BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

អាមេរិក៖ ប្រធានាធិបតីអាមេរិកលោក Joe Biden បានគំរាមឲ្យក្រុមហ៊ុនអាកាសចរណ៍នានាចេញមុខទទួលខុសត្រូវ ជុំវិញការពន្យារពេល និងលុបចោលជើងហោះហើរ ស្របពេលរដ្ឋមន្ត្រីដឹកជញ្ជូនលោក Pete Buttigieg បានលើកឡើងចំឈ្មោះក្រុមហ៊ុន Southwest Airlines។ ទោះជាយ៉ាងណាក៏ដោយរដ្ឋបាលរបស់លោក Biden ត្រូវបានចោទប្រកាន់ថាបានរួមចំណែកដល់បញ្ហានេះ។ ដោយមានជាងពាក់កណ្តាលនៃទ្វីបអាមេរិកដែលរងផលប៉ះពាល់ ដោយព្យុះស៊ីក្លូនរដូវរងាដ៏ធ្ងន់ធ្ងរ យ៉ាងហោចណាស់ជើងហោះហើរចំនួន ៣.១០០ ត្រូវបានលុបចោលនៅទូទាំងប្រទេសកាលពីថ្ងៃអាទិត្យ និងជើងហោះហើរ ចំនួន ៦ .៨០០បន្ថែមទៀតត្រូវបានពន្យារពេល។ ការពន្យារពេល និងការលុបចោលជើងហោះហើរនៅតែមានចំនួនរាប់ពាន់កាលពីថ្ងៃចន្ទ ប៉ុន្តែគិតត្រឹមថ្ងៃពុធ ក្រុមហ៊ុនអាកាសចរណ៍មួយនៅតែតស៊ូ ជាពិសេសក្នុងការបន្តសេវាកម្មធម្មតានោះគឺក្រុមហ៊ុន Southwest ដែលជាក្រុមហ៊ុនអាកាសចរណ៍មានតម្លៃទាប។ យោងតាមក្រុមហ៊ុន FlightAware ដែលជាគេហទំព័រតាមដានជើងហោះហើរ ជើងហោះហើររបស់ក្រុមហ៊ុនអាកាសចរណ៍ Southwest ប្រមាណ ២.៥០៩ជើង ឬ ៦២ % នៃសេវាកម្មដែលបានគ្រោងទុករបស់ក្រុមហ៊ុនអាកាសចរណ៍ ត្រូវបានលុបចោលកាលពីរសៀលថ្ងៃពុធ។ ក្រុមហ៊ុនអាកាសចរណ៍នេះបានលុបចោលជើងហោះហើរជាង ១៤.៥០០ជើងចាប់តាំងពីថ្ងៃសុក្រសប្ដាហ៍មុនមក។ គិតមកដល់ថ្ងៃព្រហស្បតិ៍នេះ ចំនួនអ្នកស្លាប់ដោយសារព្យុះព្រិលនៅក្នុងរដ្ឋចំនួន៨ របស់សហរដ្ឋអាមេរិកបានកើនឡើងដល់ ៦២នាក់៕អត្ថបទ៖ សុខមាន

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

អ៊ុយក្រែន៖ យោធាអ៊ុយក្រែននិយាយថា កងកម្លាំងរុស្ស៊ីបានបង្កើនការវាយប្រហារដោយកាំភ្លើងត្បាល់ និងកាំភ្លើងធំទៅលើទីក្រុង Kherson ដែលទើបរំដោះបានថ្មីៗនៅក្នុងភាគខាងត្បូងអ៊ុយក្រែនកាលពីថ្ងៃពុធ ទី២៨ ខែធ្នូ ខណៈដែលក៏កំពុងបង្កើនសម្ពាធផងដែរនៅតាមសមរភូមិជួរមុខនានានៅភាគខាងកើត។ មេបញ្ជាការកងកម្លាំងប្រដាប់អាវុធអ៊ុយក្រែន បាននិយាយនៅក្នុងរបាយការណ៍ពេលព្រឹករបស់ខ្លួនថា រុស្ស៊ីបានបាញ់មីស៊ីលចំនួន ៣៣គ្រាប់ចេញពីជើងទម្របាញ់រ៉ូកែតពហុជំនាញ ទៅលើគោលដៅជនស៊ីវិលនៅក្នុងតំបន់ Kherson ក្នុងរយៈពេល ២៤ម៉ោងកាលពីព្រឹកថ្ងៃពុធ តែរុស្ស៊ីបានច្រានចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិលនោះ។ ការវាយប្រយុទ្ធគ្នាដ៏ខ្លាំងក្លាក៏បានបន្តផងដែរនៅជុំវិញទីក្រុង Bakhmut គ្រប់គ្រងដោយអ៊ុយក្រែន ដែលពេលនេះរងការបំផ្លិចបំផ្លាញយ៉ាងធ្ងន់ធ្ងរនៅក្នុងខេត្ត Donetsk ភាគខាងកើត និងរហូតដល់ភាគខាងជើងជុំវិញទីក្រុង Svatove និងទីក្រុង Kreminna ក្នុងខេត្ត Luhansk ជាទីដែលកងកម្លាំងអ៊ុយក្រែនកំពុងព្យាយាមវាយបំបែកខ្សែត្រៀមរបស់រុស្ស៊ី។ ពន្លឺនៃការចរចាបញ្ចប់សង្គ្រាមនៅតែមិនទាន់មានរហូតមកដល់ខែទី១១ ទៅហើយនោះ។ វិមានក្រឹមឡាំងកាលពីថ្ងៃពុធបានទាត់ចោលផែនការសន្តិភាព ១០ចំណុចរបស់លោកប្រធានាធិបតីអ៊ុយក្រែន Volodymyr Zelenskiy ដោយនិយាយថា សំណើបញ្ចប់សង្គ្រាមនៅអ៊ុយក្រែនត្រូវតែរាប់បញ្ចូល នូវអ្វីដែលខ្លួនហៅថាការពិតរបស់បច្ចុប្បន្ននៃតំបន់ទាំង៤ របស់អ៊ុយក្រែនដែលបានដាក់បញ្ចូលជាឧបសម្ព័ន្ធរបស់រុស្ស៊ី៕ អត្ថបទ៖ សុខមាន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

ចិន៖ មន្ទីរពេទ្យជាច្រើនរបស់ប្រទេសចិនស្ថិតក្រោមសម្ពាធខ្លាំងកាលពីថ្ងៃពុធ ទី២៨ ខែធ្នូ ខណៈរលកនៃការឆ្លងរាលដាលវីរុស COVID-19 កំពុងហក់ឡើងខ្លាំង បានប៉ះពាល់ដល់ធនធាននានានៅក្នុងប្រទេសដ៏ធំចុងក្រោយមួយនេះ ក្នុងការចាត់ទុកវីរុសនេះថាជាការឆ្លងតែក្នុងតំបន់ ឬក្នុងប្រទេសមួយប៉ុណ្ណោះ។ នៅក្នុងការផ្លាស់ប្ដូរគោលនយោបាយដ៏តក់ក្រហល់ ប្រទេសចិនកាលពីដើមខែនេះបានចាប់ផ្ដើមរំលាយចោល ពេលវេលារឹតត្បិតដ៏តឹងរ៉ឹងបំផុតនៃការបិទខ្ទប់ និងការពង្រីកការធ្វើតេស្ត ដើម្បីបញ្ចៀសការប៉ះពាល់សេដ្ឋកិច្ចដ៏ធំរបស់ខ្លួន សម្រាប់ការបើកប្រទេសឡើងវិញទាំងស្រុងនៅឆ្នាំក្រោយ។ យោងតាមក្រុមអ្នកជំនាញសុខភាពអន្តរជាតិ វិធានការដែលមានឡើង ក្រោយការតវ៉ាដ៏ធំនានាជាច្រើនថ្ងៃប្រឆាំងការរឹតត្បិតទាំងឡាយ មានន័យថាវីរុស COVID-19 កំពុងឆ្លងរាលដាលខ្លាំងខ្វះការគ្រប់គ្រង និងទំនងជាកំពុងឆ្លងដល់មនុស្សរាប់លាននាក់ក្នុងមួយថ្ងៃ។ ការឆ្លងខ្លាំងនៅរដូវរងាមុនការចូលមកដល់នៃពិធីបុណ្យចូលឆ្នាំចិននៅខែក្រោយ ដែលពលរដ្ឋចិនរាប់លាននាក់សង្ឃឹមថា នឹងធ្វើដំណើរទៅកាន់ស្រុកកំណើតរបស់ពួកគេដើម្បីជួបជុំសាច់ញាតិ។ ក្រុមអាជ្ញាធរចិនបានទទួលស្គាល់ពីការផ្ទុះរាលដាលខ្លាំងមិនអាចតាមដានបាននៅពេលនេះ និងពិបាកក្នុងការកំណត់ចំនួនអ្នកស្លាប់ដោយសារវីរុស COVID-19៕អត្ថបទ៖ សុខមាន

ប្រទេសមួយចំនួនបានដាក់ការរឹតត្បិតលើអ្នកដំណើរមកពីប្រទេសចិនដោយតម្រូវឲ្យធ្វើតេស្តរកវីរុស COVID-19

ចិន៖ សហរដ្ឋអាមេរិកក្លាយជាប្រទេសចុងក្រោយ ដែលបានកំណត់ឲ្យមានការធ្វើតេស្តរកវីរុស Covid-19 ជាកាតាព្វកិច្ចលើអ្នកដំណើរមកពីប្រទេសចិន បន្ទាប់ពីទីក្រុងប៉េកាំងបានប្រកាសបើកព្រំដែនឡើងវិញនៅសប្ដាហ៍ក្រោយ។ វិធានការកាន់តែតឹងរ៉ឹងទាំងនេះក៏ត្រូវបានអនុវត្តន៍ផងដែរនៅក្នុងប្រទេសអ៊ីតាលី ជប៉ុន ម៉ាឡេស៊ី កោះតៃវ៉ាន់ និងប្រទេសឥណ្ឌា។ បន្ទាប់ពីការរឹតត្បិតជិត ៣ឆ្នាំ ប្រទេសចិននឹងអនុញ្ញាតឲ្យពលរដ្ឋរបស់ខ្លួនធ្វើដំណើរកាន់តែងាយស្រួល ចេញពីប្រទេសទៅកាន់បរទេសចាប់ពីថ្ងៃទី៨ ខែមករា ឆ្នាំ២០២៣ ខាងមុខនេះ។ ក្នុងពេលជាមួយគ្នានេះដែរ ប្រទេសនេះ កំពុងប្រឈមករណីឆ្លងវីរុស Covid ខ្លាំង ដែលនាំឲ្យមានក្ដីបារម្ភខ្លាំងក្នុងចំណោមប្រទេសមួយចំនួន។ ទោះយ៉ាងណាក៏ដោយ ទីក្រុងប៉េកាំងបាននិយាយវិធានការទប់ស្កាត់ការឆ្លងរាលដាលវីរុសកូរ៉ូណា គួរតែត្រូវបានផ្ដោតលើមូលដ្ឋានវិទ្យាសាស្ត្រ និងបានចោទប្រកាន់ប្រទេស និងសារព័ត៌មានមួយចំនួនពីបទបំប៉ោងស្ថានភាពលើសពីការពិត។ យ៉ាងណាក្ដី រដ្ឋាភិបាលចក្រភពអង់គ្លេសបាននិយាយថា ខ្លួនពុំមានផែនការណែនាំឲ្យមានការធ្វើតេស្តជាថ្មី ឬតម្រូវការផ្សេងៗក្នុងការចូលមកកាន់ប្រទេសនេះពីអ្នកដំណើរទាំងឡាយនោះទេ៕អត្ថបទ៖ សុខមាន

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

ព្រះសីហនុ៖ នាយប៉ុស្តិ៍នគរបាលច្រកទ្វារកំពង់ផែអន្តរជាតិខេត្តព្រះសីហនុ បានឱ្យដឹងថា នាវាទេសចរណ៍មួយគ្រឿង ឈ្មោះ SEABOURN ENCORE សញ្ជាតិ BAHAMAS ដែលមាននាវិកសរុបចំនួន ៤៣២នាក់ (ស្រី៩៣) ដឹកភ្ញៀវទេសចរចម្រុះ ជាតិសាសន៍ (៥០សញ្ជាតិ) និងមានភ្ញៀវសរុបចំនួន ៣៩៥នាក់ (ស្រី២០០) បានធ្វើដំណើរពីប្រទេសថៃ ចូលមកសុំចត នៅកំពង់ផែស្វយ័តអន្ដរជាតិក្រុងព្រះសីហនុ ថ្ងៃទី២៩ ខែធ្នូ ឆ្នាំ២០២២ ដើម្បីធ្វើទសនកិច្ចនៅក្រុងព្រះសីហនុ ហើយនាវានេះ នឹងចាកចេញទៅវិញបន្ដឆ្ពោះទៅប្រទេសវៀតណាម នៅថ្ងៃដដែលនេះ៕

លោកឧត្តមសេនីយ៍ឯក ហ៊ុន ម៉ាណែត ទទួលទីតាំងអតីតសាលាក្តីខ្មែរក្រហម មកក្រោមការគ្រប់គ្រងរបស់បញ្ជាការដ្ឋានកងទ័ពជើងគោកវិញ

ភ្នំពេញ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក អញ្ជេីញចូលរួមក្នុងពិធីផ្ទេរ-ទទួលទីតាំងអតីតសាលាក្តីខ្មែរក្រហម មកក្រោមការគ្រប់គ្រងរបស់បញ្ជាការដ្ឋានកងទ័ពជើងគោក កាលពីថ្ងៃទី២៨ ខែធ្នូ ឆ្នាំ២០២២។ លោកឧត្តមសេនីយ៍ឯក ហ៊ុន ម៉ាណែត បានថ្លែងថា ព្រឹត្តិការណ៍ក្នុងថ្ងៃនេះ មិនមានអត្ថន័យត្រឹមតែជាការផ្ទេរ-ទទួលអគារប៉ុណ្ណោះទេ ប៉ុន្តែគឺជាសក្ខីភាពនៃការបិទបញ្ចប់ទាំងស្រុងនៃដំណើរការរបស់សាលាក្តីខ្មែរក្រហម ដោយប្រែក្លាយពីទីកន្លែងផ្តល់យុត្តិធម៌ទៅជាទីកន្លែងសម្រាប់បន្តការងារការពារជាតិវិញ បន្ទាប់ពីរាជរដ្ឋាភិបាលបានប្រគល់មួយផ្នែកនៃទីតាំងយោធានេះ សម្រាប់បម្រើឱ្យដំណើរការកាត់ក្តីខ្មែរក្រហមចាប់តាំងពីឆ្នាំ២០០៦មក៕

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

បន្ទាយមានជ័យ៖ លោក អ៊ុំ រាត្រី អភិបាលខេត្តបន្ទាយមានជ័យបានឱ្យដឹងថា ហេតុការណ៍អគ្គិភ័យឆាបឆេះអគារក្រុមហ៊ុនក្រេនដាយមេនរីសត Royal G Club ទីតាំងភូមិប៉ោយប៉ែត សង្កាត់ប៉ោយប៉ែត ខេត្តបន្ទាយមានជ័យ តាំងពីកណ្តាលអាធ្រាតយប់ថ្ងៃទី២៩ ខែធ្នូ ឆ្នាំ២០២២ រហូតមកដល់ពេលនេះ គណៈកម្មាធិការគ្រប់គ្រងគ្រោះមហន្តរាយខេត្តបន្ទាយមានជ័យ ប្រើប្រាស់កម្លាំងសរុបកំពុងដុតដៃជើងធ្វើការសង្គ្រោះ និងគ្រប់គ្រងស្ថានការ។លោកបន្តថា មកដល់ម៉ោងនេះ អគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណបាននៅឡើយ៕

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

ភ្នំពេញ៖ សម្តេចតេជោ ហ៊ុនសែន នាយរដ្ឋមន្ត្រី នៃកម្ពុជា បានផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ។ សម្តេចតេជោ ហ៊ុន សែន មានប្រសាសន៍ថា នៅថ្ងៃទី២៩ ខែធ្នូ ឆ្នាំ២០២២នេះ គឺជាខួប២៤ឆ្នាំហើយ នៃការបញ្ចប់សង្គ្រាមនៅកម្ពុជា ក្រោមនយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ការបិទបញ្ចប់សង្គ្រាមហែកហួរ និងការបែកបាក់ជាតិនេះ បានកើតមានឡើងតាមរយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិក។នយោបាយ ឈ្នះ-ឈ្នះ គឺជាយុទ្ធសាស្ត្រគោលការណ៍ទាំងឡាយណា ដែលបាននាំមកនូវការធានា ដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព៕

កម្ពុជាអបនអរសាទរខួប២៤ឆ្នាំ នៃការបញ្ចប់សង្គ្រាមស៊ីវិលនៅកម្ពុជា និងខួប៤ឆ្នាំនៃការសាងសង់វិមានឈ្នះឈ្នះ

ភ្នំពេញ៖ នៅព្រឹកថ្ងៃទី២៩ ខែធ្នូ ឆ្នាំ២០២២នេះ កម្ពុជាបានប្រារព្ធពិធីអបអរសាទរខួប២៤ ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយឈ្នះ ឈ្នះ របស់សម្តេចតេជោ ហ៊ុន សែន និងខួប៤ឆ្នាំនៃការសាងសង់វិមានឈ្នះ ឈ្នះ។យោងតាមសារសម្តេចតេជោ ហ៊ុន សែន បានឱ្យដឹងថា នៅថ្ងៃទី២៩ ខែធ្នូ ឆ្នាំ២០២២នេះ គឺជាខួប២៤ឆ្នាំហើយ នៃការបញ្ចប់សង្គ្រាមនៅកម្ពុជា ក្រោមនយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ការបិទបញ្ចប់សង្គ្រាមហែកហួរ និងការបែកបាក់ជាតិនេះ បានកើតមានឡើងតាមរយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិក។នយោបាយ ឈ្នះ-ឈ្នះ គឺជាយុទ្ធសាស្ត្រគោលការណ៍ទាំងឡាយណា ដែលបាននាំមកនូវការធានា ដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព៕

លោក Putin ដាក់បម្រាមការនាំចេញប្រេងរុស្ស៊ីទៅកាន់ប្រទេសដែលដាក់ការទប់តម្លៃប្រេង

រុស្ស៊ី៖ ប្រធានាធិបតីរុស្ស៊ីលោក Vladimir Putin កាលពីថ្ងៃអង្គារបានឆ្លើយតបនូវការទន្ទឹងរង់ចាំជាយូរមកហើយរបស់រុស្ស៊ី ចំពោះការទប់តម្លៃប្រេងរបស់ប្រទេសលោកខាងលិច ដោយបានចុះហត្ថលេខាលើក្រឹត្យដាក់បម្រាមលើការផ្គត់ផ្គង់ប្រេងឆៅ និងផលិតផលប្រេងចាប់ពីថ្ងៃទី១ ខែកុម្ភៈ សម្រាប់រយៈពេល ៥ខែចំពោះប្រទេសដែលបានដាក់ការទប់តម្លៃប្រេងរុស្ស៊ី។ ក្រុមប្រទេសដែលមានសេដ្ឋកិច្ចរីកលូតលាស់ទាំងប្រាំពីរ សហភាពអឺរ៉ុប និងប្រទេសអូស្ត្រាលីបានព្រមព្រៀងគ្នាក្នុងខែនេះដាក់ការទប់តម្លៃប្រេងរុស្ស៊ីនៅត្រឹម ៦០ដុល្លារក្នុងមួយបារ៉ែលលើតម្លៃប្រេងឆៅពីសមុទ្ររុស្ស៊ី ដែលចូលជាធរមានចាប់ពីថ្ងៃទី៥ ខែធ្នូជុំវិញ «ប្រតិបត្តិការសឹកពិសេស» របស់ទីក្រុងមូស្គូនៅប្រទេសអ៊ុយក្រែន។ ក្រឹត្យនេះត្រូវបានចេញផ្សាយនៅលើគេហទំព័ររបស់វិមានក្រឹមឡាំង ដែលត្រូវបានបង្ហាញជាការឆ្លើយតបដោយផ្ទាល់ចំពោះសកម្មភាពអមិត្ត និងផ្ទុយពីច្បាប់អន្តរជាតិធ្វើឡើងដោយសហរដ្ឋអាមេរិក រដ្ឋបរទេស និងអង្គការអន្តរជាតិដែលបានចូលរួម។ការបញ្ជូនប្រេង និងផលិតផលប្រេងរបស់រុស្ស៊ីទៅកាន់អង្គភាព និងបុគ្គលបរទេសត្រូវបានហាមឃាត់ក្នុងលក្ខខណ្ឌថា នៅក្នុងកិច្ចសន្យាសម្រាប់ការផ្គត់ផ្គង់ទាំងនេះ ការប្រើប្រាស់យន្តការកំណត់តម្លៃអតិបរមាគឺត្រូវបានគិតទុកជាមុនដោយផ្ទាល់ ឬដោយប្រយោល។ ការនាំចេញប្រេងឆៅនឹងត្រូវបានហាមឃាត់ចាប់ពីថ្ងៃទី១ ខែកុម្ភៈ ប៉ុន្តែកាលបរិច្ឆេទសម្រាប់ការហាមឃាត់ផលិតផលប្រេងនឹងត្រូវបានកំណត់ដោយរដ្ឋាភិបាលរុស្ស៊ី ហើយអាចធ្វើឡើងក្រោយពីថ្ងៃទី១ ខែកុម្ភៈ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

តុលាការអ៊ីស្រាអែលបញ្ឈប់ផែនការដាក់សត្វក្រពើ នៅជុំវិញពន្ធនាគារឃុំជនជាតិប៉ាឡេស្ទីន

ប្រព័ន្ធផ្សព្វផ្សាយ៖ អាមេរិក និងអ៊ីរ៉ង់នឹងផ្តោតលើច្រកសមុទ្រហ័រមូស និងការដកការបិទខ្ទប់អំឡុងកិច្ចចរចា

ក្រសួងដឹកជញ្ជូន និងក្រសួងការពារជាតិរុស្ស៊ី បង្កើនការការពារនាវានៅតំបន់អាងសមុទ្រ Azov-សមុទ្រខ្មៅ

អតីតមេដឹកនាំកំពុងជាប់ពន្ធនាគា លោក Maduro ស្វាគមន៍ផ្លូវឆ្ពោះទៅរកការសន្ទនា នៅវ៉េណេស៊ុយអេឡា

ទូរទស្សន៍៖ យោធាអាមេរិកកំពុងស្វែងរកជម្រើសមិនធម្មតា ដើម្បីដាក់ទណ្ឌកម្មលើអ៊ីរ៉ង់

ICRC បញ្ជាក់ពីការជួបជាមួយលោកស្រី អ៊ុងសាន ស៊ូជី ក្នុងអំឡុងពេលបន្តឃុំខ្លួន

រលកកម្ដៅដ៏ក្ដៅគគុកកំពុងគ្របដណ្ដប់ពាសពេញឧបទ្វីបកូរ៉េ ដែលបង្ខំឲ្យមានការឆ្លើយតបបន្ទាន់

សមាជិកព្រឹទ្ធសភារុស្ស៊ីថា ជម្លោះរវាងអាមេរិក និងអ៊ីរ៉ង់ អាចនឹងបញ្ចប់នៅត្រឹមចុងឆ្នាំ

ប្រធានាធិបតីលីបង់ជំរុញឲ្យតុលាការចេញសេចក្តីចោទប្រកាន់ពាក់ព័ន្ធនឹងការផ្ទុះនៅកំពង់ផែបេរូត

កម្មករនិយោជិតបម្រើការងារផ្គុំ និងដំឡើងរថយន្តនៅក្រុមហ៊ុន តូយ៉ូតា ស៊ុយស៊ូ មេនូហ្វេកឆឺរីង ប្រមាណជិត ៨០% ជាអតីតសិស្សបញ្ចប់ការសិក្សាពីគ្រឹះស្ថាន TVET

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

ប្រទេសមួយចំនួនបានដាក់ការរឹតត្បិតលើអ្នកដំណើរមកពីប្រទេសចិនដោយតម្រូវឲ្យធ្វើតេស្តរកវីរុស COVID-19

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

កម្ពុជាអបនអរសាទរខួប២៤ឆ្នាំ នៃការបញ្ចប់សង្គ្រាមស៊ីវិលនៅកម្ពុជា និងខួប៤ឆ្នាំនៃការសាងសង់វិមានឈ្នះឈ្នះ

លោក Putin ដាក់បម្រាមការនាំចេញប្រេងរុស្ស៊ីទៅកាន់ប្រទេសដែលដាក់ការទប់តម្លៃប្រេង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រដ្ឋបាល​លោក Joe Biden គំរាម​ក្រុមហ៊ុន​អាកាសចរណ៍​ដោយសារ​ការលុបចោល​ជើង​ហោះហើរ ខណៈ​មាន​ព្យុះ​ព្រិល​

រុស្ស៊ី​បង្កើន​ការវាយប្រហារ​ដោយ​កាំភ្លើង​ធំ​ទៅលើ​តំបន់ Kherson និង​ភាគ​ខាងកើត​របស់​អ៊ុយ​ក្រែ​ន​

មន្ទីរពេទ្យ​នានា​ទូទាំងប្រទេស​ចិនរង​សម្ពាធ​ខ្លាំង ខណៈ​វីរុស COVID-19 ឆ្លង​រាលដាល​ខ្លាំង​ខ្វះ​ការគ្រប់គ្រង​

នាវាទេសចរណ៍ខ្នាតយក្សមួយ ចូលចតនៅកំពង់ផែក្រុងព្រះសីហនុ ទស្សនកិច្ចវឌ្ឍនភាពខេត្ដព្រះសីហនុ

លោក អ៊ុំ រាត្រី៖ មកទល់ម៉ោងនេះអគ្គិភ័យនៅតែបន្តឆាបឆេះ ហើយទំហំនៃការខូចខាតនៅមិនទាន់ប៉ាន់ប្រមាណនៅឡើយទេ

សម្តេចតេជោ ហ៊ុន​សែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

កម្ពុជាអបនអរសាទរខួប២៤ឆ្នាំ នៃការបញ្ចប់សង្គ្រាមស៊ីវិលនៅកម្ពុជា និងខួប៤ឆ្នាំនៃការសាងសង់វិមានឈ្នះឈ្នះ

លោក Putin ដាក់​បម្រាម​ការនាំចេញ​ប្រេង​រុស្ស៊ី​ទៅកាន់​ប្រទេស​ដែល​ដាក់​ការ​ទប់​តម្លៃ​ប្រេង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

រុស្ស៊ីបង្កើនការវាយប្រហារដោយកាំភ្លើងធំទៅលើតំបន់ Kherson និងភាគខាងកើតរបស់អ៊ុយក្រែន

មន្ទីរពេទ្យនានាទូទាំងប្រទេសចិនរងសម្ពាធខ្លាំង ខណៈវីរុស COVID-19 ឆ្លងរាលដាលខ្លាំងខ្វះការគ្រប់គ្រង

សម្តេចតេជោ ហ៊ុនសែន ផ្ញើសារអបអរសាទរខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ

លោក Putin ដាក់បម្រាមការនាំចេញប្រេងរុស្ស៊ីទៅកាន់ប្រទេសដែលដាក់ការទប់តម្លៃប្រេង