BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

រុស្ស៊ីប្រឈមការលំបាកកាន់តែខ្លាំង ខណៈអ៊ុយក្រែនជួបប្រទះស្ថានភាពអាកាសធាតុនៅសមរភូមិ

រុស្ស៊ី៖ ខណៈសង្គ្រាមរបស់រុស្ស៊ីនៅក្នុងប្រទេសអ៊ុយក្រែនបានឈានចូលដល់ខែទី៩ ឬស្ថិតក្នុងសប្ដាហ៍ទី៣៥ នៃសង្គ្រាម ភាពទន់ខ្សោយរបស់កងទ័ពខ្លួនបានលេចចេញកាន់តែច្បាស់ ដែលទំនងជាពឹងផ្អែកលើការគាំទ្ររបស់អ៊ីរ៉ង់ដែលកំពុងតែកើនឡើង។ ជនស៊ីវិលអ៊ុយក្រែនកំពុងខឹងសម្បារទៅនឹងការវាយប្រហារទាំងឡាយ ដោយបានយល់យ៉ាងច្បាស់ពីការវាយប្រហារដោយយានដ្រូនអត្តឃាត Shahed-136 របស់អ៊ីរ៉ង់ ទោះបីមានការច្រានចោលពីការជួយរបស់ទីក្រុងតេអេរ៉ង់ក៏ដោយ ហើយកងកម្លាំងអ៊ុយក្រែនកំពុងដណ្ដើមយកដែនដី ត្រឡប់ទៅវិញកាន់តែច្រើនឡើងនៅភាគខាងត្បូង និងខាងកើត។ ជាមួយគ្នានោះដែរ ក្រុមសមាជិកសភាសហរដ្ឋអាមេរិក និងប្រធានាធិបតីបារាំងដែលកំពុងតាមដានការវិវឌ្ឍន៍ស្ថានការណ៍លើរបាយការណ៍នេះ ទំនងជានឹងបញ្ជូនសញ្ញាផ្សេងៗគ្នាជាច្រើនអំពីដំណោះស្រាយរបស់ខ្លួន ចំពោះការគាំទ្រដល់អ៊ុយក្រែនដែលនៅតែបន្ត។កាលពីសប្ដាហ៍មុននេះដែរ កងកម្លាំងរុស្ស៊ីបានវាយប្រហារលើទីក្រុង Bakhmut ក្នុងភាគខាងកើតដោយពុំបានបំបែករនាំងការពាររបស់អ៊ុយក្រែនទេ។ ចំណែករដ្ឋមន្ត្រីការពារអ៊ុយក្រែនបាននិយាយថា ការវាយបករបស់អ៊ុយក្រែនលើកងកម្លាំងរុស្ស៊ីក្នុងតំបន់ Kherson ភាគខាងត្បូងកំពុងជួបប្រទះការលំបាក ជាងស្ថានភាពនៅក្នុងភាគឦសានដោយសារតែអាកាសធាតុសើមជោកជាំ និងលក្ខខណ្ឌភូមិសាស្ត្រ៕អត្ថបទ៖ សុខមាន

មនុស្ស ១៥នាក់ស្លាប់ក្នុងពេលក្រុមខ្មាន់កាំភ្លើងបើកការវាយប្រហារលើទីសក្ការបូជានិកាយស៊ីអ៊ីតនៅអ៊ីរ៉ង់

អ៊ីរ៉ង់៖ ទីភ្នាក់ងារសារព័ត៌មានរដ្ឋ IRNA បានរាយការណ៍ថា ខ្មាន់កាំភ្លើងមួយក្រុមបានសម្លាប់មនុស្ស ១៥នាក់ និង ១០នាក់ផ្សេងទៀតរងរបួស ក្នុងការវាយប្រហារលើទីសក្ការបូជានិកាយស៊ីអ៊ីតមួយកន្លែងក្នុងទីក្រុង Shiraz របស់ប្រទេសអ៊ីរ៉ង់កាលពីថ្ងៃពុធ។ ការវាយប្រហារនេះត្រូវបានគេហៅថាជាប្រតិបត្តិការភេរវករ ប្រព្រឹត្តដោយក្រុមជ្រុលនិយមប្រជែងនិកាយ។ ប្រភពពីក្រុមសន្តិសុខមិនបញ្ចេញឈ្មោះបានប្រាប់សារព័ត៌មាន Fars News ថា ការវាយប្រហារនេះបានកើតឡើងនៅទីសក្ការបូជា Shahcheragh អំឡុងពេលរសៀល ខណៈក្រុមអ្នកធ្វើធម្មយាត្រាកំពុងចូលទៅកាន់ទីសក្ការបូជានិកាយស៊ីអ៊ីតនោះ។ ក្រុមខ្មាន់កាំភ្លើងបានបើកការបាញ់ប្រហារដោយកាំភ្លើងវែងម៉ាក Kalashnikov បន្ទាប់ពីចូលដល់ក្នុងបរិវេណទីសក្ការបូជានោះ។ មានស្ត្រីម្នាក់ និងកុមារ ២នាក់ស្ថិតក្នុងចំណោមជនរងគ្រោះ ហើយខ្មាន់កាំភ្លើង ២នាក់ត្រូវបានចាប់ខ្លួន និងខ្មាន់វាយប្រហារទី៣ កំពុងត្រូវបានតាមចាប់ខ្លួន។ប្រភពពីសារព័ត៌មានអ៊ីរ៉ង់ជាច្រើនបានហៅការវាយប្រហារនេះថា ជាប្រតិបត្តិការភេរវករពីសំណាក់ក្រុមជ្រុលនិយម Takfiri។ ការលើកឡើងនេះសំដៅក្រុមអ៊ីស្លាមនិកាយស៊ុនីន ដែលតែងតែដាក់គោលដៅលើសត្រូវសាសនាដោយហិង្សា ដូចក្នុងករណីនេះជាដើម។ ក្រុមសកម្មប្រយុទ្ធរដ្ឋអ៊ីស្លាមបានចេញមុខអះអាងថា ខ្លួនជាអ្នកបើកការវាយប្រហារនេះ៕ អត្ថបទ៖ សុខមាន

គណបក្សភ្លើងទៀន ប្រកាសថ្កោលទោសជនដែលប្រមាថព្រះចេស្តាព្រះមហាក្សត្រ បន្ទាប់ពីជនក្បត់ជាតិ សម រង្ស៊ី បានប្រមាថថា ព្រះមហាក្សត្រជាក្បត់ជាតិ

ភ្នំពេញ៖ គណបក្សភ្លើងទៀន នៅថ្ងៃទី២៧ ខែតុលា ឆ្នាំ២០២២នេះ បានចេញសេចក្តីថ្លែងការណ៍ដោយបានថ្កោលទោសចំពោះជនដែលបានប្រមាថព្រះមហាក្សត្រ និងរបបរាជានិយមអាស្រ័យរដ្ឋធម្មនុញ្ញ និងថាគណបក្សភ្លើងគោរពនូវព្រះរាជតួនាទីដ៏ខ្ពង់ខ្ពស់នៃអង្គព្រះមហាក្សត្រដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។ការប្រកាសផ្កោលទោសនេះ ធ្វើឡើងបន្ទប់ជនក្បត់ជាតិ៣ជំនាន់ គឺទណ្ឌិតសម រង្ស៊ី ទើបតែបានថ្លែងប្រមាថព្រះចេស្តារព្រះមហាក្សត្រថា គ្មានមនសិការស្នេហាជាតិ និងជាជនក្បត់ជាតិថែមទៀត៕

សម្តេចពញាចក្រី ហេង សំរិន អញ្ជើញក្នុងពិធីបើកកិច្ចប្រជុំប្រឆ្នាំលើកទី៣០នៃវេទិកាសភាអាស៊ី-ប៉ាស៊ីហ្វិក(APPF) នៅប្រទេសថៃ

សម្តេចពញាចក្រី ហេង សំរិន ប្រធានរដ្ឋសភានៃកម្ពុជា បានអញ្ជើញក្នុងពិធីបើកកិច្ចប្រជុំប្រចាំឆ្នាំ លើកទី៣០ នៃវេទិកាសភាអាស៊ី-ប៉ាស៊ីហ្វិក (APPF) នៅទីក្រុងបាងកក ប្រទេសថៃ។នៅល្ងាចថ្ងៃទី២៦ ខែតុលា ឆ្នាំ២០២២ សម្តេចពញាចក្រី ហេង សំរិន ប្រធានរដ្ឋសភានៃកម្ពុជា បានដឹកនាំគណៈប្រតិភូសភាកម្ពុជាចូលរួមពិធីបើកកិច្ចប្រជុំប្រចំាឆ្នាំលើកទី៣០ នៃវេទិកាសភាអាស៊ី-ប៉ាស៊ីហ្វិកដែលសភាប្រទេសថៃ ធ្វើជាម្ចាស់ផ្ទះ នៅរដ្ឋសភាថៃ នាទីក្រុងបាងកក ក្រោមអធិបតីភាព ឯកឧត្តម ឈួន លីកផៃ (Chuan Leekpai) ប្រធានរដ្ឋសភា នៃព្រះរាជាណាចក្រថៃ និងជាប្រធាន APPF លើកទី៣០។ វេទិកាសភាអាស៊ី-ប៉ាស៊ីហ្វិក បានប្រារព្ធធ្វើឡើងក្រោមមូលបទ សភា និងការស្តារឡើងវិញប្រកបដោយចីរភាពក្រោយជំងឺកូវីដ-១៩ ដើម្បីលើកកម្ពស់លទ្ធិប្រជាធិបតេយ្យ សន្តិភាព និងសន្តិសុខ» រយៈពេល៤ថ្ងៃ ចាប់ពីថ្ងៃទី២៦ ដល់ថ្ងៃទី២៩ ខែតុលា ឆ្នាំ២០២២។នៅក្នុងសុន្ទរកថាបើកកិច្ចប្រជុំជាផ្លូវការ ឯកឧត្តម ឈួន លីកផៃ បានស្វាគមន៍យ៉ាងកក់ក្តៅចំពោះវត្តមានគ្រួសារ APPF និងបណ្តាប្រទេសជាមិត្ត រួមទំាងអង្គការជាដៃគូ អ្នកអង្កេតការណ៍ទំាងអស់ ដែលបានមកជួបជុំគ្នានាឱកាសនេះ ក្រោយពីជំងឺកូវីដ-១៩ បានធូរស្រាល។ ឯកឧត្តម បានលើកឡើងថា ការជួបជុំនេះមានសារៈសំខាន់ណាស់នៅក្នុងការពង្រឹងពង្រីកកិច្ចសហប្រតិបត្តិការពហុភាគីនិយម ដែលជាសំឡេងរបស់តំណាងពលរដ្ឋក្នុងការប្រយុទ្ធប្រឆំាង រាល់បញ្ហាតំបន់ និងពិភពលោកកំពុងជួបប្រទះ ដូចជាការស្តារឡើងវិញនូវសង្គម និងសេដ្ឋកិច្ចក្រោយពីការរាតត្បាតជាសកលពីជំងឺកូវីដ-១៩ និងអំពើបញ្ហាប្រឈមផ្សេងៗ ដែលបានកំពុងកើតមានជាបន្តបន្ទាប់ក្នុងតំបន់ និងពិភពលោក។ឯកឧត្តម ប្រធាន APPF លើកទី៣០ បានលើកឡើងថា ក្នុងរយៈពេល៣០ឆ្នាំមកនេះ APPF បានដើរតួនាទីយ៉ាងសំខាន់នៅក្នុងការជំរុញនូវវប្បធម៌សន្ទនា និងកិច្ចសហប្រតិបត្តិការដែលជាកត្តាសំខាន់ក្នុងការកសាងនិងអភិវឌ្ឍប្រកបដោយចីរភាព និងជាការចូលរួម ដើម្បីធ្វើឱ្យគោលដៅអភិវឌ្ឍប្រកបដោយចីរភាពឆ្នាំ២០៣០សម្រេចតាមផែនការ។យ៉ាងណាមិញ ក្នុងការដឹកនាំគណៈប្រតិភូជាន់ខ្ពស់រដ្ឋសភាកម្ពុជាចូលរួមកិច្ចប្រជុំ APPF លើកទី៣០នេះ សម្តេចពញាចក្រី ហេង សំរិន នឹងអញ្ជើញថ្លែងសុន្ទរកថាទៅកាន់កិច្ចប្រជុំគណៈកម្មការនយោបាយ និងសន្តិសុខ នៅថ្ងៃទី២៧ ខែតុលា នេះផងដែរ។វេទិកាសភាអាស៊ី-ប៉ាស៊ីហ្វិក បានផ្តួចផ្តើមបង្កើតឡើងដោយ អតីតនាយករដ្ឋមន្រ្តីជប៉ុន ឯកឧត្តម Yasuhiro Nakasone ក្នុងឆ្នាំ១៩៩៣ មានគោលបំណងប្រមូលផ្តុំសភាក្នុងតំបន់អាស៊ីប៉ាស៊ីហ្វិក ជួបប្រជុំប្រចំាឆ្នាំ ដើម្បីដោះស្រាយបញ្ហារួម ក្នុងតំបន់ ជាពិសេស ការថែរក្សា និងលើកកម្ពស់សុខសន្តិភាព ស្ថេរភាព និងការអភិវឌ្ឍប្រកបដោយចីរភាពនៅក្នុងតំបន់និងសកលលោក។ មកដល់ពេលនេះវេទិកាសភាមួយនេះ មានសមាជិកចំនួន២៨ប្រទេស ដោយសភាកម្ពុជាបានចូលជាសមាជិក APPF នៅឆ្នាំ១៩៩៥ និងធ្លាប់បានធ្វើជាម្ចាស់កិច្ចប្រជុំ APPF លើកទី២៧ នៅខេត្តសៀមរាប កាលពីឆ្នាំ២០១៩៕ អត្ថបទ សេក ឧត្តម

រុស្ស៊ី ធ្វើសមយុទ្ធនុយក្លេអ៊ែរលើកដំបូង ចាប់តាំងពីការវាយលុកចូលអ៊ុយក្រែន

រុស្ស៊ី បានធ្វើសមយុទ្ធនុយក្លេអ៊ែរដ៏ធំលើកដំបូងក្នុងប្រទេសរបស់ខ្លួន ចាប់តាំងពីការចាប់ផ្ដើមសង្រ្គាមរបស់ខ្លួននៅអ៊ុយក្រែន ហើយលោកប្រធានាធិបតី Vladimir Putin បានអះអាងដោយគ្មានមូលដ្ឋានថា ទីក្រុង Kyiv កំពុងព្យាយាមផលិតគ្រាប់បែកវិទ្យុសកម្ម ខណៈទីក្រុង Moscow បង្កើនវោហារសាស្ត្រលើលទ្ធភាពដែលអាចនឹងមានការប្រើប្រាស់អាវុធនុយក្លេអ៊ែរ នៅក្នុងជម្លោះនេះ ស្របពេលមានភាពតានតឹងខ្លាំងជាមួយលោកខាងលិចជុំវិញអ្វីដែលរុស្ស៊ី ហៅថាជាប្រតិបត្តិការសឹកពិសេសក្នុងប្រទេសអ៊ុយក្រែន។ កងកម្លាំងប្រដាប់អាវុធរុស្ស៊ី កាលពីថ្ងៃពុធបានអនុវត្តន៍នូវអ្វីដែលរដ្ឋមន្ត្រីក្រសួងការពារជាតិលោក Sergei Shoigu បានហៅថា ជាការវាយប្រហារដោយនុយក្លេអ៊ែរដ៏ធំជាមួយកងវាយប្រហារយុទ្ធសាស្ត្រ ឆ្លើយតបទៅនឹងការវាយប្រហារដោយនុយក្លេអ៊ែរពីសំណាក់សត្រូវរបស់លយើង ខណៈលោកPutin ត្រួតពិនិត្យព្រឹត្តិការណ៍នេះតាមវីដេអូពីវិមានក្រឹមានឡាំង។ ក្នុងសមយុទ្ធកាលពីថ្ងៃពុធ មានការបាញ់សាកល្បងមីស៊ីលបាលីស្ទីកនៅលើដីមានឈ្មោះថា Yars ពីទីតាំងបាញ់មីស៊ីល Plesetsk ភាគខាងជើង និងការបាញ់មីស៊ីល Sineva ICBM ក្បែរនាវាមុជទឹកបំពាក់នុយក្លេអ៊ែររុស្ស៊ី នៅក្នុងសមុទ្រ Barents ។ ថ្លែងទៅកាន់ក្រុមប្រមុខសន្តិសុខជាតិពីក្រុមប្រទេសអតីតសហភាពសូវៀត បន្ទាប់ពីសមយុទ្ធ លោក Putin បាននិយាយថា ការប្រឈមដាក់គ្នាផ្នែកភូមិសាស្ត្រនយោបាយបានកើនឡើងយ៉ាងខ្លាំង និងបានចោទសហរដ្ឋអាមេរិកថាកំពុងប្រើប្រាស់អ៊ុយក្រែនជាឈ្លាន់ប្រឆាំងរុស្ស៊ី៕ អត្ថបទ៖ សុខមាន

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

ភ្នំពេញ៖ នៅទីស្ដីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី២៧ ខែតុលា ឆ្នាំ២០២២នេះ មានរៀបចំពិធីសម្ភោធការនាំចេញផ្លែមៀនស្រស់កម្ពុជាទៅកាន់ទីផ្សារប្រទេសចិន។ ពិធីនេះបានប្រព្រឹត្តទៅក្រោមអធិបតីភាពឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា និងមានការអញ្ញេីញចូលរួមពីថ្នាក់ដឹកនាំមន្រ្តីរាជការ តំណាងក្រសួង ស្ថាប័នពាក់ព័ន្ធ និងមន្ទីរកសិកម្មខេត្តចំនួន៤មកពីខេត្តកណ្តាល ប៉ៃលិន បន្ទាយមានជ័យ និងខេត្តបាត់ដំបង ព្រមទាំងសហគមន៍កសិកម្មមៀននានាសរុបចំនួនប្រមាណជាង១០០នាក់។ សូមរម្លឹកថា នៅខែមិថុនា ឆ្នាំ២០១៩ កម្ពុជាបានចាប់ផ្តើមស្នើសុំចរចាលក្ខខណ្ឌតម្រូវកួតតាមនាម័យរីកទីផ្សារ នាំចេញផ្លែមៀនកម្ពុជាទៅកាន់ប្រទេសចិន ដោយភ្ជាប់ជាមួយឯកសារបច្ចេកទេសសម្រាប់ការវិភាគសមាសភាពតង។ បន្ទាប់មកនៅខែសីហា ឆ្នាំ២០២១ អត្ថរដ្ឋបាលគយនៃសាធារណរដ្ឋប្រជាជិតចិន (GAI បានផ្ញើ លិខិតឆ្លើយតបស្តីពីលទ្ធផលនៃការធ្វើវិភាគហានិភ័យសមាសភាពចម្រៃលើដីណាំមៀនកម្ពុជា ដោយ បានបញ្ចាក់ជាមានសមាសភាពចង្រៃចំនួន៨ រឺជវចហាមឃាត់ដោយប្រទេសចិន។បន្ទាប់ពីការចរចារួច ភាគីទាំងពីរបានយល់ព្រមដកចេញរុយចោះផ្លែឈើចំនួន២ប្រភេទចេញពីបញ្ជីហាមឃាត់របស់ប្រទេសចិន។កម្ពុជាបានខិតខំប្រឹងប្រែង និងយកចិត្តទុកដាក់យ៉ាងខ្ពស់លេីការងារខាងលេី។ បន្ទាប់ពីការចរចាលក្ខខណ្ឌតម្រូវភូតគាមអនាម័យបើកទីផ្សារអស់រយៈពេលជាង៣ឆ្នាំ រួចមក នៅថ្ងៃទី៧ ខែកញ្ញា ឆ្នាំ២០២២នេះ អត្ថរដ្ឋបាលគយនៃសាធារណរដ្ឋប្រជាជិតចិន (GACC) បានអនុម័តចុះបញ្ជីជាផ្លូវការនូវចម្ការមៀនចំនួន៧៤ និងរោងចក្រវេចខ្ចប់ចំនួន៨ សម្រាប់នាំចេញផ្លែមៀនស្រស់កម្ពុជាទៅកាន់ប្រទេសចិន។

អាមេរិក និងអង់គ្លេសព្រមព្រៀងគាំទ្រអ៊ុយក្រែន និងប្រឆាំងប្រទេសចិន

អាមេរិក៖ សេតវិមានបាននិយាយថា ប្រធានាធិបតីសហរដ្ឋអាមេរិកលោក Joe Biden និងនាយករដ្ឋមន្ត្រីថ្មីរបស់ចក្រភពអង់គ្លេសលោក Rishi Sunak បានព្រមព្រៀងគ្នាក្នុងកិច្ចសន្ទនាកាលពីថ្ងៃអង្គារ ដើម្បីធ្វើការរួមគ្នាគាំទ្រប្រទេសអ៊ុយក្រែន និងប្រឆាំងប្រទេសចិន។ មេដឹកនាំប្រទេសទាំង២ បានជួបសន្ទនាជាលើកដំបូងរយៈជាច្រើនម៉ោង បន្ទាប់ពីលោក Sunak បានក្លាយជានាយករដ្ឋមន្ត្រីទី៣ របស់ចក្រភពអង់គ្លេសនៅឆ្នាំនេះ ដោយកំពុងទទួលនូវវិបត្តិសេដ្ឋកិច្ចបន្ទាប់ពីការលាលែងពីតំណែងរបស់លោកស្រី Liz Truss ក្រោយការចូលកាន់តំណែងត្រឹមតែ ៤៩ថ្ងៃ។ សេតវិមានបាននិយាយថា មេដឹកនាំទាំង២ បានអះអាងជាថ្មីអំពីទំនាក់ទំនងពិសេសដែលមានរវាងសហរដ្ឋអាមេរិក និងអង់គ្លេស និងបាននិយាយថា ប្រទេសទាំង២ នឹងធ្វើការរួមគ្នាដើម្បីជំរុញសន្តិសុខ និងភាពរុងរឿងពិភពលោក។សេចក្តីថ្លែងការណ៍បាននិយាយអំពីសង្គ្រាម បង្កដោយការឈ្លានពានរបស់រុស្ស៊ីលើប្រទេសជិតខាង ដែលគាំទ្រដោយប្រទេសលោកខាងលិចថា មេដឹកនាំបានព្រមព្រៀងលើសារៈសំខាន់នៃការធ្វើការរួមគ្នា ដើម្បីគាំទ្រប្រទេសអ៊ុយក្រែន និងនាំយកប្រទេសរុស្ស៊ីឲ្យទទួលខុសត្រូវចំពោះការឈ្លានពានរបស់ខ្លួន។ សេតវិមានបាននិយាយថា លោក Biden និងលោក Sunak បានព្រមព្រៀងដោះស្រាយបញ្ហាប្រឈមដែលបង្កឡើងដោយប្រទេសចិន ដែលទីក្រុងវ៉ាស៊ីនតោនបានកំណត់ថាជាគូប្រជែងភូមិសាស្ត្រ នយោបាយ និងសេដ្ឋកិច្ចកំពូលរបស់ខ្លួននៅលើឆាកពិភពលោក នាពេលបច្ចុប្បន្ននេះ៕អត្ថបទ៖ ប៊ុនថន

លោក Sunak តែងតាំងក្រុមរដ្ឋមន្ត្រីកំពូលក្នុងការរុះរើគណៈរដ្ឋមន្ត្រី

អង់គ្លេស៖ លោក Rishi Sunak បានក្លាយជានាយករដ្ឋមន្ត្រីទី៣ របស់ចក្រភពអង់គ្លេសនៅឆ្នាំនេះកាលពីថ្ងៃអង្គារ ដោយត្រូវបំពេញភារកិច្ចក្នុងការទប់ទល់វិបត្តិសេដ្ឋកិច្ច ដែលបានធ្វើឱ្យហិរញ្ញវត្ថុរបស់ប្រទេសស្ថិតក្នុងស្ថានភាពមិនច្បាស់លាស់ ហើយមនុស្សរាប់លាននាក់កំពុងតស៊ូក្នុងការចំណាយលើតម្លៃហក់ឡើងនៃតម្លៃអាហារ និងតម្លៃថាមពលរបស់ពួកគេ។ លោក Sunak បានកំណត់ភ្លាមៗចំពោះការតែងតាំងគណៈរដ្ឋមន្ត្រី ក្នុងគោលបំណងដឹកនាំរដ្ឋាភិបាល ខណៈនាំយកមនុស្សមកពីផ្នែកផ្សេងៗគ្នានៃគណបក្សអភិរក្សនិយម។ លោកបានដកចេញសមាជិករដ្ឋាភិបាលរបស់លោកស្រី Liz Truss ជាច្រើនរូប ប៉ុន្តែបានរក្សាទុកឥស្សរជនជាន់ខ្ពស់មួយចំនួនឲ្យនៅដដែល។ រដ្ឋមន្ត្រីក្រសួងមហាផ្ទៃលោកស្រី Suella Braverman ដែលបានលាលែងពីតំណែងកាលពីសប្តាហ៍មុន ក្នុងចំណាត់ការដែលជួយជំរុញឱ្យមានការដួលរលំលោកស្រី Liz Truss ទទួលបានការងាររបស់លោកស្រីមកវិញ។ លោក Sunak មានគោលបំណងប្រមូលផ្តុំគណៈរដ្ឋមន្ត្រីដែលមានបទពិសោធន៍ និងសមត្ថភាព ប៉ុន្តែការបែកបាក់របស់គណបក្សស្តាំនិយមកណ្តាលជុំវិញបញ្ហាអន្តោប្រវេសន៍ ទំនាក់ទំនងជាមួយសហភាពអឺរ៉ុប និងបញ្ហាធំៗផ្សេងទៀតនៅតែជាបញ្ហាដ៏ស៊ីជម្រៅ៕អត្ថបទ៖ ប៊ុនថន

លោក Biden ព្រមានទីក្រុង Moscow ថា ការប្រើប្រាស់អាវុធនុយក្លេអ៊ែរនឹងជាកំហុសដ៏ធ្ងន់ធ្ងរបំផុត

អាមេរិក៖ ស្របពេលមានការចោទប្រកាន់ដដែលៗរវាងភាគីសង្គ្រាមថា ភាគីម្ខាងទៀតគ្រោងនឹងពង្រីកជម្លោះរបស់ពួកគេដោយប្រើអាវុធមិនធម្មតានោះ លោកប្រធានាធិបតី Joe Biden កាលពីថ្ងៃអង្គារបានព្រមានរុស្ស៊ីថា វានឹងជាកំហុសដ៏ធ្ងន់ធ្ងរបំផុតក្នុងការបំផ្ទុះអាវុធនុយក្លេអ៊ែរ។ ក្នុងរយៈពេល ៣ថ្ងៃចុងក្រោយនេះរុស្ស៊ីបានចោទប្រកាន់ដោយគ្មានហេតុផលថា ទីក្រុង Kyiv មានបំណងវាយប្រហារគ្រាប់បែកវិទ្យុសកម្មដែលបង្កឱ្យមានការព្រួយបារម្ភខ្លាំង ពីការបែកធ្លាយកាកសំណល់វិទ្យុសកម្មនៅពេលវាផ្ទុះ។ អ៊ុយក្រែនបានឆ្លើយតបដោយនិយាយថា ទីក្រុង Moscow កំពុងបង្កើតលេសសម្រាប់ការប្រើអាវុធនុយក្លេអ៊ែរ ក្នុងសង្គ្រាមដែលខ្លួនចាញ់នៅសមរភូមិ។លោក Biden និយាយថា គេមិនច្បាស់ទេថា តើវិមានក្រឹមឡាំងកំពុងព្យាយាមបង្កើតឆាកល្ខោន សម្រាប់វាយប្រហារដោយនុយក្លេអ៊ែរ ឬយ៉ាងណា ប៉ុន្តែបានលើកឡើងពីការព្រមានម្ដងហើយម្ដងទៀត ពីរដ្ឋបាលរបស់លោកទាក់ទងនឹងសកម្មភាពនេះ។ លោក Biden និយាយថា ខ្ញុំហ៊ាននិយាយថា រុស្ស៊ីនឹងប្រព្រឹត្តកំហុសធ្ងន់ធ្ងរបំផុត បើប្រើអាវុធនុយក្លេអ៊ែរតាកទិក។ ខ្ញុំមិនធានាចំពោះអ្នកគ្រប់គ្នាទេថា វាជាប្រតិបត្តិការបំភាន់ភ្នែក ខ្ញុំមិនដឹងទេ ប៉ុន្តែវានឹងជាកំហុសដ៏ធ្ងន់ធ្ងរបំផុត៕អត្ថបទ៖ សុខមាន

អ្នកស្លាប់ដោយព្យុះស៊ីក្លូន Sitrang កើនឡើងដល់ ៣៥នាក់នៅបង់ក្លាដែស ខណៈលំនៅឋានជាច្រើនត្រូវបានបំផ្លាញ

បង់ក្លាដែស៖ យោងតាមក្រុមមន្ត្រី និងប្រព័ន្ធផ្សព្វផ្សាយបានរាយការណ៍ថា ចំនួនអ្នកស្លាប់ដោយសារព្យុះស៊ីក្លូន Sitrang បានកើនឡើងដល់ ៣៥នាក់ ហើយលំនៅឋានជាច្រើនខ្នងត្រូវបានបំផ្លាញ ខណៈព្យុះនេះបានបោកបក់មកលើឆ្នេរសមុទ្រភាគខាងត្បូង និងផ្នែកកណ្តាលរបស់ប្រទេសបង់ក្លាដែស។ សារព័ត៌មានបានរាយការណ៍ថា ព្យុះ Sitrang បានធ្វើឲ្យមានបំណាក់ដី ហើយបានចុះខ្សោយទៅវិញជាព្យុះត្រូពិចនៅប្រទេសបង់ក្លាដែសកាលពីថ្ងៃអង្គារ។ សារព័ត៌មានបានរាយការណ៍ថា ព្យុះស៊ីក្លូនបានឆក់យកជីវិតមនុស្ស ៣៥នាក់ ព្រមទាំងបានបំផ្លាញលំនៅឋាន និងហេដ្ឋារចនាសម្ព័ន្ធផ្សេងទៀត រម្លើងដើមឈើ និងកាត់ផ្តាច់ប្រព័ន្ធទំនាក់ទំនង ផ្លូវថ្នល់ និងការផ្គត់ផ្គង់ថាមពល។ប្រជាជនប្រមាណ ១០លាននាក់គ្មានថាមពលប្រើប្រាស់នៅក្នុងស្រុកជាច្រើន នៅតាមឆ្នេរសមុទ្រកាលពីថ្ងៃអង្គារ។ ព្យុះស៊ីក្លូនបានបោកបក់មកលើឆ្នេរភាគនិរតីនៃប្រទេសបង់ក្លាដែស ប៉ុន្តែរបាយការណ៍ប្រព័ន្ធផ្សព្វផ្សាយបានបញ្ជាក់ថា ការស្លាប់ខ្ពស់បំផុតត្រូវបានគេរាយការណ៍នៅឆ្នេរសមុទ្រ Chattogram ភាគនិរតី ជាកន្លែងដែលនាវាបូមខ្សាច់ដែលដឹកខ្សាច់បានលិចនៅឈូងសមុទ្រ Bengal បណ្តាលឲ្យកម្មករ ៨នាក់លង់ទឹក ខណៈខ្យល់បក់បោកខ្លាំង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ចំនួនអ្នកស្លាប់ដោយសាររលកកម្ដៅនៅកូរ៉េខាងត្បូង កើនឡើងដល់ជិត២០នាក់

អាស៊ាន និងអាស៊ានបូកបីប្តេជ្ញាចិត្តរួមគ្នាកសាងមុខងារសាធារណៈមួយ ដែលយកប្រជាជនជាស្នូល

Hervé Renard វិលត្រឡប់មកដឹកនាំក្រុមជម្រើសជាតិកូតឌីវ័រ ជាលើកទី២

អ្នកណាខ្លះអាចជាបេក្ខភាពប្រជែងតំណែងប្រធាន FIFA ជាមួយ Gianni Infantino នៅឆ្នាំ២០២៧?

ក្រុមគ្រួសារនៃអ្នកដែលបានស្លាប់ក្នុងការផ្ទុះនៅកំពង់ផែប្រទេសលីបង់ បង្ហាញក្តីសង្ឃឹមសម្រាប់យុត្តិធម៌

UN៖ ការវាយប្រហាររបស់អ៊ីស្រាអែល បានធ្វើឱ្យវិស័យអប់រំស្ថិតក្រោមសម្ពាធនៅតំបន់ហ្កាហ្សា និង West Bank

រលកនៃអំពើហិង្សាជាប់ទាក់ទងនឹងក្រុមជនអន្ធពាលប្រេស៊ីលបានសម្លាប់មនុស្សយ៉ាងហោចណាស់៩នាក់នៅបូលីវី

កូរ៉េខាងជើង៖ លោកស្រី Kim Yo Jong រិះគន់ការសាកល្បងមីស៊ីល Tomahawk របស់ប្រទេសជប៉ុន

សម្ដេចធិបតី៖ ក្នុងការជំរុញកែទម្រង់រដ្ឋបាលសាធារណៈ កម្ពុជាផ្ដោតលើសុខុមាលភាពជាតិ និងប្រជាជន

សម្ដេចធិបតី ចាត់ទុកកិច្ចប្រជុំរដ្ឋមន្រ្ដីវិស័យមុខងារសាធារណៈអាស៊ានជាវេទិកាដ៏សំខាន់ និងបើកចំហ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីប្រឈមការលំបាកកាន់តែខ្លាំង ខណៈអ៊ុយក្រែនជួបប្រទះស្ថានភាពអាកាសធាតុនៅសមរភូមិ

មនុស្ស ១៥នាក់ស្លាប់ក្នុងពេលក្រុមខ្មាន់កាំភ្លើងបើកការវាយប្រហារលើទីសក្ការបូជានិកាយស៊ីអ៊ីតនៅអ៊ីរ៉ង់

រុស្ស៊ី ធ្វើសមយុទ្ធនុយក្លេអ៊ែរលើកដំបូង ចាប់តាំងពីការវាយលុកចូលអ៊ុយក្រែន

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

អាមេរិក និងអង់គ្លេសព្រមព្រៀងគាំទ្រអ៊ុយក្រែន និងប្រឆាំងប្រទេសចិន

លោក Sunak តែងតាំងក្រុមរដ្ឋមន្ត្រីកំពូលក្នុងការរុះរើគណៈរដ្ឋមន្ត្រី

លោក Biden ព្រមានទីក្រុង Moscow ថា ការប្រើប្រាស់អាវុធនុយក្លេអ៊ែរនឹងជាកំហុសដ៏ធ្ងន់ធ្ងរបំផុត

អ្នកស្លាប់ដោយព្យុះស៊ីក្លូន Sitrang កើនឡើងដល់ ៣៥នាក់នៅបង់ក្លាដែស ខណៈលំនៅឋានជាច្រើនត្រូវបានបំផ្លាញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​ប្រឈម​ការលំបាក​កាន់តែខ្លាំង ខណៈ​អ៊ុយ​ក្រែ​ន​ជួបប្រទះ​ស្ថានភាព​អាកាសធាតុ​នៅ​សមរភូមិ​

រុស្ស៊ី ធ្វើសមយុទ្ធនុយក្លេអ៊ែរលើកដំបូង ចាប់តាំងពីការវាយលុកចូលអ៊ុយក្រែន

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

អាមេរិក និង​អង់គ្លេស​ព្រមព្រៀង​គាំទ្រ​អ៊ុយ​ក្រែ​ន និង​ប្រឆាំង​ប្រទេស​ចិន

លោក Sunak តែងតាំង​ក្រុម​រដ្ឋមន្ត្រី​កំពូល​ក្នុង​ការរុះរើ​គណៈរដ្ឋមន្ត្រី

លោក Biden ព្រមាន​ទីក្រុង Moscow ថា​ ការប្រើប្រាស់​អាវុធ​នុយក្លេអ៊ែរ​នឹង​ជា​កំហុស​ដ៏​ធ្ងន់ធ្ងរ​បំផុត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីប្រឈមការលំបាកកាន់តែខ្លាំង ខណៈអ៊ុយក្រែនជួបប្រទះស្ថានភាពអាកាសធាតុនៅសមរភូមិ

អាមេរិក និងអង់គ្លេសព្រមព្រៀងគាំទ្រអ៊ុយក្រែន និងប្រឆាំងប្រទេសចិន

លោក Sunak តែងតាំងក្រុមរដ្ឋមន្ត្រីកំពូលក្នុងការរុះរើគណៈរដ្ឋមន្ត្រី

លោក Biden ព្រមានទីក្រុង Moscow ថា ការប្រើប្រាស់អាវុធនុយក្លេអ៊ែរនឹងជាកំហុសដ៏ធ្ងន់ធ្ងរបំផុត