នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវកៅស៊ូ DBST ១ខ្សែ​ជូន​ប្រជា​ពលរដ្ឋ​ឃុំ​ស្វាយ​លួង ​ស្រុកកណ្តៀង
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%

នយោបាយ​ និង ការអភិវឌ្ឍន៍

លោកស្រី Von der Leyen មានទំនុកចិត្តថា លោកស្រី អាចឈ្នះអាណត្តិថ្មី ជាប្រធានគណៈកម្មការអឺរ៉ុប

2024/06/10 10:22:58 am        142
Facebook Telegram Linkin
ប្រធានគណៈកម្មការអឺរ៉ុប ដែលកំពុងកាន់តំណែង លោកស្រី Ursula von der Leyen បាននិយាយកាលពីថ្ងៃអាទិត្យ ទី៩ ខែមិថុនា ថា លោកស្រី មានបំណងបង្កើតសំឡេងភាគច្រើននៅក្នុងសភា សហភាពអឺរ៉ុប សម្រាប់ «អឺរ៉ុបដ៏រឹងមាំ និងមានប្រសិទ្ធភាព» ហើយលោកស្រី មានទំនុកចិត្តថា លោកស្រីអាចទទួលជ័យជម្នះក្នុងអាណត្តិថ្មី ខណៈលទ្ធផលបឋមពីការបោះឆ្នោតរបស់ប្លុកនេះ ត្រូវបានចេញផ្សាយ។ដើម្បីធានាបានរយៈពេលប្រាំឆ្នាំទៀត ជាប្រធាននៃស្ថាប័នប្រតិបត្តិរបស់សហភាពអឺរ៉ុប លោកស្រី von der Leyen ត្រូវការសំឡេងភាគច្រើនមានលក្ខណៈសម្បត្តិគ្រប់គ្រាន់ នៃមេដឹកនាំសហភាពអឺរ៉ុបទាំង ២៧ប្រទេស និងក៏ជាសំឡេងភាគច្រើន នៅក្នុងសភាអឺរ៉ុបដែលមាន៧២០ អាសនៈ ផងដែរ។ខណៈគណបក្សសង្គមនិយម សេរីនិយម និងនិយមកណ្តាល ត្រូវបានកំណត់ដើម្បីទទួលបានសំឡេងភាគច្រើននៅក្នុងសភា ដែលមានអាសនៈចំនួន៧២០ ការបោះឆ្នោត បានធ្វើឱ្យមានផលប៉ះពាល់ក្នុងតំបន់ ដល់មេដឹកនាំទាំងប្រទេសបារាំង និងប្រទេសអាល្លឺម៉ង់ ដោយបង្កើតជាសំណួរអំពីរបៀបដែលប្រទេសមហាអំណាចធំៗរបស់សហភាពអឺរ៉ុប អាចជំរុញគោលនយោបាយនៅក្នុងប្លុកនេះដោយរបៀបណា។

ការគាំទ្របក្សនាយករដ្ឋមន្រ្តីហុងគ្រី ធ្លាក់ទាបបំផុតក្នុងពេលជាច្រើនទសវត្សរ៍ ក្នុងការបោះឆ្នោតសហភាពអឺរ៉ុប

2024/06/10 10:18:32 am        133
Facebook Telegram Linkin
គណបក្ស ហ្វីដេស (Fidesz) របស់នាយករដ្ឋមន្ត្រីហុងគ្រី លោក វ៉ីកទ័រ អ័របាន (Viktor Orban) កំពុងប្រឈមនឹងលទ្ធផលដ៏អាក្រក់បំផុតរបស់ខ្លួននៅក្នុងការបោះឆ្នោតជាតិ ឬសហភាពអឺរ៉ុប ក្នុងរយៈពេលជិតពីរទសវត្សរ៍ នៅក្នុងការបោះឆ្នោតសភាអឺរ៉ុប កាលពីថ្ងៃអាទិត្យ (០៩ មិថុនា) ដោយការយកឈ្នះក្នុងសំឡេងគាំទ្រតិចតួចបំផុត ខណៈដែលបក្សនយោបាយប្រឆាំងចំណូលថ្មីបានយកឈ្នះលើគណបក្សប្រឆាំងទាំងអស់។ដោយកាន់អំណាចតាំងពីឆ្នាំ២០១០ មក អតីតយុទ្ធជនជាតិនិយម លោក អ័របាន បានជួបវិបត្តិជាច្រើនក្នុងរយៈពេលប៉ុន្មានខែកន្លងមកនេះ ខណៈរឿងអាស្រូវផ្លូវភេទបានធ្វើឱ្យសម្ព័ន្ធមិត្តសំខាន់ពីររបស់លោកបាត់បង់ការគាំទ្រ ស្របពេលដែលហុងគ្រី កំពុងងើបចេញពីកំណើនអតិផរណាដ៏អាក្រក់បំផុតនៅក្នុងសហភាពអឺរ៉ុប។លទ្ធផលដំបូងបានព្យាករថា បក្សហ្វីដេស របស់លោក អ័របាន និងសម្ព័ន្ធមិត្តបក្សប្រជាធិបតេយ្យគ្រិស្ដ ដ៏តូចរបស់ខ្លួន បានឈ្នះ ១១ អាសនៈនៅក្នុងសភាអ៊ឺរ៉ុប ជាមួយនឹងសម្លេងឆ្នោត ៤៤,២ ភាគរយ ដោយធ្លាក់ចុះពីចំនួន ១៣ អាសនៈរួមបញ្ចូលគ្នា មុនការបោះឆ្នោតកាលពីថ្ងៃអាទិត្យ។តួលេខនោះបានបង្ហាញថា គណបក្ស ធីសហ្សា (Tisza) ស្តាំនិយមកណ្តាល របស់លោក ភីតធើ ម៉េកយ៉ា (Peter Magyar) ដែលជាបក្សប្រឆាំងថ្មី ឈរនៅលេខរៀងទី២ ជាមួយនឹងអាសនៈចំនួន ៧ ក្នុងសំឡេងគាំទ្រ ៣០ ភាគរយ ច្រើនជាងគណបក្សប្រឆាំងទាំងអស់បូកបញ្ចូលគ្នា ហើយនោះជាលទ្ធផលល្អប្រសើរជាងការស្ទង់មតិមុនឈានទៅដល់ការព្យាករក្នុងការបោះឆ្នោត។ ថ្លែងទៅកាន់អ្នកគាំទ្រ លោក អ័របាន បាននិយាយថា លទ្ធផលបង្ហាញថា លទ្ធិប្រជាធិបតេយ្យហុងគ្រី នៅតែមានស្ថានភាពល្អ ដោយបានប្រកាសជ័យជម្នះនៅក្នុងការបោះឆ្នោតកាលពីថ្ងៃអាទិត្យនោះ៕

កូរ៉េខាងត្បូងរាយការណ៍ថា បាឡុងផ្ទុកសំរាមជាង៣០០បន្ថែមទៀត ហោះចេញពីកូរ៉េខាងជើង

2024/06/10 10:14:11 am        196
Facebook Telegram Linkin
ទីភ្នាក់ងារសារព័ត៌មានយ៉ុនហាប់ បានរាយការណ៍នៅថ្ងៃចន្ទសប្ដាហ៍នេះ ដោយដកស្រង់សម្ដីយោធាកូរ៉េខាងត្បូងថា កូរ៉េខាងជើងបានបង្ហោះបាឡុងផ្ទុកសំរាមចំនួន ៣១០ បន្ថែមទៀត ចូលក្នុងទឹកដីកូរ៉េខាងត្បូង ទាំងយប់អធ្រាត្រ។ ទីភ្នាក់ងារសារព័ត៌មានយ៉ុនហាប់ បាននិយាយដោយដកស្រង់សម្តីរបស់នាយសេនាធិការចម្រុះរបស់ប្រទេសនេះថា វគ្គចុងក្រោយនៃបាឡុងផ្ទុកកាកសំណល់ដែលបានបញ្ជូនកាលពីល្ងាចថ្ងៃអាទិត្យមានផ្ទុក ដូចជា សំណល់ក្រដាស និងផ្លាស្ទិច ដោយពុំបានរកឃើញសារធាតុពុលណាមួយឡើយ ។យោធាក្រុងសេអ៊ូលបាននិយាយកាលពីថ្ងៃអាទិត្យថា ប្រទេសកូរ៉េខាងជើងបានបង្ហោះបាឡុងរាប់រយបន្ថែមទៀតដែលផ្ទុកដោយសំរាមទៅកាន់កូរ៉េខាងត្បូងក្នុងរយៈពេលពីរថ្ងៃកន្លងមកនេះ ស្របពេលមានភាពតានតឹងកាន់តែខ្លាំង លើយុទ្ធនាការបង្ហោះបាឡុងនៅតែបន្តរបស់ទីក្រុងព្យុងយ៉ាង។គិតត្រឹមម៉ោង ១០ ព្រឹក នាយសេនាធិការចម្រុះ (JCS) បាននិយាយថា ខ្លួនបានរកឃើញបាឡុងផ្ទុកកាកសំណល់ប្រហែល ៣៣០ ដែលកូរ៉េខាងជើងបានបង្ហោះតាំងពីថ្ងៃសៅរ៍ ក្នុងនោះជាង ៨០ បានធ្លាក់នៅខាងក្នុងទឹកដីកូរ៉េខាងត្បូង ហើយបាឡុងនៅសល់មួយចំនួនទៀត ទំនងជាមិនទាន់មកទៅដល់ប្រទេសនេះទេ៕

សម្តេចធិបតីណែនាំ ដល់មន្រ្តីនគរបាលចរាចរណ៍ត្រូវអមដំណើរស្រ្តីមានផ្ទៃពោះឲ្យដល់មន្ទីរពេទ្យ

2024/06/10 10:06:53 am        246
Facebook Telegram Linkin
សម្តេចធិបតី ហ៊ុន ម៉ាណែត ណែនាំដល់មន្រ្តីនគរបាលចរាចរណ៍ទាំងអស់ពេលជួបករណីប្តី ឬសាច់ញាតិដឹកស្រ្តីមានផ្ទៃពោះទៅកាន់មន្ទីរពេទ្យ ហើយមានការលើសលស់នឹងច្បាប់ចរាចរណ៍ គប្បីត្រូវលើកលែងដល់ពួកគាត់ និងត្រូវអមពួកគាត់ និងធ្វើចរាចរណ៍ជូនពួកគាត់ឲ្យដល់គោលដៅ ឬមន្ទីរពេទ្យទើបជាការល្អបំផុត សម្រាប់មន្រ្តីបម្រើប្រជាជន។ក្នុងឱកាសអញ្ជើញចូលរួមជាអធិបតីភាពក្នុងពិធីបិទវគ្គបណ្តុះបណ្តាលឆ្នាំ២០២៣ និងបើកវគ្គបណ្តុះបណ្តាលឆ្នាំ២០២៤ នៃសាលាភូមិន្ទរដ្ឋបាល នាថ្ងៃទី១០ ខែមិថុនា ឆ្នាំ២០២៤នេះ សម្តេចធិបតី នាយករដ្ឋមន្រ្តី សម្តេចធិបតី ហ៊ុន ម៉ាណែត បានលើកឡើងថា ការរឹតបន្តឹងច្បាប់​ចរាចរណ៍ត្រូវតែមានការលើកលែងខ្លះ និងត្រូវសម្រួលខ្លះដែរមិនអាចធ្វើឡើង​ដោយ​តឹងរឹង​ហួសហេតុពេកនោះទេ ​ជាពិសេសពេលជួបករណីស្ត្រីមានផ្ទៃពោះ ដោយមានការខុសឆ្គង នឹងច្បាប់ចរាចរណ៍គប្បីជួយសម្រួលដល់ពួកគាត់ និង ជួយសម្រួលចរាចរណ៍​គាត់ឲ្យដល់មន្ទីរពេទ្យ។សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងផងដែរថា ការអនុគ្រោះ និងអធ្យាស្រ័យ​ប្រកបដោយក្រមសីលធម៌​ និងអស់ពីកម្លាំង កាយចិត្តនោះគឺជាកត្តាសំខាន់បំផុត​សម្រាប់​មន្រ្តីបម្រើដល់ប្រជាជន។ ទាក់ទងនឹងករណីខាងលើនេះដែរ សម្តេចធិបតីប្រកាសថា សម្តេចមិនលើកទឹកចិត្តដល់អ្នកប្រព្រឹត្តល្មើសច្បាប់ចរាចរណ៍ទេ តែគប្បីមានការលើកលែងផងដែរ ខណៈពេលជួបករណីបែបនេះ៕អត្ថបទបាន ចក់

សម្តេចធិបតី៖ ធនធានមនុស្សគឺជាកត្តាសំខាន់បំផុតសម្រាប់កសាងជាតិ ឲ្យកាន់តែរីកចម្រើនបន្ថែមទៀត

2024/06/10 09:54:55 am        149
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ធនធានមនុស្សគឺជាកត្តាធំបំផុតសម្រាប់កសាងជាតិ ឲ្យកាន់តែរីកចម្រើនបន្ថែមទៀតលើគ្រប់វិស័យ ហើយប្រសិនបើគ្មានធនធានមនុស្សទេកិច្ចការងារអ្វីក៏មិន អាចសម្រេចបានដោយរលូននោះឡើយ។ក្នុងឱកាសអញ្ជើញចូលរួមជាអធិបតីភាពក្នុងពិធីបិទវគ្គបណ្តុះបណ្តាលឆ្នាំ២០២៣ និងបើកវគ្គបណ្តុះបណ្តាលឆ្នាំ២០២៤ នៃសាលាភូមិន្ទរដ្ឋបាល នាថ្ងៃទី១០ ខែមិថុនា ឆ្នាំ២០២៤នេះ សម្តេចធិបតី នាយករដ្ឋមន្រ្តីបានបន្ថែមទៀតថា គ្រប់អ្វីៗទាំងអស់មិនអាចដំណើរការបានល្អ និងរលូនបានទេប្រសិនបើគ្មាននូវធនធានមនុស្សគ្រប់គ្រាន់នោះ ខណៈមានប្រព័ន្ធការងារល្អ លុះត្រាណាយើងត្រូវមានធនធានមនុស្សគ្រប់គ្រាន់ ដូច្នេះយើងត្រូវតែពង្រឹងនូវធនធានមនុស្ស​នេះឲ្យកាន់តែល្អប្រសើរបន្ថែមទៀត នៅតាមគ្រប់ក្រសួង ស្ថាប័នទាំងអស់របស់រដ្ឋ។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក៏បានលើកឡើងថា ការបណ្តុះបណ្តាលរបស់​សាលាភូមិន្ទរដ្ឋបាល គឺជាផ្នែកមួយ​យ៉ាងសំខាន់​ក្នុងការ​កសាងនូវធនធានមនុស្ស​ក្នុងវិស័យ​សាធារណៈ ហើយទទួលបានវគ្គ បណ្តុះបណ្តាលនេះចប់ហើយគប្បីត្រូវអនុវត្ត ប្រកបដោយភាព​បត់បែន និងទៅតាមស្ថានភាពជាក់ស្តែង៕អត្ថបទបាន ចក់

ក្រុមស្តាំនិយមជ្រុលមានសន្ទុះគាំទ្រខ្លាំងក្នុងការបោះឆ្នោតអឺរុប ខណៈបារាំងអំពាវនាវឱ្យបោះឆ្នោតជាតិមុនអាណត្តិ

2024/06/10 09:36:53 am        116
Facebook Telegram Linkin
ការទទួលបានសន្ទុះគាំទ្រខ្លាំងដោយក្រុមស្តាំនិយមជ្រុលក្នុងការបោះឆ្នោតសភាអឺរ៉ុបកាលពីថ្ងៃអាទិត្យ ទី ៩ ខែមិថុនា បានជំរុញឱ្យលោកប្រធានាធិបតីបារាំង Emmanuel Macron អំពាវនាវឲ្យមានការបោះឆ្នោតជាតិភ្លាមៗ និងបានបន្ថែមភាពមិនច្បាស់លាស់ចំពោះទិសដៅនយោបាយនាពេលអនាគតរបស់អឺរ៉ុប។ ស្របពេលគណបក្សប្រកាន់កណ្ដាល បក្សសេរីនិយម និងសង្គមនិយម ត្រូវបានកំណត់ថានឹងទទួលបានសំឡេងភាគច្រើន នៅក្នុងសភាដែលមានអាសនៈចំនួន ៧២០ ការបោះឆ្នោតបានធ្វើឱ្យមានការប៉ះទង្គិចក្នុងស្រុកដល់មេដឹកនាំទាំងបារាំង ទាំងអាល្លឺម៉ង់ ដោយនាំឲ្យមានការចោទសួរកាន់តែច្រើនអំពីរបៀបដែលមហាអំណាចធំៗរបស់សហភាពអឺរ៉ុបអាចជំរុញគោលនយោបាយនៅក្នុងប្លុកនេះ។ ដោយបង្កើតល្បែងដ៏ប្រឈមមួយ ដើម្បីព្យាយាមពង្រឹងអំណាចរបស់លោកឡើងវិញ លោក Macron បានអំពាវនាវឲ្យមានការបោះឆ្នោតសភា ជុំទីមួយនៅថ្ងៃទី ៣០ ខែមិថុនា។ ដូចលោក Macron ដែរ អធិការបតីអាល្លឺម៉ង់ លោក Olaf Scholz ក៏បានស៊ូទ្រាំនឹងរាត្រីដ៏ឈឺចាប់មួយ ដែលគណបក្សប្រជាធិបតេយ្យសង្គមរបស់លោក ទទួលបានលទ្ធផលអាក្រក់បំផុតមិនធ្លាប់មាន ដោយរងទុក្ខនៅក្នុងកណ្តាប់ដៃក្រុមអ្នកអភិរក្សនិយម និងគណបក្សស្ដាំនិយមប្រកាន់តឹងសម្រាប់អាល្លឺម៉ង់ (AfD)៕

កូរ៉េខាងជើង ព្រមានពីការឆ្លើយតបថ្មីប្រឆាំងនឹងឧបករណ៍បំពងសំឡេង និងខិត្តប័ណ្ណរបស់កូរ៉េខាងត្បូង

2024/06/10 09:32:59 am        152
Facebook Telegram Linkin
ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានព្រមានអំពីការឆ្លើយតបថ្មីប្រឆាំងនឹងកូរ៉េខាងត្បូង ប្រសិនបើប្រទេសជិតខាងមួយនេះនៅតែបន្តចាក់ឧបករណ៍បំពងសំឡេងលឺៗ និងចែកចាយខិត្តប័ណ្ណ ស្របពេលមានភាពតានតឹងថ្មី។លោកស្រី គីម យ៉ូជុង (Kim Yo Jong) បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអាទិត្យ (០៩ មិថុនា) ដែលដកស្រង់ដោយទីភ្នាក់ងារសារព័ត៌មានរដ្ឋ KCNA ថា «ប្រសិនបើកូរ៉េខាងត្បូង អនុវត្តការបង្ហោះចែកចាយខិត្តប័ណ្ណ និងចាក់ឧបករណ៍បំពងសំឡេងតាមព្រំដែននោះ វានឹងច្បាស់ជាមើលឃើញពីវិធានការប្រឆាំងថ្មីពីកូរ៉េខាងជើង»។យោធាកូរ៉េខាងត្បូង បាននិយាយថា ខ្លួនបានបន្តការចាក់ឧបករណ៍បំពងសំឡេងតម្រង់ទៅកាន់កូរ៉េខាងជើង កាលពីថ្ងៃអាទិត្យ ដោយបន្ថែមថា ការសម្រេច ដែលជាទម្រង់នៃសង្គ្រាមចិត្តសាស្ត្រនេះ ត្រូវបានធ្វើឡើងបន្ទាប់ពីកូរ៉េខាងជើង កាលពីថ្ងៃសៅរ៍ បានបង្ហោះបាឡុងសំរាមប្រហែល ៣៣០ គ្រឿង ហើយប្រហែល ៨០ គ្រឿងបានទម្លាក់នៅតាមព្រំដែន។ទីក្រុងព្យុងយ៉ាង បានចាប់ផ្តើមបញ្ជូនបាឡុងសំរាម និងលាមកសត្វ ឆ្លងកាត់ព្រំដែនក្នុងខែឧសភា ហើយនិយាយថា ទង្វើនេះគឺជាការសងសឹកចំពោះខិត្តប័ណ្ណប្រឆាំងកូរ៉េខាងជើង បង្ហោះដោយសកម្មជនកូរ៉េខាងត្បូង ដែលជាផ្នែកមួយនៃយុទ្ធនាការឃោសនា។ កូរ៉េខាងជើង បានបង្ហាញប្រតិកម្មខឹងសម្បារយ៉ាងខ្លាំងចំពោះយុទ្ធនាការខិតប័ណ្ណ និងការចាក់ឧបករណ៍បំពងសំឡេងលឺៗនោះ ហើយក្នុងករណីខ្លះប្រទេសផ្ដាច់ខ្លួនមួយនេះបានបាញ់ទៅលើឧបករណ៍ទាំងនោះទៀតផង៕

ប្រសាសន៍សំខាន់ៗរបស់សម្តេចធិបតី ក្នុងពិធីបិទវគ្គបណ្តុះបណ្តាលឆ្នាំ២០២៣ នៃសាលាភូមិន្ទរដ្ឋបាល នៅវិទ្យាស្ថានជាតិអប់រំ

2024/06/10 08:57:45 am        342
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១០ ខែមិថុនា ឆ្នាំ២០២៤ នេះ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបិទវគ្គបណ្តុះបណ្តាលឆ្នាំ២០២៣ និងបើកវគ្គបណ្តុះបណ្តាលឆ្នាំ២០២៤ នៃសាលាភូមិន្ទរដ្ឋបាល នៅវិទ្យាស្ថានជាតិអប់រំ ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ធនធានមនុស្សគឺជាកត្តាធំបំផុតសម្រាប់កសាងជាតិ ឲ្យកាន់តែរីកចម្រើនបន្ថែមទៀតលើគ្រប់វិស័យ ហើយប្រសិនបើគ្មានធនធានមនុស្សទេកិច្ចការងារអ្វីក៏មិនអាចសម្រេចបាននោះឡើយ។-សម្តេចធិបតី ហ៊ុន ម៉ាណែត ណែនាំដល់សិស្សមន្រ្ដីនៃសាលាភូមិន្ទរដ្ឋបាលទាំងអស់ខិតខំអភិវឌ្ឍន៍ខ្លួន និងបំពេញការងារឱ្យអស់ពីសមត្ថភាពដើម្បីបម្រើប្រជាពលរដ្ឋ និងជួយអភិវឌ្ឍន៍សង្គមជាតិ កម្ពុជាប្រកបដោយសមត្ថភាពខ្ពស់ ខ្លាំង វ័យឆ្លាត និងស្អាតស្អំ។-សម្តេចធិបតី ហ៊ុន ម៉ាណែត៖ មានប្រព័ន្ធការងារល្អ លុះត្រា ណាយើងត្រូវមានធនធានមនុស្សគ្រប់គ្រាន់ ដូច្នេះយើងត្រូវតែពង្រឹងនូវធនធានមនុស្សនេះឲ្យកាន់តែល្អ ប្រសើរបន្ថែមទៀតគ្រប់ក្រសួង ស្ថាប័នទាំងអស់។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ដើម្បីឱ្យការងារក្នុងស្ថាប័នមួយរីកមច្រើន និង ដំណើរការទៅដោយរលូន គឺត្រូវមានយន្តការល្អ និងធនធានមនុស្សប្រកបដោយសមត្ថភាព។-សម្តេចធិបតី ហ៊ុន ម៉ាណែត បញ្ជាក់ថា រាជរដ្ឋាភិបាលតាំងពីអាណត្តិមុនៗ និងអាណត្តិទី៧នេះ បានធ្វើវិមជ្ឈការ និងវិសហមជ្ឈការទៅថ្នាក់ក្រោមជាតិ គឺដើម្បីផ្ដល់សេវាបម្រើប្រជាពលរដ្ឋឱ្យទៅដល់គ្រប់ទីកន្លែង និងរឹតតែល្អនៅថ្នាក់ក្រោមជាតិ។-សម្តេចធិបតី បញ្ជាក់ថា បច្ចុប្បន្នរាជរដ្ឋាភិបាលកំពុងធ្វើទំនើបកម្មលើការផ្ដល់សេវាដល់ប្រជាពលរដ្ឋពីថ្នាក់ជាតិទៅដល់ថ្នាក់ក្រោមជាតិ ដូចជាការចុះបញ្ជីពាណិជ្ជកម្មអាជីវកម្មរបស់ប្រជាពលរដ្ឋ គឺអាចធ្វើឡើងបានតាមរយៈប្រព័ន្ធឌីជីថល អនឡាញ។-សម្តេចធិបតី ហ៊ុន ម៉ាណែត ណែនាំដល់មន្រ្តីនគរបាលចរាចរណ៍ទាំងអស់ពេលជួបករណី ប្តី ឬសាច់ញាតិដឹកស្រ្តីមានផ្ទៃ ពោះទៅកាន់មន្ទីរពេទ្យ ហើយមានការ​លើសលស់​នឹងច្បាប់ចរាចរណ៍គប្បីត្រូវលើកលែងដល់ពួកគាត់ និង ត្រូវអមពួកគាត់ និងធ្វើចរាចរណ៍ជូនពួកគាត់ឲ្យដល់គោលដៅ ឬមន្ទីរពេទ្យទើបជាការល្អបំផុតសម្រាប់មន្រ្តីបម្រើប្រជាជន។-សម្ដេចធិបតី ហ៊ុន ម៉ាណែត ៖ ដើម្បីពង្រឹងគុណភាពប្រឡង គឺគ្រប់គ្រងលើវិញ្ញាសាដែលត្រូវចេញសម្រាប់ការប្រលងឱ្យបានហ្មត់ចត់កុំឱ្យមានការបែកធ្លាយ និងទី២ គ្រប់គ្រងលើ កំណែវិញ្ញាសាឱ្យបានម៉ត់ចត់។-សម្ដេចធិបតីនាយករដ្ឋមន្ត្រី៖ ម្ដាយឪពុកដែលភ័យខ្លាចកូនមិនបានប្រលង ជាប់ សូមកុំទៅរត់ការ ឬ ស្វែងរកការអន្តរាគមន៍ណាមួយ។ សម្ដេចធិបតីបន្ថែមថា បើឪពុកម្ដាយភ័យ ខ្លាចកូនប្រឡងមិនជាប់ សូមប្រាប់ឱ្យកូនខំប្រឹងរៀនសូត្រ។-សម្តេចធិបតី ហ៊ុន ម៉ាណែត បញ្ជាក់ថា ជោគជ័យលើកំណែទម្រង់ដ៏ធំបំផុតក្នុងការប្រឡង មិនមែនគ្រាន់តែជាការរឹតបន្ដឹងការប្រឡងនោះទេ ប៉ុន្ដែជាការកែប្រែឥរិយាបថរបស់សិស្ស និងឪពុកម្ដាយរបស់សិស្សឱ្យពួកគាត់​បញ្ឈប់​ស្វែងរកការអន្តរាគមន៍នៅពេលមានការប្រឡងណាមួយដូចជាការប្រឡងបាក់ឌុបជាដើម។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ សាលាភូមិន្ទរដ្ឋបាល គួរជាសាលាដែលមាន ស្តង់ដាវិន័យខ្ពស់ ដោយសិស្ស និងកម្មសិក្សាការីម្នាក់ៗ ត្រូវគោរពតួនាទី និងភារកិច្ចរបស់សាលាដោយខ្លួនឯង និងមិនគួរអនុវត្តវិធានការវិន័យតឹងរ៉ឹងនោះទេ។ ព្រោះថា អ្នកដែលបញ្ចប់ការសិក្សានៅ ទីនេះ នឹងក្លាយជាមន្ត្រីបម្រើសេវាសាធារណៈជូនពលរដ្ឋ និងជាអនាគតកាន់ការងារជាមេដឹកនាំ ហេតុនេះ ត្រូវធ្វើជាគំរូដល់សាធារណជន។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ការបម្រើប្រជារាស្ត្រប្រជាពលរដ្ឋ គឺដូចបម្រើ ខ្លួនឯង, កូនៗខ្លួនឯង និងក្រុមគ្រួសារខ្លួនឯង។ ហេតុនេះត្រូវអនុវត្តតួនាទីភារកិច្ចជាមន្ត្រីល្អ មន្ត្រីគំរូ ដើម្បីបម្រើសេវាសាធារណៈឱ្យបានល្អជូនពលរដ្ឋ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ សូមវិស័យរដ្ឋ កុំដើរតួនាទីដូចឆ្មា ហើយវិស័យ ឯកជនដើរតួនាទីដូចកណ្ដុរ។ រដ្ឋ និងឯកជនត្រូវដើរតួនាទីជាឆ្មាដូចគ្នា ដើម្បីកម្ចាត់កណ្ដុរ ដែលជាបរិ ស្ថានមិនល្អ ដើម្បីកម្ពុជាមានបរិយាកាសរស់នៅល្អទាំងអស់គ្នា។-សម្តេចធិបតី នាយករដ្ឋមន្រ្ដី បញ្ជាក់ជាថ្មីដល់មន្រ្ដីរាជការ គឺត្រូវចាំថាខ្លួនមានតួនាទីភាកិច្ចជាអ្នកបម្រើរាស្រ្ដ ហើយការបម្រើប្រជាពលរដ្ឋ និងផ្ដល់ផលប្រយោជន៍ទៅដល់សង្គមជាតិ គ្រួសារ និងខ្លួនឯងផងដែរ។-សម្តេចធិបតី ជំរុញដល់ក្រសួង ស្ថាប័នរដ្ឋទាំងអស់ ត្រូវបន្តជំរុញដល់ការកសាង បណ្ដុះបណ្ដាល សមត្ថភាពមន្រ្ដីនៅក្នុងស្ថាប័នរបស់ខ្លួន។

ចិន និយាយថា អាមេរិកកំពុងបង្កការរត់ប្រណាំងសព្វាវុធក្នុងសកម្មភាពនៅសមុទ្រចិនខាងត្បូង

2024/06/10 08:32:40 am        287
Facebook Telegram Linkin
អនុរដ្ឋមន្ត្រីការបរទេសចិនលោក សុន វេតុង (Sun Weidong) បាននិយាយនៅក្នុងសុន្ទរកថាចេញផ្សាយកាលពីថ្ងៃអាទិត្យ ៩ មិថុនា ថាសហរដ្ឋអាមេរិក បង្កបញ្ហាប្រឈមផ្នែកសន្តិសុខដ៏ធំបំផុតនៅក្នុងសមុទ្រចិនខាងត្បូង ខណៈការដាក់ពង្រាយយោធារបស់ខ្លួននៅទីនោះ កំពុងប្រែក្លាយទៅជាកម្លាំងរុញឲ្យមានការប្រណាំងអាវុធ ។ជម្លោះដែនសមុទ្រនាពេលថ្មីៗនេះ រវាងចិន និងហ្វីលីពីន ដែលជាសម្ព័ន្ធមិត្តសន្ធិសញ្ញារបស់សហរដ្ឋអាមេរិក បានធ្វើឱ្យសមុទ្រចិនខាងត្បូង ក្លាយជាបញ្ហាដ៏ក្ដៅគកុករវាងទីក្រុងវ៉ាស៊ីនតោន និងទីក្រុងប៉េកាំង។ លោក សុន បាននិយាយនៅក្នុងសេចក្តីអត្ថាធិប្បាយចេញផ្សាយដោយក្រសួងរបស់លោក បន្ទាប់ពីចូលរួមកិច្ចប្រជុំកម្រិតខ្ពស់ស្តីពីកិច្ចសហប្រតិបត្តិការអាស៊ីបូព៌ានៅប្រទេសឡាវថា បច្ចុប្បន្ននេះ បញ្ហាប្រឈមផ្នែកសន្តិសុខដ៏ធំបំផុតនៅក្នុងសមុទ្រចិនខាងត្បូងគឺមកពីកម្លាំងខាងក្រៅតំបន់។លោក បាននិយាយថា កងកម្លាំងដែលដឹកនាំដោយសហរដ្ឋអាមេរិកកំពុង បង្កើនការដាក់ពង្រាយ និងសកម្មភាពយោធានៅក្នុងសមុទ្រចិនខាងត្បូង ដោយញុះញង់ និងបង្កើនជម្លោះដែនសមុទ្រ និងការខ្វែងគំនិតគ្នា និងប៉ះពាល់ដល់សិទ្ធិ ព្រមទាំងផលប្រយោជន៍ស្របច្បាប់នៃបណ្ដាប្រទេសឆ្នេរសមុទ្រ។ លោក សុន បានសង្កត់ធ្ងន់ថា សកម្មភាពរបស់សហរដ្ឋអាមេរិកក្នុងការដាក់ពង្រាយប្រព័ន្ធមីស៊ីលរយៈចម្ងាយមធ្យមនៅក្នុងតំបន់ គឺកំពុងអូសតំបន់នេះឲ្យធ្លាក់ចូលទៅក្នុងការរត់ប្រណាំងអាវុធ ដោយដាក់តំបន់អាស៊ីប៉ាស៊ីហ្វិកទាំងមូល នៅក្រោមស្រមោលនៃជម្លោះភូមិសាស្ត្រនយោបាយ៕

ឯកឧត្តមរដ្ឋមន្រ្តី ហួត ហាក់ ដឹកនាំគណៈប្រតិភូជាន់ខ្ពស់ក្រសួងអធិការកិច្ច ទៅបំពេញទស្សនកិច្ចផ្លូវការនៅវៀតណាម មួយសប្តាហ៍

2024/06/09 06:48:50 pm        340
Facebook Telegram Linkin
ភ្នំពេញ៖ ល្ងាចថ្ងៃអាទិត្យ ៣កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែមិថុនា ឆ្នាំ២០២៤ តបតាមការអញ្ជើញរបស់ឯកឧត្តម ឌ័ន ហុង ហ្វុង (Doan Hong Phong) អគ្គអធិការ នៃអធិការកិច្ចរដ្ឋាភិបាល នៃសាធារណរដ្ឋសង្គមនិយមវៀតណាម ព្រមទាំងទទួលបានគោលការណ៍អនុញ្ញាតដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច អញ្ជើញដឹកនាំគណៈប្រតិភូជាន់ខ្ពស់នៃក្រសួងអធិការកិច្ច ទៅបំពេញទស្សនកិច្ចផ្លូវការនៅសាធារណរដ្ឋសង្គមនិយមវៀតណាម ចាប់ពីថ្ងៃទី៩ ដល់ថ្ងៃទី១៥ ខែមិថុនា ឆ្នាំ២០២៤។សូមជម្រាបជូនថា នេះជាការបំពេញទស្សនកិច្ចផ្លូវការលើកទីមួយនៅក្រៅប្រទេស ដែល ឯកឧត្តម ហួត ហាក់ និង ឯកឧត្តម ឌ័ន ហុង ហ្វុង នឹងមានជំនួបទ្វេភាគី និងចុះអនុស្សរណៈនៃការយោគយល់គ្នា រវាងក្រសួងអធិការកិច្ច នៃព្រះរាជាណាចក្រកម្ពុជា និងអគ្គអធិការកិច្ចរាជរដ្ឋាភិបាលនៃសាធារណរដ្ឋសង្គមនិយមវៀតណាម ដើម្បីពង្រឹង និងពង្រីកកិច្ចសហប្រតិបត្តិការក្នុងវិស័យអធិការកិច្ចរវាងស្ថាប័នអធិការកិច្ចនៃប្រទេសទាំងពីរ។ជាមួយគ្នានេះដែរ ក្នុងឱកាសនៃដំណើរទស្សនកិច្ចនេះ ឯកឧត្តមរដ្ឋមន្រ្តី នឹងចូលជួបសម្តែងការគួរសមជាមួយ ឯកឧត្តម ផាម មិញជិញ (Pham Minh Chinh) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម ព្រមទាំងថ្នាក់ដឹកនាំវៀតណាមជាន់ខ្ពស់មួយចំនួនទៀតផងដែរ។ ក្នុងកំឡុងពេលនៃដំណើរទស្សនកិច្ចនេះ គណៈប្រតិភូជាន់ខ្ពស់ក្រសួងអធិការកិច្ចនៃព្រះរាជាណាចក្រកម្ពុជា នឹងជួបប្រជុំពិភាក្សាការងារ និងមានដំណើរទស្សនកិច្ចដកស្រង់បទពិសោធពីបណ្តាស្ថាប័នមួយចំនួនទាំងក្នុងស្ថាប័នរដ្ឋ និងវិស័យឯកជន នៅរដ្ឋធានីហាណូយ ទីក្រុងហូជីមិញ និងខេត្តប៊ិញយឿង។

បណ្ដាញសង្គម

ព័ត៌មានថ្មីៗ

NEA រៀបចំសិក្ខាសាលាស្ដីពី៖ ការរៀបចំផែនការអាជីព និងការជ្រើសរើសជំនាញសិក្សាដល់សិស្សវិទ្យាល័យ
03/10/2026 05:03 PM
Facebook Telegram Linkin
លោកTrump គំរាមប្រទេសគុយបាម្តងទៀតថាប្រទេសកោះនេះអាចប្រឈម«ការចូលកាន់កាប់ដោយភាពស្រុះស្រួល»
03/10/2026 05:03 PM
Facebook Telegram Linkin
លោក Netanyahu និយាយពីសង្រ្គាមអ៊ីរ៉ង់ថា ពួកយើងកំពុងកាច់ធ្មុងរបស់ពួកគេ
03/10/2026 05:03 PM
Facebook Telegram Linkin
ផ្នែកឯកជននិងដៃគូពាក់ព័ន្ធបានចូលរួមជាមួយក្រសួងបរិស្ថាន លើកកម្ពស់ការគ្រប់គ្រងសំណល់រឹង និងការកែច្នៃសំរាម ដើម្បីរួមចំណែកដល់ការកាត់បន្ថយការបំពុលបរិស្ថាននៅកម្ពុជា
03/10/2026 05:03 PM
Facebook Telegram Linkin
អារ៉ាប៊ីសាអ៊ូឌីត និងហ្ស៊កដានី ថ្កោលទោសការវាយប្រហារដោយដ្រូនប្រឆាំងនឹងស្ថានកុងស៊ុលអេមីរ៉ាតអារ៉ាប់រួម នៅអ៊ីរ៉ាក់
03/10/2026 05:03 PM
Facebook Telegram Linkin
អ៊ីរ៉ង់៖ ប្រទេសជាច្រើនបានទាក់ទងទីក្រុងតេអេរ៉ង់ ដើម្បីឲ្យមានបទឈប់បាញ់
03/10/2026 05:03 PM
Facebook Telegram Linkin
គ្រួសារស្ត្រីមានផ្ទៃពោះ ស្រ្តីសម្រាលកូន និងស្រ្តីក្នុងវ័យបន្តពូជ ចំនួន១០៩នាក់ នៃមូលដ្ឋានឃុំគោករមៀត ស្រុកថ្មពួក ទទួលបានអំណោយដ៏ថ្លៃថ្លាពីសាខាកាកបាទក្រហមកម្ពុជា ខេត្តបន្ទាយមានជ័យ
03/10/2026 05:03 PM
Facebook Telegram Linkin
ក្រសួងមុខងារសាធារណៈ ចែករំលែកវឌ្ឍនភាពនៃ «ការគ្រប់គ្រងវិស័យមុខងារសាធារណៈ» ជូនឧត្តមក្រុមប្រឹក្សាពិគ្រោះ និងផ្តល់យោបល់
03/10/2026 05:03 PM
Facebook Telegram Linkin
រដ្ឋបាល​ឃុំស្វាយខ្សាច់ភ្នំ​ ប្តេជ្ញាផ្ដល់សេវា ​និងកសាងអភិវឌ្ឍន៍​នៅមូលដ្ឋានខ្លួនឱ្យកាន់តែរីកចម្រើន​
03/10/2026 04:03 PM
Facebook Telegram Linkin
កីឡាការិនីបាល់ទាត់អ៊ីរ៉ង់ ៥នាក់ ទទួលបានទិដ្ឋាការការពារដោយរដ្ឋាភិបាលអូស្រ្តាលី
03/10/2026 04:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.