នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង
សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ
កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូន​ក្រុម​គ្រួសារ​របស់​វីរកងទ័ពពលី

ព័ត៌មានសំខាន់ៗ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយ​ប្រជាពលរដ្ឋ​ ដែលស្ម័គ្រចិត្តរើលំនៅឋានចេញពីរមណីយដ្ឋានអង្គរ

2022/10/22 05:38:30 pm        546
Facebook Telegram Linkin
នៅព្រឹកថ្ងៃទី២២តុលានេះ សម្តេចតេជោ ហ៊ុន សែន នាយករដ្ឋមន្ត្រី បាន​បន្ត​អញ្ជើញ​ជួប​សំណេះសំណាល​ជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នក​ស្ម័គ្រចិត្ត​​រើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង ភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ ជា​កន្លែង​ថ្មី​មួយ​ទៀត​បន្ទាប់​ពី​តំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែង​ចែក​ដីធ្លី​​ជូន​ប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និង​តំបន់​គ្រប់​គ្រង​ដោយ​អាជ្ញាធរ​ជាតិ​អប្សរា​។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន មានប្រសាសន៍ថា ពីអតីតកាលតំបន់ពាក់ស្នែងសម្តេចធ្លាប់លឺឈ្មោះ និង​ល្បី​រន្ទឺជាតំបន់អតីតសមរភូមិក្តៅ តែពេលនេះពាក់ស្នែងបានក្លាយជាតំបន់អភិវឌ្ឍន៍ និង​ជា​អនាគត​តំបន់រដ្ឋបាលស្រុកអង្គរធំ។- សម្តេចតេជោ ហ៊ុន សែន បានបញ្ជាក់ថា ការគិតគូររបស់រាជរដ្ឋាភិបាល លើ​ប្រជាពលរដ្ឋ​នៅ​តំបន់​អភិវឌ្ឍន៍ពាក់ស្នែង គឺទទួលបា​ន​ដូច​គ្នា​នឹង​ប្រជាពលរដ្ឋ​ដែល​តាំង​​លំនៅ​ឋាន​ថ្មី​នៅ​តំបន់​រុនតា​ឯក​ផងដែរ។- សម្តេចតេជោ ហ៊ុន សែន ជឿជាក់ថា ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង នឹង​បោះ​ឆ្នោត​​ជូន​គណបក្សប្រជាជនកម្ពុជា ដើម្បីរក្សាបាននូវសុខសន្តិភាព និង​ការអភិវឌ្ឍ​លើ​គ្រប់​វិស័យ។ត្រង់ចំណុចនេះ សម្តេចបញ្ជាក់ថា «មិនមែនជាការឃោសនាមុនបោះឆ្នោតទេ វា​នេះ​ជា​សច្ចធម៌​មួយ»។- សម្តេចតេជោ ហ៊ុន សែន បញ្ជាក់ថា ពាក់ស្នែង​ជា​តំបន់​ប្រវត្តិសាស្ត្រ​ពាក់ព័ន្ធ​នឹង​ក្សត្រ​មួយ​អង្គ​ព្រះនាម​ «តាត្រសក់ផ្អែម» ដែលជាក្សត្រកើតចេញពីសាមញ្ញជន។ សម្តេចបញ្ជាក់ថា «បើការស្រាវ​ជ្រាវនោះពិត ដូចការអះអាងមែន តំបន់ពាក់ស្នែងនាពេលនេះ នឹងក្លាយជាតំបន់​ដ៏​ល្អប្រពៃ​មួយ អំណោយផលគ្រប់តម្រូវការ»។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង នឹងត្រូវត្រៀម​បម្រុង​ទុ​ក​ដី​សម្រាប់​ការ​កសាងទីអារាម ដូចនៅតំបន់អភិវឌ្ឍន៍រុនតាឯកផងដែរ ដើម្បីឱ្យ​ប្រជាពលរដ្ឋ​បាន​ធ្វើ​បុណ្យ​ធ្វើ​ទាន និងកម្មវិធីបែបសាសនានានាផងដែរ។- សម្តេចតេជោ ហ៊ុន​សែន ប្រកាសថា ការចូលរួមរបស់សប្បុរសជនចូលរួមផ្តល់ថវិកាកសាងវត្ត និង​សមិទ្ធផលនានាក្នុងទីអារាមវត្តនៅតំបន់អភិវឌ្ឍន៍រុនតាឯក បានច្រើនលើសការគ្រោងទុក ដែលផ្តល់​ភាព​ងាយស្រួល សម្រាប់ការចំណាយតាមតម្រូវការជាក់ស្តែង។- សម្តេចតេជោ ហ៊ុន សែន ប្រកាសឯកភាពលើសំណើរកងវិស្វកម្មសម្តេចតេជោ ហ៊ុនសែន សៀមរាប ក្នុងការស្តារ -ស្ថាបនាផ្លូវប៉េតុងសសៃដែក ,ផ្លូវក្រាលក្រួសក្រហម, មណ្ឌលសុខភាព,​របង,សាលាបឋមសិក្សា ,អនុវិទ្យាល័យ,វិទ្យាល័យ,ទីលានបាលទាត់ ,ផ្សារសហគមន៍ និង​សមិទ្ធ​ផល​នានា បម្រើឱ្យសេចក្តីត្រូវការប្រជាពលរដ្ឋតំបន់អភិវឌ្ឍន៍ពាក់ស្នែង។- សម្តេចតេជោ ហ៊ុន សែន ប្រកាសបញ្ចេញអង្ករ ២០០តោន អំណោយអ្នកឧកញ៉ាទ្រីភាព និង​ថវិកា​សប្បុរជននានា​ប្រមាណ ១៥ម៉ឺនដុល្លារអាមេរិក ផ្តល់ជូនប្រជាពលរដ្ឋ​រង​គ្រោះដោយ​ទឹក​ជំនន់​នៅ​ខេត្តកំពង់ធំ ហើយសម្តេចក៏គ្រោងជួបសំណេះសំណាល និងផ្តល់ស្រូវ​ពូជ​ដល់​ប្រជាពលរដ្ឋ​នៅកំពង់ធំ បន្ទាប់ពីពីសម្តេចចប់បេសកកម្មការងារនៅកំពង់ឆ្នាំង។- សម្តេចតេជោ ហ៊ុន សែន ប្រកាសផ្តល់អង្ករ និងថវិកា ដល់ខេត្តបន្ទាយមានជ័យ ,ឧត្តរមានជ័យ និង​ប៉ៃលិន ដែលរងគ្រោះដោយជំនន់ និងប្រកាសឱ្យរដ្ឋបាលខេត្តទាំងនោះ ព្រមទាំង​ផ្នែក​ពាក់ព័ន្ធ​ផ្តល់​ជូន​ប្រជាពលរដ្ឋឱ្យបានឆាប់រហ័ស កុំចាំសម្តេចទៅដល់។- សម្តេចតេជោ ហ៊ុន សែន ប្រកាសជាថ្មីដល់​ប្រជាពលរដ្ឋ​ដែល​យល់​ព្រម​រុះ​រើ​លំ​នៅ​ឋាន​ចេញ​ពី​តំបន់​រមណីយ​ដ្ឋានអង្គរ មកតំបន់អភិវឌ្ឍន៍ពាក់ស្នែង ត្រូវឈរលើគោលការណ៍​នាយករដ្ឋ​មន្ត្រី​ចំនួន​២​ គឺ៖ ទីតាំងថ្មីត្រូវបានឈូសឆាយរួចរាល់ និងមានអ្នកដឹកជញ្ជូនមកកាន់កន្លែងថ្មីត្រឹមត្រូវ។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង មិនមែន​ជា​ដី​សង្គម​កិច្ច​ទេ​។​ សម្តេច​ប្រកាស​ផ្តល់​ប័ណ្ណ​កម្ម​សិទ្ធិ​(ប័ណ្ណរឹង)​ដល់​ប្រជាពលរដ្ឋ​ទាំង​អស់​នៅ​តំបន់​អភិវឌ្ឍន៍​ពាក់ស្នែង ដើម្បីឱ្យប្រជាពលរដ្ឋយកទៅប្រើប្រាស់តាមលទ្ធភាពដែលអាចធ្វើទៅបានដូចជា៖ កម្ចី​ធនាគារ​ជា​ដើម។- សម្តេចតេជោ ហ៊ុន សែន ប្រកាស​ផ្តល់​ការ​តភ្ជាប់​ចរន្តអគ្គិសនី​ដល់​របង​ផ្ទះ​ប្រជាពលរដ្ឋ​ដោយ​ឥត​គិត​ថ្លៃ ដល់ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង(ទាំងអ្នកប្រើកម្លាំង-អំពែ តូច និងធំ) ។ ការផ្តល់ជូននេះ ធ្វើឱ្យប្រជាពលរដ្ឋចំណេញយ៉ាងច្រើន។- សម្តេចតេជោ ហ៊ុន សែន ប្រកាសថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ទោះ​មានកម្រិតជីវភាពបែបណាក៏ដោយ នឹងបានទទួលប័ណ្ណក្រីក្រប្រភេទ-១ ដែលត្រូវផ្តល់​ជូន​តាម​អត្រា​អ្នករស់នៅទីប្រជុំជនដូចៗគ្នា។- សម្តេចតេជោ ហ៊ុន សែន ប្រកាសថា សាលាស្រុកអង្គរធំ ដែលកំពុងស្ថិតនៅតំបន់១ នៃ​រមណីយ​ដ្ឋាន​អង្គរ នឹងត្រូវរុះរើមកកាន់ទីតាំងថ្មី នៅតំបន់អភិវឌ្ឍន៍ពាក់ស្នែង ដោយ​រាជរដ្ឋាភិបាល​បាន​ផ្តល់​ផ្ទៃដីបម្រុងទុកសម្រាប់សាងសង់អគាររដ្ឋបាលស្រុកថ្មីនេះ។- សម្តេចតេជោ ហ៊ុន សែន ប្រកាសថា ប្រជាពលរដ្ឋដែលរស់នៅតំបន់អភិវឌ្ឍន៍ពាក់ស្នែង នឹង​ទទួល​បាន​ចរន្តអគ្គិសនីគ្រប់គ្រាន់, ទឹកស្អាត,ប្រព័ន្ធទូរស័ព្ទ, Internet និងបណ្តាញ​តភ្ជាប់​ផ្សេង​ៗ​ទៀត​ ដើម្បីបំពេញតម្រូវការ នៃការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថា គ្មានគណបក្សនយោបាយណាមួយនៅកម្ពុជា ដែល​រស់​នៅ​ជាមួយគ្នា យូរ និងស្រុះស្រួលគ្នាដូចគណបក្សប្រជាជននោះទេ។- សម្តេចតេជោ ហ៊ុន សែន ប្រកាសជាថ្មីថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ដែលទ​ទួលបានប័ណ្ណក្រីក្រប្រភេទ-១ នឹងត្រូវគាំពារផ្តល់ជូនដោយរដ្ឋរយៈពេល ១០ឆ្នាំ នឹង​បើក​តាម​ប្រព័ន្ធធនាគារ(វីង)។- សម្តេចតេជោ ហ៊ុន សែន ប្រកាស​ដាក់​កម្ម​វិធី​ចុះ​ជួប​សំណេះ​សំណាល​ជា​មួយ​ប្រជាពលរដ្ឋ​នៅតំបន់​អភិវឌ្ឍន៍ពាក់ស្នែង និងរុនតាឯកអាចមួយឆ្នាំម្តង ទោះជាពេលក្រោយ សម្តេចស្ថិតនៅ​ក្នុង​តំណែង​ជានាយករដ្ឋ ឬអត់ក៏ដោយ និងបានផ្តាំផ្ញើ​ដល់​ប្រជាពលរដ្ឋ​ពេល​បាន​ឃើញ​សម្តេច​មក​ជួប សូមហៅសម្តេចចូលលេងផ្ទះផង។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៥នាទី

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

2022/10/22 03:53:49 pm        464
Facebook Telegram Linkin
ភ្នំពេញ៖ ក្នុងបេសកកម្មស្នាក់នៅខេត្តសៀមរាប ព្រឹកថ្ងៃទី២២ តុលានេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញបន្តជួបសំណេះ សំណាលជាមួយ​ប្រជាពលរដ្ឋ​ចំនួន​ ៣២០០​គ្រួសារ​ដែលបានស្ម័គ្រចិត្តរើលំនៅដ្ឋានចេញពីតំបន់រមណីយដ្ឋានអង្គរមកនៅតំបន់ពាក់ស្នែង ក្នុង​ស្រុក​អង្គរធំ។ក្នុងពិធីសំណេះសំណាលនេះ សម្តេចតេជោ បានរម្លឹក​ពី​អតីតកាល​ដែលតំបន់​ពាក់ស្នែង​ក៏​ជា​សមរភូមិ​ដែរ ប៉ុន្តែឥឡូវនេះ​បាន​ក្លាយ​ទៅ​ជា​តំបន់​អភិវឌ្ឍ​ដោយ​បាន​ស្នើ​ឱ្យ​ក្រុម​ការងារ​ទាំងអស់​ខិតខំ​រៀប​ចំ​ឱ្យ​បាន​ឆាប់​រហ័ស​ ដើម្បី​ផ្តល់​ជូន​បង​ប្អូន​បាន​មក​រស់​នៅ​ផ្លាស់​ប្តូរ​រើលំ​នៅដ្ឋាន​ពី​តំបន់​រមណីយដ្ឋានអង្គរមកតំបន់អភិវឌ្ឍពាក់ស្នែងនេះ។សម្តេចបានហៅការចាកចេញរបស់បងប្អូនពីតំបន់អាទិភាពរមណីយដ្ឋានអង្គរទៅរស់នៅតំបន់អភិវឌ្ឍនេះ ជាការសម្រេចចិត្តដ៏វៃឆ្លាត ដើម្បី​ទទួល​បាន​នូវ​កម្មសិទ្ធិដ៏ស្របច្បាប់។សម្តេចតេជោ នាយករដ្ឋមន្ត្រី​បាន​អរគុណ​ចំពោះ​ការយោគ​យល់​របស់​ប្រជាពលរដ្ឋ​យើង​ដែលមាន​ការយោគ​យល់​ដល់​រាជរដ្ឋាភិបាល​លើ​គោល​នយោបាយ​ផ្លាស់ប្តូរ​ទី​លំ​នៅ​របស់​ប្រជាពលរដ្ឋ​ពី​តំបន់​រមណីយដ្ឋាន​អង្គរ មករស់នៅតំបន់ពាក់ស្នែង​នេះ​ដែល​នេះ​ជា​ការ​យោគយល់​ដល់​ជាតិ​យើង​ទាំង​មូល​។​សូមបញ្ជាក់ផងដែរថា  ប្រជាពលរដ្ឋដែល​ស្ម័គ្រចិត្តរើ​លំនៅដ្ឋាន​ចេញ​ពី​តំបន់​រមណីយដ្ឋានអង្គរ​ទៅ​រស់​នៅ​តំបន់​អភិវឌ្ឍន៍ពាក់ស្នែង ក៏ទទួលបានគោល​នយោបាយ​ឧបត្ថម្ភ​នានា​ដូច​នឹង​ប្រជាពលរដ្ឋ​រស់​នៅ​តំបន់អភិវឌ្ឍនរុនតាឯកផងដែរ។ គោលនយោបាយនោះ មានដូចជាការទទួលបានដីទំហំ ២០ម៉ែត្រ x៣០ម៉ែត្រ, ទទួលបានបណ្ណក្រីក្រកម្រិត១ រួមទាំងហេដ្ឋារចនាសម្ព័ន្ធនានា ឧបត្ថម្ភ គាំទ្ររយៈពេល១០ឆ្នាំ ការទទួលបានបណ្ណសមធម៌សម្រាប់ស្ត្រីចាប់ពីពេលមានផ្ទៃពោះ រហូត​ដល់​កូន​អាយុ​២ឆ្នាំនិង បានផ្តល់អំណោយជាស្បៀងអាហារ សម្ភារៈប្រើប្រាស់ និងថវិកា ១លាន ៤០​ម៉ឺន​រៀល ព្រមទាំងសង្កសីចំនួន ៣០សន្លឹកសម្រាប់ធ្វើផ្ទះ។សម្តេចតេជោ ហ៊ុន សែន ក៏បានណែនាំឱ្យ​ធ្វើ​បណ្ណ​កម្ម​សិទ្ធិ​ដីធ្លី​ជូន​ពលរដ្ឋ​ទាំង​អស់​នេះ​ទាំង​នៅ​តំបន់​អភិវឌ្ឍន៍រុនតាឯក និងតំបន់អភិវឌ្ឍន៍ពាក់ស្នែងនេះ៕

សម្តេចតេជោ ហ៊ុន សែន បន្តជួបសំណេះសំណាល ជាមួយពលរដ្ឋស្ម័គ្រចិត្តរើចេញ ពីតំបន់រមណីយដ្ឋានអង្គរ ទៅរស់នៅតំបន់ពាក់ស្នែង

2022/10/22 02:53:11 pm        495
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង នៅព្រឹកថ្ងៃទី២២ ខែតុលា ឆ្នាំ២០២២នេះ។តំបន់អភិវឌ្ឍន៍ពាក់ស្នែង ស្ថិតនៅក្នុងឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែង ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ។ រាជរដ្ឋាភិបាលនឹងកសាងហេដ្ឋារចនាសម្ព័ន្ធនានាមិនខុសពីតំបន់អភិវឌ្ឍន៍រុនតាឯកនោះឡើយ ដើម្បីគាំទ្រដល់ការរស់នៅរបស់ប្រជាពលរដ្ឋ៕

សម្តេចតេជោ ហ៊ុន សែនថ្លែងអំណរគុណដល់សប្បុរសជនបានចូលរួមកសាងវត្តរុនតាឯក ខេត្តសៀមរាប

2022/10/21 10:29:06 pm        638
Facebook Telegram Linkin
សៀមរាប ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបង្ហាញបញ្ជីរាយនាមសប្បុរសជន ដែលចូលរួមឧបត្ថម្ភ ដើម្បីកសាងហេដ្ឋារចនាសម្ព័ន្ធ និងវត្តអារាមនៅតំបន់អភិវឌ្ឍ រុនតាឯក ខេត្តសៀមរាប ដែលរហូតមកដល់ពេលវេលានេះគឺមានចំនួន១លាន៥១ម៉ឺនដុល្លារហើយនោះ។ ឈ្មោះដែលសប្បុរសជនបានចូលរួមកសាងរួមមាន៖១)សម្តេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ១០ម៉ឺន២)ឯកឧត្ដម ជា សុផារ៉ា ១០ម៉ឺន៣)ឯកឧត្ដម ជា វណ្ណដេត ២០ម៉ឺន៤) អ្នកឧកញ៉ា ឃុន សៀ ៣០ម៉ឺន៥)ក្រុមហ៊ុន ជីប ម៉ុង ២០ម៉ឺន៦៖ លោកឧកញ៉ា ថៃ ជាហួត ១០ម៉ឺន៧៖ លោកឧកញ៉ា ឡាយ ប៊ុនប៉ា ១០ម៉ឺន៨៖ ឯកឧត្ដម ស៊ុន ចាន់ថុល ១ម៉ឺនដុល្លារ៩៖ អ្នកឧកញ៉ា គិត ម៉េង ២០ម៉ឺន១០)ក្រុមហ៊ុន ដែលខម ៥ម៉ឺនដុល្លារ១១)ក្រុមហ៊ុន សៀន សាន ៥ម៉ឺនដុល្លារ១២)លោកឧកញ៉ា ពៅ ឥសាន និង លោកឧកញ៉ា ពៅ សាពីន ៥ម៉ឺនដុល្លារ១៣)ក្រុមហ៊ុន ខ្សាច់ ស ៥ម៉ឺនដុល្លារសម្តេចតេជោហ៊ុន សែន សូមអរគុណសម្ដេច ឯកឧត្ដម លោកជំទាវ អ្នកឧកញ៉ា លោកឧកញ៉ា ក្រុមហ៊ុន សហគ្រាសតូច ធំ ទាំងអស់ ដែលតែងតែបានចូលរួមយ៉ាងសកម្មជាមួយ រាជរដ្ឋាភិបាល ក្នុងការងារសប្បុរសធម៌ ក៏ដូចជាការងារកសាង អភិវឌ្ឍន៍ប្រទេសជាតិ៕

លោក Putin ពិនិត្យ​ទីតាំង​ហ្វឹកហាត់​ទាហាន​កេណ្ឌ ហើយ​ទូរទស្សន៍​រុស្ស៊ី​បង្ហាញ​ប្រជាជន​ជម្លៀស​ចេញពី​តំបន់ Kherson

2022/10/21 10:12:05 pm        814
Facebook Telegram Linkin
​រុស្ស៊ី៖ ប្រធានាធិបតី​រុស្ស៊ី​លោក Vladimir Putin បាន​ពិនិត្យមើល​ទីតាំង​ហ្វឹកហាត់​ សម្រាប់​ទាហាន​កេណ្ឌ​កាលពី​ថ្ងៃ​ព្រហស្បតិ៍​។ មន្ត្រី​យោធា​ម្នាក់​បាន​បង្ហាញ​លោក ​Putin និង​រដ្ឋមន្ត្រី​ការពារ​ជាតិ​លោក ​Sergei Shoigu ពី​ក្រុម​ទាហានពាក់អាវ​ការពារ​គ្រាប់កាំភ្លើង និង​មួក​សុវត្ថិភាព​ដោយមាន​កាន់​អាវុធ​។មន្ត្រី​យោធា​បាន​បង្ហាញ​ស្បែកជើង​ក​វែង​សម្រាប់​រដូវរងា សំលៀកបំពាក់ និង​សម្ភារ​ផ្សេងៗ​ទៀត។​ ​ទន្ទឹម​នឹង​នេះ​នៅ​តំបន់ Kherson ស្ថិត​ក្នុង​ចំណោម​តំបន់​ដំបូង​គេ​របស់​អ៊ុយ​ក្រែ​ន ​ដែល​ដណ្តើម​យក​បាន​ដោយ​កងកម្លាំង​រុស្ស៊ី អាជ្ញាធរ​ដែល​តែងតាំង​ដោយ​ទីក្រុង​មូ​ស្គូ​កំពុង​ត្រៀមលក្ខណៈ​ សម្រាប់​ការ​វាយ​លុក​របស់​អ៊ុយ​ក្រែ​ន​យ៉ាង​ខ្លាំង​ ដើម្បី​ដណ្តើម​យក​តំបន់​នេះ​មកវិញ​ដោយ​បាន​ប្រាប់​ប្រជាជន​ក្នុង​តំបន់​នេះ​ថា ​នឹង​មាន​ការ​បាញ់​ផ្លោង​ និង​ត្រូវ​ជម្លៀស​ចេញ​។​តំបន់​ Kherson ជា​តំបន់​មួយ​ក្នុងចំណោម​តំបន់​ចំនួន​៤ ​ដែល​បាន​ដាក់​បញ្ចូល​ជា​ឧប​សម្ព័ន្ធ​ទៅ​ក្នុង​ប្រទេស​រុស្ស៊ី​កាលពី​ខែ​មុន​។ មន្ត្រី​ដែល​គាំទ្រ​ដោយ​រុស្ស៊ី​បាន​និយាយ​ថា ការ​ជម្លៀស​ចេញពី​ទឹកដី​ដែល​បាន​ដណ្តើម​កាន់កាប់​គឺជា​ការ​ស្ម័គ្រចិត្ត ប៉ុន្តែ​ក្នុង​ករណី​ជាច្រើន​ច្រកចេញ​តែមួយគត់​គឺ​ទៅកាន់​ទីក្រុង Dzhankoi នៅ​តំបន់​គ្រី​មៀ ដែល​ប្រជាជន​ជាច្រើន​ជិះ​រថភ្លើង​ទៅ​ប្រទេស​រុស្ស៊ី ឬ​ទៅកាន់​ទីក្រុង​ផ្សេង​ទៀត​ក្នុង​តំបន់​គ្រី​មៀ៕អត្ថបទ៖ ប៊ុនថន

UN៖ ការអត្ថាធិប្បាយ​របស់​លោក Guterres លើ​រុស្ស៊ី មិន​ប៉ះពាល់​ដល់​ទំនាក់ទំនង​ជាមួយ​ទីក្រុង Moscow ទេ​

2022/10/21 09:43:11 pm        668
Facebook Telegram Linkin
UN៖ ​អ្នកនាំពាក្យ​របស់​អង្គការសហប្រជាជាតិបាន​និយាយ​កាលពី​ថ្ងៃ​ព្រហស្បតិ៍​ថា ប្រមុខ​អង្គការសហប្រជាជាតិលោក Antonio Guterres បាន​និយាយ​យ៉ាងច្បាស់​អំពី​សង្គ្រាម​រុស្ស៊ី​នៅ​អ៊ុយ​ក្រែ​ន ហើយ​មិនបាន​បញ្ឈប់​ទំនាក់ទំនង​ជាមួយ​ទីក្រុង Moscow ទេ បន្ទាប់ពី​ការព្រមាន​របស់​រុស្ស៊ី​ថា ​កិច្ចសហប្រតិបត្តិការ​ជាមួយ​ក្រុមមន្ត្រី​អង្គការសហប្រជាជាតិ​អាច​ជួប​ហានិភ័យ​។ ​ឯកអគ្គរដ្ឋទូត​រង​របស់​រុស្ស៊ី​ប្រចាំ​នៅ​អង្គការសហប្រជាជាតិលោក Dmitry Polyanskiy បាន​និយាយ​កាលពី​ថ្ងៃ​ពុធ​ថា ទីក្រុង Moscow នឹង​វាយតម្លៃ​ការងារ​ឡើងវិញ​ជាមួយ​លោក Guterres ប្រសិនបើ​លោក​បញ្ជូន​ក្រុម​អ្នកជំនាញ​របស់​អង្គការសហប្រជាជាតិ​ទៅកាន់​ប្រទេស​អ៊ុយ​ក្រែ​ន ​ដើម្បី​ពិនិត្យ​យាន​ដ្រូ​ន​ដែល​មហាអំណាច​លោកខាងលិច​និយាយ​ថា ដ្រូ​ន​ទាំងនោះ​ត្រូវបាន​ផលិត​ក្នុងប្រទេស​អ៊ីរ៉ង់ និង​ប្រើប្រាស់​ដោយ​ទីក្រុង Moscow ជាការ​រំលោភ​លើ​សេចក្ដីសម្រេច​របស់​អង្គការសហប្រជាជាតិ​។ ​អ្នកនាំពាក្យ​អង្គការសហប្រជាជាតិលោក Stephane Dujarric បាន​ប្រាប់​ក្រុម​អ្នកសារព័ត៌មាន​ថា លោក​អគ្គលេខាធិការ​បា​ន​បញ្ជាក់​យ៉ាងច្បាស់​អំពី​សង្គ្រាម​នៅក្នុង​ប្រទេស​អ៊ុយ​ក្រែ​ន អំពី​សកម្មភាព​របស់​រុស្ស៊ី​នៅ​អ៊ុយ​ក្រែ​ន។ការអត្ថាធិប្បាយ​នោះពុំបាន​បញ្ឈប់​ការពិភាក្សា​ដែល​កំពុង​បន្ត​របស់​យើង​ ជាមួយ​សហព័ន្ធរុស្ស៊ីលើ​បញ្ហា​មួយចំនួនពាក់ព័ន្ធ​នឹង​ជម្លោះ​ទេ ដែលជា​រឿង​ចម្បង​បំផុត​ក្នុងចំណោម​បញ្ហា​ផ្សេងៗដែល​យើង​បាន​ដោះស្រាយ​។​ ​ក្រុមប្រឹក្សាសន្តិសុខ​បាន​ជួបគ្នា​កាលពី​ថ្ងៃ​ពុធ​ ស្ដីពី​ការប្រើប្រាស់​យាន​ដ្រូ​ន​របស់​រុស្ស៊ីនៅ​អ៊ុយ​ក្រែ​ន តប​តាម​សំណើរបស់​សហរដ្ឋអាមេរិក បារាំង និង​អង់គ្លេសដែល​លើកឡើងថា យាន​ដ្រូ​ន​ទាំងនោះ​ត្រូវបាន​ផលិត​ដោយ​អ៊ីរ៉ង់ និង​ប្រើប្រាស់​ដោយ​ទីក្រុង Moscow ជាការ​រំលោភ​លើ​សេចក្ដីសម្រេច​ឆ្នាំ​២០១៥ គាំទ្រ​កិច្ចព្រមព្រៀង​នុយក្លេអ៊ែរ​អ៊ីរ៉ង់​៕អត្ថបទ៖ សុខមាន

អ្នកនយោបាយ​ពិភពលោក និង​ប្រព័ន្ធ​ផ្សព្វផ្សាយ​ប្រតិកម្ម​ចំពោះ​ការលាលែង​របស់លោក​ស្រី Truss

2022/10/21 07:30:53 pm        891
Facebook Telegram Linkin
អង់គ្លេស៖ ព័ត៌មាន​នៃ​ការលាលែង​ពី​តំណែង​របស់​លោកស្រី Liz Truss បាន​ជំរុញឱ្យមាន​ប្រតិកម្ម​ដ៏​រហ័ស​ពី​មេដឹកនាំ​នយោបាយ និង​អ្នក​អត្ថាធិប្បាយ​ប្រព័ន្ធ​ផ្សព្វផ្សាយ​នៅ​ជុំវិញ​ពិភពលោក ដោយ​អត្ថបទ​វិចារណកថា​ជាច្រើន​បាន​ផ្តោតលើ​រយៈពេល​ខ្លី ​នៃ​ពេលវេលា​កាន់តំណែង​របស់លោក​ស្រី Truss និង​ភាពវឹកវរ​នយោបាយ​ដែល​កំពុង​បន្ត​នៅ​ចក្រភព​អង់គ្លេស​។ ក្នុងចំណោម​អ្នកនយោបាយ​បរទេស ប្រធានាធិបតី​បារាំង​លោក Emmanuel Macron បាន​និយាយថា ក្នុង​កម្រិត​ផ្ទាល់ខ្លួន លោក​សោកស្តាយ​នៅពេល​ឃើញ​ដៃគូ​រួម​ការងារ​ចាក​ចេញទៅ​ ប៉ុន្តែ​អ្វីដែល​សំខាន់បំផុត​គឺ​សម្រាប់​ចក្រភព​អង់គ្លេស​ ដើម្បី​ស្វែងរក​ស្ថិរភាព​ឱ្យបាន​ឆាប់​តាម​ដែល​អាចធ្វើ​ទៅបាន​។ ​នៅ​សេត​វិមាន អ្នករាយការណ៍​ព័ត៌មាន​បាន​សួរ​ប្រធានាធិបតី​សហរដ្ឋអាមេរិកលោក Joe Biden ថា តើ​លោកស្រី Truss បានធ្វើការ​សម្រេចចិត្ត​ត្រឹមត្រូវ​ដែរឬទេ​។ លោក Biden បាន​ឆ្លើយថា វា​ជាការ​សម្រេចចិត្ត​របស់​លោកស្រី​ក្នុង​ការ​ធ្វើ​ដូច្នេះ លោក​មិនអាច​ថ្លឹងថ្លែង​លើ​ការសម្រេច​របស់លោក​ស្រី​បានទេ​។ នៅក្នុង​សេចក្ដីថ្លែងការណ៍​មុន លោក Biden បាន​និយាយថា ទំនាក់ទំនង​ជិតស្និទ្ធ​ជាមួយ​ចក្រភព​អង់គ្លេស​នឹង​បន្ត ហើយ​បាន​អរគុណ​ចំពោះ​លោកស្រី Truss សម្រាប់​ភាពជា​ដៃគូ​លើ​បញ្ហា​ជាច្រើន​ រួមទាំង​ការនាំយក​រុស្ស៊ី​ឲ្យ​មក​ទទួលខុសត្រូវ​ចំពោះ​សង្គ្រាម​របស់ខ្លួន​លើ​អ៊ុយ​ក្រែ​ន​។​ប្រធានសភា​អឺរ៉ុប​លោកស្រី Roberta Metsola កាលពី​ថ្ងៃ​ព្រហស្បតិ៍​បាន​និយាយថា​ លោកស្រី​សង្ឃឹមថា ​អស្ថិរភាព​ក្នុង​តំបន់នៅក្នុង​ចក្រភព​អង់គ្លេស ​ដែល​បណ្តាលមកពី​ការលាលែង​ពី​តំណែងភ្លាមៗ​ របស់​នាយករដ្ឋមន្ត្រី​អង់គ្លេសលោកស្រី Liz Truss នឹង​ត្រូវបាន​ដោះស្រាយបាន​ឆាប់រហ័ស​តាម​ដែល​អាចធ្វើ​ទៅបាន​។​ ​ថ្លែង​ទៅកាន់​អ្នកសារព័ត៌មាន​នៅ​ទីក្រុង​ប្រ៊ុ​ច​សែ​ល លោកស្រី Metsola បាន​ព្រមាន​អំពី​អស្ថិរភាព​ទីផ្សារ និង​បាន​និយាយថា មានបទពិសោធន៍​ជាច្រើន​ដែល​បាន​ជួបប្រទះ​នៅ​ជុំវិញ​ពិភពលោក រួមទាំង​នៅក្នុង​សហភាព​អឺរ៉ុប​៕អត្ថបទ៖ ប៊ុនថន

កងកម្លាំង​សន្តិសុខ​បាន​សម្លាប់​មនុស្ស​យ៉ាងតិច ​៦០​នាក់ ខណៈ​ការតវ៉ា​នៅ​សាធារណៈរដ្ឋ​ឆាដ

2022/10/21 06:39:14 pm        640
Facebook Telegram Linkin
​ឆាដ៖ អ្នកនាំពាក្យ​រដ្ឋាភិបាល និង​មន្ត្រី​នៅ​ទី​បញ្ចុះសព​បាន​និយាយថា កងកម្លាំង​សន្តិសុខ​សាធារណៈរដ្ឋ​ឆាដបានបាញ់ប្រហារ​ទៅលើ​ក្រុមបាតុករ​ប្រឆាំង​រដ្ឋាភិបាល​ នៅក្នុង​ទីក្រុង​ធំៗ​ចំនួន​ពីរ​របស់​ប្រទេស​កាលពី​ថ្ងៃ​ព្រហស្បតិ៍ បណ្តាល​ឲ្យ​មនុស្ស​យ៉ាងហោចណាស់ ៦០​នាក់​ស្លាប់​។​ ​អាជ្ញាធរ​បានដាក់​បម្រាម​គោចរ​បន្ទាប់ពី​អំពើ​ហិង្សា ដែល​បាន​កើតឡើង​ក្នុងពេល​មាន​បាតុកម្ម​នៅក្នុង​ប្រទេស​អាហ្វ្រិក​កណ្តា​ល​មួយ​នេះ ​ប្រឆាំង​ការបន្ត​អំណាច​រយៈពេល​ពីរ​ឆ្នាំ​របស់​មេដឹកនាំ​បណ្តោះអាសន្ន​លោក Mahamat Idriss Deby ។ ភាពចលាចល​កាលពី​ថ្ងៃ​ព្រហស្បតិ៍ គឺជា​ហេតុការណ៍​មិន​ធ្លាប់មាន​ពីមុនមក​នៅក្នុង​សាធារណៈរដ្ឋ​ឆាដ ដែល​ឃើញ​មានការ​មិន​ពេញ​ចិត្តជា​សាធារណៈ​ក្នុង​របប​មុន​របស់​ឪពុក​លោក Deby ដែល​គ្រប់គ្រង​រយៈពេល​ជាង ៣ទសវត្សរហូតដល់​ការធ្វើឃាត​លោក​កាលពី​ឆ្នាំមុន​។​ ​ប្រទេស​បារាំង សហភាព​អាហ្វ្រិក និង​ប្រទេស​ដទៃទៀត​បាន​ថ្កោលទោស​​ភ្លាមៗ​ ចំពោះ​ការបង្ក្រាប​របស់​សន្តិសុខ​លើ​ក្រុមបាតុករ​។លោក Samira Daoud នាយក​ប្រចាំ​តំបន់​របស់​អង្គការ​លើកលែងទោស​អន្តរជាតិ​សម្រាប់​អាហ្វ្រិក​ខាងលិច និង​កណ្តាល បាន​អំពាវនាវ​ដល់​អាជ្ញាធរ​សាធារណៈរដ្ឋ​ឆាដឱ្យ​បញ្ឈប់​ជាបន្ទាន់ ​នូវ​ការប្រើប្រាស់​កម្លាំង​ហួសហេតុ​លើ​ក្រុមបាតុករ​។ អ្នកនាំពាក្យ​រដ្ឋាភិបាល​ឆាតលោក Aziz Mahamat Saleh បាន​និយាយថា មនុស្ស ៣០នាក់​បាន​ស្លាប់​នៅក្នុង​រដ្ឋធានី N'Djamena ។ ទោះយ៉ាងណា អ្នករៀបចំ​បាតុកម្ម​បានដាក់​ចំនួន​អ្នកស្លាប់​ខ្ពស់ជាង​នេះរហូតដល់ ៤០នាក់ ខណៈ​មាន​អ្នករបួស​ជាច្រើន​ដោយសារ​គ្រាប់កាំភ្លើង។ ​យោងតាម​មន្ត្រី​នៅ​ទី​បញ្ចុះសព​របស់​ទីក្រុង​បាន​ឲ្យ​ដឹងថា បាតុករ ៣២នាក់​ផ្សេងទៀត​បាន​ស្លាប់​នៅក្នុង​ទីក្រុង Moundou ជាទី​ក្រុង​ធំ​ទី​ពីរ​របស់​សាធារណៈរដ្ឋ​ឆាដ ហើយ​មន្ត្រី​បាន​អះអាងថា មនុស្ស​ជាង ៦០នាក់​បាន​រងរបួស​៕អត្ថបទ៖ ប៊ុនថន

លោកស្រី​នាយករដ្ឋមន្ត្រី Liz Truss ជា​មេដឹកនាំ​កាន់តំណែង​រយៈពេល​ខ្លី​ជាងគេ​បំផុត​ក្នុង​ប្រវត្តិសាស្ត្រ​អង់គ្លេស

2022/10/21 06:11:14 pm        454
Facebook Telegram Linkin
​អង់គ្លេស៖ លោកស្រី​នាយករដ្ឋមន្ត្រី​អង់គ្លេស Liz Truss បាន​លាលែង​ពី​តំណែង​កាលពី​ថ្ងៃ​ព្រហស្បតិ៍ ទី២០ ខែតុលា ​ឆ្នាំ២០២២ ក្រោយ​បរាជ័យ​ក្នុង​កញ្ចប់​ថវិកាកាត់​ពន្ធ ដែល​បានធ្វើ​ឲ្យ​រង្គោះរង្គើរ​ដល់ទី​ផ្សារ​ហិរញ្ញវត្ថុ និង​បាន​នាំ​ឲ្យ​មានការ​បះបោរ​នៅ​ក្នុង​គណបក្ស​អភិរក្សនិយម​របស់​លោក​ស្រី​ខ្លួនឯង​។ ​លោកស្រី​គឺជា​នាយករដ្ឋមន្ត្រី​នៃ​គណបក្ស​អភិរក្សនិយម​ទី​៣ ​ដែល​បាន​លាលែង​ពី​តំណែង​ក្នុង​រយៈ​ពេល​ជាច្រើន​ឆ្នាំ​មកនេះ ហើយ​ទុក​ឱ្យ​គណបក្ស​បែកខ្ញែក​គ្នា​មួយ​នេះ ​ស្វែងរក​មេដឹកនាំ​អាច​បង្រួប​បង្រួម​បក្ស​ដែល​មាន​វិវាទ​។ លោកស្រី Truss ដែល​បាន​និយាយ​ថា លោកស្រី​នឹង​បន្ត​កាន់​តំណែង​ រហូត​ដល់​អ្នក​ជំនួស​តំណែង​របស់​លោកស្រី​ត្រូវ​បាន​ជ្រើសរើស លោក​ស្រី​បាន​កាន់​តំណែង​ជា​នាយករដ្ឋមន្ត្រី​អង់គ្លេស​ត្រឹមតែ ​៤៥​ថ្ងៃ​ប៉ុណ្ណោះ ហើយ​លោកស្រី​វ័យ ៤៧​ឆ្នាំ​រូប​នេះ​គឺជា​នាយក​រដ្ឋមន្ត្រី​កាន់​តំណែង​បាន​រយៈពេល​តិច​ជាង​គេ​បំផុត ​ក្នុង​ប្រវត្តិសាស្ត្រ​របស់​ចក្រភព​អង់គ្លេស​។​ ​មុន​ឈាន​ចូល​កាន់​តំណែង​ជា​នាយករដ្ឋមន្ត្រី លោកស្រី Liz Truss បាន​ឈ្នះ​សំឡេងឆ្នោត​គាំទ្រ​ជាង ៥៧% ក្នុង​ការ​បោះ​ឆ្នោត​ក្នុង​គណបក្ស​តូ​រីដើម្បី​ជំនួស​តំណែង​លោក Boris Johnson ជា​នាយក​រដ្ឋមន្ត្រី​អង់គ្លេស​។​លោកស្រី Liz Truss ឬ Mary Elizabeth Truss កើត​ថ្ងៃទី​២៦ ​ខែកក្កដា ឆ្នាំ១៩៧៥​ គឺជា​អ្នកនយោបាយ​ចក្រភព​អង់​គ្លេស​ដែល​ជា​មេដឹកនាំ​គណបក្ស​អភិរក្សនិយម ហើយ​ត្រូវ​តែងតាំង​ជា​នាយករដ្ឋមន្ត្រី​នៃ​ចក្រភព​អង់គ្លេស​កាលពី​ថ្ងៃ​ទី៦ ខែកញ្ញា ឆ្នាំ២០២២​ ស្រប​ពេល​ដែល​ចក្រភព​អង់គ្លេស​ប្រឈម​បញ្ហា​ធំៗ​ជាច្រើន។ ​លោកស្រី Truss ត្រូវ​បាន​ជាប់​ជា​សមាជិកសភា​ក្នុង​ឆ្នាំ​២០១០ តំណាង​ឲ្យ​សភា​ចក្រភព​អង់គ្លេស។ លោកស្រី​កាន់​តួនាទី​ក្នុង​លេខ​រៀង​ទី​១​ នៃ​ឋានៈ​រដ្ឋាភិបាលក្រោម​ការដឹកនាំ​របស់​លោកនាយក​រដ្ឋ David Cameron និង​ជា​ឥស្សរជន​ជាន់ខ្ពស់​មួយ​រូប​ដែល​ឈរ​ខាង​ការ​ធ្វើ​ប្រជា​មតិ​ ឲ្យ​ចាក​ចេញពី​សមាជិក​សហ​ភាព​អឺរ៉ុប ឬ Brexit ឆ្នាំ២០១៦​។ ក្រោម​ការដឹកនាំ​របស់​លោកស្រី​នាយករដ្ឋមន្ត្រី Theresa May លោកស្រី Truss កាន់​តំណែង​ជា​រដ្ឋមន្ត្រី​ក្រសួង​យុត្តិធម៌ ក្រោយមក​កាន់​តួនាទី​ជា​រដ្ឋមន្ត្រីក្រសួង​រតនា​គារដែល​ជា​តំណែង​ខ្ពស់​បំផុត​ទី​២ បន្ទាប់ពី​រដ្ឋមន្ត្រី​ហិរញ្ញវត្ថុ​៕អត្ថបទ៖ សុខមាន

សេត​វិមាន​និយាយថា ​អ៊ីរ៉ង់​កំពុង​ជួយ​រុស្ស៊ី​ដោយផ្ទាល់​យ៉ាងសកម្ម​នៅ​តំបន់ Crimea

2022/10/21 05:37:26 pm        610
Facebook Telegram Linkin
​អាមេរិក៖ សេត​វិមាន​បាន​ចោទប្រកាន់​អ៊ីរ៉ង់​ថា​ បាន​ចូលរួម​ដោយផ្ទាល់​ក្នុង​តំបន់​គ្រី​មៀ​គ្រប់គ្រង​ដោយ​រុស្ស៊ី ដោយ​ជួយ​បណ្ដុះបណ្ដាល​កង​កម្លាំងរ​បស់​ប្រទេស​នេះ ពី​របៀប​ប្រើប្រាស់​យាន​ដ្រូ​ន​ផលិត​ដោយ​អ៊ីរ៉ង់ ដែល​ត្រូវបាន​ប្រើ​ក្នុងការ​វាយប្រហារ​នៅ​អ៊ុយ​ក្រែ​ន​។ ​អ្នកនាំពាក្យ​ក្រុមប្រឹក្សាសន្តិសុខ​ជាតិ​អាមេរិក​លោក John Kirby បាន​និយាយ​កាលពី​ថ្ងៃ​ព្រហស្បតិ៍​ថា មាន​មន្ត្រី​អ៊ីរ៉ង់​មួយ​ចំនួន​តូច​កំពុង​ធ្វើ​ប្រតិបត្តិការ​នៅ​ក្នុង​តំបន់​នេះ​របស់​អ៊ុយ​ក្រែ​ន ដែល​ត្រូវ​បាន​រុស្ស៊ី​ដាក់​បញ្ចូល​ជា​ឧប​សម្ព័ន្ធ​កាលពី​ឆ្នាំ​២០១៤។ លោក Kirby និយាយ​ថា ពេលនេះ​ទីក្រុង​តេ​អេ​រ៉ង់​បាន​ចូលរួម​ដោយ​ផ្ទាល់​យ៉ាងសកម្ម និង​តាមរយៈ​ការ​ផ្ដល់​អាវុធ​ដែល​កំពុង​បង្ក​ផល​ប៉ះពាល់​លើ​ជន​ស៊ីវិល និង​ហេដ្ឋារចនាសម្ព័ន្ធ​ស៊ីវិល​ក្នុង​ប្រទេស​អ៊ុយ​ក្រែ​ន​។​​សហរដ្ឋអាមេរិក​នឹង​ស្វែងរក​គ្រប់​មធ្យោបាយ​ទាំងអស់​ដើម្បី​បញ្ជាក់ ​រារាំង និង​ប្រឈម​ទៅ​នឹង​ការ​ផ្ដល់​អាវុធ​ទាំងនេះ​របស់​អ៊ីរ៉ង់​ប្រឆាំង​ប្រជាពលរដ្ឋ​អ៊ុយ​ក្រែ​ន​។ ទីក្រុង​តេ​អេ​រ៉ង់​បាន​ទាត់ចោល​ការ​ផ្គត់​ផ្គង់​ដល់​ទី​ក្រុង Moscow នូវ​យាន​ដ្រូ​ន ឬ​ជួយ​បាញ់​អាវុធ​ទាំងនោះ​។ រុស្ស៊ី​បាន​វាយប្រហារ​ដោយ​យាន​ដ្រូ​ន​យ៉ាង​សន្ធាប់​នៅ​ទូទាំង​ប្រទេស​អ៊ុយ​ក្រែ​ន ប៉ុន្តែ​វិមាន​ក្រឹម​ឡាំង​បាន​ច្រានចោល​របាយការណ៍​នានា​ដែល​ថា ​ខ្លួន​កំពុង​ប្រើ​អាវុធ​របស់​អ៊ីរ៉ង់​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រសួងបរិស្ថានបង្ហាញអំពីផលវិបាកនៃការគ្រប់គ្រងសំណល់អាគុយ និងសំណល់អគ្គិសនី និងអេឡិចត្រូនិក មិនត្រឹមត្រូវ
08/05/2026 05:08 PM
Facebook Telegram Linkin
ម៉ាឡេស៊ី៖ ជនជាតិរ៉ូហ៊ីងយ៉ា ៥.០០០នាក់ នឹងមិនត្រូវបានបញ្ជូនទៅមីយ៉ាន់ម៉ាវិញទេ បើមិនមាន​​សុវត្ថិភាព
08/05/2026 05:08 PM
Facebook Telegram Linkin
ឥណ្ឌាដាក់ពង្រាយក្រុមឆ្លើយតបជាតិ ខណៈវីរុស Chandipura សម្លាប់កុមារយ៉ាងតិច​ ២២នាក់
08/05/2026 05:08 PM
Facebook Telegram Linkin
ក្រុមហ៊ូទី​នៅយេម៉ែន អះអាងវាយប្រហារដោយមីស៊ីលលើនាវាដឹកប្រេងអារ៉ាប៊ីសាអ៊ូ​ឌីត នៅសមុទ្រក្រហម
08/05/2026 05:08 PM
Facebook Telegram Linkin
អាជ្ញាធរបន្តស្តារប្រឡាយ និងប្រព័ន្ធលូ ដើម្បីបញ្ជៀសការជន់លិចដោយទឹកភ្លៀងនៅក្នុងខណ្ឌកណ្ដាលរាជធានីភ្នំពេញ
08/05/2026 05:08 PM
Facebook Telegram Linkin
មន្ត្រីរាជការ កងកម្លាំង និងពលរដ្ឋ ចងចាំគំរូវីរភាពរបស់សម្ដេចតេជោដែលតែងតែនៅជាប់ជាមួយប្រជាជន
08/05/2026 05:08 PM
Facebook Telegram Linkin
អ្នកនិពន្ធខ្មែរ៖ សម្តេចតេជោមានភាពជាអ្នកដឹកនាំតាំងពីកុមារភាព និងជាអ្នកទទួលខុសត្រូវខ្ពស់
08/05/2026 05:08 PM
Facebook Telegram Linkin
សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង
08/05/2026 04:08 PM
Facebook Telegram Linkin
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានជួបពិភាក្សាការងារជាមួយ ឯកឧត្តមបណ្ឌិត កៅ គឹមហួន (H.E. Dr. Kao Kim Hourn) អគ្គលេខាធិការអាស៊ាន នារសៀលថ្ងៃទី០៥ ខែសីហា ឆ្នាំ២០២៦
08/05/2026 04:08 PM
Facebook Telegram Linkin
អង្គភាពស៊ីម៉ាក់ និងអង្គការ APOPO បិទវគ្គហ្វឹកហ្វឺនសុនខហិតមីន និងអ្នកកាន់សុនខ​ស្រាវជ្រាវបច្ចេកទេស
08/05/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.