នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវក្រាលក្រួសក្រហម និងស្ពានបេតុង ជា​អំណោយ​របស់​សម្តេច​ធិបតី​ផ្ដល់​ជូន​ពលរដ្ឋ​នៅ​ស្រុក​ត្រពាំងប្រាសាទ

នយោបាយ​ និង ការអភិវឌ្ឍន៍

អាមេរិក យល់ព្រមលក់សព្វាវុធតម្លៃ ៣៦០ លានដុល្លារឱ្យកោះតៃវ៉ាន់ រួមមានមីស៊ីល និងយានដ្រូន

2024/06/19 10:19:51 am        139
Facebook Telegram Linkin
ទីភ្នាក់ងារសហប្រតិបត្តិការសន្តិសុខការពារជាតិ របស់មន្ទីរបញ្ចកោណបាននិយាយថា ក្រសួងការបរទេសសហរដ្ឋអាមេរិក បានអនុម័តការលក់យានដ្រូន និងមីស៊ីលទៅឱ្យកោះតៃវ៉ាន់ ក្នុងតម្លៃប្រមាណជា ៣៦០ លានដុល្លារ។ ចិន បាននិងកំពុងបង្កើនសម្ពាធយោធាប្រឆាំងនឹងកោះតៃវ៉ាន់ រួមទាំងហ្គេមសង្រ្គាមជុំវិញកោះនេះកាលពីខែមុន បន្ទាប់ពីការឡើងកាន់តំណែងរបស់មេដឹកនាំថ្មីលោក ឡៃ ឆឹងទ័រ (Lai Ching-te)។ ទីភ្នាក់ងាររបស់មន្ទីរបញ្ចកោណ បាននិយាយនៅក្នុងសេចក្តីថ្លែងការណ៍កាលពីថ្ងៃអង្គារថា ការលក់នេះ នឹងជួយធ្វើឱ្យប្រសើរឡើងនូវសុវត្ថិភាពរបស់អ្នកទទួល និងជួយក្នុងការរក្សាស្ថិរភាពនយោបាយ តុល្យភាពយោធា និងវឌ្ឍនភាពសេដ្ឋកិច្ចក្នុងតំបន់»។ទីភ្នាក់ងារនេះបន្ថែមថា ការលក់នេះរួមមាន សព្វាវុធប្រឆាំងកងទ័ព ស្វីចប្លេដ ៣០០ (Switchblade 300) យានដ្រូនបំផ្ទុះប្រឆាំងគ្រឿងសឹក (Loitering munitions) និងគ្រឿងយុទ្ធោបករណ៍ពាក់ព័ន្ធផ្សេងទៀតក្នុងតម្លៃប៉ាន់ស្មានចំនួន ៦០,២ លានដុល្លារ ហើយនិងយានដ្រូន អាល់ទូស ៦០០អ៊ិម-វី (ALTIUS 600M-V) រួមទាំងយុទ្ធោបករណ៍ពាក់ព័ន្ធផ្សេងទៀតសម្រាប់ការចំណាយប៉ាន់ស្មានចំនួន ៣០០ លានដុល្លារ។ សូមបញ្ជាក់ថា យានដ្រូនអត្តឃាត ឬយានដ្រូនបំផ្ទុះ គឺជាមីស៊ីលប្រព័ន្ធទូរបញ្ជាខ្នាតតូច ដែលអាចហោះហើរជុំវិញតំបន់គោលដៅមួយ រហូតទាល់តែត្រូវបានបញ្ជាឱ្យវាយប្រហារ។អាជ្ញាធរការពារជាតិតៃវ៉ាន់ បានសម្តែងការអរគុណរបស់ខ្លួន ជាពិសេសចំពោះកិច្ចខិតខំប្រឹងប្រែងរបស់សហរដ្ឋអាមេរិក ក្នុងការបង្កើនការលក់អាវុធដល់ខ្លួន។ ចិនបាននិយាយថា ការលក់សព្វាវុធរបស់សហរដ្ឋអាមេរិកទៅឱ្យតំបន់តៃវ៉ាន់ របស់ចិន បានរំលោភយ៉ាងធ្ងន់ធ្ងរលើគោលការណ៍ចិនតែមួយ ហើយបានជំរុញឱ្យសហរដ្ឋអាមេរិក ឈប់បន្តគាំទ្រកោះតៃវ៉ាន់៕

ចិន និងកូរ៉េខាងត្បូង បើកកិច្ចពិភាក្សាសន្តិសុខការទូត ស្របពេលទស្សនកិច្ចលោក ពូទីន នៅកូរ៉េខាងជើង

2024/06/19 10:14:49 am        136
Facebook Telegram Linkin
ក្រុមមន្ត្រីជាន់ខ្ពស់មកពីប្រទេសចិន និងកូរ៉េខាងត្បូង បានបើកកិច្ចសន្ទនាការទូត និងសន្តិសុខនៅទីក្រុងសេអ៊ូល ខណៈដែលប្រធានាធិបតីរុស្ស៊ី វ្ល៉ាឌីមៀ ពូទីន (Vladimir Putin) កំពុងធ្វើទស្សនកិច្ចនៅកូរ៉េខាងជើង។ អនុរដ្ឋមន្ត្រីការបរទេស និងមន្ត្រីការពារជាតិជាន់ខ្ពស់នៃប្រទេសទាំងពីរបានចូលរួមកិច្ចពិភាក្សាកាលពីថ្ងៃអង្គារ បន្ទាប់ពីប្រធានាធិបតីកូរ៉េខាងត្បូង លោក យ៉ុន សុកយ៉ុល (Yoon Suk-yeol) និងនាយករដ្ឋមន្ត្រីចិនលោក លី ឈាំង (Li Qiang) បានព្រមព្រៀងគ្នាក្នុងខែឧសភា ដើម្បីរៀបចំកិច្ចសន្ទនានេះ។នេះជាលើកទីមួយហើយដែលមន្ត្រីថ្នាក់អនុក្រសួងបានចូលរួមកិច្ចប្រជុំក្រោមក្របខណ្ឌបែបនោះ។ ប្រព័ន្ធផ្សព្វផ្សាយកូរ៉េខាងត្បូងនិយាយថា ការចរចាមានរយៈពេលប្រហែលបួនម៉ោង។ រដ្ឋាភិបាលកូរ៉េខាងត្បូង និយាយថា ប្រទេសនេះបានសម្តែងការព្រួយបារម្ភយ៉ាងខ្លាំងអំពីដំណើរទស្សនកិច្ចកូរ៉េខាងជើងរបស់លោក ពូទីន ហើយបានសង្កត់ធ្ងន់ថាដំណើរនោះមិនគួរនាំទៅរកការពង្រឹងកិច្ចសហប្រតិបត្តិការយោធាខុសច្បាប់នោះទេ។ទីក្រុងសេអ៊ូលបានបន្ថែមថា ទង្វើបែបនេះធ្វើឱ្យប៉ះពាល់ដល់ផលប្រយោជន៍របស់ចិន ហើយបានអំពាវនាវឱ្យទីក្រុងប៉េកាំង ដើរតួនាទីស្ថាបនាសម្រាប់សន្តិភាព និងស្ថិរភាពនៅលើឧបទ្វីបកូរ៉េ និងការរំសាយអាវុធនុយក្លេអ៊ែរ។ តាមសេចក្តីរាយការណ៍បានឱ្យដឹងថា ភាគីចិន បានឆ្លើយតបថា គោលនយោបាយរបស់ទីក្រុងប៉េកាំង ស្តីពីឧបទ្វីបកូរ៉េនៅតែមិនផ្លាស់ប្តូរទេ ហើយសង្កត់ធ្ងន់ថា ខ្លួននឹងបំពេញតួនាទីស្ថាបនាក្នុងការដោះស្រាយបញ្ហានៅឧបទ្វីបកូរ៉េ។ក្រុមអ្នកសង្កេតការណ៍បាននិយាយថា ទីក្រុងសេអ៊ូល ប្រហែលជាបានព្យាយាមជំរុញឱ្យមានភាពតានតឹងរវាងប្រទេសចិន ជាមួយរុស្ស៊ី និងកូរ៉េខាងជើង តាមរយៈកិច្ចប្រជុំនេះ ដែលបានកើតឡើងនៅស្របពេលដំណាលគ្នានឹងដំណើរទស្សនកិច្ចរបស់លោក ពូទីន ទៅកាន់កូរ៉េខាងជើង៕

លោក Blinken៖ អាមេរិក ព្យាយាមបំពេញចន្លោះប្រហោងលើកិច្ចចរចាបទឈប់បាញ់នៅហ្កាហ្សា ដោយបន្ទោសក្រុមហាមាស

2024/06/19 10:03:52 am        132
Facebook Telegram Linkin
រដ្ឋមន្ត្រីការបរទេសសហរដ្ឋអាមេរិក លោក Antony Blinken កាលពីថ្ងៃអង្គារ បាននិយាយថា សហរដ្ឋអាមេរិក នៅតែព្យាយាមបំពេញភាពចន្លោះប្រហោង លើកិច្ចចរចាបទឈប់បាញ់នៅតំបន់ហ្កាហ្សា ខណៈក្រុមហាម៉ាសនៅតែបន្តបន្ថែមលក្ខខណ្ឌថ្មីៗចំពោះការអនុម័តកិច្ចព្រមព្រៀងដែលបានស្នើឡើង។ លោក Blinken បាននិយាយបន្ទាប់ពីជំនួបជាមួយអគ្គលេខាធិការសម្ព័ន្ធយោធាណាតូ លោក Jens Stoltenberg ថា ក្រុមហាម៉ាស បានត្រឡប់មកវិញជាមួយលក្ខខណ្ឌថ្មីៗ ដែលការទាមទារថ្មីរួមទាំងលក្ខខណ្ឌ ដែលពិតជាហួសពីអ្វីដែលខ្លួនបានទទួលយកពីមុនមក។ លោក Blinken និយាយថា ការដឹកជញ្ជូនគ្រាប់បែកខ្នាត ២.០០០ib ត្រូវបានដកយកពីអ៊ីស្រាអែល គឺដោយសារការព្រួយបារម្ភចំពោះសុខុមាលភាពរបស់ប្រជាជនប៉ាឡេស្ទីន នៅក្នុងតំបន់ ហ្កាហ្សា ដែលនៅតែស្ថិតក្រោមការត្រួតពិនិត្យឡើងវិញដោយសហរដ្ឋអាមេរិក។នាយករដ្ឋមន្ត្រី លោក Benjamin Netanyahu បាននិយាយកាលពីថ្ងៃអង្គារថា លោក Blinken បានធានាដល់លោកថា រដ្ឋបាល លោក Biden កំពុងធ្វើការដើម្បីលុបចោលការរឹតត្បិតលើការផ្តល់សព្វាវុធដល់អ៊ីស្រាអែល។

លោក Netanyahu អះអាងថា លោក Blinken បានសន្យាផ្ដល់អាវុធដោយសម្ងាត់ដល់អ៊ីស្រាអែល

2024/06/19 10:00:13 am        106
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានអះអាងថា បានដាក់សម្ពាធលើសហរដ្ឋអាមេរិក ជុំវិញការផ្គត់ផ្គង់អាវុធ ដែលប្រទេសរបស់លោកត្រូវការក្នុងសង្គ្រាម ទប់ទល់នឹងក្រុមសកម្មប្រយុទ្ធហាម៉ាសប៉ាឡេស្ទីន ។សហរដ្ឋអាមេរិក បានផ្អាកផ្ដល់សព្វាវុធទៅឱ្យអ៊ីស្រាអែលកាលពីដើមខែឧសភា ស្របពេលមានការអំពាវនាវឱ្យខ្លួនកាត់បន្ថយការវាយលុករបស់ប្រទេសនេះលើទីក្រុង រ៉ាហ្វា (Rafah) ដែលមានប្រជាជនច្រើន នៅភាគខាងត្បូងហ្កាហ្សា។ ការដឹកជញ្ជូនដែលត្រូវបានរាយការណ៍ រួមមានគ្រាប់បែកចំនួន ៣.៥០០ គ្រាប់សម្រាប់យន្តហោះចម្បាំង។ យោងតាមអាជ្ញាធរគ្រប់គ្រងដោយក្រុមហាម៉ាស ក្នុងតំបន់ បានឲ្យដឹងថា ការវាយលុករបស់រដ្ឋជ្វីហ្វមួយនេះលើទីក្រុង Rafah បានធ្វើឱ្យប្រជាជនប៉ាឡេស្ទីនរាប់ម៉ឺននាក់ស្លាប់ និងរងរបួស។ នៅក្នុងវីដេអូដែលបានបង្ហោះនៅលើ បណ្ដាញសង្គម X កាលពីថ្ងៃអង្គារ លោក Netanyahu បាននិយាយជាភាសាអង់គ្លេសថា រដ្ឋមន្ត្រីការបរទេសអាមេរិក លោក Antony Blinken បានធានាដល់រូបលោកថា សេតវិមាន កំពុងធ្វើការទាំងយប់ទាំងថ្ងៃ ដើម្បីលុបបំបាត់ការកកស្ទះទាំងនេះ ដោយសំដៅលើការផ្គត់ផ្គង់អាវុធ។សេចក្តីថ្លែងការណ៍នេះបានបញ្ជាក់ពីរបាយការណ៍ប្រព័ន្ធផ្សព្វផ្សាយចុងក្រោយ ដែលថាក្នុងអំឡុងពេលកិច្ចប្រជុំជាមួយ Blinken កាលពីសប្តាហ៍មុន នៅទីក្រុងហ្សេរុយសាឡឹម លោក Netanyahu បានទាមទារឱ្យដកចេញរបាំងហាមប្រាមលំហូរនៃការផ្ដល់ជំនួយគ្រាប់រំសេវ៕

អ៊ុយក្រែន ចាប់ផ្តើមការងារលើកិច្ចប្រជុំកំពូលសន្តិភាពលើកទីពីរ ខណៈរុស្ស៊ី អាចនឹងត្រូវអញ្ជើញ

2024/06/19 09:56:10 am        206
Facebook Telegram Linkin
ប្រធានបុគ្គលិករបស់អ៊ុយក្រែន លោក អាន់ឌ្រី យើម៉ាក (Andriy Yermak) បាននិយាយកាលពីថ្ងៃអង្គារថា ក្រុមមន្ត្រីអ៊ុយក្រែនបានចាប់ផ្តើមការងារដើម្បីត្រៀមរៀបចំកិច្ចប្រជុំកំពូលសន្តិភាពលើកទីពីរ បន្ទាប់ពីសន្និសីទលើកដំបូងដែលដឹកនាំដោយអ៊ុយក្រែន ត្រូវបានធ្វើឡើងកាលពីចុងសប្តាហ៍មុននៅប្រទេសស្វីស។លោក យើម៉ាក បានប្រាប់សន្និសីទសារព័ត៌មានតាមអនឡាញកាលពីល្ងាចថ្ងៃអង្គារថា កិច្ចប្រជុំកំពូលនឹងអាចធ្វើទៅបានលុះត្រាតែផែនការរួមមួយត្រូវបានសម្រេចដោយរដ្ឋសមាជិក ដោយជាដំណើរការដែលលោករំពឹងថានឹងត្រូវចំណាយពេលច្រើនខែ។កិច្ចប្រជុំកំពូល ដែលរៀបចំដោយប្រទេសស្វីស កាលពីចុងសប្តាហ៍ មានប្រទេសជាង ៩០ ចូលរួម ប៉ុន្តែអ៊ុយក្រែន និងសម្ព័ន្ធមិត្តរបស់ខ្លួនបានបរាជ័យក្នុងការបញ្ចុះបញ្ចូលបណ្ដារដ្ឋមិនចូលបក្សសម្ព័ន្ធធំៗ ឱ្យចូលរួមក្នុងសេចក្តីថ្លែងការណ៍ចុងក្រោយរបស់ពួកគេ ហើយពុំមានប្រទេសណាមួយចេញមុខធ្វើជាម្ចាស់ផ្ទះកិច្ចប្រជុំវគ្គបន្តនោះទេ។ទីក្រុងមូស្គូ មិនត្រូវបានអញ្ជើញឱ្យចូលរួមក្នុងព្រឹត្តិការណ៍នោះឡើយ។ លោក យើម៉ាក បាននិយាយថា តំណាងរុស្ស៊ី អាចត្រូវបានអញ្ជើញឱ្យចូលរួមក្នុងកិច្ចប្រជុំកំពូលលើកទីពីរ ដើម្បីបង្ហាញផែនការសន្តិភាពដែលសម្រេចបានដោយព្រឹត្តិការណ៍នេះ។ រុស្ស៊ី បានបើកប្រតិបត្តិការយោធាពេញលេញលើអ៊ុយក្រែន ក្នុងឆ្នាំ២០២២ ដោយបញ្ឆេះឱ្យមានជម្លោះដ៏បង្ហូរឈាមបំផុតនៅអឺរ៉ុប ចាប់តាំងពីសង្គ្រាមលោកលើកទី២។ រុស្ស៊ី បានទាមទារឱ្យអ៊ុយក្រែន បោះបង់ចោលទឹកដី និងមហិច្ឆតារបស់ខ្លួនក្នុងការចូលរួមជាមួយអង្គការណាតូ ជាថ្នូរនឹងការចរចាសន្តិភាព ដោយនោះជាលក្ខខណ្ឌដែលទីក្រុងគីវ បដិសេធ៕

NATO ព្រួយបារម្ភថា រុស្ស៊ីអាចគាំទ្រកម្មវិធីមីស៊ីល និងនុយក្លេអ៊ែររបស់កូរ៉េខាងជើង

2024/06/19 08:50:38 am        165
Facebook Telegram Linkin
ប្រធានសម្ព័ន្ធយោធា ណាតូ (NATO) បាននិយាយកាលពីថ្ងៃអង្គារ (១៨ មិថុនា) ថា អង្គការណាតូ ព្រួយបារម្ភអំពីការគាំទ្រដែលរុស្ស៊ី អាចផ្តល់ឱ្យសម្រាប់កម្មវិធីមីស៊ីល និងនុយក្លេអ៊ែររបស់កូរ៉េខាងជើង ខណៈប្រធានាធិបតីរុស្ស៊ីលោក វ្ល៉ាឌីមៀ ពូទីន (Vladimir Putin) បានចាប់ផ្តើមដំណើរទស្សនកិច្ចលើកដំបូងនៅប្រទេសផ្ដាច់ខ្លួនដែលប្រដាប់ដោយអាវុធនុយក្លេអ៊ែរមួយនេះក្នុងរយៈពេល ២៤ ឆ្នាំ។លោក ពូទីន ក្នុងដំណើរទស្សនកិច្ចផ្លូវរដ្ឋសម្រាប់កិច្ចពិភាក្សាជាមួយមេដឹកនាំកូរ៉េខាងជើងលោក គីម ជុងអ៊ុន (Kim Jong Un) បានប្តេជ្ញាធ្វើឱ្យទំនាក់ទំនងពាណិជ្ជកម្ម និងសន្តិសុខកាន់តែស៊ីជម្រៅ និងគាំទ្រកូរ៉េខាងជើងប្រឆាំងនឹងសហរដ្ឋអាមេរិក ដែលជាសម្ព័ន្ធមិត្តជិតស្និទ្ធរបស់គូប្រជែងដ៏ជូរចត់របស់ខ្លួនគឺកូរ៉េខាងត្បូង។ អាមេរិក បានចោទកូរ៉េខាងជើង ថាបានផ្គត់ផ្គង់មីស៊ីលបាលិស្ទិករាប់សិបគ្រាប់ និងគ្រាប់រំសេវជាង ១១.០០០ កុងតឺន័រដល់រុស្ស៊ី សម្រាប់ប្រើប្រាស់ក្នុងប្រទេសអ៊ុយក្រែន។អគ្គលេខាធិការអង្គការណាតូ លោក ជេនស៍ ស្តុលថិនប៊ឺក (Jens Stoltenberg) បានប្រាប់សន្និសីទសារព័ត៌មានរួមមួយ បន្ទាប់ពីកិច្ចពិភាក្សាជាមួយរដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) ថា សង្រ្គាមរុស្ស៊ីនៅអ៊ុយក្រែន កំពុងត្រូវបានជំរុញដោយចិន កូរ៉េខាងជើង និងអ៊ីរ៉ង់ ដែលចង់ឃើញសម្ព័ន្ធភាពលោកខាងលិចបរាជ័យ។លោក ស្តុលថិនប៊ឺក បាននិយាយថា «យើងពិតជាមានការព្រួយបារម្ភយ៉ាងខ្លាំងអំពីលទ្ធភាពនៃការគាំទ្រដែលរុស្ស៊ី ផ្តល់ឱ្យកូរ៉េខាងជើង ជុំវិញកម្មវិធីមីស៊ីល និងនុយក្លេអ៊ែររបស់ពួកគេ»។ នៅឯសន្និសីទសារព័ត៌មានជាមួយប្រមុខអង្គការណាតូរូបនេះ លោក ប្លីងខិន បាននិយាយថា ដំណើរទស្សនកិច្ចទៅទីក្រុងព្យុងយ៉ាង របស់លោក ពូទីន គឺជាសញ្ញានៃ «ភាពអស់សង្ឃឹម» របស់ខ្លួនក្នុងការពង្រឹងទំនាក់ទំនងជាមួយប្រទេសដែលអាចគាំទ្រសង្គ្រាមរបស់លោកនៅអ៊ុយក្រែន៕

ប្រធានាធិបតីសិង្ហបុរីមានសុទិដ្ឋិនិយមថា សក្ដានុពលធនធានមនុស្សវ័យក្មេងកម្ពុជាគឺជាកម្លាំងចលករជំរុញការអភិវឌ្ឍលើគ្រប់វិស័យ

2024/06/19 08:49:19 am        289
Facebook Telegram Linkin
សិង្ហបុរី៖ ឯកឧត្តម ថាមេន ស្ហ្សានមូហ្គារ៉ាត់ណាម (Tharman Shanmugaratnam) ប្រធានាធិបតី នៃសាធារណរដ្ឋសិង្ហបុរី បានបង្ហាញនូវសុទិដ្ឋិនិយមថា សក្ដានុពល​នៃ​ធនធាន​មនុស្ស​វ័យក្មេងរបស់កម្ពុជាគឺ ជា​កម្លាំងចលករនៃការការជំរុញការអភិវឌ្ឍ​របស់កម្ពុជា​លើ​គ្រប់​វិស័យ​។ឯកឧត្តមប្រធានាធិបតី បានបង្ហាញសុទិដ្ឋិនិយមបែបនេះ ក្នុង​ឱកាស​អញ្ជើញ​ជួប​សម្ដែង​ការ​គួរសម និងពិភាក្សាការងារជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី​កម្ពុជា​ក្នុង​ឱកាស​នៃ​ដំណើរ​ទស្សនកិច្ចផ្លូវការនៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ​២០២៤​នេះ។ក្នុងជំនួបនេះឯកឧត្តមប្រធានាធិបតី បានសម្ដែងនូវ​កិច្ច​ស្វាគមន៍​ចំពោះ​ការ​អញ្ជើញ​បំពេញ​ទស្សន​កិច្ច​ផ្លូវ​ការ​របស់​សម្តេចធិបតីលើកដំបូងក្នុងនាមជានាយករដ្ឋមន្រ្តី មកកាន់សាធារណរដ្ឋសិង្ហបុរី បន្ទាប់​ពី​សម្ដេច​ធិបតី​បាន​ចូលរួម​ក្នុង​កម្ម​វិធី​ពិសេស​សម្រាប់​ថ្នាក់ដឹកនាំ​ជាន់​ខ្ពស់​កាល​ពី​ឆ្នាំ​២០១៨​។ ជាមួយគ្នានេះឯកឧត្តមប្រធានាធិបតី បានសម្ដែងនូវការវាយតម្លៃខ្ពស់លើទំនាក់ទំនង​ដ៏​ល្អរវាង​សិង្ហបុរី-​កម្ពុជា លើគ្រប់វិស័យ ដែលរួមមាន៖ វិស័យសេដ្ឋកិច្ច ពាណិជ្ជកម្ម ការពារជាតិ បណ្ដុះ​បណ្ដាល និងការអភិវឌ្ឍធនធានមនុស្ស។ ឯកឧត្តម​សង្ឃឹមថា ប្រទេសទាំងពីរនឹងធ្វើការជាមួយគ្នាយ៉ាងជិតស្និទ្ធ ហើយ​ឈាន​ទៅ​រក​កិច្ច​សហ​ប្រតិបត្តិការឱ្យកាន់តែល្អប្រសើរសម្រាប់ប្រជាជាតិទាំងពីរ។ បន្ថែមលើនេះ ឯកឧត្តម​ប្រធានាធិបតី​បាន​បង្ហាញនូវសុទិដ្ឋិនិយមថា សក្ដានុពលនៃធនធានមនុស្សវ័យក្មេង និង​វឌ្ឍនភាព​រីក​ចម្រើន​នៃការបណ្ដុះបណ្ដាលជំនាញវិជ្ជាជីវៈនៅកម្ពុជា នឹងជាកម្លាំង​ចលករ​នៃ​ការ​ទាក់​ទាញ​ការ​វិនិយោគ និងការជំរុញការអភិវឌ្ឍលើគ្រប់វិស័យ ជាពិសេសលើវិស័យថាមពល ឧស្សាហកម្ម កម្មន្តសាល និងវិស័យសក្ដានុពលផ្សេងៗទៀត។ជាការ​ឆ្លើយតប សម្ដេចធិបតី បានថ្លែង​អំណរ​គុណចំពោះ​កិច្ច​ស្វាគម​ន៍​យ៉ាង​កក់​ក្តៅ​ពី​សំណាក់​ឯកឧត្តម​ប្រធានាធិបតី រដ្ឋាភិបាល និងប្រជាជនសិង្ហបុរី ហើយសម្តេចធិបតី ក៏បានគូសបញ្ជាក់ថា ប្រទេស​ទាំងពីរនឹងមានកិច្ចសហប្រតិបត្តិការកាន់តែច្រើន ជាពិសេស នៅក្នុងឆ្នាំ២០២៥ ប្រទេស​ទាំងពីរនឹងរៀបចំខួបលើកទី៦០ឆ្នាំ នៃទំនាក់ទំនងការទូតកម្ពុជា-សិង្ហបុរី ហើយប្រទេស​ទាំងពីរ​នឹង​ស្វែង​រកនូវកិច្ចសហប្រតិបត្តិការ ស្តីពីការអភិវឌ្ឍលើគ្រប់ទំនាក់ទំនង ដូចជា ទំនាក់​ទំនង​ធុរកិច្ច វិស័យឯកជន រដ្ឋាភិបាល និងសន្តិសុខ និងទិដ្ឋភាពលើវិស័យផ្សេងទៀត។ សម្តេច​ធិបតី និងឯកឧត្តមប្រធានាធិបតី ក៏បានពិភាក្សាអំពីយន្តការ និងក្របខណ្ឌ​គោល​នយោបាយ​នានា សម្រាប់កិច្ចការពារដល់បរិស្ថាន ជាពិសេសការទប់ទល់​នឹង​ការ​ប្រែប្រួល​អាកាស​ធាតុ ដើម្បីធានាបាននូវភាពធន់របស់សេដ្ឋកិច្ចនៃប្រទេសទាំងពីរ ដោយផ្តោតលើ​ការ​ពង្រីក​ការ​ប្រើប្រាស់​ថាមពលកកើតឡើងវិញ ដែលអាចឈានដល់​ការ​សម្រេច​បាន​នូវ​បណ្តាញ​អគ្គិសនី​អាស៊ាន (ASEAN Power Grid)។ ក្នុងយន្តការនៃកិច្ចសហប្រតិបត្តិការលើវិស័យវិនិយោគ និង​ពាណិជ្ជកម្ម សម្តេចធិបតី បានគូសបញ្ជាក់ថា ប្រទេស​ទាំង​ពីរ​នឹង​ខិតខំ​ពង្រឹក​បន្ថែម​នូវ​ទំហំ​វិនិយោគ និងពាណិជ្ជកម្ម ក៏ដូចជាការជំរុញវិស័យទេសចរណ៍ឱ្យកាន់តែមានភាពល្អប្រសើរ។ ក្រៅពីនេះ ប្រទេសទាំងពីរនឹងបង្កើនកិច្ចសហប្រតិបត្តិការលើវិស័យ ហិរញ្ញវត្ថុ និងធនាគារ និង​បច្ចេកវិទ្យា។ សម្តេចធិបតី និងឯកឧត្តមប្រធានាធិបតីក៏បានឯកភាពគ្នាលើកទឹកចិត្តដល់ក្រសួង-ស្ថាប័ន​ពាក់ព័ន្ធ នៃរដ្ឋាភិបាលទាំងពីរក្នុងការបន្តកិច្ចពិភាក្សាគ្នា ដើម្បីកំណត់ជាក់លាក់​លើ​កិច្ច​សហប្រតិបត្តិការ​លើ​វិស័យកសិកម្ម ពាណិជ្ជកម្ម វិនិយោគ និងវិស័យផ្សេងៗផងដែរ។មុន​នឹង​បញ្ចប់ សម្តេចធិបតី និងឯកឧត្តមប្រធានាធិបតី មានសុទិដ្ឋិនិយមថា នឹងបន្ត​មាន​ការ​អភិវឌ្ឍ​កាន់​តែ​ល្អប្រសើរថែមទៀត ហើយទំនាក់ទំនងនេះនឹង​ជាកត្តា​កំណត់​សម្រាប់​កិច្ច​សហ​ប្រតិបត្តិការ និងការទទួលបាននូវវិបុលភាពនៅពេលអនាគតរវាងប្រទេសទាំងពីរ៕

អ៊ីស្រាអែល អនុម័តផែនការប្រតិបត្តិការយោធាសម្រាប់ការវាយលុកនៅប្រទេសលីបង់

2024/06/19 08:46:18 am        220
Facebook Telegram Linkin
យោធាអ៊ីស្រាអែល បាននិយាយកាលពីថ្ងៃអង្គារ (១៨ មិថុនា) ថា ផែនការប្រតិបត្តិការសម្រាប់ការវាយលុកនៅក្នុងប្រទេសលីបង់ ត្រូវបាន «អនុម័ត និងមានសុពលភាព» ខណៈដែលកងកម្លាំងអ៊ីស្រាអែល និងក្រុឧទ្ទាមហេសបូឡា (Hezbollah) ដែលគាំទ្រដោយអ៊ីរ៉ង់ បានចូលរួមក្នុងការបាញ់ប្រហារឆ្លងព្រំដែនទៅវិញទៅមក។ យោធាបាននិយាយនៅក្នុងសេចក្តីថ្លែងការណ៍មួយថា ក្រុមមន្ត្រីយោធាជាន់ខ្ពស់អ៊ីស្រាអែល «បានធ្វើការវាយតម្លៃស្ថានភាពរួមគ្នាមួយនៅក្នុងបញ្ជាការភាគខាងជើង។ ជាផ្នែកមួយនៃការវាយតម្លៃស្ថានភាពនោះ ផែនការប្រតិបត្តិការសម្រាប់ការវាយលុកនៅក្នុងប្រទេសលីបង់ ត្រូវបានអនុម័ត និងធ្វើឱ្យមានសុពលភាព។ ការសម្រេចនេះត្រូវបានធ្វើឡើងជុំវិញការបន្តបង្កើនការត្រៀមខ្លួនរបស់កងទ័ពនៅក្នុងតំបន់នោះ»។ក្រុមហេសបូឡា របស់ប្រទេសលីបង់ ដែលជាសម្ព័ន្ធមិត្តរបស់ពួកហាម៉ាស និងអ៊ីស្រាអែល បានធ្វើការបាញ់តបតទៅមកស្ទើរតែរាល់ថ្ងៃចាប់តាំងពីសង្រ្គាមហ្កាហ្សា បានផ្ទុះឡើងដោយការវាយប្រហារកាលពីថ្ងៃទី០៧ ខែតុលា របស់ក្រុមសកម្មប្រយុទ្ធប៉ាឡេស្ទីនហាម៉ាស ទៅលើភាគខាងត្បូងអ៊ីស្រាអែល។ ផែនការយោធានេះបានកើតឡើងនៅពេលដែលរដ្ឋមន្ត្រីការបរទេសអ៊ីស្រាអែល លោក អ៊ីស្រាអែល ខាត់ស៍ (Israel Katz) បានព្រមានក្រុមហេសបូឡា ថាខ្លួននឹងត្រូវបានបំផ្លាញប្រសិនបើមាន «សង្រ្គាមពេញលេញ» រវាងប្រទេសទាំងពីរ។នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយនៅខែនេះថា យោធាបានត្រៀមខ្លួនរួចជាស្រេចសម្រាប់ប្រតិបត្តិការដ៏ខ្លាំងក្លាមួយនៅក្នុងប្រទេសលីបង់ ប្រសិនបើចាំបាច់ ដោយសន្យាថានឹងស្តារសន្តិសុខឡើងវិញនៅព្រំដែនភាគខាងជើងរបស់ប្រទេស។ ប្រេសិតពិសេសរបស់សហរដ្ឋអាមេរិក លោក អាម៉ូស ហូចស្ទេន (Amos Hochstein) បានស្ថិតនៅក្នុងប្រទេសលីបង់កាលពីថ្ងៃអង្គារ មួយថ្ងៃបន្ទាប់ពីបានជួបមេដឹកនាំអ៊ីស្រាអែល ដោយស្វះស្វែងរកការបន្ធូរបន្ថយភាពតានតឹង «ជាបន្ទាន់» នៅតាមព្រំដែនអ៊ីស្រាអែល-លីបង់៕

មន្ត្រីហ្វីលីពីន៖ កងកម្លាំងចិនបានរឹបអូសទូកកងទ័ពជើងទឹក ២ គ្រឿងក្នុងដែនទឹកមានជម្លោះ បណ្តាលឲ្យនាវិករងរបួស

2024/06/19 08:37:39 am        170
Facebook Telegram Linkin
មន្ត្រីសន្តិសុខហ្វីលីពីនបាននិយាយកាលពីថ្ងៃអង្គារសប្ដាហ៍នេះថា កងកម្លាំងចិន បានរឹបអូសទូកកៅស៊ូហ្វីលីពីនចំនួនពីរគ្រឿង ដែលកំពុងដឹកជញ្ជូនអាហារ និងគ្រឿងផ្គត់ផ្គង់ផ្សេងទៀតទៅកាន់ប៉ុស្តិ៍យោធានៅក្នុងដែនទឹកមានជម្លោះសមុទ្រចិនខាងត្បូង នៅក្នុងការប្រឈមដាក់គ្នាដ៏តានតឹងមួយ ដោយបណ្ដាលឲ្យទាហានជើងទឹកហ្វីលីពីនមួយចំនួនរងរបួស។មន្ត្រីហ្វីលីពីននិយាយថា នាវិកហ្វីលីពីនយ៉ាងហោចណាស់៨នាក់បានរងរបួស រួមទាំងម្នាក់ បានបាត់បង់មេដៃក្នុងការប៉ះទង្គិចគ្នានោះ។ សហរដ្ឋអាមេរិកបានបន្តការព្រមានកាលពីថ្ងៃអង្គារសប្ដាហ៍នេះដែរថា ខ្លួនមានកាតព្វកិច្ចការពារប្រទេសហ្វីលីពីន ដែលជាសម្ព័ន្ធមិត្តសន្ធិសញ្ញា មួយថ្ងៃបន្ទាប់ពីអរិភាពអស់ជាច្រើនម៉ោងក្នុងដែនទឹកមានជម្លោះ Second Thomas Shoal ។ តំបន់នេះ ត្រូវបានកាន់កាប់ដោយកងនាវាចរហ្វីលីពីនតូចមួយ នៅលើនាវាចម្បាំងបានបោះមូលដ្ឋានជាយូរមកហើយ ដែលត្រូវបានតាមដានយ៉ាងដិតដល់ដោយឆ្មាំល្បាតឆ្នេរ និងកងទ័ពជើងទឹករបស់ប្រទេសចិន ក្នុងការប្រឈមដាក់គ្នាលើដែនទឹកនេះ អស់រយៈពេលជាច្រើនឆ្នាំមកហើយ។មានក្ដីបារម្ភថា ជម្លោះដែនទឹកនៅសមុទ្រចិនខាងត្បូង ដែលត្រូវបានចាត់ទុកជាយូរមកហើយថាជាចំណុចក្ដៅរបស់អាស៊ី អាចកើនឡើង និងទាញឱ្យសហរដ្ឋអាមេរិក និងចិនធ្លាក់ចូលក្នុងជម្លោះកាន់តែធំ។ ប្រទេសចិន និងហ្វីលីពីន បានស្តីបន្ទោសគ្នាទៅវិញទៅមកចំពោះអរិភាពកាលពីថ្ងៃចន្ទ ដើមសប្ដាហ៍នេះ ដែលជាបញ្ហាធ្ងន់ធ្ងរបំផុតក្នុងរយៈពេលប៉ុន្មានខែថ្មីៗនេះ ប៉ុន្តែបានផ្តល់ព័ត៌មានលម្អិតតិចតួចប៉ុណ្ណោះ៕

[UPDATE ] លោក Putin ប្ដេជ្ញារួមគ្នាជាមួយលោកKim ជម្នះលើទណ្ឌកម្មដឹកនាំដោយសហរដ្ឋអាមេរិកអំឡុងទស្សនកិច្ចនៅកូរ៉េខាងជើង

2024/06/19 08:30:13 am        189
Facebook Telegram Linkin
ទីភ្នាក់ងារសារព័ត៌មានរុស្ស៊ីបានរាយការណ៍ថា លោកប្រធានាធិបតី Vladimir Putin បានទៅដល់ប្រទេសកូរ៉េខាងជើង នៅថ្ងៃពុធសប្ដាហ៍នេះ បន្ទាប់ពីលោកបាននិយាយថា ប្រទេសទាំងពីរចង់សហការគ្នាយ៉ាងជិតស្និទ្ធដើម្បីយកឈ្នះលើការដាក់ទណ្ឌកម្មដឹកនាំដោយសហរដ្ឋអាមេរិក ចំពោះមុខការប្រឈមដាក់គ្នាកាន់តែខ្លាំងជាមួយទីក្រុងវ៉ាស៊ីនតោន។ យោងតាមទីភ្នាក់ងារសារព័ត៌មាននានា បានឲ្យដឹងថា លោក Putin ត្រូវបានទទួលស្វាគមន៍យ៉ាងកក់ក្ដៅនៅឯអាកាសយានដ្ឋានទីក្រុងព្យុងយ៉ាង ដោយកម្រាលព្រំក្រហមក្រោមវត្តមានមេដឹកនាំកូរ៉េខាងជើងលោក Kim Jong Un។ លោក Putin ដែលធ្វើដំណើរទៅកាន់កូរ៉េខាងជើងជាលើកដំបូងក្នុងរយៈពេល ២៤ ឆ្នាំ បាននិយាយនៅក្នុងការអត្ថាធិប្បាយដែលបានចេញផ្សាយនៅក្នុងប្រព័ន្ធផ្សព្វផ្សាយរដ្ឋរបស់ខ្លួនប៉ុន្មានម៉ោងមុនទៅដល់ទឹកដីកូរ៉េខាងជើងថា លោកកោតសរសើរចំពោះការគាំទ្រយ៉ាងម៉ឺងម៉ាត់របស់ប្រទេសនេះ លើសកម្មភាពយោធារបស់លោកនៅអ៊ុយក្រែន ដែលបានចាប់ផ្តើមការលុកលុយពេញបន្ទុកលើប្រទេសជិតខាងកាលពីឆ្នាំ ២០២២។ លោកបាននិយាយថា បណ្តាប្រទេសនឹងបន្តប្រឆាំងយ៉ាងម៉ឺងម៉ាត់ នូវអ្វីដែលលោកបានហៅថាជាមហិច្ឆតារបស់លោកខាងលិច ក្នុងបំណងរារាំងការបង្កើតសណ្តាប់ធ្នាប់ពិភពលោកពហុប៉ូលដោយផ្អែកលើយុត្តិធម៌ ការគោរពគ្នាទៅវិញទៅមក ចំពោះអធិបតេយ្យភាព ដោយគិតពីផលប្រយោជន៍របស់គ្នាទៅវិញទៅមក។ដំណើរទស្សនកិច្ចរបស់មេដឹកនាំរុស្ស៊ី កើតឡើងស្របពេលមានការព្រួយបារម្ភកាន់តែខ្លាំងពីការរៀបចំសព្វាវុធ ដែលក្រុងព្យុងយ៉ាងផ្តល់ឱ្យទីក្រុងមូស្គូនូវគ្រាប់រំសេវ ដើម្បីបញ្ឆេះសង្គ្រាមរបស់រុស្ស៊ីក្នុងប្រទេសអ៊ុយក្រែន ជាថ្នូរនឹងជំនួយសេដ្ឋកិច្ច និងការផ្ទេរបច្ចេកវិទ្យា ដែលនឹងជួយបង្កើនការគំរាមកំហែង បង្កឡើងដោយកម្មវិធីអាវុធនុយក្លេអ៊ែរ និងមីស៊ីលរបស់លោកKim Jong Un៕

បណ្ដាញសង្គម

ព័ត៌មានថ្មីៗ

រមណីយដ្ឋានភ្នំជីសូរ្យ ជារមណីដ្ឋានទេសចរណ៍ប្រវត្តិសាស្រ្តរបស់ខេត្តតាកែវ គួបផ្សំនឹងទស្សនីយភាពធម្មជាតិកំពុងទាក់ទាញទេសចរជាតិ និងអន្តរជាតិមកទស្សនាយ៉ាងច្រើន
03/09/2026 11:03 AM
Facebook Telegram Linkin
អូស្រ្តាលី និងកូរ៉េស្មើគ្នាដឹកដៃគ្នាឡើងវគ្គ ៨ ក្រុមចុងក្រោយបាល់ទាត់នារីជើងឯកអាស៊ី
03/09/2026 11:03 AM
Facebook Telegram Linkin
កីឡាករអាមេរិក Akshay Bhatia គ្រងជើងឯកវាយកូនគោល Arnold Palmer Invitational នៅអាមេរិក
03/09/2026 10:03 AM
Facebook Telegram Linkin
មន្ត្រីមន្ទីរបញ្ចកោណ៖អាមេរិក ចាយលុយប្រហែល ៦ពាន់លានដុល្លារក្នុងសប្តាហ៍ដំបូងនៃសង្គ្រាមអ៊ីរ៉ង់
03/09/2026 10:03 AM
Facebook Telegram Linkin
សហរដ្ឋអាមេរិក និយាយថាខ្លួននឹងមិនវាយប្រហារវិស័យថាមពលរបស់អ៊ីរ៉ង់ទេ
03/09/2026 10:03 AM
Facebook Telegram Linkin
សហព័ន្ធលើកទម្ងន់កម្ពុជាជ្រើសរើសសមាជិកប្រតិបត្តិបន្ថែមត្រៀមស៊ីហ្គេមលើកទី ៣៤ ឆ្នាំ ២០២៧
03/09/2026 10:03 AM
Facebook Telegram Linkin
អាជ្ញាធរនឹងបិទចរាចរណ៍យានយន្តធុនធំគ្រប់ប្រភេទលើកំណាត់ផ្លូវខេត្តលេខ ៣៧១ (ឆ្លូង-រកាខ្នុរ) ចាប់ពីថ្ងៃទី១០ មីនាស្អែកនេះតទៅ ដើម្បីស្ថាបនាស្ពានព្រែកសំរោង
03/09/2026 10:03 AM
Facebook Telegram Linkin
George Russell ឈ្នះការប្រណាំង F1 ប្រកួតដំបូងរដូវកាលថ្មីនៅអូស្រ្តាលី
03/09/2026 10:03 AM
Facebook Telegram Linkin
ដំណើរទស្សនកិច្ចរបស់លោក Trump ទៅចិនទំនងមិននាំមកនូវវឌ្ឍភាពនោះទេ ខណៈមានបំណងរក្សាស្ថិរភាព
03/09/2026 10:03 AM
Facebook Telegram Linkin
លីគអាជីពនារី Queen Legends លើកទី៣ ត្រឡប់មកវិញ សប្ដាហ៍នេះ រំពឹង​មាន​ការ​ប្រកួត​ប្រជែង​កាន់​តែខ្លាំង
03/09/2026 10:03 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.