BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

សម្ដេចតេជោ បង្ហាញឈុតឆាកថ្មី ក្នុងរឿង«កូនប្រុសក្រោមពន្លឺព្រះចន្ទពេញបូណ៌មី» វគ្គក្រោយរំដោះនៅឆ្នាំ១៩៧៩ មុន ម៉ារ៉ានី នាំកូនជួបរដ្ឋមន្ត្រីការបរទេសជាប្តី

តាមរយៈ Telegram នៅល្ងាចថ្ងៃទី២៨ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន បានបង្ហាញឈុតថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់ឈុតឆាកក្រោយរំដោះនៅឆ្នាំ១៩៧៩ មុន ម៉ារ៉ានី (សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន) នាំកូន (ឯកឧត្ដម ហ៊ុន ម៉ាណែត) មកជួបរដ្ឋមន្ត្រីការបរទេសជាប្តី (សម្ដេចតេជោ) ជាឪពុក (ជាឪពុករបស់ឯកឧត្ដម ហ៊ុន ម៉ាណែត) នៅភ្នំពេញនា ថ្ងៃទី២៤ ខែកុម្ភៈ ឆ្នាំ១៩៧៩។សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/btvnewscambodia/64461

សម្ដេចតេជោ បង្ហាញឈុតឆាកថ្មី ក្នុងរឿង«កូនប្រុសក្រោមពន្លឺព្រះចន្ទពេញបូណ៌មី» វគ្គការថតរូបរវាងមេបញ្ជាការ សុខ សារឿន និងមេបញ្ជាការ សំរេច

តាមរយៈ Telegram នៅរសៀលថ្ងៃទី២៨ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញឈុតឆាកថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់វគ្គ «ការថតរូបនៅផ្សាមេមត់១៩៧១ រវាងមេបញ្ជាការសុខ សារឿន និងមេបញ្ជាការសំរេច» ជូនបងប្អូនជនរួមជាតិតាមដានទស្សនា។ អមជាមួយនឹងវីដេអូនេះដែរ សម្ដេចបានបញ្ជាក់់ថា នៅមានរូបថត២សន្លឹកដែលនៅសល់របស់មកដល់សព្វថ្ងៃនេះ។សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/spmhunsen/6003

និស្សិតនៅសាកលវិទ្យាល័យ Tsinghua របស់ចិនប្រមូលផ្ដុំគ្នាតវ៉ាប្រឆាំងវិធានការទប់ស្កាត់ការឆ្លងវីរុស COVID-19

ចិន៖ និស្សិតរាប់រយនាក់នៅសាកលវិទ្យាល័យដ៏ធំរបស់ចិន Tsinghua University បានប្រមូលផ្ដុំគ្នាតវ៉ាប្រឆាំងវិធានការបិទខ្ទប់ទប់ស្កាត់ការឆ្លងវីរុស COVID-19 កាលពីថ្ងៃអាទិត្យដោយស្រែកថា យើងចង់បានការគ្រប់គ្រងច្បាប់តាមលទ្ធិប្រជាធិបតេយ្យ យើងចង់បានសិទ្ធិបញ្ចេញមតិ នៅក្នុងការតវ៉ាទូទាំងប្រទេសដ៏កម្រដែលហៀរចេញហួសពីបណ្ដាញសង្គម រហូតដល់ការប្រមូលផ្ដុំតាមដងផ្លូវ និងនៅតាមសាកលវិទ្យាល័យនានា។ និស្សិតនៅសាកលវិទ្យាល័យនេះបានប្រមូលផ្ដុំគ្នានៅខាងក្រៅអគារទទួលទានអាហារ Zijingyuan ដោយកាន់ក្រដាសស ស្រែកសុភាសិតតវ៉ាប្រឆាំងនឹងវិធានការគ្មានវីរុស COVID-19។ ប្រទេសចិនកំពុងអនុវត្តន៍គោលនយោបាយគ្មានការឆ្លងរាលដាលវីរុស COVID-19 ខណៈដែលភាគច្រើននៃពិភពលោកព្យាយាមរៀនរស់ជាមួយវីរុសកូរ៉ូណា។ រលកចុងក្រោយនៃកំហឹងនេះ បានបង្កឲ្យមានអគ្គិភ័យនៅអគារអឹផាតមិនមួយដែលបានសម្លាប់មនុស្ស ១០នាក់កាលពីថ្ងៃព្រហស្បតិ៍ ទី២៤ ខែវិច្ឆិកាក្នុងទីក្រុង Urumqi បន្ទាប់ពីទីក្រុងមួយនៅភាគខាងលិច ជាទីដែលមានមនុស្សមួយចំនួនត្រូវបានជាប់ក្នុងការបិទខ្ទប់រយៈពេល ១០០ថ្ងៃ បង្កឲ្យមានការរំពឹងទុកថាវិធានការបិទខ្ទប់ទាំងនោះអាចរារាំងមិនឲ្យពលរដ្ឋគេចចេញបាន៕អត្ថបទ៖ សុខមាន

ក្រុមបាតុករខឹងសម្បារចំពោះវិធានការបិទខ្ទប់នៅប្រទេសចិនអំពាវនាវឲ្យលោក Xi លាលែងពីតំណែង

ចិន៖ ក្រុមបាតុករបានរុញច្រានចំពោះវិធានការទប់ស្កាត់វីរុស Covid-19 ដ៏តឹងរឹងរបស់ប្រទេសចិននៅទីក្រុងសៀងហៃ ដោយបានអំពាវនាវឱ្យមេដឹកនាំដ៏មានឥទ្ធិពលរបស់ប្រទេសនេះលាលែងពីតំណែង និងបានប៉ះទង្គិចជាមួយនគរបាលកាលពីថ្ងៃអាទិត្យ ខណៈក្រុមអ្នកតវ៉ាបានចេញដើរតាមដងផ្លូវក្នុងទីក្រុងជាច្រើន ក្នុងការប្រឈមមុខជាមួយរដ្ឋាភិបាលដ៏គួរឱ្យភ្ញាក់ផ្អើល។ នគរបាលបានបណ្តេញក្រុមបាតុករដោយប្រើប្រាស់កម្លាំង នៅក្នុងរដ្ឋធានីហិរញ្ញវត្ថុរបស់ប្រទេសចិនដែលបានអំពាវនាវឱ្យលោក Xi Jinping លាលែងពីតំណែង និងការបញ្ចប់ការគ្រប់គ្រងរបស់បក្សកុម្មុយនិស្តចិន ប៉ុន្តែប៉ុន្មានម៉ោងក្រោយមក ប្រជាជនបានប្រមូលផ្តុំគ្នាម្តងទៀតនៅកន្លែងដដែល ហើយប្រព័ន្ធផ្សព្វផ្សាយសង្គមបានរាយការណ៍ដោយបង្ហាញថា ការតវ៉ាបានរីករាលដាលដល់ទីក្រុងយ៉ាងហោចណាស់ចំនួន ៧ផ្សេងទៀតរួមទាំងនៅរដ្ឋធានីប៉េកាំង និងនៅតាមបរិវេណសាកលវិទ្យាល័យរាប់សិបកន្លែង។ ការតវ៉ាទ្រង់ទ្រាយធំគឺកម្រកើតមានណាស់នៅក្នុងប្រទេសចិន ជាកន្លែងដែលការបញ្ចេញមតិជាសាធារណៈចំពោះការប្រឆាំងត្រូវបានរារាំង ប៉ុន្តែការស្តីបន្ទោសដោយផ្ទាល់ចំពោះលោក Xi Jingping ជាមេដឹកនាំដ៏មានឥទ្ធិពលបំផុតរបស់ប្រទេស ក្នុងរយៈពេលជាច្រើនទសវត្សរ៍មកនេះគឺជារឿងមួយប្លែក។រយៈពេលបីឆ្នាំបន្ទាប់ពីវីរុសបានលេចឡើងជាលើកដំបូង ប្រទេសចិនគឺជាប្រទេសតែមួយគត់ដែលនៅតែព្យាយាមបញ្ឈប់ការចម្លងវីរុស COVID-19 មានគោលនយោបាយគ្មាន Covid (Zero-Covid) ដែលតែងតែឃើញមនុស្សរាប់លាននាក់ត្រូវបានរឹតត្បិត ឲ្យស្នាក់នៅក្នុងលំនៅឋានរបស់ពួកគេរយៈពេលជាច្រើនសប្តាហ៍ក្នុងមួយលើកៗ ហើយទាមទារឱ្យមានការរធ្វើតេស្ត។ វិធានការនេះត្រូវបានទទួលយកយ៉ាងទូលំទូលាយកាលពីពេលដំបូង សម្រាប់ការកាត់បន្ថយអត្រាស្លាប់ជាអប្បបរមា ខណៈប្រទេសផ្សេងទៀតបានទទួលរងនូវការបំផ្លាញនៃការឆ្លងវីរុស ប៉ុន្តែការព្រមព្រៀងនោះបានចាប់ផ្តើមធ្លាក់ចុះក្នុងប៉ុន្មានសប្តាហ៍ថ្មីៗនេះ៕អត្ថបទ៖ ប៊ុនថន

ការតវ៉ាផ្ទុះឡើងនៅទូទាំងប្រទេសចិនអំពាវនាវឲ្យបន្ធូរបន្ថយវិធានការទប់ស្កាត់វីរុស COVID-19

ចិន៖ ប្រជាជនទីក្រុងប៉េកាំងបានធ្វើបាតុកម្មប្រឆាំងវិធានការរឹតត្បិតជំងឺ COVID-19 ដ៏តឹងរ៉ឹងរបស់ប្រទេសចិននៅព្រឹកថ្ងៃចន្ទនេះ ខណៈការតវ៉ាបានផ្ទុះឡើងនៅក្នុងប្រទេសចិន។ ក្រុមបាតុករពីរក្រុមដែលមានមនុស្សយ៉ាងហោចណាស់ ១ពាន់នាក់បានប្រមូលផ្តុំគ្នានៅតាមដងផ្លូវនៅរដ្ឋធានីប្រទេសចិនក្បែរទន្លេ Liangma ដោយបដិសេធមិនព្រមបំបែកគ្នា។អ្នកតវ៉ាម្នាក់និយាយថា «យើងមិនត្រូវការ ការពិនិត្យដ៏ធំបែបនេះនៅបរិវេណទាំងមូល ហើយវាមិនចាំបាច់ត្រូវមានភាពល្អិតល្អន់ពេកនោះទេ»។ ការមិនស្តាប់បង្គាប់របស់ប្រជាជនគឺមិនធ្លាប់មានពីមុនមកនោះទេ នៅប្រទេសចិនដីគោក ចាប់តាំងពីប្រធានាធិបតីលោក Xi Jinping ឡើងកាន់តំណែងក្នុងរយៈពេល ១ទសវត្សរ៍កន្លងទៅនេះ ខណៈការខកចិត្តកើនឡើងជុំវិញការចុះហត្ថលេខាលើគោលនយោបាយគ្មានវីរុស COVID (Zero-Covid) រយៈពេលជិត ៣ឆ្នាំមកនេះ។ ចំណែកនៅទីក្រុងសៀងហៃ កាលពីថ្ងៃអាទិត្យនគរបាលបានឃុំខ្លួនបាតុករ ខណៈមានការតវ៉ាជុំវិញវិធានការរឹតត្បិតជំងឺ COVID-19 តឹងរ៉ឹងរបស់ប្រទេសចិនបានផ្ទុះឡើងចូលដល់ថ្ងៃទី៣ ហើយបានរីករាលដាលដល់ទីក្រុងនានា។ក្រុមអ្នកតវ៉ាត្រូវបានគេឃើញប្រមូលផ្តុំគ្នានៅតាមដងផ្លូវទីក្រុងសៀងហៃ និងច្រៀងចម្រៀងជាតិ។ នៅក្នុងទីក្រុងសៀងហៃ នគរបាលត្រូវបានដាក់ពង្រាយយ៉ាងច្រើននៅលើផ្លូវ Wulumuqi ជាកន្លែងដែលមានដុតភ្លើងទៀនមុនពេលប្រែក្លាយទៅជាការតវ៉ា។ កាលពីល្ងាចថ្ងៃអាទិត្យ មនុស្សរាប់រយនាក់បានប្រមូលផ្តុំគ្នានៅតំបន់នេះ ដែលមួយចំនួនបានរុញច្រាននគរបាលដែលព្យាយាមបំបែកពួកគេ៕អត្ថបទ៖ ប៊ុនថន

ចំនួនអ្នកស្លាប់ដោយសារបំណាក់ដីនៅអ៊ីតាលីកើនឡើងដល់ ៧នាក់ និងច្រើននាក់នៅបាត់ខ្លួន

អ៊ីតាលី៖ អាជ្ញាធរក្នុងតំបន់បាននិយាយកាលពីថ្ងៃអាទិត្យថា ចំនួនអ្នកស្លាប់ដោយសារបំណាក់ដីដ៏ធំដែលបានវាយប្រហារលើកោះ Ischia ភាគខាងត្បូងប្រទេសអ៊ីតាលីបានកើនឡើងដល់ ៧នាក់ ខណៈមនុស្សប្រមាណ ១០នាក់ផ្សេងទៀតនៅបាត់ខ្លួន និងរាប់រយនាក់ត្រូវបានជម្លៀសចេញពីលំនៅឋានរបស់ពួកគេ។ បន្ទាប់ពីកិច្ចប្រជុំបន្ទាន់របស់គណៈរដ្ឋមន្ត្រីកាលពីថ្ងៃអាទិត្យ នាយករដ្ឋមន្ត្រីអ៊ីតាលីលោក Giorgia Meloni បានប្រកាសដាក់ប្រទេសក្នុងគ្រាអាសន្នសម្រាប់កោះ Ischia ជុំវិញហេតុការណ៍ទឹកជំនន់ និងបំណាក់ដីខ្លាំង។ សេចក្តីថ្លែងការណ៍និយាយថា រដ្ឋាភិបាលបានផ្តល់ជំនួយចំនួន ២លានអឺរ៉ូ ឬ ២.១លានដុល្លារដល់ប្រជាជនក្នុងតំបន់។ ក្រសួងការពារជនស៊ីវិលរបស់អ៊ីតាលីនិយាយថា ប្រតិបត្តិការជួយសង្គ្រោះនៅតែដំណើរការកាលពីរសៀលថ្ងៃអាទិត្យនៅក្នុងតំបន់ Casamicciola Terme ប៉ុន្តែស្ថានភាពអាកាសធាតុមិនអំណោយផល បានធ្វើឱ្យមានភាពស្មុគស្មាញដល់ការស្វែងរក។ កាលពីថ្ងៃអាទិត្យ ក្រុមជួយសង្គ្រោះបានរកឃើញសាកសពមនុស្ស ៦នាក់រួមទាំងក្មេងស្រីម្នាក់ ខណៈពួកគេបានបន្តស្វែងរកតាមដីល្បាប់នៅថ្ងៃទី២ ជាប់ៗគ្នាដោយព្យាយាមស្វែងរកមនុស្សបាត់ខ្លួន។បំណាក់ដីដ៏ខ្លាំងបានវាយប្រហារនៅកោះកំសាន្តវិស្សមកាល ដ៏ពេញនិយមមួយកាលពីព្រលឹមថ្ងៃសៅរ៍បង្កមកពីភ្លៀងធ្លាក់ខ្លាំង ហើយបានបណ្តាលឱ្យមានដីល្បាប់ និងកម្ទេចកម្ទីជាច្រើនហូរកាត់កំពង់ផែ Casamicciola ធ្វើឲ្យបាក់រលំអគារ និងហូរនាំរថយន្តចូលទៅក្នុងសមុទ្រ។ អ្នកជំនាញបាននិយាយថា គ្រោះមហន្តរាយនេះកាន់តែធ្ងន់ធ្ងរឡើង ដោយសារការសាងសង់អគារដែលពុំមានការគ្រប់គ្រង នៅក្នុងតំបន់មានហានិភ័យខ្ពស់នៃបំណាក់ដីនៅលើកោះតំបន់ភ្នំ ដែលធ្លាប់ត្រូវបានវាយប្រហារកាលពីឆ្នាំ2017 ដោយមានរញ្ជួយដីកម្រិត 4.0រ៉ិចទ័របណ្តាលឱ្យមនុស្ស ២នាក់ស្លាប់ និងរងការបំផ្លាញយ៉ាងធ្ងន់ធ្ងរ៕អត្ថបទ៖ ប៊ុនថន

ការប៉ះទង្គិចគ្នាកើតឡើង ខណៈនគរបាលរុះរើជំរំជនអន្តោប្រវេសន៍នៅព្រំដែនម៉ិកស៊ិកជាប់អាមេរិក

ម៉ិកស៊ិក៖ មន្ត្រីក្នុងតំបន់ម្នាក់បាននិយាយថា នគរបាលម៉ិកស៊ិកបានរុះរើជំរំជនអន្តោប្រវេសន៍មួយកន្លែង ដែលបានបង្កើតឡើងនៅចំហៀងព្រំដែនម៉ិកស៊ិកជាប់ជាមួយព្រំដែនអាមេរិកកាលពីថ្ងៃអាទិត្យ សម្រាប់មូលហេតុសន្តិសុខ។ កាលពីព្រឹកថ្ងៃអាទិត្យ ក្រុមទីភ្នាក់ងារនគរបាលបង្ក្រាបកុបកម្មបានចូលទៅក្នុងជំរំ បង្កើតឡើងដោយជនអន្តោប្រវេសន៍ប្រមាណ ៦០០នាក់ភាគច្រើនមកពីប្រទេសវ៉េណេហ្ស៊ុយអេឡានៅក្នុងទីក្រុង Ciudad Juarez ក្បែរទន្លេ Bravo និងក្បែររបងព្រំដែនសហរដ្ឋអាមេរិក។ ភាពតានតឹងបានកើនឡើង នៅពេលក្រុមមន្ត្រីបានបង្ខំក្រុមជនអន្តោប្រវេសន៍ឲ្យចាកចេញកំពុងប្រឈមនឹងពួកគេ និងទាញជំរំតង់ពួកគេបោះចោល។ ជំរំតង់មួយចំនួនបានភ្លើងឆេះអំឡុងប្រតិបត្តិការរុះរើ ដោយក្រុមមន្ត្រីនគរបាលរុញពួកគេចូលទន្លេនៅក្បែរនោះដើម្បីពន្លត់ភ្លើង។ ប្រធានសិទ្ធិមនុស្សរបស់រដ្ឋាភិបាលទីក្រុង Ciudad Juarez លោក Santiago Gonzalez បាននិយាយថា សកម្មភាពនេះក្នុងគោលបំណងការពារសន្តិសុខរបស់ក្រុមជនអន្តោប្រវេសន៍ ខណៈមានហានិភ័យបង្កឡើងដោយភ្លើងឆេះ លង់ទឹក និងត្រជាក់ស្លាប់ជាដើម។វិទ្យាស្ថានទេសន្តរប្រវេសន៍ជាតិ (INM) បាននិយាយកាលពីចន្ទ ទី២១ ខែវិច្ឆិកាកន្លងទៅថា អាជ្ញាធរម៉ិកស៊ិកបានឃុំខ្លួនជនអន្តោប្រវេសន៍ជាង ១៦.០០០នាក់ក្នុងរយៈពេល ៤ថ្ងៃរួមទាំងជនជាតិវ៉េណេហ្ស៊ុយអេឡាជិត ៥.០០០នាក់។ ភាគច្រើននៃជនអន្តោប្រវេសន៍មកពីបណ្ដាប្រទេសនៅអាមេរិកកណ្ដាល និងខាងត្បូង រួមទាំងជនជាតិវ៉េណេហ្ស៊ុយអេឡាចំនួន ៤.៩៦៨នាក់, ហ្គាតេម៉ាឡាចំនួន ២.៩៨៧នាក់, នីការ៉ាហ្គ័រចំនួន ១.៣១១នាក់ និងអេក្វាឌ័រចំនួន ១.២៨៥នាក់៕អត្ថបទ៖ សុខមាន

ប្រមុខសម្ព័ន្ធយោធាណាតូនិយាយថា ពេលវេលាដ៏លំបាកកំពុងរង់ចាំសហភាពអឺរ៉ុប

អឺរ៉ុប៖ ប្រមុខសម្ព័ន្ធយោធាណាតូលោក Jens Stoltenberg បានប្រាប់កាសែត Welt an Sonntag របស់អាល្លឺម៉ង់កាលពីថ្ងៃអាទិត្យថា សហភាពអឺរ៉ុបត្រៀមប្រឈមពេលវេលាដ៏លំបាកជាច្រើន ដោយសារជម្លោះអ៊ុយក្រែន។ ទោះយ៉ាងណាក៏ដោយលោកបានទទូចថា សមាជិករបស់ប្លុកយោធាដឹកនាំដោយសហរដ្ឋអាមេរិក និងប្លុករបស់ពួកគេ គួរតែបង្កើនការខិតខំប្រឹងប្រែងជួយដល់កងកម្លាំងអ៊ុយក្រែន និងបន្តប្រយុទ្ធ។ ក្នុងការអត្ថាធិប្បាយរបស់លោក Stoltenberg បានទទួលស្គាល់ថា ពលរដ្ឋនៃបណ្ដាប្រទេសលោកខាងលិចកំពុងត្រូវបានរងផលប៉ះពាល់ជាអវិជ្ជមាន ដោយសារតែជម្លោះអ៊ុយក្រែន។ ការហក់ឡើងតម្លៃស្បៀងអាហារ និងថាមពលមានន័យថា ជាការបង្កផលលំបាកដ៏ធ្ងន់ធ្ងរដល់ប្រជាពលរដ្ឋជាច្រើននៅអឺរ៉ុប។ ទោះយ៉ាងណាក៏ដោយអ្នកទាំងឡាយដែលបានរងផលប៉ះពាល់គួរតែចាំថា ប្រជាជនអ៊ុយក្រែនត្រូវលះបង់ឈាមស្រស់ជារៀងរាល់ថ្ងៃ។ប្រមុខអង្គការណាតូរូបនេះក៏បានគូសបញ្ជាក់ផងដែរថា លោកខាងលិចអាចពង្រឹងជំហររបស់អ៊ុយក្រែននៅតុចរចា ប្រសិនប្រើយើងផ្ដល់ការគាំទ្រខាងយោធាដល់ប្រទេសនេះ។ លោកសង្កត់ធ្ងន់ថា មធ្យោបាយល្អបំផុតក្នុងការគាំទ្រសន្តិភាពគឺត្រូវគាំទ្រអ៊ុយក្រែន៕អត្ថបទ៖ សុខមាន

សម្ដេចតេជោ ហ៊ុន សែន បង្ហាញឈុតថ្មីក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» វគ្គរៀបចំផែនការវាយបន្ទាយប៉មទន្លេបិទ

តាមរយៈ Telegram នៅថ្ងៃទី២៨ ខែវិច្ឆិកា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាឈុតឆាកថ្មីបន្ថែមទៀត ក្នុងរឿង «កូនប្រុសក្រោមពន្លឺព្រះចន្ទពេញបូណ៌មី» ត្រង់វគ្គ «ល្ងាចថ្ងៃ១៥មេសា១៩៧៥ រៀបចំផែនការវាយបន្ទាយប៉មទន្លេបិទ មុនមេញ្ជាការសំរេចត្រូវរបួស » ជូនបងប្អូនជនរួមជាតិតាមដានទស្សនា។សូមជម្រាបថា ខ្សែភាពយន្តរឿង «កូនប្រុសក្រោមពន្លឺព្រះចន្ទពេញបូណ៌មី» គ្រោងនឹងចាក់ផ្សាយជាផ្លូវការនៅថ្ងៃទី២០ ខែមីនា ឆ្នាំ២០២៣ខាងមុខនេះ។សូមរីករាយទស្សនាឈុតឆាកថ្មី តាមរយៈ Link: https://t.me/btvnewscambodia/64396

ប្រធានរោងចក្រថាមពលនុយក្លេអ៊ែរអ៊ុយក្រែន៖ រុស្ស៊ីបង្ហាញសញ្ញាថា ខ្លួនអាចចាកចេញពីរោងចក្រនុយក្លេអ៊ែរ Zaporizhzhia

អ៊ុយក្រែន៖ ប្រធានក្រុមហ៊ុនថាមពលនុយក្លេអ៊ែររដ្ឋរបស់អ៊ុយក្រែនបាននិយាយកាលពីថ្ងៃអាទិត្យថា មានសញ្ញាជាច្រើនបញ្ជាក់ថា កងកម្លាំងរុស្ស៊ីអាចត្រៀមចាកចេញចេញពីរោងចក្រថាមពលនុយក្លេអ៊ែរ Zaporizhzhia ថា ពួកគេបានដណ្ដើមយកកាលខែមីនាភ្លាមៗ បន្ទាប់ពីការវាយលុកចូលអ៊ុយក្រែន។ សកម្មភាពនេះនឹងក្លាយជាការផ្លាស់ប្ដូរសមរភូមិដ៏ធំក្នុងតំបន់ Zaporizhzhia ភាគអាគ្នេយ៍ដែលរុស្ស៊ីបានគ្រប់គ្រងដោយផ្នែក ជាទីដែលសមរភូមិជួរមុខបានផ្លាស់ប្ដូរយ៉ាងលំបាករយៈពេលជាច្រើនខែមកនេះ។ ការបាញ់ផ្លោងដដែលៗជុំវិញរោងចក្រនេះ បានបង្កឲ្យមានក្ដីបារម្ភខ្លាំងពីគ្រោះមហន្តរាយនុយក្លេអ៊ែរ។ លោក Petro Kotin ប្រធានក្រុមហ៊ុន Energoatom បាននិយាយនៅលើកញ្ចក់ទូរទស្សន៍ជាតិថា ប៉ុន្មានសប្ដាហ៍ថ្មីៗនេះ យើងកំពុងទទួលបានព័ត៌មានល្អថា សញ្ញាជាច្រើនបានលេចឡើងថា ពួកគេអាចត្រៀមចាកចេញពីរោងចក្រនេះ។លោកថា មានរបាយការណ៍ជាច្រើននៅតាមសារព័ត៌មានរបស់រុស្ស៊ីនិយាយថា កងកម្លាំងទីក្រុង Moscow នឹងចាកចេញពីរោងចក្រនេះ និងប្រគល់ការគ្រប់គ្រងឲ្យទៅអង្គការឃ្លាំមើលអាវុធនុយក្លេអ៊ែរ IAEA របស់អង្គការសហប្រជាជាតិ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

វិចារណកថា៖ បាបកម្មចំពោះបរិស្ថាន ផ្តើមឡើងនៅពេលយើងឈប់ខ្វល់ខ្វាយ

ក្រសួងបរិស្ថានសម្រេចឱ្យក្រុមហ៊ុន ROYAL CERA CO., LTD. ផ្អាកដំណើរជាបន្ទាន់ បន្ទាប់ពីរកឃើញមានការបញ្ចេញសំណល់រាវបំពុលបរិស្ថាននៅក្នុងស្រុកទឹកឈូ ខេត្តកំពត

រាជរដ្ឋាភិបាលកម្ពុជា កំពុងបន្តធ្វើការងារការទូតយ៉ាងសកម្មទាមទារឱ្យពលរដ្ឋភៀសសឹកអាចវិលត្រឡប់ទៅផ្ទះសម្បែងរបស់ខ្លួនវិញស្របតាមច្បាប់អន្តរជាតិ

អ្នកវិភាគ៖ របាយការណ៍សិទ្ធិមនុស្សរបស់ UN នឹងលាតត្រដាងការពិតថៃរំលោភសិទ្ធិមនុស្សនៅកម្ពុជា

ក្រសួងការងារ និងអតីតពលករនៅថៃ អំពាវនាវដល់ពលករខ្មែរត្រឡប់មកពីថៃងាកមកធ្វើការក្នុងស្រុកវិញ ខណៈបច្ចុប្បន្នកំពុងមានការងារជាង ៩ម៉ឺនកន្លែង

ធនបាលកិច្ចដែលចុះបញ្ជីត្រឹមត្រូវតាមច្បាប់នៅកម្ពុជា មានទំហំបរធនសរុប ២,៧ ពាន់លានដុល្លារ

គណៈកម្មការអន្តរក្រសួង ចុះត្រួតពិនិត្យ និងប្រគល់-ទទួល គម្រោងលើកកម្រិតគុណភាពផ្លូវបេតុង ១ខ្សែ នៅស្រុកសាមគ្គីមានជ័យ ខេត្តកំពុងឆ្នាំង

ប្រមុខការទូតកម្ពុជា និងម៉ាឡេស៊ី ចុះហត្ថលេខាលើកំណត់ហេតុនៃកិច្ចប្រជុំ JCBC កម្ពុជា-ម៉ាឡេស៊ី លើកទី៣ ដែលជាផែនទីបង្ហាញផ្លូវ

កម្ពុជាប្រឆាំងដាច់ខាតចំពោះការប្រើប្រាស់គ្រាប់បែកចង្កោម ដែលជាអាវុធបង្កគ្រោះថ្នាក់ធ្ងន់ធ្ងរដល់ជនស៊ីវិល និងអំពាវនាវឱ្យពិភពលោករួមគ្នាបញ្ចប់ការប្រើប្រាស់ ការផលិត ការផ្ទេរ និងការស្តុកទុកគ្រាប់បែកចង្កោម

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមបាតុករ​ខឹងសម្បារ​ចំពោះ​វិធាន​ការបិទ​ខ្ទប់​នៅ​ប្រទេស​ចិន​អំពាវនាវ​ឲ្យ​លោក Xi លាលែង​ពី​តំណែង

ការ​តវ៉ា​ផ្ទុះឡើង​នៅ​ទូទាំង​ប្រទេស​ចិន​អំពាវនាវ​ឲ្យ​បន្ធូរបន្ថយ​វិធានការ​ទប់ស្កាត់​វីរុស COVID-19

ចំនួន​អ្នក​ស្លាប់​ដោយសារ​បំណាក់​ដី​នៅ​អ៊ីតាលី​កើន​ឡើង​ដល់​ ៧​នាក់ និង​ច្រើន​នាក់​នៅ​បាត់​ខ្លួន​

ការប៉ះទង្គិច​គ្នា​កើតឡើង ខណៈ​នគរបាល​រុះរើ​ជំរំ​ជនអន្តោប្រវេសន៍​នៅ​ព្រំដែន​ម៉ិ​ក​ស៊ិ​កជាប់​អាមេរិក​

ប្រមុខ​សម្ព័ន្ធ​យោធា​ណា​តូ​និយាយថា ពេលវេលា​ដ៏​លំបាក​កំពុង​រង់ចាំ​សហភាព​អឺរ៉ុប​