BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ

ចិន៖ ក្រុមមន្ត្រីមកពីគណៈកម្មការសុខភាពជាតិចិននិយាយថា ការទាមទារសម្រាប់វិធានការបន្ទាន់ និងការហក់ឡើងខ្ពស់នៃករណីឆ្លងវីរុស COVID-19 ដ៏ធ្ងន់ធ្ងរទំនងជានឹងកើនឡើងដល់ចំណុចកំពូលនៅក្នុងទីក្រុងតូចៗ និងមធ្យម ព្រមទាំងតំបន់ជនបទនានា ដោយសារតែការធ្វើដំណើរក្នុងឱកាសពិធីបុណ្យចូលឆ្នាំប្រពៃណីចិននាពេលខាងមុខ។ កាលពីថ្ងៃអាទិត្យ ទី៨ មករា ទូរទស្សន៍រដ្ឋចិន CCTV បានចេញផ្សាយបទសម្ភាសន៍មួយជាមួយលោកស្រី Jiao Yahui មន្ត្រីមួយរូបមកពីគណៈកម្មការសុខភាពជាតិដែលបាននិយាយថា តម្រូវការសម្រាប់គ្រាអាសន្ន និងការថែទាំដ៏ចាំបាច់នៅក្នុងទីក្រុងធំបំផុតរបស់ចិនទំនងបានឡើងដល់ចំណុចកំពូលហើយ ប៉ុន្តែការធ្វើដំណើរអំឡុងពិធីបុណ្យនិទាឃៈរដូវប្រចាំឆ្នាំ អាចរុញឲ្យករណីឆ្លងហក់ឡើងខ្ពស់នៅក្នុងទីក្រុងតូចៗ និងតំបន់ជនបទនានា។ លោកស្រីនិយាយថា ចំនួន ៨០% នៃគ្រែសង្គ្រោះបន្ទាន់នៅបន្ទប់ ICU នៅក្នុងមន្ទីរពេទ្យធំលំដាប់ទី១ និងទី២ ត្រូវបានប្រើអស់ប្រមាណ ៥៤% កាលពីថ្ងៃទី២៥ ខែធ្នូ ដោយបន្ថែមថា សេវាផ្ដល់ឱសថរបស់ប្រទេសនេះក្នុងការព្យាបាលវីរុស COVID-19 កំពុងប្រឈមនឹងហានិភ័យធ្ងន់ធ្ងរមិនធ្លាប់មាន។ ក្រុមមន្ត្រីសុខភាពបានថ្លែងនៅសន្និសីទសារព័ត៌មានមួយថា ពួកគេនឹងមិនច្រានចោលលទ្ធភាពនៃការចាត់វិធានការបន្ទាន់ទប់ស្កាត់ការឆ្លងរាលដាលវីរុស COVID-19 នានានោះទេ ដូចជាការផ្អាកសកម្មភាពទ្រង់ទ្រាយធំដែលមិនចាំបាច់ និងអាជីវកម្មកម្សាន្តធំៗ ដើម្បីទប់ទល់ការផ្ទុះរាលដាលវីរុសទ្រង់ទ្រាយធំ៕អត្ថបទ៖ សុខមាន

បណ្ដាប្រទេសនៅអាស៊ីអាគ្នេយ៍ត្រៀមទទួលស្វាគមន៍ភ្ញៀវទេសចរចិន ស្របពេលដកការរឹតត្បិត

អាស៊ីអាគ្នេយ៍៖ បណ្តាប្រទេសអាស៊ីអាគ្នេយ៍បានស្វាគមន៍ ការបន្ធូរបន្ថយការរឹតបន្តឹងរបស់ប្រទេសចិនលើការធ្វើដំណើរជាអន្តរជាតិ ដោយនិយាយថា ខ្លួននឹងបញ្ចូលកម្លាំងរុញច្រានដល់ការងើបឡើងវិញនៃឧស្សាហកម្មទេសចរណ៍របស់ពួកគេ បន្ទាប់ពីការផ្អាកជាយូរមកហើយដែលបង្កឡើងដោយជំងឺរាតត្បាតសកល។ ប្រទេសជាច្រើនរួមទាំងព្រះរាជាណាចក្រកម្ពុជា ឥណ្ឌូនេស៊ី និងសិង្ហបុរីបានប្រកាសថា ពួកគេនឹងមិនតម្រូវឲ្យមានការធ្វើតេស្តរកវីរុស COVID-19 សម្រាប់អ្នកដំណើរមកពីប្រទេសចិនទេ។ ជាមួយគ្នានោះប្រទេសមួយចំនួនរួមមានវៀតណាម ថៃ និងម៉ាឡេស៊ីបាននិយាយថា ពួកគេកំពុងត្រៀមស្វាគមន៍ក្រុមទេសចរជនជាតិចិន ដោយមានយុទ្ធនាការត្រៀមជាច្រើនក្នុងការផ្សព្វផ្សាយពីប្រទេសរបស់ពួកគេនៅលើចិនដីគោក។ ក្រុមមន្ត្រីទេសចរណ៍ និងម្ចាស់អាជីវកម្មក្នុងតំបន់និយាយថា ក្រុមភ្ញៀវបរទេសចិនសំខាន់ណាស់សម្រាប់ប្រទេស និងអាជីវកម្មរបស់ពួកគេ។ ប្រធានសមាគមទីភ្នាក់ងារធ្វើដំណើរថៃលោក Sisdivachr Cheewarattanaporn បាននិយាយថា ភ្ញៀវទេសចរចិនសំខាន់ណាស់សម្រាប់ប្រទេសថៃ។ គ្រប់ទីភ្នាក់ងារធ្វើដំណើរ សណ្ឋាគារ និងគោលដៅទេសចរណ៍ទាំងអស់របស់ថៃកំពុងត្រៀមលក្ខណៈទទួលពួកគេ។ ថៃបានត្រៀមខ្លួនរួចរាល់ហើយ ហើយសមាគមរបស់យើងនឹងប្រឹងប្រែងអស់ពីលទ្ធភាព ដើម្បីទទួលស្វាគមន៍ក្រុមភ្ញៀវទេសចរជនជាតិចិន។ ចំណែករដ្ឋមន្ត្រីក្រសួងទេសចរណ៍កម្ពុជាលោក Thong Khon បាននិយាយថា ប្រទេសកម្ពុជាតែងតែងបើកទទួលពលរដ្ឋចិន ភ្ញៀវទេសចរចិន និងក្រុមវិនិយោគិនជនជាតិចិនជានិច្ច៕អត្ថបទ៖ សុខមាន

អាមេរិក និងអឺរ៉ុបថ្កោលទោសអ៊ីរ៉ង់លើការប្រហារជីវិតដោយការព្យួរកបុរស ២នាក់ថែមទៀតពាក់ព័ន្ធការតវ៉ា

អាមេរិក៖ សហរដ្ឋអាមេរិកបានចូលរួមជាមួយសហភាពអឺរ៉ុប ក្នុងការថ្កោលទោសលើការប្រហារជីវិតបុរស ២នាក់ដោយចងព្យួរកកាលពីថ្ងៃទី៧ ខែមករា ក្រោយពួកគេត្រូវបានរកឃើញទោសកំហុសពីបទសម្លាប់សមាជិកកងកម្លាំង Basij អំឡុងការតវ៉ាប្រឆាំងរដ្ឋាភិបាល។ អ្នកនាំពាក្យក្រសួងការបរទេសសហរដ្ឋអាមេរិកលោក Ned Price បានថ្កោលទោសយ៉ាងដាច់អហង្ការ នៅអ្វីដែលលោកបានហៅថាជាការកាត់ទោស និងការប្រហារជីវិតដ៏អាម៉ាស់លើបុរស ២នាក់ពីបទសម្លាប់សមាជិកកងកម្លាំងប៉ារ៉ាកាលពីខែវិច្ឆិកា ឆ្នាំ២០២២ កន្លងទៅ។ លោក Price បាននិយាយនៅលើបណ្ដាញ Twitter ថា ការប្រហារជីវិតទាំងនេះគឺជាផ្នែកដ៏សំខាន់នៃកិច្ចខិតខំប្រឹងប្រែងរបស់របបនេះ ក្នុងការគាបសង្កត់ការតវ៉ាទាំងឡាយ។ យើងនៅតែបន្តធ្វើការជាមួយបណ្ដាដៃគូ ដើម្បីស្វែងរកការទទួលខុសត្រូវសម្រាប់ការបង្ក្រាបដ៏សាហាវរបស់អ៊ីរ៉ង់ ដែលបានសម្លាប់មនុស្សយ៉ាងហោចណាស់ ៥១៦នាក់រួមទាំងកុមារ ៧០នាក់ និងមនុស្សចំនួន ១៩.២៦២នាក់ត្រូវបានចាប់ខ្លួន។ ប្រធានកិច្ចការបរទេសសហភាពអឺរ៉ុបលោក Josep Borrell បាននិយាយថា សហភាពអឺរ៉ុបបានតក់ស្លុតដោយសារតែការប្រហារជីវិតនេះ។ សហភាពអឺរ៉ុបអំពាវនាវជាថ្មីទៀត ឲ្យក្រុមអាជ្ញាធរអ៊ីរ៉ង់បញ្ចប់សកម្មភាពបង្ក្រាបដោយហិង្សាជាបន្ទាន់លើជនស៊ីវិល និងបានថ្កោលទោសយ៉ាងដាច់អហង្ការ ចំពោះការអនុវត្តន៍ច្បាប់កាត់ទោសប្រហារជីវិតលើក្រុមបាតុករ។ ទីភ្នាក់ងារព័ត៌មានតុលាការរបស់អ៊ីរ៉ង់ Mizan Online បានប្រកាសការប្រហារជីវិតលើលោក Mohammad Mahdi Karami និងលោក Seyyed Mohammad Hosseini ដោយការព្យួរ -ក-។ ទីភ្នាក់ងារនេះបានហៅពួកគេថា ជាអ្នកប្រព្រឹត្តិអំពើឧក្រិដ្ឋកម្មដ៏ធំដែលនាំឲ្យរកការធ្វើទុក្ករកម្មរបស់ Ruhollah Ajamian ក្នុងអំឡុងការតវ៉ានៅក្នុងទីក្រុង Karaj ក្បែររដ្ឋធានីរបស់អ៊ីរ៉ង់៕អត្ថបទ៖ សុខមាន

ក្រុមអ្នកតវ៉ាបានប៉ះទង្គិចគ្នាជាមួយនគរបាលនៅរោងចក្រផលិតឧបករណ៍តេស្តរហ័សរកវីរុស COVID-19 នៅចិន

ចិន៖ វីដេអូមួយចំនួនដែលបានបង្ហោះនៅលើបណ្ដាញសង្គម បានបង្ហាញពីក្រុមអ្នកតវ៉ាបានប៉ះទង្គិចជាមួយនគរបាលនៅភាគកណ្ដាលប្រទេសចិន អំឡុងការធ្វើបាតុកម្មកាលពីថ្ងៃសៅរ៍ ដោយមនុស្សរាប់រយនាក់នៅរោងចក្រផលិតឧបករណ៍ធ្វើតេស្តរហ័សរកវីរុស COVID-19។ក្រុមអ្នកប្រើប្រាស់បណ្ដាញសង្គមបាននិយាយថា ការតវ៉ានេះពាក់ព័ន្ធបញ្ហាប្រាក់ឈ្នួល និងការកាត់បន្ថយបុគ្គលិកដ៏ច្រើននៅក្រុមហ៊ុន Zybio នៅកណ្ដាលទីក្រុងឆុងឈីង (Chongqing)។ សារព័ត៌មាន Reuters មិនអាចសុំការអត្ថាធិ ប្បាយណាមួយភ្លាមៗទេពីក្រុមហ៊ុន Zybio ប៉ុន្តែត្រូវបានផ្ទៀងផ្ទាត់តាមរយៈទីតាំងភូមិសាស្ត្រ ដែលវីដេអូខ្លះត្រូវបានថតនៅរោងចក្រក្នុងទីក្រុងឆុងឈីង។ នគរបាលបានដកថយ ក្រោយការប៉ះទង្គិចដោយហិង្សាជាមួយក្រុមបាតុករ។ វីដេអូមួយបានបង្ហាញពីក្រុមបាតុករគប់វត្ថុសម្រាប់បិទចរាចរណ៍ សំបកឡាំង និងកៅអីលើនគរបាលបង្ក្រាបកុបកម្ម។ វីដេអូផ្សេងទៀតដែលបានបង្ហោះនៅលើបណ្ដាញសង្គមនានាដូចជា Twitter និង Douyin បានបង្ហាញពីក្រុមអ្នកតវ៉ារាប់សិបនាក់ស្រែកថា ឲ្យលុបយើងវិញមក៕អត្ថបទ៖ សុខមាន

ចិនបើកព្រំដែនឡើងវិញទទួលភ្ញៀវទេសចរ ក្រោយបិទរយៈពេល ៣ឆ្នាំដោយសារការឆ្លងរាលដាលវីរុស COVID-19

ចិន៖ ប្រទេសចិនបានបើកព្រំដែនឡើងវិញទទួលភ្ញៀវទេសចរអន្តរជាតិជាលើកដំបូង ចាប់តាំងពីការរឹតត្បិតការធ្វើដំណើរកាលពីខែមីនា ឆ្នាំ២០២០។ ការមកដល់របស់អ្នកដំណើរនាពេលខាងមុខ នឹងមិនតម្រូវឲ្យដាក់នៅដាច់ដោយឡែកទៀតទេ ជាការផ្លាស់ប្ដូរដ៏ធំនៅក្នុងគោលនយោបាយទប់ស្កាត់ការឆ្លងរាលដាលវីរុស Covid របស់ប្រទេសនេះ ខណៈកំពុងទប់ទល់ការហក់ឡើងខ្លាំងនៃករណីឆ្លង។ អ្នកដំណើរទាំងនោះនឹងនៅតែតម្រូវឲ្យបង្ហាញលទ្ធផលតេស្តអវិជ្ជមាន PCR ក្នុងរយៈពេល ៤៨ម៉ោងនៃការធ្វើដំណើរ។ វិធានការនេះនឹងត្រូវបានស្វាគមន៍ដោយមនុស្សជាច្រើន ដែលកំពុងរង់ចាំឱកាសដ៏ល្អនេះដើម្បីជួបជុំគ្រួសារអំឡុងបុណ្យចូលឆ្នាំប្រពៃណីចិនខាងមុខ។ នៅក្នុងទីក្រុងហុងកុង មនុស្សចំនួន ៤០០.០០០នាក់ត្រូវគេរំពឹងថា ធ្វើដំណើរទៅកាន់ចិនដីគោកនៅក្នុងប៉ុន្មានសប្ដាហ៍ខាងមុខ ដោយមានមនុស្សឈរតម្រង់ជួរគ្នាយ៉ាងវែងរង់ចាំជើងហោះហើរចូលទៅកាន់ទីក្រុងនានា រួមទាំងរដ្ឋធានី Beijing និងទីក្រុង Xiamen។ ប្រទេសចិនបានទទួលជើងហោះហើរដំបូង ក្រោមវិធានការគ្មានការតម្រូវឲ្យនៅដាច់ដោយឡែកថ្មីរបស់ប្រទេសនេះ សម្រាប់អ្នកដំណើរនៅអាកាសយានដ្ឋានធំៗទូទាំងប្រទេសកាលពីថ្ងៃអាទិត្យ។ កាលពីថ្ងៃអាទិត្យ រថយន្តក្រុង ២ជាន់ផ្ទុកពេញដោយអ្នកដំណើរបានមកដល់ស្ពានទីក្រុង Hong Kong តភ្ជាប់ពីទីក្រុង Zhuhai ទៅទីក្រុង Macau ដើម្បីឡើងជិះរថយន្តទៅកាន់ខេត្ត Guangdong ក្នុងចំណោមពួកគេគឺជាក្រុមនិស្សិតមហាវិទ្យាល័យដែលកំពុងវិលត្រឡប់ទៅផ្ទះរបស់ខ្លួន៕អត្ថបទ៖ សុខមាន

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្ដេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋដែលបានផ្ដល់នូវការជឿទុកចិត្ត ចំពោះគណបក្សប្រជាជនកម្ពុជា ជាពិសេសការជឿទុកចិត្តចំពោះសម្ដេចផ្ទាល់ សម្រាប់ការដឹកនាំប្រទេសប្រកបដោយសន្ដិភាព និងការអភិវឌ្ឍ។ សម្ដេចបញ្ជាក់ថាប្រសិនបើគ្មានការគាំទ្រពីសំណាក់ប្រជាពលរដ្ឋក្នុងការចាក់វ៉ាក់សាំងការពារកូវីដ-១៩ទេ ប្រទេសកម្ពុជា ក៏មិនអាចបើកដំណើរការសង្គមសេដ្ឋកិច្ចជាធម្មតាឡើងវិញបានដែរ។ សម្ដេចតេជោ ហ៊ុន សែន បានថ្លែងនៅក្នុងឱកាសអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះថា បើគ្មានការគាំទ្រពីប្រជាពលរដ្ឋប្រទេសកម្ពុជា ក៏មិនអាចជោគជ័យលើការប្រយុទ្ធប្រឆាំងនឹងជំងឺកូវីដ-១៩ បានដែរ ប្រសិនបើប្រជាពលរដ្ឋមិនទទួលយកអនុវត្តនូវវិធានការសុខាភិបាល ៣ការពារ និង៣កុំ និងការទទួលវ៉ាក់សាំង។ សម្ដេចតេជោបានបញ្ជាក់ថា គ្រាន់តែមួយរយៈខ្លីប៉ុណ្ណោះ កូវីដ១៩ បានទាញយកជីវិតប្រជាជនកម្ពុជា ៣០៥៦ នាក់ ដែលជាចំនួនមួយ គួរឱ្យខ្លាច។ ប៉ុន្ដែដោយសារមានការគាំទ្រពីសំណាក់ប្រជាពលរដ្ឋទៅលើគោលនយោបាយ ទៅលើយុទ្ធសាស្រ្ដ និងបណ្ដាវិធានការទាំងឡាយ ដែលរាជរដ្ឋាភិបាលបានដាក់ចេញ គឺត្រូវបានប្រជាពលរដ្ឋទទួលស្វាគមន៍។សម្តេចតេជោ ហ៊ុន សែន ប្រកាសដល់ប្រជាពលរដ្ឋកុំភ្លេចខ្លួន ក្នុងកិច្ចការការពារការឆ្លងរីករាលដាលជំងឺកូវីដ១៩ ដោយនាំគ្នាទៅចាក់វ៉ាក់សាំងបង្ការជំងឺកូវីដ១៩ ឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញ តាមការណែនាំរបស់ក្រុមគ្រូពេទ្យចាក់វ៉ាក់សាំង៕ អត្ថបទ៖ វ៉ន ដារ៉ា

សម្តេចតេជោ ហ៊ុនសែន អញ្ជើញបើកការដ្ឋានសាងសង់ពង្រីក និងលើកគុណភាព កំណាត់ផ្លូវជាតិលេខ៧ ពីស្គន់ទៅក្រុងកំពង់ចាម

កំពង់ចាម៖ សម្ដេចតេជោ ហ៊ុន សែន នាយករដ្ឋមន្ត្រី និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា អញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកម្រិតគុណភាពកំណត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នៅព្រឹកថ្ងៃទី០៩ ខែមករា ឆ្នាំ២០២៣នេះ។ ក្រសួងសាធារណការ និងដឹកជញ្ជូន បានឲ្យដឹងថា កំណាត់ផ្លូវជាតិលេខ៧នេះ ត្រូវបានស្តារ និងស្ថាបនាឡើងវិញកាលពីឆ្នាំ១៩៩៩ ជាប្រភេទផ្លូវក្រាលបេតុងកៅស៊ូ(AC) មានទទឹង ៧ម៉ែត្រ និង៩ម៉ែត្រ។ កាលនោះ កំណាត់ផ្លូវនេះ រួមជាមួយស្ពានមិត្តភាពកម្ពុជា-ជប៉ុន (ស្ពានគីហ្សូណា) ត្រូវបានសាងសង់ឡើងក្រោមជំនួយឥតសំណងពីរដ្ឋាភិបាលប្រទេសជប៉ុន។ ក្រោយមកដោយសារកំណើនសេដ្ឋកិច្ច គួបផ្សំនឹងសកម្មភាព ចរាចរណ៍របស់អ្នកដំណើរ និងការដឹកជញ្ជូនមានការកើនឡើងយ៉ាងគំហុក បានប្រែក្លាយកំណាត់ផ្លូវនេះឱ្យទៅជា «ផ្លូវកដប» ដែលមានសភាពចង្អៀត មានការកកស្ទះ និងមានគ្រោះថ្នាក់ញឹកញាប់ ទើបរាជរដ្ឋាភិបាលសម្រេចសាងសង់ពង្រីក និងលើកកម្រិតគុណភាពកំណាត់ផ្លូវនេះឡើងវិញឱ្យបានធំទូលាយ និងល្អប្រសើរជាងមុន។ គម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧នេះ មានប្រវែងសរុបជាង ៤៥គីឡូម៉ែត្រ ចាប់ពីរង្វង់មូលស្គន់ ទីរួមស្រុកជើងព្រៃ ទៅដល់រង្វង់មូលគល់ស្ពានគីហ្សូណា ក្រុងកំពង់ចាម នឹងត្រូវស្ថាបនាជាប្រភេទផ្លូវ ក្រាលបេតុងកៅស៊ូ (AC) កម្រាស់ ៩សង់ទីម៉ែត្រ និងពង្រីកទទឹងតួផ្លូវពី ២គន្លង ទៅ ៤គន្លង ដោយគន្លងនីមួយៗមានប្រវែង ៣.៧៥ម៉ែត្រ និងសួនពុះទ្រូងផ្លូវ ១.៥ម៉ែត្រ។ គម្រោងនេះ នឹងរួមបញ្ចូលការ សាងសង់ស្ពានថ្មី ចំនួន ១កន្លែង ប្រវែង ៤០ម៉ែត្រ មានទទឹង ២៤ម៉ែត្រ ស្ពានថ្មីចំនួន ៦កន្លែងផ្សេងទៀត ប្រវែងសរុប ១០៦ម៉ែត្រ មានទទឹង ១២ម៉ែត្រ និងពង្រីកបន្ថែមស្ពានចាស់ ដែលមានស្រាប់ចំនួន ១កន្លែង ទទឹង ១០.៥ម៉ែត្រដាក់លូគ្រប់ប្រភេទចំនួន ៣៣០កន្លែង បំពាក់កាមេរ៉ា ត្រួតពិនិត្យ ល្បឿនរថយន្ត ២កន្លែង បំពាក់ស្ថានីយជញ្ជីងថ្លឹងរថយន្ត ដឹកជញ្ជូនលើសទម្ងន់កម្រិតកំណត់វៃឆ្លាត និងត្រួតពិនិត្យដោយស្វ័យ ប្រវត្តិ (AI and Weigh-in-Motion) ចំនួន ២កន្លែង និងបំពាក់ស្លាក សញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោល សុវត្ថិភាពទៅតាមបទដ្ឋានបច្ចេកទេសផ្លូវថ្នល់។ គម្រោងនេះ ត្រូវអនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សា បច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤០ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបជាង ១១៧លានដុល្លារអាមេរិក ដែលជាឥណទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕

Breaking News ! លោក គី តិច មេធាវីសម្តេចតេជោ ហ៊ុន សែន នាំយកថវិកាឈ្នះក្តីទណ្ឌិត សម រង្ស៊ី បរិច្ចាកជូនមន្ទីរពេទ្យគន្ធបុប្ផា

ភ្នំពេញ៖ នៅសៀលថ្ងៃទី០៧ ខែមករា ឆ្នាំ២០២៣នេះ លោក គី តិច មេធាវីសម្តេចតេជោ ហ៊ុន សែន នាំយកថវិកាឈ្នះក្តីទណ្ឌិត សម រង្ស៊ី បរិច្ចាកជូនមន្ទីរពេទ្យគន្ធបុប្ផា។គួរបញ្ជាក់ថា ថវិកានោះ ជាថវិកាចំណែករបស់សម្តេចពញាចក្រី ហេង សំរិន ប្រធានរដ្ឋសភា បានមកពីការប្តឹងឈ្នះទណ្ឌិត សម រង្ស៊ី ចំនួន ៤៨.៤៤៨,២៨ដុល្លាអាមេរិក ក្នុងសំណុំរឿងបរិហាកេរ្តិ៍ កាលពីឆ្នាំ២០១៥ ក្រោយពេលតុលាការលក់ឡៃឡុងទ្រព្យសម្បត្តិ នៃអតីតទីស្នាក់កណ្តាល អតីតគណបក្សសង្គ្រោះជាតិ។ព័ត៌មានលម្អិត BTV នឹងផ្សាយជូននាពេលបន្តបន្ទាប់។https://fb.watch/hURERlTSu4/?mibextid=cr9u03

សម្តេចតេជោព្រមានកំចាត់ចោលចំពោះបក្សនយោបាយណាដែលជាប់ពាក់ព័ន្ធនឹងជនក្បត់ជាតិបីជំនាន់

ភ្នំពេញ ៖ ជាថ្មីម្តងទៀត សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានព្រមានយ៉ាងដាច់ណាត់ថា នឹងធ្វើការកំចាត់ចោលរាល់គណបក្សនយោបាយ ឬបុគ្គលណាដែលជាប់ពាក់ព័ន្ធនឹងជនជ្រុល និយមក្បត់ជាតិបីជំនាន់ ដោយបច្ចុប្បន្នកំពុងរត់ចោលស្រុក ខណៈក្រុមក្បត់ជាតិទាំងនេះហើយបានកំពុង ព្យាយាមម្តងហើយម្តងទៀតក្នុងការបំផ្លិតបំផ្លាញសុខសន្តិភាពនៅកម្ពុជា ដែលកំពុងមានសព្វថ្ងៃនេះ។ ថ្លែងក្នុងឱកាសប្រារព្ឋខួបលើកទី៤៤«ទិវាជ័យជម្នះ៧មករា»(៧មករា១៩៧៩-៧មករា២០២៣) ដែលបានប្រព្រឹត្តិទៅនៅមជ្ឈមណ្ឌលកំសាន្តកោះពេជ្យ នាព្រឹកថ្ងៃទី៧ ខែមករា ឆ្នាំ២០២៣នេះ សម្តេច តេជោ ហ៊ុន សែន បានប្រកាសថា មិនត្រូវលើកលែងឲ្យក្រុមពួកជ្រុលនិយមក្បត់ជាតិ ដែលប៉ុនប៉ង សកម្មភាពណាមួយ ធ្វើឲ្យកម្ពុជាមានភាពវឹកវរនោះទេ ហើយអ្នកណា ឬបក្សណាក៏ដោយឲ្យតែដឹងថា ផ្សំគំ និតជាមួយក្រុមក្បត់ជាតិ និងជ្រុលនិយមទាំងនោះនឹងត្រូវតែកំចាត់ចោលភ្លាមៗគ្មានការអនុគ្រោះនោះឡើយ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានរំលឹកផងដែរថា កម្ពុជាប្រកាន់ខ្ជាប់ធម្មនុញ្ញអង្គការសហប្រជាជាតិ និងច្បាប់ បទដ្ឋាន ព្រមទាំងគោលការណ៍ទាំងឡាយដែលត្រូវបានទទួលស្គាល់ជាសាកល ហើយជំទាស់ដាច់ខាតចំពោះការប្រើប្រាស់កម្លាំង ឬការគំរាមកំហែងដោយកម្លាំងប្រឆាំងនឹងរដ្ឋអធិបតេយ្យមួយ។ ចំពោះបញ្ហាសង្គ្រាម និងសន្តិភាព ឆ្លងកាត់ប្រវត្តិសាស្រ្តដ៏ជូរចត់ដែលកម្ពុជាបានជួបរួចមកហើយនោះ យើងយល់ថាសង្រ្គាមមិនអាចបញ្ចប់ដោយសង្រ្គាមបានឡើយ មានតែការដោះស្រាយជម្លោះដោយសន្តិវិធីតាមរយៈការសន្ទនា និងពិគ្រោះយោបល់ប៉ុណ្ណោះ ទើបអាចសម្រេចបាននូវសន្តិភាពប្រកបដោយចីរភាពបាន៕ អត្ថបទ ៖ បាន ចក់

សម្តេចតេជោ៖យើងទាំងអស់គ្នាត្រូវតែរួមគ្នាពូនជ្រុំថែរក្សា និងការពារ៧មករាឲ្យខាងតែបាន

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានគណបក្សប្រជាជន កម្ពុជា បានអំពាវនាវដល់បងប្អូនជនរួមជាតិទាំងអស់ត្រូវរួមគ្នាពូនជ្រុំថែរក្សា និងការពារនូវ«ទិវា៧មករា» ឲ្យខាងតែបាន ខណៈថ្ងៃ៧មករានេះហើយ បាននាំដែនដីមរណៈរបស់កម្ពុជា ឲ្យក្លាយទៅជាដែនដីដ៏ស្រស់ ត្រកាលឡើងវិញរហូតដល់សព្វថ្ងៃនេះ។ ថ្លែងក្នុងឱកាសប្រារព្ឋខួបលើកទី៤៤«ទិវាជ័យជម្នះ៧មករា»(៧មករា១៩៧៩-៧មករា២០២៣) ដែលបានប្រព្រឹត្តិទៅនៅមជ្ឈមណ្ឌលកំសាន្តកោះពេជ្យ នាព្រឹកថ្ងៃទី៧ ខែមករា ឆ្នាំ២០២៣នេះ សម្តេច តេជោ ហ៊ុន សែន បានលើកឡើងថា ថ្ងៃ៧មករា គឺជាថ្ងៃកំណើតទី២របស់ប្រជាជនខ្មែរគ្រប់រូប ហើយប្រសិនបើមិនមានថ្ងៃ៧មករា ឆ្នាំ១៩៧៩ទេគឺពុំមានវត្តមានថ្ងៃនេះឡើយ ដូច្នេះបងប្អូនជនរួមជាតិទាំងអស់ ត្រូវតែការពារនូវ«ទិវា៧មករា»នេះ ដោយមិនត្រូវបណ្តែតបណ្តោយឲ្យជនអគតិណាបំផ្លិតបំផ្លាញបាននោះ ឡើយ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងជាប្រធានគណបក្សប្រ ជាជនកម្ពុជា ក៏បានលើកឡើងផងដែរថា ខួបនៃទិវាជ័យជម្នះ ៧មករា នៅឆ្នាំនេះ ប្រារព្ធឡើងក្នុងសភាពការណ៍ដែលព្រះរាជាណាចក្រកម្ពុជា បានសម្រេចសមិទ្ធផលធំៗថ្មីទៀតលើគ្រប់វិស័យ បន្ទាប់ពីបានងើបឡើងវិញយ៉ាងឆាប់រហ័សពីវិបត្តិជំងឺកូវីដ-១៩ ហើយកំពុងបន្តឈានទៅមុខប្រកបដោយភាពជឿជាក់លើមាគ៌ាសន្តិភាព ប្រជាធិបតេយ្យ និងអភិវឌ្ឍន៍ ជាមួយនឹងការលេចត្រដែតឡើងនូវកិត្យានុភាពរបស់កម្ពុជាលើឆាកអន្តរជាតិជាដើមនោះ។សូមរំលឹកថាថ្ងៃ ៧ មករា ឆ្នាំ ១៩៧៩ គឺជាទិវាមហាជ័យជំនះរបស់ប្រជាជនកម្ពុជាលើបនប្រល័យពូជសាសន៍ ប៉ុល ពត។ កម្ពុជាបានបិទនូវទំព័រសករាជដ៏ខ្មៅងងឹតរបស់ខ្លួន ហើយបើកចេញនូវទំព័រសករាជថ្មីគឺសករាជឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ ប្រជាជនកម្ពុជា បានប្រសិទ្ធនាមថ្ងៃ ៧ មករា ឆ្នាំ១៩៧៩ ថាជាថ្ងៃកំណើតទី២របស់ខ្លួន ហើយកំណត់នូវគោលជំហរយ៉ាងច្បាស់ថា «បើគ្មានថ្ងៃ៧ មករា ឆ្នាំ ១៩៧៩ ទេនោះ យើងនឹងគ្មានអ្វីៗទាំងអស់នៅថ្ងៃនេះ »។ លើមូលដ្ឋាននៃការពង្រីកជ័យជំនះ ៧ មករា ឆ្ពោះទៅមុខឥតឈប់ឈរ សាធារណរដ្ឋប្រជាមានិតុកម្ពុជា ដែលជាតំណាងស្របច្បាប់តែមួយគត់របស់ប្រជាជនកម្ពុជាសម្រេចបានស្នាដៃធំៗជាប្រវត្តិសាស្ត្រចំនួ៤គឺ៖ទី១- បានរំដោះប្រជាជនកម្ពុជាពីរបប ប៉ុល ពត ដ៏សែនមហាឃោឃៅ យង់ឃ្នង និងទប់ស្កាត់របបអន្យតិរ្ថិយនេះមិនឲ្យវិលត្រឡប់មកកម្ពជាជាលើកទី២។ទី២- បាននាំមកជូនប្រជាជនវិញនូវសិទ្ធិសេរីភាពទាំងអស់ ដែលសិទ្ធិសេរីភាពទាំងនោះត្រូវបានបន ប៉ុល ពត កំចាត់បង់ក្នុងរបប ៣ ឆ្នាំ ៨ ខែ ២០ថ្ងៃរបស់ពួកវាទៅហើយ។ទី៣- បានស្តារ និងកសាងខឿនសេដ្ឋកិច្ចជាតិ ឲ្យមានស្ថេរភាពជាបណ្តើរៗតាំងពីពេលនោះមក។ទី៤- បានធ្វើជាកម្លាំងស្នូលនៃការបង្រួបបង្រួមជាតិ និងជាកម្លាំងមិនអាចខ្វះបាន ក្នុងការអនុវត្តន៍កិច្ចព្រមព្រៀងទីកុ្រងប៉ារីស ថ្ងៃទី២៣ ខែតុលា ឆ្នាំ ១៩៩១៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

កម្ពុជា-អូស្រ្តាលី បន្តពង្រឹងកិច្ចសហប្រតិបត្តិការ ធានាដល់ប្រសិទ្ធភាពគម្រោង និងកម្មវិធីជំនួយនៅកម្ពុជា

ឯកអគ្គរដ្ឋទូតចិន អញ្ជើញចុះសួរសុខទុក្ខ និងនាំយកអំណោយស្ថានទូតចិន ចែកជូនបងប្អូនប្រជាពលរដ្ឋភៀសសឹក ដែលមិនទាន់អាចវិលត្រឡប់ទៅលំនៅដ្ឋានវិញ នៅមណ្ឌលសុវត្ថិភាពវត្តពើងអង្កាម

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភថវិកា ១០ម៉ឺនដុល្លារ និងសម្តែងការសោកស្តាយយ៉ាងក្រៃលែងជូនប្រធានសមាគមកាកបាទក្រហមចិន ចំពោះគ្រោះមហន្តរាយទឹកជំនន់នៅប្រទេសចិន

គ្រូបង្វឹកកម្ពុជា ផ្ដាំកូនក្រុមត្រូវបង្ហាញខ្លួនឲ្យល្អ ពេលជួបទីម័រល្ងាចនេះ ដើម្បីមានឱកាសកោះហៅលើកក្រោយ

ប្រទេសក្រិក ប្រយុទ្ធទប់ទល់ចំហេះព្រៃ និងគ្រោះរាំងស្ងួត ខណៈបានបិទរោងចក្រថាមពលនុយក្លេអ៊ែររបស់ហុងគ្រី

លោកLula អាយុ៨០ឆ្នាំ របស់ប្រេស៊ីល ទទួលបានការតែងតាំងជាបេក្ខជនប្រធានាធិបតីលើកទី៧

ប្រជាជនអេស្ប៉ាញ ទៅប្រមូលផ្តុំគ្នានៅទីក្រុងម៉ាឌ្រីដ ជុំវិញបញ្ហាតំបន់ហ៊ុមព័ទ្ធអាហ្វ្រិកខាងជើង

ខ្មាន់បំផ្ទុះគ្រាប់បែកអត្តឃាតសម្លាប់មនុស្ស ១៤ នាក់នៅខាងក្រៅប៉ុស្តិ៍នគរបាលមួយក្នុងប្រទេសប៉ាគីស្ថាន

យុវជនកងយោធពលខេមរភូមិន្ទ បន្ដទទួលឱកាសមាសចូលរួមព្រឹត្តិការណ៍អន្ដរជាតិ នៅចិន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ

បណ្ដាប្រទេសនៅអាស៊ីអាគ្នេយ៍ត្រៀមទទួលស្វាគមន៍ភ្ញៀវទេសចរចិន ស្របពេលដកការរឹតត្បិត

អាមេរិក និងអឺរ៉ុបថ្កោលទោសអ៊ីរ៉ង់លើការប្រហារជីវិតដោយការព្យួរកបុរស ២នាក់ថែមទៀតពាក់ព័ន្ធការតវ៉ា

ក្រុមអ្នកតវ៉ាបានប៉ះទង្គិចគ្នាជាមួយនគរបាលនៅរោងចក្រផលិតឧបករណ៍តេស្តរហ័សរកវីរុស COVID-19 នៅចិន

ចិនបើកព្រំដែនឡើងវិញទទួលភ្ញៀវទេសចរ ក្រោយបិទរយៈពេល ៣ឆ្នាំដោយសារការឆ្លងរាលដាលវីរុស COVID-19

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោព្រមានកំចាត់ចោលចំពោះបក្សនយោបាយណាដែលជាប់ពាក់ព័ន្ធនឹងជនក្បត់ជាតិបីជំនាន់

សម្តេចតេជោ៖យើងទាំងអស់គ្នាត្រូវតែរួមគ្នាពូនជ្រុំថែរក្សា និងការពារ៧មករាឲ្យខាងតែបាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុមមន្ត្រី​ចិន​រំពឹងថា​ ករណី​ឆ្លង​វីរុស COVID-19 នឹង​ហក់​ឡើង​ដល់​ចំណុចកំពូល​នៅក្នុង​ទីក្រុង​តូចៗ​

បណ្ដា​ប្រទេស​នៅ​អាស៊ីអាគ្នេយ៍ត្រៀម​ទទួល​ស្វាគមន៍​ភ្ញៀវទេសចរ​ចិន ស្របពេល​ដក​ការ​រឹតត្បិត​

ក្រុមអ្នកតវ៉ា​បាន​ប៉ះទង្គិច​គ្នា​ជាមួយ​នគរបាល​នៅ​រោងចក្រ​ផលិត​ឧបករណ៍​តេស្ត​រហ័ស​រក​វីរុស COVID-19 ​នៅ​ចិន

ចិន​បើក​ព្រំដែន​ឡើងវិញទទួលភ្ញៀវ​ទេសចរ ក្រោយ​បិទ​រយៈពេល​ ៣​ឆ្នាំ​ដោយសារ​ការឆ្លង​រាលដាល​វីរុស COVID-19

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោព្រមានកំចាត់ចោលចំពោះបក្សនយោបាយណាដែលជាប់ពាក់ព័ន្ធនឹងជនក្បត់ជាតិបីជំនាន់

សម្តេចតេជោ៖យើងទាំងអស់គ្នាត្រូវតែរួមគ្នាពូនជ្រុំថែរក្សា និងការពារ៧មករាឲ្យខាងតែបាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមមន្ត្រីចិនរំពឹងថា ករណីឆ្លងវីរុស COVID-19 នឹងហក់ឡើងដល់ចំណុចកំពូលនៅក្នុងទីក្រុងតូចៗ

បណ្ដាប្រទេសនៅអាស៊ីអាគ្នេយ៍ត្រៀមទទួលស្វាគមន៍ភ្ញៀវទេសចរចិន ស្របពេលដកការរឹតត្បិត

ក្រុមអ្នកតវ៉ាបានប៉ះទង្គិចគ្នាជាមួយនគរបាលនៅរោងចក្រផលិតឧបករណ៍តេស្តរហ័សរកវីរុស COVID-19 នៅចិន

ចិនបើកព្រំដែនឡើងវិញទទួលភ្ញៀវទេសចរ ក្រោយបិទរយៈពេល ៣ឆ្នាំដោយសារការឆ្លងរាលដាលវីរុស COVID-19