BTV NEWS

ផលិតកម្ម និងការនាំចេញមមាញឹក ជំរុញការដឹកជញ្ជូនទំនិញតាមផ្លូវទឹក និងអាកាសកើនឡើង

រយៈពេល៨ខែឆ្នាំនេះ កម្ពុជានាំចេញកសិផល និងផលិតផលកែច្នៃមានទឹកប្រាក់ជាង ៣,២ ពាន់លានដុល្លារ

ជប៉ុនស្រូបយកទំនិញកម្ពុជាមានទឹកប្រាក់ជាង ១,២ពាន់លានដុល្លារ ឈរក្នុងលំដាប់ទី៤ នៃការនាំចេញសរុប

រដ្ឋមន្ត្រីក្រសួងកសិកម្ម អញ្ជើញសម្ពោធមធ្យោបាយដឹកជញ្ជូនផ្លូវទឹកថ្មី សម្រាប់នាំចេញអង្ករដោយផ្ទាល់ទៅកាន់ទីផ្សារប្រទេសហ្វីលីពីន

សេដ្ឋកិច្ច និង កសិកម្ម

ក្រុមហ៊ុនជប៉ុន Yamato Green បង្ហាញគម្រោងវិនិយោគលើផលិតផលកសិកម្មនៅកម្ពុជា

ភ្នំពេញ ៖ ក្រុមហ៊ុនជប៉ុន Yamato Green ដែលមានបទពិសោធន៍ខាងវិស័យកសិកម្ម បានបង្ហាញពីគម្រោងវិនិយោគលើផលិតផលកសិកម្ម ដែលមានសក្ដានុពលនៅកម្ពុជា ដើម្បីបង្កើនផលិតភាពផលិតកម្ម និងការនាំចេញទៅក្រៅប្រទេស។ក្រុមហ៊ុនជប៉ុន Yamato Green បានលើកឡើងគម្រោងនេះ ក្នុងជំនួបជាមួយឯកឧត្តម វេង សាខន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៤ ខែមិថុនា នៅទីស្តីការក្រសួង។ ក្នុងជំនួបនោះ ក្រុមហ៊ុន Yamato Green លើកឡើងពី មានបំណងចងសម្ព័ន្ធភាព និងចុះហត្ថលេខា MOU ជាមួយសម្ព័ន្ធកសិកម្មកម្ពុជា ក្នុងពេលឆាប់ៗខាងមុខ។ សម្ព័ន្ធនេះ មានតួនាទីជំរុញការអភិវឌ្ឍកសិ-ឧស្សាហកម្មកម្ពុជាឲ្យរីកចម្រើន ប្រកបដោយចីរភាព និងនិរន្តរភាព ទូលំទូលាយ គ្របដណ្តប់លើគ្រប់ប្រភេទដំណាំ និងភូមិសាស្ត្រទូទាំងប្រទេស ហើយក្នុងពេលឆាប់ៗ លោកគ្រោងជួបពិភាក្សាជាមួយលោកឧកញ៉ា ដើម្បីរកការរីកចម្រើនក្នុងការជំរុញឲ្យដំណើរការរួមគ្នា។ទន្ទឹមនឹងនេះ ក្រុមហ៊ុន ក៏បានលើកឡើងពី ប្រភេទកសិផលសក្ដានុពល ដូចជា ត្រសក់ផ្អែមជប៉ុន និងផ្លែប៊ឺ (Avokodo) សណ្តែកសៀង និងជីកសិកម្ម ដែលក្រុមហ៊ុនកំពុងសិក្សា និងអនុវត្តដាំសាកល្បងនៅកម្ពុជា។លោកប្រធានក្រុមហ៊ុនជប៉ុន Yamato Green បានលើកឡើងថា ប្រភេទកសិផលទាំងនេះ អំណោយផលសម្រាប់ការដាំដុះនៅកម្ពុជា។ ក្រុមហ៊ុនមានបំណងដាំដុះ សម្រាប់ធ្វើការកែច្នៃ និងវេចខ្ចប់សម្រាប់នាំចេញទៅទីផ្សារប្រទេសជប៉ុន និងប្រទេសដទៃទៀត។លោកនាយកក្រុមហ៊ុន បានជម្រាបជូនទៀតថា ស្ថានភាពជំងឺឆ្លងកូវីដ-១៩ ហាក់មានភាពល្អប្រសើរជាបណ្តើរៗ ព្រមជាមួយគ្នានេះ ក្រុមហ៊ុន Yamato Green នឹងចាប់ ផ្តើមសកម្មភាពរបស់ខ្លួនជាជំហានៗ តាមអ្វីដែលក្រសួងកសិកម្ម រុក្ខាប្រមាញ់ និងនេសាទ និងក្រុមហ៊ុនបានឯកភាពជាមួយគ្នាក្នុងខ្លឹមសារ MOU។ជាការឆ្លើយតប ឯកឧត្តម វេង សាខន បានស្វាគមន៍ និងបង្ហាញពីឆន្ទៈគាំទ្រ ព្រោះជាប្រភេទដំណាំថ្មី បច្ចេកទេសថ្មី និងពេញនិយមសម្រាប់ទីផ្សារជប៉ុន។ មិនតែប៉ុណ្ណោះ ឯកឧត្តមរដ្ឋមន្ត្រី បានស្នើឲ្យក្រុមហ៊ុនសហការជាមួយអគ្គនាយកដ្ឋានកសិកម្មធ្វើការស្រាវជ្រាវតាមបណ្តាខេត្ត។ឯកឧត្តមរដ្ឋមន្ត្រី បានបញ្ជាក់ថា ទោះបីយើងកំពុងប្រឈមបញ្ហាលំបាកយ៉ាងណាក៏ដោយ ក្រសួងតែរក្សាតួនាទី និងភារកិច្ចរបស់ខ្លួនបានយ៉ាងខ្ជាប់ខ្ជួនដើម្បីធានាសន្តិសុខស្បៀង បង្កើនផលិតកម្មកសិកម្ម ក្នុងបរិបទនៃការរីករាយដាលជំងឺឆ្លងកូវីដ-១៩៕អត្ថបទ ៖ វណ្ណ

ក្រសួងឧស្សាហកម្ម ជំរុញលើកកម្ពស់ផលិតភាពសហគ្រាសធនតូចនិងមធ្យម

ភ្នំពេញ ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ អនុវត្តបានជោគជ័យប្រព័ន្ធផលិតកម្ម ហៅកាត់ថា LEAN Manufacturing ដែលជួយលើកកម្ពស់ផលិតភាពសហគ្រាសធនតូចនិងមធ្យម (SME)នៅកម្ពុជា។ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងនៅក្នុងសិក្ខាសាលាផ្សព្វផ្សាយថ្នាក់ជាតិស្តីពី "វដ្ដនៃគុណភាព នវានុវត្តន៍ និងប្រព័ន្ធផលិតកម្ម LEAN ដើម្បីលើកកម្ពស់ផលិតភាព សហគ្រាស ធនតូចនិងមធ្យម (SME) តាមរយៈប្រព័ន្ធ (Zoom Cloud Meeting) នៅថ្ងៃទី ១៤ ខែ មិថុនា ឆ្នាំ២០២១ ថា បើទោះបីមានវិបត្តិសុខភាពសាកលកូវីដ-១៩ យ៉ាងណាក្តី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅតែបន្តស្វះស្វែងរកវិធីសាស្ត្រ ដើម្បីជួយស្តារស្ថានភាពសេដ្ឋកិច្ចរបស់ក្រុមហ៊ុន និងសហគ្រាសធនតូច និងមធ្យមនៅកម្ពុជា ។ ជាក់ស្តែងក្នុងរយៈពេលជាងមួយឆ្នាំមកនេះ មជ្ឈមណ្ឌលផលិតភាពជាតិ សហការជាមួយអង្គការផលិតភាពអាស៊ី (APO) បានសាកល្បងអនុវត្តគម្រោងផ្តោតលើផលិតកម្ម LEAN (LEAN Manufacturing) ទៅលើក្រុមហ៊ុនគំរូចំនួន ៣ តាមរយៈការផ្តល់ការប្រឹក្សាយោបល់ដោយផ្ទាល់ខ្លះ និងពីចម្ងាយតាមប្រព័ន្ធអនឡាញ ដើម្បីវាស់វែងនៃវិធីសាស្ត្រផលិតភាព ក្នុងបរិបទពិភពលោកបច្ចុប្បន្ន ។ឯកឧត្តម ទេសរដ្ឋមន្ត្រី បន្តថា តាមរយៈការរៀនសូត្រពីបទពិសោធន៍ទាំងនេះ ឃើញថា ប្រព័ន្ធផលិតកម្ម LEAN ផ្តោតលើការបង្កើនសកម្មភាពផ្តល់តម្លៃបន្ថែមជូនអតិថិជនរបស់ខ្លួន ហើយកាត់បន្ថយសកម្មភាព នឹងបានផ្តល់តម្លៃបន្ថែមឲ្យបានកាន់តែខ្ពស់ ដែលកន្លងមកសកម្មភាពផ្តល់តម្លៃបន្ថែមនេះ តាមរយៈការអនុវត្តរបស់ក្រុមហ៊ុននានា មានមិនបានដល់ ៣% នោះឡើយ ដែលជាការធ្វើឲ្យក្រុមហ៊នចំណាយរហូតដល់ ៩៧% លើសកម្មភាពដែលពុំបានផ្តល់តម្លៃបន្ថែមជូនអតិថិជន ដែលនេះជាការខាតបង់យ៉ាងច្រើនសម្បើម, បើសហគ្រាសអាចបង្កើនសកម្មភាពផ្តល់តម្លៃបន្ថែមដល់ ៥% ឬដល់ ១០% នោះ សហគ្រាសនឹងអាចទទួលបានជោគជ័យ នឹងក្លាយជាសហគ្រាសឆ្នើមផងដែរ៕អត្ថបទ៖ សុន រ៉ាឌី

ការបង្កបង្កើនផលស្រូវរដូវវស្សានៅខេត្តកំពត សម្រេចបាន៥៧ភាគរយ

កំពត ៖ ទោះជាមានការផ្ទុះជំងឺកូវីដ-១៩ ឆ្លងរាលដាលកើនឡើងនៅក្នុងខេត្តកំពត ប៉ុន្មានសប្តាហ៍ចុងក្រោយនេះក៏ពិតមែន ប៉ុន្តែប្រជាកសិករនៅខិតខំបង្កបង្កើនផលស្រូវ និងដំណាំដាំដុះផ្សេងៗខ្លាំងជាងមុន។ ជាក់ស្តែងការភ្ជួររាស់ និងព្រោះស្រូវរដូវវស្សាសម្រេចបាន៥៧ភាគរយនៃផែនការ គឺលឿន ឬច្រើនជាងឆ្នាំមុនជិត២០ភាគរយ។ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពត លោក ចាន់ រិទ្ធិ បានប្រាប់ឲ្យដឹងថា លទ្ធផលនៃការបង្កបង្កើនផលស្រូវវស្សានៅខេត្តកំពតឆ្នាំនេះ ល្អប្រសើរ ហើយលឿនជាងឆ្នាំមុន។ គិតមកដល់ថ្ងៃទី ៨ ខែមិថុនា ឆ្នាំ២០២១នេះ ផ្ទៃដីភ្ជួររាស់សរុបបានចំនួន ៨៦ ២៨២ហិកតា ក្នុងនោះប្រើគ្រឿងយន្ត ៨៦២០២ ហិកតា និងគោក្របី ចំនួន៨០ហិកតា។ ការងារសាបព្រោះបានចំនួន ៧៥ ៨០៩ ហិកតាស្មើនឹង ៥៧% នៃផែនការប្រចាំឆ្នាំលើផ្ទៃដីសរុប ១៣៣ ០០០ហិកតា ក្នុងនោះស្រូវស្រាលដើមរដូវ អនុវត្តបាន ២០ ៣៧២ហិកតា, ស្រូវកណ្តាលអនុវត្តបាន ៣០ ៩៧១ ហិកតា, ស្រូវធ្ងន់អនុវត្តបាន ២៤ ៤៦៦ហិកតា។ ហើយបើប្រៀបធៀបនឹងរយៈពេលដូចគ្នា នៅឆ្នាំ២០២០ គឺការបង្កបង្កើនផលស្រូវវស្សាឆ្នាំនេះ លឿន ឬច្រើនជាងប្រមាណជិត២០ភាគរយ។កសិកររស់នៅឃុំបឹងសំឡី ស្រុកកំពង់ត្រាច ខេត្តកំពត បានប្រាប់ឲ្យដឹងថា លោកធ្វើស្រែសម្រាប់ទុកហូប ហើយក្នុងមួយឆ្នាំធ្វើតែម្តងប៉ុណ្ណោះ ។ ការធ្វើស្រែនៅពេលបច្ចុប្បន្នងាយស្រួល មិនលំបាកដូចពីមុនទេ ព្រោះបច្ចុប្បន្នប្រើគ្រឿងចក្រស្ទើរទាំងអស់ ទាំងភ្ជួរ រាស់ និងច្រូតកាត់បោកបែន ។លោកប្រធានមន្ទីរកសិកម្ម បានបញ្ជាក់ថា ខណៈដែលកម្ពុជា ពិសេសខេត្តកំពត កំពុងមានការឆ្លងជំងឺកូវីដ-១៩កើនឡើង ប្រជាកសិករកាន់តែមានការខិតខំ ប្រឹងប្រែងបង្កបង្កើនផលកាន់តែខ្លាំង។ ក្រៅពីដំណាំស្រូវ ពលរដ្ឋបានដាំដុះដំណាំសាកវប្បកម្ម ៖ មានដំណាំបន្លែគ្រប់មុខ ឪឡឹក ដំឡូងជ្វា ពោតស និងម្ទេស បានចំនួន១៦៥៨ ហិកតា និងដំណាំឧស្សាហកម្មមាន ដូចជា ដំណាំដំឡូងមី សណ្តែកបាយ អំពៅ សណ្តែកដី និងពោតក្រហម បានចំនួន ១១៣៤ហិកតា៕អត្ថបទ ៖ អន សារឹម

ទុរេនស្រុកសំឡូត ត្រូវបានផ្ដល់ QR Code ដើម្បីទប់ស្កាត់ការលួចបន្លំអត្តសញ្ញាណ

បាត់ដំបង ៖ មន្ទីរកសិកម្មរុក្ខាប្រមាញ់ និងនេសាទខេត្តបាត់ដំបង បានសម្រេចចងក្រងបណ្ដុំអាជីវកម្មទុរេន នៅក្នុងស្រុកសំឡូត ដោយការផ្ដល់នូវស្ទីកគ័របិទលើផ្លែទុរេន (QR Code) ដើម្បីសម្គាល់ពីអត្តសញ្ញាណ និងបំបាត់នូវការលួចបន្លំ។លោក ឈឹម វជិរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានឱ្យដឹងថា កន្លងមក ក៏ដូចជាពេលនេះ អាជីវករ ដែលជាឈ្មួញទុរេនមួយចំនួន បានទិញផ្លែទុរេន ពីប្រទេសជិតខាង យកមកលក់ ហើយក្លែងបន្លំថាជាទុរេនស្រុកសំឡូត ខណៈពេលខ្លះ ទុរេនសំឡូត នៅមិនទាន់ដល់ពេល ប្រមូលផលផងទេ។លោក បានបញ្ជាក់ថា ពាក់ព័ន្ធនឹងបញ្ហាបែបនេះ អាជ្ញាធរស្រុកសំឡូត និងពលរដ្ឋអ្នកដាំទុរេន បាន ស្នើដល់មន្ទីរ ក្នុងការកំណត់អត្តសញ្ញាផលិតផលរបស់ពួកគេ ហើយមន្ត្រីកសិកម្ម បានចុះមកពិនិត្យសិក្សា ជាបន្តបន្ទាប់ និងសម្រេចរៀបចំបណ្ដុំអាជីវកម្មទុរេនសំឡូត ចងក្រងទៅជាសហគមន៍ទុរេនកម្ពុជា ក៏ដូចជា ចុះបញ្ជីចម្ការទុរេនឲ្យបានត្រឹមត្រូវច្បាស់លាស់ ងាយស្រួលក្រុមហ៊ុនចុះកិច្ចព្រមព្រៀងជាមួយកសិករ ដើម្បីបញ្ជាទិញទៅលក់បន្តនៅក្រៅប្រទេស។លោក ឈឹម វជិរ៉ា បានបញ្ជាក់ថា បច្ចុប្បន្ន ស្រុកសំឡូតមានទុរេនចំនួនជាង៨ម៉ឺនដើម ដាំដុះលើផ្ទៃ ដី ចំនួនជាង៥៤០ហិកតា ក្នុងនោះមន្ទីរ និងកម្មវិធី (ASPIRE) បានផ្តល់ស្ទីកគ័រ ចំនួន៩ពាន់សន្លឹក ដល់ បណ្តុំអាជីវកម្មសំឡូត សម្រាប់ប្រើប្រាស់ បន្ទាប់ពីបណ្តុំអាជីវកម្មចំនួន២ បានទទួលការបណ្តុះបណ្តាលជំ នាញបច្ចេកទេសលើការអនុវត្តកសិកម្មល្អ សម្រាប់ការដាំដុះដំណាំទុរេន ក្នុងឃុំសំឡូត និងឃុំស៊ុង ហើយ សម្រាប់ទុរេនស្រុកសំឡូតនេះ គឺចាប់ពីអំឡុងខែមិថុនា ទើបអាចប្រមូលផលបានច្រើន។ស្រុកសំឡូត ក្នុងខេត្តបាត់ដំបង ជាតំបន់ ដែលដីមានជីជាតិល្អមួយ ដោយស្រុកមួយនេះ មិនសូវ មានដំណាំស្រូវនោះទេ ភាគច្រើនពលរដ្ឋដាំទុរេន សាវម៉ាវ ម្រេច ពោត ដំឡូងមី ចេក ស្វាយ មៀន និងបន្លែ ជាច្រើនមុខទៀត៕អត្ថបទ៖ បាន សុខរិទ្ធ

សិប្បកម្មកែច្នៃគ្រាប់ស្វាយចន្ទីគ្រោងបង្កើនសមត្ថភាពកែច្នៃគ្រាប់ស្វាយចន្ទី៣ពាន់តោន ក្នុងមួយឆ្នាំ

កំពង់ធំ ៖ សិប្បកម្មកែច្នៃគ្រាប់ស្វាយចន្ទីជ័យ សំបូរ ក្នុងខេត្តកំពង់ធំ សហការជាមួយដៃគូក្រុមហ៊ុន Top Planning Japan គ្រោងបង្កើតរោងចក្រកែច្នៃគ្រាប់ស្វាយចន្ទី មានសមត្ថភាពផលិតគ្រាប់ស្វាយចន្ទី បានពី ២ពាន់តោន ទៅ៣ពាន់តោនក្នុងមួយឆ្នាំ។ គម្រោងបង្កើនផលិតកម្មកែច្នៃគ្រាប់ស្វាយចន្ទីរបស់សិប្បកម្មនេះ គឺបន្ទាប់ពីទទួលបានជោគជ័យ ក្នុងការនាំចេញគ្រាប់ស្វាយចន្ទីកែច្នៃទៅកាន់ប្រទេសជប៉ុន។សម្រាប់ទិសដៅអនាគត Top Planning Japan សហការជាមួយសិប្បកម្មកែច្នៃគ្រាប់ស្វាយចន្ទី ជ័យ សំបូរ រ ដែលមានទីតាំងនៅភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ ក្រោមកិច្ចសម្របសម្រួលពីនាយកដ្ឋានកសិ-ឧស្សាហកម្ម នឹងបង្កើនការនាំចេញទៅកាន់ទីផ្សារអឺរ៉ុប សហរដ្ឋអាមេរិក កាណាដា ចិន និងអូស្ត្រាលី។ការសហការនេះ ក៏នឹងបង្កើនទំហំផលិតកម្មកែច្នៃគ្រាប់ស្វាយចន្ទីឲ្យបាន ២០តោន/ខែ។ បង្កើនបរិមាណប្រមូលទិញគ្រាប់ស្វាយចន្ទីស្រស់ចំនួន១០០០តោន ក្នុងឆ្នាំ ២០២១ និងកើនឡើងបន្តបន្ទាប់។ ទន្ទឹមនឹងនេះ សហការជាមួយសមាគមស្វាយចន្ទីកម្ពុជា កសាងឃ្លាំងស្តុកគ្រាប់ស្វាយចន្ទីស្រស់ដែលមានសមត្ថភាពស្តុកទុកគ្រាប់យ៉ាងតិច ៥ ០០០តោន ដើម្បីធានាបរិមាណផ្គត់ផ្គត់ និងតម្លៃកិច្ចសន្យា។ នៅឆ្នាំ២០២៣ ក្រុមហ៊ុន Top Planning Japan គ្រោងបង្កើតរោងចក្រកែច្នៃ ដែលមានសមត្ថភាពផលិតបានរហូតដល់ ២ ០០០-៣ ០០០តោន/ឆ្នាំ។បច្ចុប្បន្នសិប្បកម្មកែច្នៃគ្រាប់ស្វាយចន្ទីមានសមត្ថភាពកែច្នៃគ្រាប់ស្វាយចន្ទីបាន ១០តោន/ខែ។ ជាក់ស្តែង នៅថ្ងៃទី០៧ ខែឧសភា សិប្បកម្មគ្រាប់ស្វាយចន្ទីជ័យសំបូរ បាននាំចេញគ្រាប់ស្វាយចន្ទីកែច្នៃរួចចំនួន ៧តោនទៅកាន់ប្រទេសជប៉ុនសម្រាប់លើកទី១ ហើយលើកទី២ គឺនៅថ្ងៃនេះ តែម្តងមានចំនួន ៩តោន បានដាក់ចូលក្នុងទូកុងទីន័ររួចរាល់ គ្រោងនាំចេញនៅថ្ងៃទី១៧ ខាងមុខ ហើយសង្ឃឹមថាផលិតផលខ្មែរនេះ នឹងទៅដល់ទីក្រុង OSAKA នៅថ្ងៃទី១៥ ខែកក្កដា។ឯកឧត្តមរដ្ឋមន្ត្រី វេង សាខុន រដ្ឋមន្ដ្រីក្រសួងកសិកម្មរុក្ខាប្រមាញ់ និងនេសាទ បានស្វាគមន៍ និងវាយតម្លៃខ្ពស់លើសមិទ្ធផលដ៏ធំធេងដែលសិប្បកម្មកែច្នៃគ្រាប់ស្វាយចន្ទីជ័យ សំបូរទទួលបាននាពេលនេះ។ ឯកឧត្តម រដ្ឋមន្ត្រីជម្រាបទៅម្ចាស់ចម្ការ សហគមន៍ស្វាយចន្ទី សិប្បកម្មកែច្នៃផ្សេងៗទៀត ត្រូវស្វែងរកដៃគូដើម្បីទទួលបានបច្ចេកទេសដាំដុះ បច្ចេកទេសកែច្នៃ និងទីផ្សារនាំចេញ។ទិន្នន័យពីក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល៥ខែឆ្នាំ២០២១ កម្ពុជាបាននាំចេញគ្រាប់ស្វាយចន្ទី មានចំនួន ៨០១ ៧៣២,២៦ តោន កើនឡើងចំនួន ៣២១ភាគរយ ក្នុងនៅ នាំចេញទៅប្រទេសចិនចំនួន ៣ ៥៦៦ តោន ប្រទេសឥណ្ឌាចំនួន ១៧ តោន ប្រទេសជប៉ុនចំនួន ៣៣ តោន ប្រទេសឡាវចំនួន ២ តោន ប្រទេសអារ៉ាប់ចំនួន ០,៥២ តោន ប្រទេសថៃចំនួន ៣ ១០៨ តោន និងប្រទេសវៀតណាមចំនួន៧៩៥ ០០៤ តោន៕អត្ថបទ ៖ វណ្ណៈ

កំពង់ផែស្វយ័តភ្នំពេញ រកចំណូលបានជាង១២លានដុល្លារ កើន១០ភាគរយក្នុងរយៈពេលប្រាំខែ

ភ្នំពេញ ៖ កំពង់ផែស្វ័យតភ្នំពេញ ចុះបញ្ជីក្នុងផ្សារមូលបត្រកម្ពុជា បានបង្ហាញរបាយការណ៍ចំណូលប្រចាំ ដោយចំណូលបានពីសកម្មភាពរបស់កំពង់ផែ ក្នុងរយៈពេលប្រាំខែ មានចំនួន ១២,៥លានដុល្លារ កើនឡើង១០ភាគរយ ធៀបនឹងរយៈពេលដូចគ្នាកាលពីឆ្នាំ២០២០។របាយការណ៍នេះ បានបង្ហាញថា រយៈពេល០៥ខែ ដើមឆ្នាំ២០២១នេះ កំពង់ផែស្វយ័តភ្នំពេញ រកចំណូលបានចំនួន ១២,៥០១,៦៨៦ដុល្លារ មានការកើនឡើង១០ភាគរយ បើធៀបរយៈពេលដូចគ្នា ឆ្នាំ២០២០ មានចំនួន១១,៤១១,៧៨៦ដុល្លារ។របាយការណ៍ បានបញ្ជាក់ថា ប្រភពចំណូល របស់កំពង់ផែស្វយ័តភ្នំពេញ ដែលទទួលបាននៅរយៈពេល០៥ខែនេះ រួមមាន ទី១៖ ចំណូលពីប្រតិបត្តិការផែ មានចំនួន ៩,៦៧៣,៦៩៨ដុល្លារ ទី២៖ ចំណូលបានពីអាជ្ញាធរផែ មានចំនួន ១,៣៧២,៩៨៥ដុល្លារ ទី៣៖ ចំណូលបានពីសេវាកម្មផ្សេងៗ មានចំនួន១៧៣,៦១០ដុល្លារ និងទី៤៖ ចំណូលផ្សេងៗ មានចំនួន ១,២៨១,៣៩៣ដុល្លារ។របាយការណ៍ បញ្ជាក់ទៀតថា ចំពោះចំណូលប្រចាំខែឧសភា ដែលកំពង់ផែស្វយ័តភ្នំពេញ ទទួលបានសរុបមានចំនួន ២,៣ លានដុល្លារ មានការកើនឡើង៣៧ភាគរយ បើធៀបនឹងខែឧសភា ឆ្នាំ២០២០ មានចំនួន ១,៧ លានដុល្លារ។ដោយក្នុងនោះ ប្រភពចំណូល របស់កំពង់ផែស្វយ័តភ្នំពេញ ដែលទទួលបានប្រចាំខែឧសភា រួមមាន ទី១៖ ចំណូលពីប្រតិបត្តិការផែ មានចំនួន ១,៩១៩,៩៣៧ដុល្លារ ទី២៖ ចំណូលបានពីអាជ្ញាធរផែ មានចំនួន ២៥៦,៨៩០ដុល្លារ ទី៣៖ ចំណូលបានពីសេវាកម្មផ្សេងៗ មានចំនួន ៥៥,៨៧៥ដុល្លារ និងទី៤៖ ចំណូលផ្សេងៗ មានចំនួន ១៦២,២៧៩ដុល្លារ។គួរបញ្ជាក់ថា កំពង់ផែស្វយ័តភ្នំពេញ រកចំណូលសរុប បាន២៩លានដុល្លារ ក្នុងឆ្នាំ២០២០ ធ្លាក់ចុះ៦ភាគរយ ធៀបនឹងឆ្នាំ២០១៩ ដោយសារសកម្មដឹកទំនិញចេញ-ចូល ថយចុះដោយសារការរីករាលដាលជំងឺកូវីដ-១៩៕អត្ថបទ៖ វណ្ណៈ

ឧស្សាហកម្មរ៉ែមាស នឹងផ្ដល់ចំណូលចូលថវិកាជាតិប្រមាណ៤០លានដុល្លារក្នុងមួយឆ្នាំ

ភ្នំពេញ ៖ ការដ្ឋានអាជីវកម្ម និងរោងចក្រចម្រាញ់ រ៉ែមាស ជាលក្ខណៈឧស្សាហកម្មដំបូងគេនៅកម្ពុជា នឹងចាប់ផ្តើមដំណើរការ នៅថ្ងៃទៅ២១ខែមិថុនា ខាងមុខនេះ។ ឧស្សាហកម្មរ៉ែមាសដំបូងគេនៅកម្ពុជា នឹងផ្តល់ចំណូលចូលថវិកាជាតិប្រមាណ៤០លានដុល្លារ ក្នុងមួយឆ្នាំ ជាមួយនឹងការបង្កើតការងារសម្រាប់ប្រជាពលរដ្ឋ។បន្ទាប់ពីចាប់ផ្តើមដំណើការ ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីតធីត Renaissance Minerals (Cambodia) នឹងទទួលបានចំណូលដុលប្រមាណ១៨៥លានដុល្លារក្នុងឆ្នាំ។ ក្នុងចំណោមចំណូលដុលនោះ ចំណូលថវិកាជាតិពីសួយសារ និងសារពើពន្ធផ្សេងៗ ជាមធ្យមប្រមាណ៤០លានដុល្លារក្នុងមួយឆ្នាំ។នៅក្នុងសារលិខិតចេញផ្សាយកាលពីថ្ងៃទី១០ ខែមិថុនា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ចំណូលបានពីវិស័យឧស្សាហកម្មនិស្សារណកម្ម រ៉ែមាស នឹងក្លាយជាប្រភពចំណូលដ៏សំខាន់មួយ និងសម្រាប់កំណើនសេដ្ឋកិច្ច។សម្តេចតេជោ បញ្ជាក់ថា បន្ថែមថា រាជរដ្ឋាភិបាល នឹងយកទៅប្រើប្រាស់ក្នុងចរន្តថវិកាជាតិដើម្បីអភិវឌ្ឍសេដ្ឋកិច្ច និងសង្គម។ វិនិយោគនៅតំបន់អូខ្វោវ ស្រុកកែវសីមា ខេត្តមណ្ឌលគិរី រោងចក្រចម្រាញ់រ៉ែមាសដែលវិនិយោគដោយ ក្រុមហ៊ុន រ៉ឺនេសង់ មីនើរ៉ល (ខេមបូឌា) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Renaissance ចុះបញ្ជីនៅប្រទេសអូស្ត្រាលី មានសមត្ថភាពផលិតមាសសុទ្ធ បាន៣តោន ក្នុងមួយឆ្នាំសម្រាប់រយៈពេល៨ឆ្នាំដំបូង។ ក្រុមហ៊ុន រំពឹងថា នឹងអាចពង្រីកលទ្ធភាពអាជីវកម្មបន្ថែមទៀត ក្រោយរយៈពេលដំបូងនេះ។ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីតធីត Renaissance Minerals (Cambodia) បានចំណាយពេលរុករកធនធានធម្មជាតិនេះ អស់រយៈពេលប្រមាណ១៤ឆ្នាំមក ។ Renaissance Minerals ជាក្រុមហ៊ុនទីមួយ ដែលបានចាប់ផ្តើមធ្វើអាជីវកម្មរ៉ែមាសនៅកម្ពុជា ជាលក្ខណៈឧស្សាហកម្មតាមស្តង់ដារអន្តរជាតិ ដោយបានផលិតចេញ ជាមាសដុំពាក់កណ្តាលសម្រេចដែលបានអត្រាមាស៩០ភាគរយ ។យោងតាម ឯកឧត្តម យស់ មុន្នីរ៉ាត់ អគ្គនាយករ៉ែ នៃក្រសួងរ៉ែ និងថាមពល ដោយសារកម្ពុជាមិនរោងចក្រ សម្រាប់បន្សុទ្ធមាស ក្រុមហ៊ុន Renaissance Minerals នឹងនាំចេញ រ៉ែមាសដែលជីក និងចម្រាញ់ នឹងត្រូវយកទៅបន្សុទ្ធនៅក្រៅប្រទេស ដូចជា ប្រទេសសឹង្ហបុរី និងប្រទេសអូស្ត្រាលី។ ឆ្នាំ២០២០កន្លងទៅ រាជរដ្ឋាភិបាលកម្ពុជា ទទួលបានចំណូលពីសួយសារ ឬចំណូលមិនមែនសារពើពន្ធ ពីវិស័យអាជ្ញាប័ណ្ណរ៉ែ មានចំនួន ប្រមាណ២០លានដុល្លារ ប្រហាក់ប្រហែលនឹងចំណូលប្រមូលបាន កាលពីឆ្នាំ២០១៩៕អត្ថបទ ៖ វណ្ណៈ

កសិករនៅស្វាយរៀងដាំដុះអំពៅបានជាង២ ០០០ហិកតា ទោះកន្លងមកខ្វះទីផ្សារក្ដី

ស្វាយរៀង ៖ អំពៅស្ករចំនួនជាង ២ ពាន់ហិកតាស្ថិតនៅក្នុងសហគមន៍ព្រៃតាអី ស្រុកស្វាយទាប ខេត្តស្វាយរៀង ត្រូវបានប្រជាសហគមន៍ដាំដុះឡើងវិញរួចរាល់ហើយ ក្រោយពេលប្រមូលផលមានភាពយឺតយ៉ាវ នឹងកង្វះទីផ្សារ។លោក សុខ សុខុម ប្រជាសហគមន៍ដាំអំពៅស្ករនៅឃុំព្រៃតាអី ស្រុកស្វាយទាប ខេត្តស្វាយរៀន បានប្រាប់ទូរទស្សន៍ប៊ីធ៊ីវី នៅថ្ងៃទី៩ខែមិថុនា ម្សិលមិញនេះថា បើទោះជានៅឆ្នាំនេះអំពៅស្ករប្រឈម នឹងកង្វះទីផ្សាររួមនឹងតម្លៃធ្លាក់ចុះបន្តិចតែប្រជាសហគមន៍អ្នកដាំអំពៅស្ករនៅឃុំព្រែកតាអី គិតមកដល់ចុងខែឧសភា ឆ្នាំ២០២១ នេះសម្រេចដាំបានចំនួនជាងពីរពាន់ហិកតា។ លោក បន្តថា ការងារដាំអំពៅស្ករនៅឆ្នាំនេះមានភាពយឺតយ៉ាវជាងបណ្ដាឆ្នាំមុនៗបន្តិច ដោយឆ្នាំនេះ ប្រឈមនឹងកង្វះទីផ្សារនាំចេញ, ទី២តំបន់មួយចំនួនដែលជាផ្លូវចរាចរណ៍អំពៅចេញទៅកាន់ទីផ្សារត្រូវបានរដ្ឋបាលខេត្តបិទ ដើម្បីបញ្ចៀសជំងឺកូវីដ-១៩ ឆ្លងចូលសហគមន៍ និងទី ៣ ខ្វះកម្លាំងពលកម្ម។របាយការណ៍របស់មន្ទីរកសិកម្មរុក្ខានិងប្រមាញ់ និងនេសាទខេត្ត បានឱ្យដឹងថា គិតត្រឹមចុងខែឧសភា ឆ្នាំ២០២១នេះ កសិករខេត្តស្វាយរៀង បានសម្រេចដាំអំពៅស្ករ នៅក្នុងស្រុករមាសហែក រំដួល ក្រុងបាវិត និងស្រុកស្វាយទាប បានប្រមាណជាង៦ពាន់ហិចតា រួមនិងដំណាំរួមផ្សំមួយចំនួនទៀត សម្រាប់បំរើការហូបចុកគ្រួសារ និងបំរើការនាំចេញទៅកាន់ទីផ្សារនៅឆ្នាំខាងមុខ ៕អត្ថបទ ៖ ភា សារិត

ក្រសួងពាណិជ្ជកម្ម នឹងដាក់ដំណើរការផ្សារពាណិជ្ជកម្មអេឡិចត្រូនិកជួយSMEក្នុងស្រុកលក់ផលិតផលតាមអនឡាញ

ភ្នំពេញ ៖ ក្រសួងពាណិជ្ជកម្ម គ្រោងដាក់ដំណើរការផ្សារប្រព័ន្ធអេឡិចត្រូនិក (Cambodia Trade) ក្នុងពេលឆាប់ៗខាងមុខ ក្នុងគោលបំណងដើម្បីជួយ សហគ្រាសធុនតូចនិងមធ្យមនៅកម្ពុជាដាក់លក់ផលិតផលតាមអនឡាញ។ក្រសួងពាណិជ្ជកម្ម សេចក្ដីប្រកាសកាលពីថ្ងៃទី៨ ខែមិថុនា ស្ដីពីការចុះឈ្មោះជាមុនក្នុងផ្សារពាណិជ្ជកម្មតាមប្រព័ន្ធអេឡិចត្រូនិក CambodiaTrade ស្នើឱ្យសហគ្រាសធុនតូចនិងមធ្យមនៅកម្ពុជាដែលមានបំណងចង់លក់ផលិតផលនៅលើទីផ្សារ ចុះឈ្មោះនៅក្នុងប្រព័ន្ធជាមុន។CambodiaTrade គឺជាផ្សារពាណិជ្ជកម្មតាមប្រព័ន្ធអេឡិចត្រូនិក (e-commerce marketplace) ដែលប្រតិបត្តិការតាមរយៈគេហទំព័រ CambodiaTrade.com ក្រោមការគ្រប់គ្រងរបស់ក្រសួងពាណិជ្ជកម្ម ក្នុងគោលបំណងជួយដល់សហគ្រាសធុនតូច និងមធ្យមនៅកម្ពុជាក្នុងការលក់ផលិតផលតាមប្រព័ន្ធអនឡាញដល់អតិថិជនសក្ដានុពលទាំងក្នុងស្រុក និងទីផ្សារក្រៅស្រុក។ក្រសួង បញ្ជាក់ថា ផ្សារនេះត្រូវបានបង្កើតឡើងដោយមានការគាំទ្រផ្នែកហិរញ្ញវត្ថុពីកម្មវិធីពង្រឹងក្របខណ្ឌសមាហរណកម្ម (Enhanced Integrated Framework) ក្រោមគម្រោងអភិវឌ្ឍពាណិជ្ជកម្មតាមប្រព័ន្ធអេឡិចត្រូនិកកម្ពុជា (Go4eCAM) ដែលមានគោលបំណងសំខាន់ក្នុងការជំរុញឱ្យទទួលបានអត្ថប្រយោជន៍ពីពាណិជ្ជកម្មតាមប្រព័ន្ធអេឡិចត្រូនិកសម្រាប់សហគ្រាសធុនតូច និងមធ្យម។បច្ចុប្បន្ននេះ ផ្សារត្រូវបានបើកសម្រាប់ការចុះឈ្មោះជាមុនទៅដល់សហគ្រាសធុនតូច និងមធ្យមដែលមានបំណងចង់លក់ផលិតផលនៅលើទីផ្សារ។ក្រសួង បញ្ជាក់ថា បន្ថែមថា ដើម្បីមានសិទ្ធិប្រើប្រាស់ផ្សារនេះបាន សហគ្រាសធុនតូច និងមធ្យមត្រូវតែបំពេញតាមលក្ខន្តិកៈដូចជា ១. ជាក្រុមហ៊ុន ឬសហគ្រាសដែលបានចុះឈ្មោះជាផ្លូវការជាមួយក្រសួងពាណិជ្ជកម្ម ឬមានលិខិតអនុញ្ញាតប្រកបអាជីវកម្ម ២. មានវិញ្ញាបនបត្រពន្ធប៉ាតង់ (Patent Certificate) និងលេខអត្តសញ្ញាណសារពើពន្ធ (VAT Certificate) ដែលមានសុពលភាព និង ៣. លក់ផលិតផលដែលផលិតនៅក្នុងប្រទេសកម្ពុជា៕អត្ថបទ ៖ វណ្ណៈ

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ

ភ្នំពេញ ៖ រាជរដ្ឋាភិបាលបង្កើតច្បាប់ស្តីពីអាជ្ញាធរសេវាហិរញ្ញវត្ថុមិនមែនធនាគារ ដើម្បីកំណត់អំពីការរៀបចំ និងការប្រព្រឹត្តទៅនៃអង្គភាពក្រោមឱវាទរបស់រួមមាន អគ្គលេខាធិការដ្ឋាន និយ័តករធានារ៉ាប់រងកម្ពុជា និយ័តករមូលបត្រកម្ពុជា និយ័តករសន្តិសុខសង្គម និយ័តករបរធនបាលកិច្ច និយ័តករគណនេយ្យ និងសវនកម្ម និយ័តករអាជីវកម្មអចលនវត្ថុនិងបញ្ចាំ និងអង្គភាពសវនកម្មផ្ទៃក្នុង ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ អ.ស.ហ. នៅថ្ងៃទី ៩ខែ មិថុនា ឆ្នាំ២០២១ បានដឹកនាំកិច្ចប្រជុំ “ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ” អាណត្តិទី១ លើកទី១ បន្ទាប់ពីច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារ ត្រូវបានព្រះមហាក្សត្រឡាយព្រះហស្តលេខាដាក់ឱ្យប្រើប្រាស់ នាពេលកន្លងមកនេះ ។ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ បានពិនិត្យ និងពិភាក្សា លើសេចក្តីព្រាងអនុក្រឹត្យ ស្តីពី “ការរៀបចំ និងការប្រព្រឹត្តទៅរបស់អង្គភាពក្រោមឱវាទរបស់អាជ្ញាធរសេវាហិរញ្ញវត្ថុមិនមែនធនាគារ ” អនុលោមតាមមាត្រា ១២ នៃច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារ, សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់អង្គភាពក្រោមឱវាទរបស់អាជ្ញាធរសេវាហិរញ្ញវត្ថុមិនមែនធនាគារ ត្រូវបានរៀបចំ និងតាក់តែងឡើង ក្នុងគោលដៅកំណត់អំពីការរៀបចំ និងការប្រព្រឹត្តទៅនៃអង្គភាព ក្នុងនោះ រួមមាន៖ អគ្គលេខាធិការដ្ឋាន និយ័តករធានារ៉ាប់រងកម្ពុជា និយ័តករមូលបត្រកម្ពុជា និយ័តករសន្តិសុខសង្គម និយ័តករបរធនបាលកិច្ច និយ័តករគណនេយ្យ និងសវនកម្ម និយ័តករអាជីវកម្មអចលនវត្ថុនិងបញ្ចាំ និងអង្គភាពសវនកម្មផ្ទៃក្នុង ។ក្រៅពីវារៈសំខាន់ខាងលើ ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ បានពិភាក្សា សេចក្តីព្រាងបទបញ្ជាផ្ទៃក្នុងរបស់ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ ដោយសេចក្តីព្រាងបទបញ្ជាផ្ទៃក្នុងរបស់ក្រុមប្រឹក្សានៃ អ.ស.ហ. ត្រូវបានរៀបចំឡើងក្នុងគោលដៅធានាឱ្យដំណើរការ និងការប្រព្រឹត្តទៅនៃកិច្ចប្រជុំរបស់ក្រុមប្រឹក្សា អ.ស.ហ. ធ្វើឡើងដោយរលូន និងប្រកបដោយប្រសិទ្ធភាពខ្ពស់ ដើម្បីបំពេញមុខងារ និងភារកិច្ច ដូចមានចែងក្នុងច្បាប់ស្តីពីការរៀបចំ និងការប្រព្រឹត្តទៅនៃ អ.ស.ហ. និងបទប្បញ្ញត្តិពាក់ព័ន្ធជាធរមាន។សូមបញ្ជាក់ថា បទបញ្ជាផ្ទៃក្នុង របស់អាជ្ញាធរសេវាហិរញ្ញវត្ថុមិនមែនធនាគារ មាន ៣ ជំពូក និង ១២ ប្រការ ដោយចែងអំពីខ្លឹមសារសំខាន់ៗ រួមមានលក្ខខណ្ឌ និងបែបបទនៃកិច្ចប្រជុំ, ការកំណត់កូរ៉ុម និងនីតិវិធីនៃការអនុម័តលើរបៀបវារៈ ព្រមទាំងការឈប់សម្រាកជាដើម៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ស្នងការសហភាពអឺរ៉ុប៖សេដ្ឋកិច្ចតំបន់ចាយប្រាក់អឺរ៉ូបង្ហាញពីភាពធន់ ប៉ុន្តែកំណើននឹងថយចុះនៅឆ្នាំក្រោយ

លោក ពូទីន លើកឡើងថា មេដឹកនាំអឺរ៉ុបមួយចំនួនកំពុង «ត្រៀមខ្លួនធ្វើសង្គ្រាម» ជាមួយរុស្ស៊ី

នាយករដ្ឋមន្ត្រីនេប៉ាល់ ប្តេជ្ញាផ្តល់អាទិភាពដល់ប្រព័ន្ធជូនដំណឹងជាមុនអំពីគ្រោះមហន្តរាយ

ពិព័រណ៍ “សួស្តី ឥណ្ឌូនេស៊ី ឆ្នាំ២០២៦” ជំរុញការផ្សព្វផ្សាយផលិតផលនិងពង្រឹងពាណិជ្ជកម្មទ្វេភាគីឥណ្ឌូនេសីនិងកម្ពុជា

ការកើនឡើងនៃការប្រយុទ្ធគ្នានៅយេម៉ែន បានបង្ខំឱ្យមនុស្សរាប់ម៉ឺននាក់ភៀសខ្លួនចេញពីលំនៅឋាន

UN ៖ជម្លោះដែលកំពុងកើនឡើងនៅកុងហ្គោ ភាគខាងកើត បានបង្ខំឱ្យជនស៊ីវិលជាង ៧០.០០០ នាក់ភៀសខ្លួន

ឯកឧត្តម ហ៊ុន ម៉ានី អញ្ជើញចូលរួមសម្ពោធទីស្នាក់ការគណបក្សឃុំស្វាយរំពារ ខេត្តកំពង់ស្ពឺ

ឧត្តមសេនីយ៍ឯក យឹម លាង បញ្ជាក់ពីផែនការការពារសន្តិសុខនៃសន្និសីទអន្ដរជាតិ ស្ដីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា

[UPDATE] ឥណ្ឌូនេស៊ីស្រង់សាកសពបីនាក់បន្ថែមទៀត ខណៈ១២៦នាក់នៅតែបាត់ខ្លួនក្នុងករណីលិចនាវាចម្លងដឹកអ្នកដំណើរ

សម្ដេចតេជោ បង្ហាញចំណាប់អារម្មណ៍ទៅលើអត្ថបទរបស់អ្នកវិភាគថៃ ក្រោមចំណងជើងថា «ស្កប់ចិត្ត តែនៅមិនឈ្នះ!»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ក្រុមហ៊ុនជប៉ុន Yamato Green បង្ហាញគម្រោងវិនិយោគលើផលិតផលកសិកម្មនៅកម្ពុជា

ក្រសួងឧស្សាហកម្ម ជំរុញលើកកម្ពស់ផលិតភាពសហគ្រាសធនតូចនិងមធ្យម

ការបង្កបង្កើនផលស្រូវរដូវវស្សានៅខេត្តកំពត សម្រេចបាន៥៧ភាគរយ

ទុរេនស្រុកសំឡូត ត្រូវបានផ្ដល់ QR Code ដើម្បីទប់ស្កាត់ការលួចបន្លំអត្តសញ្ញាណ

សិប្បកម្មកែច្នៃគ្រាប់ស្វាយចន្ទីគ្រោងបង្កើនសមត្ថភាពកែច្នៃគ្រាប់ស្វាយចន្ទី៣ពាន់តោន ក្នុងមួយឆ្នាំ

កំពង់ផែស្វយ័តភ្នំពេញ រកចំណូលបានជាង១២លានដុល្លារ កើន១០ភាគរយក្នុងរយៈពេលប្រាំខែ

ឧស្សាហកម្មរ៉ែមាស នឹងផ្ដល់ចំណូលចូលថវិកាជាតិប្រមាណ៤០លានដុល្លារក្នុងមួយឆ្នាំ

កសិករនៅស្វាយរៀងដាំដុះអំពៅបានជាង២ ០០០ហិកតា ទោះកន្លងមកខ្វះទីផ្សារក្ដី

ក្រសួងពាណិជ្ជកម្ម នឹងដាក់ដំណើរការផ្សារពាណិជ្ជកម្មអេឡិចត្រូនិកជួយSMEក្នុងស្រុកលក់ផលិតផលតាមអនឡាញ

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ក្រុមហ៊ុន​ជប៉ុន Yamato Green បង្ហាញ​គម្រោង​វិនិយោគ​លើ​ផលិតផល​កសិកម្ម​​នៅ​កម្ពុជា​

ក្រសួង​ឧស្សាហកម្ម ជំរុញ​លើក​កម្ពស់​ផលិតភាព​សហគ្រាស​ធន​តូច​និង​មធ្យម

ការ​បង្កបង្កើនផល​ស្រូវ​រដូវវស្សា​នៅ​ខេត្តកំពត ​សម្រេចបាន​៥៧​ភាគរយ

ទុរេន​ស្រុក​សំឡូត ត្រូវ​បាន​ផ្ដល់ QR Code ​ដើម្បី​ទប់ស្កាត់​ការ​លួច​បន្លំ​អត្តសញ្ញាណ​

កំពង់ផែ​ស្វយ័ត​ភ្នំពេញ​ រកចំណូលបាន​ជាង​១២​លាន​ដុល្លារ កើន​១០​ភាគរយ​ក្នុង​រយៈពេល​ប្រាំ​ខែ​

ឧស្សាហកម្ម​រ៉ែ​មាស ​នឹង​ផ្ដល់​ចំណូល​ចូល​ថវិកា​ជាតិប្រមាណ​៤០​លាន​ដុល្លារ​ក្នុង​មួយ​ឆ្នាំ

កសិករ​នៅ​ស្វាយរៀង​ដាំ​ដុះ​អំពៅ​បាន​ជាង២ ០០០​ហិកតា​ ទោះ​កន្លងមក​ខ្វះ​ទីផ្សារ​ក្ដី

រាជរដ្ឋាភិបាល​បង្កើត​ច្បាប់​ថ្មី ដើម្បី​កំណត់​រៀបចំ​សេវា​ហិរញ្ញវត្ថុ​មិនមែន​ធនាគារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមហ៊ុនជប៉ុន Yamato Green បង្ហាញគម្រោងវិនិយោគលើផលិតផលកសិកម្មនៅកម្ពុជា

ក្រសួងឧស្សាហកម្ម ជំរុញលើកកម្ពស់ផលិតភាពសហគ្រាសធនតូចនិងមធ្យម

ការបង្កបង្កើនផលស្រូវរដូវវស្សានៅខេត្តកំពត សម្រេចបាន៥៧ភាគរយ

ទុរេនស្រុកសំឡូត ត្រូវបានផ្ដល់ QR Code ដើម្បីទប់ស្កាត់ការលួចបន្លំអត្តសញ្ញាណ

កំពង់ផែស្វយ័តភ្នំពេញ រកចំណូលបានជាង១២លានដុល្លារ កើន១០ភាគរយក្នុងរយៈពេលប្រាំខែ

ឧស្សាហកម្មរ៉ែមាស នឹងផ្ដល់ចំណូលចូលថវិកាជាតិប្រមាណ៤០លានដុល្លារក្នុងមួយឆ្នាំ

កសិករនៅស្វាយរៀងដាំដុះអំពៅបានជាង២ ០០០ហិកតា ទោះកន្លងមកខ្វះទីផ្សារក្ដី

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ