BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

រដ្ឋមន្ត្រីក្រសួងព័ត៌មាន៖ សម្ដេចតេជោ ហ៊ុន សែន ប្រកាសមិនឲ្យយកលុយពីទូរទស្សន៍បរទេសនានាដែលផ្សាយពីស៊ីហ្គេម នៅកម្ពុជាទេ

ភ្នំពេញ៖ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានប្រកាសតាមFacebookផ្ទាល់ខ្លួន នៅព្រឹកថ្ងៃទី៣១ ខែមីនា ឆ្នាំ២០២៣នេះថា សម្តេចតេជោ ហ៊ុន សែន នាយករដ្ឋមន្ត្រី បានប្រកាសមិនឱ្យយកលុយសម្រាប់ការផ្សាយបន្តទៅក្រៅប្រទេស ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ដែលនឹងប្រព្រឹត្តិទៅនៅកម្ពុជានាពេលខាងមុខនេះទេ។ការសម្រេចរបស់សម្តេចដូច្នេះ បានធ្វើឡើងក្នុងសម័យប្រជុំពេញអង្គគណៈរដ្ឋមន្ត្រីនាព្រឹកថ្ងៃទី៣១ ខែមីនា ឆ្នាំ២០២៣នេះ នៅវិមានសន្តិភាព។ឯកឧត្ដម រដ្ឋមន្ត្រីក្រសួងព័ត៌មានបានសរសេរថា សម្ដេចតេជោ បានប្រកាសឲ្យទាំងប្រជាជនខ្មែរ ទាំងជនជាតិបរទេស មានសិទ្ធិចូលទស្សនាកីឡាស៊ីហ្គេម ដោយមិនបង់លុយអីទាំងអស់ ។ សហព័ន្ធកីឡាដែលចូលរួមក៏មិនត្រូវបង់លុយដែរ។ ឯការសផ្សាយរបស់ទូរទស្សន៍បរទេសនានាត្រូវទម្លាក់ថ្លៃ ឬក៏ឲ្យផ្សាយបន្ត ដោយមិនយកលុយតែម្ដង ព្រោះសំខាន់គឺផ្សាយពីប្រទេសកម្ពុជាយើង។សម្តេចតេជោ ហ៊ុនសែន បានប្រកាសថា «ពិតមែនតែចូលមើលស៊ីហ្កេមមិនយកលុយ តែសំបុត្រត្រូវតែមាន ដើម្បីដឹងកន្លែងអង្គុយ និងច្រកចេញចូល»៕

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី៣១ ខែមីនា ឆ្នាំ២០២៣នេះ បានដឹកនាំប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងរបៀបវារៈដូចខាងក្រោម៖១. សេចក្តីព្រាងផែនការជាតិទសវត្សរ៍សកម្មភាពសុវត្ថិភាពចរាចរណ៍ផ្លូវគោក ឆ្នាំ២០២១-២០៣០២. សេចក្តីព្រាងច្បាប់ស្តីពីសារពើពន្ធ៣. សេចក្តីព្រាងច្បាប់ស្តីពីលទ្ធកម្មសាធារណៈ៤. ការអភិវឌ្ឍគម្រោងវារីអគ្គិសនីស្ទឹងឬស្សីជ្រុំកណ្ដាលអានុភាព ៧០មេហ្គាវ៉ាត់ នៅស្រុកមណ្ឌលសីមា និងគម្រោងវារីអគ្គិសនីស្ទឹងវាលថ្មកំបុតអានុភាព ១០០មេហ្គាវ៉ាត់ នៅស្រុកថ្មបាំង ខេត្តកោះកុង ផ្គួបគ្នា៥. គម្រោងវិនិយោគស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព១៥០មេហ្គាវ៉ាត់ ខេត្តពោធិ៍សាត់, អានុភាព៦០មេហ្គាវ៉ាត់ ខេត្តកំពង់ឆ្នាំង, អានុភាព ៦០មេហ្គាវ៉ាត់ ខេត្តស្វាយរៀង និងអានុភាព ៨០មេហ្គាវ៉ាត់ ខេត្តព្រៃវែង៦. បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីពាណិជ្ជកម្មតាមព្រំដែន រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម៕

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

ភ្នំពេញ ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី៣០ ខែមីនា ឆ្នាំ ២០២៣នេះ បានដាក់ចេញបទបញ្ជាមិនឱ្យមានការលក់សំបុត្រចំពោះការចូលទស្សនា ការប្រកួតកីឡាស៊ីហ្គេមលើកទី៣២នោះឡើយ ដោយសម្ដេចប្រកាសអនុញ្ញាតឱ្យប្រជាពលរដ្ឋចូលទស្សនាដោយសេរី។ការចេញបទបញ្ជារបស់សម្តេចតេជោ ហ៊ុន សែន នាពេលនេះ បន្ទាប់ពីសម្ដេចតេជោទទួលបានព័ត៌មានតាមរយៈសម្ដេចពិជ័យសេនា ទៀ បាញ់ ឧបនាយករដ្ឋមន្រ្ដី រដ្ឋមន្រ្ដីក្រសួងការពារជាតិថាមានការផ្សព្វផ្សាយថាមានការលក់សំបុត្រចូលទស្សនាក្នុងពេលពិធីបើក និងពិធីបិទ កីឡាស៊ីហ្គេមនៅកម្ពុជា។សម្ដេចតេជោមានប្រសាសន៍ថា រាជរដ្ឋាភិបាលបានចំណាយប្រាក់ទាំងមូលដ្ឋានសម្ភារៈបច្ចេកទេស ក៏ដូចជាជំនួយពីមិត្តចិនសម្រាប់ការកសាងនូវមូលដ្ឋាននៃការប្រកួត ព្រមទាំងចំណាយនូវធនធានជាច្រើនដើម្បីកសាងហេដ្ឋារចនាសម្ព័ន្ធដទៃទៀតរាប់រយលានដុល្លារ និងបានចំណាយពេលជាច្រើនឆ្នាំទម្រាំកើតចេញជារូបរាងនៃការប្រកួត កីឡាស៊ីហ្គេមលើកទី៣២ នៅកម្ពុជា។សម្ដេចតេជោបានបញ្ជាក់ថា ករណីនេះមិនមែនជាកំហុសរបស់សម្ដេចពិជ័យសេនា ទៀ បាញ់ នោះឡើយ ប៉ុន្ដែសម្ដេចតេជោ បញ្ជាក់ថានឹងរកអ្នកដែលទទួលខុសត្រូវលើការផ្សព្វផ្សាយពីការលក់សំបុត្រសម្រាប់ទស្សនាពេលពិធីបើក និងបិទកីឡាស៊ីហ្គេមនេះ ដែលកត្តានេះជាការទទួលខុសត្រូវរបស់រាជរដ្ឋាភិបាលចំពោះមុខប្រជាជន ដែលកម្ពុជាបានរងចាំអស់រយៈពេល ៤៤ ឆ្នាំ និងចំណាយធនធានអស់យ៉ាងច្រើនទាំងពេលវេលា និងថវិកាដើម្បីកើតចេញជារូបរាងនៃការប្រកួតដ៏អស្ចារ្យមួយនេះ។សម្ដេចតេជោបញ្ជាក់ថា គ្មានការបង់ប្រាក់ណាមួយ សម្រាប់ប្រជាជនចូលទៅទស្សនាក្នុងពិធីបើក-បិទ និង ទស្សនាគ្រប់វិញ្ញាសារនៃការប្រកួតនៃព្រឹត្តិការណ៍កីឡាស៊ីហ្គេមលើកទី៣២ នៅកម្ពុជានោះឡើយ។គួរបញ្ជាក់ថា ថ្ងៃទី៣០ មីនា ឆ្នាំ២០២៣នេះ គឺនៅសល់តែ ៣៦ ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី ១២ (12th ASEAN Para Games) ដែលកម្ពុជាធ្វើជាម្ចាស់ផ្ទះឆ្នាំ២០២៣នេះ៕ អត្ថបទ ៖ វ៉ន ដារ៉ា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី៣០ ខែមីនា ឆ្នាំ ២០២៣នេះ បានដាក់ចេញបទបញ្ជា មិនឱ្យមានការលក់សំបុត្រចំពោះការចូលទស្សនាការប្រកួតកីឡាស៊ីហ្គេម លើកទី៣២ នោះឡើយ គឺអនុញ្ញាតឱ្យប្រជាពលរដ្ឋចូលទស្សនាដោយសេរី។

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី៣០ ខែមីនា ឆ្នាំ២០២៣នេះ បានសរសេរលើបណ្តាញសង្គមFacebook ដោយសម្តែងក្តីសោកសង្រេងចំពោះមរណភាពមនុស្សចុងក្រោយ ជំនាន់ឪពុក-ម្តាយសម្តេច ដែលមានជម្មាយុ ១០២ឆ្នាំ។ សម្តេចតេជោ ហ៊ុន សែន បញ្ជាក់ថា“ប្អូនប្រុសម្តាយខ្ញុំឈ្មោះឌី បូ បានទទួលមរណភាព កាលពីម៉ោង១១ និង៤៥នាទី ថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ”។ សម្តេចតេជោ ហ៊ុន សែន បញ្ជាក់ថា ល្ងាចថ្ងៃទី៣១ ខែមីនាស្អែកនេះ សម្តេចនឹងទៅដុតធូបដើម្បីគោរពវិញ្ញាណក្ខន្ធ និងជូនដំណើរចុងក្រោយចំពោះមរណភាពលោកពូសម្តេច៕

មនុស្សច្រើននាក់ត្រូវបានបារម្ភថាបានស្លាប់ បន្ទាប់ពីឧទ្ធម្ភាគចក្រពីរគ្រឿងរបស់កងទ័ពអាមេរិកធ្លាក់អំឡុងពេលហ្វឹកហាត់

អាមេរិក៖ ឧទ្ធម្ភាគចក្រ Black Hawk ពីរគ្រឿងរបស់កងទ័ពសហរដ្ឋអាមេរិកបានធ្លាក់ អំឡុងពេលបេសកកម្មហ្វឹកហាត់នៅរដ្ឋ Kentucky កាលពីយប់ថ្ងៃពុធ។ អភិបាលរដ្ឋ Kentucky លោក Andy Beshear បាននិយាយនៅលើបណ្តាញ Twitter ថា ចំនួនអ្នកស្លាប់ក្នុងឧបត្តិហេតុត្រូវបានរំពឹងទុក ហើយនគរបាលរដ្ឋ Kentucky និងផ្នែកគ្រប់គ្រងគ្រាអាសន្នរដ្ឋកំពុងឆ្លើយតបចំពោះគ្រោះថ្នាក់នេះ។ ស្ថានីយវិទ្យុក្នុងតំបន់រាយការណ៍ថា ទាហានអាមេរិកម្នាក់នៅកន្លែងកើតហេតុបានបញ្ជាក់ថា មានអ្នកស្លាប់ជាច្រើននាក់។

សម្តេចតេជោ ហ៊ុន សែន នឹងអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅព្រឹកស្អែកនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅព្រឹកថ្ងៃទី៣០ ខែមីនាស្អែកនេះ។ សិក្ខាកាម និងនិស្សិតដែលទទួលវិញ្ញាបនបត្រ និងសញ្ញាបត្រនេះ មានចំនួនសរុបចំនួន ៦,០៥១នាក់ ស្រី ៣,៨៩៥នាក់។ វិទ្យាស្ថានជាតិពាណិជ្ជសាស្ដ្រ ត្រូវបានបង្កើតឡើងក្នុងឆ្នាំ១៩៧៩ មានឈ្មោះថា «សាលាបច្ចេកទេសពាណិជ្ជកម្មមជ្ឈិម» ស្ថិតក្រោមឱវាទក្រសួងពាណិជ្ជកម្ម។ នៅឆ្នាំ១៩៨៥ ត្រូវបានប្ដូរឈ្មោះមកជាសាលាមធ្យមសិក្សាឯកទេសពាណិជ្ជកម្ម។ នៅឆ្នាំ១៩៩៤ ត្រូវបានផ្ទេរមកនៅក្រោមការគ្រប់គ្រងរបស់ក្រសួងអប់រំ យុវជន និងកីឡា ហើយនៅឆ្នាំ២០០១ បានប្តូរឈ្មោះមកជា វិទ្យាស្ថានជាតិពាណិជ្ជសាស្ដ្រ។ចាប់ពីឆ្នាំ២០០៤ វិទ្យាស្ថានជាតិពាណិជ្ជសាស្រ្ត ត្រូវបានផ្ទេរមកស្ថិតនៅក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ វិទ្យាស្ថាននេះ មានភារកិច្ចបណ្តុះបណ្តាលសិក្ខាកាម សិស្ស និស្សិត លើផ្នែកធុរកិច្ច និងសេវាកម្ម ចាប់ពីរយៈពេលខ្លី រហូតដល់រយៈពេលវែង ទាំងនិស្សិតអាហារូបករណ៍របស់រដ្ឋ និងនិស្សិតបង់ថ្លៃសិក្សា។ វិទ្យាស្ថានមានគណៈគ្រប់គ្រងសាស្រ្តាចារ្យ និងបុគ្គលិកខ្មែរ-បរទេសជាប់កិច្ចសន្យា សរុបចំនួន ១៤៥នាក់ ស្រី ៣៧នាក់ ដែលក្នុងនោះមានកម្រិតថ្នាក់បណ្ឌិតចំនួន០៣នាក់ ស្រី ១នាក់ កម្រិតថ្នាក់បរិញ្ញាបត្រជាន់ខ្ពស់ចំនួន ៩០នាក់ ស្រី ១៧នាក់ កម្រិតថ្នាក់បរិញ្ញាបត្រ/វិស្វករ ចំនួន ២២នាក់ ស្រី ៦នាក់ និងកម្រិតក្រោមបរិញ្ញាបត្រ ចំនួន ៣០នាក់ ស្រី១៣នាក់។ចាប់តាំងពីឆ្នាំ១៩៨៥ ដល់បច្ចុប្បន្ន វិទ្យាស្ថានបានបណ្តុះបណ្តាលសិក្ខាកាម សិស្ស និស្សិត បានសរុបចំនួន ២៣,៨៨៣នាក់ នារី ១០,១៦៣នាក់។ ក្នុងនោះមាននិស្សិតអាហារូបករណ៍របស់សម្តេចតេជោមានចំនួន ៨៣០នាក់។ សិស្ស និស្សិតកំពុងសិក្សាមានសរុបចំនួន ៥,០៦១នាក់ នារី ៣,៤៦៨នាក់។ សិក្ខាកាម សិស្ស និស្សិត ដែលបានបញ្ចប់ការសិក្សាទទួលបានការងារធ្វើ ៩៩,៣៦ភាគរយ៕

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

អាមេរិក៖ យោងតាមបណ្ណាសារជាតិនៃអំពើហិង្សាដោយកាំភ្លើងបានឲ្យដឹងថា រហូតមកដល់ពេលនេះមានការបាញ់ប្រហារទ្រង់ទ្រាយធំចំនួន ១២៩លើកនៅសហរដ្ឋអាមេរិកក្នុងឆ្នាំ២០២៣។ កាលពីថ្ងៃចន្ទ ជនរងគ្រោះ ៦នាក់រួមមានកុមារ ៣នាក់ ហើយអ្នកបាញ់ប្រហារត្រូវបានគេកំណត់អត្តសញ្ញាណ បន្ទាប់ពីការបាញ់រះនៅសាលាបឋមសិក្សាមួយកន្លែងក្នុងទីក្រុង Nashville រដ្ឋ Tennessee សហរដ្ឋអាមេរិក ជាការបាញ់ប្រហារទ្រង់ទ្រាយធំលើកទី១២៩ របស់ប្រទេសនេះក្នុងឆ្នាំ២០២៣។ ការបាញ់ប្រហារទ្រង់ទ្រាយធំមួយត្រូវបានគេកំណត់ថា ជាឧប្បត្តិហេតុដែលមានជនរងគ្រោះ ៤នាក់ ឬច្រើននាក់ត្រូវបានបាញ់សម្លាប់។ ការបាញ់ប្រហារទាំងនេះបានបណ្តាលឱ្យមនុស្សស្លាប់ ១៩៣នាក់ និងរងរបួស ៤៩៣នាក់។ អំពើហិង្សាដោយកាំភ្លើងជាសរុបបណ្ដាលឲ្យមនុស្ស ៩,៨៧០នាក់ស្លាប់នៅសហរដ្ឋអាមេរិកគិតត្រឹមថ្ងៃចន្ទ រួមមានទាំងក្មេងជំទង់ និងកុមារចំនួន ៣៩៨នាក់។ យោងតាមមជ្ឈមណ្ឌលគ្រប់គ្រង និងបង្ការជំងឺបានឲ្យដឹងថា អំពើហិង្សាដោយអាវុធបានកើនលើសពីគ្រោះថ្នាក់ចរាចរណ៍ ខណៈជាមូលហេតុនាំមុខគេនៃការស្លាប់របស់កុមារអាមេរិកនៅឆ្នាំ២០២០។ កាលពីឆ្នាំ២០២១ មានកុមារជាង ៣,៥៩៧នាក់បានស្លាប់ដោយអាវុធ៕អត្ថបទ៖ ប៊ុនថន

ជនអន្តោប្រវេសន៍ដែលមានកំហឹងតវ៉ាចំពោះហេតុការណ៍អគ្គិភ័យនៅម៉ិកស៊ិកបណ្តាលឲ្យមនុស្សជិត ៤០នាក់ស្លាប់

ម៉ិកស៊ិក៖ ជនអន្តោប្រវេសន៍ និងសកម្មជនបានទាមទាររកយុត្តិធម៌កាលពីថ្ងៃអង្គារ ឲ្យជនអន្តោប្រវេសន៍យ៉ាងតិច ៤០នាក់ដែលបានស្លាប់នៅក្នុងគ្រោះអគ្គិភ័យ នៅក្នុងមណ្ឌលឃុំឃាំងជនអន្តោប្រវេសន៍ក្នុងទីក្រុង Ciudad Juarez ភាគខាងជើងប្រទេសម៉ិកស៊ិក។ ក្រុមមន្ត្រីបាននិយាយកាលពីថ្ងៃអង្គារថា ជនអន្តោប្រវេសន៍ដែលមានកំហឹង និងសកម្មជនគាំទ្រការធ្វើអន្តោប្រវេសន៍ បានប្រមូលផ្តុំគ្នានៅខាងក្រៅស្ថានីយអន្តោប្រវេសន៍ក្នុងទីក្រុង Ciudad Juarez ជាកន្លែងដែលជនអន្តោប្រវេសន៍មកពីអាមេរិកកណ្តាល និងខាងត្បូងបានស្លាប់ បន្ទាប់ពីអគ្គិភ័យបានឆាបឆេះកាលពីល្ងាចថ្ងៃចន្ទ ទី២៧ ខែមីនា ដែលទំនងជាបណ្តាលមកពីការតវ៉ាជុំវិញការនិរទេស។ ពួកគេនៅទីនោះរយៈពេលមួយខែ។ ពួកគេបានស្រែកដោយភាពស្រេកឃ្លាន ដោយសារតែក្រុមមន្ត្រីមិនបានផ្តល់អាហារដល់ពួកគេ។ ជនអន្តោប្រវេសន៍មកពីប្រទេសវេណេហ្ស៊ុយអេឡា ដែលបានចូលរួមការតវ៉ាបាននិយាយថា វាមិនយុត្តិធម៌នោះទេ។ រដ្ឋមន្ត្រីការបរទេសប្រទេសអាមេរិកកណ្តាល លោក Mario Bucaro បាននិយាយកាលពីថ្ងៃអង្គារថា យ៉ាងហោចណាស់ជនរងគ្រោះ ២៨នាក់ក្នុងចំណោមជនរងគ្រោះដែលបានស្លាប់គឺមកពីប្រទេសហ្គាតេម៉ាឡា ហើយយោងតាមអនុរដ្ឋមន្ត្រីការបរទេសរបស់ប្រទេសនេះបានឲ្យដឹងថា ១៣នាក់ទៀតផ្សេងទៀតជាជនជាតិហុងឌុយរ៉ាស។ វិទ្យាស្ថានទេសន្តរប្រវេសន៍ជាតិម៉ិកស៊ិក (INM) បាននិយាយថា ក្រៅពីមនុស្ស ៤០នាក់ដែលបានស្លាប់ មនុស្ស ២៨នាក់ផ្សេងទៀតត្រូវបានបញ្ជូនទៅកាន់មន្ទីរពេទ្យ បន្ទាប់ពីបានរងរបួសនៅក្នុងអគ្គិភ័យនេះ ដែលមន្ត្រីបាននិយាយថា មនុស្សទាំងអស់សុទ្ធតែជាបុរសពេញវ័យ។ ប្រធានាធិបតីម៉ិកស៊ិកលោក Andres Manuel Lopez Obrador បាននិយាយថា អាជ្ញាធរជឿថា អគ្គិភ័យនៅក្នុងទីក្រុងទល់មុខទីក្រុង El Paso រដ្ឋតិចសាស់បានផ្ទុះឡើងនៅម៉ោង ៩ និង៣០នាទីយប់ម៉ោងក្នុងតំបន់ ខណៈជនអន្តោប្រវេសន៍មួយចំនួនបានដុតពូកក្នុងការតវ៉ា បន្ទាប់ពីបានដឹងថា ពួកគេនឹងត្រូវនិរទេស។ អគ្គិភ័យជាគ្រោះមហន្តរាយធ្ងន់ធ្ងរបំផុតដែលបានកើតឡើងនៅប្រទេសនេះ ក្នុងរយៈពេលច្រើនឆ្នាំមកនេះបានកើតឡើង ខណៈសហរដ្ឋអាមេរិក និងម៉ិកស៊ិកកំពុងប្រយុទ្ធ ដើម្បីទប់ស្កាត់កម្រិតកើនឡើងខ្ពស់នៃការឆ្លងកាត់ព្រំដែន៕អត្ថបទ៖ ប៊ុនថន

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់

អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃអង្គារបាននិយាយថា លោកមានការព្រួយបារម្ភអំពីលទ្ធភាពដែលថា រុស្ស៊ីនឹងបញ្ជូនអាវុធនុយក្លេអ៊ែរតាក់ទិកទៅកាន់ប្រទេសបេឡារុស។ លោក Biden បានថ្លែងទៅកាន់អ្នកសារព័ត៌មាននៅសេតវិមានថា «ពួកគេពុំទាន់បានធ្វើរឿងនោះនៅឡើយទេ» ប៉ុន្តែលោកបាននិយាយថា នោះជាការនិយាយដ៏គ្រោះថ្នាក់ដែលលោក Putin កំពុងប្រើ ហើយវាជារឿងគួរឱ្យព្រួយបារម្ភ។ ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃសៅរ៍ ទី២៥ ខែមីនាបាននិយាយថា រុស្ស៊ីមានកិច្ចព្រមព្រៀងជាមួយប្រទេសជិតខាងបេឡារុស ដើម្បីដាក់មូលដ្ឋានអាវុធនុយក្លេអ៊ែរតាក់ទិកនៅលើទឹកដីរបស់ប្រទេសនេះ។ ប្រទេសបេឡារុសកាលពីថ្ងៃអង្គារបានអះអាងថា ខ្លួននឹងទទួលអាវុធនុយក្លេអ៊ែរតាក់ទិករបស់រុស្ស៊ី ដោយនិយាយថា ការសម្រេចចិត្តនេះគឺជាការឆ្លើយតបទៅនឹងសម្ពាធជាច្រើនឆ្នាំមកហើយ របស់ប្រទេសលោកខាងលិចរួមមានទាំងការដាក់ទណ្ឌកម្ម និងអ្វីដែលខ្លួនបាននិយាយថា ជាការបង្កើនយោធាដោយសមាជិកសម្ព័ន្ធយោធាណាតូនៅជិតព្រំដែនរបស់ខ្លួន។ ទោះបីជាលោក Putin មិនបាននិយាយថា ការដាក់ពង្រាយនឹងធ្វើឡើងនៅពេលណាក៏ដោយ ក៏ការប្រកាសនេះទំនងជាត្រួសត្រាយផ្លូវ សម្រាប់ការដាក់ពង្រាយអាវុធនុយក្លេអ៊ែរលើកដំបូងរបស់ទីក្រុងមូស្គូ នៅខាងក្រៅព្រំដែនរបស់ខ្លួនចាប់តាំងពីការដួលរលំសហភាពសូវៀតឆ្នាំ១៩៩១៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

ជនអន្តោប្រវេសន៍ដែលមានកំហឹងតវ៉ាចំពោះហេតុការណ៍អគ្គិភ័យនៅម៉ិកស៊ិកបណ្តាលឲ្យមនុស្សជិត ៤០នាក់ស្លាប់

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

​​សម្តេចតេជោបញ្ជាមិនឱ្យលក់សំបុត្រ​និងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន​ ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់​ក្នុង​អំពើហិង្សា​ដោយ​កាំភ្លើង​នៅ​អាមេរិក​លើស​ពី ​៩,៨០០​នាក់​ក្នុង​ឆ្នាំ​២០២៣

លោក Biden៖ ផែនការ​ដាក់​អាវុធនុយក្លេអ៊ែរ​តាក់​ទិ​កនៅ​បេឡា​រុស​របស់លោក Putin ជាការ​និយាយ​ដ៏​គ្រោះថ្នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោបញ្ជាមិនឱ្យលក់សំបុត្រនិងប្រកាសបើកទស្សនាដោយសេរីការប្រកួតកីឡាស៊ីហ្គេមនៅកម្ពុជា

[BREAKING NEWS] សម្ដេចតេជោ ហ៊ុន សែន ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់