BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

អង្គការសហប្រជាជាតិនិយាយថា ជនស៊ីវិលជាង ៣៧០០នាក់ស្លាប់ក្នុងការវាយប្រហារពីរុស្ស៊ីនៅអ៊ុយក្រែន

អ៊ុយក្រែន៖ ការិយាល័យឧត្ដមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិ ឬ OHCHR និយាយថា គិតត្រឹមថ្ងៃអង្គារសប្ដាហ៍នេះ ជនស៊ីវិលយ៉ាងហោចណាស់ 3,778នាក់បានស្លាប់ក្នុងប្រទេសអ៊ុយក្រែន ចាប់តាំងពីការវាយលុករបស់រុស្ស៊ីបានចាប់ផ្ដើមកាលពីថ្ងៃទី24 ខែកុម្ភៈ។ ទិន្នន័យនេះរួមទាំងកុមារចំនួន 251នាក់ផងដែរ។ ការិយាល័យឧត្ដមស្នងការទទួលបន្ទុកសិទ្ធិមនុស្ស របស់អង្គការសហប្រជាជាតិខាងលើនិយាយថា មនុស្សស្លាប់ចំនួន 2,070នាក់នៅក្នុងតំបន់ភាគខាងកើត Donetsk និង Luhansk ចំណែកអ្នកស្លាប់ចំនួន 1,708នាក់នៅក្នុងតំបន់នានារួមទាំងរដ្ឋធានី Kyiv ទីក្រុង Kharkiv នៅក្នុងតំបន់ភាគខាងកើត និងកន្លែងផ្សេងទៀត។ អង្គការនេះក៏បាននិយាយផងដែរថា ជនស៊ីវិលចំនួន 4,186នាក់បានរងរបួស។ ទីភ្នាក់ងារដដែលនេះនិយាយថា ខ្លួនជឿថា ចំនួនអ្នកស្លាប់ និងរបួសពិតប្រាកដមានចំនួនខ្ពស់ជាងនេះ។ ទីភ្នាក់ងារនេះបានលើកឡើងពីការលំបាក ក្នុងការបញ្ជាក់ពីរបាយការណ៍ផ្សេងៗពីទីក្រុង Mariupol នៅក្នុងភាគខាងកើត និងតំបន់ផ្សេងៗរបស់ប្រទេសអ៊ុយក្រែន។ យោងតាមអង្គការសហប្រជាជាតិឲ្យដឹងថា មនុស្សជិត 13លាននាក់ត្រូវគេជឿថាបានភៀសខ្លួនចេញពីផ្ទះសម្បែង ក្នុងប្រទេសអ៊ុយក្រែនចាប់តាំងពីជម្លោះបានចាប់ផ្ដើម។មនុស្សជាង 6លាននាក់បានភៀសខ្លួនចូលទៅក្នុងប្រទេសជិតខាង និងយ៉ាងហោចណាស់ 6.5លាននាក់ផ្សេងទៀត ត្រូវគេគិតថា បានភៀសខ្លួននៅក្នុងប្រទេសរងការហែកហួរដោយសង្គ្រាមមួយនេះ។ អង្គការសហប្រជាជាតនិយាយថា គិតត្រឹមថ្ងៃទី១៧ ខែឧសភា មនុស្សប្រមាណ 6.3លាននាក់បានភៀសខ្លួនចេញពីអ៊ុយក្រែនចូលទៅប្រទេសជាច្រើនដូចជាប៉ូឡូញចំនួន 3,396,792នាក់, រ៉ូម៉ានីចំនួន 930,341នាក់, រុស្ស៊ីចំនួន 863,086នាក់, ហុងគ្រីចំនួន 615,256នាក់, ម៉ុលដូវ៉ាចំនួន 465,435នាក់, ស្លូវ៉ាគីចំនួន 426,605នាក់ និងបេឡារុសចំនួន 27,308នាក់៕អត្ថបទ៖ សុខមាន

ឯកឧត្ដម វង សូត ៖ គណបក្សប្រជាជនកម្ពុជាបានសង្គ្រោះជាតិឲ្យរស់ឡើងវិញ និងបន្តអភិវឌ្ឍន៍ប្រទេសជាតិ

ត្បូងឃ្មុំ៖ ឯកឧត្ដម វង សូត ថ្លែងថា បច្ចុប្បន្ននេះ មេីលឃេីញយ៉ាងច្បាស់ នូវការដឹកនាំប្រទេស និងគុណបំណាច់ដ៏មហាធំធេងរបស់សម្តេចតេជោ ហ៊ុន សែន និងគណបក្សប្រជាជនកម្ពុជា បានសង្គ្រោះជាតិឲ្យរស់ឡើងវិញ រួចផុតពីរបបប្រល័យពូជសាសន៍ ប៉ុល ពត មកដល់សព្វមានភាពសុខសាន្តពេញផ្ទៃប្រទេស។ ការថ្លែងបែបនេះក្នុងពេលដែរ ឯកឧត្ដម វង សូត រដ្ឋមន្ត្រីក្រសួងសង្គមកិច្ចអតីតយុទ្ធជន និងយុវនីតិសម្បទា និងជាប្រធានក្រុមការងារថ្នាក់ជាតិចុះជួយស្រុកពញាក្រែក ខេត្តត្បូងឃ្មុំ និងឃុំជាចស្រុកកំចាយមារ ខេត្តព្រៃវែង និងលោកជំទាវ បានអញ្ជេីញជាគណៈអធិបតី ក្នុងពិធីសម្ភោធដាក់ឲ្យប្រេីប្រាស់ជាផ្លូវការនូវសាលាបាលី និងសមិទ្ធផលនានាក្នុងវត្តសុវណ្ណរាម ហៅវត្តក្រែក ស្ថិតក្នុងភូមិក្រែកត្បូងឃ្មុំ ឃុំក្រែក ស្រុកពញាក្រែក ខេត្តត្បូងឃ្មុំ នាព្រឹកថ្ងៃទី១៩ ខែឧសភា ឆ្នាំ២០២២នេះ។ឯកឧត្ដម បានបន្តទៀតថា រាជរដ្ឋាភិបាលកម្ពុជា បានទប់ស្កាត់មិនឲ្យរបបដ៏យង់ឃ្នង ប្រល័យពូជសាសន៍ ប៉ុលពត វិលត្រឡប់មកវិញ និងបានផ្តល់សិទ្ធិសេរីភាពគ្រប់យ៉ាង សេចក្ដីថ្លៃថ្នូរ និងស្តារអភិវឌ្ឍន៍សមិទ្ធផលថ្មីៗជាបន្តបន្ទាប់ទៀត។ជាក់ស្ដែង សាលាបាលី ដែលត្រូវសម្ភោធដាក់ឲ្យប្រេីប្រាស់នៅពេលនេះ អស់ជិត៣០ម៉ឺនដុល្លារសហរដ្ឋអាមេរិក ថែមទាំង វិស័យពុទ្ធិចក្រមានសមិទ្ធផលនានាដែលកំពុងរីកចម្រើន ទាំងអស់នេះគឺកេីតចេញពីកត្តាសន្តិភាព។ ឯកឧត្ដម វង សូត ជម្រុញដល់បងប្អូនប្រជាពលរដ្ឋត្រូវចូលរួមការពារ និងថែរទាំសុខភាព តាមគ្រួសារឲ្យល្អ ហេីយកុំភ្លេចទៅទទួលវ៉ាក់សាំងបង្ការជំងឺកូវីដ-១៩ពីរាជរដ្ឋាភិបាលកម្ពុជាបន្ថែមទៀត ប្រសិនបេីបងប្អូនបានចាក់ដូសទី១ ដូសទី២រួច ត្រូវទៅបន្តចាក់ដូសជំរុញបន្តទៀត ដេីម្បីទប់ស្កាត់ បង្ការការពារជម្ងឺដ៍កាចសាហាវនេះ។ ទន្ទឹមនឹងនេះដែរ ឯកឧត្ដម វង សូត បានអំពាវនាវដល់ប្រជាពលរដ្ឋទាំងអស់ មានសិទ្ធិ ជ្រើសរើសជីវភាពនយោបាយ ទៅតាមការពេញចិត្ត និងទៅបោះឆ្នោតជ្រើសរើស ក្រុមប្រឹក្សាសង្កាត់អាណត្តិទី៥ នៅថ្ងៃទី៥ ខែឧសភា ឆ្នាំ២០២២ ខាងមុខនេះឲ្យបានគ្រប់ៗគ្នា៕

ឯកឧត្ដម ឧបនាយករដ្ឋមន្ត្រី ជា សុផារ៉ា តំណាងសម្តេចតេជោ ហ៊ុន សែន សម្ពោធដាក់ឱ្យដំណើរការសួនរុក្ខជាតិអង្គរជាផ្លូវការ

សៀមរាប៖ ឯកឧត្ដម ជា សុផារ៉ា ឧបនាយករដ្ឋមន្ដ្រី រដ្ឋមន្រ្ដីក្រសួងរៀបចំដែនដី នគររូបនីយកម្ម និងសំណង់ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី បានសម្ពោធដាក់ឱ្យដំណើរការសួនរុក្ខជាតិអង្គរជាផ្លូវការ នៅព្រឹកថ្ងៃទី១៩ ខែឧសភា ឆ្នាំ២០២២នេះ។សួនរុក្ខជាតិអង្គរ មានឈ្មោះដើមជាសួនគ្រឿងទេស បង្កើតឡើងពីឆ្នាំ ២០០៥ កាលណោះមានផ្ទៃដីប្រមាណ២ហិកតាប៉ុណ្ណោះ ប៉ុន្ដែចាប់ពីឆ្នាំ២០១៨មក សួននេះត្រូវបានរៀបចំកែលម្អ និងពង្រីករហូតដល់ជាង ១៥ហិកតា ក្រោមការឧបត្ថម្ភ និងគំនិតផ្តួចផ្តើមរបស់ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់ ក្នុងគោលបំណងចង់ឃើញសួនមានភាពទាក់ទាញ និងសក្តានុពលខ្លាំងជាងមុន សម្រាប់ជាប្រយោជន៍ប្រជាជន និងទេសចរជាតិ-អន្តរជាតិ។សួនរុក្ខជាតិអង្គរនេះ ត្រូវបានរៀបចំជា ៥សួនធំៗប្លែកពីគ្នា។ ទី១ សួនគ្រឿងទេស និងសួនឱសថ ដែលប្រមូលផ្តុំរុក្ខជាតិឱសថចម្រុះជាច្រើន ដែលដូនតាខ្មែរ ឬប្រជាពលរដ្ឋមានជំនឿយកទៅព្យាបាលរោគផ្សេងៗ រួមនិងដំណាំយកធ្វើជាគ្រឿងទេសដាំស្ល។ ទី២ សួនផ្កាស្មៅ និងផ្កាចម្រុះ ប្រមូលផ្តុំនូវផ្កាចម្រុះតាមរដូវកាល និងផ្កាស្មៅ។ ទី៣ សួនអំបូរត្នោត រួមមាន ដើមប្រង់ ស្លា ល្មើ ដូងប្រេង។ល។ ទី៤ សួនខ្មែរ ប្រមូលផ្តុំរុក្ខជាតិហូបផ្លែច្រើនមុខ ហើយក្នុងនោះក៏មានការរៀបចំជាស្រែខ្នាតតូច និងការរចនាបែបខ្មែរផងដែរ។ និងទី៥ សួនព្រៃឈើ និងសត្វព្រៃអង្គរ ដែលជាផ្នែកមួយធំនៃព្រៃឈើអង្គរ ប្រមូលផ្តុំដោយដើមឈើប្រណិត សត្វព្រៃ និងសត្វចិញ្ចឹមមួយចំនួន ដើម្បីទាក់ទាញទេសចរ។ ក្រៅពីរុក្ខជាតិខាងលើនេះ សួននេះក៏រៀបចំជាកូនភ្នំតូចៗ ទឹកធ្លាក់ ការបាញ់ទឹក និងការរចនាផ្សេងៗ ដើម្បីទាក់ទាញផងដែរ៕

រុស្ស៊ី៖ ក្រុមយុទ្ធជននៅទីក្រុង Mariupol ជិត ៧០០នាក់ទៀតបានប្រគល់ខ្លួន ខណៈថ្នាក់ដឹកនាំមួយចំនួននៅតែបន្តពួនសំងំ

រុស្ស៊ី៖ រុស្ស៊ីបាននិយាយកាលពីថ្ងៃពុធថា ក្រុមយុទ្ធជនអ៊ុយក្រែនជិត ៧០០នាក់ទៀតបានទម្លាក់អាវុធចុះប្រគល់ខ្លួននៅរោងចក្រផលិតដែកថែបក្នុងទីក្រុង Mariupol ក្នុងរយៈពេល ២៤ម៉ោងកន្លងមក ប៉ុន្តែមានសេចក្ដីរាយការណ៍ថា ក្រុមមេដឹកនាំនៅតែបន្តលាក់ខ្លួននៅខាងក្នុង ជាការពន្យារពេលចុងបញ្ចប់នៃការវាយប្រយុទ្ធគ្នាដ៏បង្ហូរឈាមយូរបំផុត របស់អឺរ៉ុប រយៈកាលជាច្រើនទសវត្សរ៍មកនេះ។ ប្រទេសហ្វាំងឡង់ និងស៊ុយអែតបានដាក់ពាក្យជាផ្លូវការចូលជាសមាជិកអង្គការណាតូ ដែលនាំមកនូវការពង្រីកឥទ្ធិពលយោធាយ៉ាងខ្លាំងដែលប្រធានាធិបតីរុស្ស៊ីលោក Vladimir Putin បានលើកឡើងជាយូរមកហើយថា ជាហេតុផលចម្បងមួយរបស់លោកសម្រាប់ការចាប់ផ្ដើម "ប្រតិបត្តិការសឹកពិសេស" ចូលអ៊ុយក្រែនកាលពីថ្ងៃទី២៤ ខែកុម្ភៈ។ ក្រសួងការពារជាតិរុស្ស៊ីបាននិយាយថា ការប្រគល់ខ្លួនរបស់ក្រុមអ្នកប្រយុទ្ធអ៊ុយក្រែន ៦៩៤នាក់ទៀតមានន័យថា មនុស្សសរុបចំនួន ៩៥៩នាក់បានទម្លាក់អាវុធរបស់ពួកគេចុះនៅរោងចក្រដែកថែបដ៏ធំ Azovstal ជាមូលដ្ឋានរឹងមាំចុងក្រោយរបស់ក្រុមអ្នកការពារអ៊ុយក្រែននៅក្នុងទីក្រុងនោះ។ប្រសិនបើមានការបញ្ជាក់ សេចក្តីប្រកាសរបស់រុស្ស៊ីនឹងដោះស្រាយអាថ៌កំបាំងជាច្រើន ជុំវិញជោគវាសនារបស់យុទ្ធជនរាប់រយនាក់នៅក្នុងរោងចក្រនេះ ចាប់តាំងពីអ៊ុយក្រែនបានប្រកាសកាលពីថ្ងៃអង្គារថា ខ្លួនបានបញ្ជាឲ្យកងកម្លាំងស្នេហាជាតិទាំងអស់ឈប់ប្រយុទ្ធតទៅទៀត៕ អត្ថបទ៖ សុខមាន

រុស្ស៊ីបណ្ដេញក្រុមអ្នកការទូតរាប់សិបនាក់របស់ប្រទេសបារាំង អ៊ីតាលី និងអេស្ប៉ាញ

រុស្ស៊ី៖ ក្រុង Moscow បានបណ្ដេញក្រុមអ្នកការទូតជាច្រើននាក់របស់ប្រទេសបារាំង អ៊ីតាលី និងអេស្ប៉ាញ ជាការសងសឹកចំពោះការបណ្ដេញក្រុមអ្នកការទូតរុស្ស៊ីពីបណ្ដាប្រទេសសហភាពអឺរ៉ុប ជាផ្នែកមួយនៃចំណាត់ការរួមគ្នាប្រឆាំងយុទ្ធនាការរបស់រុស្ស៊ីនៅអ៊ុយក្រែន។ ក្រសួងការបរទេសរុស្ស៊ីបាននិយាយក្នុងសេចក្ដីថ្លែងការណ៍មួយកាលពីថ្ងៃពុធថា ខ្លួនបានបណ្ដេញបុគ្គលិកបេសកកម្មការទូតបារាំងចំនួន ៣៤នាក់នៅក្នុងប្រទេសរុស្ស៊ី និងបានទុករយៈពេល ២សប្ដាហ៍ឲ្យពួកគេចាកចេញពីប្រទេសរុស្ស៊ី។ សេចក្ដីថ្លែងការណ៍ខាងលើនេះនិយាយថា ក្រុង Moscow បានចេញសេចក្ដីប្រកាសនេះ បន្ទាប់ពីការកោះអញ្ជើញឯកអគ្គរដ្ឋទូតបារាំងប្រចាំប្រទេសរុស្ស៊ីលោក Pierre Levy និងបានប្រាប់លោកថា ការបណ្ដេញបុគ្គលិកបេសកកម្មការទូតរុស្ស៊ីចំនួន ៤១នាក់នាពេលកន្លងមកគឺជាសកម្មភាពបង្ករឿង និងជាការសម្រេចចិត្តខ្វះការពិចារណា។ក្រោយមកក្រសួងដដែលរបស់រុស្ស៊ីបាននិយាយថា បុគ្គលិកស្ថានទូតចំនួន ២៧នាក់របស់អេស្ប៉ាញប្រចាំនៅទីក្រុង Moscow និងអគ្គកុងស៊ុលអេស្ប៉ាញប្រចាំក្នុងទីក្រុង Saint Petersburg ត្រូវបានប្រកាសឈប់ស្វាគមន៍ទៀតហើយ និងទុកពេលឲ្យ ៧ថ្ងៃក្នុងការចាកចេញពីប្រទេសរុស្ស៊ី។ ខណៈពុំមានការចេញសេចក្ដីថ្លែងការណ៍ផ្លូវការ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានបញ្ជាក់ទៅកាន់ទីភ្នាក់ងារសារព័ត៌មានផ្សេងៗរបស់រុស្ស៊ីថា អ្នកការទូតអ៊ីតាលីចំនួន ២៤នាក់ក៏ត្រូវបានបណ្ដេញចេញពីប្រទេសរុស្ស៊ីដូចគ្នាដែរ៕អត្ថបទ៖ សុខមាន

គ្រួសារយុទ្ធជន និងពលរដ្ឋគ្រោះថ្នាក់ដោយសារមីន១០០គ្រួសារទទួលប្រាក់គ្មានការប្រាក់ពីបាកបាទក្រហមកម្ពុជា

ព្រះវិហារ៖ ដើម្បីរួមចំណែកលើកកម្ពស់ជីវភាពរស់នៅ ដល់គ្រួសារយុទ្ធជនក្រីក្រនៅតាមបន្ទាត់ព្រំដែន និងកាត់បន្ថយការរងគ្រោះថ្នាក់ដោយសារមីន ក្នុងស្រុកជាំក្សាន្តខេត្តព្រះវិហារ នាថ្ងៃទី១៨ខែឧសភា ឆ្នាំ២០២២នេះ កាកបាទក្រហមកម្ពុជា ដែលមាន ហ្លួងម៉ែ នរោត្តម មុនិនាថ សីហនុ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានបានផ្តល់ប្រាក់កម្ចីខ្នាតតូច គ្មានការប្រាក់របស់កាកបាទក្រហមកម្ពុជា ជូនដល់គ្រួសារយុទ្ធជនកម្ពុជាក្រីក្រ និងប្រជាពលរដ្ឋក្រីក្រប្រឈមនឹងគ្រោះថ្នាក់ ដោយសារមីនចំនួន១០០គ្រួសារ ដោយក្នុងមួយគ្រួសារទទួលបានថវិកា១លានរៀល សម្រាប់យកទៅប្រកបមុខរបរ បង្កបង្កើនផលពង្រីកអាជីវកម្មខ្នាតតូច និងចិញ្ចឹមសត្វ ដំាដំណាំជាដើម។លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានពាំនាំនូវព្រះរាជបណ្តាំរបស់ ហ្លួងម៉ែ នរោត្តម មុនិនាថ សីហនុ ព្រះប្រធានកិត្តិយសកាកបាទក្រហមកម្ពុជា និងប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន ដែលផ្តាំផ្ញើសួរសុខទុក្ខ ក្តីអាណិតស្រឡាញ់ និងនឹករលឹកជាទីបំផុត ជាពិសេសការគិតគូរពីជីវភាពរស់នៅ និងសុខុមាលភាព របស់ប្រជាពលរដ្ឋទាំងអស់។ លោកជំទាវ បានថ្លែងអំណរគុណយ៉ាងជ្រាលជ្រៅ ចំពោះបងប្អូនប្រជាពលរដ្ឋទាំងអស់ ដែលបានប្តេជ្ញាចិត្តក្នុងការចូលរួមពង្រឹងថែរក្សា និងការពារសុខសន្តិភាពនៅក្នុងប្រទេស ដើម្បីការអភិវឌ្ឍរីកចម្រើនជាបន្តទៅមុខទៀត ហើយក៏សូមលើកទឹកចិត្តដល់គ្រួសារទទួលផលទាំងអស់ឱ្យបន្តខិតខំពង្រីកមុខរបរបង្កបង្កើនផល ឬចិញ្ចឹមសត្វ ដើម្បីលើកស្ទួយជីវភាពគ្រួសារឱ្យកាន់តែប្រសើរឡើង ជៀសវាងការប្រកបរបរចូលព្រៃដូចមុន ដែលប្រឈមនឹងគ្រោះថ្នាក់ដោយសារមីន ឬសំណល់ជាតិផ្ទុះពីសង្គ្រាម។ ទន្ទឹមនឹងនេះ លោកជំទាវ បានថ្លែងដោយមោទនភាពចំពោះបងប្អូនប្រជាពលរដ្ឋទាំងអស់ ដែលបានចូលរួមចាក់វ៉ាក់សាំងគ្រប់ដូសមូលដ្ឋាន ថែមទាំងដូសជំរុញទី៣ និងទី៤ រួមជាមួយការអនុវត្តវិធានការការពារ និងការរក្សាអនាម័យយ៉ាងល្អខ្ជាប់ខ្ជួន ដែលនេះគឺជាការចូលរួមចំណែក ក្នុងការទប់ស្កាត់ការចម្លងមេរោគកូវីដ-១៩ ហើយបើកឱកាសក្នុងការស្តារ និងជំរុញកំណើនសេដ្ឋកិច្ចឡើងវិញផងដែរ។ គ្រួសារទទួលផលទាំងអស់ បានថ្លែងអំណរគុណយ៉ាងជ្រាលជ្រៅចំពោះ កាកបាទក្រហមកម្ពុជា ដែលតែងតែជួយសម្រាលការលំបាកដល់ប្រជាពលរដ្ឋ និងសូមប្តេជ្ញាខិតខំពង្រីកមុខរបរ ដើម្បីរួមចំណែកជំរុញកំណើនសេដ្ឋកិច្ចរបស់ប្រទេសជាតិ ដែលមានសុខសន្តិភាពស្ថិរភាព និងអភិវឌ្ឍនភាពដូចសព្វថ្ងៃ នេះ។ សូមបញ្ជាក់ថា សម្រាប់ខេត្តព្រះវិហារ ចាប់តាំងពីឆ្នាំ២០០៥ ដល់ឆ្នាំ២០២២នេះ កាកបាទក្រហមកម្ពុជា បានផ្តល់ប្រាក់កម្ចីខ្នាតតូចគ្មានការប្រាក់ ជូនដល់ប្រជាពលរដ្ឋសរុបចំនួន១.៥២២គ្រួសារ (ក្នុងនោះគ្រួសារពិការ ២៩០គ្រួសារ) ដែលរស់នៅស្រុករវៀង និងស្រុកជាំក្សាន្ត ខេត្តព្រះវិហារ ដែលប្រាក់កម្ចីនេះបាននិងកំពុងជួយកាត់បន្ថយការរងគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម និងបង្កើនជីវភាពរស់នៅឱ្យល្អប្រសើរឡើង តាមរយៈការប្រកបរបរដាំដំណាំ ចិញ្ចឹមសត្វ កាត់សក់ លាងម៉ូតូ លក់គ្រឿងទេស កាត់ដេរ អ៊ុតសក់ ជួសជុលកង់ម៉ូតូ ជាដើម្បី។ បច្ចុប្បន្ននេះ ប្រាក់កម្ចីខ្នាតតូចគ្មានការប្រាក់ របស់កាកបាទក្រហមកម្ពុជា បាននិងកំពុងអនុវត្តនៅតាមស្រុកគោលដៅចំនួន១២ក្នុងខេត្តព្រះវិហារ ឧត្តរមានជ័យ បន្ទាយមានជ័យ ពោធិ៍សាត់ និងខេត្តកណ្តាល៕

មេទ័ពជើងគោកកម្ពុជា និងនាយកគោលនយោបាយអាស៊ីខាងត្បូង និងអាស៊ីអាគ្នេយ៍ក្រសួងការពារជាតិអាមេរិក ប្រកាសប្រតិបត្តិការយោធាប្រទេសទាំងពីរ

ភ្នំពេញ៖ នៅរសៀលថ្ងៃទី ១៨ ខែឧសភា ឆ្នាំ២០២២ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងទ័ពជើងគោក បានទទួលជួប លោកស្រី Lori Abele នាយក គោលនយោបាយ អាស៊ីខាងត្បូង និងអាស៊ីអាគ្នេយ៍ នៃក្រសួងការពារជាតិ សហរដ្ឋអាមេរិក។ក្នុងជំនួបនោះ ភាគីទាំងពីរបានពិភាក្សាគ្នាពីកិច្ចសហប្រតិបត្តិការមួយចំនួន និងជាពិសេស កិច្ចសហប្រតិបត្តិការយោធារវាងកងទ័ពនៃប្រទេសទាំងពីរ។ បន្ថែមពីនេះ ភាគីទាំងពីរបានវាយតម្លៃខ្ពស់លើកិច្ចសហប្រតិបត្តិការដែលមានកន្លងមក និងបានបង្ហាញឆន្ទ:ក្នុងការរក្សា ពង្រឹង និងពង្រីកកិច្ចសហប្រតិបត្តិការយោធាបន្ថែមទៀតនៅពេលខាងមុខ និងការបន្តបង្កើនភាពជឿទុកចិត្តរវាងកងទ័ពនៃប្រទេសទាំងពីរផងដែរ។ ឯកឧត្តម អគ្គមេបញ្ជាការរង បានថ្លែងអំណរគុណ រដ្ឋាភិបាល ក្រសួងការពារជាតិ សហរដ្ឋអាមេរិក ដែលបានជួយឧបត្ថម្ភ និងបណ្តុះបណ្តាល ដល់កងទ័ពកម្ពុជាកន្លងមក។លោកស្រី Lori Abele បានថ្លែងអំណរគុណដល់ប្រទេសកម្ពុជា ដែលបានចូលរួមជាមួយសហរដ្ឋអាមេរិក ក្នុងកិច្ចការសន្តិសុខកន្លងមកផងដែរ៕

សម្ដេចតេជោ ហ៊ុន សែន នាយករដ្ឋមន្ត្រី អបអរសាទរព្រះរាជពិធីច្រត់ព្រះនង្គ័ល

ភ្នំពេញ៖ នៅព្រឹកថ្ងៃទី១៩ ខែឧសភា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី បានផ្ញើសារជូនជនរួមជាតិអបអរសាទរព្រះរាជពិធីច្រត់ព្រះនង្គ័ល ដែលត្រូវបានធ្វើឡើងជារៀងរាល់ឆ្នាំក្នុងខែពិសាខ។ព្រះរាជពិធីនេះ គឺសំខាន់បំផុត បន្ទាប់ពីព្រះរាជាអភិសេក ដែលជាពិធីមួយស្ថិតក្នុងចំណោមពិធីផ្សេងៗ ជាច្រើនទៀតប្រចាំឆ្នាំ។ព្រះរាជពិធីច្រត់ព្រះនង្គ័ល គឺត្រូវបានធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ព្រះរាជពិធីបុណ្យនេះ ក៏ជាការដាស់តឿនក្រើនរម្លឹក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ។សម្តេចតេជោ ហ៊ុន សែន នាយករដ្ឋមន្ត្រីក៏បានផ្ញើសារជូនពរបងប្អូនប្រជាពលរដ្ឋខ្មែរទូទាំងប្រទេស ជួបតែសេចក្តីសុខ សេចក្តីចម្រើនគ្រប់ៗគ្នា ៕

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

ភ្នំពេញ៖ វ៉ូវីណាមកម្ពុជាឈ្នះមេដាយមាសវិញ្ញាសាសំដែងជាក្រុម នារីម្នាក់បុរសបីនាក់រួមមាន៖-កីឡាករិនី ប៉ាល់ ឆរស្មុី-កីឡាករ លី បូរ៉ាមី-កីឡាករ ជ្រិន ប៊ុនឡុង-កីឡាករ ប្រាក់ សុវណ្ណនីនេះជាមេដាយមាសទីបីហើយសម្រាប់កម្ពុជាបន្ទាប់ពីកីឡាប៉េតង់ និង ឃីគបុកស៊ីង។

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

កំពត៖ លោក ហ៊ុន ម៉ាណែត តំណាងសម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញសំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្ថិតក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត នៅព្រឹកថ្ងៃទី១៨ ខែឧសភា ឆ្នាំ២០២២។លោក ហ៊ុន ម៉ាណែត បានចូល ត្រេកអរចំពោះសំណង់ព្រះវិហារថ្មីដ៏ស្កឹមស្កៃ និងជាសមិទ្ធផលថ្មីមួយទៀតផ្នែកព្រះពុទ្ធសាសនា ដែលត្រូវបានសាងសង់នៅលើទីតាំងគួរជាទីមនោរម្យក្នុងវត្តគិរីឱសថទឹកជប់ ស្រុកទឹកឈូ ខេត្តកំពត និងសូមសម្តែងនូវមោទនភាពចំពោះការរីកចម្រើនជាលំដាប់របស់ទីអារាមនេះ។លោក ហ៊ុន ម៉ាណែត បានឱ្យដឹងថា ព្រះវិហារថ្មី នៅវត្តគិរីឱសថទឹកជប់នេះ បានកសាងនៅក្នុងឆ្នាំ១៩៦២ សម័យសង្គមរាស្រ្តនិយម ដោយមានអាយុកាលប្រមាណ ៦០ ឆ្នាំមកហើយ ប៉ុន្តែត្រូវបានបំផ្លិចបំផ្លាញស្ទើរខ្ទេចខ្ទីអស់ក្នុងរបបខ្មែរក្រហម។ ក្រោយការរស់រានឡើងវិញក្នុងឆ្នាំ១៩៧៩ សមិទ្ធផលជាច្រើន ត្រូវបានកសាងឡើងវិញសម្រេចបានសមិទ្ធផលជាច្រើនជាបន្តបន្ទាប់ទៅតាមដំណាក់កាល ដោយមានការចូលរួមចំណែកបំពេញកុសលពីសំណាក់ពុទ្ធបរិស័ទជិតឆ្ងាយ។លោកបន្តថា ពិធីបញ្ចុះខណ្ឌសីមានេះ ត្រូវបានគ្រោងទុកមកជាយូរមកហើយ ប៉ុន្តែត្រូវបានអាក់ខានដោយសារការរាតត្បាតនៃជំងឺកូវីដ-១៩។ មកដល់ថ្ងៃនេះ យើងអាចជួបជុំគ្នាធ្វើបុណ្យទាន ប្រកបដោយភាពសប្បាយរីករាយជ្រះថ្លា ស្របពេលដែលស្ថានភាពនៃជំងឺកូវីដ-១៩ មានការធូរស្រាលច្រើន និងអាចគ្រប់គ្រងបាន ទោះបីជាមិនទាន់ផុតរលត់ទាំងស្រុកក៏ដោយ។ លោក ហ៊ុន ម៉ាណែយ បានបញ្ជាក់ថា សាសនាពិតជាបានដើរតួនាទីសំខាន់ណាស់នៅក្នុងការអប់រំសីលធម៌សង្គម ពីព្រោះការរៀនសូត្រស្វាធ្យាយ និងគោរពបដិបត្តិធម៌នៅក្នុងវត្តអារាម ក៏បាននាំឱ្យមានការផ្សព្វផ្សាយបន្ត និងសាបព្រោះផលវិជ្ជមាននៅតាមខ្នងផ្ទះ និងភូមិស្រុករបស់ប្រជាពលរដ្ឋ ក្នុងរូបភាពជាការបន្តប្រពៃណីដ៏ល្អរបស់ចាស់ទុំព្រឹទ្ធាចារ្យដល់កូនចៅជំនាន់ក្រោយ។លោកបានបន្ថែមថា នេះគឺជាអ្វីដែលគណបក្សប្រជាជនកម្ពុជា បានធ្វើយ៉ាងជាក់ស្តែងរួចមកហើយនៅក្នុងការដឹកនាំប្រទេសជាង ៤០ ឆ្នាំកន្លងមកនេះ តាមរយៈការសង្គ្រោះអាយុជីវិតចេញពីសង្គ្រាម និងគ្រោះវិបត្តិ, ការលើកម្ពស់ជីវភាព និងសុខភាពរបស់ប្រជាពលរដ្ឋ, ការរួមគ្នាបំពេញបុណ្យកុសល, ការផ្តល់ការអប់រំ និងឱកាសការងារដល់កូនចៅប្រជាពលរដ្ឋ ។ល។ ហើយសម្រាប់ពេលបន្តទៅមុខ ក៏នៅតែលុះនៅក្នុងបុព្វហេតុដ៏ពិសិដ្ឋមួយនេះតរៀងទៅ៕

បណ្ដាញសង្គម

ព័ត៌មានថ្មីៗ

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិនិយាយថា ជនស៊ីវិលជាង ៣៧០០នាក់ស្លាប់ក្នុងការវាយប្រហារពីរុស្ស៊ីនៅអ៊ុយក្រែន

ឯកឧត្ដម វង សូត ៖ គណបក្សប្រជាជនកម្ពុជាបានសង្គ្រោះជាតិឲ្យរស់ឡើងវិញ និងបន្តអភិវឌ្ឍន៍ប្រទេសជាតិ

រុស្ស៊ី៖ ក្រុមយុទ្ធជននៅទីក្រុង Mariupol ជិត ៧០០នាក់ទៀតបានប្រគល់ខ្លួន ខណៈថ្នាក់ដឹកនាំមួយចំនួននៅតែបន្តពួនសំងំ

រុស្ស៊ីបណ្ដេញក្រុមអ្នកការទូតរាប់សិបនាក់របស់ប្រទេសបារាំង អ៊ីតាលី និងអេស្ប៉ាញ

គ្រួសារយុទ្ធជន និងពលរដ្ឋគ្រោះថ្នាក់ដោយសារមីន១០០គ្រួសារទទួលប្រាក់គ្មានការប្រាក់ពីបាកបាទក្រហមកម្ពុជា

សម្ដេចតេជោ ហ៊ុន សែន នាយករដ្ឋមន្ត្រី អបអរសាទរព្រះរាជពិធីច្រត់ព្រះនង្គ័ល

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឯកឧត្ដម​ វង​ សូត​ ៖​ គណបក្សប្រជាជនកម្ពុជាបានសង្គ្រោះជាតិឲ្យរស់ឡើងវិញ​ និងបន្តអភិវឌ្ឍន៍ប្រទេសជាតិ

រុស្ស៊ី​បណ្ដេញ​ក្រុម​អ្នកការទូត​រាប់​សិប​នាក់​របស់​ប្រទេស​បារាំង អ៊ីតាលី និង​អេ​ស្ប៉ា​ញ​

គ្រួសារយុទ្ធជន និងពលរដ្ឋគ្រោះថ្នាក់ដោយសារមីន១០០គ្រួសារទទួលប្រាក់គ្មានការប្រាក់ពីបាកបាទក្រហមកម្ពុជា

សម្ដេចតេជោ ហ៊ុន សែន នាយករដ្ឋមន្ត្រី អបអរសាទរព្រះរាជពិធីច្រត់ព្រះនង្គ័ល

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្ដម វង សូត ៖ គណបក្សប្រជាជនកម្ពុជាបានសង្គ្រោះជាតិឲ្យរស់ឡើងវិញ និងបន្តអភិវឌ្ឍន៍ប្រទេសជាតិ

រុស្ស៊ីបណ្ដេញក្រុមអ្នកការទូតរាប់សិបនាក់របស់ប្រទេសបារាំង អ៊ីតាលី និងអេស្ប៉ាញ