BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង

ក្រិក៖ ក្រុមអ្នកតវ៉ាបានប៉ះទង្គិចជាមួយនគរបាលនៅទីក្រុង Athens កាលពីថ្ងៃពុធ បន្ទាប់ពីបានធ្វើបាតុកម្មនៅខាងក្រៅការិយាល័យរបស់ប្រតិបត្តិករក្រុមហ៊ុនរថភ្លើង Hellenic Train។នគរបាលបានបានបាញ់ឧស្ម័នបង្ហូរទឹកភ្នែកទៅលើក្រុមអ្នកតវ៉ាគប់ដុំថ្ម ដែលបានដុតភ្លើងបង្កអគ្គិភ័យនៅតាមផ្លូវ។ រថភ្លើងដឹកអ្នកដំណើរប្រទេសក្រិកមួយគ្រឿងបានបុកគ្នា ជាមួយរថភ្លើងដឹកទំនិញមួយគ្រឿងផ្សេងទៀតកាលពីល្ងាចថ្ងៃអង្គារនៅជិតទីក្រុង Larissa ភាគខាងជើងបណ្តាលឲ្យទូរថភ្លើងទាំងអស់ភ្លាត់ចេញពីផ្លូវដែក និងបានក្រឡាប់បណ្តាលមនុស្សយ៉ាងហោចណាស់ ៤៣នាក់ស្លាប់ភាគច្រើនជាសិស្ស។ ក្រុមមន្ត្រីបាននិយាយថា ចំនួនអ្នកស្លាប់ត្រូវបានគេរំពឹងថានឹងកើនឡើងបន្ថែមទៀត ខណៈសីតុណ្ហភាពនៅក្នុងទូរថភ្លើងមួយបានកើនឡើងដល់ ១,៣០០អង្សាសេ បន្ទាប់ពីវាត្រូវបានហ៊ុមព័ទ្ធដោយអណ្តាតភ្លើង។ ក្រុមហ៊ុន Hellenic Train ជាអង្គភាពមួយរបស់ក្រុមហ៊ុនហ្វឺរ៉ូវី ដេឡូស្តាតូ (Ferrovie dello Stato) របស់ប្រទេសអ៊ីតាលី ដែលបានទទួលធ្វើប្រតិបត្តិការដឹកជញ្ជូនអ្នកដំណើរ និងដឹកជញ្ជូនទំនិញបាននិយាយថា ខ្លួនកំពុងធ្វើការជាមួយអាជ្ញាធរស៊ើបអង្កេតគ្រោះថ្នាក់នេះ។មន្ត្រីនគរបាលម្នាក់បាននិយាយថា ប្រធានស្ថានីយក្នុងតំបន់ទទួលបន្ទុកផ្នែកសញ្ញាត្រូវបានចាប់ខ្លួន និងចោទប្រកាន់ពីបទបង្កឱ្យមានមនុស្សស្លាប់ និងរបួសដោយការធ្វេសប្រហែស។ អ្នកនាំពាក្យរដ្ឋាភិបាលម្នាក់និយាយថា រថភ្លើងទាំងពីរគ្រឿងបានកំពុងរត់នៅលើផ្លូវតែមួយជាច្រើនគីឡូម៉ែត្រមុនពេលបុកគ្នា។ រដ្ឋមន្ត្រីក្រសួងដឹកជញ្ជូនលោក Kostas Karamanlis បានដាក់ពាក្យលាលែងពីតំណែងដោយនិយាយថា លោកទទួលខុសត្រូវចំពោះការខកខានជាយូរមកហើយរបស់រដ្ឋ ក្នុងការជួសជុលប្រព័ន្ធផ្លូវដែក។ យោងតាមទិន្នន័យរបស់ក្រុមហ៊ុនរថភ្លើង Hellenic Train បានឱ្យដឹងថា រថភ្លើងដឹកអ្នកដំណើរ ៣៤២នាក់ និងបុគ្គលិក ១០នាក់ ខណៈបុគ្គលិក ២នាក់នៅលើរថភ្លើងដឹកទំនិញ។ មន្ត្រីពន្លត់អគ្គិភ័យនិយាយថា អ្នកដំណើរ ៦៥នាក់ដែលអ្នករងរបួសត្រូវបានបញ្ជូនទៅមន្ទីរពេទ្យ ក្នុងនោះ ៦នាក់កំពុងស្ថិតក្នុងស្ថានភាពធ្ងន់ធ្ងរ៕អត្ថបទ៖ ប៊ុនថន

UN៖ មនុស្សយ៉ាងហោចណាស់ ៥ម៉ឺននាក់ស្លាប់ដោយរញ្ជួយដីនៅទួរគី និងស៊ីរី និងរាប់ម៉ឺននាក់នៅបាត់ខ្លួន

ទួរគី៖ ប្រធានផ្នែកមនុស្សធម៌របស់អង្គការសហប្រជាជាតិបាននិយាយកាលពីថ្ងៃអង្គារថា គ្រោះរញ្ជួយដីមហន្តរាយដែលបានកើតឡើងនៅប្រទេសទួរគី និងស៊ីរីបណ្តាលឲ្យមនុស្សយ៉ាងហោចណាស់ ៥ម៉ឺននាក់ស្លាប់ ច្រើននាក់រងរបួស និងរាប់ម៉ឺននាក់នៅបាត់ខ្លួន ខណៈរាប់សែននាក់បានបាត់បង់លំនៅឋាន។ លោក Martin Griffiths បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិថា បីសប្តាហ៍បន្ទាប់ពីរញ្ជួយដីកម្រិត ៧.៨រ៉ិចស្ទ័របានវាយប្រហារភាគខាងត្បូងប្រទេសទួរគី និងភាគខាងជើងប្រទេសស៊ីរី រួមទាំងរញ្ជួយដីកាលពីថ្ងៃចន្ទដែលទំហំនៃគ្រោះមហន្តរាយនេះគឺកាន់តែច្បាស់ថា យ៉ាងហោចណាស់មនុស្ស ៤៤,០០០នាក់បានស្លាប់នៅក្នុងប្រទេសទួរគី និងប្រហែល ៦,០០០នាក់ស្លាប់នៅក្នុងប្រទេសស៊ីរី ភាគច្រើននៅតំបន់ភាគពាយព្យដែលគ្រប់គ្រងដោយក្រុមឧទ្ទាម។ អ្នកនាំពាក្យអង្គការសហប្រជាជាតិលោក Stephane Dujarric បាននិយាយកាលពីថ្ងៃអង្គារថា ការអំពាវនាវបន្ទាន់របស់អង្គការសហប្រជាជាតិសម្រាប់ជំនួយ ៣៩៧.៦លានដុល្លារអាមេរិកដើម្បីជួយជនរងគ្រោះដោយរញ្ជួយដីនៅប្រទេសស៊ីរី និង ១ពាន់លានដុល្លារអាមេរិកសម្រាប់ជនរងគ្រោះនៅប្រទេសទួរគី ដែលជំនួយនេះគ្របដណ្តប់តែតម្រូវការសង្គ្រោះបន្ទាន់សម្រាប់រយៈពេល ៣ខែខាងមុខប៉ុណ្ណោះ។ លោក Griffiths និយាយដោយផ្តោតលើប្រទេសស៊ីរីថា មុនពេលរញ្ជួយដី ប្រជាជន ១៥.៣លាននាក់ ឬ ៧០ភាគរយនៃចំនួនប្រជាជនរបស់ប្រទេសត្រូវការជំនួយមនុស្សធម៌។ ការវាយតម្លៃដំបូងបានចង្អុលបង្ហាញថា ប្រជាជន ៥លាននាក់នៅក្នុងប្រទេសស៊ីរីត្រូវការទីជម្រកជាមូលដ្ឋាន និងជំនួយមិនមែនស្បៀងអាហារ។ លោក Griffiths និយាយថា អគាររាប់រយខ្នងមានហានិភ័យខ្ពស់នៃការបាក់រលំរាប់ពាន់ខ្នងអាចនឹងត្រូវរុះរើ ហានិភ័យនៃជំងឺកំពុងកើនឡើងក្នុងពេលមានការផ្ទុះជំងឺអាសន្នរោគមុនរញ្ជួយដី ហើយតម្លៃអាហារ និងរបស់របរចាំបាច់ផ្សេងទៀតឡើងថ្លៃខ្លាំង៕អត្ថបទ៖ ប៊ុនថន

យ៉ាងហោចណាស់មនុស្ស ២៩នាក់ស្លាប់ និង ៨៥នាក់រងរបួស ខណៈរថភ្លើងបុកគ្នានៅប្រទេសក្រិក

ក្រិក៖ អង្គភាពសេវាពន្លត់អគ្គីភ័យប្រទេសក្រិកបាននិយាយនៅថ្ងៃពុធនេះថា មនុស្សយ៉ាងហោចណាស់ ២៩នាក់ស្លាប់ និងច្រើនជាង ៨៥នាក់បានរងរបួស ខណៈរថភ្លើងពីរគ្រឿងបានបុកគ្នានៅភាគខាងជើងប្រទេសក្រិក។ រូបភាពនៅលើប្រព័ន្ធផ្សព្វផ្សាយរដ្ឋរបស់ក្រិក ERT បានបង្ហាញផ្សែងហុយចេញពីរថភ្លើងដែលក្រឡាប់ និងរថយន្តសង្គ្រោះតម្រៀបជួរដ៏វែងនៅក្បែរនោះ។ រូបភាពបានបង្ហាញពីក្រុមអ្នកជួយសង្គ្រោះមានពិល កំពុងស្វែងរកអ្នកនៅរស់រានមានជីវិតនៅតាមទូរថភ្លើង។ អ្នកនាំពាក្យអង្គភាពសេវាពន្លត់អគ្គីភ័យលោក Vassilis Varthakogiannis បាននិយាយនៅក្នុងបទសម្ភាសន៍ថា រថភ្លើងដឹកអ្នកដំណើរមានដឹកមនុស្សជាង ៣៥០នាក់បានបុកជាមួយរថភ្លើងដឹកទំនិញ ១គ្រឿងផ្សេងទៀតកាលពីល្ងាចថ្ងៃអង្គារនៅក្នុងតំបន់ Tempi ភាគកណ្តាលប្រទេសក្រិក។ យោងតាមលោក Varthakogiannis បាននិយាយថា យ៉ាងហោចណាស់មានអ្នកពន្លត់អគ្គីភ័យ ១៥០នាក់ ជាមួយនឹងរថយន្ត ១៧គ្រឿង រួមទាំងរថយន្តសង្គ្រោះ ២០គ្រឿងបានចូលរួមក្នុងប្រតិបត្តិការជួយសង្គ្រោះ។ រថភ្លើងដឹកអ្នកដំណើរដែលជួបឧប្បត្តិហេតុកំពុងធ្វើដំណើរពីទីក្រុង Athens ទៅកាន់ទីក្រុង Thessaloniki។ ខណៈប្រតិបត្តិការស្វែងរក និងជួយសង្គ្រោះកំពុងដំណើរការ ចំនួនអ្នកស្លាប់ត្រូវបានគេរំពឹងថានឹងកើនឡើង។ ក្រុមហ៊ុនអយស្ម័យានប្រទេសក្រិក Hellenic Train បាននិយាយនៅក្នុងសេចក្តីប្រកាសព័ត៌មានថា មានគ្រោះថ្នាក់រថភ្លើងពីរគ្រឿងរវាងរថភ្លើងដឹកទំនិញ និងរថភ្លើង IC 62 ដឹកអ្នកដំណើរប្រហែល ៣៥០នាក់នៅលើរថភ្លើង៕អត្ថបទ៖ ប៊ុនថន

នគរបាលហុងកុងតាមរកភស្តុតាងពាក់ព័ន្ធករណីឃាតកម្មលើតារាបង្ហាញម៉ូដស្រី Abby Choi

ហុងកុង៖ នគរបាលទីក្រុង Hong Kong បានចាប់ផ្ដើមស្វែងរកនៅកន្លែងចាក់សំរាមមួយកាលពីថ្ងៃអង្គារ ទី២៨កុម្ភៈ សម្រាប់ភស្តុតាងជាប់ពាក់ព័ន្ធករណីឃាតកម្មដ៏រន្ធត់លើតារាបង្ហាញម៉ូដស្រី Abby Choi ដែលសាកសពរបស់នាងត្រូវបានកាប់ចិញ្ច្រាំជាបំណែកនោះ ត្រូវបានរកឃើញនៅក្នុងទូទឹកកក និងក្នុងឆ្នាំង។ អតីតស្វាមីឈ្មោះ Alex Kwong ឪពុកក្មេកឈ្មោះ Kwong Kau និងបងថ្លៃឈ្មោះ Anthony Kwong ត្រូវបានជាប់ចោទពីបទមនុស្សឃាត ក្រោយនគរបាលរកឃើញបំណែកសាកសពរបស់នាងនៅក្នុងផ្ទះមួយកន្លែង ជួលដោយឪពុកក្មេងលោក Kwong Kau នៅជាយទីក្រុងហុងកុងជិតព្រំដែនចិនដីគោក ។ ចំណែកម្ដាយក្មេករបស់នាងឈ្មោះ Jenny Li ប្រឈមបទចោទប្រកាន់រារាំងការងារស៊ើបអង្កេតរបស់សមត្ថកិច្ច។ អ្នកទាំង៤ ត្រូវបានឃុំខ្លួនដោយមិនអនុញ្ញាតឲ្យធានាខ្លួនឡើយ។ ពួកគេមិនទាន់បានចូលទៅបំភ្លឺនៅឡើយទេ ហើយក៏មិនឃើញមេធាវីរបស់ពួកគេបានធ្វើអត្ថាធិប្បាយ ជុំវិញករណីនេះដល់ក្រុមអ្នកសារព័ត៌មានដែរ។ សវនាការត្រូវពន្យាររហូតដល់ខែឧសភា។ កាលពីព្រឹកថ្ងៃអង្គារ មន្ត្រីជាង ១០០នាក់ស្លៀកឯកសណ្ឋានជាក្រុមស៊ើបអង្កេតបានទៅកាន់តំបន់ចាក់សំរាម North East New Territories Landfill ក្នុងតំបន់ Ta Kwu Ling ធ្វើដំណើរ ១៥នាទីពីចិនដីគោក ដើម្បីស្វែងរកបំណែកសាកសពដែលបាត់ដោយប្រើគ្រឿងចក្រ និងប៉ែល។ នគរបាលបាននិយាយថា ពួកគេនៅតែកំពុងតាមរកដៃ និងរាងកាយរបស់តារាបង្ហាញម៉ូដនៅឡើយ។ ស្នងការនគរបាលក្រុងហុងកុងលោក Alan Chung បានប្រាប់ក្រុមអ្នកសារព័ត៌មានថា ជនសង្ស័យបានបោះចោលថង់មួយចំនួនដែលជាភស្តុតាងសំខាន់កាលពីព្រឹកថ្ងៃទី២២ ខែកុម្ភៈ។ ថង់ទាំងនោះអាចជាបំណែកនៃរាងកាយមនុស្ស ឬអាចជាសំលៀកបំពាក់ និងទូរស័ព្ទដៃជនរងគ្រោះ ឬអាវុធដែលប្រើសម្លាប់ជនរងគ្រោះ៕អត្ថបទ៖ សុខមាន

កងកម្លាំងរុស្ស៊ីបង្កើនការវាយលុកខ្លាំងលើទីក្រុង Bakhmut របស់អ៊ុយក្រែនក្នុងការព្យាយាមបង្ហាញជ័យជម្នះក្នុងសង្គ្រាម

អ៊ុយក្រែន៖ កងកម្លាំងរុស្ស៊ីកាលពីថ្ងៃអង្គារ ទី២៨ ខែកុម្ភៈ បានវាយសន្ធាប់ទៅមុខកាន់តែខ្លាំងរយៈពេលជាច្រើនសប្ដាហ៍ ដើម្បីឡោមព័ទ្ធ និងដណ្ដើមយកទីក្រុង Bakhmut ភាគខាងកើតរបស់ប្រទេសអ៊ុយក្រែន ជាទីដែលយោធាអ៊ុយក្រែនបានហៅថាជាការវាយប្រហារភ្លាមៗទាំងកម្រោល។ ការដណ្ដើមយកបានទីក្រុង Bakhmut ដែលជាទីតាំងសមរភូមិដ៏បង្ហូរឈាមបំផុត ក្នុងសង្គ្រាមមានអាយុកាលមួយឆ្នាំរបស់អ៊ុយក្រែន នឹងក្លាយជារង្វាន់ដ៏ធំដំបូងរបស់រុស្ស៊ីក្នុងពេលជាង ៦ខែមកនេះ។ វានឹងក្លាយជាការបើកផ្លូវវាយដណ្ដើមយកតំបន់ជាយក្រុងសំខាន់ៗដែលនៅសល់ចុងក្រោយនៅក្នុងតំបន់ Donetsk មួយក្នុងចំណោមតំបន់ទាំង៤ ដែលរុស្ស៊ីបានដាក់បញ្ចូលជាឧបសម្ព័ន្ធរួចទៅហើយ។ មេបញ្ជាការកងកម្លាំងប្រដាប់អាវុធអ៊ុយក្រែនបាននិយាយនៅក្នុងសេចក្ដីថ្លែងណ៍ប្រចាំថ្ងៃពេលល្ងាចថា នៅក្នុងទីក្រុង Bakhmut សត្រូវកំពុងវាយសន្ធាប់ខ្លាំង ហើយការវាយប្រហារនៅតែបន្តនៅឡើយ។ ខណៈការវាយប្រហារភាគច្រើនរបស់រុស្ស៊ីផ្ដោតលើទីក្រុង Bakhmut និងទីក្រុងតូចៗព្រមទាំងភូមិឋានផ្សេងទៀតនៅក្នុងខេត្ត Donetsk សេចក្ដីថ្លែងការណ៍ដដែលនេះបាននិយាយថា កងកម្លាំងរុស្ស៊ីបានបាញ់ផ្លោងលើភូមិជាង ២០ នៅក្នុងតំបន់ភាគខាងជើងជិតព្រំដែនរុស្ស៊ី ក្នុងនោះក៏មានទីក្រុង Chernihiv ទីក្រុង Sumy និងទីក្រុង Kharkiv ផងដែរ។ នៅជុំវិញទីក្រុង Bakhmut ទាហានរុស្ស៊ី រួមទាំងក្រុមអ្នកប្រយុទ្ធស៊ីឈ្នួលមកពីក្រុមវ៉េកណា (Wagner ) កំពុងព្យាយាមកាត់ផ្ដាច់បណ្ដាញផ្គត់ផ្គង់របស់ក្រុមអ្នកការពារជាតិអ៊ុយក្រែន និងបង្ខំឲ្យពួកគេប្រគល់ខ្លួន ឬដកថយ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់អគារសិក្សា និងប្រគល់សញ្ញាបត្រ ដល់និស្សិតវិទ្យាស្ថានបច្ចេកវិទ្យាកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកទី១ ខែមីនា ឆ្នាំ២០២៣នេះ បានអញ្ជើញជាអធិបតីសម្ពោធដាក់ឱ្យប្រើប្រាស់អគារសិក្សាចំនួន២ខ្នង និងប្រគល់សញ្ញាបត្រជូននិស្សិតនៃវិទ្យាស្ថានបច្ចេកវិទ្យាកម្ពុជាជិត ៥ពាន់នាក់ នៅមជ្ឈមណ្ឌលសន្និបាត និងនិងពិព័រណ៌កោះពេជ្រ។អគារសិក្សានៃវិទ្យាស្ថានបច្ចេកវិទ្យាកម្ពុជា ដែលសម្ពោធដាក់ឱ្យប្រើប្រាស់នេះ មានឈ្មោះថា «អគារមជ្ឈមណ្ឌលសហគមន៍ចំណេះដឹង និងអគារមហាវិទ្យាល័យវិស្វកម្មសំណង់»។ អគារទាំងពីរនេះ ត្រូវបានសាងសង់ឡើង ក្រោមក្របខ័ណ្ឌនៃកិច្ចព្រមព្រៀងហិរញ្ញប្បទានរវាងរាជរដ្ឋាភិបាលកម្ពុជា និងធនាគារអភិវឌ្ឍន៍អាស៊ី។ ក្នុងនោះ អគារមជ្ឈមណ្ឌលសហគមន៍ចំណេះដឹង មានកម្ពស់ ៧ជាន់ និង៧៣បន្ទប់ មានបណ្តោយ ៤៨ម៉ែត្រ និងទទឹង ២១ម៉ែត្រ គិតជាផ្ទៃក្រឡាសរុបជាង ៧ពាន់ម៉ែត្រការ៉េ។ រីឯអគារមហាវិទ្យាល័យវិស្វកម្មសំណង់មានកម្ពស់ ៣ជាន់ និង២០បន្ទប់ មានបណ្តោយ ២៨ម៉ែត្រ និងទទឹង ១៤ម៉ែត្រ គិតជាផ្ទៃក្រឡាសរុប ១,៧៣៨ម៉ែត្រការ៉េ។សម្រាប់និស្សិតជ័យលាភី ដែលទទួលសញ្ញាបត្រវិញ រួមមានថ្នាក់បណ្ឌិត បរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង សរុបចំនួន ៤,៦១៧នាក់ ក្នុងនោះនារី ១,២៨១នាក់។វិទ្យាស្ថានបច្ចេកវិទ្យាកម្ពុជា គឺជាគ្រឹះស្ថានឧត្ដមសិក្សាសាធារណៈ ដែលបាននិងកំពុងដើរតួនាទីយ៉ាងសំខាន់ក្នុងការបណ្ដុះបណ្ដាលធនធានមនុស្សលើវិស័យវិទ្យាសាស្ត្រ បច្ចេកវិទ្យា និងវិស្វកម្ម សម្រាប់រួមចំណែកដល់ការអភិវឌ្ឍខឿនសេដ្ឋកិច្ចកម្ពុជា។ គិតចាប់តាំងពីឆ្នាំ១៩៨១ មកដល់បច្ចុប្បន្ននេះ និស្សិតបានបញ្ចប់ការសិក្សាពីវិទ្យាស្ថានបច្ចេកវិទ្យាកម្ពុជាសរុប ១៤,៩៦៨នាក់ នារី ២,៨៦០នាក់។ អតីតនិស្សិតទាំងនោះបាននិងកំពុងបម្រើការងារនៅតាមក្រសួង ស្ថាប័នរដ្ឋ វិស័យឯកជន អង្គការមិនមែនរដ្ឋាភិបាល និងប្រកបអាជីវកម្មផ្ទាល់ខ្លួន ប្រកបដោយសមត្ថភាពវិជ្ជាជីវៈខ្ពស់ មានឧត្តមភាព សេចក្តីថ្លៃថ្នូរ និងប្រកបដោយកិត្តិយស៕

ព្រឹកស្អែក សម្តេចតេជោ ហ៊ុនសែន នឹងអញ្ជើញសម្ពោធដាក់ឱ្យប្រើប្រាស់អគារសិក្សា និងប្រគល់សញ្ញាបត្រ ដល់និស្សិតវិទ្យាស្ថានបច្ចេកវិទ្យាកម្ពុជា

ភ្នំពេញ ៖ នៅព្រឹកថ្ងៃពុធ ទី១ ខែមីនា ឆ្នាំ២០២៣ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីសម្ពោធដាក់ឱ្យប្រើប្រាស់អគារសិក្សាចំនួន២ខ្នង និងប្រគល់សញ្ញាបត្រជូននិស្សិតនៃវិទ្យាស្ថានបច្ចេកវិទ្យាកម្ពុជាជិត ៥ពាន់នាក់។ ពិធីនេះនឹងប្រព្រឹត្តទៅនៅមជ្ឈមណ្ឌលសន្និបាត និងនិងពិព័រណ៌កោះពេជ្រ។អគារសិក្សានៃវិទ្យាស្ថានបច្ចេកវិទ្យាកម្ពុជា ដែលសម្ពោធដាក់ឱ្យប្រើប្រាស់នេះ មានឈ្មោះថា «អគារមជ្ឈមណ្ឌលសហគមន៍ចំណេះដឹង និងអគារមហាវិទ្យាល័យវិស្វកម្មសំណង់»។ អគារទាំងពីរនេះ ត្រូវបានសាងសង់ឡើង ក្រោមក្របខ័ណ្ឌនៃកិច្ចព្រមព្រៀងហិរញ្ញប្បទានរវាងរាជរដ្ឋាភិបាលកម្ពុជា និងធនាគារអភិវឌ្ឍន៍អាស៊ី។ ក្នុងនោះ អគារមជ្ឈមណ្ឌលសហគមន៍ចំណេះដឹង មានកម្ពស់ ៧ជាន់ និង៧៣បន្ទប់ មានបណ្តោយ ៤៨ម៉ែត្រ និងទទឹង ២១ម៉ែត្រ គិតជាផ្ទៃក្រឡាសរុបជាង ៧ពាន់ម៉ែត្រការ៉េ។ រីឯអគារមហាវិទ្យាល័យវិស្វកម្មសំណង់មានកម្ពស់ ៣ជាន់ និង២០បន្ទប់ មានបណ្តោយ ២៨ម៉ែត្រ និងទទឹង ១៤ម៉ែត្រ គិតជាផ្ទៃក្រឡាសរុប ១,៧៣៨ម៉ែត្រការ៉េ។សម្រាប់និស្សិតជ័យលាភី ដែលទទួលសញ្ញាបត្រវិញ រួមមានថ្នាក់បណ្ឌិត បរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង សរុបចំនួន ៤,៦១៧នាក់ ក្នុងនោះនារី ១,២៨១នាក់។វិទ្យាស្ថានបច្ចេកវិទ្យាកម្ពុជា គឺជាគ្រឹះស្ថានឧត្ដមសិក្សាសាធារណៈ ដែលបាននិងកំពុងដើរតួនាទីយ៉ាងសំខាន់ក្នុងការបណ្ដុះបណ្ដាលធនធានមនុស្សលើវិស័យវិទ្យាសាស្ត្រ បច្ចេកវិទ្យា និងវិស្វកម្ម សម្រាប់រួមចំណែកដល់ការអភិវឌ្ឍខឿនសេដ្ឋកិច្ចកម្ពុជា។ គិតចាប់តាំងពីឆ្នាំ១៩៨១ មកដល់បច្ចុប្បន្ននេះ និស្សិតបានបញ្ចប់ការសិក្សាពីវិទ្យាស្ថានបច្ចេកវិទ្យាកម្ពុជាសរុប ១៤,៩៦៨នាក់ នារី ២,៨៦០នាក់។ អតីតនិស្សិតទាំងនោះបាននិងកំពុងបម្រើការងារនៅតាមក្រសួង ស្ថាប័នរដ្ឋ វិស័យឯកជន អង្គការមិនមែនរដ្ឋាភិបាល និងប្រកបអាជីវកម្មផ្ទាល់ខ្លួន ប្រកបដោយសមត្ថភាពវិជ្ជាជីវៈខ្ពស់ មានឧត្តមភាព សេចក្តីថ្លៃថ្នូរ និងប្រកបដោយកិត្តិយស។

តំបន់ West Bank នៅតែមើលឃើញកុប្បកម្ម និងការវាយប្រហារ ទោះបីមានការពិភាក្សាក៏ដោយ

អ៊ីស្រាអែល៖ យ៉ាងហោចណាស់លំនៅឋានពលរដ្ឋប៉ាឡេស្ទីន ៣០ខ្នង និងរថយន្ត ១០០គ្រឿងត្រូវបានដុតបំផ្លាញ ជាឧប្បត្តិហេតុបណ្ដាលមកពីការវាយប្រហារទៅលើភូមិ Hawara ដែនដីប៉ាឡេស្ទីន ខណៈអំពើហិង្សាដោយហ្វូងមនុស្សបានកើតឡើង បន្ទាប់ពីខ្មាន់កាំភ្លើងប៉ាឡេស្ទីនបានបាញ់សម្លាប់បងប្អូនជនជាតិអ៊ីស្រាអែលពីរនាក់ ខណៈពួកគេកំពុងបើកបររថយន្ត។ ការកើនឡើងអំពើហិង្សាកើតមានឡើងកាលពីថ្ងៃអាទិត្យ ទោះបីជាមានការពិភាក្សារវាងក្រុមមន្ត្រីអ៊ីស្រាអែល និងប៉ាឡេស្ទីននៅកំពង់ផែ Aqaba ប្រទេសហ្ស៊កដានី ដែលត្រូវបានគេរំពឹងថាកាត់បន្ថយភាពតានតឹងដែលបានកើនឡើង បន្ទាប់ពីការវាយឆ្មក់របស់អ៊ីស្រាអែលដ៏ឃោរឃៅនៅក្រុង Nablus កាលពីសប្តាហ៍មុនបណ្តាលឲ្យជនជាតិប៉ាឡេស្ទីន ១១នាក់ស្លាប់។ ប្រធានាធិបតីប៉ាឡេស្ទីនលោក Mahmoud Abbas និយាយថា លោកបានឲ្យរដ្ឋាភិបាលអ៊ីស្រាអែលទទួលខុសត្រូវទាំងស្រុងចំពោះអំពើហិង្សានេះ។ ការបាញ់សម្លាប់បងប្អូនជនជាតិអ៊ីស្រាអែល ២នាក់នៅផ្លូវប្រសព្វមួយកន្លែង នៅពុំទាន់មានការអះអាងទទួលខុសត្រូវភ្លាមៗនោះទេ។ នាយករដ្ឋមន្ត្រីអ៊ីស្រាអែលលោក Benjamin Netanyahu និយាយថា ទាហានកំពុងតាមចាប់អ្នកវាយប្រហារ ហើយកងទ័ពអ៊ីស្រាអែលបាននិយាយថា នឹងបញ្ជូនកងទ័ពបន្ថែមទៀតទៅកាន់តំបន់នោះដើម្បីរារាំងការវាយប្រហារថ្មីៗ និងការពារកុំឱ្យមានកុប្បកម្ម៕អត្ថបទ៖ ប៊ុនថន

ប្រជាជនទួរគីតវ៉ាជុំវិញការឆ្លើយតបគ្រោះរញ្ជួយដីរបស់រដ្ឋាភិបាលនៅពហុកីឡដ្ឋាន និងនៅតាមផ្លូវ

ទួរគី៖ សម្រែកថា «រដ្ឋាភិបាលលាលែងពីតំណែង» បានលាន់ឮចេញពីខាងក្នុងពហុកីឡដ្ឋានបាល់ទាត់ប្រទេសទួរគី ខណៈក្រុមអ្នកគាំទ្របានរិះគន់ការឆ្លើយតបរបស់រដ្ឋាភិបាល ចំពោះគ្រោះមហន្តរាយរញ្ជួយដីក្នុងខែនេះបណ្តាលឲ្យមនុស្សជាង ៥ម៉ឺននាក់ស្លាប់នៅភាគខាងត្បូងប្រទេសទួរគី និងភាគខាងជើងប្រទេសស៊ីរី។ រយៈពេលបីសប្តាហ៍បន្ទាប់ពីការរញ្ជួយដីដ៏មហន្តរាយបណ្តាលឱ្យពលរដ្ឋ ១.៥លាននាក់គ្មានលំនៅឋានមានកំហឹងជាសាធារណៈ និងការប្រឆាំងចំពោះប្រធានាធិបតីលោក Tayyip Erdogan កំពុងតែកើនឡើង។ លោក Erdogan បានចុះពិនិត្យមើលទីក្រុងបាក់បែកដោយសន្យាថា នឹងសាងសង់ឡើងវិញឲ្យបានឆាប់រហ័ស និងដាក់ទណ្ឌកម្មចំពោះអ្នកសាងសង់ដែលបានបំពានច្បាប់សុវត្ថិភាព ប៉ុន្តែវាប្រហែលជាមិនគ្រប់គ្រាន់ដើម្បីលួងលោមអ្នកនៅរស់រានមានកំហឹង ដែលបាននិយាយថា ក្រុមសង្គ្រោះបន្ទាន់មកយឺតពេកក្នុងការដាក់ពង្រាយ ដើម្បីជួយជនរងគ្រោះ។ មនុស្សរាប់ពាន់នាក់នៅតែពុំទាន់មានតម្រូវការជាមូលដ្ឋាន ដូចជាទីជម្រក និងអនាម័យនៅឡើយបន្ទាប់ពីការរញ្ជួយដី។ ក្លឹបបាល់ទាត់មួយចំនួនមិនយល់ស្របចំពោះការតវ៉ានេះទេ។ ក្រុម Caykur Rizespor ជាក្រុមដែលមានមូលដ្ឋាននៅទីក្រុង Rize ស្រុកកំណើតរបស់ប្រធានាធិបតីលោក Tayyip Erdogan បានហៅការតវ៉ានេះថាជា «ទង្វើបង្កហេតុ» នៅក្នុងសេចក្តីថ្លែងការណ៍មួយនៅលើបណ្តាញសង្គម Twitter។ រដ្ឋមន្ត្រីក្រសួងកីឡាលោក Mehmet Kasapoglu និយាយថា កន្លែងកីឡាពុំមែនជាកន្លែងសម្រាប់នយោបាយទេ ហើយបានបន្ទោសក្រុមយកផលប្រយោជន៍មួយចំនួន ចំពោះការចូលរួមនេះក្នុងគោលបំណងបង្កហេតុ ដើម្បីធ្វើឲ្យបាក់បែកការរួបរួមរបស់ប្រទេស៕អត្ថបទ៖ ប៊ុនថន

ចិនលើកឡើងថា សហរដ្ឋអាមេរិកបានធ្វើឲ្យប៉ះពាល់ធ្ងន់ធ្ងរដល់សន្តិភាព និងស្ថិរភាពតាមរយៈហោះហើរឆ្លងកាត់ច្រកសមុទ្រតៃវ៉ាន់

ចិន៖ របាយការណ៍មួយបាននិយាយថា ប្រទេសចិនកំពុងចោទប្រកាន់សហរដ្ឋអាមេរិកពីបទគំរាមកំហែងដល់សន្តិភាព និងស្ថិរភាពនៅក្នុងច្រកសមុទ្រតៃវ៉ាន់ បន្ទាប់ពីយន្តហោះល្បាតកងទ័ពជើងទឹក P-8A Poseidon របស់សហរដ្ឋអាមេរិកបានហោះហើរឆ្លងកាត់តំបន់នេះកាលពីថ្ងៃចន្ទ។ យោងតាមសារព័ត៌មាន Reuters ការប្រកាសនេះបានកើតឡើង ស្របពេលទីក្រុងប៉េកាំងនិយាយថា ខ្លួនមានអធិបតេយ្យភាព មានសិទ្ធិលើអធិបតេយ្យភាព និងយុត្ដធិការលើដែនទឹកខណ្ឌចែកដីគោករបស់លខ្លួនពីកោះតៃវ៉ាន់ ប៉ុន្តែសហរដ្ឋអាមេរិកនឹងក្រុមមេដឹកនាំកោះនេះបានលើកឡើងថា តំបន់នេះគឺជាដែនទឹកអន្តរជាតិ។ ទីបញ្ជាការសម្របសម្រួលខាងកើតរបស់កងទ័ពរំដោះប្រជាជន ត្រូវបានដកស្រង់សម្ដីដោយនិយាយថា សកម្មភាពរបស់ភាគីអាមេរិកបានជ្រៀតជ្រែក និងបង្កការរំខានយ៉ាងច្បាស់ដល់ស្ថានភាពតំបន់ និងបានធ្វើឲ្យប៉ះពាល់ដល់សន្តិភាព និងស្ថិរភាពក្នុងច្រកសមុទ្រតៃវ៉ាន់។ យើងប្រឆាំងដាច់ខាតចំពោះរឿងនេះ។ ប្រភពដដែលបានបន្ថែមថា កងកម្លាំងរបស់ទីបញ្ជាការនេះនៅតែបង្កើនការប្រុងប្រយ័ត្នជានិច្ច និងការពារអធិបតេយ្យភាព និងបូរណភាពជាតិយ៉ាងម៉ឺងម៉ាត់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

[UPDATE] ចំនួនអ្នកស្លាប់ពីគ្រោះរញ្ជួយដីនៅជប៉ុនឡើងដល់ជិត៤០នាក់ ខណៈមនុស្សជាង ៩ពាន់នាក់ស្នាក់នៅក្នុងជំរំបណ្ដោះអាសន្ន

មនុស្ស ១០នាក់ស្លាប់ក្នុងការវាយប្រហាររបស់រុស្ស៊ីលើរដ្ឋធានីគីវ ខណៈអ៊ុយក្រែនអំពាវនាវរកប្រព័ន្ធស្ទាក់ចាប់មីស៊ីលប៉ាទ្រីយ៉ូត

អ៊ីរ៉ង់គំរាមវាយប្រហារទីតាំងថាមពលរបស់ប្រទេសដទៃទៀត ប្រសិនបើអាមេរិកបើកការវាយប្រហារថ្មី

អាមេរិកជំរុញឱ្យពលរដ្ឋរបស់ខ្លួននៅមជ្ឈិមបូព៌ាត្រៀមខ្លួនចាកចេញក្នុងករណីមានការកើនឡើងភាពតានតឹង

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង

UN៖ មនុស្សយ៉ាងហោចណាស់ ៥ម៉ឺននាក់ស្លាប់ដោយរញ្ជួយដីនៅទួរគី និងស៊ីរី និងរាប់ម៉ឺននាក់នៅបាត់ខ្លួន

យ៉ាងហោចណាស់មនុស្ស ២៩នាក់ស្លាប់ និង ៨៥នាក់រងរបួស ខណៈរថភ្លើងបុកគ្នានៅប្រទេសក្រិក

នគរបាលហុងកុងតាមរកភស្តុតាងពាក់ព័ន្ធករណីឃាតកម្មលើតារាបង្ហាញម៉ូដស្រី Abby Choi

តំបន់ West Bank នៅតែមើលឃើញកុប្បកម្ម និងការវាយប្រហារ ទោះបីមានការពិភាក្សាក៏ដោយ

ប្រជាជនទួរគីតវ៉ាជុំវិញការឆ្លើយតបគ្រោះរញ្ជួយដីរបស់រដ្ឋាភិបាលនៅពហុកីឡដ្ឋាន និងនៅតាមផ្លូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នគរបាល និង​ក្រុមបាតុករ​ប៉ះទង្គិច​គ្នា​នៅ​ទីក្រុង Athens បន្ទាប់ពី​បាតុកម្ម​ប្រឆាំង​ប្រតិបត្តិ​ករ​រថភ្លើង

យ៉ាងហោចណាស់​មនុស្ស ២៩​នាក់​ស្លាប់​ និង​ ៨៥​នាក់​រងរបួស ខណៈ​រថភ្លើង​បុក​គ្នា​នៅ​ប្រទេស​ក្រិ​ក​

នគរបាល​ហុងកុង​តាមរក​ភស្តុតាង​ពាក់ព័ន្ធ​ករណី​ឃាតកម្ម​លើ​តារា​បង្ហាញ​ម៉ូដ​ស្រី Abby Choi

តំបន់ West Bank នៅតែ​មើលឃើញ​កុប្បកម្ម​ និង​ការវាយប្រហារ ទោះបី​មានការ​ពិភាក្សា​ក៏ដោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នគរបាល និងក្រុមបាតុករប៉ះទង្គិចគ្នានៅទីក្រុង Athens បន្ទាប់ពីបាតុកម្មប្រឆាំងប្រតិបត្តិកររថភ្លើង

យ៉ាងហោចណាស់មនុស្ស ២៩នាក់ស្លាប់ និង ៨៥នាក់រងរបួស ខណៈរថភ្លើងបុកគ្នានៅប្រទេសក្រិក

នគរបាលហុងកុងតាមរកភស្តុតាងពាក់ព័ន្ធករណីឃាតកម្មលើតារាបង្ហាញម៉ូដស្រី Abby Choi

តំបន់ West Bank នៅតែមើលឃើញកុប្បកម្ម និងការវាយប្រហារ ទោះបីមានការពិភាក្សាក៏ដោយ