នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ក្រុមប្រតិបត្តិការរុករក​ឧទ្ធម្ភាគចក្រ​ធ្លាក់នៅខេត្តពោធិ៍សាត់ មិនទាន់រកឃើញ ខណៈភាគីពាក់ព័ន្ធកំណត់គោលដៅ៥០គីឡូម៉ែត្របួនជ្រុង

2024/07/14 04:41:08 pm        225
Facebook Telegram Linkin
ក្រសួងការពារជាតិប្រកាសថា ឧទ្ធម្ភាគចក្រមួយគ្រឿង ដែលបានបាត់បង់ចេញពីរាដា(ធ្លាក់) នៅតំបន់ភ្នំជួរក្រវាញ កាលពីថ្ងៃទី១២ ខែកក្កដា កន្លងទៅមិនទាន់បានរកឃើញទេ ខណៈភាគីពាក់ព័ន្ធកំពុងស្វះស្វែង រុករកយ៉ាងសកម្មនោះ។តាមសេចក្តីប្រកាសព័ត៌មានរបស់ក្រសួងការពារជាតិ នាថ្ងៃទី១៤ ខែកក្កដា ឆ្នាំ២០២៤នេះ បាន​បញ្ជាក់ថា​ «ក្រសួងការពារជាតិ ​សូមប្រកាសជូនដំណឹងដល់​សាធារណៈជនឱ្យ​បានជ្រាបថា៖ ក្រោម​កិច្ច​ខិតខំប្រឹងប្រែង​យ៉ាង​យកចិត្តទុកដាក់ពី​ក្រុមការងារជួយសង្រ្គោះ​ អស់រយៈពេលពេញ​មួយថ្ងៃ ចាប់តាំងពីព្រឹកថ្ងៃទី១៣ ខែកក្កដា ឆ្នាំ២០២៤ ​ក្រោម​អាកាសធាតុ​មិន​អំណោយផល​ និង​ឧបសគ្គ​ជា​ច្រើនក្នុងបេសកកម្ម​រុករក​ឧទ្ធម្ភាគចក្រ​មួយគ្រឿង ​ដែលបាន​បាត់បង់ ការ​ទាក់ទង​ពី​ទី​បញ្ជាការ​ទ័ពអាកាស ​ក្នុងពេល​កំពុង​ហាត់ហ្វឹកហ្វឺន​ នៅភូមិសាស្ត្រជួរភ្នំក្រវាញ​ ស្ថិតក្នុងខេត្តពោធិ៍សាត់​ និង ខេត្តកោះកុង ​ក្រុមការងារជួយសង្រ្គោះនៅមិនទាន់ប្រទះឬ រកឃើញឧទ្ធម្ភាគចក្រនេះនៅឡើយ ។ នៅព្រឹកថ្ងៃទី ១៤​ ខែកក្កដា ឆ្នាំ២០២៤ នេះ​ ក្រុមការងារជួយសង្រ្គោះ ​ដែល​មានការ​ចូលរួម​ពី​បណ្តាកង​ឯកភាពពាក់ព័ន្ធ ក្នុងភូមិសាស្ត្របាត់បង់ ឧទ្ធម្ភាគចក្រ និងខិតខំប្រឹងប្រែង​បន្តសកម្មភាព​ស្វែងរកឧទ្ធម្ភាគចក្រដែលបានបាត់បង់បន្តទៀត ។សូមបញ្ជាក់ថា ឧទ្ធម្ភាគចក្រមួយគ្រឿងប្រភេទZ-9ត្រូវបាន​គេរាយការណ៍ថា បាត់ចេញពីរាដា( ធ្លាក់) នៅតំបន់ភ្នំជួរក្រវាញ ​រវាងព្រំប្រទល់ខេត្តពោធិ៍សាត់ ​និងខេត្តកោះកុង​ កាលពីព្រឹកថ្ងៃទី១២ ខែកក្កដា ឆ្នាំ២០២៤ កន្លងទៅនេះ ខណៈកំពុងធ្វើការហ្វឹកហ្វឺន(រៀនបើកបរ)។ បើ​តាម​សេចក្តី​ប្រកាស​ព័ត៌មាន​របស់ក្រសួងការពារជាតិ បានបញ្ជាក់ថា ​ការធ្លាក់នេះ គឺកើតចេញពីអាកាសធាតុមិនអំណោយផល។ក្រុមប្រតិបត្តិការ​ ដែលដឹកនាំ​ដោយ​ក្រសួងការពារជាតិ​ បានកំពុងដាក់គោលដៅកំណត់​យ៉ាង​សកម្មបំផុតក្នុងការរុករក​ ដោយថ្ងៃទី១៤ ខែកក្កដានេះ បានដាក់ផែនការ ៥០គីឡូម៉ែត្រ៤ជ្រុង ក្នុងការរុករក៕ អត្ថបទបាន ចក់

ចិន សាងសង់មូលដ្ឋានយោធាសម្ងាត់ នៅតាហ្ស៊ីគីស្ថាន ស្របពេលមានការភ័យខ្លាចចំពោះក្រុមតាលីបង់

2024/07/12 09:22:09 pm        299
Facebook Telegram Linkin
រូបភាពពីផ្កាយរណប បានបង្ហាញឲ្យឃើញ ប្រទេសចិន កំពុងសាងសង់មូលដ្ឋានយោធាសម្ងាត់មួយ នៅក្នុងប្រទេសតាហ្ស៊ីគីស្ថាន ខណៈដែលខ្លួនកំពុងប្រឈមនឹងការគំរាមកំហែងកាន់តែខ្លាំងឡើងចំពោះសន្តិសុខដែលបង្កឡើងដោយក្រុមតាលីបង់គ្រប់គ្រងប្រទេសអាហ្វហ្គានីស្ថាន។ទីក្រុងប៉េកាំង បាននិងកំពុងសាងសង់មូលដ្ឋាននេះ នៅជ្រុងដាច់ស្រយាលបំផុតមួយនៃពិភពលោកអស់ រយៈពេលជិតមួយទសវត្សរ៍មកហើយ។ ប្រទេសចិន បានចុះហត្ថលេខាលើកិច្ចព្រមព្រៀងសន្តិសុខជាមួយតាជីគីស្ថានក្នុងឆ្នាំ ២០១៦។មូលដ្ឋានដែលត្រូវសង់នៅលើភ្នំដែលមានកម្ពស់ ១៣.០០០ហ្វីត មានប៉មសម្រាប់មើល និងកងទ័ពមកពីប្រទេសទាំងពីរ ដែលឥឡូវនេះ ធ្វើសមយុទ្ធយោធារួមគ្នាយ៉ាងទៀងទាត់ ដែលបង្ហាញនៅលើប្រព័ន្ធផ្សព្វផ្សាយរដ្ឋរបស់ចិន។រដ្ឋាភិបាលទាំងពីរ មិនបានបញ្ជាក់ជាសាធារណៈអំពីស្ថិរភាពរបស់មូលដ្ឋាននេះ ដែលពង្រីកអតីតបន្ទាយរបស់សូវៀតនោះទេ។ ប៉ុន្តែរូបភាពទាំងនោះ បង្ហាញពីល្បឿននៃការសាងសង់ជាលំដាប់ រួមទាំងផ្លូវចូលទៅកាន់មូលដ្ឋាននេះ។ប្រទេសចិន បានព្យាយាមពង្រីកទីតាំងយោធារបស់ខ្លួន នៅតាមព្រំដែនទាំងអស់របស់ខ្លួន ជាពិសេសការរុញចូលទៅក្នុងទឹកដីឥណ្ឌា នៅតំបន់ភ្នំហិមាល័យ។ក្តីបារម្ភ កំពុងកើនឡើងដែលថា ទីក្រុងប៉េកាំង គ្រោងនឹងធ្វើដូចគ្នានៅក្នុងប្រទេសជិតខាង ព្រោះខ្លួនជំរុញទំនាក់ទំនងជាមួយតាហ្ស៊ីគីស្ថាន នៅពេលដែលរុស្ស៊ី ដែលជាដៃគូសេដ្ឋកិច្ច និងសន្តិសុខធម្មតារបស់ខ្លួនកំពុងជាប់គាំងក្នុងការលុកលុយប្រទេសអ៊ុយក្រែន។

លោក ពូទីន ចោទលោកខាងលិចអំពីសកម្មភាពដែលស្រដៀងនឹង«អាណានិគមសម័យបុរាណ»

2024/07/12 09:14:22 pm        78
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រដូចការប្រើប្រាស់ច្បាប់របស់ប្រទេសលោកខាងលិច ជំនួសឲ្យច្បាប់អន្តរជាតិ ទៅនឹងរបបអាណានិគមសម័យបុរាណ។ថ្លែងនៅក្នុងវេទិកាសភា BRICS លោក បានផ្តល់ការពិពណ៌នាអំពីឥរិយាបទរបស់ឥស្សរជនដែលកំពុងកាន់អំណាច នៅក្នុងអ្វីដែលហៅថា បណ្តាប្រទេសមាសពាន់លាន (ប្រទេសដែលមានទ្រព្យសម្បត្តិច្រើនបំផុតនៅក្នុងពិភពលោក)។លោក ពូទីន បានថ្លែងថា៖«ការប្រព្រឹត្តផ្ទុយនឹងទស្សនៈប្រវត្តិសាស្ត្រ ហើយជារឿយៗ បំផ្លាញផលប្រយោជន៍យូរអង្វែងរបស់ជាតិសាសន៍ខ្លួន ឥឡូវនេះ ពួកគេកំពុងស្វែងរកការបង្កើតនូវសណ្តាប់ធ្នាប់មួយចំនួនដោយផ្អែកលើច្បាប់ដែលគេហៅថា ដែលគ្មាននរណាបានឃើញ គ្មាននរណាម្នាក់ មានបានពិភាក្សាហើយក៏គ្មាននរណាម្នាក់ ទទួលយកដែរ»។លោកប្រធានាធិបតី បាននិយាយថា៖«ច្បាប់ទាំងនេះ ត្រូវបានសរសេរ និងកែសម្រួលជាថ្មីសម្រាប់ស្ថានភាពនីមួយៗ ដើម្បីផលប្រយោជន៍របស់អ្នកដែលចាត់ទុកខ្លួនឯងថា ជាមនុស្សពិសេស ហើយបានផ្តល់សិទ្ធិឲ្យខ្លួនឯង ក្នុងការកំណត់ឆន្ទៈរបស់ពួកគេចំពោះអ្នកដទៃ»។ «នេះគឺពិតជានៅក្នុងប្រពៃណីដ៏ល្អបំផុតនៃអាណានិគមសម័យបុរាណ»។លោក ពូទីន បានបន្តថា៖«នេះគឺជាការប៉ុនប៉ងច្បាស់លាស់ ដើម្បីជំនួសច្បាប់អន្តរជាតិដ៏ត្រឹមត្រូវតាមច្បាប់ ដែលជាការប៉ុនប៉ងបង្កើតភាពផ្តាច់មុខលើការពិតចុងក្រោយ»។ «ភាពផ្តាច់មុខបែបនេះ គឺជាការបំផ្លិចបំផ្លាញ»។

ក្រុមចម្រុះអាមេរិក-អង់គ្លេស បានធ្វើការវាយប្រហារតាមអាកាសចំនួន ៥លើក ប្រឆាំងនឹងក្រុមហ៊ួទី

2024/07/12 09:06:33 pm        147
Facebook Telegram Linkin
ទូរទស្សន៍ al-Masirah គ្រប់គ្រងដោយក្រុមហ៊ួទី បានរាយការណ៍ថា ក្រុមចម្រុះអាមេរិក-អង់គ្លេស បានបើកការវាយប្រហារតាមអាកាសចំនួន ៥លើក នៅក្នុងទីក្រុងកំពង់ផែ Hodeidah របស់ប្រទេសយេម៉ែនកាលពីថ្ងៃព្រហស្បតិ៍។ របាយការណ៍របស់ទូរទស្សន៍នេះ បាននិយាយថា ការវាយឆ្មក់វាយប្រហារគោលដៅ ក្នុងតំបន់ Ras Issa ភាគពាយព្យនៃទីក្រុង ដោយពុំបានផ្តល់ព័ត៌មានបន្ថែមទេ។អ្នកស្រុក បាននិយាយនៅលើប្រព័ន្ធផ្សព្វផ្សាយសង្គមថា ការវាយប្រហារទាំងនោះ បានត្រូវចំទូកគ្មានមនុស្សបើករបស់ក្រុមហ៊ួទីជាច្រើនគ្រឿង នៅក្នុងកំពង់ផែនេះ។ពុំមានការអត្ថាធិប្បាយភ្លាមៗពីភាគីចម្រុះនោះទេ ប៉ុន្តែទីបញ្ជាការកណ្តាលរបស់សហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយ នៅលើបណ្តាញសង្គម X ថា កងកម្លាំងរបស់ខ្លួនកាលពីថ្ងៃពុធ បានបំផ្លាញដ្រូនរបស់ក្រុមហ៊ួទីចំនួនពីរគ្រឿង និងទូកគ្មានមនុស្សបើកមួយគ្រឿង នៅក្នុងសមុទ្រក្រហម។នេះ គឺជាការវាយប្រហារចុងក្រោយបង្អស់ដែលបានចាប់ផ្តើមដោយក្រុមចម្រុះប្រឆាំងនឹងគោលដៅរបស់ក្រុមហ៊ួទី។ក្រុមដែលគ្រប់គ្រងភាគច្រើននៃភាគខាងជើងនៃប្រទេសយេម៉ែន បានចាប់ផ្តើមនៅក្នុងខែវិច្ឆិកាឆ្នាំមុនដើម្បីបាញ់មីស៊ីលបាលីស្ទីកប្រឆាំងនាវា និងយានដ្រូនដែលកំណត់គោលដៅទៅលើអ្វីដែលពួកគេបាននិយាយថា ជានាវាដែលមានទំនាក់ទំនងនឹងអ៊ីស្រាអែលឆ្លងកាត់សមុទ្រក្រហម ដើម្បីបង្ហាញពីសាមគ្គីភាពជាមួយប៉ាឡេស្ទីន នៅតំបន់ហ្កាហ្សាស្ទ្រីប។

ហេតុអ្វីលោក Biden បដិសេធមិនចាកចេញពីការប្រជែងតំណែងប្រធានាធិបតីអាមេរិក?

2024/07/12 09:02:50 pm        131
Facebook Telegram Linkin
ភ្លាមៗបន្ទាប់ពីការធ្វើមិនបានល្អក្នុងពេលជជែកដេញដោលរបស់លោក ចូ បៃដិន (Joe Biden) ទល់នឹងលោក ដូណាល់ ត្រាំ (Donald Trump) ការចាកចេញរបស់លោកពីការប្រជែងតំណែងប្រធានាធិបតីអាមេរិក ឆ្នាំ២០២៤ ហាក់ដូចជារឿងជៀសមិនរួចនោះទេចំពោះសម្ព័ន្ធមិត្តយូរអង្វែងមួយចំនួន។ ម្ចាស់ជំនួយរួមគ្នាពិភាក្សាអំពីជំហានបន្ទាប់ អ្នកសរសេរព័ត៌មានទាមទារឱ្យលោកចាកចេញ ខណៈសមាជិកបក្សប្រជាធិបតេយ្យមួយចំនួនបង្ខំឱ្យលោកបញ្ឈប់ ប៉ុន្តែលោក Biden ប្ដេជ្ញាបន្តកិច្ចប្រឹងប្រែងខ្លួន។មានមូលហេតុជាច្រើនសម្រាប់សំណួរដែលថាហេតុអ្វីលោក Biden មិនអើពើនឹងសម្ពាធ ហើយទទូចថាខ្លួននឹងផ្តួលលោក Trump រាប់ចាប់ពីជំនឿជាក់ផ្ទាល់ខ្លួន រហូតដល់គោលនយោបាយគណបក្ស នេះបើតាមកិច្ចសម្ភាសន៍ជាមួយមន្ត្រីបក្សប្រជាធិបតេយ្យ ជំនួយការ អ្នកយុទ្ធសាស្ត្រ និងម្ចាស់ជំនួយ។ប្រភពបានប្រាប់រ៉យទ័រថា ក្នុងចំណោមហេតុផលជាច្រើនសម្រាប់សំណួរនោះ ចំណុចសំខាន់គឺជាការប្ដេជ្ញាចិត្តរបស់លោក Biden ក្នុងការឈរឈ្មោះបោះឆ្នោតឡើងវិញ ទោះជាលោកមានអាយុច្រើនក៏ដោយ ហើយផ្តោតលើការជឿជាក់របស់លោក ដែលថាលោកគឺជាបេក្ខជនគណបក្សប្រជាធិបតេយ្យដ៏ល្អបំផុតក្នុងការផ្ដួលលោក Trump។ ប្រភពទាំងនោះបានបន្ថែមថា លោក Biden មានការសង្ស័យអំពីសមត្ថភាពរបស់អនុប្រធានាធិបតីរបស់ខ្លួនគឺលោកស្រី ខាម៉ាឡា ហារីស (Kamala Harris) ដែលជាជម្រើសជំនួសបេក្ខភាពប្រធានាធិបតីរូបនេះ ថាតើលោកស្រីអាចឈ្នះចិត្តអ្នកបោះឆ្នោតក្នុងពេលពាក់កណ្តាលផ្លូវរួចទៅហើយឬទេជាពិសេសនៅក្នុងរដ្ឋប្រទាញប្រទូង និងការសង្ស័យលើសមត្ថភាពរបស់បេក្ខជនផ្សេងទៀតដែលអាចក្លាយជាអ្នកដឹកនាំនាពេលអនាគតរបស់គណបក្ស៕

លោក Gallant៖ នាយករដ្ឋមន្រ្តីអ៊ីស្រាអែល គួរតែត្រូវបានស៊ើបអង្កេត ចំពោះការបរាជ័យសន្តិសុខថ្ងៃទី៧ តុលា

2024/07/12 08:58:48 pm        121
Facebook Telegram Linkin
រដ្ឋមន្ត្រីការពារជាតិអ៊ីស្រាអែល លោក យ៉ាវ ហ្កាឡាន់ (Yoav Gallant) កាលពីថ្ងៃព្រហស្បតិ៍ (១១ កក្កដា) បានអំពាវនាវឱ្យមានការស៊ើបអង្កេតរដ្ឋលើការបរាជ័យផ្នែកសន្តិសុខ ជុំវិញការវាយប្រហាររបស់ពួកហាម៉ាសកាលពីថ្ងៃទី០៧ ខែតុលា ដោយនិយាយថា គួរតែមានការស៊ើបអង្កេតលើលោកខ្លួនឯងផង និងលោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ផងដែរ។លោក Gallant បានធ្វើការអត្ថាធិប្បាយបែបនេះនៅក្នុងពិធីប្រគល់សញ្ញាបត្រដល់មន្ត្រីយោធាថ្មី ដែលចូលរួមផងដែរដោយលោក Netanyahu ខណៈរដ្ឋាភិបាលចម្រុះរបស់ពួកគេកំពុងមានភាពតានតឹងដោយការប្រយុទ្ធរួចទៅហើយ។លោក Gallant បាននិយាយថា »ការស៊ើបអង្កេតរបស់រដ្ឋ ត្រូវតែមានតម្លាភាព ហើយចាំបាច់ត្រូវស៊ើបអង្កេតលើមនុស្សទាំងអស់ដែលធ្វើការសម្រេចចិត្ត និងអ្នកដែលអនុវត្តការសម្រេចចិត្ត រដ្ឋាភិបាល យោធា និងភ្នាក់ងារសន្តិសុខ»។លោក Netanyahu ធ្លាប់បានច្រានចោលការអំពាវនាវកន្លងមក ក្នុងការបង្កើតការស៊ើបអង្កេតរដ្ឋលើការវាយប្រហារកាលពីថ្ងៃទី០៧ ខែតុលា ដែលបង្កឱ្យមានសង្រ្គាមហ្កាហ្សា ដោយនិយាយថា ការស៊ើបអង្កេត គួរតែត្រូវបានធ្វើឡើងនៅពេលដែលសង្រ្គាមបានបញ្ចប់។ មានតែរដ្ឋាភិបាលទេដែលអាចសម្រេចចិត្តបង្កើតគណៈកម្មការស៊ើបអង្កេតរបស់រដ្ឋបាន៕

សិស្សជាច្រើនមកយកកូនឈើ និងសិក្សាស្វែងយល់ពីសារសំខាន់ព្រៃឈើ ក្នុងពិព័រណ៍ «ពន្លកបៃតង»

2024/07/12 08:26:04 pm        204
Facebook Telegram Linkin
សិស្សានុសិស្សជាច្រើន នៅព្រឹកថ្ងៃទី១២ ខែកក្កដានេះ បានមកយកកូនឈើ និងសិក្សាស្វែងយល់ បន្ថែមពីសារសំខាន់នៃព្រៃឈើ ក្នុងពិព័រណ៍ផ្សព្វផ្សាយ និងចែកកូនឈើ ក្រោមមូលបទ «ពន្លកបៃតង» និងវេទិកាកេសរកូលជាតិ លើកទី៤ នៅក្រសួងបរិស្ថាន រាជធានីភ្នំពេញ ។សិស្សានុសិស្ស បានប្រាប់BTVថា ពេលចូលរួមក្នុងពិព័រណ៍ «ពន្លកបៃតង» បានស្គាល់ឈ្មោះដើម ប្លែកៗដែលពីមុនមកពួកគេមិនដែលបានស្គាល់ បានឃើញ និងទទួលបានចំណេះដឹង​ជាច្រើន​ពីសារសំ ខាន់នៃព្រៃឈើ និងសត្វព្រៃ ដែលមន្រ្តីជំនាញបានរៀបរាប់ប្រាប់ ។ ក្នុងនាមជាយុវជនជំនាន់ក្រោយ ពួកគេ បានប្តេជ្ញាថា នឹងចូលរួមដាំដើម និងថែរក្សាព្រៃឈើ​ឱ្យនៅគង់វង្ស ។ឯកឧត្ត ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងថា ក្នុងរយៈ ពេលពីរថ្ងៃនៅក្នុងពិព័រណ៍ «ពន្លកបៃតង» សាធារណជនជាច្រើន បានចូលរួមទស្សនា និង​យកកូនឈើ ទៅដាំ ដែលក្នុងពេលពីរថ្ងៃ គឺថ្ងៃទី១០ និងទី១១ កូនឈើជាង៤ម៉ឺនដើម ត្រូវបាន​ចែកជូន​សាធារណជន។ឯកឧត្តម បានបញ្ជាក់ថា ដើម្បីធានាថា កូនឈើដែលបានផ្តល់ដល់សាធារណជនយកទៅដាំទាំង ​នោះ អាចរស់ គឺមន្រ្តីជំនាញរបស់ក្រសួងបរិស្ថាន ​បានប្រាប់ពីរបៀបដាំ ថែទាំ និង​ក្រសួង​មាន​យន្តការតាម ដានផងដែរ។គួរបញ្ជាក់ដែរថា ​ក្រសួងបរិស្ថាន ​បានរៀបចំពិព័រណ៍ផ្សព្វផ្សាយ និងចែកកូនឈើ ក្រោមមូលបទ «ពន្លកបៃតង» ​និងវេទិកាកេសរកូលជាតិលើកទី៤​ ចាប់ពីថ្ងៃទី១០ ​ដល់ថ្ងៃទី១២ ​ខែកក្កដា នេះ នៅមុខក្រសួងបរិស្ថាន និងចាប់ពីថ្ងៃទី១០ ដល់ថ្ងៃទី១៦ ខែកក្កដា នេះ នៅតាមមន្ទីររាជធានីខេត្ត។ ក្នុងពិរព័រណ៍ នេះ ​សាធារណជនអាចទៅយកកូនឈើដោយឥតគិតថ្លៃក្នុងម្នាក់ច្រើន​បំផុត​ចំនួនដើម១០ ​ដែលមាន ប្រភេទដើមចម្រុះ ដូចជា ពូជឈើប្រណីត លម្អ និងហូបផ្លែ ជាដើម ៕អត្ថបទ៖ ទូច សោភ័ណ 

ចិន រិះគន់សហភាពអឺរ៉ុប ជុំវិញសេចក្តីថ្លែងការណ៍អំពីសមុទ្រចិនខាងត្បូង

2024/07/12 07:24:02 pm        132
Facebook Telegram Linkin
ប្រទេសចិន បានស្តីបន្ទោសសហភាពអឺរ៉ុប ជុំវិញសេចក្តីថ្លែងការណ៍មួយអំពីសមុទ្រចិនខាងត្បូង ដោយនិយាយថា ការលើកឡើងនោះមិនអើពើនឹងអង្គហេតុជាប្រវត្តិសាស្ត្រ និងឬសគល់នៃបញ្ហា ហើយ «យល់ស្របទាំងងងឹតងងុល» នូវអ្វីដែលខ្លួនហៅថាការរំលោភលើអធិបតេយ្យភាពរបស់ហ្វីលីពីន។នៅថ្ងៃសុក្រ (១២ កក្កដា) នេះ សហភាពអឺរ៉ុបបានចេញសេចក្តីថ្លែងការណ៍មួយដើម្បីប្រារព្ធខួបសេចក្ដីសម្រេចរបស់តុលាការមជ្ឃត្តកម្មអចិន្រ្តៃយ៍ ដែលកាត់ឱ្យអធិបតេយ្យភាពក្នុងដែនទឹកសមុទ្រចិនខាងត្បូងទៅហ្វីលីពីន ប៉ុន្តែត្រូវបានបដិសេធដោយប្រទេសចិន។បេសកកម្មរបស់ចិន ទៅកាន់សហភាពអឺរ៉ុបបាននិយាយនៅក្នុងសេចក្តីថ្លែងការណ៍មួយថា ខ្លួនមានការមិនពេញចិត្តយ៉ាងខ្លាំង និងប្រឆាំងដាច់ខាតចំពោះសេចក្តីថ្លែងការណ៍អំពីសេចក្ដីសម្រេចរបស់តុលាការមជ្ឃត្តកម្មអចិន្រ្តៃយ៍ទាក់ទងនឹងសមុទ្រចិនខាងត្បូង ព្រោះវាជាតំណាងឱ្យសហភាពអឺរ៉ុបទាំងមូលក្នុងការយល់ស្របលើសេចក្ដីសម្រេច។ប្រទេសចិន បាននិយាយថា សហភាពអឺរ៉ុបគួរតែយល់ឱ្យច្បាស់ពីការពិតជាមុនសិន និងត្រូវមានភាពយុត្តិធម៌ ហើយគោរពសិទ្ធិ និងផលប្រយោជន៍របស់ភាគីចិន ក៏ដូចជាកិច្ចខិតខំប្រឹងប្រែងរបស់បណ្តាប្រទេសក្នុងតំបន់ដើម្បីសន្តិភាព និងស្ថិរភាព៕

UN ទាមទារឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរធំបំផុតរបស់អឺរ៉ុប នៅអ៊ុយក្រែន

2024/07/12 07:13:47 pm        93
Facebook Telegram Linkin
មហាសន្និបាតអង្គការសហប្រជាជាតិ កាលពីថ្ងៃព្រហស្បតិ៍ បានទាមទារឱ្យរុស្ស៊ី ដកកងទ័ពនិងបុគ្គលិក ដែលគ្មានការអនុញ្ញាតផ្សេងទៀតជាបន្ទាន់ ចេញពីរោងចក្រថាមពលនុយក្លេអ៊ែរ Zaporizhzhia របស់អ៊ុយក្រែន ហើយប្រគល់រោងចក្រនេះ ទៅឲ្យការគ្រប់គ្រងពេញលេញរបស់អាជ្ញាធរអ៊ុយក្រែនវិញ។ មហាសន្និបាតដែលមានសមាជិកចំនួន ១៩៣រូប បានអនុម័តសេចក្តីសម្រេចមួយដោយទទួលបានសំឡេងគាំទ្រ ៩៩ សំឡេង ប្រឆាំង៩សំឡេង និងអនុបវាទចំនួន ៦០។រោងចក្រ Zaporizhzhia ជារោងចក្រធំបំផុតនៅអឺរ៉ុប ត្រូវបានរុស្ស៊ីដណ្តើមយកភ្លាមៗ បន្ទាប់ពីចាប់ផ្តើមការវាយលុកពេញលេញនៅប្រទេសអ៊ុយក្រែន ក្នុងខែកុម្ភៈ ឆ្នាំ២០២២។ រោងចក្រត្រូវបានបិទ ប៉ុន្តែត្រូវការថាមពលពីខាងក្រៅ ដើម្បីរក្សាសម្ភារៈនុយក្លេអ៊ែររបស់រោងចក្រឱ្យនៅត្រជាក់ និងការពារមហន្តរាយ។ និយាយនៅមុនពេលបោះឆ្នោត ឯកអគ្គរដ្ឋទូតប្រចាំអង្គការសហប្រជាជាតិរបស់អ៊ុយក្រែន លោក សឺហ្គី គិស្លីស៊ីយ៉ា(Sergiy Kyslytsya) បានជំរុញឱ្យប្រទេសនានា បោះឆ្នោតគាំទ្រសេចក្តីសម្រេចនេះ ដោយនិយាយថា យើងជាប់ជំពាក់ដល់មនុស្សជំនាន់ក្រោយ។ យើងត្រូវតែធានាបានថា គ្រោះមហន្តរាយនុយក្លេអ៊ែរ មិនកើតឡើងម្តងទៀតនោះទេ។ក្នុងសង្រ្គាម ប្រទេសអ៊ុយក្រែន និងរុស្ស៊ី បានចោទប្រកាន់គ្នាទៅវិញទៅមក ពីការបាញ់ផ្លោងទៅលើរោងចក្រ និងធ្វើឲ្យដួលរំលំបណ្តាញអគ្គិសនី។ សេចក្តីសម្រេចរបស់អង្គការសហប្រជាជាតិ អំពាវនាវឱ្យបញ្ឈប់ជាបន្ទាន់នូវការវាយប្រហារដោយសហព័ន្ធរុស្ស៊ីទៅលើហេដ្ឋារចនាសម្ព័ន្ធថាមពលសំខាន់ៗរបស់អ៊ុយក្រែន ដែលបង្កើនហានិភ័យនៃឧបទ្ទវហេតុនុយក្លេអ៊ែរ ឬឧបទ្ទវហេតុនៅទីតាំងនុយក្លេអ៊ែរទាំងអស់ របស់អ៊ុយក្រែន។អគ្គរដ្ឋទូតរងប្រចាំអង្គការសហប្រជាជាតិរបស់រុស្ស៊ី លោក Dmitry Polyanskiy បាននិយាយទៅកាន់មហាសន្និបាត មុនការបោះឆ្នោតថា គោលបំណងនៃសេចក្តីសម្រេចគឺដើម្បីព្យាយាមផ្សព្វផ្សាយនិទានកថារបស់ប្រទេសលោកខាងលិចមិនពិត អំពីប្រភពនៃការគំរាមកំហែងដល់រោងចក្រនុយក្លេអ៊ែរនៅអ៊ុយក្រែន។

ប្រទេសហុងគ្រី នឹងមិនគាំទ្រឱ្យអង្គការ NATO ប្រែក្លាយទៅជាប្លុកប្រឆាំងចិន នោះទេ

2024/07/12 07:10:11 pm        109
Facebook Telegram Linkin
រដ្ឋមន្ត្រីការបរទេសហុងគ្រី លោក ភីតធើ ហ្ស៊ីចាតូ (Peter Szijjarto) បាននិយាយកាលពីថ្ងៃព្រហស្បតិ៍ (១១ កក្កដា) ថា ប្រទេសហុងគ្រី មិនចង់ឱ្យអង្គការណាតូ (NATO) ក្លាយជាប្លុក «ប្រឆាំងចិន» នោះទេ ហើយនឹងមិនគាំទ្រឱ្យធ្វើដូច្នេះឡើយ។ នៅក្នុងការអត្ថាធិប្បាយនៅខាងក្រៅកិច្ចប្រជុំកំពូល ណាតូ ក្នុងទីក្រុងវ៉ាស៊ីនតោន លោកក៏បាននិយាយថា ការទទួលយករបស់អ៊ុយក្រែន ចូលទៅក្នុងសម្ព័ន្ធយោធានេះ នឹងធ្វើឱ្យការរួបរួមនៅក្នុងក្រុមចុះខ្សោយ។ពង្រាងសេចក្តីប្រកាសនៃកិច្ចប្រជុំកំពូលនេះ បានពណ៌នាប្រទេសចិន ថាជាអ្នកជួយសម្រេចកិច្ចខិតខំប្រឹងប្រែងសង្រ្គាមរបស់រុស្ស៊ី នៅអ៊ុយក្រែន ហើយបាននិយាយថាទីក្រុងប៉េកាំង នៅតែបន្តបង្កបញ្ហាជាប្រព័ន្ធដល់អឺរ៉ុប និងដល់សន្តិសុខ។ ប្រទេសចិន បាននិយាយថាសេចក្តីថ្លែងការណ៍នេះមានភាពលម្អៀង និង «សាបព្រោះភាពមិនចុះសម្រុងគ្នា»។លោក ហ្ស៊ីចាតូ បានប្រាប់ទូរទស្សន៍រដ្ឋហុងគ្រី ក្នុងការឆ្លើយតបនឹងសំណួរអំពីកិច្ចខិតខំប្រឹងប្រែងបង្កើតសម្ព័ន្ធភាពរបស់ណាតូ នៅឥណ្ឌូប៉ាស៊ីហ្វិកថា «ណាតូ គឺជាសម្ព័ន្ធមិត្តការពារជាតិ ហើយយើងមិនអាចប្រែវាទៅជាប្លុកប្រឆាំងចិនបានទេ។ ចំណែកការចូលរួមរបស់អ៊ុយក្រែន នឹងមិនពង្រឹងណាតូឡើយ ដោយសារតែមានទស្សនៈខុសគ្នាទាំងស្រុងលើសមាជិកភាពរបស់ពួកគេ»។ ប្រទេសចិន គឺជាដៃគូពាណិជ្ជកម្ម និងវិនិយោគដ៏សំខាន់សម្រាប់ហុងគ្រី ខណៈរដ្ឋសមាជិកសហភាពអឺរ៉ុបផ្សេងទៀតកំពុងស្វះស្វែងកាត់បន្ថយការពឹងផ្អែកលើទីក្រុងប៉េកាំង។ នាយករដ្ឋមន្ត្រីហុងគ្រី លោក វីកទ័រ អ័របាន (Viktor Orban) បានជួបជាមួយប្រធានាធិបតីចិន លោក ស៊ី ជីនពីង (Xi Jinping) កាលពីថ្ងៃចន្ទ សប្ដាហ៍នេះ ដើម្បីពិភាក្សាអំពីលទ្ធភាពនៃកិច្ចព្រមព្រៀងសន្តិភាពអ៊ុយក្រែន បន្ទាប់ពីដំណើរទស្សនកិច្ចទៅកាន់ទីក្រុងគីវ និងទីក្រុងមូស្គូ៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.