BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

បេឡារុសជំរុញសម្ព័ន្ធយោធាដឹកនាំដោយរុស្ស៊ីរួបរួមគ្នាប្រឆាំងលោកខាងលិច

បេឡារុស៖ លោកប្រធានាធិបតីបេឡារុស Alexander Lukashenko ដែលជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ីលោក Vladimir Putin បានអំពាវនាវឲ្យបណ្ដារដ្ឋសមាជិកនៃសម្ព័ន្ធមិត្តយោធាដឹកនាំដោយរុស្ស៊ីរួបរួមគ្នា ខណៈដែលលោកបានចោទប្រកាន់លោកខាងលិចថា បានអូសបន្លាយជម្លោះនៅអ៊ុយក្រែនធ្វើឲ្យទីក្រុង Moscow ចុះខ្សោយ។ ថ្លែងនៅក្នុងកិច្ចប្រជុំកំពូលក្រុមមេដឹកនាំនៃអង្គការសន្ធិសញ្ញាសន្តិសុខសមូហភាព (CSTO) នៅទីក្រុង Moscow លោក Lukashenko បាននិយាយពីការដាក់ទណ្ឌកម្មដ៏ធ្ងន់ធ្ងរប្រឆាំងនឹងប្រទេសរបស់លោក ហើយរុស្ស៊ីអាចត្រូវបានគេចផុត ប្រសិនបើក្រុមសម្ព័ន្ធយោធានេះបាននិយាយជាសំឡេងតែមួយ។ លោក Lukashenko បាននិយាយទៅកាន់លោកប្រធានាធិបតី Putin និងមេដឹកនាំនៃប្រទេសអាមេនី, កាហ្សាក់ស្ថាន, កៀហ្ស៊ីស៊ីស្ថាន និងតាហ្ស៊ីគិស្ថានថា បើគ្មានរណសិរ្សរួបរួមទេ បណ្ដាប្រទេសលោកខាងលិចទាំងមូលនឹងបង្កើនការដាក់សម្ពាធ លើដែនអាកាសក្រោយសម័យសហភាពសូវៀត។ទីភ្នាក់ងារព័ត៌មានរដ្ឋ Belta បានដកស្រង់សម្តីនាយករដ្ឋមន្ត្រីបេឡារុសលោក Roman Golovchenko ដែលបាននិយាយកាលពីយប់ថ្ងៃអាទិត្យថា ទណ្ឌកម្មដែលដាក់លើប្រទេសបេឡារុសបានរារាំងការនាំចេញប្រចាំឆ្នាំរបស់ខ្លួនដែលមានតម្លៃពី ១៦ ទៅ ១៨ពាន់លានដុល្លារអាមេរិកទៅកាន់លោកខាងលិច៕ អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA)

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជួបសំណេះសំណាល ជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA) នៅសាលសន្និសីទ និងពិព័រណ៍ជ្រោយចង្វារ នៅព្រឹកថ្ងៃទី១៧ ខែឧសភា ឆ្នាំ២០២២។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗ សម្ដេចតេជោ ហ៊ុន សែន៖- សម្តេចតេជោ ហ៊ុន សែន ប្រកាសថា មិនត្រឹមតែTYDAទេ សម្តេចគ្រោងនឹងជួបសំណេះសំណាលជាមួយក្រុមគ្រូពេទ្យផ្សេងៗទៀត តាមពេលវេលាជាបន្តបន្ទាប់នាពេលក្រោយ ដើម្បីលើកទឹកចិត្ត និងអរគុណពួកគេ ដែលបានលះបង់កម្លាំងកាយ កម្លាំងចិត្ត និងកិច្ចខិតខំប្រឹងប្រែងគ្រប់បែបយ៉ាង ដើម្បីប្រយុទ្ធនឹងសត្រូវឥតប្រមោល គឺកូវីដ-១៩។- សម្តេចតេជោ ហ៊ុន សែន បានបញ្ជាក់ថា វាមិនមែនជារឿងចៃដន្យទេ ដែលសម្តេចគិតគូរសេនារីយ៉ូច្រើនក្នុងពេលតែមួយ ហើយក៏មិនមែនជារឿងចៃដន្យដែរ ដែលសម្តេចបង្កើតក្រុមគ្រូពេទ្យសម្តេចតេជោប្រឆាំងកូវីដ-១៩ ដែលភាគច្រើនជាក្រុមគ្រូពេទ្យរបស់TYDA បានចូលសកម្មភាពដ៏លំបាក និងគ្រោះថ្នាក់នាពេលកន្លងមក រហូតដល់ទទួលបានជោគជ័យគាប់ប្រសើរនៅថ្ងៃនេះ។- សម្តេចតេជោ ហ៊ុន សែន បានបញ្ជាក់ថា ក្នុងគ្រាដ៏លំបាកនោះ សម្តេច ក្នុងនាមជាអ្នកទទួលខុសត្រូវចំពោះជាតិ និងប្រជាជនកម្ពុជា រួមទាំងក្រុមគ្រូពេទ្យTYDA និងគ្រូពេទ្យទូទាំងប្រទេស បានរួមគ្នាជំនះរាល់ការលំបាក បែកគ្រួសារ ប្តី ប្រពន្ធ កូន និងឪពុកម្តាយ ដើម្បីបុព្វហេតុជាតិ និងប្រជាជនកម្ពុជា។- សម្តេចតេជោ ហ៊ុន សែន បានប្រកាសថ្លែងអំណរគុណដល់ក្រុមគ្រូពេទ្យទាំងអស់ ដែលបានស្ម័គ្រចិត្តជួយដល់អាយុជីវិតប្រជាជនកម្ពុជា ក្នុងគ្រាដ៏លំបាកដើម្បីប្រយុទ្ធប្រឆាំងនឹងជំងឺកូវីដ-១៩។- សម្តេចតេជោ ហ៊ុន សែន បានរំលឹកពីដំណើរការ នៃការស្វះស្វែងជួយដល់ប្រជាពលរដ្ឋកើតជំងឺកូវីដ-១៩ ក្នុងនោះមានការបង្កើតឱ្យមានមណ្ឌលព្យាបាលជាច្រើននៅរាជធានីភ្នំពេញ ដូចជា៖ សណ្ឋាគារ, អគារតាំងពិព័រណ៌ និងទីកន្លែងផ្សេងៗទៀត ដើម្បីធានាការសម្រាលព្យាបាលប្រជាពលរដ្ឋកើតជំងឺកូវីដ-១៩មានប្រសិទ្ធភាពខ្ពស់ និងបំពេញតម្រូវការជាក់ស្តែងនាពេលនោះ។- សម្តេចតេជោ ហ៊ុន សែន នាយករដ្ឋមន្រ្តីពិតជាអរគុណយ៉ាងខ្លាំងចំពោះក្រុមគ្រូពេទ្យ TYDA និងលោកគ្រូ អ្នកគ្រូពេទ្យទាំងអស់ ដែលបានខិតខំសហការយ៉ាងខ្លាំងជាមួយរាជរដ្ឋាភិបាលក្នុងការព្យាបាលអ្នកជំងឺ និងទប់ស្កាត់នៃការរីករាលដាលនៃមេរោគកូវីដ១៩ នាពេលកន្លងមករហូតទទួលបានជោគជ័យ។- សម្តេចតេជោ ហ៊ុន សែន នាយករដ្ឋមន្ត្រីបានរំលឹកការរិះគន់មួយថា គ្រូពេទ្យ៩០ភាគរយអាក្រក់ គឹជាការរិះគន់មួយដែលមិនបានស្វែងយល់ឱ្យបានដិតដល់ ដល់ទិដ្ឋភាពរួម នៃស្ថានភាពកម្ពុជា។ សម្តេចមានប្រសាសន៍ថា ពេលនេះយើងយល់កាន់តែច្បាស់ពីតម្លៃ នៃការលះលង់របស់គ្រូពេទ្យ ជាពិសេសដំណាក់កាល នៃការរាតត្បាតជំងឺកូវីដ-១៩ រហូតដល់មានការប្រសិទ្ធនាមថា «ជាកងទ័ពអាវស» ទៀតផង។- សម្តេចតេជោ ហ៊ុន សែន ប្រកាសថា យើងបានទទួលជោគជ័យរហូតដល់ករណីឆ្លងកូវីដ-១៩ ធ្លាក់ដល់កម្រិតសូន្យ(០)នារយៈពេលប៉ុន្មានថ្ងៃជាប់ៗគ្នានេះ។ សម្តេចបញ្ជាក់ថា «យើងមិនទាន់អាចឈ្នះសង្គ្រាមប្រឆាំងកូវីដ-១៩ ទាំងស្រុងបាននៅឡើយទេ យើងគ្រាន់តែឈ្នះលើសមរភូមិខ្លះតែប៉ុណ្ណោះ»។- សម្តេចតេជោ ហ៊ុន សែន ប្រកាសដល់រដ្ឋមន្ត្រីក្រសួងទេសចរណ៍ ឯកឧត្តម ថោង ខុន កុំយកវិធានការខ្លះពាក់ព័ន្ធបញ្ហាកូវីដ-១៩នៅប្រទេសជិតខាងមកអនុវត្តន៍បន្តនៅប្រទេសកម្ពុជា ក្នុងនោះមានការស្នើសុំឱ្យទេសចរប្រទេសនានា ចូលកម្ពុជាដោយមិនបានចាក់វ៉ាក់សាំងកូវីដ-១៩។ សម្តេចប្រកាសថា ជនបរទេសទាំងឡាយចូលមកកម្ពុជាដែលមិនបានចាក់វ៉ាក់សាំងកូវីដ-១៩ ចាំបាច់ត្រូវតែឃាត់ទុករយៈពេល៧ថ្ងៃ ដើម្បីពិនិត្យ និងតាមដានសុខភាព។- សម្តេចតេជោ ហ៊ុន សែន ប្រកាសថា បរទេសទាំងឡាយ ដែលមានបំណងចូលកម្ពុជាដោយមិនទាន់បានទទួលបានការចាក់វ៉ាក់សាំងកូវីដ-១៩ តាមថេរវេលាកំណត់ណាមួយ មិនគួរបោះទិដ្ឋាការឱ្យពួកគេទេ។ សម្តេចបញ្ជាក់ថា «កុំស្រលាញ់លុយពីពួកគេទាំងនោះ ដោយមិនគិតគូរពីសុខុមាលភាព និងអាយុជីវិតប្រជាជនយើងឱ្យសោះ»។- សម្តេចតេជោ ហ៊ុន សែន បានប្រកាសពីការលះបង់របស់កម្ពុជា ក្នុងការទទួលឱ្យចូលចតកប៉ាល់ វេស្ទ័ដាំ ដែលមានទេសចរចម្រុះជាតិសាសន៍កំពុងស្រែកដង្ហើយហៅការជួយសង្គ្រោះ តែបែរជាទទួលបានការរិះគន់ពីក្រុមមនុស្សមួយចំនួន និងបរទេសខ្លះទៅវិញ។- សម្តេចតេជោ ហ៊ុន សែន ប្រកាសអរគុណដល់ប្រជាពលរដ្ឋកម្ពុជា ដែលបានស្តាប់បង្គាប់រាជរដ្ឋាភិបាល និងអនុវត្តន៍បទបញ្ជាអាជ្ញាធរ ក្នុងយុទ្ធនាការប្រយុទ្ធប្រឆាំងកូវីដ-១៩ រហូតដល់ទទួលបានលទ្ធផលគាប់ប្រសើរនាពេលនេះ។- សម្តេចតេជោ ហ៊ុន សែន បានប្រកាសថា មិនមែនជារឿងងាយស្រួលទេ ក្នុងប្រយុទ្ធប្រឆាំង និងគ្រប់គ្រងការឆ្លងរីករាលដាលជំកូវីដ-១៩ ដែលសម្តេចប្រៀបប្រដូចទៅនឹងសកម្មភាពប្រយុទ្ធប្រឆាំងជាមួយសត្រូវលាក់មុខ ដែលមិនដឹងថា «សត្រូវរបស់យើងនៅទីកន្លែងណានោះទេ»។ សម្តេចបញ្ជាក់ថា វានឹងកើតក្តីមហន្តរាយធ្ងន់បំផុត បើយើងគ្មានវ៉ាក់សាំងទេនោះ។- សម្តេចតេជោ ហ៊ុ ន សែន បានប្រកាសពីការសម្តេចចិត្តដ៏ត្រឹមត្រូវ ក្នុងដំណើរការចាក់វ៉ាក់សាំងស្រោចលើប្រជាពលរដ្ឋរស់នៅរាជធានីភ្នំពេញ និងខេត្តកណ្តាល ដើម្បីធានាភាពស៊ាំសហគមន៍ចេញពីតំបន់ដែលមានហានិភ័យបំផុត។ សម្តេចបញ្ជាក់ថា «ទោះយើងមានវ៉ាក់សាំងច្រើនប៉ុន្មានក៏ដោយ បើយើងមិនដឹង និងមិនបានស្វែងយល់ពីរបៀបចាក់ទេ នោះភាពស៊ាំសហគមន៍ក៏មិនមាន ហើយករណីឆ្លងក៏មិនមានការថមថយដែរ»។- សម្តេចតេជោ ហ៊ុន សែន បានប្រកាសថា មកទល់ពេលនេះកម្ពុជាទទួលបានវ៉ាក់សាំងកូវីដ-១៩ ជាង៥០លានដូលហើយ ខណៈដែលជិត៣០លានដូល គឺជាវ៉ាក់សាំងដែលកម្ពុជាបានទិញដោយប្រើប្រាស់លុយខ្លួនឯង។ សម្តេចក៏បានប្រកាសដល់ក្រសួងសេដ្ឋកិច្ច និងហិរញ្ញវត្ថុថា «ការបញ្ជាទិញវ៉ាក់សាំងពីចិនបានពេលណា ត្រូវបញ្ជូនលុយឱ្យគេភ្លាម រួមទាំងសេវាដឹកជញ្ជូនផងដែរ»។- សម្តេចតេជោ ហ៊ុន សែន បានប្រកាសថា វ៉ាក់សាំងកូវីដ-១៩ នឹងដឹកជញ្ជូនមកដល់កម្ពុជា ជាបន្តបន្ទាប់ ដោយយើងអាចធានាអះអាងថា «កម្ពុជាមិនខ្វះវ៉ាក់សាំងដើម្បីចាក់ជូនប្រជាពលរដ្ឋកម្ពុជានោះទេ ហើយកម្ពុជាក៏មានស្តុកបម្រុងយុទ្ធសាស្ត្រទាំងនៅកម្ពុជា និងនៅប្រទេសចិនផងដែរ ដើម្បីធានាការផ្គត់ផ្គង់ស្ថានភាពយូរអង្វែង»។- សម្តេចតេជោ ហ៊ុន សែន បានប្រកាសស្តីសន្ទោសដល់ដំណើរការយឺតយ៉ាវក្នុងការសាងសង់ និងដំណើរការរោងចក្រផលិតវ៉ាក់សាំងកូវីដ-១៩នៅកម្ពុជា ដែលខាងភាគីចិនក៏បានស្តីបន្ទោស និងដាស់តឿនចំពោះករណីនេះដែរ។ សម្តេចបញ្ជាក់ថា «មិនអាចយក លីសង់ទៅដេកឱបទុកនោះទេ បើឯកជនមិនធ្វើ រដ្ឋត្រូវបញ្ចេញលុយដើម្បីដំណើរការរោងចក្រផលិតវ៉ាក់សាំងកូវីដ-១៩នេះឱ្យបាន»។- សម្តេចតេជោ ហ៊ុន សែន បានប្រកាសបន្ថែមថា ពេលមុនយ៉ាងម៉េច ពេលនេះ និងពេលអនាគតក៏ដូចគ្នាដែរ គឺការចាក់វ៉ាក់សាំងកូវីដ-១៩នៅកម្ពុជា មិនយកលុយទេ ទោះជាតម្រូវការចាក់ដល់ដូសទី១០ ក៏ដោយ។- សម្តេចតេជោ ហ៊ុន សែន បានប្រកាសដល់ផ្នែកពាក់ព័ន្ធត្រូវពិភាក្សាគ្នាឡើងវិញ ពីដំណើរការបង្កើតរោងចក្រផលិតវ៉ាក់សាំងកូវីដ-១៩ឱ្យបានឆាប់រហ័សតាមដែលអាចធ្វើបាន ដែលកិច្ចការមួយនេះ សម្តេចជំនះធ្វើឱ្យទាល់តែបាន។ សម្តេចបញ្ជាក់ថា «ក្នុងករណីកូវីដ-១៩ រលាយរលត់ពីផែនដីនេះ យើងក៏អាចយករោងចក្រនោះទៅផលិតវ៉ាក់សាំងផ្សេងៗទៀត ដើម្បីបំពេញតម្រូវការសង្គមផងដែរ»។- សម្តេចតេជោ ហ៊ុន សែន បានប្រកាសឱ្យពិនិត្យឡើងវិញចំពោះមន្ទីរពេទ្យហ្លួងម៉ែ ដែលពេលនេះមិនមានអ្នកជំងឺកូវីដ-១៩សម្រាកព្យាបាលទៀតនោះទេ ត្រូវប្រែងក្លាយមន្ទីពេទ្យហ្លួងម៉ែ ជាមន្ទីរពេទ្យឯកទេស«ជំងឺមហារីក» ដើម្បីសម្រួលដល់ការព្យាបាលប្រជាពលរដ្ឋ កាត់បន្ថយការចេញទៅរកសេវាព្យាបាលនៅក្រៅប្រទេស។- សម្តេចតេជោ ហ៊ុន សែន បានបញ្ជាក់ថា ការចាប់ផ្តើមដំណើរការសង្គមឡើងវិញ គឺជាពេលដែលសេដ្ឋកិច្ចងើបឡើងវិញផងដែរ តែការងើបឡើងវិញនោះ មានភាពរាំងស្ទះដោយសារវិបត្តិសង្គ្រាមរុស្ស៊ី-អ៊ុយក្រែន ហើយការព្យាករណ៍ពីកំណើនសេដ្ឋកិច្ច ក៏បានធ្លាក់ចុះផងដែរ ដែលនៅឆ្នាំ២០២៣ខាងមុខ នឹងមានវិបត្តិស្បៀងអាហារទូទាំងពិភពលោក ខណៈដែលវិបត្តិថាមពលយើងកំពុងតែជួបប្រទះ។- សម្តេចតេជោ ហ៊ុន សែន បានថ្លែងថា កម្ពុជាទទួលបានវ៉ាក់សាំងសរុបជាង ៥២លានដូស ហើយបានប្រើប្រាស់អស់ជិត៤៣លានដូស ដូច្នេះបច្ចុប្បន្នកម្ពុជា នៅសល់វ៉ាក់សាំងក្នុងឃ្លាំងជិត១០លានដូស ហើយក្នុងចំណោមវ៉ាក់សាំងទាំងអស់ វ៉ាក់សាំងប្រឆាំងកូវីដ-១៩ ចំនួន២៨,៥លានដូស ជាវ៉ាក់សាំងដែលកម្ពុជាទិញដោយខ្លួនឯង ហើយវ៉ាក់សាំងដែលមិនទាន់ដឹកមកកម្ពុជាមានជាង២០លានដូសបន្ថែមទៀត។- សម្តេចតេជោ ហ៊ុន សែន ប្រកាសដល់ក្រុមគ្រូពេទ្យ TYDA ត្រូវបង្កើនប្រសិទ្ធភាពការងារ និងប្រឹងប្រែងពង្រឹងខ្លួនធ្វើជាគំរូ ដើម្បផ្តល់ក្តីសង្ឃឹមដល់ប្រជាពលរដ្ឋ ក្រៅពីក្រុមគ្រូពេទ្យដែលមានស្រាប់ ឱ្យសមនឹងការប្រសិទ្ធនាមរបស់ប្រជាពលរដ្ឋថា «ជាកងទ័ពអាវ-ស»។- សម្តេចតេជោ ហ៊ុន សែន ប្រកាសដល់ក្រសួងសុខាភិបាលឱ្យផ្តល់កិច្ចការបន្ថែមទៀតដល់ក្រុមគ្រូពេទ្យ TYDA លើយុទ្ធនាការចាក់វ៉ាក់សាំងកូវីដ-១៩ ដើម្បីបង្កើនភាពស៊ាំសហគមន៍ប្រឆាំងនឹងជំងឺកូវីដ-១៩។- សម្តេចតេជោ ហ៊ុន សែន បានប្រកាសដោយអួលដើមក ពីមរណភាពសម្តេចឧត្តមទេពញាណ ហ៊ុន ណេង ដែលជារឿងមួយគួរឱ្យសោកសង្រេងជាទីបំផុត ។ សម្តេចបញ្ជាក់ថា មកទល់ពេលនេះ ឯកឧត្តម ហ៊ុន សាន ដែលជាបងប្រុសធំរបស់សម្តេច មិនទាន់ដឹងពីមរណភាពសម្តេចឧត្តមទេពញាណ ដែលជាប្អូនប្រុសរបស់គាត់នៅឡើយទេ។ សម្តេចបញ្ជាក់ថា «ខ្ញុំមិនដឹងថាមានពាក្យអ្វីនឹងនិយាយប្រាប់គាត់នោះទេ....»។- សម្តេចតេជោ ហ៊ុន សែន ប្រកាសថា កិច្ចប្រជុំកំពូលពិសេសអាស៊ាន-អាមេរិក ដែលជាកិច្ចប្រជុំកំពូលពិសេសអបអរសាទរខួប ៤០ឆ្នាំ នៃទំនាក់ទំនងអាស៊ាន-អាមេរិក គឺបានធ្វើឡើងដោយផ្លែផ្កាធំធេង។ សម្តេចបញ្ជាក់ថា នៅចុងឆ្នាំនេះ កម្ពុជានឹងរៀបចំកិច្ចប្រជុំកំពូលអាស៊ាន បូកអាមេរិក ដែលសម្តេចក៏បានអញ្ជើញឯកឧត្តម ចូ បៃដិន ប្រធានាធិបតីអាមេរិក ចូលរួមប្រជុំនៅពេលនោះផងដែរ តែលទ្ធភាពគាត់អាចមកប្រជុំបាន ឬយ៉ាងណានោះ យើងក៏មិនទាន់ដឹងនៅឡើយទេ។- សម្តេចតេជោ ហ៊ុន សែន បាននិយាយដល់ជនគប់ស្បែកជើងដាក់សម្តេចក្នុងពេលសម្តេចជួបជាមួយប្រជាពលរដ្ឋខ្មែរនៅអាមេរិក-កាណាដា ដោយក្រុមម្ខាងហៅជននោះថា ជា«វីរបុរស»។ សម្តេចបញ្ជាក់ថា គឺជារឿងមួយ ដ៏ហួសចិត្តបំផុត ដោយសម្តេចស្នើឱ្យអាមេរិកគិតគូររឿងនេះឱ្យបានដិតដល់ ព្រោះវា «មិនមែនជាសិទ្ធិបញ្ជេ្មតិនោះទេ គឺជាការប៉ុនប៉ង»។- សម្តេចតេជោ ហ៊ុន សែន បានប្រកាសថា សម្តេចមិនស្នើអាមេរិកមានវិធានការចំពោះជនគប់ស្បែកជើងដាក់សម្តេចនោះទេ តែសម្តេចចង់ឃើញវិធានការរបស់អាមេរិកចំពោះករណីនោះ តាមច្បាប់អាមេរិក។ សម្តេចបញ្ជាក់ថា «បើអាមេរិកចាត់ទុករឿងនោះជាសិទ្ធិបញ្ចេញមតិ ឬជារឿងធម្មតានោះ រឿងដដែលនោះវានឹងកើតឡើងនៅប្រទេសដទៃ ទូទាំងពិភពលោក»។- សម្តេចតេជោ ហ៊ុន សែន បានប្រកាសដល់ស្ថាប័នរបស់រាជរដ្ឋាភិបាល ហាមធ្វើកំណត់ទូតទៅកាន់ស្ថានទូតអាមេរិកប្រចាំកម្ពុជាពីករណីជនម្នាក់គប់ស្បែកជើងលើសម្តេចក្នុងទឹកដីអាមេរិក ហើយក៏អំពាវនាវសូមកុំមានហិង្សា ឬបាតុកម្មប្រឆាំងតបតនឹងករណីនេះ។ សម្តេចបញ្ជាក់ថា «យើងមិនស្នើអាមេរិកឱ្យមានវិធានការចំពោះករណីនេះទេ តែបើច្បាប់អាមេរិកកំណត់យ៉ាងណា នោះ យើងក៏មិនបានដឹងដែរ...»។- សម្តេចតេជោ ហ៊ុន សែន បន្តប្រកាសអំពាវនាវដល់ប្រជពលរដ្ឋឱ្យមានវិធានាការផ្ទាល់ខ្លួន ដើម្បីទប់ស្កាត់ការឆ្លងរីករាលដាជំងឺកូវីដ-១៩ តាមរយៈវិធានការ៣កុំ និង៣ការពារ ព្រមទាំងត្រូវពាក់ម៉ាសនៅទីកន្លែងប្រមូលផ្តុំ ដែលមានហានិភ័យខ្ពស់ ទោះជាករណីពាក់ម៉ាស មិនស្ថិតជាកាតព្វកិច្ចក៏ដោយ។- សម្តេចតេជោ ហ៊ុន សែន បានបន្តកាសអំពាវនាវដល់ប្រជាពលរដ្ឋទៅទទួលវ៉ាក់សាំងបង្ការជំងឺកូវីដ-១៩ ទាំងដូលមូលដ្ឋាន និងដូសជំរុញ តាមទីកន្លែង ដែលរៀបចំដោយឱ្យអាជ្ញាធរមូលដ្ឋាន និងក្រុមគ្រូពេទ្យ។សង្កថាសម្តេចចប់នៅវេលាម៉ោង១០ និង១៤នាទី

លោក Putin មើលមិនឃើញថា ការពង្រីកខ្លួនរបស់ណាតូគំរាមកំហែងដល់រុស្ស៊ីទេ តែព្រមានការបង្កើនសកម្មភាពយោធានៅហ្វាំងឡង់ និងស៊ុយអែត

រុស្ស៊ី៖ លោកប្រធានាធិបតីរុស្ស៊ី Vladimir Putin បាននិយាយកាលពីថ្ងៃចន្ទថា ពុំមានការគំរាមចំពោះរុស្ស៊ីទេ ប្រសិនបើប្រទេសហ្វាំងឡង់ និងស៊ុយអែតចូលជាសមាជិកសម្ព័ន្ធណាតូ ប៉ុន្តែបានព្រមានថា ក្រុង Moscow អាចនឹងឆ្លើយតបវិញ បើសម្ព័ន្ធយោធាដឹកនាំដោយសហរដ្ឋអាមេរិកមួយនេះ ពង្រឹងហេដ្ឋារចនាសម្ព័ន្ធយោធានៅក្នុងរដ្ឋជាសមាជិកថ្មីរបស់អឺរ៉ុបខាងជើង។ លោក Putin ដែលជាមេដឹកនាំដ៏មានឥទ្ធិពលរបស់រុស្ស៊ីតាំងពីឆ្នាំ១៩៩៩ បានលើកឡើងម្តងហើយម្តងទៀតអំពីការពង្រីកខ្លួន ក្រោយសម័យសូវៀតរបស់សម្ព័ន្ធយោធាណាតូ ឆ្ពោះទៅទិសខាងកើតឆ្ពោះទៅព្រំដែនរុស្ស៊ីថា ជាហេតុផលសម្រាប់ជម្លោះអ៊ុយក្រែន។ ប៉ុន្តែលោក Putin ដែលក្នុងរយៈពេលប៉ុន្មានខែចុងក្រោយនេះ បានព្រមានគំរាមវាយប្រហារនុយក្លេអ៊ែររបស់រុស្ស៊ីលើលោកខាងលិចជុំវិញវិបត្តិអ៊ុយក្រែន បានឆ្លើយតបដោយស្ងប់ស្ងាត់ខុសពីធម្មតាចំពោះបំណងចូលជាសមាជិកណាតូរបស់ប្រទេសហ្វាំងឡង់ និងស៊ុយអែត ដែលជាផលវិបាកជាយុទ្ធសាស្ត្រដ៏ធំបំផុតនៃការលុកលុយរបស់រុស្ស៊ីលើអ៊ុយក្រែនរហូតមកដល់បច្ចុប្បន្ន។លោក Putin បានប្រាប់ក្រុមមេដឹកនាំសម្ព័ន្ធយោធាដ៏មានឥទ្ធិពល នៃអតីតរដ្ឋសហភាពសូវៀតរបស់រុស្ស៊ីថា ទាក់ទងនឹងការពង្រីកខ្លួនរបស់ណាតូនេះ រុស្ស៊ីមិនមានបញ្ហាជាមួយរដ្ឋទាំងនោះទេ ដូច្នេះក្នុងន័យនេះ វាមិនមានការគំរាមកំហែងភ្លាមៗចំពោះរុស្ស៊ីពីការពង្រីកឥទ្ធិពលរបស់អង្គការណាតូ ក្នុងការរួមបញ្ចូលប្រទេសទាំងនេះនោះទេ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA) ក្នុងបេសកកម្មប្រឆាំងកូវីដ-១៩

ភ្នំពេញ៖ នៅព្រឹកថ្ងៃទី១៧ ខែឧសភា ឆ្នាំ២០២២ នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ។ ពិធីសំណេះសំណាលនេះ នឹងធ្វើឡើងនៅសាលពិព័រណ៍ជ្រោយចង្វា។ ការសំណេះសំណាលនេះ ធ្វើឡើងដើម្បីជាការលើកទឹកចិត្តដល់ក្រុមគ្រូពេទ្យស្ម័គ្រចិត្តទាំងអស់ ដែលបានចូលរួមចំណែកប្រកបដោយការទទួលខុសត្រូវ ដោយមិនខ្លាចនឿយហត់ មិនខ្លាចការឆ្លងជំងឺ ក្នុងបេសកកម្មប្រយុទ្ធប្រឆាំងនឹងជំងឺកូវីដ-១៩។សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ត្រូវបានបង្កើតឡើងកាលពីថ្ងៃទី១៧ ខែធ្នូ ឆ្នាំ២០១២ ក្រោមការផ្តួចផ្តើមគំនិតផ្ទាល់របស់សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។សមាគមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំផ្ទាល់ដោយឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងគោលបំណងផ្តល់សេវាព្យាបាលដល់ប្រជាពលរដ្ឋក្រីក្រនានាទូទាំងប្រទេស ដោយមិនប្រកាន់និន្នាការនយោបាយ។ចាប់តាំងពីបង្កើតឡើងមក សមាគមគ្រូពេទ្យស្ម័គ្រចិត្តយុវជនសម្តេចតេជោ ដែលប្រមូលផ្តុំដោយក្រុមគ្រូពេទ្យគ្រប់ជំនាញ គ្រប់ឯកទេស ទាំងស្ថាប័នរដ្ឋ និងឯកជន បានចូលរួមសកម្មភាពក្នុងការពិនិត្យ និងព្យាបាលជំងឺជូនប្រជាពលរដ្ឋ ជាពិសេសនៅតាមទីជនបទ។ បច្ចុប្បន្ន ក្រុមគ្រូពេទ្យមកពីសមាគមគ្រូពេទ្យស្ម័គ្រចិត្តយុវជនសម្តេចតេជោ បានព្យាបាលជូនប្រជាពលរដ្ឋក្រីក្រនៅទូទាំងប្រទេសបានជាង ៣៣ម៉ឺននាក់។ក្នុងនោះអ្នកជំងឺធ្ងន់ជាង ៦ពាន់នាក់ ត្រូវបានបញ្ជូនព្យាបាលនៅរាជធានីភ្នំពេញ និងជាមួយដៃគូសហការនានា។ក្នុងចំណោមអ្នកជំងឺធ្ងន់នេះ ក៏មានអ្នកជំងឺបេះដូងធ្ងន់ធ្ងរ ៥៦នាក់ផងដែរ។ក្នុងពេលដែលកម្ពុជា រងនូវការរាតត្បាតនៃជំងឺកូវីដ-១៩ ក្រុមគ្រូពេទ្យនៃសមាគមគ្រូពេទ្យស្ម័គ្រចិត្តយុវជនសម្តេចតេជោ ជិត ៨០០នាក់ បានស្ម័គ្រចិត្តចូលរួមក្នុងសកម្មភាពប្រយុទ្ធប្រឆាំងនឹងជំងឺកូវីដ-១៩ ជាមួយរាជរដ្ឋាភិបាលដោយឥតរួញរាផងដែរ៕

លោកជំទាវ ហ៊ុន ម៉ាណា ដឹកនាំក្រុមគ្រូពេទ្យស្ម័គ្រចិត្តចុះព្យាបាលជំងឺជូនប្រជាពលរដ្ឋនៅខេត្តព្រះវិហារ និងប្រគល់អំណោយផ្ទះទេវតា២ខ្នង និងប្រគេនទេយ្យវត្ថុដល់វត្តចំនួន៥ ក្នុងខេត្តស្វាយរៀង

នៅព្រឹកថ្ងៃអាទិត្យ ទី១៥ ខែឧសភាឆ្នាំ២០២២ លោកជំទាវ ហ៊ុន ម៉ាណា អគ្គនាយការវិទ្យុ និងទូរទស្សន៍បាយ័ន និងជាប្រធានក្រុមវេជ្ជសាស្ត្រសម្ដេចតេជោ បានអញ្ជើញដឹកនាំក្រុមគ្រូពេទ្យស្ម័គ្រចិត្តចុះពិនិត្យ ព្យាបាលជំងឺជូនកងទ័ព, គ្រួសារកងទ័ព និងប្រជាពលរដ្ឋ សរុបចំនួន១៧៦៩នាក់។ ពិធីនេះធ្វើឡើងនៅបរិវេនកងពលតូចអន្តរាគមន៍លេខ៧ ក្នុងភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារ។ ពិធីនេះ ក៏មានការអញ្ជើញចូលរួមពីសំណាក់ ឯកឧត្តម ស្រី ឌឹក មេបញ្ជាការកងទ័ពជើងគោក និងជាមេបញ្ជាការធំកងអន្តរាគមន៍លេខ៣,ឯកឧត្តម សួស យ៉ារ៉ា អ្នកតំណាងរាស្រ្តមណ្ឌលព្រះវិហារ និងលោកជំទាវ ប៉ាង រ៉ាវី អភិបាលរងខេត្តព្រះវិហារ ។ លោកជំទាវ ហ៊ុន ម៉ាណា ប្រធានក្រុមវេជ្ជសាស្រ្តសម្តេចតេជោ បានមានប្រសាសន៍សំណេះសំណាល និងពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនបងប្អូនប្រជាពលរដ្ឋដែលបានចូលរួម។ លោកជំទាវមានប្រសាសន៍ថា សម្តេចទាំង២ តែងតែគិតគូរយកចិត្តទុកដាក់ដល់ប្រជាពលរដ្ឋគ្រប់ទីកន្លែង និងគ្រប់ពេលវេលា។ លោកជំទាវបានថ្លែងអំណរគុណអាជ្ញាធរគ្រប់លំដាប់ថ្នាក់ នៃស្រុកជាំក្សាន្ត ដែលបានសម្របសម្រួលដល់បងប្អូនប្រជាពលរដ្ឋឱ្យបានអញ្ជើញមកដល់ទីតាំងពិនិត្យ ពិគ្រោះ និងព្យាបាលជំងឺដោយឥតគិតថ្លៃនេះ។ មុនការពិនិត្យ ពិគ្រោះ និងព្យាបាលជំងឺ ក្រុមការងារបានផ្តល់ជូនអាហារសម្រន់នៅពេលព្រឹកមានជានំបញ្ចុក នំបុ័ង និងភេសជ្ជៈ ឲ្យប្រជាពលរដ្ឋទទួលទានផងដែរ។ ក្រុមការងារបានចែកវែនតាសម្រាប់លោកយាយ លោកតាចំនួន៥០០នាក់,សម្ភារសិក្សាសម្រាប់សិស្សានុសិស្ស, ខោអាវលោកយាយលោកតា និងចែករទេះរុញសម្រាប់ជនពិការចំនួន១០គ្រឿង ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត។លទ្ធផលនៃការព្យាបាល ក្នុងចំនួន ១៧៦៩នាក់នេះ រួមមាន: ការវះកាត់តូចបានចំនួន៥២នាក់ , ពិនិត្យព្យាបាលរោគស្ត្រីចំនួន១០១ នាក់, ពិនិត្យជំងឺទូទៅចំនួន៩៣១ នាក់, ពិនិត្យសម្ភព និងអេកូសាស្ត្រចំនួន៧០នាក់, និងពិនិត្យ ព្យាបាលមាត់ធ្មេញចំនួន១១៥នាក់។ បន្ទាប់មកនៅថ្ងៃដដែលនេះលោកជំទាវ ហ៊ុន ម៉ាណា ក៏បានបន្តដំណើរឆ្ពោះមកកាន់ខេត្តស្វាយរៀង ជាមួយឯកឧត្តម ឌី វិជ្ជា ដើម្បីប្រគល់អំណោយផ្ទះទេវតា២ខ្នង និងប្រគេនទេយ្យវត្ថុដល់វត្តចំនួន៥។ ផ្ទះទេវតាចំនួន២ខ្នងនេះ បានប្រគល់ជូនទូរគតជន ជនចាស់ជរាគ្មានទីពឹង២គ្រួសាររួមមាន: ១- ផ្តល់ជូន លោកតា ដួង ឆុំ អាយុ៧៨ឆ្នាំ និងលោកយាយ គុជ ពេជ្រ អាយុ ៦៧ឆ្នាំ រស់នៅភូមិព្រែកត្នោត ឃុំសំបួ ស្រុករមាសហែកខេត្តស្វាយរៀង។ ផ្ទះនេះជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ ២- ផ្ទះលេខ២៩៣ ផ្តល់ជូនលោកយាយ ម៉ៅ សំបូ អាយុ៩០ឆ្នាំរស់នៅភូមិចន្ត្រី ស្រុករមាសហែកខេត្តស្វាយរៀង។ ផ្ទះនេះជាអំណោយដ៏ថ្លៃថ្លារបស់លោក វណ្ណ ហុង និង ស្រី អ៊ីម ផាន វ៉ាន់ឌី តាមរយៈកម្មវិធីផ្ទះទេវតា។ លោកជំទាវ ហ៊ុន ម៉ាណា និងឯកឧត្តម ឌី វិជ្ជា បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ដែលជានិច្ចកាលសម្តេចទាំងពីរតែងគិតគូរពីសុខទុក្ខដល់ពលរដ្ឋគ្រប់ទីកន្លែង និងគ្រប់ពេលវេលា។ បន្ថែមលើអំណោយផ្ទះ លោកជំទាវ ក៏បានផ្តល់ជូនគ្រួសារដែលទទួលបានផ្ទះនីមួយៗ នូវអំណោយសម្តេចតេជោ និងសម្តេចកិត្តិព្រឹទ្ធបណ្ឌិតបន្ថែមទៀត រួមមានមួយផ្ទះៗ ទទួលបានអង្ករ១០០Kg, ត្រីខ១កេស, មីចំនួន៥កេស, ទឹកដោះគោខាប់ ១កេស, ពួក១, ប្រេងកូឡូ១ប្រអប់ធំ, ប្រេងខ្យល់១ប្រអប់ធំ ,ចានដែក១, ឆ្នាំងតូច១, ឆ្នាំងធំ១, ខ្ទះឆា១, វែងឆា១, វែងបាយ១, វែងសំឡ១, ស្លាបព្រា និងសម១ឡូ, កំសៀវ១, ចានបាយចំនួន៥, ចានសម្លចំនួន៥, តែ ១ គីឡូក្រាម , ខ្នើយចំនួន២, មុងចំនួន២, ភួយចំនួន២, កន្ទេលចំនួន២, ស្ករសចំនួន៥គីឡូក្រាមទឹកស៊ីអ៊ីវចំនួន៣យួរ, វិទ្យុFM12 ១គ្រឿង, ថ្មដាក់វិទ្យុចំនួន២ ស្បែកជើងចំនួន២គូរ, ថ្នាំនឹងច្រាសដុសធ្មេញចំនួន៥ឈុត, សាប៊ូដុំចំនួន១២ដុំតូច, ថ្នាំពេទ្យចំនួន៥ប្រអប់តូច, ខោអាវលោកយាយចំនួន២កំប្លេរ, ខោអាវលោកតាចំនួន២កំប្លេ, និងថវិកាចំនួន ៥០ម៉ឺនរៀល។ បន្ទាប់មកទៀត លោកជំទាវ ហ៊ុន ម៉ាណា និងឯកឧត្តម ឌី វិជ្ជា បានអញ្ជើញនាំយកទេយ្យវត្ថុ អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៥ ហើយទេយ្យវត្ថុក្នុងមួយវត្តទទួលបាន៖ ០១-អង្ករ១តោន, ០២-ត្រីខ ចំនួន១កេស មាន១០យួរ, ០៣-មីចំនួន៥កេសធំ(៣០កេសតូច),០៤- ត្រីងៀតចំនួន ១០ គីឡូ,០៥- សាច់ក្រកចំនួន១០ គីឡូ, ០៦- សាច់ជ្រូផាត់ចំនួន១០ គីឡូ, ០៧- ទឹកដោះគោខាប់ ចំនួន២កេ០៨- កាហ្វេ ចំនួន ៥កញ្ចប់ធំ ,០៩- តែ ចំនួន ២គីឡូក្រាម,១០- ស្ករសចំនួន១បេ ,១១- អំបិលចំនួន១បេ,១២- ប៊ីចេងចំនួន១បេ ,១៣- ទឹកត្រីចំនួន៥យួ ,១៤- ទឹកស៊ីអ៊ីវចំនួន៥យួរ ,១៥- សាប៊ូដុំ ចំនួន ៣០ ដុំតូច,១៦- ច្រាស និងថ្នាំដុសធ្មេញ ចំនួន១០០ឈុត,១៧- វីតាមីនសេ ចំនួន ១០ ប្រអប់ ,១៨- ប្រេងកូឡា ចំនួន ៥ ដុំ៕

មន្ត្រីជាន់ខ្ពស់សុខាភិបាល ប្រកាសពីការអនុវត្តច្បាប់ពាក់ព័ន្ធនឹងការប្រយុទ្ធប្រឆាំងឱសថក្លែងក្លាយ និងអន់គុណភាព

កែប៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល នៅថ្ងៃទី១៦ ខែឧសភានេះ បានអញ្ជើញជាអធិបតីបើកសិក្ខាសាលា ស្តីពីការអនុវត្តច្បាប់ពាក់ព័ន្ធនឹងការប្រយុទ្ធប្រឆាំងឱសថក្លែងក្លាយ និងអន់គុណភាព ដោយមានការចូលរួម ធ្វើបទបង្ហាញពីមន្រ្តីនគរបាលយុត្តិធម៌នៃក្រសួងសុខាភិបាល ក្រសួងមហាផ្ទៃ មហាអយ្យការអមសាលាឧទ្ធរណ៍ភ្នំពេញ និងអយ្យការអមសាលាដំបូងខេត្តកណ្តាល ព្រមទាំងអង្គការដៃគូពាក់ព័ន្ធអន្តរជាតិ ដូចជាអន្តការសុខភាពពិភពជាដើម។សិក្ខាសាលានេះ ប្រព្រឹត្តទៅ នៅសណ្ឋាគាររ៉ក់រ៉ូយ៉ាល់ ខេត្តកែប ចាប់ពីថ្ងៃទី១៦-១៨ ខែឧសភាឆ្នាំ២០២២ ក្នុងគោលបំណងផ្លាស់ប្តូរបទពិសោធន៍ និងពង្រឹងសមត្ថភាព មន្រ្តីភ្នាក់ងារត្រួតពិនិត្យឱសថក្នុងការបង្ការ ទប់ស្កាត់ ស្រាវជ្រាវ និងចាត់វិធានការផ្លូវច្បាប់ការប្រយុទ្ធប្រឆាំងឱសថ ក្លែងក្លាយ និងអន់គុណភាព៕

នគរបាលនិយាយថា ការបាញ់ប្រហារទៅលើហ្វូងមនុស្សនៅផ្សារទំនើប Buffalo អាមេរិកគឺជាឧក្រិដ្ឋកម្មស្អប់ខ្ពើមពូជសាសន៍

សហរដ្ឋអាមេរិក៖ យោងតាមមន្ត្រីដែលដឹងការស៊ើបអង្កេតឲ្យដឹងថា បុរសអាយុ ១៨ឆ្នាំម្នាក់ដែលត្រូវបានសង្ស័យថា បានបើកការបាញ់ប្រហារនៅផ្សារទំនើប Buffalo កាលពីថ្ងៃសៅរ៍បានប្រាប់អាជ្ញាធរថា រូបគេកំពុងកំណត់គោលដៅសហគមន៍ពលរដ្ឋអាមេរិកស្បែកខ្មៅ។ មន្ត្រីបាននិយាយថា ខ្មាន់កាំភ្លើងដែលត្រូវបានចោទប្រកាន់ បានបញ្ជាក់ពីទង្វើដ៏គួរឲ្យរំខានដោយបរិយាយហេតុផល និងស្ថានភាពជំងឺផ្លូវចិត្តរបស់គេបន្ទាប់ពីការចាប់ខ្លួន។ សេចក្តីប្រកាសនេះមានភាពច្បាស់លាស់ និងពោរពេញដោយការស្អប់ខ្ពើមចំពោះសហគមន៍ពលរដ្ឋអាមេរិកស្បែកខ្មៅ។ អ្នកស៊ើបអង្កេតក៏បានរកឃើញព័ត៌មានផ្សេងទៀតពីដីកាស្វែងរកចាប់ខ្លួន និងវិធីសាស្ត្រផ្សេងទៀតផងដែរដែលបង្ហាញថា ខ្មាន់កាំភ្លើងរូបនេះធ្លាប់បានសិក្សាពីរបៀបបាញ់ និងវាយប្រហារបែបស្អប់ខ្ពើមកាលពីមុន។ ការលាតត្រដាងនេះកើតឡើងមួយថ្ងៃ បន្ទាប់ពីខ្មាន់កាំភ្លើងរូបនេះបានបាញ់សម្លាប់មនុស្ស ១០នាក់ និងបណ្ដាលឲ្យមនុស្ស ៣នាក់ទៀតរបួសនៅហាង Tops Friendly Markets ក្នុងតំបន់សហគមន៍ពលរដ្ឋស្បែកខ្មៅដ៏ច្រើនលើសលុបនៅក្នុងទីក្រុង Buffalo រដ្ឋ New York។ជនរងគ្រោះ ១១នាក់ដែលត្រូវបានបាញ់សម្លាប់គឺជាជនជាតិអាមេរិកស្បែកខ្មៅ។ នគរបាលបាននិយាយថា ជនរងគ្រោះមានអាយុចាប់ពី ២០ ទៅ ៨៦ឆ្នាំ។ នគរបាលក្រុង Buffalo បានកំណត់អត្តសញ្ញាណជនរងគ្រោះទាំង ១៣នាក់កាលពីថ្ងៃអាទិត្យ។ ក្នុងចំណោមពួកគេមានអតីតមន្ត្រីនគរបាលម្នាក់ដែលព្យាយាមបញ្ឈប់ខ្មាន់កាំភ្លើង, ម្តាយរបស់អតីតស្នងការពន្លត់អគ្គិភ័យក្រុង និងជាគ្រូជំនួសរយៈពេលវែង៕អត្ថបទ៖ សុខមាន

ទួរគីប្រាប់ហ្វាំងឡង់ និងស៊ុយអែតត្រូវតែឈប់គាំទ្រក្រុមភេរវករ ខណៈព្យាយាមចូលជាសមាជិកណាតូ

ទួរគី៖ ប្រមុខការទូតទួរគីបាននិយាយកាលពីថ្ងៃសៅរ៍ថា ប្រទេសស៊ុយអែត និងហ្វាំងឡង់ត្រូវតែបញ្ឈប់ការគាំទ្រក្រុមភេរវករនៅក្នុងប្រទេសរបស់ពួកគេ ដោយផ្ដល់ការធានាសន្តិសុខច្បាស់លាស់ និងដកបម្រាមនាំចេញលើទួរគី ខណៈប្រទេសទាំង២ នេះព្យាយាមចូលជាសមាជិកសម្ព័ន្ធយោធាណាតូ។ ថ្លែងបន្ទាប់ពីជំនួបក្រុមរដ្ឋមន្ត្រីការបរទេសរបស់សម្ព័ន្ធណាតូក្នុងទីក្រុងប៊ែរឡាំង លោក Mevlut Cavusoglu បាននិយាយថា លោកបានជួបសមភាគីស៊ុយអែត និងហ្វាំងឡង់រួចហើយ ហើយយើងទាំងអស់គ្នាកំពុងព្យាយាមដោះស្រាយក្ដីបារម្ភរបស់ទួរគី។ លោកបានបន្ថែមថា ប្រទេសទួរគីមិនគំរាមកំហែងប្រទេសណាមួយ ឬស្វែងរកការពង្រីកឥទ្ធិពលនោះទេ ប៉ុន្តែនិយាយជាពិសេសអំពីការគាំទ្ររបស់ប្រទេសស៊ុយអែត ចំពោះក្រុមសកម្មប្រយុទ្ធឃឺដ PKK ដែលត្រូវបានចាត់ទុកថាជាក្រុមភេរវករដោយប្រទេសទួរគី សហភាពអឺរ៉ុប និងសហរដ្ឋអាមេរិក។ប្រទេសហ្វាំងឡង់បានបញ្ជាក់កាលពីថ្ងៃអាទិត្យថា ខ្លួននឹងដាក់ពាក្យសុំចូលជាសមាជិក NATO ហើយស៊ុយអែតត្រូវគេរំពឹងថានឹងធ្វើដូចគ្នានេះ ជាការឆ្លើយតបទៅនឹងការវាយលុករបស់រុស្ស៊ីលើអ៊ុយក្រែន។ ទោះជាយ៉ាងណាក៏ដោយ ក្តីបារម្ភរបស់ទួរគីអាចបង្កជាឧបសគ្គមួយ ព្រោះការសម្រេចចិត្តណាមួយស្តីពីការពង្រីកខ្លួនរបស់សម្ព័ន្ធយោធាណាតូ ទាមទារការយល់ព្រមជាឯកច្ឆន្ទពីរដ្ឋសមាជិកទាំង ៣០៕ អត្ថបទ៖ សុខមាន

លោក Kim Jong-un និយាយថា ការផ្ទុះរាលដាលវីរុស COVID -19 គឺជាមហន្តរាយដ៏ធ្ងន់ធ្ងរ ខណៈអ្នកស្លាប់ឡើងដល់ ៥០នាក់

កូរ៉េខាងជើង៖ យោងតាមសារព័ត៌មានរដ្ឋឲ្យដឹងថា មេដឹកនាំកូរ៉េខាងជើងលោក Kim Jong-un បាននិយាយថា ការផ្ទុះរាលដាលវីរុស Covid-19 ដ៏ឆាប់រហ័សនៅក្នុងប្រទេសកូរ៉េខាងជើង គឺជាគ្រោះមហន្តរាយដ៏ធំបំផុតសម្រាប់ប្រទេសនេះ។ លោក Kim បានអំពាវនាវឲ្យខិតខំប្រឹងប្រែងអស់ពីលទ្ធភាព ក្នុងការបញ្ឈប់ការឆ្លងរាលដាលវីរុសអំឡុងកិច្ចប្រជុំបន្ទាន់កាលពីថ្ងៃសៅរ៍។ លោក Kim Jong Un បញ្ជាឲ្យចល័តកងកម្លាំងយោធាប្រយុទ្ធប្រឆាំងការផ្ទុះរាលដាលនៃ COVID-19 នេះ។ ការអំពាវនាវនេះមានឡើង បន្ទាប់ពីក្រុមមន្ត្រីបានប្រកាសពីករណីឆ្លងលើកដំបូងកាលពីថ្ងៃព្រហស្បតិ៍សប្ដាហ៍មុន ទោះបីជាក្រុមអ្នកជំនាញជឿថា វីរុសនេះទំនងជានៅតែកំពុងបន្តឆ្លងរាលដាល។ យោងតាមសារព័ត៌មានរដ្ឋឲ្យដឹងថា ចំនួនអ្នកស្លាប់ផ្លូវការបានឡើងដល់ ៥០នាក់កាលពីថ្ងៃអាទិត្យ ខណៈចំនួនករណីឆ្លងសរុបបានឡើងដល់ជាង ១,២១៣,៥៥០នាក់។ អ្នកជំងឺជាង ៦៤៨,៦៣០នាក់បានជាសះស្បើយ ខណៈដែលយ៉ាងហោចណាស់មានមនុស្សប្រមាណ ៥៦៤,៨៦០នាក់ត្រូវបានដាក់ឲ្យនៅដាច់ដោយឡែក ឬកំពុងទទួលការព្យាបាល។របាយការណ៍ទាំងនេះពុំបានបញ្ជាក់ថា តើពួកគេបានវិជ្ជមានវីរុស Covid-19 ឬយ៉ាងណាទេ ក្រៅតែពីមនុស្សម្នាក់បានស្លាប់នៅក្នុងរដ្ឋធានី Pyongyang ដែលត្រូវបានបញ្ជាក់ថាជាករណីឆ្លងវីរុសបម្លែងខ្លួនថ្មី Omicron។ មានក្ដីបារម្ភថា ការផ្ទុះរាលដាលដ៏ខ្លាំងក្លារនេះអាចបណ្ដាលឲ្យមានស្ថានភាពធ្ងន់ធ្ងរ នៅក្នុងប្រទេសកូរ៉េខាងជើង។ ប្រជាពលរដ្ឋចំនួន ២៥លាននាក់របស់ប្រទេសនេះកំពុងប្រឈមស្ថានភាពងាយរងគ្រោះ ដោយសារកង្វះកម្មវិធីចាក់វ៉ាក់សាំង និងមានប្រព័ន្ធសុខាភិបាលទន់ខ្សោយ៕អត្ថបទ៖ សុខមាន

សម្តេចតេជោ ហ៊ុន សែន នៅតែដិតដាមអារម្មណ៍ជាមួយបងប្រុសដែលទើបទទួលមរណភាពថ្មីៗ

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នៅតែបង្ហាញអារម្មណ៍ក្តុកក្តួល និងនឹករលឹកពន់ពេកដល់សម្តេចឧត្ដមទេពញាណ ហ៊ុន ណេង ដែលជាបងប្រុស ទើបទទួលមរណភាពកាលពីពេលថ្មីៗនេះ។សម្តេចតេជោ ហ៊ុន សែន បានសរសេរតាមបណ្តាញសង្គមFacebookនៅមុននេះបន្តិចថា “ភរិយាខ្ញុំបានប្រាប់ខ្ញុំថាមានញាតិមិត្តយល់សប្តិឃើញថាបងប្រុសរបស់ខ្ញុំធ្វើដំណើរទៅអាមេរិកជាមួយខ្ញុំដើម្បីការពារខ្ញុំនៅទីនោះ។ នេះជាអបិយជំនឿតែខ្ញុំដូចជាជឿព្រោះខ្ញុំក៍យល់សប្តិឃើញបងប្រុសខ្ញុំរហូត៣យប់ក្នុងចំណោម៤យប់។យប់ថ្ងៃ១១និងយប់ថ្ងៃ១២នៅម៉ោង២ភ្លឺដូចគ្នាខ្ញុំយល់សប្តិឃើញបងប្រុសខ្ញុំដោយស្លៀកពាក់ខោអាវធំយ៉ាងស្អាតដើរមកពិនិត្យក្នុងបន្ទប់ខ្ញុំហើយប្រាប់ខ្ញុំថា(សែនឯងហត់ណាស់ខិតខំសម្រាកឱ្យបានច្រើន)។ខ្ញុំភ្ញាក់ឡើងក្រឡេករកមើលគាត់មិនឃើញខ្ញុំស្រក់ទឹកភ្នែកនិងខំសម្រាកទៅវិញក្រែងបានឃើញគាត់មកវិញតែសម្រាកមិនលក់សោះរហូតម៉ោងប្រហែល៥ភ្លឺទើបសម្រាកលក់ទៅវិញ។ព្រឹកម៉ោង៥ថ្ងៃទី១៤ខ្ញុំយល់សប្តិឃើញបងប្រុសខ្ញុំម្តងទៀតហើយម្តងនេះឃើញគាត់ពាក់ចិញ្ចៀនពេជ្រនៅដៃខាងឆ្វេងនិងដៃឆ្វេងនេះហើយដែលគាត់មកទាញភួយដាស់ខ្ញុំឱយភ្ញាក់ពីដេកដោយនិយាយថា(សែនក្រោកឡើងទៅស្រុកយើងវិញម៉ោង៨ចេញពីអូតែល)។ពេលខ្ញុំដឹងខ្លួនខ្ញុំគិតថាបងខ្ញុំពិតជានៅអាលោះអាល័យមកលើរូបខ្ញុំឬមកពីខ្ញុំគិតដល់គាត់ច្រើនពេកទើបធ្វើឱយខ្ញុំយល់សប្តិឃើញគាត់ញឹកញាប់បែបនេះ។ បងប្អូនយើងពិតមែនតែនៅស្ថានខុសគ្នាតែយើងនៅជាមួយគ្នាជានិច្ច៕

បណ្ដាញសង្គម

ព័ត៌មានថ្មីៗ

បេក្ខជនមកពិនិត្យលេខបន្ទប់ លេខតុ មុនការប្រឡងបាកើឌុបចាប់ផ្ដើមទី ១០សីហា ស្អែកនេះ

ឯកឧត្តម គន់ គីម នឹងលើកគម្រោងជួយជួសជុលផ្ទះអតីតយុទ្ធជនទ្រុឌទ្រោម ក្នុងខេត្តរតនគិរី

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បេឡារុសជំរុញសម្ព័ន្ធយោធាដឹកនាំដោយរុស្ស៊ីរួបរួមគ្នាប្រឆាំងលោកខាងលិច

នគរបាលនិយាយថា ការបាញ់ប្រហារទៅលើហ្វូងមនុស្សនៅផ្សារទំនើប Buffalo អាមេរិកគឺជាឧក្រិដ្ឋកម្មស្អប់ខ្ពើមពូជសាសន៍

ទួរគីប្រាប់ហ្វាំងឡង់ និងស៊ុយអែតត្រូវតែឈប់គាំទ្រក្រុមភេរវករ ខណៈព្យាយាមចូលជាសមាជិកណាតូ

លោក Kim Jong-un និយាយថា ការផ្ទុះរាលដាលវីរុស COVID -19 គឺជាមហន្តរាយដ៏ធ្ងន់ធ្ងរ ខណៈអ្នកស្លាប់ឡើងដល់ ៥០នាក់

សម្តេចតេជោ ហ៊ុន សែន នៅតែដិតដាមអារម្មណ៍ជាមួយបងប្រុសដែលទើបទទួលមរណភាពថ្មីៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បេឡា​រុស​ជំរុញ​សម្ព័ន្ធ​យោធា​ដឹកនាំ​ដោយ​រុស្ស៊ី​រួបរួមគ្នា​ប្រឆាំង​លោកខាងលិច​

លោក Kim Jong-un និយាយ​ថា ការផ្ទុះ​រាលដាល​វីរុស COVID -19 គឺជា​មហន្តរាយ​ដ៏​ធ្ងន់ធ្ងរ ​ខណៈ​អ្នក​ស្លាប់​ឡើង​ដល់ ​៥០​នាក់

សម្តេចតេជោ ហ៊ុន សែន នៅតែដិតដាមអារម្មណ៍ជាមួយបងប្រុសដែលទើបទទួលមរណភាពថ្មីៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បេឡារុសជំរុញសម្ព័ន្ធយោធាដឹកនាំដោយរុស្ស៊ីរួបរួមគ្នាប្រឆាំងលោកខាងលិច

លោក Kim Jong-un និយាយថា ការផ្ទុះរាលដាលវីរុស COVID -19 គឺជាមហន្តរាយដ៏ធ្ងន់ធ្ងរ ខណៈអ្នកស្លាប់ឡើងដល់ ៥០នាក់