ការចូលទៅកាន់អាកាសយានដ្ឋានអន្តរជាតិ Mexico City ត្រូវបានរំខានកាលពីថ្ងៃពុធ ទី១១ ខែមីនា ខណៈអ្នកបើកបរតាក់ស៊ីបានបិទផ្លូវចូលទៅដល់ចំណតស្ថានីយអ្នកដំណើរចំនួនពីរកន្លែងដើម្បីតវ៉ាប្រឆាំងប្រតិបត្តិការនៃកម្មវិធី App ហៅរថយន្តឈ្នួលនៅក្នុងតំបន់សហព័ន្ធនៅជុំវិញអាកាសយានដ្ឋាន មានរយៈពេលបីខែមុនពេលចាប់ផ្តើមព្រឹត្តិការណ៍បាល់ទាត់ពិភពលោក(World Cup) ឆ្នាំ២០២៦ នៅក្នុងទីក្រុងនេះ។

យោងតាមក្រុមអ្នកតវ៉ាបានឲ្យដឹងថា ក្រុមអ្នកបើកបររថយន្តឈ្នួលបានមកប្រមូលផ្តុំគ្នានៅខាងក្រៅអាកាសយានដ្ឋាន ហើយទាមទារឱ្យអាជ្ញាធរអនុវត្តបទប្បញ្ញត្តិ ដែលបានរឹតត្បិតសេវាកម្មផ្អែកលើកម្មវិធី(app) ដូចជា app Uber និង DiDi មិនឱ្យដំណើរការនៅទីធ្លាអាកាសយានដ្ឋាន។ នៅខាងក្នុងអាកាសយានដ្ឋាន អ្នកដំណើរបានបន្តធ្វើដំណើរឆ្លងកាត់ស្ថានីយអ្នកដំណើរ ប៉ុន្តែបានបិទផ្លូវចូល ហើយចរាចរណ៍កកស្ទះបណ្តាលឱ្យមានការពន្យារពេលទៅដល់ចំណតនោះ។

លោក Ignacio Rodriguez ប្រធានចលនាដឹកជញ្ជូនជាតិ បាននិយាយថា ការធ្វើដំណើរជាង ៣.០០០ លើក ត្រូវបានបាត់បង់ជារៀងរាល់ថ្ងៃ ដោយសារតែអ្វីដែលលោកបានចាត់ទុកថាជាសេវាកម្មខុសច្បាប់ ហើយលោកបានអំពាវនាវឱ្យឆ្មាំជាតិ ត្រួតពិនិត្យប្រតិបត្តិការដឹកជញ្ជូនតាមផ្លូវគោកស្របទៅតាមច្បាប់។

បាតុកម្ម បានធ្វើឡើងបន្ទាប់ពីភាពតានតឹងយូរអង្វែងរវាងក្រុមអ្នករត់តាក់ស៊ីជាប្រពៃណី និងក្រុមហ៊ុនហៅរថយន្តឈ្នួលតាមapp ហើយក្រុមអ្នកតវ៉ាបាននិយាយថា ពួកគេនឹងរក្សាសម្ពាធរហូតដល់អាជ្ញាធរប្តេជ្ញាជាលាយលក្ខណ៍អក្សរក្នុងការអនុវត្តក្របខ័ណ្ឌច្បាប់បច្ចុប្បន្ន។