BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

UN អំពាវនាវឲ្យចាត់វិធានការបញ្ឈប់អំពើហិង្សានៅមីយ៉ាន់ម៉ា ខណៈអ្នកស្លាប់ក្រោយរដ្ឋប្រហារឡើងដល់ជាង ២ពាន់នាក់

មីយ៉ាន់ម៉ា៖ អ្នកជំនាញអង្គការសហប្រជាជាតិមួយរូបបានអំពាវនាវ ឲ្យចាត់វិធានការកាន់តែមានប្រសិទ្ធភាពថែមទៀត ដើម្បីបញ្ចប់អំពើហិង្សានៅក្នុងសហភាពមីយ៉ាន់ម៉ា ខណៈមនុស្សជាង ២ពាន់នាក់បានបាត់បង់ជីវិតនៅក្នុងការបង្ក្រាបដ៏ឃោរឃៅចាប់តាំងពីខែកុម្ភៈឆ្នាំមុន នៅពេលរបបយោធាកាន់អំណាចជាថ្មីនៅក្នុងប្រទេសនៅអាស៊ីអាគ្នេយ៍មួយនេះ។លោក Tom Andrews អ្នករាយការណ៍ពិសេសរបស់អង្គការសហប្រជាជាតិ ស្ដីពីស្ថានភាពសិទ្ធិមនុស្សនៅក្នុងសហភាពមីយ៉ាន់ម៉ា បានទទូចនៅក្នុងសេចក្ដីថ្លែងការណ៍មួយក្នុងឱកាសបញ្ចប់ដំណើរទស្សនកិច្ចរយៈពេល ៨ថ្ងៃទៅកាន់ប្រទេសម៉ាឡេស៊ីកាលពីថ្ងៃព្រហស្បតិ៍។ សហភាពមីយ៉ាន់ម៉ាបានធ្លាក់ចូលក្នុងភាពចលាចល ចាប់តាំងពីយោធាបានទម្លាក់មេដឹកនាំស៊ីវិលលោកស្រី Aung San Suu Kyi នៅក្នុងរដ្ឋប្រហារ និងបានឃុំលោកស្រី និងមន្ត្រីជាន់ខ្ពស់ជាច្រើនរូបរបស់លោកស្រី មកពីគណបក្សសម្ព័ន្ធជាតិប្រជាធិបតេយ្យកាលពីថ្ងៃទី១ ខែកុម្ភៈ។លោក Andrews បានបន្ថែមថា របបសឹកនេះបានសម្លាប់ជនស៊ីវិលជាង ២ពាន់នាក់, ចាប់ខ្លួនមនុស្សជាង ១៤,០០០នាក់ និងបង្ខំឲ្យពលរដ្ឋជាង ៧០០,០០០នាក់ភៀសខ្លួនចេញពីប្រទេស ក្នុងនោះមានមនុស្សជាង ១លាននាក់ភៀសខ្លួននៅក្នុងប្រទេស និងបានទាញប្រទេសនេះឲ្យធ្លាក់ចូលក្នុងវិបត្តិសេដ្ឋកិច្ច និងមនុស្សធម៌ ដែលបានគំរាមកំហែងដល់អាយុជីវិត និងសុខុមាលភាពពលរដ្ឋរាប់លាននាក់៕អត្ថបទ៖ សុខមាន

អង្គការសុខភាពពិភពលោកពិចារណាប្រកាសជំងឺអុតស្វាជាគ្រាអាសន្នសុខភាពសកល

WHO៖ ស្របពេលដែលអង្គការសុខភាពពិភពលោក កោះប្រជុំគណៈកម្មាធិការគ្រាអាសន្នរបស់ខ្លួនកាលពីថ្ងៃព្រហស្បតិ៍ ដើម្បីពិចារណាថា តើការផ្ទុះឡើងនៃជំងឺអុតស្វាត្រូវប្រកាសជាគ្រាអាសន្នសុខភាពសកលដែរទេ ក្រុមអ្នកជំនាញខ្លះនិយាយថា ការសម្រេចចិត្តរបស់អង្គការសុខភាពពិភពលោកក្នុងការចាត់វិធានការភ្លាម បន្ទាប់ពីជំងឺនេះបានហៀរចូលដល់ប្រទេសលោកខាងលិច អាចស្ដែងឲ្យឃើញពីភាពមិនស្មើគ្នាដែលថា ការកើតឡើងនៃជំងឺនេះមានការបែងចែករវាងប្រទេសអ្នកមាន និងប្រទេសអ្នកក្រ អំឡុងពេលមានជំងឺរាតត្បាតសកលកូរ៉ូណា។ ការប្រកាសជំងឺអុតស្វា ជាគ្រាអាសន្នផ្នែកសុខភាពជាសកលនឹងមានន័យថា ទីភ្នាក់ងារសុខភាពរបស់អង្គការសហប្រជាជាតិចាត់ទុកការផ្ទុះឡើងនេះថាជា "ព្រឹត្តិការណ៍មិនធម្មតា" ហើយថា ជំងឺនេះមានហានិភ័យខ្ពស់នៃការរីករាលដាលឆ្លងព្រំដែនកាន់តែច្រើន។ ក្រុមអ្នកវិទ្យាសាស្ត្រជាច្រើនបង្ហើបថា ការប្រកាសបែបនេះអាចជួយទប់ស្កាត់ការឆ្លងរាតត្បាតជំងឺនេះ ចាប់តាំងពីប្រទេសអភិវឌ្ឍន៍ជាច្រើនដែលកត់ត្រាករណីឆ្លងថ្មីៗបំផុត កំពុងព្យាយាមបិទព័ត៌មាន។កាលពីសប្តាហ៍មុន ប្រមុខអង្គការសុខភាពពិភពលោក លោក Tedros Adhanom Ghebreyesus បានហៅការរាតត្បាតជំងឺអុតស្វានាពេលថ្មីៗនេះ ដែលត្រូវបានរកឃើញនៅក្នុងប្រទេសជាង 40 ភាគច្រើននៅអឺរ៉ុបថា "មិនធម្មតា និងគួរឱ្យព្រួយបារម្ភ"។ ជំងឺអុតស្វាបានកើតមានលើមនុស្សជាច្រើន អស់រយៈពេលជាច្រើនទសវត្សរ៍មកហើយនៅអាហ្វ្រិកកណ្តាល និងខាងលិច ដែលជំងឺមួយប្រភេទនេះបានសម្លាប់មនុស្សរហូតដល់ 10%។ ចំពោះការឆ្លងរាតត្បាតហួសពីទ្វីបអាហ្វ្រិកមកទល់ពេលនេះ មិនមានអ្នកស្លាប់ត្រូវបានគេរាយការណ៍ឡើយ៕អត្ថបទ៖ សុខមាន

G7 សង្ឃឹមថានឹងបង្ហាញការរួបរួមគ្នាលើអ៊ុយក្រែន ទោះបីជាមានការមើលឃើញទស្សនវិស័យសេដ្ឋកិច្ចងងឹតក៏ដោយ

អ៊ុយក្រែន៖ ក្រុមប្រទេសប្រជាធិបតេយ្យមានឧស្សាហកម្មលូតលាស់ខ្លាំងទាំង៧ នឹងព្យាយាមបង្ហាញការគាំទ្ររយៈពេលវែងរបស់ខ្លួនដល់អ៊ុយក្រែន ក្នុងការប្រយុទ្ធប្រឆាំងនឹងការវាយប្រហាររបស់រុស្ស៊ី នៅក្នុងកិច្ចប្រជុំកំពូលដែលចាប់ផ្តើមនៅថ្ងៃអាទិត្យ បើទោះបីជាឥទ្ធិពលនៃសង្គ្រាមកាន់តែខ្លាំងឡើងលើសេដ្ឋកិច្ចពិភពលោក សាកល្បងការដោះស្រាយរបស់ពួកគេក៏ដោយ។ មេដឹកនាំមកពីសហរដ្ឋអាមេរិក អាល្លឺម៉ង់ បារាំង អង់គ្លេស អ៊ីតាលី កាណាដា និងជប៉ុននឹងពិភាក្សាអំពីមធ្យោបាយក្នុងការរឹតបន្តឹងលើវិមានក្រឹមឡាំង នៅឯកិច្ចប្រជុំកំពូលរយៈពេលបីថ្ងៃនៅ Schloss Elmau ដែលជាសណ្ឋាគារប្រណីតនៅជ្រលងភ្នំ Bavarian ប្រទេសអាល្លឺម៉ង់។ ប៉ុន្តែស្របពេលដែលសង្គ្រាមអូសបន្លាយដល់ខែ៥ ពួកគេនឹងប្រុងប្រយ័ត្នចំពោះទណ្ឌកម្មណាមួយ ដែលអាចធ្វើអោយចក្ខុវិស័យសេដ្ឋកិច្ចពិភពលោកកាន់តែងងឹតថែមទៀត។ ជម្លោះនេះបានបង្កើតឲ្យមានកង្វះស្បៀងអាហារ និងថាមពលរួចហើយ ដែលកំពុងបង្កអតិផរណា និងភាពអត់ឃ្លានសកលកាន់តែខ្លាំង។ការកើនឡើងតម្លៃទំនិញនៅលើទីផ្សារកំពុងប៉ះពាល់ធ្ងន់ធ្ងរ ជាពិសេសនៅភាគខាងត្បូងពិភពលោក ជាតំបន់ដែលប្រទេសនានាកំពុងតស៊ូទប់ទល់ជំងឺរាតត្បាតសកល COVID-19 និងវិបត្តិអាកាសធាតុ។ លោក Chancellor Olaf Scholz បានព្រមានថា បើលោកខាងលិចមិនបង្ហាញសាមគ្គីភាព ជាមួយបណ្ដាប្រទេសភាគខាងត្បូងពិភពលោក ប្រទេសជាច្រើនដែលបានរិះគន់ទណ្ឌកម្មលោកខាងលិចគឺរុស្ស៊ី និងចិននឹងទទួលបានផលប្រយោជន៍៕អត្ថបទ៖ សុខមាន

ក្រុមតាលីបង់៖ កិច្ចខិតខំប្រឹងប្រែងជួយសង្គ្រោះការរញ្ជួយដីបញ្ចប់ហើយ ខណៈអ្នកស្លាប់កើនឡើងដល់ជាង ១.១០០នាក់

អាហ្វហ្គានីស្ថាន៖ ជំនួយបានចាប់ផ្ដើមទៅដល់នៅក្នុងតំបន់ដាច់ស្រយាលមួយរបស់ប្រទេសអាហ្វហ្គានីស្ថាន ជាទីដែលគ្រោះរញ្ជួយដីបានឆក់យកជីវិតមនុស្សយ៉ាងហោចណាស់ ១,១៥០នាក់ ខណៈក្រុមមន្ត្រីតាលីបង់បាននិយាយថា ប្រតិបត្តិការសង្គ្រោះបានបញ្ចប់ហើយ។ ការរញ្ជួយដីកម្រិត ៦.១រ៉ិចទ័របានវាយប្រហារកាលពីព្រឹកថ្ងៃពុធចម្ងាយប្រមាណ ១៦០គីឡូម៉ែត្រពីភាគនិរតីក្រុងកាប៊ុល នៅតាមជើងភ្នំហួតហែងសំបូរទៅដោយសំណង់លំនៅឋានតូចៗ ជិតព្រំដែនប្រទេសប៉ាគីស្ថាន។ លោក Abdul Wahid Rayan មន្ត្រីជាន់ខ្ពស់តាលីបង់ និងជាអគ្គនាយកនៃទីភ្នាក់ងារព័ត៌មានរដ្ឋ Bakhtar បានប្រាប់ទីភ្នាក់ងារ Anadolu កាលពីថ្ងៃព្រហស្បតិ៍ថា យ៉ាងហោចណាស់មនុស្ស ១,៦០០នាក់បានរងរបួសនៅក្នុងការរញ្ជួយដីកម្រិត ៦.១រ៉ិចទ័រដែលបានអង្រួនភាគខាងកើតរបស់ប្រទេសនេះ។ លោកថា លំនៅឋានចំនួន ១,៨០០ខ្នងបានបាក់រលំ។ការប្រាស្រ័យទាក់ទងគ្នាមិនល្អ និងផ្លូវពិបាកធ្វើដំណើរកំពុងរារាំងកិច្ចខិតខំប្រឹងប្រែងផ្តល់ជំនួយ ក្នុងប្រទេសមួយដែលកំពុងប្រឈមនឹងវិបត្តិមនុស្សធម៌ ដែលបានកើនឡើងចាប់តាំងពីក្រុមតាលីបង់បានកាន់កាប់កាលពីខែសីហាឆ្នាំមុន។ លោក Mohammad Ismail Muawiyah អ្នកនាំពាក្យមេបញ្ជាការយោធាជាន់ខ្ពស់របស់តាលីបង់នៅក្នុងខេត្ត Paktika ដែលរងគ្រោះខ្លាំងជាងគេបានប្រាប់ទីភ្នាក់ងារសារព័ត៌មាន Reuters កាលពីថ្ងៃព្រហស្បតិ៍ថា ប្រតិបត្តិការជួយសង្គ្រោះបានបញ្ចប់ ហើយគ្មានអ្នកណាម្នាក់ជាប់នៅក្រោមគំនរបាក់បែកនោះទេ៕អត្ថបទ៖ សុខមាន

រុស្ស៊ីបង្កើនការវាយសន្ធាប់ក្នុងភាគខាងកើតអ៊ុយក្រែន ខណៈក្រុង Kyiv អះអាងជ័យជម្នះខាងនយោបាយ

រុស្ស៊ី៖ នៅក្នុងសប្ដាហ៍ទី១៧ នៃសង្គ្រាមរបស់រុស្ស៊ីនៅក្នុងប្រទេសអ៊ុយក្រែន ទីក្រុង Kyiv បានក្លាយជាបេក្ខភាពរបស់សហភាពអឺរ៉ុប ជាសញ្ញាមួយផ្សេងទៀតងាកឆ្ងាយពីតំបន់នៃឥទ្ធិពលរបស់រុស្ស៊ី។ កាលពីដើមសប្តាហ៍នេះប្រធានាធិបតីលោក Volodymyr Zelenskyy បានចុះហត្ថលេខាលើច្បាប់ស្របនឹងអនុសញ្ញាទីក្រុងអ៊ីស្តង់ប៊ុល ស្តីពីការទប់ស្កាត់អំពើហិង្សាលើស្ត្រី ដែលជាផ្នែកមួយនៃកិច្ចខិតខំប្រឹងប្រែងការទូតកាន់តែទូលំទូលាយ ដើម្បីទទួលបានការឯកភាពគ្នាសម្រាប់បេក្ខភាពអ៊ុយក្រែន មុនពេលកិច្ចប្រជុំកំពូល EU ដែលប្រព្រឹត្តទៅនៅថ្ងៃព្រហស្បតិ៍ និងថ្ងៃសុក្រ។ សមាជិកសំខាន់ៗរបស់សហភាពអឺរ៉ុបមានប្រទេសអាល្លឺម៉ង់ បារាំង និងអ៊ីតាលីបាននិយាយរួចមកហើយថា ពួកគេនឹងគាំទ្របេក្ខភាពរបស់អ៊ុយក្រែន។ ទន្ទឹមនឹងនេះដែរ ប្រទេសរុស្ស៊ីកំពុងបង្កើនសម្ពាធដើម្បីយកជ័យជម្នះក្នុងសមរភូមិប្រយុទ្ធ ដែលនឹងបំបាក់ជ័យជម្នះនយោបាយរបស់លោកខាងលិច។ចារកម្មអ៊ុយក្រែនបានលើកឡើងថា កងកម្លាំងរុស្ស៊ីនឹងសម្រុកវាយរុលទៅមុខដណ្ដើមទីក្រុង Severdonetsk និងទីក្រុង Lysychansk នៅជាប់គ្នានោះ ដែលជាទីក្រុងសេរីនៅចុងខាងកើតផុតនៅត្រឹមថ្ងៃទី២៦ ខែមិថុនា។ ក្រុមអ្នកការពារជាតិអ៊ុយក្រែនប្រមាណ ២,៥០០នាក់នៅតែជាប់ក្នុងរោងចក្រគីមី Azot នៅទីក្រុង Severdonetsk៕អត្ថបទ៖ សុខមាន

រញ្ជួយដីនៅអាហ្វហ្គានីស្ថាន ក្រុមតាលីបង់អំពាវនាវរកជំនួយអន្តរជាតិ ខណៈអ្នកស្លាប់កើនឡើងជាង ១ពាន់នាក់

អាហ្វហ្គានីស្ថាន៖ ក្រុមតាលីបង់ក្នុងប្រទេសអាហ្វហ្គានីស្ថាន បានអំពាវនាវឱ្យមានការគាំទ្រពីអន្តរជាតិ ខណៈប្រទេសនេះដោះស្រាយគ្រោះមហន្តរាយរញ្ជួយដីកម្រិត 6.1រ៉ិចទ័រ។ មន្ត្រីក្នុងតំបន់បាននិយាយថា មនុស្សជាង 1,000នាក់បានស្លាប់ និងយ៉ាងហោចណាស់ 1,500នាក់បានរងរបួសដោយការរញ្ជួយដី។ ខេត្ត Paktika នៅភាគអាគ្នេយ៍បានរងផលប៉ះពាល់ខ្លាំងបំផុត។ អង្គការសហប្រជាជាតិកំពុងព្យាយាមផ្តល់ទីជំរក និងជំនួយស្បៀងអាហារសង្គ្រោះបន្ទាន់។ កិច្ចខិតខំជួយសង្គ្រោះកំពុងត្រូវបានរារាំងដោយភ្លៀង និងព្រិលធ្លាក់ខ្លាំង។ ការរញ្ជួយដីខ្លាំងបំផុតដែលបានវាយប្រហារប្រទេសអាហ្វហ្គានីស្ថាន ក្នុងរយៈពេលពីរទសវត្សមកនេះគឺជាបញ្ហាប្រឈមធំសម្រាប់ក្រុមតាលីបង់ ជាចលនាអ៊ីស្លាមនិយមដែលបានដណ្តើមអំណាចកាលពីឆ្នាំមុន បន្ទាប់ពីរដ្ឋាភិបាលគាំទ្រដោយប្រទេសលោកខាងលិចបានដួលរលំ។ លោក Abdul Qahar Balkhi មន្ត្រីជាន់ខ្ពស់ក្រុមតាលីបង់បាននិយាយថា គួរឱ្យសោកស្ដាយដែលរដ្ឋាភិបាលស្ថិតនៅក្រោមការដាក់ទណ្ឌកម្ម ដូច្នេះផ្នែកហិរញ្ញវត្ថុមិនអាចជួយប្រជាជនក្នុងកម្រិតដែលត្រូវការបាននោះទេ។ជំនួយចាំបាច់ត្រូវបង្កើន ព្រោះនេះគឺជាការរញ្ជួយដីខ្លាំងដែលមិនធ្លាប់មានពីមុនមក ក្នុងរយៈពេលជាច្រើនទសវត្សរ៍មកនេះ។ ចំនួនមនុស្សជាប់នៅក្រោមគំនរបាក់បែកនៅមិនទាន់ដឹងច្បាស់នៅឡើយ។ បុគ្គលិកសុខាភិបាល និងបុគ្គលិកផ្តល់ជំនួយបាននិយាយថា ប្រតិបត្តិការជួយសង្គ្រោះមានការលំបាក ជាពិសេសដោយសារភ្លៀងធ្លាក់ខ្លាំង។ នៅតំបន់ដាច់ស្រយាល ឧទ្ធម្ភាគចក្របានកំពុងដឹកជនរងគ្រោះទៅកាន់មន្ទីរពេទ្យ។ អង្គការសហប្រជាជាតិ និងទីភ្នាក់ងារផ្តល់ជំនួយនៅក្នុងប្រទេសប៉ាគីស្ថានដែលនៅជិតខាង កំពុងជួយដល់កិច្ចខិតខំប្រឹងប្រែងមនុស្សធម៌ ដែលរួមមានការដាក់ពង្រាយក្រុមគ្រូពេទ្យ និងការផ្តល់ការផ្គត់ផ្គង់ផ្នែកវេជ្ជសាស្ត្រ៕អត្ថបទ៖ ប៊ុនថន

លោក Xi រិះគន់ការយកទណ្ឌកម្មធ្វើជាអាវុធប្រហារសេដ្ឋកិច្ចសកលនៅឱកាសបើកកិច្ចប្រជុំកំពូល BRICS

ចិន៖ ប្រធានាធិបតីចិនលោក Xi Jinping បានរិះគន់ការដាក់ទណ្ឌកម្មដែលធ្វើឱ្យប៉ះពាល់ខ្លាំងដល់សេដ្ឋកិច្ចពិភពលោក នៅក្នុងសុន្ទរកថាចាប់ផ្តើមកិច្ចប្រជុំកំពូល ៥ប្រទេសហៅកាត់ថា BRICS នៅឆ្នាំនេះ ខណៈដែលលោកព្យាយាមពង្រឹងទំនាក់ទំនងជាមួយទីផ្សារដែលកំពុងរីកចម្រើន បន្ទាប់ពីទំនាក់ទំនងល្អក់កករជាមួយលោកខាងលិច។ លោក Xi បានរិះគន់លោកខាងលិចជុំវិញការដាក់ទណ្ឌកម្មប្រឆាំងនឹងប្រទេសរុស្ស៊ី ដោយព្រមានថា ការយកផ្នែកហិរញ្ញវត្ថុធ្វើជាអាវុធនឹងនាំគ្រោះមហន្តរាយដល់មនុស្សនៅទូទាំងពិភពលោក។ ដោយមិនបញ្ចេញឈ្មោះសហរដ្ឋអាមេរិក លោក Xi បាននិយាយថា សហគមន៍អន្តរជាតិព្រួយបារម្ភថា សេដ្ឋកិច្ចពិភពលោកនឹងបំបែកទៅជាតំបន់ផ្តាច់មុខរៀងខ្លួន ហើយបានអំពាវនាវឱ្យពិភពលោកប្រយុទ្ធប្រឆាំងនឹងអនុត្តរភាពនៃប្រទេសណាមួយ។ តាមការចុះផ្សាយរបស់ទីភ្នាក់ងារព័ត៌មានស៊ីនហួរ លោក Xi បានប្រាប់វេទិកាធុរកិច្ច BRICS តាមវីដេអូកាលពីថ្ងៃពុធថា ការយកសេដ្ឋកិច្ចពិភពលោកមកធ្វើជារឿងនយោបាយ ធ្វើជាឧបករណ៍ ធ្វើជាអាវុធ ដោយប្រើប្រាស់មូលដ្ឋានដ៏មានឥទ្ធិពលនៅក្នុងប្រព័ន្ធហិរញ្ញវត្ថុសកល ក្នុងការបង្កើនទណ្ឌកម្មបានត្រឹមតែធ្វើឱ្យអ្នកដទៃឈឺចាប់ រួមទាំងខ្លួនឯង ដែលធ្វើឱ្យប្រជាពលរដ្ឋជុំវិញពិភពលោករងគ្រោះ។ជំនួបកំពូលតាមវីដេអូដែលទីក្រុងប៉េកាំងកំពុងធ្វើជាម្ចាស់ផ្ទះក្នុងសប្តាហ៍នេះ គ្រោងនឹងនាំមានជំនួបរវាងលោក Xi, ប្រធានាធិបតីរុស្ស៊ីលោក Vladimir Putin, នាយករដ្ឋមន្ត្រីឥណ្ឌាលោក Narendra Modi, ប្រធានាធិបតីអាហ្វ្រិកខាងត្បូងលោក Cyril Ramaphosa និងប្រធានាធិបតីប្រេស៊ីលលោក Jair Bolsonaro។ ជំនួបកំពូលដែលនឹងចាប់ផ្ដើមនៅថ្ងៃព្រហស្បតិ៍នេះនឹងផ្ដល់ឱកាសឲ្យលោក Xi និងលោក Putin ពង្រីកចក្ខុវិស័យរបស់មេដឹកនាំទាំង២ អំពីសណ្តាប់ធ្នាប់ពិភពលោក ក្រោយបានប្រកាសពីមិត្តភាពគ្មានដែនកំណត់ មុនពេលដែលរុស្ស៊ីវាយលុកអ៊ុយក្រែន៕អត្ថបទ៖ សុខមាន

រុស្ស៊ីនិយាយថា លោកខាងលិចកំពុងបំប៉ោងព័ត៌មានអំពីការបង្កឲ្យមានវិបត្តិស្បៀងអាហារពិភពលោក

រុស្ស៊ី៖ កាលពីថ្ងៃពុធរុស្ស៊ីបានអះអាងថា លោកខាងលិចកំពុងបំប៉ោងព័ត៌មានមិនពិតអំពីដើមចមបង្កឲ្យមានវិបត្តិស្បៀងអាហារសកល ដែលក្រុង Moscow និយាយថា ត្រូវបានបង្កឡើងដោយទណ្ឌកម្មដែលបានដាក់លើប្រទេសរុស្ស៊ីពីសំណាក់សហរដ្ឋអាមេរិក និងសហភាពអឺរ៉ុបព្រោះការវាយលុកលើអ៊ុយក្រែន។ ក្រៅតែពីការស្លាប់ និងការបំផ្លិចបំផ្លាញកើតចេញពីការវាយប្រហាររបស់រុស្ស៊ី សង្គ្រាម និងការប៉ុនប៉ងពីលោកខាងលិចក្នុងការបំផ្លាញសេដ្ឋកិច្ចរបស់រុស្ស៊ីជាការដាក់ទោសនោះ បានធ្វើឲ្យតម្លៃគ្រាប់ធញ្ញជាតិ ប្រេងឆា ជីកសិកម្ម និងថាមពលហក់ឡើងខ្ពស់កប់ពពក ដែលធ្វើឲ្យប៉ះពាល់ដល់កំណើនសេដ្ឋកិច្ចសកល។ អ្នកនាំពាក្យក្រសួងការបរទេសរុស្ស៊ីលោកស្រី Zakharova បានប្រាប់ក្រុមអ្នកសារព័ត៌មាននៅក្នុងទីក្រុង Moscow ថា លោកស្រីមិនសប្បាយចិត្តនឹងសេចក្ដីថ្លែងការណ៍ដដែលៗរបស់លោកខាងលិចដែលថា រុស្ស៊ីជាដើមចមឲ្យមានវិបត្តិស្បៀងអាហារសកល។ លោកស្រីបាននិយាយថា វាជាការកុហក ការចោទប្រកាន់ទាំងនេះគឺជាសម្ដីកុហកទាំងស្រុង។ ដូច្នេះលោកខាងលិចអាចផ្គត់ផ្គង់អាវុធទាំងអស់នោះទៅកាន់អ៊ុយក្រែន ប៉ុន្តែពុំមានហេតុផលដែលអាចកើតចេញពីអ៊ុយក្រែនបាន?៕អត្ថបទ៖ សុខមាន

សម្ដេចតេជោ ហ៊ុន សែន ទទួលជួបពិភាក្សាការងារជាមួយរដ្ឋមន្ត្រីការពារជាតិឥណ្ឌូនេស៊ី

ភ្នំពេញ ៖ នៅវិមានសន្តិភាព នារសៀលថ្ងៃទី ២២ ខែមិថុនា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ ឯកឧត្តម ប្រាបូវ៉ូ ស៊ូប៊ីអានតូ Prabowo Subianto រដ្ឋមន្ត្រីការពារជាតិឥណ្ឌូនេស៊ី។ នៅក្នុងជំនួបនេះឯកឧត្តមបានគោរពពនាំនូវការផ្តាំផ្ញើសួរសុខទុក្ខពីឯកឧត្តមប្រធានាធិបតី ជូនចំពោះសម្ដេចតេជោ ហើយក៏បានសម្ដែងការអបអរសាទរជូនចំពោះសម្ដេចតេជោ ដែលបានដឹកនាំព្រះរាជាណាចក្រកម្ពុជា ឆ្ពោះមកកាន់ការអភិវឌ្ឍយ៉ាងឆាប់រហ័ស។ ឯកឧត្តម ប្រាបូវ៉ូ បានមានប្រសាសន៍ថា ឯកឧត្តម បានមកកាន់ព្រះរាជាណាចក្រកម្ពុជា កាលពី ៥ឆ្នាំមុនហើយពេលនេះ កម្ពុជា បានប្រែក្លាយទៅជាប្រទេសអភិវឌ្ឍន៍ដ៏ស្រស់បំព្រងមួយ។ លើសពីនោះទៀត ឯកឧត្តម ប្រាបូវ៉ូ បានគោរពជម្រាបជូនសម្ដេចតេជោថា ឯកឧត្តម បានជួបជាមួយឯកឧត្តមអគ្គមេបញ្ជាការកងទ័ពពិសេស ៩១១ និងបានពិភាក្សាលើកិច្ចសហប្រតិបត្តិការដែលក្នុងនោះ ឯកឧត្តម បានសម្រេចផ្ដល់អាហារូបករណ៍ដល់សិស្សទាហានកម្ពុជា ទៅសិក្សានៅសាលាការពារជាតិឥណ្ឌូនេស៊ី លើវិស័យពេទ្យ, វិស័យវិស្វកម្ម និងវិស័យគណិតសាស្ត្រ និងវិទ្យាសាស្ត្រ ។ឯកឧត្តម ប្រាបូវ៉ូ ក៏បានជួបពិភាក្សាជាមួយឯកឧត្តម ប្រធានគណៈកម្មការជាតិអូឡាំពិកកម្ពុជាផងដែរ ហើយក៏បានចុះអនុស្សរណៈយោគយល់គ្នា ក្នុងការបង្ហាត់កីឡាបញ្ចសីលាដល់កម្ពុជា និងកម្ពុជា បង្ហាត់កីឡាល្បុក្កតោដល់ឥណ្ឌូណេស៊ី ក្នុងន័យនេះ ឯកឧត្តម ប្រាបូវ៉ូ សូមគោរពសុំការគាំទ្រពីសម្ដេចតេជោ នាយករដ្ឋមន្ត្រី ។ ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណចំពោះឯកឧត្តម ប្រាបូវ៉ូ ដែលបាននាំនូវការផ្តាំផ្ញើសួរសុខទុក្ខពីឯកឧត្តមប្រធានាធិបតីជូនចំពោះសម្ដេច ។ សម្ដេចតេជោ នាយករដ្ឋមន្ត្រី ក៏បានវាយតម្លៃខ្ពស់ ចំពោះកិច្ចសហប្រតិបត្តិការរវាងកងទ័ពឥណ្ឌូនេស៊ី និងកម្ពុជា ហើយសម្ដេច បានថ្លែងអំណរគុណចំពោះឯកឧត្តម ប្រាបូវ៉ូ ដែលបានផ្ដល់អាហារូបករណ៍ដល់សិស្សទាហានកម្ពុជា ទៅសិក្សានៅឥណ្ឌូនេស៊ី និងបង្ហាត់ក្បាច់បញ្ចសីលាដល់កីឡាករកម្ពុជា ។ សម្តេចតេជោ ហ៊ុន សែន ក៏បានគាំទ្រចំពោះការបង្ហាត់ក្បាច់ល្បុក្កតោកម្ពុជា ជូនដល់កីឡាករឥណ្ឌូនេស៊ី ផងដែរ ។ សម្ដេចតេជោ បានមានប្រសាសន៍ទៀតថានេះជាវប្បធម៌នៃកិច្ចសហប្រតិបត្តិការរវាងកងទ័ពទាំងពីរ កម្ពុជា-ឥណ្ឌូនេស៊ី ៕

លោក Putin និយាយថា លោកនឹងធ្វើទំនើបកម្មយោធារុស្ស៊ី

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃអង្គារថា ប្រទេសរុស្ស៊ីនឹងពង្រឹងយោធារបស់ខ្លួនដោយយកមកពិចារណាពីការគំរាម និងហានិភ័យផ្នែកយោធាដ៏មានសក្តានុពល។ ប្រធានាធិបតីរុស្ស៊ីបានធ្វើសេចក្តីថ្លែងការណ៍នេះ ខណៈថ្លែងទៅកាន់និស្សិតបញ្ចប់ការសិក្សាផ្នែកយោធានៅទីក្រុងមូស្គូ។ លោកបាននិយាយទៅកាន់និស្សិតបញ្ចប់ការសិក្សាផ្នែកយោធានៅវិមានក្រឹមឡាំងថា ក្នុងចំណោមវិស័យអាទិភាពគឺការបំពាក់ឱ្យកងទ័ពជាមួយនឹងប្រព័ន្ធសព្វាវុធថ្មី ដែលនឹងកំណត់ប្រសិទ្ធភាពប្រយុទ្ធរបស់កងទ័ព និងកងទ័ពជើងទឹកក្នុងរយៈពេលប៉ុន្មានឆ្នាំ និងទសវត្សរ៍ខាងមុខនេះ។ លោក Putin បានបញ្ជាក់ថា កងទ័ពរុស្ស៊ីបានចាប់ផ្តើមទទួលបានរួចហើយប្រព័ន្ធការពារប្រឆាំងមីស៊ីលបាលីស្ទិក និងប្រឆាំងយន្តហោះចម្បាំង S-500។ លោកនិយាយថា ប្រព័ន្ធមីស៊ីលបាលីស្ទិកអន្តរទ្វីប Sarmat ដំបូងនឹងត្រូវបានដាក់ក្នុងកាតព្វកិច្ចប្រយុទ្ធនៅក្នុងប្រទេសរុស្ស៊ីនៅចុងឆ្នាំ២០២២។ លោកប្រធានាធិបតីរុស្ស៊ីអះអាងថា គ្មានការសង្ស័យនោះទេថា ប្រទេសនេះកាន់តែខ្លាំង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

របាយការណ៍៖ ឧត្តមសេនីយ៍ជាន់ខ្ពស់របស់លោក Trump ស្វែងរកផ្លូវចេញពីសង្គ្រាមអ៊ីរ៉ង់ ខណៈជម្រើសយោធាចង្អៀត

អាមេរិកប្រកាសកញ្ចប់សន្តិសុខ ១ពាន់លានដុល្លារ សម្រាប់កូឡុំប៊ី ខណៈប្រធានាធិបតីថ្មីចូលកាន់តំណែង

មនុស្សជាច្រើននាក់ ត្រូវបានសម្លាប់នៅអ៊ុយក្រែន ខណៈទីក្រុងមូស្គូ និងទីក្រុងគីវ វាយប្រហារហេដ្ឋារចនាសម្ព័ន្ធគ្នាទៅវិញទៅមក

អង្គការសហប្រជាជាតិព្រមានថាសង្រ្គាមស៊ីវិលស៊ូដង់ បានគំរាមកំហែងដល់អនាគតជំនាន់ទាំងមូល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UN អំពាវនាវឲ្យចាត់វិធានការបញ្ឈប់អំពើហិង្សានៅមីយ៉ាន់ម៉ា ខណៈអ្នកស្លាប់ក្រោយរដ្ឋប្រហារឡើងដល់ជាង ២ពាន់នាក់

អង្គការសុខភាពពិភពលោកពិចារណាប្រកាសជំងឺអុតស្វាជាគ្រាអាសន្នសុខភាពសកល

G7 សង្ឃឹមថានឹងបង្ហាញការរួបរួមគ្នាលើអ៊ុយក្រែន ទោះបីជាមានការមើលឃើញទស្សនវិស័យសេដ្ឋកិច្ចងងឹតក៏ដោយ

ក្រុមតាលីបង់៖ កិច្ចខិតខំប្រឹងប្រែងជួយសង្គ្រោះការរញ្ជួយដីបញ្ចប់ហើយ ខណៈអ្នកស្លាប់កើនឡើងដល់ជាង ១.១០០នាក់

រុស្ស៊ីបង្កើនការវាយសន្ធាប់ក្នុងភាគខាងកើតអ៊ុយក្រែន ខណៈក្រុង Kyiv អះអាងជ័យជម្នះខាងនយោបាយ

រញ្ជួយដីនៅអាហ្វហ្គានីស្ថាន ក្រុមតាលីបង់អំពាវនាវរកជំនួយអន្តរជាតិ ខណៈអ្នកស្លាប់កើនឡើងជាង ១ពាន់នាក់

លោក Xi រិះគន់ការយកទណ្ឌកម្មធ្វើជាអាវុធប្រហារសេដ្ឋកិច្ចសកលនៅឱកាសបើកកិច្ចប្រជុំកំពូល BRICS

រុស្ស៊ីនិយាយថា លោកខាងលិចកំពុងបំប៉ោងព័ត៌មានអំពីការបង្កឲ្យមានវិបត្តិស្បៀងអាហារពិភពលោក

សម្ដេចតេជោ ហ៊ុន សែន ទទួលជួបពិភាក្សាការងារជាមួយរដ្ឋមន្ត្រីការពារជាតិឥណ្ឌូនេស៊ី

លោក Putin និយាយថា លោកនឹងធ្វើទំនើបកម្មយោធារុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក​ពិចារណា​ប្រកាស​ជំងឺ​អុត​ស្វា​ជា​គ្រាអាសន្ន​សុខភាព​សកល​

រុស្ស៊ី​បង្កើន​ការ​វាយ​សន្ធាប់​ក្នុង​ភាគ​ខាងកើត​អ៊ុយ​ក្រែ​ន ខណៈ​ក្រុង Kyiv អះអាង​ជ័យជម្នះ​ខាង​នយោបាយ​

លោក Xi រិះគន់​ការ​យក​ទណ្ឌកម្ម​ធ្វើជា​អាវុធ​ប្រហារ​សេដ្ឋកិច្ច​សកល​នៅ​ឱកាស​បើក​កិច្ចប្រជុំ​កំពូល BRICS

រុស្ស៊ី​និយាយថា លោកខាងលិច​កំពុង​បំប៉ោង​ព័ត៌មាន​អំពី​ការបង្ក​ឲ្យ​មាន​វិបត្តិ​ស្បៀងអាហារ​ពិភពលោក

សម្ដេចតេជោ ហ៊ុន សែន ទទួលជួបពិភាក្សាការងារជាមួយរដ្ឋមន្ត្រីការពារជាតិឥណ្ឌូនេស៊ី

លោក Putin និយាយថា លោក​នឹងធ្វើ​ទំនើបកម្ម​យោធា​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកពិចារណាប្រកាសជំងឺអុតស្វាជាគ្រាអាសន្នសុខភាពសកល

រុស្ស៊ីបង្កើនការវាយសន្ធាប់ក្នុងភាគខាងកើតអ៊ុយក្រែន ខណៈក្រុង Kyiv អះអាងជ័យជម្នះខាងនយោបាយ

លោក Xi រិះគន់ការយកទណ្ឌកម្មធ្វើជាអាវុធប្រហារសេដ្ឋកិច្ចសកលនៅឱកាសបើកកិច្ចប្រជុំកំពូល BRICS

រុស្ស៊ីនិយាយថា លោកខាងលិចកំពុងបំប៉ោងព័ត៌មានអំពីការបង្កឲ្យមានវិបត្តិស្បៀងអាហារពិភពលោក

លោក Putin និយាយថា លោកនឹងធ្វើទំនើបកម្មយោធារុស្ស៊ី