BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

អង់គ្លេស៖ នាយករដ្ឋមន្ត្រីថ្មីចក្រភពអង់គ្លេសលោកស្រី Liz Truss និងមេដឹកនាំពិភពលោកបច្ចុប្បន្នរួមមានលោក Joe Biden និងលោក Justin Trudeau រួមជាមួយអតីតប្រមុខរដ្ឋដូចជាលោក Tony Blair និងលោក Barack Obama និងមេដឹកនាំច្រើនរូបទៀតបានគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់បានយាងសោយព្រះពិរាល័យក្នុងជន្មាយុ ៩៦ព្រះវស្សា។ ព្រះរាជវាំងបានប្រកាសថា ម្ចាស់ក្សត្រីបានយាងសោយព្រះពិរាល័យនៅប្រាសាទ Balmoral ក្នុងដែនដីស្កុតឡែន ជាកន្លែងដែលសមាជិកគ្រួសាររាជវង្សបានធ្វើដំណើរទៅទីនោះ បន្ទាប់ពីព្រះរាជសុខភាពរបស់ទ្រង់កាន់តែធ្ងន់ធ្ងរ។ ពលរដ្ឋជាច្រើនបានប្រមូលផ្តុំគ្នានៅខាងក្រៅរាជវាំង Buckingham នៅក្រោមដំណក់ទឹកភ្លៀងធ្លាក់ ហើយសមាជិកមួយចំនួនបានយំនៅពេលដែលមន្ត្រីបានជូនដំណឹងបញ្ជាក់ ពីការយាងសោយព្រះពិរាល័យរបស់ព្រះមហាក្សត្រីនៅច្រកទ្វាររាជវាំងនៅក្នុងទីក្រុងឡុងដ៍។ មហាសន្និបាតអង្គការសហប្រជាជាតិកាលពីថ្ងៃព្រហស្បតិ៍ បានគោរពព្រះវិញ្ញាណក្ខន្ធម្ចាស់ក្សត្រី Elizabeth II របស់ចក្រភពអង់គ្លេសដោយរក្សាភាពស្ងៀមស្ងាត់មួយនាទី។ នាយករដ្ឋមន្ត្រីថ្មីចក្រភពអង់គ្លេសលោកស្រី Liz Truss បានចេញសេចក្តីថ្លែងការណ៍មួយដែលនិយាយថា "យើងទាំងអស់គ្នាមានក្តីរន្ធត់ចំពោះព័ត៌មានដែលយើងទទួលបានពីប្រាសាទ Balmoral ដែនដីស្កុតឡែន។ ការយាងសោយព្រះពិរាល័យរបស់ព្រះមហាក្សត្រី ជាភាពតក់ស្លុតយ៉ាងខ្លាំងដល់ប្រជាជាតិ និងពិភពលោក។ប្រធានាធិបតីសហរដ្ឋអាមេរិកលោក Joe Bidens បានថ្លែងនៅក្នុងសេចក្តីថ្លែងការណ៍ថា ម្ចាស់ក្សត្រី Elizabeth II គឺលើសពីព្រះមហាក្សត្រ។ ទ្រង់បានកំណត់សម័យកាលមួយ។ នៅក្នុងពិភពលោកដែលមានការផ្លាស់ប្តូរឥតឈប់ឈរ ទ្រង់ធ្វើឲ្យមានវត្តមានដ៏ស្ថិតស្ថេរ និងជាប្រភពនៃភាពសុខដុមរម្យនា និងមោទនភាពសម្រាប់ប្រជាជនអង់គ្លេសជាច្រើនជំនាន់។ នាយករដ្ឋមន្ត្រីកាណាដាលោក Justin Trudeau បានសរសេរនៅក្នុងបណ្តាញសង្គម Twitter ថា វាពិតជាតក់ស្លុតក្នុងចិត្តខ្លាំងបំផុតដែលយើងបានទទួលដំណឹង ពីការយាងសោយព្រះពិរាល័យរបស់ព្រះមហាក្សត្រី Elizabeth II ដែលសោយរាជ្យយូរបំផុតរបស់ចក្រភពអង់គ្លេស។ ទ្រង់មានវត្តមានជាប់ក្នុងជីវិតរបស់យើង ហើយការបំពេញរាជកិច្ចរបស់ទ្រង់ចំពោះប្រជាជនកាណាដា នឹងនៅតែជាផ្នែកដ៏សំខាន់នៃប្រវត្តិសាស្ត្ររបស់ប្រទេសយើងជារៀងរហូត។ ប្រធានាធិបតីបារាំងលោក Emmanuel Macron បានសរសេរលើបណ្តាញសង្គម Twitter ថា ម្ចាស់ក្សត្រី Elizabeth II តំណាងឱ្យការបន្ត និងសាមគ្គីភាពរបស់ប្រទេសអង់គ្លេសអស់រយៈពេលជាង ៧០ឆ្នាំ។ ខ្ញុំចងចាំទ្រង់ជាមិត្តរបស់ប្រទេសបារាំង ជាមហាក្សត្រីដែលមានចិត្តសប្បុរស ដែលបានបន្សល់ទុកនូវការចាប់អារម្មណ៍ដ៏យូរអង្វែងសម្រាប់ប្រទេស។ប្រធានាធិបតីអ៊ុយក្រែនលោក Volodymyr Zelenskyy ថ្លែងថា វាគឺជាការសោកសៅយ៉ាងខ្លាំងដែលយើងបានទទួលដំណឹង ពីការយាងសោយព្រះពិរាល័យរបស់ព្រះមហាក្សត្រី Elizabeth II។ ក្នុងនាមប្រជាជន យើងសូមចូលរួមរំលែកទុក្ខយ៉ាងស្មោះស្ម័គ្រចំពោះគ្រួសាររាជវង្សរបស់ចក្រភពអង់គ្លេស និងប្រជាជនចំពោះការបាត់បង់ដែលមិនអាចជំនួសបាន។ នាយករដ្ឋមន្ដ្រីអូស្ត្រាលីលោក Anthony Albanese បានសម្តែងភាពសោកសៅចំពោះការយាងសោយព្រះពិរាល័យរបស់ព្រះមហាក្សត្រី Elizabeth II។ លោក Anthony Albanese ថ្លែងថា ថ្ងៃនេះជាការបង្ហាញការបញ្ចប់នៃយុគសម័យមួយ ជាការបិទនៃយុគសម័យ Elizabethan ទីពីរ។ ពេលវេលានៃការកាន់ទុក្ខនេះនឹងកន្លងផុតទៅ ប៉ុន្តែការគោរពដ៏ជ្រាលជ្រៅ ដែលប្រជាជនអូស្ត្រាលីតែងតែគោរពចំពោះទ្រង់នឹងមិនបាត់បង់ឡើយ។ ប្រជាជនអាល្លឺម៉ង់កាលពីថ្ងៃព្រហស្បតិ៍ បានសម្តែងការរំលែកទុក្ខរបស់ពួកគេទៅកាន់ប្រជាជនអង់គ្លេស បន្ទាប់ពីការយាងសោយព្រះពិរាល័យរបស់ព្រះមហាក្សត្រី ElizabethII ក្នុងព្រះជន្ម ៩៦ព្រះវស្សា។ ប្រធានាធិបតីអាល្លឺម៉ង់លោក Frank-Walter Steinmeier បានគោរពវិញ្ញាណក្ខន្ធដល់ម្ចាស់ក្សត្រីដែលយាងសោយព្រះពិរាល័យ ដោយថ្លែងថា ប្រជាជនអាល្លឺម៉ង់រាប់លាននាក់ ថ្ងៃនេះពិតជាមានអារម្មណ៍សោកសៅជាមួយប្រជាជនចក្រភពអង់គ្លេស៕អត្ថបទ៖ ប៊ុនថន

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

អង់គ្លេស៖ ម្ចាស់ក្សត្រី Elizabeth II ដែលសោយរាជ្យយូរជាងគេរបស់ចក្រភពអង់គ្លេស បានយាងសោយព្រះពិរាល័យកាលពីថ្ងៃព្រហស្បតិ៍ក្នុងជន្មាយុ ៩៦ព្រះវស្សាបន្ទាប់ពីសោយរាជ្យបាន ៧០ឆ្នាំ។ ព្រះរាជបុត្រាព្រះជន្ម ៧៣ព្រះវស្សារបស់ទ្រង់ព្រះអង្គម្ចាស់ Charles បានឡើងសោយរាជ្យដោយស្វ័យប្រវត្តិ ទោះបីជាព្រះរាជពិធីឡើងគ្រងរាជប្រហែលជាមិនអាចកើតឡើង ក្នុងរយៈពេលជាច្រើនខែខាងមុខក៏ដោយ។ ព្រះអង្គម្ចាស់ Charles បានកំពុងត្រៀមព្រះកាយសម្រាប់មកុដរាជរបស់ទ្រង់ ស្ទើរពេញមួយព្រះជន្មជីពរបស់ព្រះអង្គ។ ព្រះអង្គម្ចាស់ Charles ជាបុត្រច្បងដែលនឹងត្រូវឡើងគ្រងរាជ្យរបស់ចក្រភពអង់គ្លេស បានក្លាយជាមហាក្សត្រ Charles III កាលពីថ្ងៃព្រហស្បតិ៍ បន្ទាប់ពីការយាងសោយព្រះពិរាល័យនៃមាតាព្រះអង្គគឺម្ចាស់ក្សត្រី Elizabeth II។ នៅពុំទាន់បានកំណត់កាលបរិច្ឆេទជាក់លាក់ណាមួយ សម្រាប់ការឡើងគ្រងរាជ្យសម្បត្តិរបស់ព្រះអង្គនៅឡើយទេ។ ការឡើងស្នងរាជ្យសម្បត្តិរបស់ទ្រង់ ទំនងជាជំរុញឱ្យមានការជជែកដេញដោលច្រើន អំពីអនាគតនៃរបបរាជានិយមរបស់ចក្រភពអង់គ្លេស ដែលមនុស្សមួយចំនួនមើលឃើញថា ជានិមិត្តរូបនៃឯកភាពជាតិ និងមួយចំនួនទៀតមើលឃើញថា ហួសសម័យកាលសម្រាប់ប្រវត្តិសាស្ត្រសក្តិភូមិ។ព្រះអង្គម្ចាស់ Charles ដែលនឹងក្លាយជាព្រះប្រមុខរដ្ឋសម្រាប់ចក្រភពអង់គ្លេស និងដែនដី និងប្រទេសចំនួន ១៤ផ្សេងទៀតរួមទាំងប្រទេសអូស្ត្រាលី កាណាដា នូវែលសេឡង់ និងប៉ាពួញូហ្គីណេ បានការពារព្រះរាជសកម្មភាពរបស់ទ្រង់៕អត្ថបទ៖ ប៊ុនថន

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

អង់គ្លេស៖ នេះគឺជាពេលវេលាដែលក្រុមអ្នកកាន់មរណទុក្ខនៅខាងក្រៅព្រះបរមរាជវាំង Buckingham បានចាប់ផ្ដើមស្រែកច្រៀងចម្រៀងជាតិ និង ‘God Save the King’ ក្រោយការយាងសោយព្រះពិរាល័យរបស់ម្ចាស់ក្សត្រី Elizabeth ទីII។ រាជវង្សអង់គ្លេសបានប្រកាសដល់ពិភពលោក តាមរយៈសេចក្ដីថ្លែងការណ៍ខ្លីមួយលើបណ្ដាញសង្គមថា ក្សត្រដ៏ជាទីស្រឡាញ់បានសោយព្រះពិរាល័យហើយនៅថ្ងៃនេះក្នុងព្រះជន្មាយុ ៩៦ព្រះវស្សា។ មនុស្សរាប់រយនាក់បានប្រមូលផ្ដុំគ្នារួចទៅហើយនៅកណ្ដាលទីក្រុងឡុងដ៍ ជាការត្រៀមទទួលយកព័ត៌មានដ៏សោកសៅ។ រូបភាពបានបង្ហាញពីក្រុមមនុស្សសម្រក់ទឹកភ្នែកកំពុងស្រែកច្រៀងចម្រៀងជាតិភ្លាមៗ ក្រោយការប្រកាសដំណឹងពីការយាងសោយព្រះពិរាល័យ។អ្នកលេងបណ្ដាញសង្គមម្នាក់ឈ្មោះ Anna Stewart បានសរសេរនៅលើបណ្ដាញសង្គម Twitter ថា មានពិធីស្មឹងស្មាតនៅខាងក្រៅព្រះបរមរាជវាំង Buckingham ខណៈដំណឹងនេះត្រូវបានផ្សព្វផ្សាយភ្លាមៗ បន្ទាប់មកក្រុមមនុស្សបានស្រែកច្រៀងថា God Save the King។ រយៈពេល ៧០ឆ្នាំហើយដែលជនជាតិអង់គ្លេសស្គាល់ពាក្យពេចន៍នៃបទចម្រៀងរាជវង្ស God Save the Queen។ មិនត្រឹមតែប្រជាពលរដ្ឋនៅក្នុងចក្រភពអង់គ្លេសប៉ុណ្ណោះ ថែមទាំងនៅជុំវិញកំពុងកាន់មរណទុក្ខចំពោះការយាងចូលសោយព្រះពិរាល័យរបស់ព្រះម្ចាស់ក្សត្រី Elizabeth II៕អត្ថបទ៖ សុខមាន

គណៈរដ្ឋមន្ត្រីអនុម័តទាំងស្រុងសេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ ២០១៩-២០២៣

នៅព្រឹកថ្ងៃទី០៩ ខែកញ្ញា ឆ្នាំ២០២២នេះ គណៈរដ្ឋមន្រ្តីបានបើកកិច្ចប្រជុំពេញអង្គ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈមួយចំនួន ក្នុងនោះរបៀបវារៈស្តីពីសេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.យ.អ.ជ) ២០១៩-២០២៣ក៏ត្រូវបានអនុម័តទាំងស្រុងហើយ។សេចក្តីព្រាងរបាយការណ៍ពាក់កណ្ដាលអាណត្តិ ឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ ២០១៩- ២០២៣នេះ ត្រូវបានរៀបចំឡើងបន្ទាប់ពីផែនការជាតិនេះ បានអនុវត្តរយៈពេលពីរឆ្នាំកន្លះ ហើយ មានតួនាទីយ៉ាងសំខាន់ ក្នុងការបង្ហាញចេញនូវលទ្ធផលនៃការអនុវត្តផែនការជាតិនេះ ជាសាធារណៈ។- របាយការណ៍នេះ មានគោលបំណងសំខាន់ចំនួន២ គឺ(១) ដើម្បីវាយតម្លៃអំពីលទ្ធផលរួម និងបញ្ហាប្រឈមចម្បងៗ ដែលបានកើតមានឡើងនៅក្នុងការអនុវត្ត ផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ ក្នុងរយៈពេលពាក់កណ្ដាលអាណត្តិដំបូង នៃការអនុវត្តផែនការយុទ្ធសាស្រ្តអភិវឌ្ឍន៍ជាតិពីខែមករា ឆ្នាំ២០១៩ ដល់ខែមិថុនា ឆ្នាំ២០២១ (២) ដើម្បីពិនិត្យមើលឡើងវិញ និងកែសម្រួល នូវបណ្ដាវិធានការគោលនយោបាយនានាតាមវិស័យសម្រាប់ក្រសួង ស្ថាប័នដែលបានកំណត់នៅក្នុងផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ សម្រាប់ការអនុវត្តគោលនយោបាយអាទិភាពនានារបស់រាជរដ្ឋាភិបាលកម្ពុជា និងគោលដៅអភិវឌ្ឍប្រកបដោយចីរភាពកម្ពុជា ដោយផ្អែកលើបញ្ហាប្រឈមដែលបានជួបប្រទះនៅក្នុងអំឡុងពេលនៃការអនុវត្ត ជាពិសេស ការរីករាលដាលនៃមេរោគកូវីដ-១៩។- សេចក្តីព្រាងរបាយការណ៍ពាក់កណ្ដាលអាណត្តិ ឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣នេះ ត្រូវបានរៀបចំកាត់តែងឡើងជាប្រាំពីរជំពូក និងតាមទម្រង់របស់យុទ្ធសាស្រ្តចតុកោណ ដំណាក់កាលទី៤ ដូចផែនការយុទ្ធសាស្រ្តអភិវឌ្ឍន៍ជាតិ២០១៩-២០២៣ ជាពិសេសជំពូកទី៣ និងជំពូកទី៤។ - ជំពូកទី១ គឺជាការបង្ហាញអំពីប្រវត្តិ និងគោលបំណងនៃការរៀបចំរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្ត ផ.យ.អ.ជ.២០១៩-២០២៣នេះ ព្រមទាំងវិធីសាស្រ្តនៃការរៀបចំផងដែរ។- ជំពូកទី២ បង្ហាញពីសមិទ្ធផល ការវិភាគពីស្ថានភាពរួមនៃដំណើរវិវឌ្ឍន៍នៃម៉ាក្រូសេដ្ឋកិច្ច និងដំណើរការនៃការគ្រប់គ្រងម៉ាក្រូសេដ្ឋកិច្ច នៅក្នុងសេដ្ឋកិច្ចកម្ពុជា ដោយរំលេចឡើងអំពីរចនាសម្ព័ន្ធនៃផលិតផលក្នុងស្រុកសរុប ស្ថានភាពសារពើពន្ធនិងអតិផរណា ភាពបើកចំហរនៃសេដ្ឋកិច្ចនិងពាណិជ្ជកម្ម ជញ្ជីងពាណិជ្ជកម្ម ព្រមទាំងភាពក្រីក្រនិងភាពមានការងារធ្វើ។ ក្នុងជំពូកនេះ ក៏បានធ្វើការបង្ហាញពីការជួបប្រទះនូវកំណើនសេដ្ឋកិច្ចអវិជ្ជមាន លើកដំបូងក្នុងរយៈពេលមួយទសវត្សរ៍ ក្នុងកម្រិត -៣,១% ក្នុងឆ្នាំ២០២០ ដែលមូលហេតុចម្បងបណ្ដាលមកពីការរីករាលដាលនៃជំងឺកូវីដ-១៩ ដោយកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ត្រឹមតែរយៈពេលខ្លីនៅឆ្នាំ២០២១ សេដ្ឋកិច្ចកម្ពុជាបានស្ទុះងើបឡើងវិញ មកត្រឹម ២,៤% និងតាមការព្យាករ សេដ្ឋកិច្ចកម្ពុជារំពឹងទុកថានឹងកើនឡើងដល់ ៥,៥% នៅក្នុងឆ្នាំ២០២២។- ជំពូកទី៣ គឺជាជំពូកសំខាន់របស់របាយការណ៍ដែលអធិប្បាយអំពីសមិទ្ធផលនានា ដែលក្រសួង ស្ថាប័នអនុវត្តនិងសម្រេចបាន តាមរយៈបណ្ដាសកម្មភាពកម្មវិធី និងគម្រោងនានា ដើម្បីអនុវត្តគោលនយោបាយអាទិភាពសំខាន់ៗ របស់រាជរដ្ឋាភិបាលកម្ពុជា នៅក្នុងនីតិកាលទី៦ នៃរដ្ឋសភា ពីខែមករា ឆ្នាំ២០១៩ ដល់ខែមិថុនា ឆ្នាំ២០២១។ - ជំពូកទី៤ គឺជាជំពូកដែលលើកឡើងនូវជំហានត្រូវអនុវត្តបន្ត សម្រាប់ពាក់អាណិតកាលដែលនៅសល់ រយៈពេលពីរឆ្នាំកន្លះ នៃផែនការយុទ្ធសាស្រ្តអភិវឌ្ឍជាតិ ២០១៩-២០២៣។ ជំពូកនេះបានលើកឡើងនូវបណ្ដាវិធានការណ៍គោលនយោបាយរបស់រាជរដ្ឋាភិបាលកម្ពុជា តាមវិស័យសម្រាប់ដោះស្រាយបញ្ហាប្រឈម និងវិបត្តិនានា ដែលជួបប្រទះនៅក្នុងពាក់កណ្ដាលអាណិតកន្លងទៅ និងរំពឹងថានឹងបន្តកើតមានបន្តនៅរយៈពេលពាក់កណ្តាលអាណិតបន្ទាប់។ វិធានការណ៍ទាំងនេះ នឹងរួមទាំងការដោះស្រាយនិងជំរុញកំណើនសេដ្ឋកិច្ចបន្ទាប់ពីការរីរាលដាលនៃកូវីដ-១៩។- ជំពូកទី៥ បង្ហាញពី ការប៉ាន់ស្មាននៃតម្រូវការធនធានវិនិយោគសម្រាប់ការ ធ្វើឱ្យសម្រេចបាននូវចំណុចដៅទាំងឡាយរបស់ ផ.យ.អ.ជ. ២០១៩-២០២៣។ - ជំពូកទី៦ គឺជាការបង្ហាញពីក្របខ័ណ្ឌនៃការតាមដានត្រួតពិនិត្យ និងវាយតម្លៃ ដោយផ្អែកលើមូលដ្ឋានលទ្ធផលនៃការអនុវត្ត ផ.យ.អ.ជ. ២០១៩-២០២៣។ - ជំពូកទី៧ គឺជាបង្ហាញនូវសេចក្តីសន្និដ្ឋានរួមយ៉ាងទូលំទូលាយមួយលើការ អនុវត្តផែនការទាំងមូល ក្នុងរយៈពេលពីរឆ្នាំកន្លះនេះ៕……….

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

នៅព្រឹកថ្ងៃទី០៩ ខែកញ្ញា ឆ្នាំ២០២២នេះ គណៈរដ្ឋមន្រ្តីបានបើកកិច្ចប្រជុំពេញអង្គ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈមួយចំនួន។ របៀបវារៈដែលបានលើកយកមកពិភាក្សា និងឆ្លង ដើម្បីដាក់ជូនទៅស្នើសុំការយល់ព្រមពីស្ថាប័ននីតិប្បញ្ញត្តិ នៅពេលនេះ រួមមាន៖-សេចក្តីព្រាងគោលនយោបាយអភិវឌ្ឍន៍វិស័យប្រៃសណីយ៍កម្ពុជា២០២២-២០៣០។-សេចក្តីព្រាងរបាយការណ៍ពាក់កណ្ដាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.យ.អ.ជ) ២០១៩-២០២៣។-សេចក្តីព្រាងគោលនយោបាយជាតិអភិវឌ្ឍន៍វិស័យកសិកម្មឆ្នាំ២០២២-២០៣០។និងបញ្ហាផ្សេងៗ សំណើរសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើ ពិធីសារទីបួនស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន។ គួរបញ្ជាក់ថា ចំពោះសេចក្តីព្រាងគោលនយោបាយអភិវឌ្ឍន៍វិស័យប្រៃសណីយ៍កម្ពុជា២០២២-២០៣០នោះ វិស័យនេះត្រូវបានចាត់ទុក មានសក្ដានុពល ក្នុងការចូលរួមចំណែកដល់ការទ្រទ្រង់កំណើនសេដ្ឋកិច្ច និងការលើកកម្ពស់គុណភាពជីវិតរបស់ប្រជាជននៅកម្ពុជា ដោយបានផ្សារភា្ជប់ជាមួយជីវភាព ប្រចាំថ្ងៃ នៅទីក្រុង និងជនបទ។ ជាមួយនឹងការរីកចម្រើនសេដ្ឋកិច្ច ការវិវត្ត នៃបច្ចេកវិទ្យា ក៏ដូចជាបែបផែនជីវិត និងរបៀបរបបរស់នៅក្នុងសង្គម ការផ្ញើសំបុត្រសម្រាប់ទំនាក់ទំនងគ្នាមានការធ្លាក់ចុះយ៉ាងខ្លាំង នៅក្នុងប្រទេសកម្ពុជា ក៏ដូចជានៅលើពិភពលោក ដោយជំនួសមកវិញ ការផ្ញើបញ្ញើជាកញ្ចប់ទាំងក្នុងប្រទេស រវាងប្រទេសនិងប្រទេស ត្រូវបានមើលឃើញថាមាននិន្នាការកើនឡើងយ៉ាងឆាប់រហ័សស្របទៅនឹងការហក់ឡើងនៃពាណិជ្ជកម្មតាមប្រព័ន្ធអេឡិចត្រួនិក។ទន្ទឹមគ្នានេះដែរ វឌ្ឍនភាពនៃវិស័យផ្សេងៗ ការកើនឡើងនៃការប្រើប្រាស់សេវាអ៊ីនធឺណិត និងបណ្ដាញ សង្គមព្រមទាំងពាណិជ្ជកម្ម តាមប្រព័ន្ធអេឡិចត្រូនិកបានបង្កើតកាលានុវត្តភាព សម្រាប់ទីផ្សារសេវាប្រៃសណីយ៍ ក៏ដូចជាលក្ខខណ្ឌអំណោយផលសម្រាប់ជំរុញការអភិវឌ្ឍវិស័យប្រៃសណីយ៍នៅកម្ពុជា។ ការអភិវឌ្ឍវិស័យនេះ នៅជួបប្រទះបញ្ហាប្រឈមចម្បងៗជាច្រើនដែលត្រូវដោះស្រាយ ក្នុងនោះវិសាលភាពនៃការផ្តល់សេវាប្រៃសណីយ៍ នៅពុំទាន់បានគ្របដណ្ដប់ទូលំទូលាយ ការអភិវឌ្ឍរបស់សហគ្រាសប្រៃសណីយ៍កម្ពុជា និងបណ្ដាញប្រៃសណីយ៍នៅមានកម្រិតនៅឡើយ ការធ្វើអាជីវកម្ម លើការផ្តល់សេវាបញ្ញើរបស់ផ្នែកឯកជន ពុំទាន់ត្រូវបានគ្រប់គ្រងឱ្យបានពេញលេញ និងល្អប្រសើរ គួបផ្សំនឹងការខ្វះខាតក្របខណ្ឌគោលនយោបាយ លិខិតបទដ្ឋានគតិយុត្ត ការធ្វើពិពិធកម្មសេវាយន្តការគ្រប់គ្រង យន្តការលើកកម្ពស់គុណភាពសេវា ក៏ដូចជាភាពយឺតយ៉ាវ នៃចាប់យក បច្ចេកវិទ្យា។ហេតុដូច្នេះ ការកសាងគោលនយោបាយអភិវឌ្ឍនៃវិស័យប្រៃសណីយ៍ ពិតជាមានសារៈសំខាន់សម្រាប់ជាប្រទីបបង្ហាញផ្លូវលើការរៀបចំផែនការសកម្មភាពជាអាទិភាព ដើម្បីឆ្លើយតបទៅនឹងនិន្នាការវិវត្តនៃតម្រូវការទាំងក្នុងផ្នែកសង្គម និងផ្នែកសេដ្ឋកិច្ច ស្របទៅនឹងក្របខណ្ឌ អភិវឌ្ឍន៍ប្រៃសណីយ៍អន្តរជាតិ សំដៅពង្រីក វិសាលភាពសេវាប្រៃសណីយ៍ប្រកបដោយគុណភាព ប្រសិទ្ធភាព និងចីរភាពជូនប្រជាជន។គោលនយោបាយនេះមានចក្ខុវិស័យ អភិវឌ្ឍវិស័យប្រៃសណីយ៍ និងទីផ្សារសេវាប្រៃសណីយ៍ ដើម្បីបម្រើធុរកិច្ចសហគ្រាស និងប្រជាជនប្រកបដោយប្រសិទ្ធភាព និរន្តរភាព និងនវានុវត្តន៍ សំដៅចូលរួមការអភិវឌ្ឍសង្គម-សេដ្ឋកិច្ចជាតិ។គោលនយោបាយនេះមាន គោលបំណង ពង្រឹងនិងពង្រីកការផ្តល់សេវាប្រៃសណីយ៍ឱ្យបានទូលំទូលាយប្រកបដោយគុណភាព ប្រសិទ្ធភាព ប្រសិទ្ធផល សុវត្ថិភាព និងភាពជឿទុកចិត្ត ព្រមទាំងគាំទ្រការធ្វើពិពិធកម្មសេវាប្រៃសណីយ៍ និងការធ្វើអាជីវកម្មផ្តល់សេវាក្នុងវិស័យប្រៃសណីយ៍ ជាមួយនឹងការជំរុញការធ្វើទំនើបកម្ម និងប្រើប្រាស់បច្ចេកវិទ្យាឌីជីថល ដើម្បីរួមចំណែកទ្រទ្រង់ការអភិវឌ្ឍពាណិជ្ជកម្ម តាមប្រព័ន្ធអេឡិចត្រូនិក និងគាំទ្រដល់ពិពិធកម្មសេដ្ឋកិច្ចកម្ពុជា៕

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

ព្រះមហាក្សត្រី Elizabeth II ដែលជាព្រះមហាក្សត្រសោយរាជ្យយូរជាងគេបំផុតរបស់ចក្រភពអង់គ្លេស និងជានិមិត្តរូបតំណាងស្ថិរភាពនៃភាពចលាចលយ៉ាងខ្លាំងក្នុងរយៈពេល១សតវត្សរ៍ ទ្រង់បានសោយព្រះពិរាល័យក្នុងព្រះជន្មាយុ៩៦ព្រះវស្សា កាលពីថ្ងៃទី៨ ខែកញ្ញា ឆ្នាំ២០២២ នៅព្រះរាជ្យដំណាក់ Balmoral Castle ចក្រភពអង់គ្លេស ក្រោយសាយរាជ្យបានរយៈពេល៧៩ឆ្នាំ ។ ដោយទ្រង់ប្រសូត្រនៅថ្ងៃទី២១ ខែមេសា ឆ្នាំ១៩២៦ ព្រះមហាក្សត្រី Elizabeth II បានឡើងសោយរាជ្យក្រោយការយាងចូលទីវង្គត់របស់ព្រះរាជបិតាទ្រង់ ព្រះមហាក្សត្រ King George VI កាលពីថ្ងៃទី៦ ខែកុម្ភៈ ឆ្នាំ១៩៥២ ។ ក្នុងឆ្នាំ ២០១៥ ព្រះម្ចាស់ក្សត្រី ដែលបានក្លាយជាក្សត្រីដែលបានឡើងគ្រងរាជ្យសម្បត្តិយូរជាងគេបំផុតក្នុងប្រវត្តិសាស្ត្ររបស់ចក្រភពអង់គ្លេស មានរយៈពេលលើសព្រះឯកាទួតរបស់ទ្រង់គឺម្ចាស់ក្សត្រី Victoria ដែលបានឡើងសោយរាជ្យបានរយៈពេល៦៣ឆ្នាំ និង៧ខែ។ ម្ចាស់ក្សត្រី Elizabeth ក៏ជាក្សត្រីដំបូងផងដែរដែលបានទតឃើញដោយផ្ទាល់នូវការប្រារព្ធខួបព្រះរាជ្យពិធីខួបឡើងសោយរាជ្យរយៈពេល៧០ឆ្នាំ របស់ទ្រង់។ ម្ចាស់ក្សត្រីគឺសមាជិកខ្សែរាជ្យវង្សក្សត្រស្រីតែមួយអង្គគត់ដែលបានចូលប្រឡូកក្នុងកងកម្លាំងប្រដាប់អាវុធ។ ម្ចាស់ក្សត្រី Elizabeth II គឺជាប្រមុខរដ្ឋដែលបានយាងដំណើរចេញក្រៅប្រទេសច្រើនជាងគេបំផុតរបស់ពិភពលោកខណៈដែលទ្រង់បានបំពេញព្រះរាជទស្សនកិច្ចជាង១១០ប្រទេសដោយមិនចាំបាច់ប្រើលិខិតឆ្លងដែនដោយសូម្បីតែមួយដង។ ទ្រង់ក៏ជាក្សត្រតែមួយអង្គគត់ផងដែរក្នុងចក្រភពអង់គ្លេសដែល បំពេញព្រះរាជដំណើរ ដោយរថយន្ត ដោយមិនចាំបាច់មានប័ណ្ណបើកបរ។ ព្រះរាជដំណើរបំពេញទស្សនកិច្ចផ្លូវការរបស់ទ្រង់ទៅកាន់ប្រទេសអាល្លឺម៉ង់ ភាគខាងលិចកាលពីឆ្នាំ១៩៦៥ គឺជាដំណើរទស្សនកិច្ចទៅអាល្លឺម៉ង់លើកដំបូង ដោយក្សត្រអង់គ្លេស ចាប់តាំងពីផ្ទុះសង្រ្គាមលោកលើកទី១។ មហាក្សត្រី និងរាជវង្សក្សត្រ ក៏ប្រឈមនឹងការរិះគន់ពីសាធារណជនផងដែរ បន្ទាប់ពីសោយព្រះពិរាល័យរបស់ម្ចាស់ក្សត្រី Diana កាលពីឆ្នាំ១៩៩៧ ក្នុងហេតុការណ៍គ្រោះថ្នាក់ចរាចរណ៍រថយន្តនៅទីក្រុងប៉ារីស។ ម្ចាស់ក្សត្រី Elizabeth មិនអនុញ្ញាតឲ្យបង្ហូតទង់ជាតិត្រឹមពាក់កណ្ដាលដងលើព្រះបរមរាជវាំង Buckingham ឬមានព្រះរាជសវនីយ៍ទៅកាន់ប្រជាជាតិដែលកំពុងមានទុក្ខក្រៀមក្រំជុំវិញការបាត់បង់ម្ចាស់ក្សតី្រដ៏ជាទីស្រឡាញ់។ ចក្រភពអង់គ្លេសបានឃើញនាយករដ្ឋមន្ត្រីចំនួន ១៥ រូបនៅក្រោមរជ្ជកាលដ៏យូររបស់ម្ចាស់ក្សត្រី Elizabeth ចាប់ពី អតីតនាយករដ្ឋមន្ត្រីលោក Winston Churchill ដែលពោពេញដោយភាពចម្រូងចម្រាស រហូតដល់ ដឹកនាំមកពីគណបក្សអភិរក្សនិយម ដែលបានឡើងកាន់តំណែងកាលពីថ្ងៃទី៦ខែកញ្ញាសប្ដាហ៍នេះ គឺលោកស្រី Liz Truss៕

រុស្ស៊ីកំពុងពង្រឹងទំនាក់ទំនងពាណិជ្ជកម្មជាមួយបណ្តាប្រទេសអាស៊ាន

រុស្ស៊ី៖ លោក Sergey Katyrin ប្រធានសភាពាណិជ្ជកម្ម និងឧស្សាហកម្មបាននិយាយនៅខាងក្រៅវេទិកាសេដ្ឋកិច្ចបូព៌ាលើកទី៧ នៅទីក្រុង Vladivostok ថា ប្រទេសរុស្ស៊ីកំពុងពង្រឹងទំនាក់ទំនងពាណិជ្ជកម្មរបស់ខ្លួនជាមួយបណ្តាប្រទេសអាស៊ាន ខណៈដែលខ្លួនអនុវត្តយុទ្ធសាស្ត្រការងាកទៅរកតំបន់បូព៌ា។ លោក Katyrin និយាយថា រុស្សីកំពុងរៀបចំជំហររបស់ខ្លួនជាថ្មី ហើយស្ថិតក្នុងដំណើរការងាកទៅរកតំបន់បូព៌ាដែលកំពុងងាកទៅតំបន់អាស៊ី-ប៉ាស៊ីហ្វិក និងប្រទេសជិតខាងនៅភាគខាងត្បូង។ ជាការពិតរុស្ស៊ីកំពុងពង្រឹងកិច្ចសហប្រតិបត្តិការជាមួយប្រទេសពាក់ព័ន្ធ។ ប្រទេសនេះកំពុងពង្រឹងកិច្ចសហប្រតិបត្តិការជាមួយបណ្តាប្រទេសអាស៊ាន ដោយមានទំហំពាណិជ្ជកម្មទ្វេភាគីកើនឡើងដល់ ២៧ភាគរយកាលពីឆ្នាំ២០២១។លោក Katyrin និយាយថា រុស្ស៊ីកំពុងមើលឃើញការកើនឡើងយ៉ាងឆាប់រហ័ស នៃពាណិជ្ជកម្មរបស់ខ្លួនជាមួយប្រទេសទួរគី និងពាណិជ្ជកម្មតាមច្រករបៀងដឹកជញ្ជូនភាគខាងត្បូង។ យុទ្ធសាស្ត្ររបស់ប្រទេសរុស្ស៊ីសម្រាប់ទំនាក់ទំនងសេដ្ឋកិច្ចបរទេស នឹងមានភាពចម្រុះបន្ថែមទៀតនៅពេលអនាគត។ វេទិកាសេដ្ឋកិច្ចបូព៌ាលើកទី៧ បានចាប់ផ្តើមនៅទីក្រុង Vladivostok តំបន់ចុងបូព៌ាប្រទេសរុស្ស៊ីកាលពីថ្ងៃចន្ទ ដោយមានភ្ញៀវរាប់ពាន់នាក់បានមកជួបជុំគ្នា ដើម្បីពិភាក្សាអំពីការអភិវឌ្ឍន៍ប្រទេសរុស្ស៊ី និងតំបន់ចុងបូព៌ា៕អត្ថបទ៖ ប៊ុនថន

ទួរគីព្រមានលោកខាងលិចថា រុស្ស៊ីមិនមែនជាប្រទេសដែលអាចមើលស្រាលបានទេ

ទួរគី៖ កាលពីថ្ងៃពុធលោកប្រធានាធិបតីទួរគី Recep Tayyip Erdoğan បានរិះគន់លោកខាងលិចចំពោះគោលនយោបាយផ្អែកទៅលើការបង្ករឿងរបស់ខ្លួនជាមួយរុស្ស៊ី។ លោក Erdoğan បានថ្លែងនៅសន្និសីទសារព័ត៌មានក្នុងទីក្រុង Belgrade ប្រទេសស៊ែប៊ី ដោយមានការបកប្រែនៅក្នុងទីភ្នាក់ងារសារព័ត៌មាន Anadolu ថា ខ្ញុំនិយាយចំពោះប្រទេសទាំងឡាយដែលមើលស្រាលរុស្ស៊ី អ្នកកំពុងគិតខុសហើយ។ រុស្ស៊ីមិនមែនជាប្រទេសដែលអាចមើលស្រាលបានឡើយ។ លោកបានបន្ថែមថា ខ្ញុំអាចនិយាយដោយត្រង់ថា ខ្ញុំមើលមិនឃើញឥរិយាបថលោកខាងលិចចំពោះរុស្ស៊ីនៅពេលនេះទេ ដោយសារតែលោកខាងលិចផ្អែកទៅលើគោលនយោបាយបង្ករឿង។ លោកប្រធានាធិបតីទួរគីរូបនេះបានគូសបញ្ជាក់ថា លោកមើលមិនឃើញពីសញ្ញាបញ្ចប់ជម្លោះរុស្ស៊ី-អ៊ុយក្រែន ដែលបានឈានចូលដល់ជាងកន្លះឆ្នាំមកហើយនោះ។យោងតាមវីដេអូ និងការបកប្រែពីសារព័ត៌មាន TRT World កាលពីថ្ងៃពុធ លោក Erdoğan បានរក្សាជំហរថា ប្រទេសទួរគីកំពុងដើតាមគោលនយោបាយបរទេស ដែលមានតុល្យភាពរវាងរុស្ស៊ី និងអ៊ុយក្រែន។ កាលពីដើមឆ្នាំនេះទួរគីបានជំទាស់ ការចូលជាសមាជិកសម្ព័ន្ធយោធាណាតូពីប្រទេសហ្វាំងឡង់ និងស៊ុយអែត ជាវិធានការរួបរួមសម្រាប់សម្ព័ន្ធយោធាមួយនេះ ឆ្លើយតបនឹងការវាយលុករបស់រុស្ស៊ីលើអ៊ុយក្រែន។ ទួរគីក៏បានធ្វើការជាមួយលោក Putin ដើម្បីសម្របសម្រួលការនាំចេញគ្រាប់ធញ្ញជាតិ កាត់តាមសមុទ្រខ្មៅដែលត្រូវបានបិទផងដែរ៕អត្ថបទ៖ សុខមាន

មនុស្សរាប់ពាន់នាក់ទាមទារឲ្យនាយករដ្ឋមន្ត្រីហៃទីលាលែងពីតំណែងក្នុងការតវ៉ាថ្មី

ហៃទី៖ មនុស្សរាប់ពាន់នាក់នៅក្នុងរដ្ឋធានីរបស់ប្រទេសហៃទី និងទីក្រុងធំៗផ្សេងទៀតបានរៀបចំការតវ៉ាថ្មីកាលពីថ្ងៃពុធ ដើម្បីទាមទារឲ្យមានសុវត្ថិភាពជាងនេះ ទំនិញមានតម្លៃថោកជាងមុន និងការលាលែងពីតំណែងរបស់នាយករដ្ឋមន្ត្រីលោក Ariel Henry។ ការផ្ទុះអាវុធ លាយឡំនឹងការស្រែក និងការទះដៃរបស់ក្រុមបាតុករ ខណៈពួកគេចេញធ្វើបាតុកម្មតាមដងផ្លូវដែលបិទដោយផ្ទាំងថ្ម រថយន្តដឹកទំនិញ និងការដុតសំបកកង់រថយន្ត។ បាតុករបានកាន់ស្លាកសញ្ញាប្រឆាំងភាពក្រីក្រ ខណៈបាតុករមួយចំនួនទៀតបង្ហាញការសោកស្ដាយចំពោះកង្វះការងារ។ ការតវ៉ាផ្សេងទៀតបានធ្វើឱ្យជាប់គាំងនៅទីក្រុងឆ្នេរសមុទ្រជាច្រើន ក្នុងតំបន់ភាគខាងជើងប្រទេសហៃទី និងតំបន់ភាគខាងត្បូងរួមទាំងទីក្រុងព័រអូប្រាំង, ភីតទីហ្គូវ និងទីក្រុងជេរ៉េមី ដោយនគរបាលបានបាញ់ឧស្ម័នបង្ហូរទឹកភ្នែកដើម្បីបំបែកហ្វូងមនុស្ស។ ប្រជាជនហៃទីបានរៀបចំការតវ៉ាកាន់តែច្រើនឡើងក្នុងពេលមានការកើនឡើងការចាប់ជំរិត និងការសម្លាប់ដែលទាក់ទងនឹងក្រុមជនអន្ធពាល ការកើនឡើងតម្លៃទំនិញជាមូលដ្ឋាន និងកង្វះប្រេងឥន្ធនៈធ្ងន់ធ្ងរ ក្នុងពេលមានអតិផរណាដែលបានឈានដល់ ៣០%។កាលពីថ្ងៃអង្គារ ការិយាល័យនាយករដ្ឋមន្ត្រីបានចេញសេចក្តីថ្លែងការណ៍ដោយនិយាយថា ការិយាល័យបានដឹងពីភាពធ្ងន់ធ្ងរនៃស្ថានភាព ហើយលោក Henry នឹងមានចំណាត់ការជាច្រើន រួមទាំងការអនុវត្តកម្មវិធីសង្គមដើម្បីកាត់បន្ថយភាពក្រីក្រខ្លាំង និងធានាបានថា មានប្រេងឥន្ធនៈកាន់តែច្រើននៅតាមស្ថានីយប្រេង។ លោក Henry បានអំពាវនាវឱ្យមានភាពស្ងប់ស្ងាត់ និងបានជំរុញប្រជាជនកុំឱ្យចុះចាញ់ឧបាយកលនយោបាយ។ ប្រទេសហៃទីបានកើតមានអស្ថិរភាពកាន់តែខ្លាំងឡើងដែលមិនធ្លាប់មាន ចាប់តាំងពីការធ្វើឃាតប្រធានាធិបតីលោក Jovenel Moïse កាលពីថ្ងៃទី៧ ខែកក្កដា ឆ្នាំ២០២១ ដោយក្រុមជនអន្ធពាលបង្កើនឥទ្ធិពលកាន់តែខ្លាំងឡើង៕អត្ថបទ៖ ប៊ុនថន

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ

អង់គ្លេស៖ នាយករដ្ឋមន្ត្រីអង់គ្លេសលោកស្រី Liz Truss បានប្រាប់សភាថា លោកស្រីប្រឆាំងការយកពន្ធបន្ថែមលើក្រុមហ៊ុនប្រេង និងឧស្ម័ន ហើយនឹងដាក់ជំនួសដោយការកាត់ពន្ធអនុគ្រោះ ដើម្បីធ្វើឲ្យសេដ្ឋកិច្ចរីកចម្រើន និងគ្រប់គ្រងវិបត្តិនៃការធ្វើឲ្យប៉ះពាល់លើជីវភាពរស់នៅ របស់ប្រជាជនដែលកំពុងកើនឡើង។ លោកស្រី Truss ត្រូវបានចោទសួរកាលពីថ្ងៃពុធដោយមេដឹកនាំបក្សប្រឆាំងលោក Sir Keir Starmer អំពីផែនការរបស់លោកស្រីក្នុងការដោះស្រាយវិបត្តិថាមពលដែលកំពុងកើនឡើង ក្នុងអំឡុងពេលសម័យប្រជុំរបស់នាយករដ្ឋមន្ត្រីប្រចាំសប្តាហ៍លើកដំបូងរបស់លោកស្រីនៅក្នុងសភា។ លោក Starmer បាននិយាយអំពីផែនការរបស់លោកស្រី Truss ថា ពុំមានអ្វីថ្មីនោះទេអំពីគំនិតស្រមើស្រម៉ៃរបស់គណបក្ស Tory ចំពោះគោលនយោបាយសេដ្ឋកិច្ចការហុចប្រយោជន៍ដល់ក្រុមអ្នកមាន ដោយលោកបន្ថែមថា អ្នកធ្វើការនៅចក្រភពអង់គ្លេសនឹងជាអ្នកបង់ប្រាក់ សម្រាប់ការខកខានរបស់រដ្ឋាភិបាលក្នុងការប្រមូលពន្ធលើប្រាក់ចំណេញ របស់ក្រុមហ៊ុនថាមពលធំៗ។ លោកស្រី Truss បានឆ្លើយតបវិញដោយនិយាយថា ពុំមានអ្វីថ្មីអំពីការដំឡើងពន្ធរបស់បុគ្គលិក និងការចំណាយ និងបានចោទប្រកាន់លោក Starmer ថា មិនយល់អំពីបំណង និងឱកាស។លោកស្រីបានសន្យាថានឹងកាត់បន្ថយពន្ធ និងមានចំណាត់ការភ្លាមៗជួយដល់ពលរដ្ឋ ក្នុងការចំណាយលើថាមពលរបស់ពួកគេ ប៉ុន្តែក៏នឹងធានាបានការផ្គត់ផ្គង់ថាមពលរយៈពេលវែងរបស់យើងផងដែរ។ លោកស្រីត្រូវបានគេរំពឹងថា នឹងបង្ហាញផែនការថាមពលរបស់លោកស្រីនៅថ្ងៃព្រហស្បតិ៍នេះ។ ប្រព័ន្ធផ្សព្វផ្សាយរបស់ចក្រភពអង់គ្លេសបានរាយការណ៍ថា លោកស្រី Truss មានផែនការទប់ការចំណាយលើផ្នែកថាមពល។ ការចំណាយសម្រាប់អ្នកជាប់ពន្ធដែលវិធានការនេះអាចឈានដល់ ១០០ពាន់លានផោន ឬ ១១៦ពាន់លានដុល្លារអាមេរិក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

រុស្ស៊ីកំពុងពង្រឹងទំនាក់ទំនងពាណិជ្ជកម្មជាមួយបណ្តាប្រទេសអាស៊ាន

ទួរគីព្រមានលោកខាងលិចថា រុស្ស៊ីមិនមែនជាប្រទេសដែលអាចមើលស្រាលបានទេ

មនុស្សរាប់ពាន់នាក់ទាមទារឲ្យនាយករដ្ឋមន្ត្រីហៃទីលាលែងពីតំណែងក្នុងការតវ៉ាថ្មី

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មេដឹកនាំ​ពិភពលោក​គោរព​ព្រះ​វិញ្ញាណក្ខន្ធ​ម្ចាស់​ក្ស​ត្រី Elizabeth II បន្ទាប់ពី​ទ្រង់​យាង​សោយ​ព្រះ​ពិរាល័យ

ព្រះអង្គម្ចាស់ Charles ក្លាយជា​មហាក្សត្រ​ថ្មី​របស់​ចក្រភព​អង់គ្លេស​

ក្រុម​អ្នក​កាន់ទុក្ខ​ច្រៀង​ចម្រៀង​ជាតិ​នៅ​ខាងក្រៅ​ព្រះបរមរាជវាំង Buckingham និង God Save the King

សម្ដេចតេជោ ហ៊ុន​ សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

ព្រះមហាក្សត្រី Elizabeth II សោយព្រះពិរាល័យ ក្នុងព្រះជន្មាយុ៩៦ព្រះវស្សា ក្រោយសោយរាជ្យយូរជាងគេបំផុតនៅអង់គ្លេស

រុស្ស៊ី​កំពុង​ពង្រឹង​ទំនាក់ទំនង​ពាណិជ្ជកម្ម​ជាមួយ​បណ្តា​ប្រទេស​អាស៊ាន​

ទួរគី​ព្រមាន​លោក​ខាង​លិច​ថា រុស្ស៊ី​មិន​មែន​ជា​ប្រទេស​ដែល​អាច​មើលស្រាល​បានទេ

មនុស្ស​រាប់ពាន់នាក់​ទាមទារ​ឲ្យ​នាយករដ្ឋមន្ត្រី​ហៃទី​លាលែង​ពី​តំណែង​ក្នុង​ការ​តវ៉ា​ថ្មី

លោកស្រី Truss ប្រឈមមុខ​នឹង​សភា​ជា​លើកដំបូង​ក្នុងនាម​ជា​មេដឹកនាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេដឹកនាំពិភពលោកគោរពព្រះវិញ្ញាណក្ខន្ធម្ចាស់ក្សត្រី Elizabeth II បន្ទាប់ពីទ្រង់យាងសោយព្រះពិរាល័យ

ព្រះអង្គម្ចាស់ Charles ក្លាយជាមហាក្សត្រថ្មីរបស់ចក្រភពអង់គ្លេស

ក្រុមអ្នកកាន់ទុក្ខច្រៀងចម្រៀងជាតិនៅខាងក្រៅព្រះបរមរាជវាំង Buckingham និង God Save the King

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីលើរបៀបវារៈមួយចំនួន

រុស្ស៊ីកំពុងពង្រឹងទំនាក់ទំនងពាណិជ្ជកម្មជាមួយបណ្តាប្រទេសអាស៊ាន

ទួរគីព្រមានលោកខាងលិចថា រុស្ស៊ីមិនមែនជាប្រទេសដែលអាចមើលស្រាលបានទេ

មនុស្សរាប់ពាន់នាក់ទាមទារឲ្យនាយករដ្ឋមន្ត្រីហៃទីលាលែងពីតំណែងក្នុងការតវ៉ាថ្មី

លោកស្រី Truss ប្រឈមមុខនឹងសភាជាលើកដំបូងក្នុងនាមជាមេដឹកនាំ