ដោយបានដកស្រង់សម្តីមន្រ្តីអាមេរិក ទីភ្នាក់ងារសារព័ត៌មាន Bloomberg បានអះអាងថា  អ៊ីរ៉ង់បានបាត់បង់ប្រព័ន្ធបាញ់មីស៊ីលជាង ៩០% ក្នុងអំឡុងពេលប្រតិបត្តិការយោធារបស់សហរដ្ឋអាមេរិក និងអ៊ីស្រាអែល។ 

កាសែត Bloomberg បានលើកឡើងថា សហរដ្ឋអាមេរិក និងអ៊ីស្រាអែលបាន «រៀនមេរៀនរបស់ពួកគេ» បន្ទាប់ពីការកើនឡើងភាពតានតឹង នៅរដូវក្តៅឆ្នាំ ២០២៥ ហើយឥឡូវនេះ កំពុងប្រើយុទ្ធសាស្ត្របំផ្លាញប្រព័ន្ធបាញ់មីស៊ីល និងទីបញ្ជាការយោធា ដែលធ្វើឲ្យអ៊ីរ៉ង់បាត់បង់សមត្ថភាពក្នុងការធ្វើការវាយប្រហារទ្រង់ទ្រាយធំ។ ដោយមិនដូចមីស៊ីលផ្ទាល់ទេ ប្រព័ន្ធបាញ់មីស៊ីលមិនអាចដាក់នៅក្រោមដី ឬដាក់ជំនួសបានភ្លាមៗទេ ដែលធ្វើឲ្យពួកវាងាយរងគ្រោះ និងជាគោលដៅដ៏សំខាន់។

នាពេលកន្លងមក មន្ទីរបញ្ចកោណបានបញ្ជាក់ថា ចំនួននៃការបាញ់មីស៊ីលរបស់អ៊ីរ៉ង់ បានធ្លាក់ចុះ ៩០% និងយានដ្រូន ៨៣% ចាប់តាំងពីការចាប់ផ្តើមប្រតិបត្តិការ។ កាលពីសប្តាហ៍មុន ទូរទស្សន៍អ៊ីស្រាអែលប៉ុស្តិ៍ I24 បានអះអាងថា អ៊ីរ៉ង់បានបាត់បង់ប្រព័ន្ធបាញ់មីស៊ីល និងប្រព័ន្ធការពារដែនអាកាសរបស់ខ្លួនចំនួន ៦០% នៅក្នុងការប្រយុទ្ធ។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ។ ទីក្រុងសំខាន់ៗរបស់អ៊ីរ៉ង់ រួមទាំងទីក្រុងតេអេរ៉ង់ ត្រូវបានវាយប្រហារដែរ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់៕