BTV NEWS

កម្ពុជា-ចិនបានចុះព្រមព្រៀងលើទំហំទឹកប្រាក់ ១,១៥៦ ប៊ីលានដុល្លារសម្រាប់គម្រោងព្រែកជីកហ្វ៊ូណនតេជោ

ចិនគាំទ្រគម្រោងព្រែកជីកហ្វូណនតេជោ ព្រោះវានឹងផ្ដល់អត្ថប្រយោជន៍យ៉ាងច្រើនដល់កម្ពុជា

ឯកឧត្តម ស៊ី ជីនពីង អញ្ជើញធ្វើមាតុភូមិនិវត្តន៍បន្ទាប់ពីបញ្ចប់ទស្សនកិច្ចផ្លូវរដ្ឋរយៈពេល២ថ្ងៃ នៅកម្ពុជា

កម្ពុជា-ចិន ចុះហត្ថលេខាលើឯកសារកិច្ចសហប្រតិបត្តិការចំនួន ៣៧ គ្របដណ្តប់លើវិស័យជាច្រើន

នយោបាយ និង ការអភិវឌ្ឍន៍

អាកាសយានដ្ឋានអន្តរជាតិតេជោ គ្រោងប្រកាសដាក់ឲ្យដំណើរការជាផ្លូវការនៅខែកក្កដា ឆ្នាំ២០២៥ ខាងមុខនេះ

ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល នៅថ្ងៃនេះ បានអញ្ជើញចូលរួមបើកកិច្ចប្រជុំគណៈកម្មការដឹកនាំគ្រប់គ្រង និងសម្របសម្រួលដោះស្រាយការងាររៀបចំប្រតិបត្តិការអាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយ ខណៈគ្រោងបើកឲ្យដំណើរការជាផ្លូវក្នុងកំឡុងខែកក្កដា ឆ្នាំ២០២៥ខាងមុខ។នៅក្រោយចប់កិច្ចប្រជុំ នៅព្រឹកថ្ងៃទី១៨ ធ្នូ ឆ្នាំ២០២៤នេះ ឯកឧត្តម សយ សុខាន់ រដ្ឋលេខាធិការ នៃលេខាធិការដ្ឋានអាកាសចរណ៍ស៊ីវិល បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងថា កិច្ចប្រជុំថ្ងៃនេះ មានការចូលរួមរបស់ក្រុមការងារបច្ចេកទេសចំនួន៣ រួមមាន ១.មកពីរដ្ឋលេខាធិការដ្ឋានអាកាសចរណ៍ស៊ីវិល ២.ប្រតិបត្តិករអាកាសយានដ្ឋាន (CAIC) និង៣.មកពីគ្រប់គ្រងចរាចរណ៍ដែនអាកាស ក្នុងគោលបំណង ដើម្បីចុះពិនិត្យ និងពិភាក្សាលើវឌ្ឍនភាពគម្រោងសាងសង់អាកាសយានដ្ឋានអន្តរជាតិតេជោ និងការកំណត់យកខែកក្កដា ឆ្នាំ២០២៥ ជាកាលបរិច្ឆេទបើកដំណើរការអាកាសយានដ្ឋានអន្តរជាតិតេជោផ្លូវការ។ឯកឧត្តមរដ្ឋលេខាធិការ បានបន្តថា គិតចាប់ពីបើកដំណើរការសាងសង់ក្នុងឆ្នាំ២០២០ រហូតមកដល់ចុងឆ្នាំ២០២៤នេះ ព្រលានយន្តហោះអន្តរជាតិតេជោ ក្រុងតាខ្មៅ សម្រេចបានការសាងសង់ប្រមាណ ៩២% នៃគម្រោងសាងសង់ទាំងមូល។ ឯកឧត្តមបានបន្ថែមថា ចំពោះការងារដែលនៅសល់ ៨%ថែមទៀត ក្រុមការងារពាក់ព័ន្ធបានកំពុងខិតខំប្រឹងប្រែង ដើម្បីឲ្យគម្រោងនេះសម្រេចរួចរាល់ត្រឹមថ្ងៃទី៣០ ខែមិនា ឆ្នាំ២០២៥។ឯកឧត្តម សយ សុខាន់ បានឲ្យដឹងទៀតថា ចំពោះការងាររបស់ការអាកាសយានដ្ឋានអន្តរជាតិតេជោនេះដែរ នៅថ្ងៃទី២ ខែមករា ឆ្នាំ២០២៥ លេខាធិការដ្ឋានអាកាសចរណ៍ស៊ីវិល នឹងបន្តបើកកិច្ចប្រជុំថែមទៀត ដើម្បីធ្វើការបូកសរុបការងារ និងការកំណត់កាលបរិច្ឆេទរបស់បណ្តាក្រុមហ៊ុនអាកាសចរណ៍ និងក្រុមហ៊ុនដទៃផ្សេងៗទៀតក្នុងការដាក់តាំងបង្ហាញលក់ ក៏ដូចជាសេវាកម្មនៅក្នុងព្រលានថ្មីមួយនេះ ធ្វើយ៉ាងណាឲ្យគម្រោងទាំងមូល បានបញ្ចប់ព្រមៗគ្នាតាមការកំណត់ក្នុងពេលវេលាខាងលើ។លោកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក បានបញ្ជាក់ថា នៅពេលដែលព្រលានយន្តហោះតាខ្មៅសាងសង់រួចរាល់ នឹងជួយលើកមុខមាត់ប្រទេសកម្ពុជា ទាំងវិស័យអាកាសចរណ៍ ទាំងវិស័យពាក់ព័ន្ធផ្សេងៗជាច្រើនទៀត ជាពិសេសរួមចំណែកយ៉ាងសំខាន់ក្នុងការលើកស្ទួយសេដ្ឋកិច្ចជាតិឱ្យកាន់តែប្រសើរឡើងបន្ថែមទៀត។ អាកាសយានដ្ឋានអន្តរជាតិតេជោ លំដាប់ថ្នាក់ 4F នេះ សាងសង់លើផ្ទៃដី ២,៦០០ហិកតា ស្ថិតនៅចម្ងាយ ១៩ គីឡូម៉ែត្រពីរាជធានីភ្នំពេញ នឹងអាចស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និងយន្តហោះ Boeing 747-800 ចុះចតបាន៕ អត្ថបទ ឈិត បូរ៉ាវី

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម

ដោយមើលឃើញកាន់តែច្បាស់អំពីទង្វើញុះញង់ ចិញ្ចឹមចិត្តបង្កអស្ថិរភាព អសន្តិសុខ បំផ្លាញនូវសន្តិភាពដ៏សុខសាន្តដែលកំពុងកើតមាននាសព្វថ្ងៃនេះពីក្រុមជ្រុលនិយមមួយក្តាប់តូចនៅក្រៅប្រទេស អ្នកគាំទ្របក្ស ប្រឆាំងជាហូរហែ បានប្រកាសផ្តាច់ខ្លួនមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជា ព្រម ទាំងបានគាំទ្រគំនិតផ្ដួចផ្ដើមរបស់សម្ដេចតេជោ ហ៊ុន សែន បង្កើតច្បាប់ដាក់ក្រុមជ្រុលនិយមជាក្រុមភេរវកម្ម ។រយៈពេលចុងក្រោយនេះ គេបានសង្កេតឃើញថា មន្ត្រីមូលដ្ឋានរបស់គណបក្សប្រឆាំង ជាពិសេសបេក្ខជនមកពីគណបក្សភ្លើងទៀន អស់ជំនឿលើការដឹកនាំរបស់គណបក្សខ្លួន បានប្រកាសផ្តាច់ខ្លួនមកចូលរួមក្នុងជីវ ភាពនយោបាយជាមួយគណបក្សប្រជាជនកម្ពុជាជាហូរហែ ព្រោះពួកគេកាន់តែមើលឃើញច្បាស់ អំពីសារធាតុ ពិតរបស់គណបក្សខ្លួនដែលមានក្រុមជ្រុលនិយមក្បត់ជាតិនៅក្រៅស្រុក តែងតែបំផុសញុះញង់ចង់ផ្តួលរំលំរាជ រដ្ឋាភិបាលស្របច្បាប់ ខណៈដែលប្រទេស និងប្រជាជនកម្ពុជា កំពុងទទួលនូវមនុញ្ញផលពីសុខសន្តិភាព។ជាក់ស្តែង កាលពីម្សិលមិញ តាមរយៈតេឡេក្រាមផ្លូវរបស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានឃើញមានបេក្ខជនក្រុមប្រឹក្សាមកពីគណបក្សភ្លើងទៀន ឃុំសំរោង សែន ស្រុកកំពង់លែង ខេត្តកំពង់ឆ្នាំង ចំនួន៥រូប បានប្រកាសផ្តាច់ខ្លួន និងបានគោរពស្នើសម្តេចតេជោ សុំចូល រួមរស់ជាមួយគណបក្សប្រជាជនកម្ពុជាវិញ។គួរបញ្ជាក់ថា សកម្មភាពនៃការចុះចូលបែបនេះ បាននឹងកំពុងកើតមានអស់រយៈពេលជាច្រើនខែមកហើយ។ បេក្ខជនក្រុមប្រឹក្សាគណបក្សភ្លើងទៀនចំនួន៥រូបមកពីឃុំសំរោងសែន ស្រុកកំពង់លែង ខេត្តកំពង់ឆ្នាំង ដែលបានប្រកាសផ្តាច់ខ្លួនចេញពីបក្សប្រឆាំង និងគោរពស្នើសម្តេចតេជោសុំចូលរួមជីវភាពនយោបាយជាមួយ គណបក្សប្រជាជនកម្ពុជានេះ ពួកគេក៏បានប្រកាសគាំទ្រឱ្យរាជរដ្ឋាភិបាលបង្កើតច្បាប់ដាក់ក្រុមជ្រុលនិយមជា ក្រុមភេរវកម្ម ៕ អត្ថបទ៖ មុត សុទ្ធ

សម្ដេចតេជោ ហ៊ុន សែន អញ្ជើញបិទសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្ត របស់គណៈចលនាមហាជនគណបក្សប្រជាជនកម្ពុជា

នៅវិមាន៧មករា ស្នាក់ការកណ្ដាលគណបក្សប្រជាជនកម្ពុជា នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងទិសដៅការងារបន្តរបស់គណៈចលនាមហាជនគណបក្សប្រជាជនកម្ពុជា ដោយមានការចូលរួមពី អនុប្រធានគណបក្ស គណៈអចិន្ត្រៃយ៍នៃគណៈកម្មាធិការកណ្ដាល ថ្នាក់ដឹកនាំ និង សមាជិក សមាជិកាគណៈចលនាមហាជនថ្នាក់កណ្ដាល គណៈចលនានីមួយៗអគ្គលេខាធិការដ្ឋាន ក្រុមការងារប្រមូលព័ត៌មាន វាយតម្លៃ និងឆ្លើយតបសតិអារម្មណ៍មហាជន គណៈចលនាមហាជន គ្រប់ថ្នាក់ គ្រប់ផ្នែក អង្គការ សមាគម និងសមាជិក សមាជិកាគណបក្សសរុបប្រមាណជាង ២០០០ នាក់។អង្គសន្និបាតគណៈចលនាមហាជន បានចាប់ផ្ដើមដំណើរការ នៅព្រឹកថ្ងៃទី១៧ ខែធ្នូ ឆ្នាំ២០២៤ ដែលពិធីបើកប្រព្រឹត្ត ទៅក្រោមអធិបតីភាពដ៏ខ្ពង់ខ្ពស់របស់ សម្ដេចវិបុលសេនាភក្តី សាយ ឈុំ អនុប្រធានគណបក្ស ប្រជាជនកម្ពុជា និងជាប្រធានគណៈប្រចាំការនៃគណៈអចិន្ត្រៃយ៍គណបក្សប្រជាជនកម្ពុជា។ តាមរយៈអង្គសន្និបាតនេះបានបង្ហាញពីវឌ្ឍនភាពការងារ ការរៀបចំរចនាសម្ព័ន្ធ សមិទ្ធផលនានា ក៏ ដូចជាបញ្ហាប្រឈម សំណូមពរ និងទិសដៅការងាររួមផងដែរ។ក្រោយពីបានស្តាប់នូវរបាយការណ៍លទ្ធផលការងាររបស់ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានគណៈចលនាមហាជនរួចហើយនោះ សម្តេចតេជោ ហ៊ុន សែន ប្រធានគណបក្ស បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង របស់គណៈចលនាមហាជន ក្នុងការអនុវត្តការងារកន្លងទៅប្រកបដោយការយកចិត្តទុកដាក់ និងទំនួលខុសត្រូវខ្ពស់។ សម្តេចបានមានប្រសាសន៍បន្តថា តាមរយៈការរួមចំណែកដ៏សំខាន់របស់គណៈចលនាគណចលនាមហាជន ក្នុងការនាំមកនូវជ័យជំនះជូនគណបក្ស គណៈចលនាមហាជនបាននិងកំពុងដើរតួនាទីយ៉ាងសំខាន់ និងជាសេនាធិការជូនគណៈកម្មាធិការគណបក្សគ្រប់កម្រិត ក្នុងការគ្រប់គ្រងសមរភូមិសតិអារម្មណ៍សាធារណៈ ដែលជាកម្លាំងនយោបាយមិនអាចខ្វះបានក្នុងការធានាជ័យជម្នះ របស់គណបក្សក្នុងគ្រប់ការបោះឆ្នោត ជាពិសេសការប្រមូលផ្តុំកម្លាំងគណបក្សក្នុងចំណោមមហាជនទូទៅផងដែរ។ជាទិសដៅអនុវត្តបន្ត សម្ដេចតេជោ ហ៊ុន សែន ប្រធានគណបក្ស បានផ្តល់នូវអនុសាសន៍មួយចំនួនដល់គ្រប់អង្គការចាត់តាំងរបស់គណបក្សពិសេសគណៈចលនាមហាជនគ្រប់ថ្នាក់បន្តយកចិត្តទុកដាក់លើការងារមួយចំនួន ដូចខាងក្រោម៖-ត្រូវបន្តថែរក្សាសន្តិភាព ស្ថិរភាព នៅកម្ពុជា ដើម្បីថែរក្សានូវសមិទ្ធផលនានា ដែលយើងសម្រេចបានដោយលំបាកបំផុត និងបន្តកសាងសមិទ្ធផលថ្មីៗ សម្រាប់ជាតិ និងប្រជាជន ដោយ សម្ដេចតេជោ បានបញ្ជាក់ថា សមាជិក ទាំងអស់ ដែលមានតួនាទីកំពុងបំពេញភារកិច្ចការងារ នៅក្នុងស្ថាប័នគ្រប់ជាន់ថ្នាក់ ត្រូវរួមគ្នារក្សាអោយបានដាច់ខាត សន្តិភាព ស្ថិរភាពសង្គម ទោះលះបង់ក្នុងតម្លៃណាក៏ដោយ ត្រូវខិតខំរក្សាអោយបាននូវកំណើនម៉ាក្រូសេដ្ឋកិច្ច ដែលជាចំណង១ខ្សែ២ (រក្សាស្ថិរភាពនយោបាយ និង រក្សាស្ថិរភាពម៉ាក្រូសេដ្ឋកិច្ច)។-បន្តពង្រឹង និងពង្រីកអង្គការចាត់តាំង, ពង្រឹងការអនុវត្តតួនាទី ភារកិច្ច និងរបៀបរបបការងាររបស់គណៈចលនាមហាជនគ្រប់ថ្នាក់ ដើម្បីបង្កើនប្រសិទ្ធភាពការងារ ពិសេសត្រូវរៀបចំបណ្តុះបណ្តាលពង្រឹងសមត្ថភាពមន្ត្រីបក្ស លើការងារមហាជន ទាំងគ្រូបង្គោល និងជនបង្គោលរបស់គណបក្ស រាជធានីខេត្ត ដើម្បីធានានិរន្តរភាព និងប្រសិទ្ធភាពការងារ។-នៅចំពោះមុខសភាពការណ៍ជាតិ និងអន្តរជាតិ ដែលមានការវិវត្តកាន់តែស្មុគស្មាញនោះ ត្រូវតាមដានវាយតម្លៃអោយបានជាប់លើមតិ ការយល់ឃើញរបស់មហាជន ទាំងលើប្រព័ន្ធបណ្តាញសង្គម និងនៅតាមមូលដ្ឋានផ្ទាល់ លើការដឹកនាំរបស់រាជរដ្ឋាភិបាល និងគណបក្ស។-បង្កើនការងារបណ្តុះស្មារតីសាមគ្គីភាពសង្គម យុទ្ធនាការបណ្តុះគំនិតវិជ្ជមានដល់ប្រជាជន និងការបង្កើនភាពកក់ក្ដៅរវាងមន្ត្រីបក្ស និងប្រជាជន ដោយត្រូវជំរុញការផ្សារភ្ជាប់ទំនាក់ទំនងរវាងប្រជាជន និងក្រសួង ស្ថាប័ន អង្គភាពរដ្ឋ នៅគ្រប់កម្រិត ពីថ្នាក់ជាតិ ដល់ថ្នាក់ក្រោមជាតិ, និងពង្រឹងការងារផ្សព្វផ្សាយ និងទំនាក់ទំនងសាធារណៈ ទាំងតាមបែបប្រពៃជា និងបែបឌីជីថលឆ្លើយតបនឹងការរីកចម្រើនយ៉ាងឆាប់រហ័សនៃបច្ចេកវិទ្យា ពិសេសជម្រុញការយកចិត្តទុកដាក់ក្នុងការគ្រប់គ្រងការផ្សាយរបស់ ប្រព័ន្ធអនឡាញ ជាពិសេសគឺការផ្សព្វផ្សាយព័ត៌មានបំភ្លៃការពិត ខ្វះសីលធម៌ ត្រូវមានវិធានការជាបន្ទាន់។-បន្តការកំណែទម្រង់ ទាំងក្នុងបក្ស និងរដ្ឋ ដោយការធ្វើកំណែទម្រង់រដ្ឋ និងការធ្វើកំណទម្រង់ក្នុងបក្សត្រូវតែដើរទន្ទឹមគ្នាទើបការកែទម្រង់ទទួលបានជោគជ័យ។ បន្តជំរុញការអនុវត្តកម្មវិធីនយោបាយរបស់គណបក្ស និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ពិសេសត្រូវពន្លឿនការដោះស្រាយវិស័យសេដ្ឋកិច្ចសង្គម ដែលរងផលប៉ះពាល់ពីវិបត្តិជំងឺកូវីដ-១៩ ដើម្បីលើកម្ពស់សេដ្ឋកិច្ចគ្រួសារ និងជីវភាពរស់នៅប្រចាំថ្ងៃរបស់ប្រជាជន។-បន្តចូលរួមពង្រឹងទំនាក់ទំនង និងកិច្ចសហប្រតិបត្តិការការទូតសន្តិភាព មិត្តភាពជាមួយចលនាមហាជន ការផ្លាស់ប្តូររវាងប្រជាជន និងប្រជាជន យុវជន និងយុវជន នៃបណ្តាប្រទេសជិតខាង និងប្រទេសជាមិត្តនានា ដោយឈរលើគោលការណ៍សន្តិសហវិជ្ជមាន គោរពឯករាជ្យអធិបតេយ្យ បូរណភាពទឹកដី ស្មើភាព ស្មើសិទ្ធិ និងមានផលប្រយោជន៍ទៅវិញទៅមក។ក្នុងឱកាសនេះនេះដែរ សម្ដេចតេជោ ប្រធានគណបក្សប្រជាជនកម្ពុជា បានកោតសរសើរដល់ការប្រមូលចំណូល និង បានជម្រុញការយកចិត្តទុកដាក់ប្រមូលចំណូលអោយអស់លទ្ធភាពបន្ថែមទឿត ទាំងថ្នាក់ជាតិ និងថ្នាក់ក្រោមជាតិ និងបានកោតសរសើរដល់រាជរដ្ឋាភិបាល ដែលថ្មីៗនេះបាន ប្រកាសអោយការចុះបញ្ជីសេដ្ឋកិច្ចក្រៅប្រព័ន្ធតាមប្រព័ន្ធឌីជីថល ដែលនេះគឺកាន់តែផ្ដល់ភាពងាយស្រួល និងកក់ក្ដៅដល់បងប្អូនអ្នកនៅក្នុងសេដ្ឋកិច្ចក្រៅប្រព័ន្ធ ព្រមទាំងជម្រុញអោយយកចិត្តទុកដាក់សេដ្ឋកិច្ចក្រៅប្រព័ន្ធអោយបានខ្លាំង។សម្ដេចតេជោ បានកោតសរសើរចំពោះល្បឿននៃការដោះស្រាយបញ្ហាដីធ្លី និងជម្រុញបន្ថែមទៀតនៃដោះស្រាយបញ្ហាដីធ្លី និងការផ្ដល់ដីធ្លីដល់ប្រជាជនអោយចំគោលដៅ។ ក្នុងនោះដែរ សម្ដេចតេជោ ក៏បានកោតសរសើរដល់រាជរដ្ឋាភិបាល ដែលបានរៀបចំគណកម្មាធិការដោះស្រាយក្រៅប្រព័ន្ធតុលាការផងដែរ។ជាទីបញ្ចប់ ជាមួយនឹងការប្រកាសបិទសន្និបាតបូកសរុបសមិទ្ធផលការងារ ឆ្នាំ២០២៤ និងលើកទិសដៅការងារបន្ត របស់គណៈចលនាមហាជន សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានប្រសិទ្ធពរជ័យ ជូន សម្តេច ឯកឧត្ដម លោកជំទាវ អស់លោក លោកស្រី អ្នកនាងកញ្ញា អង្គសន្និបាតទាំងមូល សូមទទួលបាននូវពុទ្ធពរទាំង ០៥ប្រការ គឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

ឯកឧត្តមបណ្ឌិត សៅ ជីវ័ន្ត ដឹកនាំក្រុមការងារអន្តរក្រសួងចុះវាយតំលៃការងារថែទាំផ្លូវ ក្នុងខេត្តពោធិ៍សាត់

នៅថ្ងៃទី១៧ ខែធ្នូ ឆ្នាំ២០២៤ ឯកឧត្តមបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទតំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមដំណើរដោយ ឯកឧត្តមបណ្ឌិត លឹម អ៊ីវ អនុរដ្ឋលេខាធិការ បានអញ្ជើញដឹកនាំគណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃលើការងារថែទាំផ្លូវខួប ចំនួន ៣កំណាត់ ដោយស្រោចផ្លូវកៅស៊ូ DBST បន្ថែមពីលើ (Reseal DBST) ប្រវែងសរុប ៧០០០ម៉ែត្រ ទទឹងខ្នងលើ ៦ម៉ែត្រ ព្រមទាំងមានគូសគំនូសចរាចរណ៍ ទំហំ ១ ០៥០ ម៉ែត្រការ៉េ ស្ថិតនៅក្នុងឃុំបឹងខ្នារ ឃុំតាលោ ស្រុកបាកាន ស្រុកតាលោសែនជ័យ ខេត្តពោធិ៍សាត់ ដែលអនុវត្តដោយមន្ទីរអភិវឌ្ឍន៍ជនបទខេត្តពោធិ៍សាត់។ បន្ទាប់ពីបានត្រួតពិនិត្យ និងប្រជុំពិភាក្សាជាមួយអ្នកទទួលការ អ្នកបច្ចេកទេស និងគណៈកម្មការអន្តរក្រសួងរួចមក គណៈកម្មការបានឯកភាព និងទទួលយកការអនុវត្តបញ្ចប់ ១០០%ស្របតាមបទដ្ឋានបច្ចេកទេស ដូចមានចែងក្នុងកិច្ចសន្យា។ ជាមួយគ្នានេះ ឯកឧត្តមបណ្ឌិតរដ្ឋលេខាធិការ ក៏បានជួបសំណេះសំណាល និងពាំនាំនូវប្រសាសន៍ផ្ដាំផ្ញើសួរសុខទុក្ខ ប្រកបដោយមនោសញ្ចេតនា សេចក្តីនឹករលឹកយ៉ាងជ្រាលជ្រៅបំផុត និងពរសព្ទសាធុការពីសំណាក់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងបានអំពាវនាវដល់ប្រជាពលរដ្ឋដែលជាអ្នកទទួលផល អាជ្ញាធរមូលដ្ឋាន ភូមិ ឃុំ ស្រុក និងបានសំណូមពរសូមឱ្យបងប្អូនប្រជាពលរដ្ឋជួយថែទាំផ្លូវនេះឱ្យបានដិតដល់ដើម្បីធានាថាផ្លូវនេះអាចប្រើប្រាស់បានយូរអង្វែង អាចបម្រើផលប្រយោជន៍ជូនប្រជាពលរដ្ឋ ។ ឯកឧត្តមបណ្ឌិតរដ្ឋលេខាធិការ មានប្រសាសន៍បន្តថា រាជរដ្ឋាភិបាលបច្ចុប្បន្នបាននិងកំពុងខិតខំអភិវឌ្ឍប្រទេសជាតិ លើគ្រប់វិស័យឱ្យកាន់តែមានភាពរីកចម្រើនទៅមុខបន្ថែមទៀត ដោយបានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដែលបានកំណត់អាទិភាពគន្លឹះ៥ គឺ៖ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្រោមបាវចនាដើម្បីកំណើន ការងារ សមធម៌ ប្រសិទ្ធភាព និងចីរភាព ក្នុងគោលដៅអភិវឌ្ឍប្រទេសឈានឆ្ពោះទៅសម្រេចចក្ខុវិស័យកម្ពុជាជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០ ។ ជាមួយគ្នានោះ រាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ បាននឹងកំពុងខិតខំក្នុងការលុបបំបាត់ផ្លូវលំដីសរជនបទមកជាផ្លូវក្រាលក្រួសក្រហមជំនួសវិញ និងកំពុងកែប្រែផ្លូវជនបទកាលក្រួសក្រហមឱ្យមកជាផ្លូវកៅស៊ូរជាបន្តបន្ទាប់ ដើមជួយសម្រួលការលំបាករបស់ប្រជាពលរដ្ឋ ក្រៅពីការងារស្ថាបនាកសាងហេដ្ឋារចនាសម្ធ័នជនបទ ក្រសួងអភិវឌ្ឍន៍ជនបទបានយកចិត្តទុកដាក់ខ្ពស់ផងដែរលើការងារថែទាំផ្លូវដើម្បីអាយុកាលប្រើប្រាស់បានយូរអង្វែង ៕

ស្ពានអាកាស «មរតកតេជោ» ជាន់ទី១ ត្រូវបានធ្វើពិធីតភ្ជាប់ នឹងអាចប្រើប្រាស់បានមុនចូលឆ្នាំខ្មែរឆ្នាំ២០២៥ខាងមុខនេះ

ស្ពានអាកាស «មរតកតេជោ» ជាន់ទី១ ត្រូវបានធ្វើពិធីតភ្ជាប់ នឹងអាចប្រើប្រាស់បានមុនចូលឆ្នាំខ្មែរ ឆ្នាំ២០២៥ ខណៈស្ពានអាកាសជាន់ទី២ កំពុងប្រើប្រាស់បណ្ដោះអាសន្នយ៉ាងមមាញឹក។ស្ពានអាកាស «មរតកតេជោ» ប្រសព្វរវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និងមហាវិថីយោធពលខេមរភូមិន្ទ ក្នុងខណ្ឌមានជ័យ និងខណ្ឌចំការមន ក្នុងជំហានទី២ បានឈានដល់ការធ្វើពិធីភ្ជាប់ស្ពានហើយ ដែលពិធីតភ្ជាប់ស្ពានអាកាសជាន់ទី១នេះបានធ្វើឡើងនារសៀលថ្ងៃទី១៧ ខែធ្នូ ឆ្នាំ២០២៤ ក្រោមអធិបតីភាពឯកឧត្ដម ឃួង ស្រេង អភិបាលរាជធានីភ្នំពេញ និងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល OCIC។ ស្ពានអាកាស «មរតកតេជោ»ជំហានទី២ គ្រោងនឹងបញ្ចប់ការសាងសង់មុនផែនការប្រមាណ ០៤ខែ ពោលគឺនឹងបញ្ចប់មុនចូលឆ្នាំខ្មែរប្រពៃណីជាតិ ឆ្នាំ២០២៥ ដែលក្នុងគម្រោងគឺបញ្ចប់នៅខែសីហា ឆ្នាំ២០២៥។ ស្ពានអាកាស មរតកតេជោ ជាន់ទី២ ដំណាក់កាលទី១ ក្រោយមានការសម្រេចដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កាលពីថ្ងៃទី០១ ខែមេសា ឆ្នាំ២០២៤កន្លងទៅរដ្ឋបាលរាជធានីភ្នំពេញបានដាក់ឱ្យប្រើប្រាស់ជាបណ្តោះអាសន្ន ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ និងដើម្បីដោះស្រាយការកកស្ទះចរាចរ។ ស្ពានអាកាសថ្មីនេះ កាលពីព្រឹកថ្ងៃទី៣១ ខែសីហា ឆ្នាំ២០២២ ត្រូវបានសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីអញ្ជើញជាអធិបតីភាពដ៏ខ្ពង់ខ្ពស់ បើកការដ្ឋានស្ថាបនា។ ស្ពានអាកាសនេះសាងសង់ ដោយក្រុមហ៊ុនវិនិយោគទុនអាណិកជនកម្ពុជា OCIC ចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ។ ស្ពានអាកាសថ្មីនេះនឹងដោះស្រាយបាននូវលំហូរចរាចរណ៍ ពីខេត្តកណ្ដាល ឆ្លងកាត់មហាវិថីតេជោ ហ៊ុន សែន ពីព្រលានយន្តហោះថ្មី ខេត្តកណ្ដាល ចូលមករាជធានីភ្នំពេញ និងទី២ទៀតអាចកាត់បន្ថយបាននូវការកកស្ទះចរាចរណ៍នៅតាមបណ្ដោយផ្លូវជាតិ១ចូលមករាជធានីភ្នំពេញផងដែរ។ ស្ពានអាកាសថ្មីនេះ មានការសាងសង់ផ្លូវផ្ទាល់ដី ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និងវិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស និងផ្លូវជាតិលេខ២។ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា ទៅកាន់មហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និង វិថីកងយោធពលខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស មានទិសដៅទៅមក រវាងមហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន។ គួរបញ្ជាក់ថា បច្ចុប្បន្ននេះ នៅក្នុងរាជធានីភ្នំពេញមានស្ពានអាកាសចំនួន៧ ដែលបានសាងសង់រួចរាល់ និងកំពុងប្រើប្រាស់រួមមានស្ពានអាកាសក្បាលថ្នល់ ស្ពានអាកាស៧មករា ស្ពានអាកាសស្ទឹងមានជ័យ ស្ពានអាកាស៥មករា ស្ពានអាកាសមិត្តភាពកម្ពុជា-ចិន សែនសុខ ឬហៅថា ស្ពានអាកាស ផ្សារដីហ៊ុយ ស្ពានអាកាសចោមចៅ និងស្ពានអាកាសលើផ្លូវជាតិលេខ៥ ខណ្ឌឬស្សីកែវ៕ អត្ថបទ ៖ ប្រាក់ វ៉ាន់ដា

សម្ដេចតេជោ ហ៊ុន សែន គូសបញ្ជាក់ជាថ្មីទៅទូតអ៊ុយក្រែនថា «មិនអាចយកសង្រ្គាមបញ្ចប់សង្រ្គាមបានទេ»

នៅព្រឹកថ្ងៃអង្គារ ទី១៧ ខែធ្នូ ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានអនុញ្ញាតឱ្យ ឯកឧត្តម អូឡេកសាន់ឌឺ ហ្កាម៉ាន (Oleksandr Gaman) ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសអ៊ុយក្រែន ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ ជាកិច្ចចាប់ផ្តើម សម្តេចតេជោ បានសម្តែងនូវការស្វាគមន៍ ឯកឧត្តម Oleksandr Gaman ឯកអគ្គរដ្ឋទូតវិសាមញ្ញ នៃប្រទេសអ៊ុយក្រែន ដែលបានអញ្ជើញចូលជួបសម្ដែងការគួរសម។ សម្តេចតេជោ បានសម្តែងការសោកស្តាយចំពោះសោកនាដកម្ម និងការបំផ្លិចបំផ្លាញដោយសារសង្គ្រាមដែលបានកើតឡើងនៅអ៊ុយក្រែន ក្នុងរយៈកាល ៣ឆ្នាំកន្លងទៅនេះ។ សម្តេច បានគូសបញ្ជាក់ថា កម្ពុជាស្គាល់ច្បាស់ផលលំបាក ទុក្ខវេទនា និងរសជាតិសង្រ្គាម ហើយ សម្តេច ដឹងយ៉ាងប្រាកដថា “មិនអាចយកសង្រ្គាមបញ្ចប់សង្រ្គាមបានទេ”។ សម្តេចតេជោ ក៏បានបន្តថា សម្តេច បានលះបង់អំណាចពេលដែលសម្តេច នៅមានកម្លាំង និងមានប្រជាប្រិយភាពខ្ពស់បំផុត ដើម្បីប្តូរនឹងសុខសន្តិភាព និងស្ថិរភាពរយៈពេលវែងសម្រាប់កម្ពុជា។នាឱកាសនោះ ឯកឧត្តម Oleksandr Gaman បានថ្លែងអំណរគុណ សម្តេចតេជោ និងសម្តែងនូវក្តីរីករាយដែលបានជួបសម្តេច សាជាថ្មី បន្ទាប់ពីជំនួបនៅក្នុងអំឡុងកិច្ចប្រជុំកំពូលអាស៊ាននៅឆ្នាំ២០២២។ ឯកឧត្តម បានថ្លែងអំណរគុណ សម្តេច ដែល ប្រទេសកម្ពុជាកន្លងមក មានគោលជំហរជ្រើសយកច្បាប់អន្តរជាតិប្រឆាំងនឹងការឈ្លានពានរុស្ស៊ី និងសមានចិត្តចំពោះប្រទេសអ៊ុយក្រែន តាមរយៈការគាំទ្រនានាជាបន្តបន្ទាប់។ ឯកឧត្តម ក៏បានជម្រាបជូន សម្តេចតេជោ កិច្ចប្រជុំកំពូលលើកទី១ ស្តីពីសន្តិភាពនៅអ៊ុយក្រែន នៅប្រទេសស្វីស កាលពីខែមិថុនា ឆ្នាំ២០២៤ និងបច្ចុប្បន្នភាពនៃស្ថានភាពដ៏លំបាកលំបិនដែលអ៊ុយក្រែនកំពុងជួបប្រទះផងដែរ។ឯកឧត្តម Oleksandr Gaman បានសម្តែងនូវការដឹងគុណយ៉ាងជ្រាលជ្រៅ ចំពោះកម្ពុជា ដែលបានជួយបណ្តុះបណ្តាលអ្នកដោះមីនអ៊ុយក្រែន ជាច្រើនលើក ។ ឯកឧត្តម បានបញ្ជាក់ថា អ៊ុយក្រែន អាចនឹងប្រើពេលប្រមាណ ១០០ឆ្នាំ ក្នុងការបោសសម្អាតមីនទូទាំងប្រទេស ប្រសិនបើគ្មានការចូលរួមគាំទ្រពីសហគមន៍អន្តរជាតិ រួមទាំង កម្ពុជា។ ឯកឧត្តម ក៏បានសង្កត់ធ្ងន់ថា ជំនួបថ្នាក់ដឹកនាំរបស់អ៊ុយក្រែន និងថ្នាក់ដឹកនាំកម្ពុជា ជាពិសេសជាមួយ សម្តេចតេជោ នាពេលកន្លងមក សបញ្ជាក់ឱ្យឃើញអំពីទំនាក់ទំនងល្អនៃប្រទេសយើងទាំងពីរ។ ឆ្លៀតក្នុងជំនួបនេះ ឯកឧត្តម សូមពាំនាំការអញ្ជើញរបស់ ឯកឧត្តមប្រធានាធិបតី និងឯកឧត្តមប្រធានរដ្ឋសភាអ៊ុយក្រែន ចំពោះ សម្តេចតេជោ ដើម្បីទៅបំពេញទស្សនកិច្ចនៅអ៊ុយក្រែន បន្ទាប់ពីសម្តេចបានអញ្ជើញទៅអ៊ុយក្រែនកាលពីឆ្នាំ១៩៨១។ជាកិច្ចឆ្លើយតប សម្តេចតេជោ បានអរគុណ ឯកឧត្តម Oleksandr Gaman ចំពោះការវាយតម្លៃរបស់ ឯកឧត្តមអំពីស្ថានការណ៍បច្ចុប្បន្ននៅអ៊ុយក្រែន។ សម្តេចតេជោ បានមានប្រសាសន៍បន្តថា កម្ពុជាយល់ច្បាស់ពីសង្គ្រាម ហើយវាមិនមែនជាការចៃដន្យនោះទេ ដែលកម្ពុជាជ្រើសយកការគោរពតាមច្បាប់អន្តរជាតិ ដើម្បីរក្សាបានសុខសន្តិភាព ហើយជំហរនេះ កម្ពុជានឹងមិនផ្លាល់ប្តូរនោះឡើយ។ សម្តេចតេជោ បានបញ្ជាក់ផងដែរថា កម្ពុជានឹងបន្តយន្តការគាំទ្រ និងបណ្តុះបណ្តាលអ្នកដោះមីន ដោយសហការជាមួយប្រទេសជប៉ុន។ សម្តេចបានរំលឹកថា សម្តេច បានឆ្លើយតបទៅនឹង ឯកឧត្តម ប្រធានសភាអ៊ុយក្រែនថា កម្ពុជាអាចបញ្ជូនកងកម្លាំងថែរក្សាសន្តិភាព (រួមទាំង អ្នកដោះមីន) ទៅក្រៅប្រទេស តែក្នុងលក្ខខណ្ឌក្រោមឆ័ត្រនៃអង្គការសហប្រជាជាតិប៉ុណ្ណោះ។ ក្នុងឋានៈជាមេដឹកនាំកម្ពុជានិងប្រធានអាស៊ាន នាពេលកន្លងមក សម្តេចតេជោ បានបន្តចែករំលែកជាមួយនឹង ឯកឧត្តម Oleksandr Gaman នូវបទពិសោធ និងទស្សនៈរបស់សម្តេច លើអភិក្រម យុទ្ធសាស្ត្រគ្រប់គ្រងស្ថានការណ៍សង្គ្រាម និង យុទ្ធសាស្ត្រនៃកិច្ចការចរចាស្វែងរកសន្តិភាពជូនកម្ពុជា ដោយគូសបញ្ជាក់ថា រាល់ការចរចាសន្តិភាព ដែលទទួលបានជោគជ័យ ត្រូវតែមានការចូលរួមពីភាគីជម្លោះពាក់ព័ន្ធ ហើយត្រូវចាប់ពីតូចទៅធំ។សម្តេច បានវាយតម្លៃខ្ពស់ ចំពោះកិច្ចខិតខំប្រឹងប្រែងរបស់អ៊ុយក្រែន នៅក្នុងការពង្រឹងទំនាក់ទំនងជាមួយកម្ពុជា ហើយ សូមទទួលយកការអញ្ជើញទៅទស្សនកិច្ចនៅអ៊ុយក្រែន នាពេលវេលាសមស្របខាងមុខ បន្ទាប់ពីទស្សនកិច្ចរបស់សម្តេច នៅទីក្រុង គៀវ នៅឆ្នាំ១៩៨១។ ជាថ្មីម្តងទៀត ឯកឧត្តម Oleksandr Gaman បានថ្លែងអំណរគុណ សម្តេចតេជោ និងកម្ពុជា ចំពោះជំហរជាពេលកន្លងមក និងរង់ចាំទទួលទស្សនកិច្ច សម្តេចតេជោ នាពេលខាងមុខនៅអ៊ុយក្រែន។នៅចុងបញ្ចប់ សម្តេចតេជោ បានស្នើ ឯកឧត្តម Oleksandr Gaman ពាំនាំនូវការសួរសុខទុក្ខរបស់សម្តេចជូនឯកឧត្តម ប្រធានាធិបតី នាយករដ្ឋមន្ត្រី និង ប្រធានសភាអ៊ុយក្រែន និង ជូនពរ ឯកឧត្តម ឯកអគ្គរដ្ឋទូត ទទួលបានជោគជ័យក្នុងបេសកកម្ម និងកិច្ចសហប្រតិបត្តិការនៃប្រទេសយើងទាំងពីរ៕

អ្នកនយោបាយ៖ ព័ត៌មានក្លែងក្លាយជាឧបករណ៍របស់ក្រុមប្រឆាំងដើម្បីបំភាន់សាធារណជន

អ្នកនយោបាយ បានចាត់ទុកការបង្កើតព័ត៌មានក្លែងក្លាយជាឧបករណ៍របស់ក្រុមប្រឆាំង ដើម្បីវាយប្រហាររាជរដ្ឋាភិបាល និងបំភាន់សាធារណជនតែប៉ុណ្ណោះ ។កាលពីថ្មីៗនះតាមរយៈការផ្សព្វផ្សាយព័ត៌មានពីក្រុមប្រឆាំងទាក់ទងនឹង ចិនឈប់ផ្ដល់កម្ចីដល់កម្ពុជា លោកបណ្ឌិត ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានប្រាប់BTV នៅថ្ងៃទី១៧ ខែធ្នូ ឆ្នាំ២០២៤ថា ក្នុងនាមអ្នកនយោបាយមួយរូបចាត់ទុកការនិយាយព័ត៌មានមិនពិតរបស់ក្រុមប្រឆាំងគ្រាន់តែឧបករណ៍ និងជាយុទ្ធសាស្រ្តដដែលៗ ដើម្បីបំភ្លៃខុសការពិត ជាពិសេសអំឡុងពេលប្រមុខរាជរដ្ឋាភិបាល និងថ្នាក់ដឹកនាំជាតិកំពូលបំពេញទស្សនកិច្ចទៅកាន់បណ្តាប្រទេសធំៗ។លោកបណ្ឌិត ហ៊ាង គឹមស្រឿន បញ្ជាក់ថា ការបំភាន់ព័ត៌មានមិនពិតរបស់ក្រុមប្រឆាំងនាពេលបច្ចុប្បន្នមិនត្រូវបានប្រជាពលរដ្ឋជឿទាំងស្រុងនោះទេ ដោយសារនោះជាលេសនយោបាយដដែលៗរបស់ក្រុមប្រឆាំងតែប៉ុណ្ណោះ។ជាមួយគ្នា លោក អ៊ិត សារម្យ ប្រធានគណបក្សបំណងពលរដ្ឋ លើកឡើងថា ក្រុមប្រឆាំងតែងមានចេតនាបំផុសបំផុស និងញុះញង់ឱ្យមានបញ្ហាក្នុងសង្គមតាមរយៈព័ត៌មានមិនពិត។សូមបញ្ជាក់ថា ជុំវិញព័ត៌មានអំពី ចិនឈប់ផ្ដល់កម្ចីដល់កម្ពុជា ត្រូវបានអ្នកនាំពាក្យក្រសួងសេដ្ឋកិច្ច និងហិរញ្ញវត្ថុ ច្រាលចោលទាំងស្រុង ដោយលើកឡើងថា ទំនាក់ទំនងរវាងប្រទេសទាំងពីរ គឺជាទំនាក់ទំនង ដែលបន្ដមានការស្អិតរមួត ត្រូវបានពង្រឹង តាមរយៈការវិនិយោគ និងតាមរយៈកិច្ចសហប្រតិបត្ដិការនានា ដែលមានជាធរមាន។ លើសពីនេះ កម្ពុជា-ចិន មានគម្រោងជាច្រើនដែលបន្ដចុះពិនិត្យ និងត្រូវចុះកិច្ចព្រមព្រៀងក្នុងក្របខណ្ឌនៃកិច្ចសហប្រតិបត្ដិការ និងក្របខណ្ឌនៃការចុះកិច្ចព្រមព្រៀងហិរញ្ញប្បទានឥណសំណង រាប់ទាំងហិរញ្ញប្បទានសមទាន ជាច្រើនទៀត៕ អត្ថបទ សេក ឧត្តម

ប្រមុខការទូតកម្ពុជា-វៀតណាម ឯកភាពលើការរៀបចំឱ្យមានដំណើរទស្សនកិច្ចកម្រិតខ្ពស់ ដើម្បីពង្រឹងកិច្ចសហប្រតិបត្តិការ

ភ្នំពេញ៖ កាលពីថ្មីៗនេះ ក្នុងជំនួបពិភាក្សាតាមទូរស័ព្ទរវាងឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងឯកឧត្តម ប៉ូយ ថាញ់សិន ឧបនាយករដ្ឋមន្ត្រី រដ្ឋមន្ត្រីការបរទេសវៀតណាម បានឯកភាពលើការរៀបចំឱ្យមានដំណើរទស្សនកិច្ចកម្រិតខ្ពស់ ដើម្បីពង្រឹងកិច្ចសហប្រតិបត្តិការទ្វេភាគី។ នេះបើតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី១៦ ខែធ្នូ ឆ្នាំ២០២៤។ ឯកឧត្តម ប្រាក់ សុខុន បានថ្លែងអំណរគុណ ឯកឧត្តម ប៊ុយ ជាញ់សិន ដែលបានសម្តែងការ អបអរសាទរចំពោះឯកឧត្តម ដែលទទួលបានការតែងតាំងឡើងវិញ ជាឧបនាយករដ្ឋមន្ត្រី និងរដ្ឋមន្ត្រី ការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ព្រមទាំងបានបញ្ជាក់ឡើងវិញ អំពីការប្តេជ្ញាចិត្តក្នុងការធ្វើការយ៉ាងជិតស្និទ្ធជាមួយសមភាគីវៀតណាម ដើម្បីពង្រឹងទំនាក់ទំនង រទ្វេភាគីរវាងប្រជាជាតិទាំងពីរបន្ថែមទៀត។ឯកឧត្តមរដ្ឋមន្ត្រីការបរទេសទាំងពីរ បានកត់សម្គាល់ដោយការពេញចិត្ត ចំពោះការផ្លាស់ប្តូរទស្សនកិច្ចកម្រិតខ្ពស់រវាងប្រទេសទាំងពីររួមមានព្រះរាជទស្សនកិច្ចផ្លូវរដ្ឋរបស់ ព្រះករុណាជា អម្ចាស់ជីវិតលើត្បូង នៅវៀតណាម កាលពីខែវិច្ឆិកា និងទស្សនកិច្ចផ្លូវរដ្ឋរបស់ឯកឧត្តម អគ្គលេខាធិការ តូ ឡិម អតីតប្រធានរដ្ឋវៀតណាម នៅកម្ពុជា កាលពីខែកក្កដា ឆ្នាំ២០២៨ ដែលបាន ពង្រឹងទំនាក់ទំនងភាពជាអ្នកជិតខាងល្អកម្ពុជា-វៀតណាម បន្ថែមទៀត។ ឯកឧត្តមរដ្ឋមន្ត្រីការបរទេស ទាំងពីរ ក៏បានឯកភាពលើការរៀបចំឱ្យមានដំណើរទស្សនកិច្ចកម្រិតខ្ពស់នានានាពេលអនាគត។ឯកឧត្តមរដ្ឋមន្ត្រីការបរទេសទាំងពីរ បានផ្លាស់ប្តូរទស្សនៈលើសកម្មភាពនៃកិច្ចសហប្រតិបត្តិការនានា រួមមានកិច្ចប្រជុំលើកទី២១របស់គណៈកម្មការចម្រុះកម្ពុជា-វៀតណាម ស្តីពីកិច្ចសហប្រតិបត្តិការ សេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា និងកិច្ចប្រជុំនៅលើកទី១៣ ស្តីពីកិច្ចសហប្រតិបត្តិការ និង ការអភិវឌ្ឍបណ្តាខេត្តជាប់ព្រំដែនកម្ពុជា-វៀតណាមឆ្នាំ២០២៥ ដែលនឹងរៀបចំឡើងនៅកម្ពុជា៕

សម្តេចតេជោ ហ៊ុន សែន បញ្ចប់ទស្សនកិច្ចផ្លូវការនៅអារ៉ាប៊ីសាអូឌីត រដ្ឋកាតា តួកគីយេ និងអេមីរ៉ាតអារ៉ាប់រួមប្រកបដោយផ្លែផ្កា និងមោទនភាពបំផុត

តបតាមការអញ្ជើញរបស់ប្រធានសភានៃបណ្តាប្រទេសជាមិត្ត សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានបញ្ចប់ដោយជោគជ័យនូវទស្សនកិច្ចផ្លូវការ នៅព្រះរាជាណាចក្រអារ៉ាប៊ីសាអូឌីត រដ្ឋកាតា សាធារណរដ្ឋតូកគឺយេ និងអេមីរ៉ាតអារ៉ាប់រួម ដែលបាន ប្រព្រឹត្តទៅចាប់ពីថ្ងៃទី៨ ដល់ថ្ងៃទី១៤ ខែធ្នូ ឆ្នាំ២០២៤។ ក្នុងអំឡុងពេលនៃទស្សនកិច្ច សម្តេចតេជោប្រធានព្រឹទ្ធសភា បានជួបពិភាក្សាការងារទ្វេភាគីជាមួយសមភាគីដែលជាប្រធានសភា និងបានជួបពិភាក្សាការងារជាមួយថ្នាក់ដឹកនាំសំខាន់ៗនៃប្រទេសនីមួយៗផងដែរ។ ប្រមុខសភានិងថ្នាក់ដឹកនាំនៃបណ្តាប្រទេសទាំង៤ បានទទួលស្វាគមន៍យ៉ាងកក់ក្តៅ និងបានផ្តល់នូវសារៈសំខាន់យ៉ាងខ្លាំងចំពោះដំណើរទស្សនកិច្ចរបស់សម្តេចតេជោ ក្នុងនាមជាប្រធាន ព្រឹទ្ធសភានៃព្រះរាជាណាចក្រកម្ពុជា។ នៅក្នុងរាល់ជំនួបសវនការ ប្រមុខសភា និងថ្នាក់ដឹកនាំនៃប្រទេសជាមិត្តបានសម្តែងការកោតសរសើរដ៏ស្មោះស្ម័គ្របំផុតចំពោះសម្តេចតេជោថា ជាវីរជននយោបាយដ៏សំខាន់បំផុតដែលបានលះបង់ និងបូជាគ្រប់បែបយ៉ាងក្នុងបុព្វហេតុកសាងសន្តិភាព និងអភិវឌ្ឍជាតិ នៃប្រវត្តិសាស្ត្រ កម្ពុជាក្នុងសម័យទំនើប។ សម្តេចតេជោប្រធានព្រឹទ្ធសភា និងថ្នាក់ដឹកនាំជាមិត្ត ក៏បានធ្វើការផ្លាស់ប្តូរយោបល់អំពីបញ្ហាតំបន់ និងអន្តរជាតិ ដែលជាការប្រឈមនៅចំពោះមុខសភាពការណ៍ ដែលកំពុងតែវិវត្តយ៉ាងលឿន កាន់តែតានតឹង និងស្មុគស្មាញ ជាពិសេសស្ថានភាពនៅស៊ីរី លីបង់ ជម្លោះអ៊ីស្រាអែល-ប៉ាឡេស្ទីន និងសង្គ្រាមនៅអ៊ុយក្រែន ដើម្បីរួមចំណែកដល់ការស្វែងរកដំណោះស្រាយជាយុទ្ធសាស្ត្រសម្រាប់សន្តិភាព សន្តិសុខ ស្ថិរភាព និង វិបុលភាព ក្នុងតំបន់ និងពិភពលោកទាំងមូល។ សម្តេចតេជោ បានសង្កត់ធ្ងន់ថា យោងតាមបទពិសោធផ្ទាល់របស់កម្ពុជា «សង្គ្រាមមិនអាចបញ្ចប់សង្គ្រាមបានទេ គឺមានតែកិច្ចសន្ទនា និងការចរចា» ហើយការដាក់ទណ្ឌកម្មជាឯកតោភាគីក៏មិនមែនជាជម្រើសសម្រាប់ដំណោះស្រាយបញ្ហាដែរ ប៉ុន្តែផ្ទុយទៅវិញបានបង្កនូវ ភាពស្មុគស្មាញកាន់តែច្រើន និងដាក់បន្ទុកដល់ប្រជាជន និងប្រទេសក្នុងតំបន់ និងពិភពលោកផងដែរ។ក្នុងក្របខ័ណ្ឌនៃកិច្ចសហប្រតិបត្តិការអន្តរសភា ថ្នាក់ដឹកនាំសភាទាំងអស់បានគូសបញ្ជាក់ពី សារៈសំខាន់នៃការទូតសភា និងបានឯកភាពជំរុញទំនាក់ទំនង និងកិច្ចសហប្រតិបត្តិការរវាងសភា និងសភា ឱ្យកាន់តែជិតស្និទ្ធនិងស៊ីជម្រៅ ចាប់ពីកម្រិតគណៈកម្មការ ដល់កម្រិត នៃកិច្ចប្រជុំកំពូលថ្នាក់ដឹកនាំសភា ជាពិសេសការរៀបចំកិច្ចប្រជុំជាទៀងទាត់ តាមរយៈយន្តការ នៃក្រុមមិត្តភាពសភាដែលមានស្រាប់របស់ ប្រទេសទាំង៤ ជាមួយកម្ពុជា ឬកិច្ចពិគ្រោះយោបល់នៅក្នុងក្របខ័ណ្ឌអន្តរសភាតំបន់ និងក្នុងវេទិកាអន្តរជាតិ នានា។ សម្តេចតេជោ ក៏បានជម្រាបជូនផងដែរអំពីលទ្ធផលនៃមហាសន្និបាតអន្តរជាតិនៃបណ្តាគណបក្ស នយោបាយនៅអាស៊ី (ICAPP) លើកទី១២ និងសម័យប្រជុំពេញអង្គលើកទី១១ នៃសភាអន្តរជាតិដើម្បី ភាពអត់ឱននិងសន្តិភាព (IPTP) ដែលបានអនុម័តដាក់ចេញនូវ “ធម្មនុញ្ញសន្តិភាពសកលលោក” នៅ រាជធានីភ្នំពេញ កាលពីខែវិច្ឆិកា ឆ្នាំ២០២៤ កន្លងទៅថ្មីៗនេះ។ ថ្នាក់ដឹកនាំនៃបណ្តាប្រទេសជាមិត្តបាន យល់ស្របថា ធម្មនុញ្ញសន្តិភាពសកលលោក មានសារៈសំខាន់ខ្លាំងណាស់ ក្នុងការពង្រីកទំនាក់ទំនងសភា និងសម្រាប់អ្នកស្រឡាញ់សន្តិភាព ព្រមទាំងប្តេជ្ញាបន្តធ្វើការជាមួយកម្ពុជា ដើម្បីសន្តិភាព និងវិបុលភាព ពិភពលោក។ ស្របជាមួយគ្នានេះ សម្តេចតេជោបានគាំទ្រគំនិតផ្តួចផ្តើមរបស់ប្រធានសភាកាតា ក្នុងការ បង្កើតឱ្យមានកិច្ចប្រជុំកំពូលសភាអាស៊ី ដើម្បីលើកកម្ពស់កិច្ចសហប្រតិបត្តិការអន្តរសភាអាស៊ីឱ្យកាន់តែ ប្រសើរឡើង។ សម្តេចតេជោ ក៏បានគូសបញ្ជាក់អំពីសារៈសំខាន់នៃយន្តការកិច្ចពិគ្រោះយោបល់ទ្វេភាគីរវាង ក្រសួងការបរទេស និងក្រសួងការបរទេស ព្រមទាំងបានស្នើសមភាគីជាមិត្តជំរុញការរៀបចំកិច្ចប្រជុំនេះឱ្យ បានទៀងទាត់។ ថ្នាក់ដឹកនាំទាំងអស់បានពិភាក្សាស៊ីជម្រៅអំពីការជំរុញ និងការគាំពារដល់កិច្ចសហ ប្រតិបត្តិការក្នុងវិស័យធុរកិច្ច ពាណិជ្ជកម្មសេរី និងវិនិយោគ ដោយផ្អែកលើភាពខ្លាំងនៃប្រទេសនីមួយៗ។ សម្តេចតេជោ បានមានប្រសាសន៍បញ្ជាក់ថា កម្ពុជាមានសន្តិសុខស្បៀង ហើយបណ្តាប្រទេសជាមិត្តទាំង៤ មានសន្តិសុខថាមពល ធនធានហិរញ្ញវត្ថុ និងបច្ចេកវិទ្យាខ្ពស់ ដែលអាចបំពេញឱ្យគ្នាទៅវិញទៅមក និងក៏ អាចជាយន្តការរួមគ្នាសម្រាប់កំណើនសេដ្ឋកិច្ចពិភពលោកផងដែរ។ សម្តេចតេជោ បានស្នើភាគីមិត្តជំរុញ ការវិនិយោគរបស់ខ្លួននៅកម្ពុជា ជាពិសេសក្នុងវិស័យកសិកម្ម កសិ-ឧស្សាហកម្ម និងឧស្សាហកម្មកែច្នៃ ដូចជា ស្រូវនិងអង្គរ គ្រាប់ស្វាយចន្ទី និងកសិផលជាច្រើនទៀតរបស់កម្ពុជា ដើម្បីនាំចេញទៅក្នុងទីផ្សារ តំបន់ និងលើពិភពលោក។សម្តេចតេជោ បានសង្កត់ធ្ងន់លើសារៈសំខាន់នៃកិច្ចព្រមព្រៀងស្តីពីភាពជាដៃគូ សេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាតអារ៉ាប់រួម ដែលបានចូលជាធរមាន នៅថ្ងៃទី៣១ ខែមករា ឆ្នាំ២០២៤ និងមានសក្តានុពលជាច្រើន សម្រាប់ការផ្លាស់ប្តូរសេដ្ឋកិច្ច ពាណិជ្ជកម្ម និងវិនិយោគ ហើយ បានស្នើដល់ប្រទេសជាមិត្តផ្សេងទៀតជំរុញឱ្យមានកិច្ចព្រមព្រៀងស្តីពីពាណិជ្ជកម្ម វិនិយោគ និង ទេសចរណ៍ ជាមួយកម្ពុជា រួមទាំងការបង្កើននិងបង្កើតការហោះហើរត្រង់មកកាន់កម្ពុជា។ MURIDety & ភាគីទាំងអស់បានឯកភាពបន្តជំរុញកិច្ចសហប្រតិបត្តិការក្នុងវិស័យសំខាន់ៗដទៃទៀតដែលមាន សក្តានុពលនិងផលប្រយោជន៍រួម ដូចជា អប់រំ កីឡា វប្បធម៌ សាសនា ការតភ្ជាប់ និងការផ្លាស់ប្តូររវាងប្រជាជន និងប្រជាជន។ សម្តេចតេជោ បានថ្លែងអំណរគុណចំពោះភាគីមិត្ត និងស្នើបន្តគាំទ្រលើការអភិវឌ្ឍធនធានមនុស្សនៅកម្ពុជា ជាពិសេសការផ្តល់អាហារូបករណ៍ដល់យុវជនកម្ពុជា ព្រមទាំងជំនួយអភិវឌ្ឍន៍និង បច្ចេកទេសនានា។ ក្នុងក្របខ័ណ្ឌកិច្ចសហប្រតិបត្តិការតំបន់ និងអន្តរជាតិភាគីទាំងអស់បានវាយតម្លៃខ្ពស់ចំពោះការរួម វិភាគទានរបស់ប្រទេសនីមួយៗ ដើម្បីជាគុណប្រយោជន៍រួមសម្រាប់តំបន់ និងជាសកល។ ជាមួយនឹង ការគូសបញ្ជាក់អំពីភាពចាំបាច់ក្នុងការធ្វើសមាហរណកម្មតំបន់ និងពាណិជ្ជកម្មសេរី ដែលបើកចំហ មាន តម្លាភាព និងប្រកបដោយបរិយាបន្ន សម្តេចតេជោបានផ្តោតសារៈសំខាន់ខ្លាំងលើទំនាក់ទំនងរវាងក្រុម ប្រឹក្សាកិច្ចសហប្រតិបត្តិការឈូងសមុទ្រ (GCC) ជាមួយអាស៊ាន ជាពិសេសការលើកកម្ពស់ភាពជាដៃគូ ពាណិជ្ជកម្មដ៏ធំរវាងតំបន់ទាំងពីរ។ សម្តេចតេជោ បានផ្តល់ជាអនុសាសន៍ថា ការចរចាស្តីពីកិច្ចព្រមព្រៀង ពាណិជ្ជកម្មសេរី (FTA) រវាងអាស៊ាន និង GCC គួរត្រូវបានពន្លឿន និងបញ្ចប់ឱ្យបានឆាប់រហ័ស ខណៈពេល ដែលសហភាពអឺរ៉ុប (EU) និងអាស៊ាន នៅមានឧបសគ្គមួយចំនួនក្នុងការចរចានៅឡើយ។ សម្តេចតេជោ បានបង្ហាញទស្សនៈប្រកបដោយសុទិដ្ឋិនិយមខ្ពស់ថា ការចរចាកិច្ចព្រមព្រៀងពាណិជ្ជកម្មសេរីរវាង GCC និងអាស៊ាន នឹងមានភាពងាយស្រួល ដោយសារពុំមានការដាក់លក្ខខណ្ឌទុកជាមុន ហើយអង្គការតំបន់ ទាំងពីរស្ថិតនៅក្នុងទ្វីបអាស៊ីដូចគ្នា។ ដើម្បីពង្រឹងកិច្ចសហប្រតិបត្តិការទ្វេភាគីបន្ថែមទៀត ប្រធានសភានៃប្រទេសទាំង៤ បានទទួលយក ការអញ្ជើញរបស់សម្តេចតេជោ ប្រធានព្រឹទ្ធសភា មកបំពេញទស្សនកិច្ចនៅកម្ពុជា តាមពេលវេលាសមស្រប។ លើសពីនេះទៀត តាមរយៈសម្តេចតេជោ នាយករដ្ឋមន្ត្រីនៃរដ្ឋកាតាបានអញ្ជើញសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ទៅបំពេញទស្សនកិច្ចផ្លូវការនៅរដ្ឋកាតា តាម ពេលវេលាសមស្រប។ នៅក្នុងឱកាសនៃទស្សនកិច្ចនោះផងដែរ សម្តេចតេជោ ប្រធានព្រឹទ្ធសភា ក៏បានជួបសន្ទនាជាមួយ ឯកឧត្តម ថាយីប អ៊ែរដូអាន ប្រធានាធិបតីតួកគីយេ, ឯកឧត្តម សេក្ខ មហាម៉េដ ប៊ីន អាប់ឌុលរ៉ាហ្សម៉ាន់ ប៊ីន ចាស់ស៊ីម អាលថានី នាយករដ្ឋមន្ត្រីនិងជារដ្ឋមន្ត្រីការបរទេសកាតា, និងបានអនុញ្ញាតទទួលជួបសម្តែង ការគួរសមពីឯកឧត្តម សេក្ខ ហ្វេសាល ប៊ីន ថានី ប៊ីន ហ្វេសាល អាល ថានី រដ្ឋមន្ត្រីក្រសួងពាណិជ្ជកម្មនិង ឧស្សាហកម្ម នៃរដ្ឋកាតា។ ជាមួយគ្នានេះដែរ ក្នុងពេលស្នាក់នៅសាធារណរដ្ឋតួកគីយេ សម្តេចតេជោ ត្រូវ បានអញ្ជើញចូលរួមជាភ្ញៀវពិសេសរបស់ប្រទេសម្ចាស់ផ្ទះ ក្នុងព្រឹត្តិការណ៍វប្បធម៌តួកគីយេ-ហុងគ្រី នៅ ថ្ងៃទី១២ ខែធ្នូ ឆ្នាំ២០២៤ ដែលនាពេលនោះ សម្តេចតេជោ ក៏បានជួបសន្ទនាជាមួយឯកឧត្តម វីកទ័រ អរបាន នាយករដ្ឋមន្ត្រីហុងគ្រី ផងដែរ៕

គណបក្សប្រជាជន ឈរនៅខាងប្រជាជន កៀកជាមួយប្រជាជន កសាង និងការពារនូវសន្តិភាព

គណបក្សប្រជាជនកម្ពុជា បង្ហាញឱ្យឃើញពីគោលគំនិត ដែលតែងតែឈរនៅខាងប្រជាជន និងកៀកជាមួយប្រជាពលរដ្ឋ ដើម្បីផ្សារភ្ជាប់ទំនាក់ទំនងយ៉ាងជិតស្និទ្ធ និងការរួមសុខទុក្ខរវាងរដ្ឋាភិបាល និងប្រជាជនកម្ពុជាក្នុងការកសាង ព្រមទាំងការពារឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម មិនថាបច្ចុប្បន្នកាល និងទៅថ្ងៃអនាគត។ លោកជំទាវបណ្ឌិត ជា សិរី សមាជិកគណៈអចិន្ត្រៃយ៍គណៈកម្មាធិការកណ្តាល គណបក្សប្រជាជនកម្ពុជា អនុប្រធានទី២ ក្រុមការងារថ្នាក់កណ្តាលចុះមូលដ្ឋានខេត្តកំពង់ធំ និងជាប្រធានក្រុមការងារចុះមូលដា្ឋនស្រុកសន្ទុក លើកឡើងនៅក្នុងពិធីសម្ពោធ ដាក់ឱ្យប្រើប្រាស់ទីស្នាក់ការគណបក្សឃុំបឹងល្វា ក្នុងស្រុកសន្ទុក ខេត្តកំពង់ធំ នៅថ្ងៃទី១៤ធ្នូ ម្សិលមិញនេះថា ក្នុងរយៈពេលជាង ៤៥ ឆ្នាំ ក្នុងការដឹកនាំរាជរដ្ឋាភិបាល ក្រោយវាយផ្ដួលរំលំរបបប្រល័យពូជសាសន៍ ប៉ុល ពត មកនេះ គណបក្សប្រជាជនកម្ពុជា បាន ដឹកនាំប្រទេសជាតិឆ្លងកាត់ឧបសគ្គ និងការលំបាកច្រើនរាប់មិនអស់ ដោយមិនរត់ចោលប្រជាជនរួមសុខរួមទុក្ខ យកប្រជាជនជាធំ ទើបសម្រេចបានសមិទ្ធផលធំៗ ជាប្រវត្តិសាស្ត្រយ៉ាងច្រើនរាប់មិនអស់។ ហើយថ្មីៗនេះ ដោយបានមើលឃើញពីស្នាដៃដ៏ធំធេង មិនអាចប្រកែកបាន របស់សម្តេចអគ្គមហាសេនាបតីតេជោ ហ៊ុន សែន គណៈកម្មាធិការអចិន្ត្រៃយ៍ ICAPP សម្រេចប្រគល់ពាន រង្វាន់“សន្តិភាពដើម្បីមនុស្សជាតិ និងភពផែនដី ជូនសម្តេចអគ្គមហាសេនាបតីតេជោ ហ៊ុន សែន នៅអំឡុងមហាសន្និបាត នៃសន្និសីទអន្តរជាតិ នៃបណ្ដាគណបក្សនយោបាយអាស៊ី (ICAPP)។លោកជំទាវបណ្ឌិត លើកឡើងបន្ថែមថា គណបក្សប្រជាជនកម្ពុជា ដែលមានភាពរឹងមាំមកដល់សព្វថ្ងៃ គឺត្រូវមានកត្តាចូលរួម ជាច្រើន ក្នុងនោះមានទាំងកត្តារូបវន្ត និងកត្តាស្មារតី។ កត្តារូបវន្ត បានបង្ហាញយ៉ាងច្បាស់ តាមរយៈអគារដែលបាននិងកំពុងសម្ពោធ ដាក់ឱ្យប្រើប្រាស់នាពេលនេះ។ ដោយសារឱកាសនេះ យើងទាំងអស់គ្នាបានមកជួបជុំ និងប្រារព្ធពិធីសម្ពោធអគារទីស្នាក់ការបក្សថ្មី ដែលបង្ហាញពីភាពរឹងមាំនៃគណបក្ស ឆ្លុះបញ្ចាំងពីស្មារតីសាមគ្គីភាព និងឯកភាពផ្ទៃក្នុង។ លោកជំទាវបណ្ឌិត ជា សិរី បន្ថែមថា ទន្ទឹមនេះ គណបក្សប្រជាជនកម្ពុជា បានរៀបចំក្រុមការងារចុះតាមភូមិ-ឃុំ ដែលជា ផ្នែកមួយនៃកត្តារចនាសម្ព័ន្ធចាត់តាំង ដោយមានការរៀបចំយ៉ាងច្បាស់លាស់ និងមានគោលដៅជាក់លាក់ សមតាមយុទ្ធសាស្ត្រដាក់ ចេញរបស់គណបក្ស។ តាមរយៈការរៀបចំក្រុមការងារនេះ គណបក្សបានបង្ហាញឱ្យឃើញពីគោលគំនិត ដែលតែងតែឈរនៅខាង ប្រជាជន និងកៀកជាមួយប្រជាពលរដ្ឋ ដើម្បីផ្សារភ្ជាប់ទំនាក់ទំនងយ៉ាងជិតស្និទ្ធ និងការរួមសុខទុក្ខរវាងរដ្ឋាភិបាល និងប្រជាជនកម្ពុជាក្នុងការកសាង ព្រមទាំងការពារឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម មិនថាបច្ចុប្បន្នកាល និងទៅថ្ងៃអនាគត។ ការណ៍នេះសរបញ្ជាក់ឱ្យឃើញពីការយកចិត្តទុកដាក់របស់គណបក្ស និងការលើកកម្ពស់អត្តចរិត គុណធម៌ សីលធម៌ របស់មន្ត្រីគណបក្សព្រមទាំងសាម្គីភាព និងឯកភាពផ្ទៃក្នុងបក្ស ឱ្យមានការឯកភាពគ្នាខាងទស្សនៈ នយោបាយ សតិអារម្មណ៍ និងការចាត់តាំងក្នុងការបម្រើប្រជាជនដោយសេចក្តីស្មោះត្រង់ជាដើម៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ឯកឧត្តមសាស្រ្តាចារ្យ ឈាង រ៉ា «ថ្នាក់ដឹកនាំមិនមែនសម្រេចកិច្ចការបាន ដោយត្រឹមតែការចរចារនោះទេ គឺបន្ថែមពីនោះទាមទារនូវសមត្ថភាពពិចារណាគិតគូរយ៉ាងល្អិតល្អន់ប្រកបដោយភាពត្រឹមត្រូវ»

យោធាស៊ូដង់ខាងត្បូងដណ្តើមកាន់កាប់បានវិញនូវទីក្រុងសំខាន់ពីកងជីវពល White Army

នាយករដ្ឋមន្ត្រីអ៊ីតាលី ប្រាប់ថា សម្ដេច ប៉ាប ហ្វ្រង់ស៊ីស ជាទីពឹងក្នុងគ្រាលំបាក

នាយករដ្ឋមន្ត្រីន័រវេស នឹងជួបប្រជុំជាមួយប្រធានាធិបតីអាមេរិក នៅថ្ងៃព្រហស្បតិ៍

មន្ត្រីជាន់ខ្ពស់ចិន និងឥណ្ឌូនេស៊ី សាងទំនាក់ទំនងសន្តិសុខកាន់តែជិតស្និទ្ធ

នាយអគ្គសេនាធិការកងទ័ពអ៊ីស្រាអែល ធ្វើទស្សនកិច្ចនៅតំបន់គ្រប់គ្រងដោយប្រទេសនេះ ក្នុងប្រទេសស៊ីរី

វិមានក្រឹមឡាំង៖ ជំហរបដិសេធរបស់អាមេរិកមិនឲ្យអ៊ុយក្រែនចូលណាតូ ផ្តល់នូវការពេញចិត្ត

ក្រសួងការបរទេស៖អាមេរិក នៅតែប្តេជ្ញាចំពោះបទឈប់បាញ់ពេញលេញ នៅអ៊ុយក្រែន

ប្រធានគណៈកម្មការសហភាពអឺរ៉ុប ជំរុញឲ្យក្រុមហ៊ុនបច្ចេកវិទ្យាធំៗ គោរពតាមច្បាប់ឌីជីថលរបស់សហភាពអឺរ៉ុប

អ្នកការទូតជាន់ខ្ពស់របស់អ៊ីរ៉ង់ នឹងធ្វើទស្សនកិច្ចនៅចិន នាថ្ងៃអង្គារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាកាសយានដ្ឋានអន្តរជាតិតេជោ គ្រោងប្រកាសដាក់ឲ្យដំណើរការជាផ្លូវការនៅខែកក្កដា ឆ្នាំ២០២៥ ខាងមុខនេះ

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម

ឯកឧត្តមបណ្ឌិត សៅ ជីវ័ន្ត ដឹកនាំក្រុមការងារអន្តរក្រសួងចុះវាយតំលៃការងារថែទាំផ្លូវ ក្នុងខេត្តពោធិ៍សាត់

សម្ដេចតេជោ ហ៊ុន សែន គូសបញ្ជាក់ជាថ្មីទៅទូតអ៊ុយក្រែនថា «មិនអាចយកសង្រ្គាមបញ្ចប់សង្រ្គាមបានទេ»

អ្នកនយោបាយ៖ ព័ត៌មានក្លែងក្លាយជាឧបករណ៍របស់ក្រុមប្រឆាំងដើម្បីបំភាន់សាធារណជន

គណបក្សប្រជាជន ឈរនៅខាងប្រជាជន កៀកជាមួយប្រជាជន កសាង និងការពារនូវសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាកាសយានដ្ឋានអន្តរជាតិតេជោ គ្រោងប្រកាសដាក់ឲ្យដំណើរការជាផ្លូវការនៅខែកក្កដា ឆ្នាំ២០២៥ ខាងមុខនេះ

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយម​ជាក្រុមភេរវកម្ម

ឯកឧត្តមបណ្ឌិត សៅ ជីវ័ន្ត ដឹកនាំក្រុមការងារអន្តរក្រសួងចុះវាយតំលៃការងារថែទាំផ្លូវ ក្នុងខេត្តពោធិ៍សាត់

សម្ដេចតេជោ ហ៊ុន សែន គូសបញ្ជាក់ជាថ្មីទៅទូតអ៊ុយក្រែនថា «មិនអាចយកសង្រ្គាម​បញ្ចប់សង្រ្គាម​បានទេ»

អ្នកនយោបាយ៖ ព័ត៌មានក្លែងក្លាយជាឧបករណ៍របស់ក្រុមប្រឆាំងដើម្បីបំភាន់សាធារណជន

គណបក្សប្រជាជន ឈរនៅខាងប្រជាជន កៀកជាមួយប្រជាជន កសាង និងការពារនូវសន្តិភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មន្ត្រីបក្សប្រឆាំងបន្តសុំចូលគណបក្សប្រជាជន និងគាំទ្រឱ្យមានច្បាប់ដាក់ក្រុមជ្រុលនិយមជាក្រុមភេរវកម្ម

សម្ដេចតេជោ ហ៊ុន សែន គូសបញ្ជាក់ជាថ្មីទៅទូតអ៊ុយក្រែនថា «មិនអាចយកសង្រ្គាមបញ្ចប់សង្រ្គាមបានទេ»