នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវក្រាលក្រួសក្រហម និងស្ពានបេតុង ជា​អំណោយ​របស់​សម្តេច​ធិបតី​ផ្ដល់​ជូន​ពលរដ្ឋ​នៅ​ស្រុក​ត្រពាំងប្រាសាទ

នយោបាយ​ និង ការអភិវឌ្ឍន៍

ឯកឧត្តមបណ្ឌិត ម៉ឹង មករា ជំរុញដល់ក្រុមការងាររួមគ្នាប្រែក្លាយតំបន់ប្រវត្តិសាស្ត្រ ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍"

2024/06/20 09:32:07 am        121
Facebook Telegram Linkin
ត្បូងឃ្មុំ៖ ឯកឧត្តមបណ្ឌិត ម៉ឹង មករា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋាន ស្រុកមេមត់ ខេត្តត្បូងឃ្មុំ បានជំរុញថ្នាក់ដឹកនាំ និងមន្រ្តីនៅស្រុកមេមត់ ចូលរួមចំណែកប្រែក្លាយតំបន់ប្រវត្តិសាស្ត្រ "យោធាតេជោកោះថ្ម X១៦" ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍" ។ក្នុងឱកាសដឹកនាំក្រុមការងារចុះទស្សនកិច្ចតំបន់ប្រវត្តិសាស្ត្រ "យោធាតេជោកោះថ្ម X១៦" ឯកឧត្តមបណ្ឌិត ម៉ឹង មករា បានលើកឡើងថា គោលបំណងចម្បងរបស់ក្រុមការងាររាជរដ្ឋាភិបាលចុះមូលដ្ឋានស្រុកមេមត់ គឺចូលរួមចំណែកប្រែក្លាយតំបន់ប្រវត្តិសាស្ត្រ ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍ប្រវត្តិសាស្រ្ត ទេសចរណ៍កសិកម្ម និងជាតំបន់សេដ្ឋកិច្ចពិសេស" ដែលនាំមកនូវ​ទេសចរណ៍ និងការនាំចេញនាំចូលទំនិញរវាងប្រទេសទាំងពីរកម្ពុជា វៀតណាម ដើម្បីលើក​ស្ទួយជីវភាព​ប្រជាពលរដ្ឋ និងសេដ្ឋកិច្ចជាតិ។ឯកឧត្តមបណ្ឌិត ម៉ឹង មករា បានគូសរំលេចថា វីរភាព សម្ដេចតេជោ នៅថ្ងៃទី២០ ខែមិថុនា ឆ្នាំ១៩៧៧ ដែលបានសម្រេចចិត្តចាកចេញពីប្រពន្ធកូនជាទីស្រឡាញ់ និងយកជីវិតទៅប្ដូរ ដើម្បី​សង្គ្រោះប្រជាជាតិ និងមាតុភូមិកម្ពុជា ពីរបបប្រល័យពូជសាសន៍ ប៉ុលពត និងបានដឹកនាំកសាង​ប្រទេសឱ្យមាន សុខសន្តិភាព និងការអភិវឌ្ឍជានិរន្តរ៍ មកដល់បច្ចុប្បន្ន គឺជាគុណបំណាច់​ដ៏ធំធេង​បំផុត សម្រាប់ប្រជាជាតិខ្មែរទាំងមូល ដែលកូនខ្មែរមិនអាចបំភ្លេចបានឡើយ។ក្នុងនាម ឯកឧត្តមជាកូនខ្មែរ និងជួសមុខឱ្យថ្នាក់ដឹកនាំ និងសមាជិកសមាជិកា ក្រុមការងារថ្នាក់ជាតិ​ចុះមូលដ្ឋាន ស្រុកមេមត់ ខេត្តត្បូងឃ្មុំ យើងខ្ញុំសូមគោរពដឹងគុណដ៍ជ្រាវជ្រៅបំផុតនៅគំរូវីរភាព សម្ដេចអគ្គមហាសេនាបតីតេជោ ហ៊ុន សែន និងវីរជនកម្ពុជាទាំងអស់ដែលបានធ្វើពាក់កម្ម ដើម្បី​បុព្វហេតុជាតិមាតុភូមិ ជាទីស្រឡាញ់នៃយើងឱ្យមានការរស់រានមានជីវិត និងសុខសន្តិភាព ការអភិវឌ្ឍពេញលេញជានិរន្តរ៍។ រាជរដ្ឋាភិបាលកម្ពុជា តាមរយៈក្រុមការងារ​រាជរដ្ឋាភិបាល​ចុះមូលដ្ឋាន និងអជ្ញាធរមូលដ្ឋាន តែងតែ​យកចិត្តទុកដាក់ខ្ពស់ក្នុងការលើកម្ពស់អភិបាលកិច្ចល្អ លើកស្ទួយកម្រឹតជីវភាព​សេដ្ឋកិច្ច​គ្រួសារប្រជាពលរដ្ឋក្នុងមូលដ្ឋាន គាំពារ​សុខមាលភាព​ប្រជាពលរដ្ឋ ដើម្បីឲ្យពួកគាត់ទទួលបានឱកាស និងមានលទ្ធភាពចូលរួមចំណែកក្នុងការថែរក្សានូវ "សុខសន្តិភាព និងការអភិវឌ្ឍប្រទេស"។ ក្នុងការអភិវឌ្ឍប្រទេសជាតិ ដោយឆ្លងកាត់​បង្គោលចរ​នៃការប្រែក្លាយខ្លួនជា "ប្រទេសមានចំណូលមធ្យមកម្រិតខ្ពស់នៅ ឆ្នាំ២០៣០" ឆ្ពោះទៅ​សម្រេចបាននូវចក្ខុវិស័យប្រែក្លាយកម្ពុជា ជា "ប្រទេសអភិវឌ្ឍន៍នៅ ឆ្នាំ២០៥០" ។សូមបញ្ជាក់ផងដែរ ឯកឧត្តមបណ្ឌិត បានដឹកនាំក្រុមការងារមករំលឹកដល់​វិញ្ញាណក្ខន្ធ កុមារា ហ៊ុន កំសត់ ដែលត្រូវជាបុត្ររបស់សម្ដេចអគ្គមហាសេនាបតីតេជោ ហ៊ុន សែន និង​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានស្លាប់ក្នុងរបប ប៉ុល ពត កាលពីថ្ងៃឋតី១០ វិច្ឆិកា ឆ្នាំ១៩៧៦ នៅមន្ទីរពេទ្យស្រុក ដែលបច្ចុប្បន្ននេះជាវិទ្យាល័យ ប៊ុន រ៉ានី ហ៊ុន សែន មេមត់។ ឯកឧត្តមបណ្ឌិត ម៉ឹង មករា បានបន្តដឹកនាំក្រុមការងារចុះទស្សនកិច្ចតំបន់ប្រវត្តិសាស្ត្រ "យោធាតេជោកោះថ្ម X១៦" ដែលជាកន្លែងតស៊ូរបស់ សម្ដេចតេជោ ហ៊ុន សែន អតីតនាយករដ្ឋមន្ត្រី​នៃកម្ពុជា ក្នុងដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត កាលពីថ្ងៃទី២០ ខែមិថុនា ឆ្នាំ១៩៧៧ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ ព្រំដែនកម្ពុជា-វៀតណាម៕

ប្រជាជនម៉ិកស៊ិកដែលភៀសខ្លួនចេញពីអំពើហិង្សា ទាមទាររកយុត្តិធម៌ និងសន្តិភាព

2024/06/20 08:46:36 am        126
Facebook Telegram Linkin
ក្នុងសម្លៀកបំពាក់ពណ៌ស ប្រជាជនដែលភៀសខ្លួនចេញពីអំពើហឹង្សា ពីទីក្រុង Tila ភាគខាងត្បូងប្រទេសម៉ិកស៊ិក បានចេញធ្វើបាតុកម្ម កាលពីថ្ងៃពុធ ដើម្បីទាមទារឱ្យរដ្ឋាភិបាល អនុញ្ញាតឱ្យពួកគេ បានត្រឡប់ទៅលំនៅឋានវិញដោយសុវត្ថិភាព។ដោយមានកាន់ស្លាកសញ្ញា និងប៉ោងប៉ោងជាមួយសារនៃសន្តិភាព និងយុត្តិធម៌ អ្នកស្រុក Tila បានដើរកាត់តាមដងផ្លូវ Yajalon ជាកន្លែងដែលបច្ចុប្បន្ន ពួកគេកំពុងជ្រកកោន។ សាក្សី បានប្រាប់សារព័ត៌មានរ៉យទ័រថា កាលពីយប់ថ្ងៃទី៤ ខែមិថុនា ជនប្រដាប់អាវុធជាច្រើននាក់ បានមកដល់តាមរថយន្ត នៅក្នុងទីក្រុង Tila ហើយបានចាប់ផ្តើមបាញ់ប្រហារទៅលើលំនៅឋាន និងផ្ទះអាជីវកម្ម ព្រមទាំងបានដុតអគារជាច្រើន។អំពើហិង្សានៅក្រុងTila បានអូសបន្លាយពេល៣បីថ្ងៃ រហូតដល់ថ្ងៃទី៧ មិថុនា ទើបកងទ័ពបានមក ដល់។ អ្នកស្រុកTila ទាំងអស់ប្រហែលជា៤.០០០នាក់ បានភៀសខ្លួនចេញពីលំនៅឋាន ដោយពុំមានយកអ្វីទៅតាមខ្លួន ក្រៅពីសម្លៀកបំពាក់មួយចំនួនទៅជាមួយ។ប្រជាជន និយាយថា អំពើហិង្សាបានកើនឡើងក្នុងប៉ុន្មានឆ្នាំចុងក្រោយនេះ រួមជាមួយការជួញដូរគ្រឿងញៀន និងការជំរិតទារប្រាក់។

ប្រសាសន៍សំខាន់ៗរបស់សម្តេចធិបតី ក្នុងខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត

2024/06/20 08:42:18 am        167
Facebook Telegram Linkin
ត្បូងឃ្មុំ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅព្រឹកថ្ងៃទី២០ ខែមិថុនានេះ បានអញ្ជើញជាអធិបតីក្នុងពិធីខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២៤) និងពិធីបញ្ចុះបឋមសិលាសាងសង់ហេដ្ឋារចនាសម្ព័ន្ធនានា នៅតំបន់ប្រវត្តិសាស្រ្តយោធាតេជោកោះថ្ម (X16) ។ ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីរម្លឹកខួបលើកទី ៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត នៅថ្ងៃទី២០ ខែមិថុនា ឆ្នាំ២០២៤ បាន មានប្រសាសន៍ថា កម្ពុជាធ្លាប់បានជួយវៀតណាមឱ្យរំដោះប្រទេស រហូតឈានដល់ការបង្រួបបង្រួមជាតិ។ វៀតណាម ក៏ធ្លាប់បានជួយកម្ពុជា ឱ្យរំដោះប្រទេសចេញពីរបបប្រល័យពូជសាសន៍ ប៉ុល ពត ដែរ។ សម្ដេចធិបតីបន្ថែមថា នេះជាសច្ចភាពប្រវត្តិសាស្ត្រដែលប្រជាជននៃប្រទេសទាំងពីរត្រូវយល់ឱ្យច្បាស់ ដើម្បីជៀសវាងការបកស្រាយឱ្យមានការយល់ច្រឡំណាមួយ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីរម្លឹកខួបលើកទី ៤៧ ទិវានៃការចងចាំដំ ណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត នៅថ្ងៃទី២០ ខែមិថុនា ឆ្នាំ២០២៤ បានមា នប្រសាសន៍ថា ការបំផ្លាញសន្តិភាព មិនពិបាកនោះទេ ប៉ុន្តែការស្វែងរកសន្តិភាពទើបជាការលំបាក។ ប្រទេសខ្លះ ត្រូវចំណាយពេលរាប់ឆ្នាំក៏នៅតែមិនអាចស្វែងរកសន្តិភាពសម្រាប់ប្រទេសខ្លួនបាននៅឡើយ។ ហេតុនេះត្រូវការពារឱ្យបានជាដាច់ខាតនូវសុខសន្តិភាព ដែលកំពុងតែកើតមាននៅកម្ពុជាសព្វថ្ងៃ និង កម្ទេចចោលរាល់ការប៉ុនប៉ងណាមួយ ដែលចង់បំផ្លាញសន្តិភាពនៅកម្ពុជា។

លោក Putin និងលោក Kim ចុះហត្ថលេខាលើកិច្ចព្រមព្រៀងថ្មីនៅជំនួបកំពូលប្រឆាំងលោកខាងលិចក្នុងទីក្រុងព្យុងយ៉ាង

2024/06/20 08:37:42 am        189
Facebook Telegram Linkin
លោកធានាធិបតីរុស្ស៊ី Vladimir Putin និងមេដឹកនាំកូរ៉េខាងជើង លោក Kim Jong Un បានចុះហត្ថលេខាលើភាពជាដៃគូយុទ្ធសាស្ត្រគ្រប់ជ្រុងជ្រោយកាលពីថ្ងៃទី ១៩ ខែមិថុនា ក្នុងអំឡុងដំណើរទស្សនកិច្ចលើកដំបូងរបស់ប្រធានាធិបតីរុស្ស៊ីក្នុងរយៈពេល ២៤ ឆ្នាំទៅកាន់រដ្ឋឯកាមួយនេះ។កិច្ចព្រមព្រៀងនេះអំពាវនាវឱ្យមានការផ្ដល់ជំនួយទៅវិញទៅមកនៅក្នុងព្រឹត្តិការណ៍នៃការវាយប្រហារដោយប្រទេសទីបី និងមានបំណងដើម្បីទទួលយកកិច្ចសហប្រតិបត្តិការរវាងរដ្ឋទាំងពីរទៅកាន់កម្រិតថ្មីមួយ។លោក Kim បាននិយាយថា កិច្ចព្រមព្រៀងនេះឈានចូលដល់យុគសម័យថ្មីមួយ ដោយបន្ថែមថាកិច្ចសហប្រតិបត្តិការរបស់មេដឹកនាំទាំង២លើបញ្ហានយោបាយ យោធា សេដ្ឋកិច្ច និងបញ្ហាផ្សេងៗទៀតមានសន្តិភាព នឹងមានគោលបំណងការពារផលប្រយោជន៍របស់រដ្ឋទាំងពីរ។ លោក Kim បាននិយាយថា ខ្ញុំពុំមានការងឿងឆ្ងល់ទេថា កិច្ចព្រមព្រៀងនេះ នឹងក្លាយជាកម្លាំងចលករក្នុងការអភិវឌ្ឍន៍យ៉ាងលឿននៃពិភពពហុប៉ូលថ្មីមួយ។ទីប្រឹក្សាជាន់ខ្ពស់របស់លោកប្រធានាធិបតីអ៊ុយក្រែន Volodymyr Zelenskiy បាននិយាយបន្ទាប់ពីកិច្ចព្រមព្រៀងត្រូវបានចុះហត្ថលេខា ថាកូរ៉េខាងជើងកំពុងជួយរុស្ស៊ីសម្លាប់ជនស៊ីវិលអ៊ុយក្រែន៕

NATO៖ សន្ធិសញ្ញារុស្ស៊ី និងកូរ៉េខាងជើង បង្ហាញពីការគាំទ្រទៅវិញទៅមកដោយមហាអំណាចផ្តាច់ការ

2024/06/20 08:31:31 am        224
Facebook Telegram Linkin
ប្រធានអង្គការណាតូ (NATO) បាននិយាយកាលពីថ្ងៃពុធ (១៩ មិថុនា) ថា កិច្ចព្រមព្រៀងការពារថ្មីរបស់រុស្ស៊ី ជាមួយកូរ៉េខាងជើង បង្ហាញពីការបង្កើនភាពស្របគ្នាក្នុងចំណោមមហាអំណាចផ្តាច់ការ និងគូសបញ្ជាក់ពីសារៈសំខាន់នៃលទ្ធិប្រជាធិបតេយ្យដែលបង្ហាញពីរណសិរ្សរួបរួម។ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បានចុះហត្ថលេខាលើកិច្ចព្រមព្រៀងមួយជាមួយលោក គីម ជុងអ៊ុន (Kim Jong Un) របស់កូរ៉េខាងជើង ដែលរួមបញ្ចូលការសន្យាការពារគ្នាទៅវិញទៅមក ដោយជាវិធានការដែលផ្លាស់ប្តូរគោលនយោបាយរបស់ទីក្រុងមូស្គូ ចំពោះទីក្រុងព្យុងយ៉ាង។អគ្គលេខាធិការអង្គការណាតូ លោក ជេនស៍ ស្តុលថិនប៊ឺក (Jens Stoltenberg) បាននិយាយក្នុងកិច្ចពិភាក្សាអំឡុងពេលដំណើរទស្សនកិច្ចជាផ្លូវការទៅកាន់ទីក្រុងអូតាវ៉ា ថា កូរ៉េខាងជើង បានផ្តល់ «គ្រាប់រំសេវដ៏ច្រើនសម្បើម» ដល់រុស្ស៊ី ខណៈដែលទាំងចិន និងអ៊ីរ៉ង់ កំពុងគាំទ្រទីក្រុងមូស្គូ ក្នុងសង្គ្រាមប្រឆាំងអ៊ុយក្រែន។ យើងត្រូវតែដឹងថាអំណាចផ្តាច់ការកំពុងត្រូវរ៉ូវគ្នាកាន់តែខ្លាំងឡើង ហើយពួកគេកំពុងគាំទ្រគ្នាទៅវិញទៅមកតាមរបៀបដែលយើងមិនធ្លាប់ឃើញពីមុនមក។លោកបន្តថា ភាពស្និទ្ធស្នាលកាន់តែខ្លាំងឡើងរវាងរុស្ស៊ី និងប្រជាជាតិអាស៊ីផ្សេងទៀត មានន័យថា ពេលនេះមានសារៈសំខាន់ខ្លាំងណាស់ដែលណាតូ ធ្វើការជាមួយសម្ព័ន្ធមិត្តនៅក្នុងតំបន់អាស៊ីប៉ាស៊ីហ្វិក ដោយបន្ថែមថា នេះជាមូលហេតុដែលមេដឹកនាំមកពីប្រទេសអូស្ត្រាលី ជប៉ុន នូវែលសេឡង់ និងកូរ៉េខាងត្បូងត្រូវបានអញ្ជើញឱ្យចូលរួមក្នុងកិច្ចប្រជុំកំពូល ណាតូ នៅទីក្រុងវ៉ាស៊ីនតោន ក្នុងខែក្រោយនេះ៕

ដំណើរទស្សនកិច្ចរបស់លោក ពូទីន ទៅវៀតណាម បង្ហាញពីឥទ្ធិពលរបស់រុស្ស៊ី នៅអាស៊ីអាគ្នេយ៍

2024/06/20 08:02:13 am        198
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កំពុងស្ថិតនៅក្នុងប្រទេសវៀតណាម នៅថ្ងៃព្រហស្បតិ៍ (២០ មិថុនា) នេះ ជាលើកដំបូងក្នុងរយៈពេលជាងមួយទសវត្សរ៍ ជាទីដែលលោកត្រូវបានគេរំពឹងថានឹងស្វះស្វែងរកការគាំទ្រ ខណៈទីក្រុងមូស្គូ ប្រឈមនឹងភាពឯកោអន្តរជាតិជុំវិញសង្រ្គាមអ៊ុយក្រែន។ ដំណើរទស្សនកិច្ចផ្លូវរដ្ឋរយៈពេលពីរថ្ងៃរបស់លោក នឹងបង្ហាញការយកចិត្តទុកដាក់លើឥទ្ធិពលរបស់រុស្ស៊ី នៅក្នុងតំបន់អាស៊ីអាគ្នេយ៍ ដែលទីក្រុងហាណូយ នៅតែជាមិត្តមួយក្នុងចំណោមមិត្តមួយចំនួនរបស់ទីក្រុងមូស្គូ។លោក ពូទីន ត្រូវបានគេរំពឹងថានឹងជំរុញឱ្យមានទំនាក់ទំនងកាន់តែជិតស្និទ្ធជាមួយវៀតណាម តាមរយៈកិច្ចសហប្រតិបត្តិការលើវិស័យការពារជាតិ ថាមពល ពាណិជ្ជកម្ម និងប្រតិបត្តិការរូបិយប័ណ្ណ កសាងទំនាក់ទំនងទ្វេភាគីយូរអង្វែង។លោក អៀន ស្តរ៉េយ (Ian Storey) មន្ត្រីជាន់ខ្ពស់មកពីវិទ្យាស្ថានស្រាវជ្រាវសង្គម-នយោបាយ ISEAS បាននិយាយថា «ដំណើរទស្សនកិច្ចរបស់លោក ពូទីន កើតឡើងភ្លាមៗបន្ទាប់ពីកិច្ចប្រជុំកំពូលសន្តិភាពអ៊ុយក្រែននៅប្រទេសស្វីស ដែលរុស្ស៊ីមិនត្រូវបានអញ្ជើញ»។ ដូច្នេះលោក ពូទីន ចង់បង្ហាញដល់ពិភពលោកថា កិច្ចខិតខំប្រឹងប្រែងរបស់លោកខាងលិច ដើម្បីផ្ដល់ភាពឯកោឱ្យរុស្ស៊ី បានបរាជ័យក្នុងទស្សនៈរបស់លោក ហើយថារុស្ស៊ី នៅតែមានមិត្តនៅជុំវិញពិភពលោក រួមទាំងនៅអាស៊ីផងដែរ»។ ដំណើរទស្សនកិច្ចនេះក៏កើតមានឡើងបន្ទាប់ពីលោក ពូទីន បានទៅទីក្រុងព្យុងយ៉ាង កាលពីថ្ងៃពុធ មុននោះ សម្រាប់ដំណើរទស្សនកិច្ចលើកដំបូងរបស់ខ្លួនទៅកូរ៉េខាងជើងក្នុងរយៈពេល ២៤ឆ្នាំ។វៀតណាម បានបន្តទំនាក់ទំនងយ៉ាងស៊ីជម្រៅជាប្រវត្តិសាស្ត្ររបស់ខ្លួនជាមួយអតីតសហភាពសូវៀត ទោះបីជាប្រទេសនេះចងសម្ព័ន្ធភាពជាមួយសហរដ្ឋអាមេរិក ក្នុងការប្រឆាំងនឹងចិន ក៏ដោយ។ ជំនួយពីរុស្ស៊ីបានដើរតួនាទីយ៉ាងសំខាន់ក្នុងប្រវត្តិសាស្ត្រសង្រ្គាម និងការកសាងប្រទេសរបស់វៀតណាម នៅពេលសន្តិភាពបានចាប់ផ្ដើមឡើងវិញ៕

លោក Putin ចាប់ផ្ដើមបំពេញទស្សនកិច្ចផ្លូវរដ្ឋនៅវៀតណាម ដែលត្រូវបានអាមេរិកថ្កោលទោស

2024/06/20 07:57:38 am        190
Facebook Telegram Linkin
លោកប្រធានាធិបតីរុស្ស៊ី Vladimir Putin បានទៅដល់ប្រទេសវៀតណាមនៅព្រឹកថ្ងៃព្រហស្បតិ៍នេះ ដើម្បីជួបពិភាក្សាជាមួយបណ្ដាមេដឹកនាំកុម្មុយនិស្តរបស់ប្រទេសនេះ ក្នុងដំណើរឈប់សំចតចុងក្រោយនៃដំណើរទស្សនកិច្ចមកកាន់ប្រទេសចំនួនពីរនៅតំបន់អាស៊ី បន្ទាប់ពីបានចុះហត្ថលេខាលើកិច្ចព្រមព្រៀងការពារជាតិជាមួយមេដឹកនាំកូរ៉េខាងជើង លោក Kim Jong-un។ យន្តហោះរបស់ប្រធានាធិបតីរុស្ស៊ីបានចុះនៅអាកាសយានដ្ឋានក្រុងហាណូយ ជាទីដែលលោកត្រូវបានជួបទទួលស្វាគមន៍ដោយកម្រាលព្រំក្រហម និងរាក់ទាក់ដោយឧបនាយករដ្ឋមន្ត្រីវៀតណាម លោក ត្រាង ហុង ហា (Tran Hong Ha) និងអ្នកការទូតជាន់ខ្ពស់របស់បក្សកាន់អំណាច លោក លី ហយ ទ្រង់ (Le Hoai Trung)។ វៀតណាមបានត្រៀមលក្ខណៈសម្រាប់ការស្វាគមន៍យ៉ាងពេញទំហឹងសម្រាប់វត្តមានលោកPutin ដែលជាដំណើរទស្សនកិច្ចលើកដំបូងរបស់លោកចាប់តាំងពីឆ្នាំ ២០១៧មក ប៉ុន្តែការធ្វើដំណើរនេះបានទាក់ទាញកំហឹងពីដៃគូពាណិជ្ជកម្មធំរបស់វៀតណាម នោះគឺសហរដ្ឋអាមេរិក។ លោក គ្រោង Putin នឹងជួបមេដឹកនាំបក្សកុម្មុយនិស្ត លោក ង្វៀន ភូ ត្រុង (Nguyen Phu Trong)លោកប្រធានាធិបតី ថូឡាំ (To Lam) និងលោកនាយករដ្ឋមន្ត្រី ផាម មីញជិន(Pham Minh Chinh)។មេដឹកនាំរុស្ស៊ីរូបនេះ ក៏ត្រូវទៅចូលរួមក្នុងពិធីដាក់កម្រងផ្កា រួមទាំងនៅផ្នូរលោកហូជីមិញជាទីតាំងបញ្ចុះសពមេដឹកនាំស្ថាបនិកវៀតណាមផងដែរ។ ក្នុងមតិមួយដែលបានកំណត់ពេលសម្រាប់ដំណើរទស្សនកិច្ចរបស់លោក លោក Putin បានសាទរចំពោះប្រទេសវៀតណាមដែលបានគាំទ្រមធ្យោបាយជាក់ស្តែងដើម្បីដោះស្រាយវិបត្តិ នៅអ៊ុយក្រែន។ វៀតណាមអនុវត្តគោលនយោបាយការបរទេសអព្យាក្រឹតជាផ្លូវការ ហើយពុំបានថ្កោលទោសការវាយប្រហាររបស់រុស្ស៊ីលើអ៊ុយក្រែនទេ ជាជំហរដែលប្រទេសលោកខាងលិចមួយចំនួនចាត់ទុកថាជាការផ្ដល់ភាពងាយស្រួលពេកចំពោះវិមានក្រឹមឡាំង៕

សម្តេចធិបតី ហ៊ុន ម៉ាណែត អញ្ជើញទស្សនាអគារហេដ្ឋារចនាសម្ព័ន្ធ របស់ក្រុមហ៊ុន Keppel

2024/06/19 03:13:53 pm        138
Facebook Telegram Linkin
នារសៀលថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា បានដឹកនាំគណៈប្រតិភូ អញ្ជើញ​ទស្សនា​អគារហេដ្ឋារចនាសម្ព័ន្ធ របស់​ក្រុមហ៊ុន Keppel ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ក្រុមហ៊ុន Keppel គឺជាក្រុមហ៊ុនគ្រប់គ្រង និងប្រតិបត្តិលើសេវាកម្មទ្រព្យសកម្ម នៅទូទាំង ពិភពលោក និងមានប្រតិបត្តិការជាង ២០ប្រទេសនៅទូទាំងពិភពលោក ដោយផ្តល់នូវសេវាកម្ម សម្រាប់វិស័យថាមពលកកើតឡើងវិញ ថាមពលស្អាត ការបញ្ចេញកាបូនិក ការកសាងទីក្រុង ប្រកបដោយនិរន្តរភាព និងការតភ្ជាប់ប្រព័ន្ធឌីជីថល ។  

ទីក្រុងហាណូយ រឹតបន្តឹងសន្តិសុខ មុនពេលទស្សនកិច្ចលោក ពូទីន នៅវៀតណាម

2024/06/19 02:45:02 pm        113
Facebook Telegram Linkin
ប្រទេសវៀតណាម បានរឹតបន្តឹងសន្តិសុខ និងត្រៀមរៀបចំនៅថ្ងៃពុធ (១៩ មិថុនា) នេះដើម្បីក្រាលកម្រាលព្រំក្រហមទទួលលោក វ្ល៉ាឌីមៀ ពូទីន (Vladimir Putin) នៅក្នុងដំណើរទស្សនកិច្ចមួយដែលត្រូវបានគេមើលឃើញថាជាភាពទាក់ទាញជាសាធារណៈសម្រាប់ប្រធានាធិបតីរុស្ស៊ី ដែលត្រូវបានចោទពីបទឧក្រិដ្ឋកម្មសង្រ្គាមនៅអ៊ុយក្រែន ខណៈពេលដែលនាំមកនូវផលប្រយោជន៍ និងហានិភ័យសម្រាប់មេដឹកនាំកុម្មុយនិស្តទីក្រុងហាណូយ។ លោក ពូទីន ត្រូវបានគេរំពឹងថានឹងមកដល់ទីក្រុងហាណូយ នៅល្ងាចថ្ងៃពុធនេះ ពីដំណើរទស្សនកិច្ចទីក្រុងព្យុងយ៉ាង ជាទីដែលលោកបានពង្រឹងទំនាក់ទំនងជាមួយមេដឹកនាំកូរ៉េខាងជើងលោក គីម ជុងអ៊ុន (Kim Jong Un)។ខណៈពេលដែលកូរ៉េខាងជើង និងរុស្ស៊ីប្រឈមមុខនឹងភាពឯកោអន្តរជាតិ វៀតណាមបានកសាងសម្ព័ន្ធភាពយ៉ាងប្រុងប្រយ័ត្នជាមួយសហរដ្ឋអាមេរិក និងសហភាពអឺរ៉ុប។ សហរដ្ឋអាមេរិក បានថ្កោលទោសក្រុងហាណូយ រួចហើយចំពោះការទទួលស្វាគមន៍មេដឹកនាំរុស្ស៊ី។ លោក អាឡិចសាន់ឌឺ វូវីង (Alexander Vuving) មកពីមជ្ឈមណ្ឌលសិក្សាសន្តិសុខ អ៊ីននូអេ (Inouye) អាស៊ីប៉ាស៊ីហ្វិក ដែលមានមូលដ្ឋាននៅរដ្ឋហាវ៉ៃ បាននិយាយថា នោះជាហេតុធ្វើឱ្យដំណើរទស្សនកិច្ចរបស់លោក ពូទីន នៅទីក្រុងហាណូយមានសារៈសំខាន់ជាពិសេសសម្រាប់មេដឹកនាំរុស្ស៊ីរូបនេះ។វៀតណាម នឹងក្លាយជាប្រទេសទីបីដែលលោក ពូទីន បានទៅបំពេញទស្សនកិច្ច បន្ទាប់ពីចិន និងកូរ៉េខាងជើង ចាប់តាំងពីលោកបានកាន់តំណែងអាណត្តិទីប្រាំ កាលពីខែឧសភា។ វៀតណាមបានត្រៀមលក្ខណៈសម្រាប់ការស្វាគមន៍យ៉ាងពេញទំហឹងចំពោះលោក ពូទីន ដែលជាដំណើរទស្សនកិច្ចលើកដំបូងរបស់លោកចាប់តាំងពីឆ្នាំ២០១៧ និងជាដំណើរសរុបលើកទីប្រាំរបស់លោក។ប្រទេសទាំងពីរនេះមានទំនាក់ទំនងជិតស្និទ្ធជាប្រវត្តិសាស្ត្រ និងចែករំលែកឫសគល់កុម្មុយនិស្ត។ កម្មាភិបាលរាប់ម៉ឺននាក់ បានសិក្សានៅអតីតសហភាពសូវៀតក្នុងអំឡុងសង្គ្រាមត្រជាក់ រួមទាំងប្រមុខបក្សកុម្មុយនិស្តវៀតណាមបច្ចុប្បន្ន លោក ង្វៀន ភូទ្រុង (Nguyen Phu Trong) ផងដែរ៕

លោក ពូទីន ទទួលបានការស្វាគមន៍យ៉ាងកក់ក្ដៅនៅកូរ៉េខាងជើង ក្នុងជំនួបជាមួយលោក គីម

2024/06/19 02:39:48 pm        165
Facebook Telegram Linkin
ហ្វូងមនុស្សប្រមូលផ្ដុំអបអរសាទរ និងពិធីដ៏អធិកអធម ត្រូវប្រារព្ធឡើងដើម្បីស្វាគមន៍ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) នៅទីក្រុងព្យុងយ៉ាង នៅថ្ងៃពុធ (១៩ មិថុនា) នេះ ជាទីដែលលោកបានជួបជាមួយមេដឹកនាំកូរ៉េខាងជើង លោក គីម ជុងអ៊ុន (Kim Jong Un) សម្រាប់កិច្ចប្រជុំកំពូលដ៏កម្រមួយ ក្នុងគោលបំណងបង្កើតភាពជាដៃគូ ដើម្បីទប់ទល់នឹងសម្ពាធ និងទណ្ឌកម្មរបស់សហរដ្ឋអាមេរិក។វីដេអូដែលផ្សាយដោយប្រព័ន្ធផ្សព្វផ្សាយរុស្ស៊ីបានបង្ហាញ ឆ្មាំកិត្តិយស រួមទាំងវត្តមានទាហានដ៏ច្រើនសន្ធឹក និងហ្វូងជនស៊ីវិលយ៉ាងអ៊ូរអរបានប្រមូលផ្តុំគ្នានៅទីលានចតុរង្គក្បែរទន្លេ តែដុង (Taedong) ដែលហូរកាត់រដ្ឋធានីនេះ។ ទិដ្ឋភាពនោះរួមមានកុមារកាន់ប៉េងប៉ោងនៅតាមផ្លូវ និងរូបគំនូរធំៗរបស់មេដឹកនាំទាំងពីរដែលមានទង់ជាតិប្រទេស ត្រូវបានតុបតែងក្នុងសាលសិក្សារបស់សភាប្រជាជនដ៏ធំ។ប្រព័ន្ធផ្សព្វផ្សាយរុស្ស៊ីបាននិយាយថា បន្ទាប់មកលោក គីម និងលោក ពូទីន បានជិះរថយន្តទៅកាន់វិមាន គូមស៊ូសាន (Kumsusan) សម្រាប់កិច្ចពិភាក្សាកំពូល។ ទីភ្នាក់ងារសារព័ត៌មានរដ្ឋរុស្ស៊ី RIA បានដកស្រង់សម្តីលោក ពូទីន ដែលបាននិយាយនៅពេលចាប់ផ្តើមកិច្ចចរចាជាមួយលោក គីម ថា «យើងសូមកោតសរសើរយ៉ាងខ្លាំងចំពោះការគាំទ្រដ៏ជាប់លាប់ និងឥតងាករេរបស់អ្នកចំពោះគោលនយោបាយរុស្ស៊ី រួមទាំងក្នុងទិសដៅរបស់អ៊ុយក្រែន»។ ប្រព័ន្ធផ្សព្វផ្សាយនោះរាយការណ៍ថា លោក ពូទីន បាននិយាយថា ទីក្រុងមូស្គូ កំពុងប្រយុទ្ធប្រឆាំងនឹងគោលនយោបាយចក្រពត្តិនិយមអនុត្តរភាពរបស់សហរដ្ឋអាមេរិក និងសម្ព័ន្ធមិត្ត។លោក គីម បាននិយាយថា ទំនាក់ទំនងកូរ៉េខាងជើង និងរុស្ស៊ី កំពុងឈានចូលដល់ដំណាក់កាលនៃការចេញផ្លែផ្កាថ្មី។ លោក ពូទីន កំពុងធ្វើទស្សនកិច្ចនៅរដ្ឋធានីកូរ៉េខាងជើង ជាលើកដំបូងក្នុងរយៈពេល ២៤ ឆ្នាំ ដែលជាដំណើរមួយទំនងជានឹងផ្លាស់ប្តូរទំនាក់ទំនងជាច្រើនទសវត្សរ៍រវាងរុស្ស៊ី-កូរ៉េខាងជើង ក្នុងពេលប្រទេសទាំងពីរប្រឈមមុខនឹងភាពឯកោពីអន្តរជាតិ៕

បណ្ដាញសង្គម

ព័ត៌មានថ្មីៗ

មន្រ្ដីជាន់ខ្ពស់រាជរដ្ឋាភិបាល៖ រាជរដ្ឋាភិបាលតែងដោះស្រាយសុខទុក្ខ និងពង្រឹង​សុខដុមនីយកម្ម​សាសនា
03/08/2026 03:03 PM
Facebook Telegram Linkin
អ៊ីរ៉ង់ ជិតរកឃើញមេដឹកនាំកំពូលថ្មីរបស់ខ្លួនហើយ ដែលប្រហែលជាកូនប្រុសរបស់លោក Khamenei
03/08/2026 03:03 PM
Facebook Telegram Linkin
ទូតចិនប្រចាំកម្ពុជា ជួបពិភាក្សាការងារជាមួយអាជ្ញាធរខេត្តពោធិ៍សាត់ ដើម្បីពង្រឹង​កិច្ច​សហប្រតិបត្តិការ
03/08/2026 03:03 PM
Facebook Telegram Linkin
អភិបាលខេត្តកំពង់ឆ្នាំង ចុះពិនិត្យតម្លៃប្រេងតាមស្ថានីយប្រេងឥន្ធនៈក្នុងក្រុងកំពង់ឆ្នាំង
03/08/2026 03:03 PM
Facebook Telegram Linkin
អភិបាលខេត្តកំពង់ធំ ចុះសួរសុខទុក្ខ និងផ្សព្វផ្សាយការពារ និង​អភិរក្ស​ដែនព្រៃលិច​ទឹក​នៅ​តំបន់​៣
03/08/2026 03:03 PM
Facebook Telegram Linkin
អាជ្ញាធរខេត្តកំពង់ស្ពឺ រៀបចំបង្ហាញទស្សនីយភាពលោ្ខន សិល្បៈ កីឡា អបអរទិវានារីអន្តរជាតិ ៨មីនា
03/08/2026 02:03 PM
Facebook Telegram Linkin
ស្តី្រជាសមាជិកព្រឹទ្ធសភាជំរុញដល់ស្ត្រីគ្រប់រូបរក្សាឱ្យបានូវសន្តិសុខផ្លូវចិត្ត ដើម្បី​សន្តិភាព​ក្នុង​គ្រួសារ
03/08/2026 02:03 PM
Facebook Telegram Linkin
អ្នកតំណាងរាស្ត្រមណ្ឌលកំពត ណែនាំឱ្យរក្សាស្មារតីសាមគ្គីភាពបន្តជឿជាក់ និង​គាំទ្រ​រាជរដ្ឋាភិបាល
03/08/2026 02:03 PM
Facebook Telegram Linkin
ពលរដ្ឋភៀសសឹកទទួលអំណោយមនុស្សធម៌ពីសម្តេចប្រធានរដ្ឋសភាក្នុងឱកាសទិវាអន្តរជាតិសិទ្ធនារី
03/08/2026 02:03 PM
Facebook Telegram Linkin
ក្រុមគ្រួសារអ្នកដំណើរលើយន្តហោះ MH370 ដែលបាត់ខ្លួន ១២ឆ្នាំមុន ជំរុញឱ្យម៉ាឡេស៊ី ពង្រីកការស្វែងរក
03/08/2026 02:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.