BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

រដ្ឋាភិបាលជប៉ុនរំពឹងថា មនុស្ស ៤.៣០០នាក់នឹងចូលរួមពិធីបុណ្យសពរដ្ឋរបស់លោក Abe

ជប៉ុន៖ រដ្ឋាភិបាលជប៉ុនបាននិយាយថា មនុស្សប្រហែល ៤,៣០០នាក់មកពីក្នុង និងក្រៅប្រទេសជប៉ុននឹងចូលរួមពិធីបុណ្យសពរដ្ឋរបស់អតីតនាយករដ្ឋមន្ត្រីលោក Shinzo Abe នៅថ្ងៃអង្គារសប្តាហ៍ក្រោយ។ នៅក្នុងសន្និសីទសារព័ត៌មានកាលពីថ្ងៃព្រហស្បតិ៍ ប្រធានរដ្ឋមន្ត្រីខុទ្ទកាល័យលោក Matsuno Hirokazu បាននិយាយថា មនុស្សប្រមាណ ៣,៦០០នាក់មកពីក្នុងប្រទេស និងប្រមាណ ៧០០នាក់ទៀតមកពីក្រៅប្រទេស ត្រូវបានគេរំពឹងថានឹងមានវត្តមាននៅក្នុងពិធីបុណ្យសពនេះ។ អ្នកនៅក្នុងប្រទេសរួមមានប្រធានសភាជាន់ទាប និងសភាជាន់ខ្ពស់ ព្រមទាំងសមាជិកសភាបច្ចុប្បន្ន និងអតីតសមាជិកសភាជាង ៧០០នាក់ និងអភិបាលខេត្តចំនួន ៤៤នាក់។រដ្ឋាភិបាលក៏រំពឹងថានឹងមានមនុស្សជាង ១,០០០នាក់មកពីក្រុមពាណិជ្ជករ និងមជ្ឈដ្ឋានផ្សេងទៀតនឹងមានវត្តមាននៅក្នុងពិធីបុណ្យសព។ ទាក់ទងនឹងការចូលរួមមកពីក្រៅប្រទេស រដ្ឋាភិបាលរំពឹងថានឹងទទួលថ្នាក់ដឹកនាំកំពូលៗចំនួន ៣៥រូប និងគណៈប្រតិភូបរទេសចំនួន ២១៨រូប។ លោក Matsuno បាននិយាយថា រដ្ឋាភិបាលជប៉ុនអរគុណយ៉ាងជ្រាលជ្រៅចំពោះមនុស្សជាច្រើន ដែលនឹងចូលរួមក្នុងពិធីបុណ្យសពរបស់អតីតនាយករដ្ឋមន្ត្រី Shinzo Abe៕អត្ថបទ៖ ប៊ុនថន

លោក Blinken និយាយថា ប្រសិនបើអ៊ុយក្រែនឈប់ប្រយុទ្ធ អ៊ុយក្រែននឹងចប់

សហរដ្ឋអាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិថា សហរដ្ឋអាមេរិកនឹងបន្តគាំទ្រអ៊ុយក្រែន ខណៈប្រទេសនេះការពារខ្លួន និងពង្រឹងសមត្ថភាព ដើម្បីសម្រេចបាននូវដំណោះស្រាយផ្នែកការទូតដោយយុត្តិធម៌នៅតុចរចា។ លោក Blinken និយាយថា មនុស្សម្នាក់ជ្រើសរើសសង្គ្រាមនេះ មនុស្សម្នាក់នោះអាចបញ្ចប់វាបាន ព្រោះប្រសិនបើរុស្ស៊ីឈប់ប្រយុទ្ធ សង្គ្រាមនឹងបញ្ចប់។ ប្រសិនបើអ៊ុយក្រែនឈប់ប្រយុទ្ធ អ៊ុយក្រែននឹងចប់។ លោក Blinken បានប្រឈមមុខជាមួយរុស្ស៊ីនៅកិច្ចប្រជុំក្រុមប្រឹក្សា ដោយការចោទប្រកាន់ពីបទឧក្រិដ្ឋកម្មសង្គ្រាម និងអំពើឃោរឃៅផ្សេងទៀត។ លោក Blinken បាននិយាយលម្អិតអំពីអ្នកនៅរស់រានមានជីវិតម្នាក់ ពីការធ្វើទារុណកម្មដោយទាហានរុស្ស៊ី ដោយលោកនិយាយថា បុរសនោះត្រូវបានគេវាយរហូតដល់គាត់លែងដឹងអ្វីទាំងអស់។លោក Blinken បានដាក់ចេញនូវអ្វីដែលរដ្ឋបាលលោក Biden ជឿថា ជាករណីដ៏គួរតែផ្តោតការយកចិត្តទុកដាក់ ដែលសង្គ្រាមមិនត្រឹមតែបណ្តាលឱ្យមានការបំផ្លាញដ៏ធំដល់អ៊ុយក្រែន និងប្រជាជនអ៊ុយក្រែនប៉ុណ្ណោះទេ ប៉ុន្តែបានធ្វើឱ្យកាន់តែធ្ងន់ធ្ងរឡើងដល់វិបត្តិសកលលោកជាច្រើនទៀត រួមទាំងទុរ្ភិក្សដែលអាចកើតមាន និងកង្វះថាមពល ព្រមទាំងការរំខានដល់ការខិតខំធ្វើឲ្យប្រសើរឡើងជាអន្តរជាតិ រួមមានបញ្ហាសុខភាព ការប្រយុទ្ធប្រឆាំងបម្រែបម្រួលអាកាសធាតុ និងការកាត់បន្ថយភាពក្រីក្រ៕អត្ថបទ៖ ប៊ុនថន

ប្រធានអង្គការស្បៀងអាហារអង្គការសហប្រជាជាតិព្រមានពីការខ្វះខាតស្បៀងអាហារថា នរកនៅលើផែនដី

UN៖ លោក David Beley នាយកប្រតិបត្តិកម្មវិធីស្បៀងអាហារពិភពលោក របស់អង្គការសហប្រជាជាតិនិយាយថា សង្គ្រាមនៅអ៊ុយក្រែន ជំងឺរាតត្បាត ការកើនឡើងអតិផរណា និងបម្រែបម្រួលអាកាសធាតុ បណ្ដាលឲ្យប្រជាជនជាង ៣០០លាននាក់កំពុងរស់នៅក្នុងហានិភ័យនៃគ្រោះទុរ្ភិក្ស។ ខណៈជីកាន់តែពិបាកក្នុងការផលិត និងនាំចេញ បណ្តាប្រទេសនៅទ្វីបអាហ្វ្រិក និងអាស៊ីពុំអាចប្រមូលផលក្នុងបរិមាណស្បៀងអាហារតាមធម្មតាបាននោះទេ។ លោក Beasley និយាយថា ពិភពលោកផលិតស្បៀងអាហារគ្រប់គ្រាន់សម្រាប់ផ្តល់ឲ្យមនុស្សគ្នានៅលើភពផែនដីបានជាង ៧,៧ពាន់លាននាក់។ ៥០% នៃស្បៀងអាហារនេះគឺដោយសារតែមានជី ដូច្នេះប្រសិនបើអ្នកពុំមានជី អ្នកមិនអាចប្រមូលផលក្នុងទិន្នផលដែលអ្នកត្រូវការនោះទេ។ បម្រែបម្រួលអាកាសធាតុគឺជាកត្តាផ្សំមួយ ដែលរួមចំណែកដល់គ្រោះរាំងស្ងួត និងភាពអត់ឃ្លាននៅក្នុងប្រទេសជាច្រើន។យើងកំពុងមើលឃើញការការធ្លាក់ចុះការផលិតស្បៀងអាហារ ដែលមានតម្លៃរហូតដល់ ១១ពាន់លានដុល្លារនៅក្នុងប្រទេសអាហ្វ្រិក។ នៅប្រទេសអាមេរិកកណ្តាល អាមេរិកខាងត្បូងក៏ជួបបញ្ហាដូចគ្នាចំពោះគ្រោះរាំងស្ងួត។ ប្រទេសឥណ្ឌាក៏រងការបំផ្លាញដោយរលកកម្តៅ និងគ្រោះរាំងស្ងួត។ លោក Beasley បាននិយាយលើកឡើងដូច្នេះ នៅសួនច្បារផ្កាកុលាបនៅអង្គការសហប្រជាជាតិ ខាងក្រៅទីស្នាក់ការកណ្តាលនៅទីក្រុងញូវយ៉ក ក្នុងអំឡុងមហាសន្និបាតលើកទី៧៧៕អត្ថបទ៖ ប៊ុនថន

មនុស្ស ៩នាក់ស្លាប់ក្នុងការប៉ះទង្គិចជាមួយកម្លាំងសន្តិសុខក្នុងការតវ៉ាប្រឆាំងការស្លាប់ស្ត្រីម្នាក់នៅអ៊ីរ៉ង់

អ៊ីរ៉ង់៖ យោងតាមសារព័ត៌មាន AP កាលពីថ្ងៃព្រហស្បតិ៍ ការប៉ះទង្គិចគ្នារវាងកងកម្លាំងសន្តិសុខអ៊ីរ៉ង់ និងក្រុមបាតុករពោរពេញដោយកំហឹងជុំវិញការស្លាប់ស្ត្រីវ័យ ២២ឆ្នាំក្នុងការឃុំខ្លួនរបស់នគរបាលបានបណ្ដាលឲ្យមនុស្សយ៉ាងហោចណាស់ ៩នាក់ស្លាប់ចាប់តាំងពីអំពើហិង្សាបានផ្ទុះឡើងកាលពីចុងសប្ដាហ៍មុន។ វិសាលភាពនៃភាពរំជើបរំជួលនៅតែបន្តរបស់អ៊ីរ៉ង់ ដែលជាហេតុការណ៍ធ្ងន់ធ្ងរបំផុតក្នុងពេលប៉ុន្មានឆ្នាំមកនេះនៅតែមិនទាន់ច្បាស់ ខណៈក្រុមអ្នកតវ៉ាជាង ១០ទីក្រុងកំពុងផ្ទុះកំហឹងខ្លាំងដោយសារការបង្ក្រាបនៅលើបណ្ដាញសង្គម និងវិបត្តិនានាដែលចេះតែកើនឡើងក្នុងប្រទេសនេះ នៅតែបន្តក្រោកប្រឆាំងកងកម្លាំងសន្តិសុខ និងប៉ារ៉ា។ ដើម្បីទប់ស្កាត់ការតវ៉ាកុំឲ្យរីកធំ ប្រតិបត្តិករទូរគមនាគមន៍ធំបំផុតរបស់អ៊ីរ៉ង់បានបិទអ៊ីនធឺណិតចល័តជាថ្មីទៀតកាលពីថ្ងៃព្រហស្បតិ៍ ក្នុងនោះ Netblocks ដែលជាក្រុមតាមដានបណ្ដាញអ៊ីនធឺណិត បានហៅការរឹតត្បិតទាំងនោះថា ជាចំណាត់ការធ្ងន់ធ្ងរបំផុតចាប់តាំងពីឆ្នាំ២០១៩។ អ្នកអានព័ត៌មានមួយនៅស្ថានីយទូរទស្សន៍រដ្ឋអ៊ីរ៉ង់បានលើកឡើងថា ចំនួនអ្នកស្លាប់ដោយសារការតវ៉ាធំៗអាចកើនឡើងដល់ ១៧នាក់គិតត្រឹមថ្ងៃព្រហស្បតិ៍ ប៉ុន្តែមិនបាននិយាយថា លោកបានដឹងដំណឹងនេះតាមមធ្យោបាយណា៕អត្ថបទ៖ សុខមាន

ចិនអំពាវនាវឲ្យមានការចរចាសន្តិភាពរវាងរុស្ស៊ី និងអ៊ុយក្រែននៅមហាសន្និបាតអង្គការសហប្រជាជាតិ

ចិន៖ ប្រមុខការទូតចិនលោក Wang Yi បាននិយាយកាលពីថ្ងៃព្រហស្បតិ៍ អំឡុងមហាសន្និបាតអង្គការសហប្រជាជាតិស្ដីពីសង្គ្រាមក្នុងប្រទេសអ៊ុយក្រែនថា ទីក្រុង Moscow និងទីក្រុង Kiev គួរតែបន្តការចរចាដោយគ្មានបុរេលក្ខខណ្ឌ ឬផ្ដោតលើលទ្ធផល។ ស្របតាមគោលជំហរអព្យាក្រឹត ជាប់លាប់ និងច្បាស់លាស់របស់ចិនលើជម្លោះអ៊ុយក្រែន រដ្ឋមន្ត្រីរូបនេះបានរំលឹកជាថ្មីថា អធិបតេយ្យភាព និងបូរណភាពទឹកដីនៃរដ្ឋទាំងអស់គួរតែត្រូវបានគោរព ហើយការព្រួយបារម្ភអំពីសន្តិសុខរបស់ភាគីទាំងអស់ត្រូវតែយកចិត្តទុកដាក់ឲ្យបានហ្មត់ចត់។ លោក Wang បាននិយាយថា ច្រកតែមួយគត់ដែលអាចគេចចេញពីជម្លោះគឺតាមរយៈការសន្ទនា និងការចរចា។លោកនិយាយថា អាទិភាពចម្បងសម្រាប់ភាគីទាំងអស់គឺត្រូវបន្តការសន្ទនាដោយគ្មានបុរេលក្ខខណ្ឌ ដោយអំពាវនាវដល់ភាគីពាក់ព័ន្ធទាំងអស់ក្នុងជម្លោះត្រូវបង្ហាញភាពអត់ធ្មត់។ លោកបានបន្ថែមថា ចិនត្រូវបានត្រៀមខ្លួនគាំទ្រក្នុងកិច្ចខិតខំប្រឹងប្រែងទាំងអស់ ដែលអាចជួយដោះស្រាយវិបត្តិនេះបាន៕អត្ថបទ៖ សុខមាន

មនុស្សជាង ៣០នាក់ស្លាប់បន្ទាប់ពីទូកដឹកជនអន្តោប្រវេសន៍ក្រឡាប់លិចជិតឆ្នេរសមុទ្រប្រទេសស៊ីរី

ស៊ីរី៖ យោងតាមរដ្ឋាភិបាលស៊ីរី មនុស្សរាប់សិបនាក់បានស្លាប់បន្ទាប់ពីទូកដឹកជនអន្តោប្រវេសន៍ និងជនភៀសខ្លួនមកពីប្រទេសលីបង់បានក្រឡាប់លិចជិតឆ្នេរសមុទ្រប្រទេសស៊ីរី។ ក្រសួងសុខាភិបាលស៊ីរីបាននិយាយកាលពីថ្ងៃព្រហស្បតិ៍ថា ចំនួនមនុស្សស្លាប់ត្រូវបានរកឃើញកើនឡើងដល់ ៣៤នាក់ ដោយបន្ថែមថា អ្នកនៅមានជីវិត ២០នាក់កំពុងត្រូវបានសម្រាកព្យាបាលក្នុងមន្ទីរពេទ្យ Basel ក្នុងទីក្រុង Tartous របស់ប្រទេសស៊ីរី។ ត្រូវបានស្រង់សម្ដីពីក្រុមអ្នកនៅរស់រានមានជីវិតដោយក្រសួងដឹកជញ្ជូនស៊ីរី ទូកនេះបានចាកចេញពីតំបន់ Minyeh ភាគលិចប្រទេសលីបង់កាលពីថ្ងៃអង្គារដោយដឹកមនុស្សចន្លោះពី ១២០ ទៅ ១៥០នាក់។ លោក Samer Qubrusli នាយកកំពង់ផែបាននិយាយថា កិច្ចសហប្រតិបត្តិការស្វែងរកកំពុងប្រព្រឹត្តិទៅក្នុងស្ថានភាពលំបាក ដោយសារទឹករលកធំៗ និងខ្យល់ខ្លាំង។ នេះគឺជាឧបទ្ទវហេតុមួយក្នុងចំណោមឧបទ្ទវហេតុធំៗបំផុតជាច្រើន ចាប់តាំងការកើនឡើងខ្ពស់នៃចំនួនជនជាតិលីបង់ ស៊ីរី និងប៉ាឡេស្ទីនបានព្យាយាមភៀសខ្លួនចេញពីប្រទេសលីបង់ ដែលរងគ្រោះដោយវិបត្តិតាមសមុទ្រទៅកាន់អឺរ៉ុប។ ត្រឹមតែប្រទេសលីបង់មួយមានមនុស្សរាប់ម៉ឺននាក់បានបាត់បង់ការងារ ហើយលុយផោនលីបង់បានធ្លាក់ថ្លៃជាង ៩០% ដោយធ្វើឲ្យមនុស្សរាប់ពាន់គ្រួសារគ្មានលទ្ធភាពទិញថាមពល ដោយសារតែបច្ចុប្បន្នរស់នៅក្នុងស្ថានភាពក្រីក្រខ្លាំង៕អត្ថបទ៖ សុខមាន

លោក Sergei Lavrov ការពាររុស្ស៊ីនៅកិច្ចប្រជុំអង្គការសហប្រជាជាតិពោរពេញដោយកំហឹងជុំវិញសង្គ្រាមអ៊ុយក្រែន

រុស្ស៊ី៖ រដ្ឋមន្ត្រីការបរទេសលោក Sergei Lavrov បានការពារសង្គ្រាមរបស់ទីក្រុង Moscow ក្នុងប្រទេសអ៊ុយក្រែននៅក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍ ទី២២ ខែកញ្ញា ខណៈដែលអង្គការសហប្រជាជាតិបានព្រមានទីក្រុង Moscow ទល់នឹងការដាក់បញ្ចូលតំបន់មួយចំនួនរបស់អ៊ុយក្រែនចូលជាឧបសម្ព័ន្ធ ហើយបណ្ដារដ្ឋមន្ត្រីការបរទេសលោកខាងលិចអំពាវនាវឲ្យទទួលខុសត្រូវ ចំពោះអំពើសាហាវឃោរឃៅ។ លោក Lavrov គឺជាបុគ្គលតែម្នាក់គត់នៅក្នុងបន្ទប់ក្រុមប្រឹក្សានេះ ដែលត្រូវថ្លែងទៅកាន់កិច្ចប្រជុំនៃក្រុមប្រឹក្សាដែលមាន ១៥ប្រទេសដែលត្រូវបានចូលដោយប្រមុខការទូតអាមេរិកលោក Antony Blinken និងប្រមុខការទូតចិនលោក Wang Yi។ លោក Lavrov ពុំបានស្ដាប់អ្នកណាម្នាក់ឡើយ។ រដ្ឋមន្ត្រីការបរទេសអ៊ុយក្រែនលោក Dmytro Kuleba បានប្រាប់កិច្ចប្រជុំក្រុមប្រឹក្សាសន្តិសុខលើទំនួលខុសត្រូវក្នុងប្រទេសអ៊ុយក្រែនថា ខ្ញុំបានកត់សម្គាល់ឃើញថា នៅថ្ងៃនេះថា មានក្រុមអ្នកការទូតរុស្ស៊ីបានរត់ភៀសខ្លួនភ្លាមៗដូចជាកងកម្លាំងរុស្ស៊ីដែរ។លោក Lavrov បានចោទប្រកាន់ទីក្រុង Kyiv ពីបទគំរាមដល់សន្តិសុខរុស្ស៊ី និងជាន់ឈ្លីយ៉ាងខ្លាំងលើសិទ្ធិសេរីភាពរបស់ជនជាតិរុស្ស៊ី និងអ្នកនិយាយភាសារុស្ស៊ីក្នុងប្រទេសអ៊ុយក្រែន ដោយបន្ថែមថា ទាំងនេះបញ្ជាក់យ៉ាងច្បាស់ថា ការសម្រេចចិត្តក្នុងការបើកប្រតិបត្តិការសឹកពិសេសនេះ គឺជារឿងចាំបាច់ជៀសមិនរួច៕អត្ថបទ៖ សុខមាន

ក្រុមទាហានបម្រុងរុស្ស៊ីគេចចេញពីប្រទេស ខណៈក្រុង Moscow ចាប់ផ្ដើមកែណ្ឌទ័ពសម្រាប់ប្រយុទ្ធនៅអ៊ុយក្រែន

រុស្ស៊ី៖ ទីក្រុង Moscow ចាប់ផ្ដើមកោះហៅឲ្យចូលបម្រើកងទ័ពជាចាំបាច់របស់ខ្លួន កាលពីថ្ងៃព្រហស្បតិ៍ ទី២២ កញ្ញា ដើម្បីបង្កើនកិច្ចខិតខំប្រឹងប្រែងធ្វើសង្គ្រាមដែលកំពុងជួបការលំបាកក្នុងប្រទេសអ៊ុយក្រែន ដោយក្រុមអាជ្ញាធរនិយាយថា មានមនុស្សរាប់ពាន់នាក់បានស្ម័គ្រចិត្ត ខណៈដែលបុរសជនជាតិរុស្ស៊ីជាច្រើនបានរត់ចេញពីប្រទស ដើម្បីគេចចេញពីការបង្ខិតបង្ខំឲ្យចូលច្បាំង។ រូបភាពវីដេអូដែលបានបង្ហោះតាមបណ្ដាញសង្គម ចាប់តាំងពីលោកប្រធានាធិបតី Vladimir Putin បានបញ្ជាឲ្យកែណ្ឌកម្លាំងបម្រុងកាលពីថ្ងៃពុធ ទំនងជាបង្ហាញពីពលរដ្ឋរុស្ស៊ីរាប់រយនាក់នៅទូទាំងប្រទេស កំពុងឆ្លើយតបទៅនឹងការកោះហៅឲ្យចូលបម្រើកងទ័ព។ ការកោះហៅនេះមានឡើង ខណៈតំបន់មួយចំនួនក្នុងប្រទេសអ៊ុយក្រែន ដែលគ្រប់គ្រងដោយទីក្រុង Moscow ត្រៀមបោះឆ្នោតក្នុងពេលប៉ុន្មានថ្ងៃខាងមុខ ដើម្បីចូលជាផ្នែកមួយនៃប្រទេសរុស្ស៊ីក្នុងការធ្វើប្រជាមតិ ដែលត្រូវបានទីក្រុង Kyiv និងសម្ព័ន្ធមិត្តរបស់ខ្លួនហៅថា ជាការដណ្ដើមយកទឹកដីដោយខុសច្បាប់។ទីក្រុង Moscow បានឈានដល់ដំណាក់កាលទាំងនេះ បន្ទាប់ពីកងកម្លាំងអ៊ុយក្រែនបានដណ្ដើមយកបានវិញភាគច្រើននៃភាគឦសានតំបន់ Kharkiv ដែលត្រូវគេមើលឃើញថា ជាចំណុចប្រែប្រួលអាចកើតឡើងក្នុងសង្គ្រាមរយៈពេល ៧ខែដែលនៅតែអូសបន្លាយគ្មានសញ្ញាបញ្ចប់។ យោធារុស្ស៊ីបាននិយាយកាលពីថ្ងៃព្រហស្បតិ៍ថា មនុស្សយ៉ាងហោចណាស់ ១ម៉ឺននាក់បានស្ម័គ្រចិត្តប្រយុទ្ធក្នុងពេល ២៤ម៉ោងចាប់តាំងពីការចេញបញ្ជា ប៉ុន្តែក្រុមបុរសៗជាច្រើនក៏បានប្រញាប់ប្រញាល់ចាកចេញពីប្រទេសរុស្ស៊ីផងដែរ មុនពេលពួកគេត្រូវបានបង្ខំឲ្យចូលបម្រើកងទ័ព៕អត្ថបទ៖ សុខមាន

សម្ដេចតេជោ ហ៊ុន សែន ទទួលជួបពិភាក្សាការងារជាមួយអគ្គលេខាធិការអង្គការសហប្រជាជាតិ

ភ្នំពេញ៖ នៅព្រឹកថ្ងៃទី២២ ខែកញ្ញា ឆ្នាំ២០២២ដដែលនេះ បន្ទាប់ពីបានជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ UNDP រួចហើយ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏បានទទួលជួបពិភាក្សាការងារជាបន្តទៀតជាមួយ ឯកឧត្តម Antonio Guterres អគ្គលេខាធិការអង្គការសហប្រជាជាតិ។ នៅក្នុងជំនួបនេះ ឯកឧត្តមអគ្គលេខាធិការ អង្គការសហប្រជាជាតិ បានស្វាគមន៍សម្ដេចតេជោនាយករដ្ឋមន្ត្រី ហើយ ឯកឧត្តមបានគូសបញ្ជាក់ថា យើងបានជួបគ្នាចុងក្រោយនៅទីក្រុងប៉េកាំងប្រទេសចិន កាលពីប៉ុន្មានឆ្នាំមុន។ ឯកឧត្តមពិតជារីករាយ ជាមួយនឹងកិច្ចសហការជាមួយ រាជរដ្ឋាភិបាលកម្ពុជា។ ឯកឧត្តមបានបញ្ជាក់ថា កន្លងមកយើងក៏បានគាំទ្រទាំងស្រុងជាមួយនឹងក្រុមការងារ អង្គការសហប្រជាជាតិដែលមានមូលដ្ឋាននៅកម្ពុជានោះជាពិសេសចំពោះការអនុវត្តរបៀបវារៈអភិវឌ្ឍន៍ឆ្នាំ ២០៣០ នៃអង្គការសហប្រជាជាតិ។ ឯកឧត្តមបានមានប្រសាសន៍ថា យើងនឹងបង្កើនសាមគ្គីភាពជាមួយបណ្ដាប្រទេស ដែលបានប៉ះពាល់ដោយវិបត្តិទាំងឡាយ រួមទាំងជំងឺ Covid 19 ផងដែរ។ ឯកឧត្តមក៏បានគូសបញ្ជាក់អំពីស្ថានភាព សង្គ្រាមនៅអ៊ុយក្រែន និងអតិផរណាបណ្ដាលមកពីសង្គ្រាមនោះ ដែលបង្កើតនូវការលំបាកជាច្រើនសម្រាប់ប្រជាជននៅទូទាំងពិភពលោក។ ឯកឧត្តមបានគូសបញ្ជាក់ទៀតថាអង្គការសហប្រជាជាតិ គឺឈរលើស្មារតីសាមគ្គីភាពជាមួយប្រទេសកំពុងអភិវឌ្ឍន៍និយាយជារួម និងនិយាយដោយឡែកចំពោះប្រទេសកម្ពុជា។ យើងនឹងខិតខំជំរុញការកែទម្រង់នៃហិរញ្ញប្បទានអន្តរជាតិផងដែរ។ ជាការឆ្លើយតប សម្ដេចតេជោ ហ៊ុន សែន បានមានប្រសាសន៍ ថ្លែងអំណរគុណចំពោះ ឯកឧត្តម អគ្គលេខាធិការអង្គការសហប្រជាជាតិ ដែលបានឆ្លៀតឱកាសទទួលជួបសម្ដេចនាពេលនេះ។ សម្ដេចតេជោក៏បានអរគុណចំពោះអ្វីដែល ឯកឧត្តម បានលើកឡើង ជាពិសេសចំពោះបញ្ហាសង្គ្រាមនៅអ៊ុយក្រែន ។ សម្ដេចតេជោក៏បានគូសបញ្ជាក់ថា ឯកឧត្តមមានក្រុមការងាររបស់ ឯកឧត្តមដ៏ល្អប្រចាំនៅប្រទេសកម្ពុជា។ សម្រេចតេជោក៏បានមានប្រសាសន៍អំពីជំនួយវ៉ាក់សាំងកូវីដ១៩ របស់អង្គការសហប្រជាជាតិ តាមរយៈក្របខ័ណ្ឌកូវ៉ាក់ ដែលជួយដល់ប្រទេសកម្ពុជាផងដែរ។ ហើយដែលរហូតមកដល់ពេលនេះ កម្ពុជាបានចាក់វ៉ាក់សាំងជូនដល់ប្រជាពលរដ្ឋបបានបហរមាណជា ៩៥% ហើយ នៃចំនួនប្រជាជនសរុប ហើយមួយចំនួននៃប្រជាជនក៏បានទទួលវ៉ាក់សាំងដូសជំរុញទី៥រួចទៅហើយ ហើយគិតត្រឹមថ្ងៃទី ២២ កញ្ញានេះ មានអ្នកឆ្លងត្រឹមតែ០៣នាក់តែប៉ុណ្ណោះ។ ក្នុងជំនួបនេះ សម្ដេចតេជោ បានមានប្រសាសន៍លើកឡើងនូវ០៣ចំណុចសំខាន់ៗ ៖ ១) សម្ដេចតេជោ បានគូបញ្ជាក់ពីភាពជោគជ័យ នៃតុលាការខ្មែរក្រហម ដែលជាកិច្ចសហការរវាងរដ្ឋាភិបាលកម្ពុជាជា មួយនឹងអង្គការសហប្រជាជាតិ។ ដែលនៅថ្ងៃនេះ តុលាការកូនកាត់នេះ បានប្រកាសសាលក្រមស្វែងរកយុត្តិធម៌ចំពោះប្រជាពលរដ្ឋដែលជាអ្នករងគ្រោះរបបប្រល័យពូជសាសន៍នោះ។ សម្ដេចតេជោបានមានប្រាសាទថា កន្លងមកឯកឧត្តម និងសម្ដេចបានធ្លាប់ធ្វើការជាមួយគ្នា ជាពិសេសរួមទាំងអង្គការសង្គមស៊ីវិល និងការប្រយុទ្ធប្រឆាំងនិងរបបប្រល័យពូជសាសន៍ ។ សម្ដេចតេជោបានមានប្រសាសន៍ថា សម្ដេចបានរង់ចាំរយៈពេល ៤៣ឆ្នាំ សម្រាប់ការស្វែងរកយុត្តិធម៌នៅថ្ងៃនេះ ហើយ៤៣ឆ្នាំមុន យើងបានរួចពីការស្លាប់នៃរបបប្រល័យពូជសាសន៍ ដោយមានការជួយពីប្រទេសវៀតណាម។ សម្តេចតេជោបានបញ្ជាក់ទៀតថាការស្វែងរកយុត្តិធម៌សម្រាប់ប្រជាជន ក្នុងគោលដៅដើម្បីបង្ការកុំឱ្យមានព្រឹត្តិការណ៍ស្ថានភាពបែបនេះកើតឡើងសារជាថ្មីទៀត។ ២) សម្ដេចតេជោ ក៏បានគូសបញ្ជាក់អំពីការចូលរួមរបស់ប្រទេសកម្ពុជាក្នុងក្របខ័ណ្ឌប្រតិបត្តិការរក្សាសន្តិភាព នៃអង្គការសហប្រជាជាតិ។ កម្ពុជាត្រៀមក្នុងការចូលរួមបន្ថែមនៃកងទ័ពចូលរួមក្នុងបេសកកម្មរក្សាសន្តិភាពនៃអង្គការសហប្រជាជាតិ ហើយសម្ដេចក៏បានអរគុណចំពោះអង្គការសហប្រជាជាតិ ដែលបានចូលរួមយ៉ាងសកម្មក្នុងការថែរក្សាសន្តិភាពទូទាំងពិភពលោក រួមទាំងប្រទេសកម្ពុជាផងដែរ។ ៣)សម្ដេចតេជោបានមានប្រសាសន៍ពាក់ព័ន្ធទៅនឹងក្របខណ្ឌអាស៊ាន ដោយសម្ដេចបានអញ្ជើញ ឯកឧត្តមអគ្គលេខាធិការអង្គការសហប្រជាជាតិ ចូលរួមកិច្ចប្រជុំកំពូលអាស៊ាន-អង្គការសហប្រជាជាតិ ដែលគ្រោងនឹងធ្វើឡើងនៅរាជធានីភ្នំពេញ នាខែវិច្ឆិកា ២០២២ខាងមុខនេះ។ សម្តេចតេជោបានមានប្រសាសន៍ថា ឆ្នាំនេះ កម្ពុជានឹងរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធផ្សេងទៀត ដែលនឹងមានវត្តមាន ឯកឧត្តមប្រធានាធិបតី និង ឯកឧត្តមនាយករដ្ឋមន្ត្រី ពីបណ្ដាប្រទេស ជាដៃគូសន្ទនារបស់អាស៊ាន៕

សម្ដេចតេជោ ហ៊ុន សែន ទទួលជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ(UNDP)

ភ្នំពេញ៖ នៅព្រឹកថ្ងៃទី២២ ខែកញ្ញា ឆ្នាំ ២០២២ នៅមន្ទីរស្នាក់ការរបស់អង្គការសហប្រជាជាតិ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយឯកឧត្តម Achim Steiner អភិបាលកម្មវិធីអភិវឌ្ឍន៍នៃអង្គការសហប្រជាជាតិ ។ជំនួបនេះ សម្ដេចតេជោនាយករដ្ឋមន្ត្រី បានមានប្រសាសន៍ថា សម្ដេចពិតជារីករាយដែលបានជួបឯកឧត្តមសារជាថ្មីម្ដងទៀត ក្រោយបែកគ្នាមួយរយៈ។ សម្ដេចតេជោបានមានប្រសាសន៍ថា កន្លងមកឯកឧត្តមធ្លាប់បានធ្វើការនៅក្របខណ្ឌមេគង្គ ហើយឯកឧត្តមពិតជាបានស្គាល់កម្ពុជាច្បាស់។ សម្ដេចតេជោក៏បានថ្លែងអំណរគុណចំពោះអង្គការ UNDP ក៏ដូចជាភ្នាក់ងារនៃអង្គការសហប្រជាជាតិ ដែលបានគាំទ្រប្រទេសកម្ពុជា ជាពិសេសគោលនយោបាយរបស់សម្ដេច ក្នុងការជំរុញគោលដៅអភិវឌ្ឍន៍សហស្សវត្ស និងគោលដៅអភិវឌ្ឍន៍ដោយចីរភាព។ ឯកឧត្តម Achim Steiner បានមានប្រសាសន៍ថា ឯកឧត្តមពិតជារីករាយដែលបានជួបសម្ដេចតេជោនាពេលនេះ ជាពិសេសនៅទីស្នាក់ការអង្គការសហប្រជាជាតិ។ ឯកឧត្តមបានតាមដានពីការអភិវឌ្ឍរបស់ប្រទេសកម្ពុជា ហើយជាពិសេសក៏បានឃើញពីការអភិវឌ្ឍរីកចម្រើនរបស់ប្រទេសកម្ពុជាកន្លងមក ហើយនៅក្នុងឆ្នាំខាងមុខនេះ អង្គការ UNDP និងបន្តគាំទ្រដល់ប្រទេសកម្ពុជា ជាពិសេសលើការអភិវឌ្ឍន៍។ ឯកឧត្តមបានបន្តទៀតថា ឯកឧត្តមពិតជាមានមោទនភាពចំពោះអ្វីដែលយើងមានជាភាពដៃគូវាងអង្គការ UNDP ជាមួយនឹងប្រទេសកម្ពុជា។ ឯកឧត្តមក៏រីករាយនៅពេលដែលឃើញកម្ពុជាជោគជ័យលើគោលដៅអភិវឌ្ឍន៍សហស្សវត្ស និងការអភិវឌ្ឍន៍ប្រកបដោយចីរភាព។ ឯកឧត្តមបន្តថា អ្វីដែលសំខាន់នៅពេលនេះ គឺពាក់ព័ន្ធទៅនឹងការងារបម្រែបម្រួលអាកាសធាតុ ដែលមានការលើកឡើងពីឯកឧត្តមអគ្គលេខាធិការអង្គការសហប្រជាជាតិកាលពីពេលថ្មីៗនេះ។ យើងនឹងបន្តធ្វើការងារជាមួយប្រទេសកម្ពុជាជាបន្តទៀត ជាពិសេសលើវិស័យដោះមីន និងយុត្តិភណ្ឌមិនទាន់ផ្ទុះ ។ សម្ដេចតេជោបានមានប្រសាសន៍ថ្លែងអំណរគុណចំពោះឯកឧត្តម ដែលគាំទ្រចំពោះការខិតខំប្រឹងប្រែងរបស់កម្ពុជា ដែលបានខិតខំប្រឹងប្រែងចាកចេញពីប្រទេសក្រីក្រមកជាប្រទេសដែលមានការអភិវឌ្ឍន៍តិចតួច។ សម្ដេចតេជោក៏បាន មានប្រសាសន៍០៣ចំណុចសំខាន់ៗ ៖ ១) កម្ពុជាពិតជាត្រូវការការគាំទ្រពី UNDP២) សម្ដេចតេជោបានមានប្រសាសន៍ថា សម្ដេចកំពុងជំរុញគោលនយោបាយកម្ពុជាគ្មានមីននៅឆ្នាំ២០២៥ ហើយកម្ពុជាត្រូវការការគាំទ្រពី UNDP ៣) សម្ដេចតេជោបានគូសបញ្ជាក់ពីរបញ្ហាបម្រែបំរួលអាកាសធាតុ ដោយឆ្នាំនេះ កម្ពុជាធ្វើជាប្រធានអាស៊ាន ហើយក៏បានដាក់ចេញ នូវកិច្ចព្រមព្រៀងបៃតងអាស៊ាន ដែលចំណុចនេះក៏ត្រូវការគាំទ្រពី UNDP ផងដែរ។ ជាការឆ្លើយតប ឯកឧត្តម Achim Steiner បានមានប្រសាសន៍ថា ឯកឧត្តមពិតជាឯកភាពទាំងស្រុងចំពោះការលើកឡើងរបស់សម្ដេចតេជោ អំពីអ្វីដែលកម្ពុជាទទួលបានជោគជ័យលើការអភិវឌ្ឍន៍កន្លងទៅនេះ។ ឯកឧត្តមក៏បានគួរបញ្ជាក់ថា អង្គការ UNDP នឹងបន្តជួយប្រទេសដែលកំពុងអភិវឌ្ឍន៍ ជាពិសេសពាក់ព័ន្ធនឹងហិរញ្ញប្បទាន ហើយធ្វើយ៉ាងណាជំរុញយុទ្ធសាស្ត្រក្នុងការទាក់ទាញការវិនិយោគឱ្យបានខ្ពស់បំផុត។ លើសពីនេះទៅទៀត ឯកឧត្តមក៏បានមានប្រសាសន៍បញ្ជាក់ថា ឯកឧត្តមពិតជាមានមោទនភាពចំពោះអ្វីដែលកម្ពុជាបានទទួលជោគជ័យមកដល់ពេលនេះ ហើយយើងនឹងបន្តជួយដល់កម្ពុជាក្នុងការធ្វើដំណើរទៅមុខទៀត។ ហើយទាក់ទងទៅនឹងការដោះមីន និងយុត្តិភណ្ឌមិនទាន់ផ្ទុះនេះ UNDP ពិតជារីករាយដែលកន្លងមកបានធ្វើជាដៃគូ ជាមួយនឹងកម្ពុជា ក្នុងការដោះស្រាយបញ្ហាមីននៅកម្ពុជានោះ។ ឯកឧត្តមបានគូសបញ្ជាក់ថា យើងនឹងធ្វើឲ្យកម្ពុជា ទទួលបាននូវភាពជោគជ័យជាពិសេស លើការដោះមីន និងយុទ្ធភណ្ឌមិនទាន់ផ្ទុះ។ ពាក់ព័ន្ធទៅនឹងកិច្ចព្រមព្រៀងបៃតងអាស៊ានវិញ ឯកឧត្តមបានមានប្រសាសន៍ថា ចំពោះប្រទេសដែលកំពុងមានការអភិវឌ្ឍ ការងារនេះមិនមែនជាឧបសគ្គទេ ជាការងារដែលយើងត្រូវតែយកចិត្តទុកដាក់ ពិសេសក្នុងតំបន់អាស៊ានតែម្ដង។ ឯកឧត្តមបានបញ្ជាក់ទៀតថា គោលនយោបាយបៃតងនេះ អ្វីដែលយើងត្រូវធ្វើគឺការជំរុញធ្វើយ៉ាងម៉េច ឱ្យសេដ្ឋកិច្ចបៃតងនេះ ជាគន្លឹះក្នុងសេដ្ឋកិច្ចក្របខណ្ឌរួម។ នៅឱកាសនោះផងដែរ ឯកឧត្តមក៏បានរំលេចផងដែរថា អង្គការ UNDP មានបទពិសោធន៍ ក៏ដូចជាធ្វើការជាមួយបណ្ដាប្រទេសជាច្រើននៅជុំវិញពិភពលោក ដូច្នេះ គោលនយោបាយដោយឈ្លាសវៃ និងប្រសិទ្ធភាពនេះ គឺយើងត្រូវជំរុញការងារនេះរួមគ្នា។ ចុងក្រោយ សម្ដេចតេជោ សង្ឃឹមថានៅពេលវេលាសមស្របណាមួយ ឯកឧត្តមនឹងបានអញ្ជើញទៅបំពេញទស្សនកិច្ចនៅប្រទេសកម្ពុជា ហើយនឹងបានឃើញពីការអភិវឌ្ឍរបស់ប្រទេសកម្ពុជាផងដែរ៕

បណ្ដាញសង្គម

ព័ត៌មានថ្មីៗ

ប្រព័ន្ធមីស៊ីលបាញ់ពីដីទៅលើអាកាស ត្រូវបានដាក់ពង្រាយនៅទីក្រុងតៃប៉ិ អំឡុងសមយុទ្ធយោធាប្រចាំឆ្នាំ

មនុស្សយ៉ាងហោច៦នាក់ស្លាប់ ក្នុងហេតុការណ៍បាក់ដំបូលផ្ទះនៅភាគខាងជើងប្រទេសឥណ្ឌា

យោធាកូរ៉េខាងត្បូង បញ្ជាក់ថា កូរ៉េខាងជើង បាញ់គ្រាប់រ៉ូកែតមិនស្គាល់ប្រភេទ

ក្រុមហ៊ូទីអះអាងថា ខ្លួនបានបាញ់មីស៊ីលវាយប្រហារលើនាវាដឹកប្រេងរបស់អារ៉ាប៊ីសាអ៊ូឌីតនៅឈូងសមុទ្រ Aden

លោក Min Aung Hlaing៖ មីយ៉ាន់ម៉ាស្ថិតលើមាគ៌ាឆ្ពោះទៅរកលទ្ធិប្រជាធិបតេយ្យ

មន្ត្រីជាន់ខ្ពស់ការបរទេស៖ ការបង្កើតស្ថានកុងស៊ុលកិត្តិយសស្រីលង្កា គឺជាជំហានថ្មីមួយទៀតក្នុងការពង្រឹងទំនាក់ទំនងរវាងកម្ពុជា និងស្រីលង្កា

ក្រសួងអប់រំ ព្រមានបញ្ចប់ក្របខណ្ឌបុគ្គលដែលធ្វើឱ្យបែកធ្លាយវិញ្ញាសាប្រឡងបាក់ឌុបមុនការប្រកាសលទ្ធផល

ជំនួយស្បៀងអាហាររបស់លោកជំទាវ សុខា គងពិសី គីម រិទ្ធី ត្រូវបានជូនដល់ដៃវីរកងទ័ពសមរភូមិមុខទិសទី១ ប្រាសាទព្រះវិហារ

ឯកឧត្តម ហ៊ុន ម៉ានី៖ «ACCSM មិនត្រឹមតែពង្រឹងកិច្ចសហការវិជ្ជាជីវៈប៉ុណ្ណោះទេ តែជាបេះដូងនៃសាមគ្គីភាពរបស់សហគមន៍អាស៊ាន»

ក្រុមអ្នកស្រាវជ្រាវជាន់ខ្ពស់ចិន ឡាវ និងមីយ៉ាន់ម៉ា ធ្វើទស្សនកិច្ចពិនិត្យជាក់ស្តែងនៅដែនជម្រកសត្វផ្សោតទន្លេមេគង្គ ក្នុងខេត្តក្រចេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រដ្ឋាភិបាលជប៉ុនរំពឹងថា មនុស្ស ៤.៣០០នាក់នឹងចូលរួមពិធីបុណ្យសពរដ្ឋរបស់លោក Abe

លោក Blinken និយាយថា ប្រសិនបើអ៊ុយក្រែនឈប់ប្រយុទ្ធ អ៊ុយក្រែននឹងចប់

ប្រធានអង្គការស្បៀងអាហារអង្គការសហប្រជាជាតិព្រមានពីការខ្វះខាតស្បៀងអាហារថា នរកនៅលើផែនដី

ចិនអំពាវនាវឲ្យមានការចរចាសន្តិភាពរវាងរុស្ស៊ី និងអ៊ុយក្រែននៅមហាសន្និបាតអង្គការសហប្រជាជាតិ

មនុស្សជាង ៣០នាក់ស្លាប់បន្ទាប់ពីទូកដឹកជនអន្តោប្រវេសន៍ក្រឡាប់លិចជិតឆ្នេរសមុទ្រប្រទេសស៊ីរី

លោក Sergei Lavrov ការពាររុស្ស៊ីនៅកិច្ចប្រជុំអង្គការសហប្រជាជាតិពោរពេញដោយកំហឹងជុំវិញសង្គ្រាមអ៊ុយក្រែន

ក្រុមទាហានបម្រុងរុស្ស៊ីគេចចេញពីប្រទេស ខណៈក្រុង Moscow ចាប់ផ្ដើមកែណ្ឌទ័ពសម្រាប់ប្រយុទ្ធនៅអ៊ុយក្រែន

សម្ដេចតេជោ ហ៊ុន សែន ទទួលជួបពិភាក្សាការងារជាមួយអគ្គលេខាធិការអង្គការសហប្រជាជាតិ

សម្ដេចតេជោ ហ៊ុន សែន ទទួលជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ(UNDP)

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រដ្ឋាភិបាល​ជប៉ុន​រំពឹងថា​ មនុស្ស​ ៤.៣០០​នាក់​នឹងចូលរួម​ពិធី​បុណ្យសព​រដ្ឋ​របស់​លោក​ Abe

លោក Blinken និយាយថា ​ប្រសិនបើ​អ៊ុយ​ក្រែ​ន​ឈប់​ប្រយុទ្ធ​ អ៊ុយ​ក្រែ​ន​នឹង​ចប់​

ប្រធាន​អង្គការ​ស្បៀងអាហារ​អង្គការសហប្រជាជាតិ​ព្រមាន​ពី​ការ​ខ្វះ​ខាត​ស្បៀងអាហារ​ថា ​នរក​នៅ​លើ​ផែនដី

សម្ដេចតេជោ ហ៊ុន សែន ទទួលជួបពិភាក្សាការងារជាមួយអគ្គលេខាធិការអង្គការសហប្រជាជាតិ

សម្ដេចតេជោ ហ៊ុន សែន ទទួលជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ(UNDP)

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋាភិបាលជប៉ុនរំពឹងថា មនុស្ស ៤.៣០០នាក់នឹងចូលរួមពិធីបុណ្យសពរដ្ឋរបស់លោក Abe

លោក Blinken និយាយថា ប្រសិនបើអ៊ុយក្រែនឈប់ប្រយុទ្ធ អ៊ុយក្រែននឹងចប់

ប្រធានអង្គការស្បៀងអាហារអង្គការសហប្រជាជាតិព្រមានពីការខ្វះខាតស្បៀងអាហារថា នរកនៅលើផែនដី