BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

លោក Putin ប្រាប់រដ្ឋាភិបាលថា ស្ថានភាពនៅតំបន់អ៊ុយក្រែនដែលបានភ្ជាប់ឧបសម្ព័ន្ធមានការលំបាក

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃពុធថា ស្ថានភាពនៅក្នុងតំបន់របស់ប្រទេសអ៊ុយក្រែន ដែលរុស្ស៊ីនិយាយថា ខ្លួនបានដាក់បញ្ចូលជាឧបសម្ព័ន្ធនៅតែជាកន្លែងមានការលំបាក។ ទោះជាយ៉ាងណាលោក Putin បានថ្លែងនៅក្នុងកិច្ចប្រជុំតាមបណ្តាញទូរទស្សន៍ជាមួយមន្ត្រីរដ្ឋាភិបាលថា ប្រទេសរុស្ស៊ីមានធនធានទាំងអស់ដែលខ្លួនត្រូវការ ដើម្បីធ្វើឲ្យប្រសើរជីវភាពរស់នៅនៅក្នុងតំបន់របស់អ៊ុយក្រែនទាំង៤ ដែលទីក្រុងមូស្គូបានអះអាងជាឯកតោភាគីថា បានដាក់បញ្ចូលជាឧបសម្ព័ន្ធកាលពីខែកញ្ញា ឆ្នាំ២០២២។ ជាមួយគ្នានេះ ក្រសួងការពារជាតិរុស្ស៊ីបាននិយាយកាលពីថ្ងៃពុធថា អង្គភាពទ័ពអាកាសរុស្ស៊ីបានឡោមព័ទ្ធទីក្រុង Soledar របស់អ៊ុយក្រែនពីខាងជើង និងភាគខាងត្បូង។ នៅក្នុងសន្និសីទសារព័ត៌មានប្រចាំថ្ងៃ ក្រសួងការពារជាតិបាននិយាយថា អង្គភាពវាយប្រហាររបស់រុស្ស៊ីកំពុងប្រយុទ្ធដើម្បីដណ្តើមយកទីក្រុង Soledar ជាទីក្រុងផលិតអំបិលតូចមួយនៅក្នុងតំបន់ Donetsk ភាគខាងកើតប្រទេសអ៊ុយក្រែន ដែលជាចំណុចផ្តោតនៃការប្រយុទ្ធគ្នាយ៉ាងខ្លាំងអស់រយៈពេលជាច្រើនខែមកហើយ៕អត្ថបទ៖ ប៊ុនថន

លោក Zelenskyy និយាយចំអកការអះអាងរបស់រុស្ស៊ីលើទីក្រុង Soledar ដោយនិយាយថា ការប្រយុទ្ធនៅតែបន្ត

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយចំអកចំពោះការអះអាងរបស់រុស្ស៊ីថា បានចូលគ្រប់គ្រងផ្នែកខ្លះនៃទីក្រុង Soledar ភាគខាងកើតដោយនិយាយថា ការប្រយុទ្ធគ្នានៅតែបន្ត។ ក្រុមទាហានស៊ីឈ្នួលរុស្ស៊ីរបស់ក្រុមហ៊ុន Wagner កាលពីថ្ងៃអង្គារបានអះអាងថា ខ្លួនដណ្តើមបានការគ្រប់គ្រងទាំងស្រុងលើទីក្រុង Soledar ប៉ុន្តែការប្រយុទ្ធនៅតែបន្តនៅទីក្រុងនេះ។ ទីក្រុង Soledar គឺជាទីក្រុងផលិតអំបិលមួយនៅជិតទីក្រុង Bakhmut ដែលជាការផ្តោតសំខាន់នៃការវាយលុករបស់រុស្ស៊ីក្នុងគោលបំណងដណ្តើមយកតំបន់ Donbas ទាំងមូលនៅភាគខាងកើតប្រទេសអ៊ុយក្រែន។ លោក Zelenskiy បាននិយាយនៅតាមវីដេអូមួយថា ពេលនេះរដ្ឋភេរវករ និងអ្នកឃោសនារបស់ខ្លួនកំពុងព្យាយាមនិយាយបំផ្លើសថា ផ្នែកខ្លះនៃទីក្រុង Soledar របស់យើងគឺជាផ្នែកមួយចំនួនរបស់រុស្ស៊ី ប៉ុន្តែការប្រយុទ្ធគ្នានៅតែបន្ត។ នៅក្នុងសេចក្តីថ្លែងការណ៍ដាច់ដោយឡែកមួយនៅលើបណ្តាញសង្គម Facebook ផ្នែកសេនាធិការរបស់កងកម្លាំងប្រដាប់អាវុធអ៊ុយក្រែនបាននិយាយថា រុស្សីកំពុងទទួលរងការបាត់បង់ច្រើន ខណៈពួកគេព្យាយាមដណ្តើមយកទីក្រុង Soledar និងកាត់ផ្តាច់ផ្លូវផ្គត់ផ្គង់សម្រាប់អង្គភាពដែលគាំទ្រក្រុងគីវ។ ទន្ទឹមនឹងនេះទាហានអ៊ុយក្រែនបានបាញ់កាំភ្លើងធំ PzH 2000 ដែលផលិតដោយអាល្លឺម៉ង់នៅទីតាំងរបស់រុស្ស៊ីជាច្រើនកាលពីថ្ងៃពុធនៅជិតទីក្រុង Soledar។ ទោះបីជាមានកំហុសបច្ចេកទេសមួយចំនួនក៏ដោយ ក្រុមទាហានបានពេញចិត្តនឹងកាំភ្លើងធំ PzH 2000។ នៅពេលដែលកាំភ្លើងស្វ័យប្រវត្តិដំណើរការអត្រាបាញ់គឺមិនគួរឱ្យជឿ។ វាបាញ់បានយ៉ាងលឿន វាបាញ់បានចំគោលដៅ។ ប្រសិនបើអ្នកធ្វើអ្វីគ្រប់យ៉ាងបានត្រឹមត្រូវ នោះវានឹងបាញ់បានចំគោលដៅមិនគួរឱ្យជឿ។ មេបញ្ជាការរុស្ស៊ីបានដាក់គោលដៅលើទីក្រុង Soledar ជាទីតាំងមួយដើម្បីវាយប្រហារទីក្រុង Bakhmut នៅក្បែរនោះដែលបានផ្អាកអស់រយៈពេលជាច្រើនខែ៕អត្ថបទ៖ ប៊ុនថន

ទស្សនាការផ្សាយបន្តផ្ទាល់!! សម្ដេចតេជោ ហ៊ុន សែន អញ្ជើញចូលរួមកិច្ចប្រជុំកំពូល ស្ដីពីសំឡេង នៃបណ្ដាប្រទេសខាងត្បូង

នៅថ្ងៃទី១២ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួមកិច្ចប្រជុំកំពូល ស្ដីពីសំឡេង នៃបណ្ដាប្រទេសខាងត្បូង (Voice of South Summit) តាមបែបនិម្មិត។ បងប្អូនជនរួមជាតិអាចទស្សនាបានលើកញ្ចក់ទូរទស្សន៍ព័ត៌មាន BTV ឬ តាមរយៈផេកផ្លូវការ BTV Cambodia (https://fb.watch/h-ic0Coe4n/)

អង្គការសុខភាពពិភពលោកកំពុងធ្វើការជាមួយចិនលើការប្រឈមករណីឆ្លងក្នុងឱកាសបុណ្យចូលឆ្នាំចិន

ចិន៖ អង្គការសុខភាពពិភពលោកបាននិយាយថា ការកង្វះទិន្នន័យកំពុងជំរុញឲ្យអង្គការនេះជួយដល់ប្រទេសចិន ដើម្បីគ្រប់គ្រងហានីភ័យនៃការឆ្លងវីរុស COVID-19 កើនឡើងក្នុងឱកាសថ្ងៃឈប់សម្រាកបុណ្យចូលឆ្នាំចិន ខណៈប្រទេសសេដ្ឋកិច្ចធំបំផុតទី២ របស់ពិភពលោកមួយនេះបានបើកព្រំដែនឡើងវិញកាលពីថ្ងៃទី៨ ខែមករា រយៈពេល ៣ឆ្នាំក្រោយការបិទ។ ថ្ងៃឈប់សម្រាកដែលត្រូវគេស្គាល់មុនពេលផ្ទុះជំងឺរាតត្បាតសកលថា ជាលំហូរចំណាកស្រុកប្រចាំឆ្នាំដ៏ធំបំផុតរបស់ពិភពលោកមានឡើង ស្របពេលភាពតានតឹងផ្នែកការទូតកើនឡើង ជុំវិញការរឹតត្បិតការធ្វើដំណើរទប់ស្កាត់ការឆ្លងរាលដាលវីរុស COVID-19 ដែលទីក្រុងប៉េកាំងបានដាក់ចេញការឆ្លើយតបលើជនជាតិកូរ៉េខាងត្បូង និងជប៉ុនកាលពីថ្ងៃពុធសម្រាប់ការធ្វើដំណើរចូលប្រទេសចិន។ អង្គការសុខភាពពិភពលោកនិយាយថា ខ្លួននៅតែពុំទាន់មានព័ត៌មានគ្រប់គ្រាន់ពីប្រទេសចិន ដើម្បីវាយតម្លៃពេញលេញពីគ្រោះថ្នាក់នៃការកើនឡើងករណីឆ្លង។ លោក Abdi Rahman Mahamud ប្រធានផ្នែកគ្រាអាសន្ន និងសម្របសម្រួលការឆ្លើយតបរបស់អង្គការសុខភាពពិភពលោកដែលបាននិយាយថា ប្រទេសនេះមានយុទ្ធសាស្ត្រមួយចំនួន ជុំវិញការធ្វើដំណើរពីតំបន់មានហានីភ័យខ្ពស់ទៅកាន់តំបន់មានហានីភ័យទាប ព្រមទាំងលើការធ្វើតេស្ត និងមន្ទីរពេទ្យថា យើងកំពុងធ្វើការជាមួយក្រុមការងារចិនរបស់យើង៕អត្ថបទ៖ សុខមាន

អង្គការសុខភាពពិភពលោកនិយាយថា វីរុស COVID-19 បំប្លែងខ្លួនថ្មី XBB.1.5 អាចកំពុងរុញឲ្យករណីឆ្លងកើនឡើង

WHO៖ អង្គការសុខភាពពិភពលោកបាននិយាយកាលពីថ្ងៃពុធថា សាខាវីរុសបំប្លែងខ្លួនថ្មី Omicron XBB.1.5 នៃវីរុស COVID-19 អាចកំពុងរុញឲ្យករណីឆ្លងកើនឡើង។ អង្គការសុខភាពពិភពលោកបាននិយាយ បន្ទាប់ពីជំនួបផ្នែកបច្ចេកទេសកាលពីថ្ងៃទី៥ ខែមករាថា ផ្នែកលើលក្ខណៈភិនភាគហ្សែនរបស់វា និងអត្រាកើនឡើងយ៉ាងឆាប់រហ័ស វីរុសបំប្លែងខ្លួនថ្មី XBB.1.5 អាចជំរុញឲ្យករណីឆ្លងកើនឡើង។ ទោះយ៉ាងណាអង្គការនេះបាននិយាយថា ខ្លួនមានជំនឿចិត្តតិចតួចក្នុងការវាយតម្លៃ ខណៈទិន្នន័យភាគច្រើនចេញមកពីប្រទេសតែមួយនោះគឺសហរដ្ឋអាមេរិក ដែលបានផ្ដល់កម្រិតនៃការឆ្លងជាង ៨០% នៃករណីឆ្លងសរុប។ គួររម្លឹកថា ក្រុមមន្ត្រីអង្គការសុខភាពពិភពលោក (WHO) បាននិយាយកាលពីថ្ងៃអង្គារ ទី១០ មករាថា ប្រទេសនានាគួរតែពិចារណាស្នើឲ្យអ្នកដំណើរពាក់ម៉ាស ក្នុងពេលធ្វើដំណើរផ្លូវឆ្ងាយតាមយន្តហោះ ខណៈមានការឆ្លងរាលដាលដ៏ឆាប់រហ័សនៃសាខាវីរុសវីរុស COVID-19 បំប្លែងខ្លួនថ្មី Omicron ចុងក្រោយបំផុតនៅសហរដ្ឋអាមេរិក៕អត្ថបទ៖ សុខមាន

រុស្ស៊ីបានផ្លាស់ប្តូរឧត្តមសេនីយ៍ជាន់ខ្ពស់របស់ខ្លួនឲ្យទទួលខុសត្រូវចំពោះសង្គ្រាមនៅអ៊ុយក្រែន

រុស្ស៊ី៖ លោកប្រធានាធិបតីរុស្ស៊ី Vladimir Putin បានផ្លាស់ប្ដូរឧត្ដមសេនីយ៍ជាន់ខ្ពស់របស់រុស្ស៊ីនៅក្នុងប្រទេសអ៊ុយក្រែន បានរយៈពេលតែ ៣ខែប៉ុណ្ណោះក្រោយពីរូបលោកត្រូវបានតែងតាំង។ ពេលនេះនាយអគ្គសេនាធិការលោក វ៉ាលេរី ជេរ៉ាស៊ីម៉ូ (Valery Gerasimov) នឹងដឹកនាំអ្វីដែលលោក Putin ហៅថាជាប្រតិបត្តិការសឹកពិសេស។ លោកឧត្ដមសេនីយ៍ ជេរ៉ាស៊ីម៉ូ (Gerasimov) បានមកជំនួសតំណែងលោក ហ្ស៉ឺហ្គេ សូរ៉ូវីគីន (Sergei Surovikin) ដែលជាអ្នកត្រួតពិនិត្យការវាយប្រហារដ៏សាហាវឃោរឃៅថ្មីៗ លើហេដ្ឋារចនាសម្ព័ន្ធថាមពលរដ្ឋរបស់អ៊ុយក្រែន។ ការផ្លាស់ប្ដូរនេះមានឡើង ខណៈរុស្ស៊ីអះអាងថា ពួកគេកំពុងវាយរុលទៅមុខនៅភាគខាងកើតប្រទេសអ៊ុយក្រែន បន្ទាប់ពីរងការបរាជ័យខាងយោធាជាបន្តបន្ទាប់ក្នុងពេលប៉ុន្មានខែថ្មីៗនេះ។ លោកឧត្ដមសេនីយ៍ ជេរ៉ាស៊ីម៉ូ ដែលបានកាន់តំណែងនេះចាប់តាំងពីឆ្នាំ២០២២ មក គឺជានាយអគ្គសេនាធិការកាន់តែយូរជាងគេបំផុតរបស់រុស្ស៊ីក្រោយសម័យសូវៀត។ ភ្លាមៗក្រោយលោក សូរ៉ូវីគីន ត្រូវបានតែងតាំងឲ្យដឹកនាំប្រតិបត្តិការនេះកាលពីខែតុលា រុស្ស៊ីបានចាប់ផ្ដើមយុទ្ធនាការរបស់ខ្លួនកម្ទេចហេដ្ឋារចនាសម្ព័ន្ធថាមពលរបស់អ៊ុយក្រែន ដែលបណ្ដាលឲ្យជនស៊ីវិលរាប់លាននាក់គ្មានថាមពល ឬទឹកស្អាតប្រើប្រាស់ក្នុងរដូវរងាដ៏ធ្ងន់ធ្ងរ។ លោកក៏បានត្រួតពិនិត្យការដកទ័ពចេញពីទីក្រុង Kherson ភាគខាងត្បូង ដែលជាជ័យជម្នះដ៏ធំមួយសម្រាប់អ៊ុយក្រែន៕ អត្ថបទ៖ សុខមាន

មនុស្ស ២០នាក់ស្លាប់ក្នុងការវាយប្រហារគ្រាប់បែកអត្តឃាតនៅខាងក្រៅក្រសួងការបរទេសក្នុងប្រទេសអាហ្វហ្គានីស្ថាន

អាហ្វហ្គានីស្ថាន៖ យោងតាមមន្ត្រីមួយរូបរបស់ក្រុមតាលីបង់ឲ្យដឹងថា មនុស្សយ៉ាងហោចណាស់ ២០នាក់បានស្លាប់ បន្ទាប់ពីជនសង្ស័យខ្មាន់បំផ្ទុះគ្រាប់បែកអត្តឃាតម្នាក់បានសម្លាប់ខ្លួនឯង នៅខាងក្រៅក្រសួងការបរទេសក្នុងទីក្រុងកាប៊ុល ដែលជាការវាយប្រហារធំបំផុតទី២ នៅក្នុងរដ្ឋធានីរបស់ប្រទេសអាហ្វហ្គានីស្ថាននៅឆ្នាំនេះ។ លោក Ustad Fareedun មន្ត្រីនៅក្រសួងព័ត៌មានគ្រប់គ្រងដោយក្រុមតាលីបង់បានប្រាប់សារព័ត៌មាន Reuters ថា ខ្មាន់បំផ្ទុះគ្រាប់បែកគ្រោងចូលទៅក្នុងក្រសួងការបរទេស ប៉ុន្តែត្រូវបរាជ័យ។ លោកបានបន្ថែមថា មនុស្សយ៉ាងហោចណាស់ ២០នាក់បានស្លាប់ និងជាច្រើននាក់ទៀតរងរបួសក្នុងការបំផ្ទុះនេះ។ ក្រុមរដ្ឋអ៊ីស្លាម ISILឬ (ISIS) បានអះអាងថា ខ្លួនជាអ្នកវាយប្រហារដែលបានសម្លាប់មនុស្សយ៉ាងហោចណាស់ ២០នាក់តាមបណ្ដាញ Telegram។ សេចក្ដីរាយការណ៍នានាបាននិយាយថា គណៈប្រតិភូចិនគ្រោងជួបពិភាក្សាជាមួយក្រុមមន្ត្រីអាហ្វហ្គានីស្ថាន នៅក្នុងក្រសួងការបរទេសនៅពេលមានការវាយប្រហារនោះ៕ អត្ថបទ៖ សុខមាន

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

ភ្នំពេញ៖ តាមរយៈហ្វេសប៊ុកផ្លូវការនៅព្រឹកថ្ងៃទី១២ ខែមករា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា ដើម្បីពន្លឿនដំណើរការស្វែងរកការពិតជុំវិញការរៀបចំឯកសារបន្លំយកដី និងផ្ទះរបស់ក្រសួងការបរទេស ធ្វើជាកម្មសិទ្ធិឯកជន ដែលប្រព្រឹត្តដោយ គង់ គាំ នៅមុននេះបន្តិច សម្ដេចបានស្នើទៅកាន់អង្គភាពប្រឆាំងអំពើពុករលួយ ដើម្បីស្រាវជ្រាវជាបន្ទាន់អំពីភាពមិនប្រក្រតីនានា នៃការលួចបន្លំធ្វើប័ណ្ណសម្គាល់សិទ្ធិកម្មសិទ្ធិលើដី និងផ្ទះដែលជាកម្មសិទ្ធិរបស់ក្រសួងការបរទេស និងចាត់វិធានការបន្តតាមផ្លូវច្បាប់ តាមការចាំបាច់ ដោយផ្អែកលើមូលដ្ឋាន នៃលទ្ធផលដែលបានស្រាវជ្រាវរកឃើញ។ សម្ដេចបន្តថា ដី និងផ្ទះដែល លោក គង់ គាំ រៀបចំឯកសារបន្លំយកនេះ គឺជាកម្មសិទ្ធិរបស់ក្រសួងការបរទេស ហើយដី និងផ្ទះនេះ នឹងមិនត្រូវបាត់បង់ទៅណាឡើយ ដោយត្រូវយកមកវិញ តាមគ្រប់មធ្យោបាយ ដោយអនុវត្តទៅតាមនីតិវិធីច្បាប់ជាធរមាន។

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

ភ្នំពេញ ៖ តាមរយៈហ្វេសប៊ុកផ្លូវការផ្ទាល់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅរសៀ លថ្ងៃទី១១ ខែមករា ឆ្នាំ២០២៣ បានសរសេរថា៖ ខ្ញុំបានទទួលព័ត៌មានតាមហ្រ្វេសញ៉ូអំពីលិខិតរបស់លោក គង់ គាំ បំ ភ្លឺអំពីដំណើររឿងទាក់ទងនឹងដី និងផ្ទះ ដែលជាកម្មសិទ្ធិរបស់ក្រសួងការបរទេស។ ខ្ញុំទទួលស្គាល់ថា អ្វីដែលលោក គង់ គាំ បានរៀបរាប់ក្នុងលិខិតនោះ ភាគច្រើនជាការពិត ពិសេសត្រង់ចំណុចចុងក្រោយក្នុងលិខិតដែលលោក គង់ គាំ បញ្ជាក់យ៉ាងច្បាស់ថា «ខ្ញុំចាំថា ពេលសម្រេចចិត្តចូលមករស់នៅក្នុងផ្ទះនេះ ខ្ញុំពិតជាបានជូនព័ត៌មានចំពោះលោករដ្ឋមន្រ្តី ដោយមិនអាចខ្វះការគួរសមនោះឡើយ ហើយលោ ករដ្ឋមន្រ្តីក៏បានយោគយល់រហូតមក»។សម្ដេចតេជោបន្តថា៖ ខ្ញុំសូមបញ្ជាក់ថា ខ្ញុំពិតជាមានការយោគយល់ចំពោះការស្នាក់នៅនៅផ្ទះរបស់ក្រ សួងការបរទេស ប៉ុន្តែខ្ញុំពុំដែលបានសម្រេចប្រគល់ផ្ទះ និងដីនោះឱ្យលោក គង់ គាំ ធ្វើជាកម្មសិទ្ធិឯកជ ននោះទេ ហើយផ្ទះ និងដីនោះ នៅតែជាកម្មសិទ្ធិរបស់ក្រសួងការបរទេសដដែល។ រាល់ការរៀបចំឯកសារនានារបស់លោក គង់ គាំ ដើម្បីធ្វើបណ្ណកម្មសិទ្ធិលើដីនេះ គឺជាការក្លែងបន្លំយកដី និងផ្ទះរបស់រដ្ឋ ធ្វើជាកម្មសិទ្ធិឯកជន។ ខ្លឹមសារដែលលោក គង់ គាំ បានរៀបរាប់ក្នុងលិខិតបំភ្លឺរបស់ខ្លួនផ្ញើទៅហ្រ្វេសញ៉ូ ដើម្បីផ្សព្វផ្សាយ គឺជាភស្តុតាងមិនអាចប្រកែកបាន ដែលលោក គង់ គាំ បានទទួលស្គាល់ចំពោះរឿ ងនេះ។ ដូចនេះតាមផ្លូវច្បាប់ផ្ទះ និងដីនោះ នៅតែជាកម្មសិទ្ធិរបស់ក្រសួងការបរទេស ហើយវាដល់ពេ លដែលក្រសួងការបរទេស មានតម្រូវការយកផ្ទះ និងដីនោះ ត្រឡប់មកវិញ ដើម្បីចាត់ចែងប្រើប្រាស់បម្រើឱ្យកិច្ចការរបស់ក្រសួង៕ ដោយ៖ គង់ ឌិន

ធនាគារពិភពលោកព្រមានថា សេដ្ឋកិច្ចពិភពលោកអាចធ្លាក់ចូលក្នុងវិបត្តិសេដ្ឋកិច្ចយ៉ាងងាយស្រួលនៅឆ្នាំ2023

ពិភពលោក៖ ធនាគារពិភពលោកបានបន្ទាបការព្យាករណ៍កំណើនសេដ្ឋកិច្ចឆ្នាំ2023 របស់ខ្លួនកាលពីថ្ងៃអង្គារដល់កម្រិតធ្លាក់ចុះដល់មាត់ជ្រោះ នៃវិបត្តិសេដ្ឋកិច្ចសម្រាប់ប្រទេសជាច្រើន ខណៈផលប៉ះពាល់នៃការដំឡើងអត្រាការប្រាក់របស់ធនាគារកណ្តាលកាន់តែខ្លាំង សង្គ្រាមរបស់រុស្ស៊ីនៅអ៊ុយក្រែននៅតែបន្ត ហើយម៉ាស៊ីនសេដ្ឋកិច្ចធំៗរបស់ពិភពលោកបានប្រឈមនឹងសកម្មភាពសេដ្ឋកិច្ចចុះខ្សោយ។ អ្នកផ្តល់ប្រាក់កម្ចីអភិវឌ្ឍន៍មួយនេះបាននិយាយថា ពេលនេះខ្លួនរំពឹងថានឹងមានកំណើន GDP ពិភពលោកចំនួន 1.7% នៅឆ្នាំ2023 ដែលជាល្បឿនយឺតបំផុតនៅក្រៅវិបត្តិសេដ្ឋកិច្ចឆ្នាំ2009 និង 2020 ក្នុងរយៈពេលជិត 3ទសវត្សរ៍។ នៅក្នុងរបាយការណ៍ទស្សនវិស័យសេដ្ឋកិច្ចសកលពីមុនរបស់ខ្លួននៅក្នុងខែមិថុនា ឆ្នាំ2022 ធនាគារបានព្យាករណ៍ថា កំណើនសេដ្ឋកិច្ចពិភពលោកឆ្នាំ2023 នឹងមាន 3.0%។ ធនាគារបាននិយាយថា ការធ្លាក់ចុះដ៏គំហុកនៅក្នុងសេដ្ឋកិច្ចជឿនលឿន រួមទាំងការកាត់បន្ថយយ៉ាងខ្លាំងចំពោះការព្យាករណ៍របស់ខ្លួនមកត្រឹម 0.5% សម្រាប់ទាំងសហរដ្ឋអាមេរិក និងតំបន់ចាយប្រាក់អឺរ៉ូ អាចបង្ហាញពីការធ្លាក់ចុះសេដ្ឋកិច្ចពិភពលោកថ្មីមួយជិត 3ឆ្នាំបន្ទាប់ពីរយៈពេលចុងក្រោយនេះ។ ធនាគារនេះបាននិយាយនៅក្នុងសេចក្ដីថ្លែងការណ៍មួយអមជាមួយរបាយការណ៍នេះថា ដោយសារលក្ខខណ្ឌសេដ្ឋកិច្ចផុយស្រួយ ការអភិវឌ្ឍន៍អវិជ្ជមានថ្មីណាមួយ ដូចជាអតិផរណាខ្ពស់ជាងការរំពឹងទុក ការកើនឡើងអត្រាការប្រាក់ភ្លាមៗ ដើម្បីទប់ស្កាត់ការរីករាលដាលនៃជំងឺរាតត្បាតសកល COVID-19 ឬការកើនឡើងនូវភាពតានតឹងភូមិសាស្ត្រនយោបាយ អាចរុញឲ្យសេដ្ឋកិច្ចពិភពលោកធ្លាក់ចូលទៅក្នុងឱនភាព៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ស៊ុន ចាន់ថុល បន្តជាប់ជាប្រធានសហព័ន្ធកីឡាក្នុងទឹកកម្ពុជាអាណត្តិទី៨ ឆ្នាំ២០២៥-២០២៩

អ៊ីរ៉ង់ ពង្រីកការឈោងចាប់ផ្នែកការទូត ហើយក៍រក្សាកម្លាំងទប់ដោយយោធាផងដែរ

កម្ពុជាធ្វើជាម្ចាស់ផ្ទះកិច្ចប្រជុំកិច្ចសហប្រតិបត្ដិការអាស៊ានស្ដីពីមុខងារសាធារណៈលើកទី២៣ និងកិច្ចប្រជុំពាក់ព័ន្ធ

យុទ្ធគុនចម្រុះកម្ពុជាឈ្នះមេដាយកម្រិតទ្វីប ៣គ្រឿង ខណៈមន្ដ្រីសហព័ន្ធទទូចឲ្យមានការគាំទ្របន្ថែម

អង្គការ OPECបូក អនុម័តការបង្កើនប្រេង១៨៨.០០០បារ៉ែលក្នុងមួយថ្ងៃ ចាប់ពីខែកញ្ញា

ក្រុមអាជ្ញាធរនិយាយថា មនុស្សប្រាំនាក់ស្លាប់ និង ៤១ នាក់បាត់ខ្លួន ក្រោយនាវាចម្លងបានឆាបឆេះនៅឥណ្ឌូនេស៊ី

អភិបាលក្រុងមូស្គូ៖ ការវាយប្រហារដោយគ្រាប់បែកកាលពីថ្ងៃសៅរ៍លើភោជនីយដ្ឋានជា «សកម្មភាពភេរវកម្ម»

ការវាយប្រហារដាក់គ្នារវាងរុស្ស៊ី និងអ៊ុយក្រែន បានសម្លាប់មនុស្ស ១៤ នាក់ក្នុងប្រទេសទាំងពីរ

លោកTrump៖ ការចរចាជាមួយអ៊ីរ៉ង់នឹងធ្វើឡើងនៅថ្ងៃចន្ទនេះ ប៉ុន្តែពុំកំណត់ថ្ងៃកាលបរិច្ឆេទសម្រាប់កិច្ចព្រមព្រៀង

មនុស្សច្រើននាក់ត្រូវបានសម្លាប់នៅហ្កាហ្សា ខណៈអ៊ីស្រាអែលថាគ្មានកិច្ចព្រមព្រៀងបញ្ឈប់ការវាយប្រហារទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin ប្រាប់រដ្ឋាភិបាលថា ស្ថានភាពនៅតំបន់អ៊ុយក្រែនដែលបានភ្ជាប់ឧបសម្ព័ន្ធមានការលំបាក

លោក Zelenskyy និយាយចំអកការអះអាងរបស់រុស្ស៊ីលើទីក្រុង Soledar ដោយនិយាយថា ការប្រយុទ្ធនៅតែបន្ត

អង្គការសុខភាពពិភពលោកកំពុងធ្វើការជាមួយចិនលើការប្រឈមករណីឆ្លងក្នុងឱកាសបុណ្យចូលឆ្នាំចិន

អង្គការសុខភាពពិភពលោកនិយាយថា វីរុស COVID-19 បំប្លែងខ្លួនថ្មី XBB.1.5 អាចកំពុងរុញឲ្យករណីឆ្លងកើនឡើង

រុស្ស៊ីបានផ្លាស់ប្តូរឧត្តមសេនីយ៍ជាន់ខ្ពស់របស់ខ្លួនឲ្យទទួលខុសត្រូវចំពោះសង្គ្រាមនៅអ៊ុយក្រែន

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

ធនាគារពិភពលោកព្រមានថា សេដ្ឋកិច្ចពិភពលោកអាចធ្លាក់ចូលក្នុងវិបត្តិសេដ្ឋកិច្ចយ៉ាងងាយស្រួលនៅឆ្នាំ2023

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin ប្រាប់​រដ្ឋាភិបាល​ថា ស្ថានភាព​នៅ​តំបន់​អ៊ុយ​ក្រែ​ន​ដែល​បាន​ភ្ជាប់​ឧបសម្ព័ន្ធ​មានការ​លំបាក​

លោក Zelenskyy និយាយ​ចំអក​ការអះអាង​របស់​រុស្ស៊ី​លើ​ទីក្រុង Soledar ដោយ​និយាយ​ថា ​ការប្រយុទ្ធ​នៅតែ​បន្ត​

អង្គការ​សុខភាព​ពិភពលោក​កំពុងធ្វើការ​ជាមួយ​ចិន​លើ​ការ​ប្រឈម​ករណី​ឆ្លង​ក្នុងឱកាស​បុណ្យចូលឆ្នាំ​ចិន​

អង្គការ​សុខភាព​ពិភពលោក​និយាយ​ថា​ វីរុស ​COVID-19​ បំប្លែង​ខ្លួន​ថ្មី XBB.1.5 អាច​កំពុង​រុញ​ឲ្យ​ករណី​ឆ្លង​កើនឡើង​

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin ប្រាប់រដ្ឋាភិបាលថា ស្ថានភាពនៅតំបន់អ៊ុយក្រែនដែលបានភ្ជាប់ឧបសម្ព័ន្ធមានការលំបាក

លោក Zelenskyy និយាយចំអកការអះអាងរបស់រុស្ស៊ីលើទីក្រុង Soledar ដោយនិយាយថា ការប្រយុទ្ធនៅតែបន្ត

អង្គការសុខភាពពិភពលោកកំពុងធ្វើការជាមួយចិនលើការប្រឈមករណីឆ្លងក្នុងឱកាសបុណ្យចូលឆ្នាំចិន

អង្គការសុខភាពពិភពលោកនិយាយថា វីរុស COVID-19 បំប្លែងខ្លួនថ្មី XBB.1.5 អាចកំពុងរុញឲ្យករណីឆ្លងកើនឡើង