នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវកៅស៊ូ DBST ១ខ្សែ​ជូន​ប្រជា​ពលរដ្ឋ​ឃុំ​ស្វាយ​លួង ​ស្រុកកណ្តៀង
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%

នយោបាយ​ និង ការអភិវឌ្ឍន៍

សម្ដេចធិបតីណែនាំក្រសួង និងរដ្ឋបាលរាជធានីភ្នំពេញ បង្កើនល្បឿនអភិវឌ្ឍន៍ទីក្រុងស្របតាមស្ដង់ដា

2024/06/17 10:45:53 am        130
Facebook Telegram Linkin
ក្នុងឱកាសអញ្ជើញជាអធីបតីបើកការដ្ឋានសាងសង់ស្ពានអាកាសភ្លោះនៅចំណុច ប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ព្រំប្រទល់រវាងរាជធានីភ្នំពេញ និងខេត្តកណ្តាល នាព្រឹកថ្ងៃទី១៧ ខែមិថុនានេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំដល់ក្រសួង ស្ថាប័នជំនាញ និងអភិបាលរាជធានីភ្នំពេញត្រូវបង្កើនល្បឿនក្នុងការសាងសង់ហេដ្ឋារចនាសម្ព័ន្ធនានានៅក្នុងទីក្រុងប្រកបដោយស្ដង់ដា និងបំពាក់ដោយបច្ចេកវិទ្យាទំនើបឱ្យស័ក្ដិសមជាទីក្រុងឆ្លាតអាស៊ាន។ក្នុងឱកាសនោះ សម្ដេចធិបតី នាយករដ្ឋមន្រ្ដី បានបង្ហាញក្តីសោមនស្សរីករាយ ដែលបានអញ្ជើញបើកការដ្ឋានសាងសង់ស្ពានអាកាសភ្លោះ នៅចំណុចប្រសព្វមហាវិថីសម្តេចតេជោ និងផ្លូវជាតិលេខ២នាព្រឹកថ្ងៃនេះ។ សម្តេចធិបតីថ្លែងថា គម្លាតរវាងរាជធានីភ្នំពេញ និងបណ្តាខេត្តបច្ចុប្បន្ននេះ គឺកាន់តែខិតជិតគ្នាបន្តិចម្តងៗតាមរយៈការកសាងហេដ្ឋារចនាសម្ព័ន្ធនានា ខណៈផ្ទៃដីរាជធានីភ្នំពេញ បានរីករហូតដល់ជិត ៧០ ម៉ឺនគីឡូម៉ែត្រក្រឡា។ សម្តេចធិបតី នាយករដ្ឋមន្រ្ដីបានថ្លែងថា បច្ចុប្បន្នប្រជាពលរដ្ឋក្នុងរាជធានីភ្នំពេញទាំងអ្នករស់នៅអចិន្រ្ដៃយ៍ និងអ្នកមកធ្វើការសរុបជិត ៣ នាក់ និងមានយានយន្តជិត ២ លានគ្រឿង។ កត្តានេះបានបង្ហាញយ៉ាងច្បាស់ថា ជីវភាពរបស់ប្រជាពលរដ្ឋនៅក្នុងរាជធានីភ្នំពេញ ក៏ដូចជានៅទូទាំងប្រទេសកាន់តែល្អប្រសើរ។ក្នុងឱកាសនោះ សម្ដេចធិបតី នាយករដ្ឋមន្រ្ដីក៏បានផ្ដល់អនុសាសន៍ដល់ រដ្ឋបាលរាជធានីភ្នំពេញត្រូវបន្តយកចិត្តទុកដាក់អនុវត្តគោលនយោបាយ «ភូមិ ឃុំ សង្កាត់ មានសុវត្ថិភាព» ដែលជាអាទិភាពគន្លឹះមួយរបស់រាជរដ្ឋាភិបាល ដើម្បីពង្រឹងការងារសន្តិសុខ និងសណ្ដាប់ធ្នាប់សាធារណៈ។ ធានាការពារសុវត្ថិភាពជូនប្រជាពលរដ្ឋ និងភ្ញៀវទេសចរជាតិ-អន្តរជាតិឱ្យបានល្អប្រសើរ ពោលគឺត្រូវបន្តចាត់វិធានការឱ្យបានជាប្រចាំជាប់មិនដាច់ដូចភ្លៀងរលឹមដោយមិនត្រូវលើកលែងឡើយ។ សម្តេចធិបតីណែនាំរដ្ឋបាលរាជធានីភ្នំពេញ ត្រូវយកចិត្តទុកដាក់រំដោះចញ្ចើមផ្លូវក្នុងទីក្រុងឱ្យខាងតែបាន ដើម្បីសម្រួលចរាចរណ៍ និងកាត់បន្ថយការកកស្ទះចរាចរណ៍ សំដៅកាត់បន្ថយថ្លៃនៃការធ្វើដំណើរ (ចំណេញពេល និង សេដ្ឋកិច្ច), បង្កើនសេវាកម្មជិះរថយន្តក្រុង និងកាត់បន្ថយ ផលប៉ះពាល់ដល់បរិស្ថាននៅក្នុងទីក្រុង ជាមួយនឹងការបង្កើនសម្រស់របស់រាជធានីភ្នំពេញផងដែរ៕អត្ថបទ៖វ៉ន ដារ៉ា

សម្តេចធិបតី៖ ស្ពានអាកាសភ្លោះចំណុចព្រំប្រទល់ភ្នំពេញ និងខេត្តកណ្តាល នឹងក្លាយជាផ្លូវដឹកជញ្ជូនឡូជីស្ទីក

2024/06/17 10:33:05 am        147
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ស្ពានអាកាសភ្លោះចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ស្ថិតនៅព្រំប្រទល់រាជធានីភ្នំពេញ ខេត្តកណ្តាលនេះ នឹងក្លាយទៅជាការដឹកជញ្ជូនឡូជីស្ទីកមួយពីផ្លូវគោកទៅកាន់ផ្លូវអាកាស ខណៈគម្រោងនៃការសាង សង់នេះគឺជាការគិតគូរទុកជាមុនរបស់រាជរដ្ឋាភិបាល ក្នុងការសម្រួលដល់ចរាចរណ៍ក្នុងការដឹកជញ្ជូន។ថ្លែងនៅក្នុងឱកាសអញ្ជើញជាអធិបតីបើកការដ្ឋានសាងសង់ស្ពានអាកាសភ្លោះ ចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ស្ថិតនៅព្រំប្រទល់រាជធានីភ្នំពេញ ខេត្តកណ្តាល នាថ្ងៃទី១៧ ខែមិថុនា ឆ្នាំ២០២៤នេះ សម្តេចធិបតី បានលើកឡើងថា ការសាងសង់ស្ពានអាកាសភ្លោះថ្មីនេះឡើង ដើម្បីឆ្លើយតបទៅនឹងស្ថានភាព​ចរាចរណ៍ ដែលនឹងមានសភាពកាន់តែ​មមាញឹក​ក្រោយព្រលានយន្តហោះអន្តរជាតិតេជោ ស្ថិតក្នុងខេត្តកណ្តាល ត្រូវដាក់ឱ្យដំណើរការនៅឆ្នាំ២០២៥នោះ។សម្តេចធិបតី ហ៊ុន ម៉ាណែត បានលើកឡើងផងដែរថា ស្ពានអាកាសភ្លោះថ្មីនេះ ក៏នឹងធ្វើឲ្យសុវត្ថិភាព និងឯករាជ្យភាពក្នុងការធ្វើដំណើររបស់ បងប្អូនប្រជាពលរដ្ឋនៅក្នុងរាជធានីភ្នំពេញ និងខេត្តកណ្តាល រួមទាំងបងប្អូនប្រជាពលរដ្ឋខ្មែរគ្រប់រូបឲ្យកាន់តែល្អប្រសើរបន្ថែមទៀត ដូច្នេះសូមបងប្អូនទាំងអស់រីករាយចំពោះសមិទ្ធផលថ្មី ដែលកើតឡើងក្នុងរាជរដ្ឋាភិបាលអាណត្តិទី៧ក្នុងនីតិកាលរដ្ឋសភានេះ។ ក្នុងនោះដែរ សម្តេចធិបតី ក៏បានរំលឹក ផងដែថា ការដែលកម្ពុជាបន្តមានសមិទ្ធផលបន្ថែមជារឿយៗនេះ គឺកើតចេញពីកត្តាសុខសន្តិភាព ហើយ ដរាបណា កម្ពុជាមានសុខសន្តិភាព ភាពរីកចម្រើនរបស់កម្ពុជានឹងបន្តឥតឈប់ឈរនោះឡើយ៕អត្ថបទបាន ចក់

សម្តេចធិបតី៖ ត្រូវបង្រ្កាបឲ្យខាងតែបានចំពោះក្មេងទំនើង បើងើបមួយបង្រ្កាបមួយ ដើម្បីសន្តិសុខសង្គម

2024/06/17 10:25:29 am        182
Facebook Telegram Linkin
ជាថ្មីម្តងទៀត សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចេញបទបញ្ជាយ៉ាងម៉ឺងម៉ាត់បំ ផុតដោយជំរុញឲ្យអាជ្ញាធរគ្រប់រាជធានី-ខេត្តទាំងអស់ត្រូវទប់ស្កាត់ និងបង្រ្កាបក្មេងទំនើងឲ្យខាងតែបាន ដោយមិនត្រូវឲ្យពួកគេធ្វើអ្វីស្រេចតែចិត្តបន្តទៀតនោះទេ នាំឲ្យខូចសណ្តាប់ធ្នាប់ និងសន្តិសុខសង្គម។ក្នុងឱកាសអញ្ជើញជាអធិបតីបើកការដ្ឋានសាងសង់ស្ពានអាកាសភ្លោះ ចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ស្ថិតនៅព្រំប្រទល់រាជធានីភ្នំពេញ ខេត្តកណ្តាល នាថ្ងៃទី១៧ ខែមិថុនា ឆ្នាំ២០២៤នេះ សម្តេចធិបតី បានលើកឡើងថា ក្នុងរយៈពេលប៉ុន្មានថ្ងៃចុងក្រោយនេះគឺអាជ្ញាធរ បានធ្វើសកម្មភាពទប់ស្កាត់ និងបង្រ្កាបក្រុមក្មេងទំនើងយ៉ាងសកម្ម ប៉ុន្តែក្មេងខ្លះនៅតែបន្តផ្គើន ដូច្នេះត្រូវតែការបង្រ្កាបឲ្យអស់ បើងើបមួយក្រុម ចាត់វិធានការមួយក្រុមដោយគ្មានការលើកលែងនោះ ឡើយ។ សម្តេចធិបតី បានបន្ថែមថាត្រូវតែកំចាត់ឲ្យបាន ខណៈក្មេងទំនើងទាំងនោះបានបង្ករភាពមិន សប្បាយចិត្តដល់ប្រជាពលរដ្ឋ ហើយខ្លះទៀតរហូតដល់ប្រើសកម្មភាពសាហាវដោយមិន​អាចទទួលយក បាននោះឡើយ។សូមបញ្ជាក់ថា ក្រោយមានបទបញ្ជារបស់សម្តេចធិបតី នាយករដ្ឋមន្រ្តីនៃកម្ពុជា ក្នុងរយៈពេលប៉ុន្មាន​សប្តាហ៍ចុងក្រោយនេះ សមត្ថកិច្ចបានធ្វើការឃាត់ខ្លួនក្រុមក្មេងទំនើងនូវទូទាំង​ប្រទេសបាន​រាប់រយនាក់ ហើយក្មេងមួយចំនួនបានបញ្ជូនទៅកាន់តុលាការ ខណៈក្មេងមួយចំនួនទៀត​បានធ្វើការណែនាំ៕អត្ថបទបាន ចក់

ជនជាតិឥណ្ឌា ដែលសង្ស័យក្នុងគម្រោងសម្លាប់អ្នកផ្ដាច់ខ្លួនសាសនាស៊ីក ត្រូវបានធ្វើបត្យាប័នទៅអាមេរិក

2024/06/17 10:11:49 am        165
Facebook Telegram Linkin
យោងតាមគេហទំព័ររបស់ការិយាល័យពន្ធនាគារសហព័ន្ធ និងប្រភពដែលដឹងអំពីបញ្ហានេះបានឱ្យដឹងថា បុរសជនជាតិឥណ្ឌាម្នាក់ដែលត្រូវបានសង្ស័យដោយសហរដ្ឋអាមេរិក ថាមានជាប់ពាក់ព័ន្ធក្នុងផែនការមិនជោគជ័យក្នុងការសម្លាប់អ្នកផ្ដាច់ខ្លួនសាសនាស៊ីក (Sikh) នៅលើទឹកដីអាមេរិក ត្រូវបានគេធ្វើបត្យាប័នទៅសហរដ្ឋអាមេរិក ពីសាធារណរដ្ឋឆេក។បុរសឈ្មោះ នីកហ៊ីល គូបតា (Nikhil Gupta) វ័យ ៥២ ឆ្នាំ ត្រូវបានរដ្ឋអាជ្ញាសហព័ន្ធអាមេរិកចោទប្រកាន់ពីបទឃុបឃិតជាមួយមន្ត្រីរដ្ឋាភិបាលឥណ្ឌាដើម្បីសម្លាប់លោក គូប៉ាវ៉ាន ស៊ីញប៉ាននុន (Gurpatwant Singh Pannun) ជាពលរដ្ឋអាមេរិក ដែលតស៊ូមតិដើម្បីអធិបតេយ្យភាពរដ្ឋសម្រាប់អ្នកកាន់សាសនាស៊ីក នៅភាគខាងជើងប្រទេសឥណ្ឌា។លោក គូបតា បានធ្វើដំណើរទៅកាន់ទីក្រុងប្រាក ពីប្រទេសឥណ្ឌា កាលពីខែមិថុនា ឆ្នាំមុន ហើយត្រូវបានចាប់ខ្លួនដោយអាជ្ញាធរឆេក។ កាលពីខែមុន តុលាការឆេក បានច្រានចោលញត្តិរបស់ជនសង្ស័យរូបនេះដើម្បីគេចពីការបញ្ជូនទៅសហរដ្ឋអាមេរិក ដោយបើកផ្លូវឱ្យរដ្ឋមន្ត្រីក្រសួងយុត្តិធម៌ឆេក ធ្វើបត្យាប័នបុរសរូបនេះ។ការទម្លាយផែនការធ្វើឃាតប្រឆាំងនឹងអ្នកផ្ដាច់ខ្លួនសាសនាស៊ីក នៅសហរដ្ឋអាមេរិក និងកាណាដា បានសាកល្បងទំនាក់ទំនងជាមួយឥណ្ឌា ដែលលោកខាងលិចមើលឃើញថាជាអ្នកប្រឆាំងទៅនឹងកំណើនឥទ្ធិពលពិភពលោករបស់ចិន។ រដ្ឋាភិបាលឥណ្ឌា បដិសេធការជាប់ពាក់ព័ន្ធនឹងការគម្រោងសម្លាប់ទាំងនោះ៕

រដ្ឋមន្ត្រីស្វីស៖ ជំនួបកំពូលអ៊ុយក្រែនមួយផ្សេងទៀត អាចកើតឡើងមុនការបោះឆ្នោតអាមេរិក

2024/06/17 10:08:39 am        154
Facebook Telegram Linkin
រដ្ឋមន្ត្រីក្រសួងការបរទេសស្វីស លោក អ៊ីកណាហ្ស៊ីញ៉ូ កាស៊ី(Ignazio Cassis) បាននិយាយកាលពីថ្ងៃអាទិត្យថា កិច្ចប្រជុំកំពូលបន្តមួយផ្សេងទៀតបន្ទាប់ពីកិច្ចពិភក្សាកាលពីចុងសប្តាហ៍នេះ ក្នុងប្រទេសស្វីស នឹងមានគោលបំណងត្រួសត្រាយផ្លូវសម្រាប់សន្តិភាពក្នុងប្រទេសអ៊ុយក្រែន គឺអាចសម្រេចធ្វើទៅបាន នៅមុនការបោះឆ្នោតប្រធានាធិបតីសហរដ្ឋអាមេរិក ក្នុងខែវិច្ឆិកា។សម្រាប់ទីកន្លែងដែលសន្និសីទអ៊ុយក្រែនធ្វើបន្ទាប់ នៅមិនទាន់ច្បាស់លាស់នៅឡើយ នៅចុងបញ្ចប់នៃកិច្ចប្រជុំកំពូលមេដឹកនាំពិភពលោកនៅរមណីយដ្ឋាន ប៊ូអឺជេនស្តុក(Buergenstock) ក្នុងប្រទេសស្វីសភាគកណ្តាល។លោក បាននិយាយថា ករណីលើកលែង អាចត្រូវបានធ្វើឡើងសម្រាប់ប្រធានាធិបតីរុស្ស៊ី លោក វ្ល៉ាឌីមៀ ពូទីន ក្នុងការមកកាន់ប្រទេសស្វីស ទោះបីជាមានដីកាចាប់ខ្លួនដែលចេញដោយតុលាការព្រហ្មទណ្ឌអន្តរជាតិក៏ដោយ ព្រោះថា វាអាចធ្វើទៅបាន យោងទៅតាមច្បាប់របស់យើង ។ ប្រធានគណៈកម្មការអឺរ៉ុប លោកស្រី Ursula von der Leyen បាននិយាយកាលពីថ្ងៃអាទិត្យថា កិច្ចប្រជុំកំពូលនៅប្រទេសស្វីស កាលពីចុងសប្តាហ៍ បាននាំមកនូវសន្តិភាពកាន់តែខិតទៅជិតអ៊ុយក្រែន ប៉ុន្តែសន្តិភាពពិតប្រាកដ នៅមិនទាន់ទទួលបាននៅឡើយ ក្នុងជំហានដំបូងនេះ ហើយវាត្រូវការភាពអត់ធ្មត់ និងការប្តេជ្ញាចិត្ត ។លោកស្រី បាននិយាយថា ប្រធានាធិបតីរុស្ស៊ី លោក វ្ល៉ាឌីមៀ ពូទីន ពុំមានភាពហ្មត់ចត់ចំពោះការបញ្ចប់សង្រ្គាមនេះទេ ដោយបានធ្វើការទាមទារឱ្យអ៊ុយក្រែនប្រគល់ទឹកដី ទោះបីជាមិនស្ថិតក្នុងដៃរុស្ស៊ីក៏ដោយ។ដោយផ្តល់សេចក្តីថ្លែងការណ៍ទៅកាន់ប្រព័ន្ធផ្សព្វផ្សាយនៅចុងបញ្ចប់នៃកិច្ចប្រជុំកំពូលរយៈពេលពីរថ្ងៃ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា នឹងពុំមានសន្តិភាពយូរអង្វែង បើគ្មានបូរណភាពទឹកដីសម្រាប់ប្រទេសរបស់លោក ហើយការបន្តការងារដោយអ្នកចូលរួមកិច្ចប្រជុំកំពូល នឹងបើកផ្លូវទៅកាន់កិច្ចប្រជុំកំពូលលើកទីពីរ។

មេដឹកនាំស្តាំនិយមរបស់ស្វីស ហៅជំនួបកំពូលសន្តិភាពអ៊ុយក្រែន ថាជារឿងដ៏អាម៉ាស់

2024/06/17 09:55:24 am        192
Facebook Telegram Linkin
អ្នកនយោបាយជាតិនិយម-ស្តាំនិយមឈានមុខគេរបស់ប្រទេសស្វីស បានរិះគន់កិច្ចប្រជុំកំពូលដែលប្រទេសរបស់ខ្លួនកំពុងធ្វើជាម្ចាស់ផ្ទះក្នុងគោលបំណងដាក់សម្ពាធលើរុស្ស៊ី ឱ្យបញ្ចប់សង្រ្គាមលើអ៊ុយក្រែន ថាជា «ភាពអាម៉ាស់» ដោយឆ្លុះបញ្ចាំងពីទស្សនៈដែលថាកិច្ចពិភាក្សានេះកំពុងធ្វើឱ្យខូចដល់អព្យាក្រឹតភាពប្រពៃណីរបស់ប្រទេសស្វីស។គណបក្សប្រជាជនស្វីស (SVP) ដែលជាបក្សស្តាំនិយម និងធំជាងគេនៅក្នុងសភាជាន់ទាប និយាយថា អព្យាក្រឹតភាពគឺជាផ្នែកសំខាន់មួយនៃភាពរុងរឿងរបស់ប្រទេសស្វីស ហើយបានចាប់ផ្តើមការបោះឆ្នោតប្រជាមតិដើម្បីដាក់បញ្ចូលគោលការណ៍នេះនៅក្នុងរដ្ឋធម្មនុញ្ញ។បណ្ដាឥស្សរជនជាន់ខ្ពស់នៅក្នុងគណបក្ស SVP នេះបានលើកឡើងថា ប្រទេសស្វីសមិនគួរធ្វើជាម្ចាស់ផ្ទះនៃកិច្ចប្រជុំកំពូលកាលពីចុងសប្តាហ៍នេះដោយគ្មានវត្តមានប្រទេសរុស្ស៊ីទេ ហើយលោក នីលស៍ ហ្វេចធឺ (Nils Fiechter) ប្រធានក្រុមយុវជនរបស់គណបក្ស SVP បានរិះគន់ខ្លាំងៗលើកិច្ចពិភាក្សានេះក្នុងបទសម្ភាសន៍ជាមួយប្រព័ន្ធផ្សព្វផ្សាយរុស្ស៊ី RT ។កិច្ចប្រជុំកំពូល ដែលធ្វើឡើងនៅរមណីយដ្ឋានដ៏ប្រណិតឈ្មោះ ប៊ឺហ្កិនស្តុក (Buergenstock) បានបង្កឱ្យមានការជជែកវែកញែកយ៉ាងក្តៅគគុកលើថា តើប្រទេសស្វីស គួរតែបោះបង់ចោលអព្យាក្រឹតភាពរបស់ខ្លួន ដែលជាជំហរចាក់ឫសយ៉ាងជ្រៅនៅក្នុងផ្នត់គំនិតរបស់ប្រជាជនស្វីស ឬយ៉ាងណា។ មហាអំណាចលោកខាងលិច និងប្រទេសផ្សេងទៀតនៅក្នុងសន្និសីទកាលពីថ្ងៃអាទិត្យ ស្វះស្វែងរកការឯកភាពគ្នាលើការថ្កោលទោសប្រតិបត្តិការយោធាពិសេសរបស់រុស្ស៊ី និងគូសបញ្ជាក់ពីតួលេខអ្នកស្លាប់ដ៏សម្បើមនៅក្នុងសង្គ្រាម៕

អ៊ុយក្រែន៖ លោក ពូទីន មិនទាន់ត្រៀមខ្លួនសម្រាប់សន្តិភាពទេ និងអំពាវនាវឱ្យរុស្ស៊ីដកទ័ពទាំងស្រុង

2024/06/17 09:51:15 am        91
Facebook Telegram Linkin
ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelensky) បាននិយាយកាលពីថ្ងៃអាទិត្យ (១៦ មិថុនា) ថា ប្រទេសរុស្ស៊ីមិនទាន់ត្រៀមខ្លួនរួចជាស្រេចសម្រាប់ «សន្តិភាព» នោះទេ ដោយទទូចថាទីក្រុងគីវ បើកចំហសម្រាប់កិច្ចពិភាក្សាភ្លាមៗ ប្រសិនបើទីក្រុងមូស្គូ ដកកងទ័ពរបស់ខ្លួនទាំងស្រុងចេញពីទឹកដីអ៊ុយក្រែន។លោក ហ៊្សេឡិនស្គី បានលើកឡើងបែបនេះនៅចុងបញ្ចប់នៃកិច្ចប្រជុំកំពូលការទូតដ៏ធំមួយនៅប្រទេសស្វីស ដែលរុស្ស៊ីមិនត្រូវបានអញ្ជើញ ហើយត្រូវបានរៀបចំឡើងដើម្បីប្រមូលផ្តុំការគាំទ្រចំពោះសំណើរបស់ទីក្រុងគីវ អំពីមធ្យោបាយដែលសង្រ្គាមគួរតែបញ្ចប់។លោក ហ៊្សេឡិនស្គី បានប្រាប់អ្នកសារព័ត៌មានក្នុងសន្និសីទសារព័ត៌មានបិទបញ្ចប់កិច្ចប្រជុំថា «នេះជាការពិតដែលថារុស្ស៊ី និងថ្នាក់ដឹកនាំរបស់ពួកគេមិនទាន់ត្រៀមខ្លួនសម្រាប់សន្តិភាពដ៏ត្រឹមត្រូវនៅឡើយទេ»។ សេចក្តីថ្លែងការណ៍ចុងក្រោយដែលយល់ព្រមដោយរដ្ឋចំនួន ៨០ បានបញ្ជាក់ឡើងវិញនូវការប្តេជ្ញាចិត្តចំពោះ «បូរណភាពទឹកដី» របស់អ៊ុយក្រែន ហើយបាននិយាយថាការសន្ទនារវាង «ភាគីទាំងអស់» នឹងត្រូវការជាចាំបាច់ដើម្បីបញ្ចប់ជម្លោះ។ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កាលពីសប្ដាហ៍មុន បានទាមទារឱ្យអ៊ុយក្រែន ដកទ័ពរបស់ខ្លួនចេញពីភាគខាងត្បូង និងខាងកើតនៃប្រទេស ប្រសិនបើខ្លួនចង់ឱ្យសង្រ្គាមបញ្ចប់ ដោយនោះជាការលើកឡើងដែលអ៊ុយក្រែន បដិសេធ៕

ចិន៖ នាវាផ្គត់ផ្គង់របស់ហ្វីលីពីន បានបុកនាវាចិននៅឯដែនទឹកជម្លោះសមុទ្រចិនខាងត្បូង

2024/06/17 09:44:02 am        131
Facebook Telegram Linkin
ឆ្មាំល្បាតឆ្នេរចិនបាននិយាយនៅថ្ងៃចន្ទ (១៧ មិថុនា) នេះថា នាវាផ្គត់ផ្គង់របស់ហ្វីលីពីន បានបើកប្រកបដោយគ្រោះថ្នាក់ចូលទៅជិតនាវាចិន ដែលបណ្តាលឱ្យមានការប៉ះទង្គិចគ្នាបន្តិចបន្តួចបន្ទាប់ពីនាវាផ្គត់ផ្គង់នោះបានចូលទន្ទ្រានដោយខុសច្បាប់ចូលទៅក្នុងដែនទឹកដែលនៅជាប់នឹងតំបន់ថ្មប៉ប្រះទឹក សេខិន ថូម៉ាស ស្ហូល (Second Thomas Shoal) ក្នុងសមុទ្រចិនខាងត្បូង។ឆ្មាំល្បាតឆ្នេរបាននិយាយនៅក្នុងសេចក្តីថ្លែងការណ៍មួយថា នាវាដឹកជញ្ជូន និងបំពេញគ្រឿងផ្គត់ផ្គង់បន្ថែមរបស់ហ្វីលីពីន មិនអើពើនឹងការព្រមានម្តងហើយម្តងទៀតរបស់ចិន ដោយបន្ថែមថា នាវានោះមានចេតនា និងបើកយ៉ាងគ្រោះថ្នាក់ចូលទៅជិតនាវាចិនក្នុងលក្ខណៈគ្មានវិជ្ជាជីវៈ ដែលបណ្តាលឱ្យមានការប៉ះទង្គិច។ សេចក្តីថ្លែងការណ៍នោះមិនបានលើកឡើងអំពីរបួស ឬការខូចខាតដល់នាវាទាំងពីរនោះទេ។អស់រយៈពេលជាច្រើនខែមកហើយ ប្រទេសចិន និងហ្វីលីពីន បានចោទប្រកាន់ជុំវិញគ្នាទៅវិញទៅមកថាបានបើកនាវាពត់ពេនដ៏គ្រោះថ្នាក់ និងការប៉ះទង្គិចគ្នានៅឯដែនទឹក សេខិន ថូម៉ាស ស្ហូល ដែលជាដែនទឹកជម្លោះស្ថិតនៅក្នុងតំបន់សេដ្ឋកិច្ចផ្តាច់មុខរបស់ប្រទេសហ្វីលីពីន។ ឧប្បត្តិហេតុជាច្រើនបានកើតឡើងនៅពេលដែលហ្វីលីពីន ដាក់ពង្រាយបេសកកម្មផ្គត់ផ្គង់ឡើងវិញសម្រាប់ទាហានហ្វីលីពីន ឈរជើងលើនាវាចម្បាំងដ៏ចំណាស់មួយគ្រឿងនៅទីនោះ ដែលមានចេតនាចតចោលដើម្បីការពារការទាមទារដែនសមុទ្ររបស់ទីក្រុងម៉ានីល។ប្រទេសចិន ធ្លាប់បានព្រមានហ្វីលីពីន អំពីការទន្រ្ទានចូលទៅក្នុងដែនទឹករបស់ខ្លួន ហើយប្រទេសនេះបានចេញច្បាប់ថ្មីដែលចូលជាធរមាននៅថ្ងៃទី១៥ ខែមិថុនា ដែលនឹងអនុវត្តច្បាប់ឆ្នាំ២០២១ ដោយអនុញ្ញាតឱ្យឆ្មាំល្បាតឆ្នេររបស់ខ្លួនប្រើកម្លាំងដ៏ខ្លាំងក្លាប្រឆាំងនឹងនាវាបរទេសនៅក្នុងដែនទឹកដែលខ្លួនអះអាងសិទ្ធិ៕

ប្រសាសន៍សំខាន់ៗរបស់សម្តេចធិបតី ក្នុងឱកាសបើកការដ្ឋានសាងសង់ស្ពានអាកាសភ្លោះ ចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២

2024/06/17 09:31:46 am        169
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី១៧ ខែមិថុនា ឆ្នាំ ២០២៤នេះ បានអញ្ជើញជាអធិបតីភាពដ៏ខ្ពង់ខ្ពស់ បើកការដ្ឋានសាងសង់ស្ពានអាកាសភ្លោះចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ស្ថិតនៅព្រំប្រទល់រាជធានីភ្នំពេញ និងខេត្តកណ្តាល។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ានណែត បានលើកឡើងថា ស្ពានអាកាសភ្លោះចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ស្ថិតនៅព្រំប្រទល់រាជធានីភ្នំពេញ ខេត្តកណ្តាលនេះ នឹងក្លាយទៅជាការដឹកជញ្ជូនឡូជីស្តីកមួយ ពីផ្លូវគោកទៅកាន់ផ្លូវអាកាស។-សម្តេចធិបតី ហ៊ុន ម៉ាណែត ថ្លែងអបអរសាទរ នៅព្រឹកថ្ងៃថ្ងៃទី១៧ ខែមិថុនានេះកម្ពុជាបានបើកការដ្ឋានសាងសង់ស្ពានអាកាសភ្លោះ ស្ថិតនៅចំណុចប្រ សព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ព្រំប្រទល់រវាងរាជធានីភ្នំពេញ និងខេត្តកណ្តាល ខណៈស្ពានអាកាសភ្លោះនេះ សាងសង់ឡើងដើម្បីឆ្លើយតបទៅនឹងស្ថានភាពចរាចរណ៍ ដែលនឹងមានសភាពកាន់តែមមាញឹកនៅពេលព្រលានយន្តហោះអន្តរជាតិតេជោ ស្ថិតក្នុងខេត្តកណ្តាល ត្រូវដាក់ឱ្យដំណើរការនៅឆ្នាំ២០២៥។-សម្តេចធិបតី ហ៊ុន ម៉ាណែត បញ្ជាក់ថា នៅពេលដែលចំនួនប្រជាជនមានការកើនឡើងនៅក្នុងទីក្រុង គឺតម្រូវឱ្យមានការពង្រីកផ្លូវ ស្ពាន ស្ពានអាកាស រួមជាមួយនឹងហេដ្ឋារចនាសម្ព័ន្ធនានាជាច្រើនទៀត ដើម្បីដោះស្រាយបញ្ហាការកកស្ទះចរាចរណ៍ និងសម្រួលដល់ការធ្វើដំណើររបស់ប្រជាជន។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ កំណើនពលរដ្ឋ និងជីវភាពពលរដ្ឋកាន់តែប្រសើរ ធ្វើឱ្យភ្នំពេញ និងខេត្តជាច្រើន កំពុងប្រឈមនឹងកង្វះខាតកន្លែងចតយានយន្ត។-សម្តេចធិបតី ហ៊ុន ម៉ាណែត មានប្រសាសន៍ថា ភាពសម្បូរបែបនៅក្នុងរាជធានី និងទីក្រុង គឺបានបញ្ជាក់យ៉ាងច្បាស់ពីការរីកច្រើនរបស់ប្រទេសកម្ពុជាទាំងបរិមាណ និងគុណភាព។ សម្ដេចធិបតីបញ្ជាក់ថា ដរាបណាកម្ពុជានៅតែមានស្ថិរភាព និងសន្ដិភាពនោះការអភិវឌ្ឍរីកច្រើននឹងនៅតែមានបន្ថែមទៀត។-សម្ដេចធិបតី ហ៊ុន ម៉ាណែត៖ មានស្ថិរភាព មានសុខសន្តិភាពអង្វែងយូរ នឹងធ្វើឱ្យមានកំណើនពលរដ្ឋ ហេតុនេះភ្នំពេញ និងខេត្តកណ្ដាល នឹងបន្តរីកបន្ថែមទៀត។-សម្តេចធិបតី ហ៊ុន ម៉ាណែត មានប្រសាសន៍ថា សម្ដេចមិនទទួលយកយោបល់លើការស្នើសុំការកំណត់ឆ្នាំចំពោះការនាំចូលរថយន្តមកកម្ពុជានោះទេ។ សម្ដេច ថ្លែងថា មកដល់ម៉ោងនេះ នៅកម្ពុជាមិនទាន់មានការចាំបាច់ក្នុងការកំណត់ឆ្នាំរថយន្តចំពោះការនាំចូលនោះទេ ប៉ុន្ដែត្រូវពង្រឹងប្រព័ន្ធពិនិត្យបច្ចេករថយន្តឱ្យបានល្អវិញ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី មានប្រសាសន៍ថា ការកំណត់លើអាយុកាលប្រើប្រាស់រថយន្ត មិនចាំបាច់មាននោះទេ ប៉ុន្តែត្រូវពង្រឹងលើការត្រួតពិនិត្យបច្ចេកទេសឱ្យបានហ្មត់ចត់ និងមានគុណភាពខ្ពស់។ សម្ដេចធិបតីបញ្ជាក់បន្ថែមថា កម្ពុជាមិនទាន់ឈានដល់ការហាមឃាត់ផ្ទះមួយ ត្រូវមានរថយន្ត ឬម៉ូតូប៉ុន្មានគ្រឿងនៅឡើយនោះទេ។ រដ្ឋាភិបាលនឹងបន្តដោះស្រាយបញ្ហាប្រ ឈមលើប្រព័ន្ធគមនាគមន៍សម្រាប់ធ្វើដំណើរឱ្យកាន់តែប្រសើរថែមទៀត។-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចេញបទបញ្ជាជាថ្មីទៀត ដោយជំរុញឲ្យអាជ្ញាធរ ខិតខំទប់ស្កាត់ និងបង្រ្កាបឲ្យបានសកម្មបន្ថែមទៀតចំពោះក្មេងទំនើង បើហ៊ានងើបមួយក្រុម ត្រូវបង្រ្កាបមួយក្រុម ដើម្បីសន្តិសុខសណ្តាប់ធ្នាប់សង្គម។-សម្ដេចធិបតី ហ៊ុន ម៉ាណែត នាយករដ្ឋមន្ត្រី មានប្រសាសន៍ថា កម្ពុជាត្រូវពង្រឹង និងពង្រីកលើប្រព័ន្ធដឹកជញ្ជូនសាធារណៈឱ្យបានកាន់តែច្រើនថែមទៀត។ សម្ដេចធិបតីបន្ថែមថា ត្រូវខិតខំបង្ខិតសេវាដឹកជញ្ជូនសាធារណៈជាពិសេសរថយន្តក្រុងឱ្យទៅដល់ក្បែរផ្ទះពលរដ្ឋរស់នៅតែម្ដង។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី អំពាវនាវដល់វិស័យឯកជន គួរបោះទុនវិនិយោគលើការសាងសង់កន្លែងចតរថយន្ត ដែលកំពុងតែប្រឈមនឹងកង្វះខាតកន្លែងចតច្រើននៅក្នុងពេលបច្ចុ ប្បន្ននេះ។-សម្តេចធិបតី ហ៊ុន ម៉ាណែត បញ្ជាក់ថា ការស្ថាបនា ស្ពានអាកាសភ្លោះ ស្ថិតនៅចំណុចប្រ សព្វមហាវិថីសម្តេចតេជោ ហ៊ុន សែន និងផ្លូវជាតិលេខ២ ព្រំប្រទល់រវាងរាជធានីភ្នំពេញ និងខេត្តកណ្តាលគឺជាការគិតគូរទុកជាមុនរបស់រាជរដ្ឋាភិបាលដែលទៅថ្ងៃអនាគតតំបន់នេះនឹងមានកំណើនប្រជាជនកាន់តែច្រើន។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ សេដ្ឋកិច្ចកម្ពុជារំពឹងកំណើនខ្ពស់ឡើងវិញ ដោយសារកាលពីឆ្នាំ២០២៣ មានកំណើនប្រមាណ ៥ ភាគរយ, ឆ្នាំ២០២៤ រំពឹងកំណើនខ្ពស់ ហើយនៅឆ្នាំ២០២៥ ក៏កាន់តែមានកំណើនខ្ពស់ថែមទៀត។-សម្តេចធិបតី ហ៊ុន ម៉ាណែត ណែនាំដល់ក្រសួងរ៉ែ និងថាមពល និងក្រសួងពាក់ព័ន្ធត្រូវគិតគូរឱ្យហើយអំពីច្បាប់លើការផ្គត់ផ្គង់ហ្គាសចូលក្នុងផ្ទះ ដើម្បីបញ្ចៀសគ្រោះថ្នាក់នាពេលខាងមុខ ខណៈអគារខ្ពស់ៗ ជាច្រើនកំពុងតហ្គាសចូលទៅក្នុងផ្ទះដើម្បីប្រើប្រាស់។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ស្នើឱ្យពិចារណា គិតគូរលើការសាងសង់ផ្លូវរថភ្លើងស្រាល ដោយបញ្ចៀសកុំឱ្យប៉ះពាល់លើការសាងសង់ ដែលនាំឱ្យប៉ះពាល់ដល់ការធ្វើដំណើរ ជាពិ សេសបង្ការកុំឱ្យមានការស្ទះកកចរាចរណ៍។ សម្ដេចធិបតីបញ្ជាក់បន្ថែមថា ផ្លូវដែលបានសាងសង់ហើយ មិនគួរដាក់ឱ្យមានគម្រោងសាងសង់ផ្លូវរថភ្លើងស្រាល ដែលនាំឱ្យផ្លូវរួមតូចនោះទេ ត្រូវគិតគូររៀបចំនៅកន្លែងសមស្រប និងមិនបង្កឱ្យកកស្ទះចរាចរណ៍។-សម្តេចធិបតី ហ៊ុន ម៉ាណែត ណែនាំដល់អាជ្ញាធររាជធានីភ្នំពេញ និងភាគីពាក់ព័ន្ធពិនិត្យឱ្យបានច្បាស់លាស់ចំពោះគម្រោងស្ថាបនាផ្លូវរថភ្លើងធុនស្រាលពីរាជធានីភ្នំពេញ ទៅព្រលានយន្តហោះអន្តរជាតិភ្នំពេញថ្មី ដើម្បីជៀសវាងការសាងសង់ជាន់ពីលើផ្លូវដែលមានស្រាប់។-សម្ដេចធិបតី ហ៊ុន ម៉ាណែត នាយករដ្ឋមន្ត្រី មានប្រសាសន៍ថា មោទនភាពរបស់យើង គឺយើងបានប្រែក្លាយពីប្រទេសមួយដែលពឹងលើបរទេសឱ្យមកជួយរៀបចំកសាងសំណង់នានា ប៉ុន្តែនៅប៉ុន្មានឆ្នាំចុងក្រោយនេះ យើងមានវិស្វករ និងអ្នកជំនាញ គូរប្លង់ និងរៀបចំសាងសង់សំណង់ធំៗកម្រិតអន្តរជាតិជាច្រើន ដោយកូនខ្មែរ ដោយបញ្ញាខ្មែរ។ សម្ដេចធិបតីបន្ថែមថា ពេលនេះខ្មែរមានឯករាជ្យភាពលើការរៀបចំសាងសង់ដោយខ្លួនឯងហើយ។-សម្តេចធិបតី ហ៊ុន ម៉ាណែត ផ្ដល់អនុសាសន៍ដល់ក្រសួង ស្ថាប័នជំនាញ និងអភិបាលរាជធានីភ្នំពេញបង្កើនល្បឿនក្នុងការសាងសង់ហេដ្ឋានារចនាសម្ព័ន្ធនានា នៅក្នុងទីក្រុងប្រកបដោយស្ដង់ដា និងបំពាក់ដោយបច្ចេកវិទ្យាទំនើបឱ្យស័ក្ដិសមជាទីក្រុងឆ្លាតអាស៊ាន។

កិច្ចប្រជុំកំពូលសន្តិភាពអ៊ុយក្រែននៅប្រទេសស្វីស ត្រូវបានបរាជ័យ ដោយសារគ្មានវត្តមានរុស្ស៊ី

2024/06/17 07:54:09 am        205
Facebook Telegram Linkin
មហាអំណាចក្នុងតំបន់ រួមមានប្រេស៊ីល ឥណ្ឌា អាហ្រ្វិកខាងត្បូង និងអារ៉ាប៊ីសាអ៊ូឌីត បានបរាជ័យក្នុងការចុះហត្ថលេខាលើសេចក្តីថ្លែងការណ៍រួមមួយ ដែលចេញនៅចុងបញ្ចប់នៃសន្និសីទសន្តិភាពអ៊ុយក្រែន ដែលប្រទេស និងអង្គការអន្តរជាតិជាង ៨០ គាំទ្របូរណភាពទឹកដីរបស់ខ្លួន ប្រឈមនឹងការឈ្លានពានរបស់រុស្ស៊ី។ ថ្លែងនៅចុងបញ្ចប់នៃកិច្ចប្រជុំកំពូលរយៈពេលពីរថ្ងៃក្នុងប្រទេសស្វីសកាលពីថ្ងៃទី១៥ដល់១៦មិថុនា ប្រធានាធិបតីអ៊ុយក្រែន លោក Volodymyr Zelenskiy បានស្វាគមន៍ចំពោះជំហានដំបូងឆ្ពោះទៅរកសន្តិភាព ប៉ុន្តែបានទទួលស្គាល់ថា មិនមែនអ្នកចូលរួមទាំងអស់សុទ្ធតែបានគាំទ្រនោះទេ ។ លោកបាននិយាយថា គួរឲ្យស្ដាយ មានមនុស្សដែលនៅតែមានតុល្យភាព ដោយបន្ថែមថារុស្ស៊ីកំពុងព្យាយាមបំបែកបំបាក់ពិភពលោក។ប្រទេសប្រហែល ១០០ បានចូលរួមក្នុងសន្និសិទនៅរមណីយដ្ឋាន ប៊រហ្គិនស្តុក(Bürgenstock) ប៉ុន្តែប្រទេសរុស្ស៊ីពុំត្រូវបានអញ្ជើញទេ ហើយប្រទេសចិនបានបដិសេធមិនចូលរួមព្រឹត្តិការណ៍នេះ។ អ្នកចូលរួមភាគច្រើនមកពីអឺរ៉ុប អាមេរិក និងសម្ព័ន្ធមិត្តលោកខាងលិចផ្សេងទៀត ប៉ុន្តែរួមបញ្ចូលទាំងប្រទេសមកពីតំបន់អាមេរិកឡាទីន មជ្ឈិមបូព៌ា អាហ្វ្រិក និងអាស៊ីផងដែរ។លោក Zelenskiy បាននិយាយថាភាគីនានាបានយល់ព្រមធ្វើការជាក្រុមពិសេសលើ "ផែនការសកម្មភាពដើម្បីសន្តិភាព" ដែលលោកបាននិយាយថានឹងបើកផ្លូវទៅកាន់កិច្ចប្រជុំកំពូលសន្តិភាពលើកទីពីរ។អត្ថបទចុងក្រោយត្រូវបានចុះហត្ថលេខាដោយប្រទេសជាង ៨០ និងអង្គការអន្តរជាតិ រួមទាំងស្ថាប័នសំខាន់ៗចំនួនបីរបស់សហភាពអឺរ៉ុប និងរដ្ឋជាសមាជិកសហភាពអឺរ៉ុបចំនួន ២៧។ អត្ថបទនេះ បាននិយាយថាធម្មនុញ្ញអង្គការសហប្រជាជាតិ បូរណភាពទឹកដី និងអធិបតេយ្យភាពនៃរដ្ឋទាំងអស់ "អាច នឹងបម្រើជាមូលដ្ឋានក្នុងការសម្រេចបាននូវសន្តិភាព យុត្តិធម៌ ដ៏ទូលំទូលាយនិងយូរអង្វែងនៅអ៊ុយក្រែន"៕

បណ្ដាញសង្គម

ព័ត៌មានថ្មីៗ

លីបង់សម្រេចពន្យារពេលការបោះឆ្នោតសភា រយៈពេល ២ឆ្នាំ
03/09/2026 08:03 PM
Facebook Telegram Linkin
ប្រមុខ EU៖ ផលប៉ះពាល់នៃសង្គ្រាមអ៊ីរ៉ង់ បានក្លាយជាការពិតរួចហើយនៅអឺរ៉ុប
03/09/2026 07:03 PM
Facebook Telegram Linkin
ក្រុមគ្រូពេទ្យ៖ ការវាយប្រហារតាមអាកាស និងរថក្រោះរបស់អ៊ីស្រាអែល សម្លាប់មនុស្ស ៦នាក់ នៅតំបន់ហ្កាហ្សា
03/09/2026 07:03 PM
Facebook Telegram Linkin
ជប៉ុននឹងដាក់ពង្រាយមីស៊ីលប្រឆាំងការវាយប្រហារកាន់តែកៀកចិន នៅចុងខែមីនា
03/09/2026 07:03 PM
Facebook Telegram Linkin
មនុស្សម្នាក់ស្លាប់ និង ២នាក់ផ្សេងទៀតរងរបួស ក្នុងការវាយប្រហារមីស៊ីលអ៊ីរ៉ង់លើភាគកណ្តាលអ៊ីស្រាអែល
03/09/2026 06:03 PM
Facebook Telegram Linkin
ក្រសួងការបរទេសអ៊ីរ៉ង់បដិសេធគំនិតចរចា ខណៈប្រទេសកំពុងស្ថិតក្រោមការវាយប្រហារ
03/09/2026 06:03 PM
Facebook Telegram Linkin
អាស៊ីអាគ្នេយ៍ប្រឈមនឹងកម្ដៅក្តៅខ្លាំង ខណៈសង្គ្រាមរឹតត្បិតការផ្គត់ផ្គង់ថាមពល
03/09/2026 06:03 PM
Facebook Telegram Linkin
លោក PUTIN ផ្តល់ «ការគាំទ្រដ៏រឹងមាំ» ដល់មេដឹកនាំកំពូលអ៊ីរ៉ង់ថ្មី
03/09/2026 06:03 PM
Facebook Telegram Linkin
អ៊ីរ៉ង់និយាយថា ប្រទេសនៅអឺរ៉ុបជួយបង្កើតលក្ខខណ្ឌសម្រាប់ការវាយប្រហាររបស់អាមេរិក និងអ៊ីស្រា អែល
03/09/2026 06:03 PM
Facebook Telegram Linkin
ក្រុមហ៊ួទីនៅយេម៉ែនស្វាគមន៍មេដឹកនាំកំពូលថ្មីរបស់អ៊ីរ៉ង់ ដោយនិយាយថា ការតែងតាំងនេះ បង្ហាញពីសាមគ្គីភាព
03/09/2026 06:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.