BTV NEWS

អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប

អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន

ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់ទំនប់អាងទឹកវិទ្យាស្ថានពហុជំនាញយោធាតេជោសែនក្នុងខេត្តតាកែវ ខណៈសម្រេចការសាងសង់បាន ៩៥%

ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវក្រាលក្រួសក្រហម និងស្ពានបេតុង ជាអំណោយរបស់សម្តេចធិបតីផ្ដល់ជូនពលរដ្ឋនៅស្រុកត្រពាំងប្រាសាទ

នយោបាយ និង ការអភិវឌ្ឍន៍

សម្ដេចធិបតីផ្ដល់គោលការណ៍ឱ្យបង្កើតវិទ្យាស្ថានរដ្ឋទទួលបន្ទុកកេរដំណែលអ.វ.ត.ក.ទុកជាមណ្ឌលស្រាវជ្រាវ

ក្នុងឱកាសអញ្ជើញជាធិបតីសម្ពោធសមិទ្ធផលនៅអគារអនុវត្តមុខងារសេសសល់របស់អង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា អ.វ.ត.ក. នៅព្រឹកថ្ងៃទី១៦ ខែកក្កដានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានផ្ដល់គោលការណ៍ឱ្យរៀបចំសិក្សាស្រាវជ្រាវបង្កើតវិទ្យាស្ថានរដ្ឋមយយទទួលបន្ទុកកេដំណែលរបស់ អ.វ.ត.ក ដើម្បីទុកជាមណ្ឌលសិក្សាស្រាវជ្រាវប្រវត្តិសាស្រ្ដមួយរបស់មួយទៀតកម្ពុជា។សម្ដេចធិបតី នាយករដ្ឋមន្រ្ដី បានកោតសរសើរ និងអរគុណដល់ អ.វ.ត.ក. ដែលបានលើកកម្ពស់ការផ្សព្វផ្សាយអំពីប្រវត្តិសាស្រ្ដ ឧក្រិដ្ឋកម្មប្រល័យពូជសាសន៍ ដែលកម្ពុជាបានឆ្លងកាត់ដែលការផ្សព្វផ្សាយនេះបានចូលរួមទប់ស្កាត់កុំឱ្យរបបដ៏យង់ខ្នងនេះកើតឡើងវិញម្ដងទៀត។សម្ដេចធិបតី មានប្រសាសន៍ថា គំរូតុលាការកូនកាត់របស់ អ.វ.ត.ក. នេះ មិនត្រឹមតែសម្រេចបានទៅតាមគោលដៅរបស់ខ្លួនប៉ុណ្ណោះទេ ប៉ុន្តែក៏បានបង្កើតនូវលក្ខណៈដោយឡែក (Uniqueness) បើប្រៀបធៀបទៅនឹងតុលាការអន្តរជាតិផ្សេងៗទៀត ពោលគឺបានកាត់សេចក្តី និងផ្តន្ទាទោសអស់មួយជីវិតទៅលើអតីតប្រមុខរដ្ឋចំពោះឧក្រិដ្ឋកម្មប្រល័យ ពូជសាសន៍ ចាប់តាំងពីការបង្កើតអនុសញ្ញាអង្គការសហប្រជាជាតិស្តីពីការបង្ការអំពើប្រល័យ ពូជសាសន៍នៅឆ្នាំ១៩៤៨មក។ នេះជាលើកដំបូងនៅក្នុងប្រវត្តិសាស្ត្ររបស់តុលាការព្រហ្មទណ្ឌអន្តរជាតិ។ក្នុងឱកាសនោះសម្ដេចធិបតី នាយករដ្ឋមន្រ្ដី ក៏បានកោតសរសើរចំពោះការជំរុញផ្សព្វផ្សាយឯកសារប្រវត្តិសាស្រ្ដនៃរបបប្រល័យពូជសាសន៍ របស់ អ.វ.ត.ក. ក្រោយពីបានបញ្ចប់ប្រកបដោយជោគជ័យកាលពីចុងឆ្នាំ២០២២ ពោលគឺបានចាយអស់រយៈពេល១៦ឆ្នាំ ជាមួយនឹងការគាំទ្រ និងទទួលស្គាល់ពីសហគមន៍អន្តរជាតិ ក្នុងនោះបានរក្សាទុកនូវ បណ្ណសារតុលាការ មានចំនួនសរុប ២៣៣,៨៣៦ ឯកសារ ដែលស្មើនឹងជិត ២,៤ លានទំព័រ ជាបីភាសា (ខ្មែរ អង់គ្លេស បារាំង)៕ អត្ថបទ៖ វ៉ន ដារ៉ា

ប្រធានាធិបតីស៊ីរី និយាយថានឹងជួបលោក Erdogan ប្រសិនបើបញ្ហាស្នូលនានា ត្រូវបានដោះស្រាយ

ប្រធានាធិបតីស៊ីរី លោក Bashar al-Assad បាននិយាយកាលពីថ្ងៃចន្ទថា លោកនឹងជួបប្រធានាធិបតីទួរគី លោក Tayyip Erdogan ប្រសិនបើប្រទេសទាំងពីរ អាចផ្តោតសំខាន់ទៅលើបញ្ហាស្នូលនានា នៃការគាំទ្ររបស់ទីក្រុងអង់ការ៉ាចំពោះ «អំពើភេរវកម្ម» និងការដកកងកម្លាំងទួរគី ចេញពីទឹកដីប្រទេសស៊ីរី។វីដេអូឃ្លីបដែលចេញផ្សាយដោយការិយាល័យប្រធានាធិបតី បានបង្ហាញ លោក Assad ប្រាប់អ្នកសារព័ត៌មាននៅទីក្រុងដាម៉ាសថា បញ្ហាពុំមែនជាជំនួបទេ ប៉ុន្តែជាខ្លឹមសារនៃជំនួប។ប្រទេសទួរគី បានផ្តាច់ទំនាក់ទំនងជាមួយប្រទេសស៊ីរី ក្នុងឆ្នាំ២០១១ បន្ទាប់ពីការផ្ទុះឡើងសង្រ្គាមស៊ីវិលស៊ីរី ដែលប្រទេសទួរគី បានគាំទ្រក្រុមឧទ្ទាម ស្វែងរកការបណ្តេញលោក Assad ចេញពីតំណែង។មេដឹកនាំប្រទេសស៊ីរី ចាត់ទុកក្រុមឧទ្ទាមថាជាក្រុមភេរវករ។ ទីក្រុងអង់ការ៉ា ក៏បានបង្កើត តំបន់សុវត្ថិភាពមួយ នៅភាគខាងជើងប្រទេសស៊ីរី ដែលបច្ចុប្បន្ននេះទាហានទួរគីកំពុងឈរជើងនៅទីនោះ ហើយប្រទេសនេះ បានធ្វើប្រតិបត្តិការយោធាឆ្លងព្រំដែនជាច្រើនលើកប្រឆាំងក្រុមសកម្មប្រយុទ្ធ ដែលខ្លួននិយាយថា គំរាមកំហែងដល់សន្តិសុខជាតិរបស់ប្រទេសទួរគី។លោក Erdogan បាននិយាយកាលពីដើមខែកក្កដា ថា លោកនឹងបន្តការអញ្ជើញលោក Assad នៅពេលណាមួយ សម្រាប់កិច្ចពិភាក្សាដែលអាចធ្វើទៅបានដើម្បីស្តារទំនាក់ទំនងឡើងវិញ។ លោក Assad បាននិយាយបន្ថែមថា ប្រសិនបើពុំមានការពិភាក្សាអំពីបញ្ហាស្នូល តើកិច្ចប្រជុំបែបនេះមានន័យអ្វី? លោកនឹងឆ្លើយតបជាវិជ្ជមានចំពោះគំនិតផ្តួចផ្តើមណាមួយ ដែលមានបំណងធ្វើឱ្យប្រសើរឡើងនូវទំនាក់ទំនងទ្វេភាគី ប៉ុន្តែមូលដ្ឋានសម្រាប់កិច្ចពិភាក្សាបែបនេះត្រូវតែកំណត់ជាមុនសិន។

លោក Biden ហៅអនុប្រធានាធិបតីដែលលោក Trump ជ្រើសរើសថាជាមនុស្សប្រភេទតែមួយ

ប្រធានាធិបតីអាមេរិក លោក Joe Biden កាលពីថ្ងៃចន្ទ (១៥ កក្កដា) បានរិះគន់មិត្តរួមតំណែងថ្មីរបស់លោក Donald Trump គឺលោក ជេឌី វែនស៍ (J.D. Vance) ថាជា «មនុស្សប្រភេទតែមួយ» ដូចទៅនឹងអតីតប្រធានាធិបតីសាធារណរដ្ឋរូបនេះ។ លោក Biden បានប្រាប់អ្នកយកព័ត៌មានមុនចេញទៅរដ្ឋ ណេវ៉ាដា (Nevada) នៅពេលត្រូវសាកសួរអំពីព្រឹទ្ធសមាជិករដ្ឋ Ohio រូបនេះថា «លោក Vance ជាមនុស្សប្រភេទតែមួយនឹងលោក Trump។ ខ្ញុំមើលមិនឃើញមានភាពខុសគ្នាទេ»។នៅក្នុងការបង្ហោះលើបណ្ដាញសង្គម X មេដឹកនាំសហរដ្ឋអាមេរិករូបនេះក៏បានវាយប្រហារលោក Vance ដោយចោទសួរអំពីអត្តសញ្ញាណប្រជានិយមរបស់លោក ហើយនិយាយថាជ័យជម្នះរបស់លោក Trump និងលោក Vance នឹងបង្កគ្រោះថ្នាក់ផ្នែកសេដ្ឋកិច្ចដល់គ្រួសារជនជាតិអាមេរិកវណ្ណៈកណ្តាល។បណ្ដាសមាជិកគណបក្សប្រជាធិបតេយ្យមានចិត្តចង់លាបពណ៌អ្នកបណ្តាក់ទុនដែលប្រែក្លាយជាព្រឹទ្ធសមាជិករូបនេះ ថាជាជាអ្នកបម្រើលោក Trump និងជាមនុស្សក្អេងក្អាង ក្នុងគោលបំណងដើម្បីបង្ខូចនយោបាយប្រជានិយមដែលលោក Vance បានប្រឹងប្រែងបណ្ដុះក្នុងអំឡុងពេលលោកបម្រើការនៅទីក្រុងវ៉ាស៊ីនតោន។ការជ្រើសរើសលោក Vance វ័យ ៣៩ឆ្នាំឱ្យធ្វើជាអនុប្រធានាធិបតីនេះ បានក្លាយជាការផ្លាស់ប្ដូរជំនាន់ដ៏មានសក្តានុពលសម្រាប់គណបក្សសាធារណរដ្ឋ ដោយលោកមានវ័យក្មេងខ្លាំងជាងលោក Trump ដែលមានអាយុ ៧៨ឆ្នាំ ខណៈលោក Biden ដែលមានអាយុ ៨១ឆ្នាំគឺជាប្រធានាធិបតីអាមេរិកដែលមានវ័យចំណាស់ជាងគេក្នុងប្រវត្តិសាស្ត្រ។ ប្រធានគណៈកម្មាធិការជាតិបក្សប្រជាធិបតេយ្យ លោក ចេមមី ហារីសុន (Jaime Harrison) បាននិយាយនៅក្នុងសេចក្តីថ្លែងការណ៍មួយថា លោក Vance «បានជំរុញ និងគាំទ្រគោលនយោបាយដ៏អាក្រក់បំផុតរបស់លោក Trump អស់រយៈពេលជាច្រើនឆ្នាំ»៕

ប្រទេសអាមេនី និងសហរដ្ឋអាមេរិក ចាប់ផ្តើមធ្វើសមយុទ្ធយោធារួមគ្នា

ក្រសួងការពារជាតិរបស់ប្រទេសអាមេនី បាននិយាយកាលពីថ្ងៃចន្ទ ទី១៥ ខែកក្កដា ថា អាមេនី និងសហរដ្ឋអាមេរិក នឹងធ្វើសមយុទ្ធយោធារួមគ្នានៅក្នុងប្រទេសអាមេនី ដែលត្រូវបានគេរំពឹងថានឹងមានរយៈពេលរហូតដល់ថ្ងៃទី២៤ ខែកក្កដា។ក្រសួង បាននិយាយថា សមយុទ្ធ Eagle Partner 2024 នឹងផ្តោតសំខាន់លើកិច្ចការដែលទាក់ទងទៅនឹងបេសកកម្មរក្សាសន្តិភាព ហើយសមយុទ្ធបែបនេះជាមួយប្រទេសដៃគូ គឺធ្វើឡើងជាទៀងទាត់។ប្រទេសអាមេនី បានមើលឃើញទំនាក់ទំនងរបស់ខ្លួនជាមួយទីក្រុងមូស្គូ មានភាពសោះអង្គើយក្នុងរយៈពេលប៉ុន្មានឆ្នាំថ្មីៗនេះ លើអ្វីដែលទីក្រុង Yerevan ចាត់ទុកថាជាការបរាជ័យរបស់រុស្ស៊ី ក្នុងការការពារខ្លួន ពីប្រទេសជិតខាងអាស៊ែរបៃហ្សង់ ។អនុរដ្ឋមន្ត្រីការបរទេសរុស្ស៊ី លោក Mikhail Galuzin បាននិយាយថា តាមរយៈកិច្ចសហប្រតិបត្តិការជាមួយសម្ព័ន្ធយោធាណាតូ ប្រទេសអាមេនី ប្រឈមហានិភ័យទៅនឹងអស្ថិរភាពដល់តំបន់ South Caucasus និងកំពុងធ្វើឱ្យអន្តរាយដល់សន្តិសុខរបស់ខ្លួន។លោក Galuzin បាននិយាយថាទីក្រុងមូស្គូ មិនសប្បាយចិត្តជាមួយនឹងការពិតដែលថាទីក្រុង Yerevan ប្រទេសអាមេនី បានចូលរួមក្នុងកិច្ចប្រជុំកំពូលរបស់សម្ព័ន្ធយោធាណាតូ នៅទីក្រុងវ៉ាស៊ីនតោន សហរដ្ឋអាមេរិក។

លោក Biden និយាយថា ការប្រាប់ឲ្យក្រុមអ្នកគាំទ្រតាមដានរាល់សកម្មភាពរបស់លោក Trump គឺជាកំហុស

លោកប្រធានាធិបតីអាមេរិក Joe Biden បាននិយាយកាលពីថ្ងៃចន្ទ ១៥ ខែកក្កដា លោកបានធ្វើកំហុសមួយនៅពេលដែលលោកបានប្រាប់ក្រុមអ្នកគាំទ្រឱ្យចាប់អារម្មណ៍លើអាកប្បកិរិយាគូប្រជែងរបស់លោកគឺលោក Donald Trump ប៉ុន្តែលោកបាននិយាយថាលោក Trump តែងតែប្រើវោហាសាស្ត្រដែលនាំឲ្យមានការខឹងសម្បារ។លោក Biden បាននិយាយនៅក្នុងបទសម្ភាសន៍ជាមួយលោក ឡេស្ទើ ហូលធ៍ (Lester Holt) របស់សារព័ត៌មាន NBC ថា នេះជាកំហុសក្នុងការប្រើពាក្យសម្ដី ។ ខ្ញុំចង់ផ្តោតលើអ្វីដែលលោកTrump កំពុងធ្វើ។កាលពីថ្ងៃទី ៨ខែកក្កដា លោក Biden វ័យ៨១ ឆ្នាំ បាននិយាយទៅកាន់ម្ចាស់ជំនួយដ៏ធំបំផុតរបស់លោកថា ពួកគេចាំបាច់ត្រូវផ្លាស់ប្តូរការផ្តោតអារម្មណ៍នៃយុទ្ធនាការបោះឆ្នោតពីរូបលោក និងការជជែកដេញដោលមិនល្អរបស់លោក បែទៅអតីតប្រធានាធិបតី Trump ដែលជាបេក្ខភាពមកពីគណបក្សសាធារណរដ្ឋនៅក្នុងការបោះឆ្នោតថ្ងៃទី៥ ខែវិច្ឆិកា។ លោកបាននិយាយថា ខ្ញុំមានការងារមួយ ហើយនោះគឺដើម្បីផ្តួល លោក Donald Trump យើងកំពុងនិយាយអំពីការជជែកដេញដោល។ ដល់ពេលហើយដើម្បីដាក់លោក Trump ឲ្យស្ថិតក្រោមការតាមដានសកម្មភាព។ សមាជិកគណបក្សសាធារណរដ្ឋមួយចំនួនមិនពេញចិត្តនឹងការអត្ថាធិប្បាយនោះ ខណៈពួកគេបានស្តីបន្ទោសលោក Biden សម្រាប់ការបង្កើតបរិយាកាសដែលបង្កឱ្យមានការប៉ុនប៉ងធ្វើឃាតលើលោក Trump នៅឯការជួបជុំមួយក្នុងរដ្ឋ ផេនស៊ីលវេនៀ (Pennsylvania) កាលពីថ្ងៃសៅរ៍។ លោក Biden បានថ្កោលទោសអំពើហិង្សានយោបាយម្តងហើយម្តងទៀត៕

FBI កំពុងពិនិត្យទូរស័ព្ទខ្មាន់កាំភ្លើង ខណៈមូលហេតុពីក្រោយការបាញ់ប្រហារលោក Trump នៅតែមិនច្បាស់

អង្គភាព FBI បាននិយាយកាលពីថ្ងៃចន្ទ (១៥ កក្កដា) ថា ខ្លួនកំពុងពិនិត្យទូរស័ព្ទរបស់ខ្មាន់កាំភ្លើងឈ្មោះ ថូម៉ាស ម៉ាត់ស៊ូ ឃ្រុកស៍ (Thomas Matthew Crooks) ដែលជាជនសង្ស័យក្នុងការបាញ់ប្រហារលើអតីតប្រធានាធិបតី ដូណាល់ ត្រាំ (Donald Trump) ខណៈខ្លួនបន្តស៊ើបអង្កេតពីហេតុផលពីក្រោយឧក្រិដ្ឋកម្មនេះ។FBI បានសង្កត់ធ្ងន់ថា ការស៊ើបអង្កេតរបស់ខ្លួនលើការបាញ់ប្រហារកាលពីថ្ងៃសៅរ៍ ដែលត្រូវបានចាត់ទុកជាការប៉ុនប៉ងធ្វើឃាត និងលទ្ធភាពនៃអំពើភេរវកម្មក្នុងស្រុកនោះ នៅតែស្ថិតក្នុងដំណាក់កាលដំបូងនៅឡើយ។ FBI បាននិយាយនៅក្នុងសេចក្តីថ្លែងការណ៍មួយថា «អ្នកឯកទេសផ្នែកបច្ចេកទេសរបស់ FBI បានទទួលជោគជ័យក្នុងការចូលឆែកទូរស័ព្ទរបស់ Thomas Matthew Crooks ហើយពួកគេបន្តវិភាគឧបករណ៍អេឡិចត្រូនិចរបស់ជនសង្ស័យរូបនេះ»។ការិយាល័យបានបន្ថែមថា ខ្លួនបានធ្វើការសម្ភាសន៍ជិត ១០០ករណីជាមួយបុគ្គលិកអនុវត្តច្បាប់ អ្នកចូលរួមក្នុងព្រឹត្តិការណ៍ និងសាក្សីផ្សេងទៀត។ នៅក្នុងការហៅទូរស័ព្ទជាមួយអ្នកសារព័ត៌មានកាលពីថ្ងៃអាទិត្យ ក្រុមមន្ត្រី FBI បាននិយាយថា ពួកគេមិនទាន់អាចបញ្ជាក់ពីមនោគមវិជ្ជា ឬស្វែងរកភស្តុតាងនៃហេតុផលសម្រាប់ការបាញ់ប្រហារនេះទេ។កាំភ្លើងវែងប្រភេទ AR-style 556 ប្រើដោយអ្នកបាញ់ប្រហារនោះ ត្រូវបានទិញដោយស្របច្បាប់ដោយឪពុករបស់គេ ហើយក្រុមមន្ត្រីនិយាយថា មិនមានការចង្អុលបង្ហាញណាមួយដែលថាជនសង្ស័យនេះមានបញ្ហាសុខភាពផ្លូវចិត្តឡើយ។ ពួកគេបន្ថែមថា ការពិនិត្យបឋមលើការហៅទូរសព្ទ និងការផ្ញើសារថ្មីៗដោយអ្នកបាញ់ប្រហារក៏មិនបានបំភ្លឺពីមូលហេតុជំរុញ ឬថាតើមានអ្នកផ្សេងទៀតអាចដឹងជាមុនអំពីផែនការរបស់គេ ឬអត់នោះទេ៕

លោកTrump បង្ហាញខ្លួនជាសាធារណៈលើកដំបូងក្នុងសន្និបាតគណបក្សសាធារណរដ្ឋដោយ ត្រចៀករុំបង់

បេក្ខភាពប្រធានាធិបតីមកពីគណបក្សសាធារណរដ្ឋលោក Donald Trump បានបង្ហាញខ្លួនជាសាធារណៈលើកដំបូងដោយត្រចៀករុំបង់ នៅឯសន្និបាតរបស់គណបក្ស ក្នុងទីក្រុងមីលវ៉ូគី(Milwaukee) រដ្ឋវីសខុនស៊ីន (Wisconsin) កាលពីថ្ងៃចន្ទ ខែកក្កដា១៥ ចាប់តាំងពីការប៉ុនប៉ងធ្វើឃាតកាលពីចុងសប្តាហ៍មុន។ ត្រចៀកខាងស្តាំរបស់លោក Trump ត្រូវបានដាច់រហែកដោយសារគ្រាប់កាំភ្លើង ក្នុងការបាញ់ប្រហារមួយ អំឡុងការជួបជុំក្រុមអ្នកគាំទ្រនៅរដ្ឋ ផេនស៊ីលវេនៀ (Pennsylvania) កាលពីថ្ងៃសៅរ៍ ១៣ កក្កដា ។ក្នុងឧបទ្ទវហេតុនោះអ្នកគាំទ្រម្នាក់ បានស្លាប់ និងពីរនាក់ផ្សេងទៀតបានរងរបួស។អតីតប្រធានាធិបតីរូបនេះបានបង្ហាញខ្លួនដោយទទួលបានការអបអរសាទរពីហ្វូងមនុស្ស ខណៈលោកឈរជាមួយក្រុមគ្រួសាររបស់លោកមួយចំនួន និងអនុប្រធានាធិបតីដែលទើបជ្រើសតាំង សម្រាប់មិត្តរួមតំណែង របស់លោក។សន្និបាតរយៈពេលបួនថ្ងៃបានបើកប៉ុន្មានម៉ោងបន្ទាប់ពីលោក Trump ទទួលបានជ័យជំនះផ្នែកច្បាប់ដ៏សំខាន់មួយ នៅពេលចៅក្រមសហព័ន្ធបានច្រានចោលការកាត់ទោសព្រហ្មទណ្ឌលើរូបលោក។ លោកTrump គ្រោងនឹងទទួលយកជាផ្លូវការនូវការតែងតាំងរបស់គណបក្សនៅក្នុងសុន្ទរកដំបូង នៅថ្ងៃព្រហស្បតិ៍ ១៨ ខែកក្កដា ហើយនឹងតតាំងជាមួយលោកប្រធានាធិបតីមកពីគណបក្សប្រជាធិបតេយ្យ Joe Biden ក្នុងការបោះឆ្នោតថ្ងៃទី ៥ ខែវិច្ឆិកាខាងមុខនេះ ៕

សម្តេចធិបតី៖ ទោះកាលៈទេសៈណាក៏ដោយមិនអនុញ្ញាត ឲ្យមានការកាប់សម្លាប់ដូចសម័យខ្មែរក្រហមវិលត្រឡប់មកវិញឡើយ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា ទោះកាលៈទេសៈណា ក៏ដោយរាជរដ្ឋាភិបាលមិនអនុញ្ញាតឲ្យមានការកាប់សម្លាប់រង្គាលពលរដ្ឋខ្លួន ដូចកាលសម័យរបបកម្ពុជា ប្រជាធិបតេយ្យ(របបខ្មែរក្រហម)នោះឡើយ ហើយមួយវិញទៀត សម្តេចធិបតី ក៏បានប្រកាសជាថ្មីម្តងទៀតផងដែរថា«សន្តិភាព» នៅតែមានតម្លៃជានិច្ចសម្រាប់កម្ពុជា និងពិភពលោក។ក្នុងឱកាសអញ្ជើញជាអធិបតីពិធីបញ្ចុះបឋមសិលាសាងសង់បន្ទប់ពិគ្រោះយោបល់ សម្រាប់ជនរងគ្រោះ សាលតាំងពិព័រណ៍អចិន្ត្រៃយ៍ ស្តីពីដំណើរការជំនុំជម្រះក្តី និងឧទ្យានសម្រាប់ការចងចាំ នាថ្ងៃទី១៦ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា រាជរដ្ឋាភិបាលនៅតែចាត់ទុកសន្តិភាពជាកត្តាសំខាន់បំផុត ដូច្នេះបងប្អូនប្រជាពលរដ្ឋខ្មែរគ្រប់រូបត្រូវតែរួមគ្នាថែរក្សា នូវសុខសន្តិភាពនេះឲ្យខាងតែបាន ដោយមិនត្រូវបណ្ដែតបណ្ដោយឲ្យអំពើហិង្សាណាមួយ ដូចសម័យ ប៉ុល ពត កើតឡើងនៅស្រុកខ្មែរយើងមកវិញម្តងទៀតនោះទេ។ក្នុងឱកាសនោះសម្តេចធិបតី នាយករដ្ឋមន្រ្តី ក៏បានថ្លែងកោតសរសើរ និងបានចាត់ទុកថា អ.វ.ត.ក ជាស្ថាប័នឯករាជ្យមួយ ដោយបានយកអតីតប្រមុខរដ្ឋខ្មែរ (អតីតមេដឹកនាំរបបខ្មែរក្រហម) មកធ្វើការជំនុំជម្រះ និងលាតត្រដាងឲ្យពិភពលោកបានដឹងទទួលយកការសម្រេចក្តី និងធ្វើឲ្យជនរងគ្រោះក្នុងរបបខ្មែរក្រហមអស់ចិត្ត និងទទួលបានយុត្តិធម៌ផងដែរ៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញបញ្ចុះបឋមសិលាសាងសង់សមិទ្ធផល អ.វ.ត.ក.

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១៦ ខែកក្កដា ឆ្នាំ២០២៤ បានអញ្ជើញជាអធិបតីពិធីបញ្ចុះបឋមសិលាសាងសង់ បន្ទប់ពិគ្រោះយោបល់សម្រាប់ជនរងគ្រោះ សាលតាំងពិព័រណ៍អចិន្ត្រៃយ៍ ស្តីពីដំណើរការជំនុំជម្រះក្តី និងឧទ្យានសម្រាប់ការចងចាំ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានកោតសរសើរ និងអរគុណដល់ អ.វ.ត.ក. ដែលបានលើកកម្ពស់ការផ្សព្វផ្សាយអំពីប្រវត្តិសាស្រ្ដ ឧក្រិដ្ឋកម្មប្រល័យពូជសាសន៍ ដែលកម្ពុជាបានឆ្លងកាត់ដែលការផ្សព្វផ្សាយនេះ បានចូលរួមទប់ស្កាត់កុំឱ្យរបបដ៏យង់ខ្នងនេះ កើតឡើងវិញម្ដងទៀត។-សម្ដេចធិបតី ហ៊ុន ម៉ាណែត មានប្រសាសន៍ថា គំរូតុលាការកូនកាត់របស់ អ.វ.ត.ក. នេះ មិនត្រឹមតែសម្រេចបានទៅតាមគោលដៅរបស់ខ្លួនប៉ុណ្ណោះទេ ប៉ុន្តែក៏បានបង្កើតនូវលក្ខណៈដោយឡែក (Uniqueness) យ៉ាងហោចចំនួន៥ បើប្រៀបធៀបទៅនឹងតុលាការអន្តរជាតិផ្សេងៗទៀត ពោលគឺ៖ បានកាត់សេចក្តី និងផ្តន្ទាទោសអស់មួយជីវិតទៅលើអតីតប្រមុខរដ្ឋចំពោះឧក្រិដ្ឋកម្មប្រល័យពូជសាសន៍ចាប់តាំងពីការបង្កើតអនុសញ្ញាអង្គការសហប្រជាជាតិស្តីពីការបង្ការអំពើប្រល័យ ពូជសាសន៍នៅឆ្នាំ១៩៤៨មក។ នេះជាលើកដំបូងនៅក្នុងប្រវត្តិសាស្ត្ររបស់តុលាការព្រហ្មទណ្ឌអន្តរជាតិ។-សម្តេចធិបតី ហ៊ុន ម៉ាណែត បានថ្លែងថា អ.វ.ត.ក ជាស្ថាប័នឯករាជ្យមួយ ដោយបានយកអតីតប្រមុខរដ្ឋខ្មែរមកធ្វើការជំនុំជម្រះ និងលាតត្រដាងឲ្យពិភពលោកបានដឹងទទួលយកការសម្រេចក្តី និងធ្វើឲ្យជនរងគ្រោះក្នុងរបបខ្មែរក្រហមអស់ចិត្ត និងទទួលបានយុត្តិធម៌។-សម្ដេចធិបតី ហ៊ុន ម៉ាណែត៖ អ.វ.ត.ក. ក៏បានបង្កើតជាតុលាការគំរូអន្តរជាតិមួយផងដែរ ក្នុងការកាត់ទោសឧក្រិដ្ឋកម្មប្រល័យពូជសាសន៍ ដែលប្រើប្រាស់យុត្តាធិការរបស់ប្រទេសជាម្ចាស់បញ្ហា ហើយប្រើច្បាប់ចម្រុះទាំងប្រព័ន្ធ Common Law ទាំងប្រព័ន្ធ Civil Law ហើយឆ្លុះបញ្ចាំងអំពីសក្តានុភាព នៃនីតិវិធីតុលាការរបស់កម្ពុជាក្នុងការបង្រួបបង្រួមជាតិ ផ្សះផ្សារជាតិ សម្រេចបានយុត្តិធម៌ជូនជនរងគ្រោះ និងធានាបាននូវនិរន្តរភាពនៃសុខសន្តិភាពជូនជាតិមាតុភូមិ។-សម្តេចធិបតី ហ៊ុន ម៉ាណែត៖ នយោបាយឈ្នះ ឈ្នះ ដែលបានដាក់ចេញដោយសម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា គឺជាមូលដ្ឋានគ្រឹះ ក្នុងកិច្ចការពារសន្តិភាព និងនាំឲ្យកម្ពុជាមានការអភិវឌ្ឍរហូតដល់សព្វថ្ងៃនេះ។-សម្ដេចធិបតី ហ៊ុន ម៉ាណែត ក៏បានកោតសរសើរចំពោះការជំរុញផ្សព្វផ្សាយឯកសារប្រវត្តិសាស្រ្ដនៃរបបប្រល័យពូជសាសន៍ របស់ អ.វ.ត.ក. ក្រោយពីបានបញ្ចប់ប្រកបដោយជោគជ័យ កាលពីចុងឆ្នាំ២០២២ ពោលគឺបានចាយអស់រយៈពេល១៦ឆ្នាំ ជាមួយនឹងការគាំទ្រ និងទទួលស្គាល់ពីសហគមន៍អន្តរជាតិ ក្នុងនោះបានរក្សាទុកនូវ បណ្ណសារតុលាការ មានចំនួនសរុប ២៣៣,៨៣៦ ឯកសារ ដែលស្មើនឹងជិត ២,៤ លានទំព័រ ជាបីភាសា (ខ្មែរ អង់គ្លេស បារាំង)។-សម្តេចធិបតី ហ៊ុន ម៉ាណែត ប្រកាសថា ទោះកាលៈទេសៈណា ក៏ដោយរាជរដ្ឋាភិបាលមិនអនុញ្ញាតឲ្យមានការកាប់សម្លាប់រង្គាលពលរដ្ឋខ្លួន ដូចកាលសម័យរបបកម្ពុជា ប្រជាធិបតេយ្យ (របបខ្មែរក្រហម) នោះឡើយ។ ជាមួយគ្នានេះ សម្តេចនាយករដ្ឋមន្រ្តី ក៏បានអំពាវនាវដល់ពលខ្មែរគ្រប់រូប ត្រូវទប់ស្កាត់ នូវអំពើបែបនេះ ឲ្យខាងតែបានផងដែរ។-សម្តេចធិបតី ហ៊ុន ម៉ាណែតបានបញ្ជាក់ថា ការថែរក្សាទុកនូវឯកសារពាក់ព័ន្ធប្រវត្តិសាស្រ្ត ជាកិច្ចការចាំបាច់បំផុត ដោយមិនត្រូវចាក់សោបិទទុកនោះឡើយ បើទោះបីជាទំព័រប្រវត្តិសាស្រ្តដ៏ខ្មៅងងិតរបស់ខ្មែរក្រហមត្រូវបានបិទ បញ្ចប់ក៏ដោយនោះ។

ចៅក្រមសហរដ្ឋអាមេរិក ច្រានចោលសំណុំរឿងឯកសារសម្ងាត់របស់លោក Trump

ចៅក្រមអាមេរិក កាលពីថ្ងៃចន្ទ (១៥ កក្កដា) បានច្រានចោលសំណុំរឿងព្រហ្មទណ្ឌដែលចោទប្រកាន់លោក ដូណាល់ ត្រាំ (Donald Trump) ពីបទកាន់កាប់ឯកសារសម្ងាត់ដោយខុសច្បាប់ ដែលធ្វើឱ្យអតីតប្រធានាធិបតីរូបនេះទទួលបានជ័យជំនះផ្នែកច្បាប់ដ៏សំខាន់មួយទៀត ខណៈគណបក្សសាធារណរដ្ឋស្វះស្វែងវិលត្រឡប់ទៅកាន់តំណែងសេតវិមានវិញ។នៅក្នុងសេចក្តីសម្រេច៩៣ទំព័រ ចៅក្រមរដ្ឋហ្វ្លរីដា (Florida) លោកស្រី អៃលីន ខេនណុន (Aileen Cannon) ដែលត្រូវបានតែងតាំងដោយលោក Trump បានសម្រេចថា រដ្ឋអាជ្ញាពិសេស លោក ជែក ស្មីត (Jack Smith) ដែលកំពុងដឹកនាំការកាត់ទោស ត្រូវបានតែងតាំងដោយខុសច្បាប់សម្រាប់តួនាទីរបស់លោក ហើយមិនមានសិទ្ធិអំណាចក្នុងការដាក់សំណុំរឿងនេះទេ។លោកស្រីមិនបានសម្រេចថាតើការចោទប្រកាន់លើលោក Trump ថាការចាត់ចែងឯកសារសម្ងាត់មិនបានល្អ ជារឿងត្រឹមត្រូវ ឬយ៉ាងណានោះទេ។ សេចក្តីសម្រេចនេះបានបង្ហាញពីជ័យជំនះផ្លូវច្បាប់មួយទៀតសម្រាប់លោក Trump បន្ទាប់ពីសេចក្តីសម្រេចរបស់តុលាការកំពូលកាលពីថ្ងៃទី០១ ខែកក្កដា ដែលថាក្នុងនាមជាអតីតប្រធានាធិបតី លោកមានអភ័យឯកសិទ្ធិរារាំងពីការកាត់ទោសចំពោះសកម្មភាពជាច្រើនរបស់លោកក្នុងពេលកាន់តំណែង។ទោះបីជាការកាត់ក្តីមិនទំនងជាកើតឡើងមុនការបោះឆ្នោតក៏ដោយ ក្រុមអ្នកជំនាញផ្នែកច្បាប់ជាច្រើនបានចាត់ទុកបណ្ដឹងឯកសារសម្ងាត់នេះថាជាសំណុំរឿងដ៏រឹងមាំបំផុតមួយក្នុងចំណោមករណីទាំងបួនប្រឆាំងនឹងអតីតប្រធានាធិបតីរូបនេះ៕

បណ្ដាញសង្គម

ព័ត៌មានថ្មីៗ

អ៊ីរ៉ង់ច្រានចោលការបាញ់មីស៊ីលឆ្ពោះទៅកាន់ទួរគី ក្រោយអង្គការណាតូបាញ់ស្កាត់

អ៊ីរ៉ង់បើកការវាយប្រហារថ្មី ដោយប្រាប់ថា អាមេរិកនឹង «សោកស្តាយខ្លាំងបំផុត» ដែលបាញ់ពន្លិចនាវាចម្បាំង

រដ្ឋមន្រ្តីការបរទេស៖ ពលរដ្ឋកាណាដា ២.០៣៥នាក់ ស្នើសុំជំនួយចាកចេញពីតំបន់មជ្ឈិមបូព៌ា

ក្រុមហេសបូឡា Kataeb នៅអ៊ីរ៉ាក់ និយាយថា មេបញ្ជាការរបស់ខ្លួន ត្រូវបានសម្លាប់ នៅក្នុងការវាយប្រហារ

មេដឹកនាំពិភពលោកបញ្ជូនគ្រឿងយុទ្ធោបករណ៍ទៅកាន់មជ្ឈិមបូព៌ា ខណៈដែលសង្គ្រាមអាមេរិកជាមួយអ៊ីរ៉ង់ នៅតែបន្ត

ចិនកំណត់ទិសដៅកំណើនសេដ្ឋកិច្ចចំនួន ៤,៥-៥ភាគរយ សម្រាប់ឆ្នាំ ២០២៦

អូស្រ្តាលី និងកាណាដា ចុះកិច្ចព្រមព្រៀងរ៉ែសំខាន់ និងពិភាក្សាលើតំបន់មជ្ឈិមបូព៌ា

អ្នកដំណើរជាប់ខ្លួនព្យាយាមរកផ្លូវចេញពីតំបន់ឈូងសមុទ្រអារ៉ាប់ ខណៈភាពតានតឹងនៅតំបន់មជ្ឈិមបូព៌ា

ពលរដ្ឋប៉ាគីស្ថានធ្វើដំណើរមកដល់ទីក្រុង Quetta ក្រោយរត់ភៀសខ្លួនចេញពីភាពរំជើបរំជួលនៅអ៊ីរ៉ង់

កូរ៉េខាងត្បូង ចេញការព្រមានប្រុងប្រយ័ត្នជាមុនចំពោះហានិភ័យថាមពលដែលអាចកើតមានក្នុងពេលជម្លោះនៅមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចធិបតីផ្ដល់គោលការណ៍ឱ្យបង្កើតវិទ្យាស្ថានរដ្ឋទទួលបន្ទុកកេរដំណែលអ.វ.ត.ក.ទុកជាមណ្ឌលស្រាវជ្រាវ

ប្រធានាធិបតីស៊ីរី និយាយថានឹងជួបលោក Erdogan ប្រសិនបើបញ្ហាស្នូលនានា ត្រូវបានដោះស្រាយ

លោក Biden ហៅអនុប្រធានាធិបតីដែលលោក Trump ជ្រើសរើសថាជាមនុស្សប្រភេទតែមួយ

ប្រទេសអាមេនី និងសហរដ្ឋអាមេរិក ចាប់ផ្តើមធ្វើសមយុទ្ធយោធារួមគ្នា

លោក Biden និយាយថា ការប្រាប់ឲ្យក្រុមអ្នកគាំទ្រតាមដានរាល់សកម្មភាពរបស់លោក Trump គឺជាកំហុស

FBI កំពុងពិនិត្យទូរស័ព្ទខ្មាន់កាំភ្លើង ខណៈមូលហេតុពីក្រោយការបាញ់ប្រហារលោក Trump នៅតែមិនច្បាស់

លោកTrump បង្ហាញខ្លួនជាសាធារណៈលើកដំបូងក្នុងសន្និបាតគណបក្សសាធារណរដ្ឋដោយ ត្រចៀករុំបង់

សម្តេចធិបតី៖ ទោះកាលៈទេសៈណាក៏ដោយមិនអនុញ្ញាត ឲ្យមានការកាប់សម្លាប់ដូចសម័យខ្មែរក្រហមវិលត្រឡប់មកវិញឡើយ

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញបញ្ចុះបឋមសិលាសាងសង់សមិទ្ធផល អ.វ.ត.ក.

ចៅក្រមសហរដ្ឋអាមេរិក ច្រានចោលសំណុំរឿងឯកសារសម្ងាត់របស់លោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចធិបតីផ្ដល់គោលការណ៍ឱ្យបង្កើតវិទ្យាស្ថានរដ្ឋទទួលបន្ទុកកេរដំណែលអ.វ.ត.ក.ទុកជាមណ្ឌលស្រាវជ្រាវ

ប្រធានាធិបតីស៊ីរី និយាយថានឹងជួបលោក Erdogan ប្រសិនបើបញ្ហាស្នូលនានា ត្រូវបានដោះស្រាយ

លោក Biden ហៅអនុប្រធានាធិបតីដែលលោក Trump ជ្រើសរើសថាជាមនុស្សប្រភេទតែមួយ

ប្រទេសអាមេនី និងសហរដ្ឋអាមេរិក ចាប់ផ្តើមធ្វើសមយុទ្ធយោធារួមគ្នា

លោក Biden និយាយថា ការប្រាប់ឲ្យក្រុមអ្នកគាំទ្រតាមដានរាល់សកម្មភាពរបស់លោក Trump គឺជាកំហុស

FBI កំពុងពិនិត្យទូរស័ព្ទខ្មាន់កាំភ្លើង ខណៈមូលហេតុពីក្រោយការបាញ់ប្រហារលោក Trump នៅតែមិនច្បាស់

លោកTrump បង្ហាញខ្លួនជាសាធារណៈលើកដំបូងក្នុងសន្និបាតគណបក្សសាធារណរដ្ឋដោយ ត្រចៀករុំបង់

សម្តេចធិបតី៖ ទោះកាលៈទេសៈណាក៏ដោយមិនអនុញ្ញាត ឲ្យមានការកាប់សម្លាប់ដូចសម័យខ្មែរក្រហមវិលត្រឡប់មកវិញឡើយ

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញបញ្ចុះបឋមសិលាសាងសង់សមិទ្ធផល អ.វ.ត.ក.

ចៅក្រមសហរដ្ឋអាមេរិក ច្រានចោលសំណុំរឿងឯកសារសម្ងាត់របស់លោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍