសាលាបឋមសិក្សានៅភាគខាងត្បូងទីក្រុង Minab បានសម្លាប់មនុស្សជាង១៥០នាក់។ កាសែត The Times បាននិយាយថា មន្ត្រីទីបញ្ជាការកណ្តាលអាមេរិក បានបង្កើតវិធានការសម្របសម្រួលគោលដៅត្រូវបានកំណត់ដោយប្រើប្រាស់ទិន្នន័យចាស់ ដែលផ្តល់ដោយទីភ្នាក់ងារចារកម្មក្រសួងការពារជាតិ។ កាសែតនិយាយថា ក្រុមអ្នកស៊ើបអង្កេតនៅតែកំពុងពិនិត្យមើលថា ហេតុអ្វីបានជាព័ត៌មានក្នុងទិន្ន័យចាស់ ត្រូវបានប្រើប្រាស់ក្នុងការរៀបចំផែនការវាយប្រហារ និងអ្នកណាដែលមិនបានផ្ទៀងផ្ទាត់ទិន្នន័យនេះ។ កាសែត បាននិយាយបន្ថែមថា សាលារៀននេះស្ថិតនៅប្លុកតែមួយជាមួយអគារដែលត្រូវបានប្រើប្រាស់ដោយកងទ័ពជើងទឹករបស់ឆ្មាំបដិវត្តន៍អ៊ីស្លាម ហើយទីតាំងសាលារៀន ដំបូងឡើយជាផ្នែកមួយនៃមូលដ្ឋាន។