BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

អង្គការសហប្រជាជាតិ៖ មនុស្សជាង ៥លាននាក់បានភៀសខ្លួនចេញពីអ៊ុយក្រែន តាំងពីចាប់ផ្ដើមការវាយប្រហាររបស់រុស្ស៊ី

UN៖ ទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិបាននិយាយថា ជនជាតិអ៊ុយក្រែនជាង ៥លាននាក់ត្រូវបានបង្ខំចិត្តចាកចេញពីប្រទេសរបស់ពួកគេ ក្នុងសង្គ្រាមរយៈពេល ២ខែចាប់តាំងពីការវាយប្រហាររបស់រុស្ស៊ីចូលអ៊ុយក្រែន ដែលនាំឲ្យមានវិបត្តិជនភៀសខ្លួនធំបំផុតមិនធ្លាប់មាន។ ឧត្ដមស្នងការទទួលបន្ទុកជនភៀសខ្លួនរបស់អង្គការសហប្រជាជាតិ ដែលមានមូលដ្ឋាននៅក្នុងទីក្រុងហ្សឺណែវ (UNHCR) កាលពីថ្ងៃពុធបាននិយាយថា ជនជាតិអ៊ុយក្រែនចំនួន ៥លាន ១សែននាក់បានចាកចេញពីប្រទេសចាប់តាំងរុស្ស៊ីបើកការវាយប្រហារកាលពីថ្ងៃ២៤កុម្ភៈ។ ទិន្នន័យនៃចំនួនជនភៀសខ្លួនជាង ៥លាននាក់គឺជាចំនួនខ្ពស់បំផុត និងភាពតក់ស្លុតថ្មីបំផុត ក្នុងវិបត្តិជនភៀសខ្លួនធំបំផុតរបស់អឺរ៉ុបចាប់តាំងពីសង្គ្រាមលោកលើកទី២ ខណៈរុស្ស៊ីបង្កើនការវាយប្រហារក្នុងតំបន់ Donbas ភាគខាងកើតអ៊ុយក្រែន។ត្រឹម ៣សប្ដាហ៍កន្លងមកនេះ នៅពេលដែលចំនួនជនភៀសខ្លួនបានកើនឡើងដល់ ៤លាននាក់ ឧត្ដមស្នងការទទួលបន្ទុកជនភៀសខ្លួនរបស់អង្គការសហប្រជាជាតិបាននិយាយថា ចំនួនជនភៀសខ្លួនបានហក់ឡើងខ្ពស់បំផុតជាងការព្យាករណ៍របស់ខ្លួន៕អត្ថបទ៖ សុខមាន

អន្តរក្រសួង គាំទ្រការរៀបចំបង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្រ្តនគរភ្នំ-ឈើកាច់បាភ្នំ

ភ្នំពេញ៖ ក្រសួងបរិស្ថាន និងក្រសួងវប្បធម៌ និងវិចិត្រសិល្បៈ បានធ្វើសកម្មភាពរួមគ្នា គាំទ្រការរៀបចំបង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្រ្តនគរភ្នំ-ឈើកាច់បាភ្នំ។គួរបញ្ជាក់ថា កាលពីថ្ងៃទី២០ ខែមេសា ឆ្នាំ២០២២ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានដឹកនាំកិច្ចប្រជុំអន្តរក្រសួង ស្តីពីការសិក្សា កំណត់ និងរៀបចំបង្កើតតំបន់បេតិកភណ្ឌធម្មជាតិ និងវប្បធម៌ប្រវត្តិសាស្រ្ត នគរភ្នំ-ឈើកាច់បាភ្នំ ស្ថិតនៅក្នុងឃុំជើងភ្នំ និងឃុំឈើកាច់ ស្រុកបាភ្នំ ខេត្តព្រៃវែង។កិច្ចប្រជុំនោះមានការអញ្ជើញចូលរួមពីតំណាងក្រសួងវប្បធម៌ និងវិចិត្រសិល្បៈ ក្រសួងមហាផ្ទៃ ក្រសួងការពារជាតិ ក្រសួងសេដ្ឋកិច្ច និងហិរញ្ញវត្ថុ ក្រសួងរៀបចំដែនដីនគរូបនីយកម្ម និងសំណង់ ក្រសួងកសិកម្ម រុក្ខាប្រមាញ់ និងនេសាទ ក្រសួងរ៉ែ និងថាមពល ក្រសួងទេសចរណ៍ និងតំណាងរដ្ឋបាលខេត្តព្រៃវែង។មតិរួមរបស់អន្តរក្រសួងបានគាំទ្រចំពោះការសិក្សា កំណត់ និងរៀបចំបង្កើតតំបន់បេតិកភណ្ឌធម្មជាតិ និងវប្បធម៌ប្រវត្តិសាស្រ្ត នគរភ្នំ-ឈើកាច់បាភ្នំ ដែលជាទីតាំងដ៏សំខាន់នៅក្នុងប្រវត្តិសាស្ត្រនៃ នគរគោកធ្លក ឬនគរភ្នំ ដើមកំណើតទឹកដីនៃព្រះរាជាណាចក្រកម្ពុជា៕

អ៊ុយក្រែនស្វែងរកការចរចានៅទីក្រុង Mariupol ដើម្បីជម្លៀសមនុស្ស បន្ទាប់ពីឱសានវាទទម្លាក់អាវុធផុតកាលកំណត់

អ៊ុយក្រែន៖ ប្រទេសអ៊ុយក្រែនបានស្នើឲ្យមានការចរចាជាមួយក្រុង Moscow ជុំវិញការជម្លៀសកងទ័ព និងជនស៊ីវិលចេញពីទីក្រុង Mariupol បន្ទាប់ពីឱសានវាទឲ្យទម្លាក់អាវុធចុះ ឬសុខចិត្តបាត់បង់អាយុជីវិតបានផុតកាលកំណត់កាលពីថ្ងៃពុធ ដោយទុកឲ្យមនុស្សជាច្រើនជាប់ខ្លួនក្នុងរោងចក្រស្លដែក ដែលជាមូលដ្ឋានដ៏រឹងមាំចុងក្រោយរបស់ក្រុមអ្នកតស៊ូអ៊ុយក្រែន។ យោងតាមសារព័ត៌មាន Reuters ជនស៊ីវិលមួយចំនួនតូចបានត្រៀមចាកចេញ ពីកំពង់ផែយុទ្ធសាស្ត្រដ៏សំខាន់ក្នុងភាគអាគ្នេយ៍តាមក្បួនរថយន្តក្រុងខ្នាតតូច គេចចេញពីការវាយប្រយុទ្ធគ្នាដ៏កក្រើកនៃសង្គ្រាមដែលមានអាយុកាល ៨សប្ដាហ៍។ កាលពីថ្ងៃពុធ មន្ត្រីយោធាអ៊ុយក្រែនមួយរូបបានជំរុញឲ្យដឹកនាំពិភពលោក ជួយជម្លៀសទាហានរាប់រយនាក់ និងជនស៊ីវិលជាច្រើនទៀតចេញពីរោងចក្រដែកថែប Azovstal មួយនេះដែលរងការឡោមព័ទ្ធពីកងទ័ពរុស្ស៊ី។ មេបញ្ជាការកងម៉ារីនលោក Serhiy Volny បាននិយាយថា ក្រុមយុទ្ធជនប្រហែលជាមិនអាចសំងំលាក់ខ្លួនបានយូរទៀតទេ។ លោកប្រធានាធិបតី Volodymyr Zelenskiy បាននិយាយថា ជនស៊ីវិលប្រមាណ ១,០០០នាក់ក៏កំពុងពួនសំងំនៅរោងចក្រស្លដែកនោះដែរ។ អ្នកចរចាអ៊ុយក្រែនលោក Mykhailo Podolyak បាននិយាយនៅលើបណ្ដាញសង្គម tweeter ថា ប្រទេសអ៊ុយក្រែនបានត្រៀមសម្រាប់ការចរចាជុំពិសេសដោយគ្មានលក្ខខ័ណ្ឌ ដើម្បីជួយពលរដ្ឋ កងវរសេនាតូច យោធា ជនស៊ីវិល កុមាររបស់យើងដែលកំពុងមានជីវិត និងរងរបួស៕អត្ថបទ៖ សុខមាន

លោកជំទាវ ឱ វណ្ណឌីន៖ ទោះខេត្ដរតនគិរី ត្រូវលើកលែងកាតព្វកិច្ចពាក់ម៉ាស តែប្រជាជនភាគច្រើននៅតែបន្តពាក់ម៉ាស និងអនុវត្តន៍វិធានសុខាភិបាល

ភ្នំពេញ ៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្របខណ្ឌទូទាំងប្រទេស កាលពីថ្ងៃទី២០ ខែមេសា ឆ្នាំ២០២២ ក្នុងដំណើរបន្តចុះពិនិត្យដំណើរការចាក់វ៉ាក់សាំងបង្ការជំងឺកូវីដ-១៩ នៅខេត្ដរតនគិរី បានលើកឡើងថា បើទោះបីខេត្ដរតនគិរីត្រូវបានលើកលែងការពាក់ម៉ាសក្ដី ប៉ុន្ដែប្រជាជនភាគច្រើននៅតែបន្តពាកម៉ាស និងអនុវត្តន៍វិធានសុខាភិបាល។ តាមរយៈសកម្មភាពនេះលោកជំទាវវាយតម្លៃថា ប្រជាជនមានការយល់ដឹងច្រើនអំពីការការពារសុខភាព។គួរបញ្ជាក់ថា នៅរសៀលថ្ងៃពុធទី២០ ខែមេសា ឆ្នាំ២០២២ លោកជំទាវ ឱ វណ្ណឌីន , លោកស្រី វេជ្ជបណ្ឌិត លី អាយលែន តំណាងអង្គការសុខភាពពិភពលោក ប្រចាំប្រទេសកម្ពុជា និងលោកស្រីវេជ្ជបណ្ឌិត ហ្វារូហ្វ ហ្វូយូហ្សាត តំណាងអង្គការ UNICEFប្រចាំប្រទេសកម្ពុជា រួមទាំងមន្រ្តីពាក់ព័ន្ធមួយចំនួនទៀត បានចុះត្រួតពិនិត្យដំណើរការចាក់វ៉ាកសាំងកូវីដ-១៩ នៅមណ្ឌលសុខភាពបរខាំ ខេត្តរតនគីរី និងបានបន្តដំណើរទៅកាន់ច្រកព្រំដែនអន្តរជាតិ អូយ៉ាដា ខេត្តរតនគីរី ដើម្បីសាកសួរ និងពិនិត្យស្ថានភាពជំងឺកូវីដ-១៩ រួមទាំងដំណើរការចាក់វ៉ាក់សាំងផងដែរ៕

កម្ពុជាកាត់បន្ថយការធ្វើចត្តាឡីស័កអ្នកមកពីបរទេសមិនបានចាក់វ៉ាក់សាំង មកត្រឹម៧ថ្ងៃ

ភ្នំពេញ៖ រាជរដ្ឋាភិបាលកម្ពុជា បានសម្រេចកាត់បន្ថយការធ្វើចត្តាឡីស័ក ចំពោះអ្នកដំណើរមកពីបរទេស ដែលមិនបានចាក់វ៉ាក់សាំងកូវីដ-១៩ ពីរយៈពេល១៤ថ្ងៃ មកត្រឹមរយៈពេល ៧ថ្ងៃវិញ និងត្រូវអនុវត្តវិធានការសុខាភិបាលមួយចំនួនទៀត ។ យោងតាមសេចក្តីប្រកាសព័ត៌មាន របស់ក្រសួងសុខាភិបាល នៅថ្ងៃទី២១ ខែមេសា ឆ្នាំ២០២២នេះ បានឲ្យដឹងថា ដោយមានការឯកភាពពីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្រសួងមានការកែសម្រួលលក្ខខណ្ឌធ្វើចត្តាឡីស័ក ចំពោះអ្នកដំណើរមកពីបរទេស ដែលមិនបានចាក់វ៉ាក់សាំង ឬមិនទាន់បានចាក់វ៉ាក់សាំងពេញលេញ ។ ប្រកាសព័ត៌មានបានបន្តថា ចំណុចត្រូវកែសម្រួលនោះ ទី១. កែសម្រួលរយៈពេលធ្វើចត្តាឡីស័កពី ១៤ថ្ងៃ មកនៅត្រឹម ៧ថ្ងៃ និងទី២. កែសម្រួលលក្ខខណ្ឌធ្វើតេស្ត ចំពោះអ្នកធ្វើចត្តាឡីស័ក ក្នុងនោះអ្នកដំណើរមកពីបរទេសចូលតាមផ្លូវអាកាស ត្រូវធ្វើតេស្តរហ័សនៅថ្ងៃទី៧ ដើម្បីបញ្ចប់ការធ្វើចត្តាឡីស័ក និងអ្នកមកតាមព្រំដែនគោក ត្រូវធ្វើតេស្តរហ័សចំនួន ២លើក ដែលលើកទី១ នៅថ្ងៃទី១ មុនពេលចូលមណ្ឌលចត្តាឡីស័ក និងលើកទី២ នៅថ្ងៃទី៧ ដើម្បីបញ្ចប់ការធ្វើចត្តាឡីស័ក ។ ប្រភពបន្ថែមថា ជាមួយនេះ អាជ្ញាធរមានសមត្ថកិច្ចពាក់ព័ន្ធ ត្រូវបន្តរក្សាការចាក់វ៉ាក់សាំងកូវីដ១៩ ដូសទី១ ឬដូសទី២ (ចំពោះអ្នកដែលបានចាក់វ៉ាក់សាំងដូសទី១រួច ហើយមានលក្ខណៈសម្បត្តិគ្រប់គ្រាន់ សម្រាប់ការចាក់ដូសទី២ តាមរបបចាក់វ៉ាក់សាំង) ដូចដែលបានអនុវត្តរហូតមកមកដល់ពេលនេះជូនប្រជាពលរដ្ឋ និងពលករកម្ពុជា នៅថ្ងៃដែលត្រូវបានអនុញ្ញាតិឲ្យចាកចេញពីមណ្ឌលចត្តាឡីស័ក៕

អង្គការសហប្រជាជាតិពិភាក្សាអំពីស្ថានភាពមនុស្សធម៌នៅអ៊ុយក្រែន

រុស្ស៊ី៖ ប្រទេសរុស្ស៊ីកំពុងចោទប្រកាន់ប្រទេសអ៊ុយក្រែនថា បានប្រើខែលប្រជាជនដើម្បីការពាររោងចក្រដែក Azovstal ក្នុងការបំណងការពារការវាយប្រហាររបស់រុស្ស៊ីលើរោងចក្រនេះនៅក្នុងទីក្រុង Mariupol។ លោក Dmitry Polyanskiy តំណាងរងរបស់សហព័ន្ធរុស្ស៊ីបាននិយាយទៅកាន់អង្គការសហប្រជាជាតិថា ក្រុមជ្រុលនិយម និងណាស៊ីនិយមបែបថ្មីបានអះអាងថា មានជនស៊ីវិលនៅជាមួយពួកគេនៅក្នុងរោងចក្រនេះ។លោក Polyanskiy បានរិះគន់ប្រទេសលោកខាងលិច ចំពោះការមិនអើពើទៅនឹងឧក្រិដ្ឋកម្មសង្គ្រាមតាមការចោទប្រកាន់ ប្រព្រឹត្តដោយយោធាអ៊ុយក្រែនដែលតាមការរាយការណ៍ថា បានប្រើប្រាស់គ្រាប់បែកចង្កោមមកលើកងកម្លាំងរុស្ស៊ី។ លោក Polyanskiy និយាយថា ឆន្ទៈក្នុងការថ្កោលទោសឧក្រិដ្ឋកម្មដ៏ឃោឃៅនេះ និងការបំពានបែបជ្រុលនិយមលើបទដ្ឋាននៃច្បាប់មនុស្សធម៌អន្តរជាតិ ជាអ្វីសម្រាប់ហេតុផលមួយចំនួនដែលយើងមិនឃើញ ក្រុមប្រទេសលោកខាងលិចណាមួយមានវិធានការឡើយ។ ប្រធានទីភ្នាក់ងារអន្តោប្រវេសន៍របស់អង្គការសហប្រជាជាតិបាននិយាយថា វាមានសារៈសំខាន់ដើម្បីធានាថា ប្រជាជនដែលភៀសខ្លួនចេញពីអ៊ុយក្រែនមានលទ្ធភាពទទួលបានការគាំទ្រ និងសេវាកម្មគ្រប់គ្រាន់ និងដើម្បីជួយសម្រួលដល់ការដាក់បញ្ចូលពេញលេញរបស់ពួកគេនៅក្នុងប្រព័ន្ធអប់រំ និងសុខភាពទៅក្នុងទីផ្សារការងារ។ នៅក្នុងសុន្ទរកថារបស់លោកទៅកាន់កិច្ចប្រជុំក្រុមប្រឹក្សាសន្តិសុខស្តីពីអ៊ុយក្រែន លោក Antonio Vitorino អគ្គនាយកនៃអង្គការអន្តរជាតិសម្រាប់ការធ្វើអន្តោប្រវេសន៍ (IOM) បានស្វាគមន៍ការសម្រេចចិត្តរបស់សហភាពអឺរ៉ុប ក្នុងផ្តល់ការការពារបណ្តោះអាសន្នដល់ប្រជាជនភៀសខ្លួនពីសង្គ្រាមមកពីអ៊ុយក្រែន៕អត្ថបទ៖ ប៊ុនថន

ប្រមុខអង្គការសហប្រជាជាតិជំរុញឲ្យផ្អាកប្រយុទ្ធគ្នារយៈពេល ៤ថ្ងៃក្នុងប្រទេសអ៊ុយក្រែន

UN៖ អគ្គលេខាធិការអង្គការសហប្រជាជាតិលោក Antonio Guterres បានអំពាវនាវកាលពីថ្ងៃអង្គារសុំឲ្យផ្អាកការប្រយុទ្ធគ្នានៅក្នុងប្រទេសអ៊ុយក្រែន អំឡុងសប្ដាហ៍បរិសុទ្ធនៃគ្រិស្តសាសនិកនិកាយអូថូដុក (Orthodox Christians' Holy Week ) សម្រាប់គ្រិស្តសាសនិកដែលជាពេលវេលាបួងសួងពិធីបុណ្យ Easter ទទូចឲ្យផ្អាករយៈពេល ៤ថ្ងៃដើម្បីអនុញ្ញាតឲ្យមានការដឹកជញ្ជូនជំនួយមនុស្សធម៌ និងការជម្លៀសប្រជាពលរដ្ឋចេញ។ ដោយកត់សម្គាល់ថា រដូវកាលបុណ្យ Easter នឹងមកដល់នៅថ្ងៃអាទិត្យ ទី២៤ ខែមេសាចំពេលមានការវាយលុករបស់រុស្ស៊ីកាន់តែខ្លាំងឡើងនៅភាគខាងកើតអ៊ុយក្រែន ប្រមុខអង្គការសហប្រជាជាតិបាននិយាយថា តម្រូវការសម្រាប់បទឈប់បាញ់គឺជារឿងបន្ទាន់ជាងគេ។ ការវាយលុក និងការស្លាប់ដ៏រង្គាលលើជនស៊ីវិលដែលយើងបានឃើញកន្លងមក អាចយកទៅប្រៀបធៀបបានទៅនឹងភាពរន្ធត់ដែលអាចនឹងកើតឡើងនៅពេលខាងមុខ។ លោកបានប្រាប់ក្រុមអ្នកយកព័ត៌មានដោយជំរុញឲ្យទាហានរុស្ស៊ី និងអ៊ុយក្រែនទម្លាក់កាណុងកាំភ្លើង និងបង្កើតផ្លូវទៅកាន់សុវត្ថិភាពសម្រាប់មនុស្សជាច្រើនដែលប្រឈមហានិភ័យភ្លាមៗ។ លោកបានស្នើឲ្យផ្អាកបាញ់គ្នាចាប់ផ្ដើមពីថ្ងៃព្រហស្បតិ៍ស្អែកនេះ ដែលជាថ្ងៃព្រហស្បតិ៍បរិសុទ្ធសម្រាប់គ្រិស្តបរិស័ទនិកាយអូថូដុក ដែលប្រជាជនអ៊ុយក្រែនភាគច្រើនកាន់និកាយនេះ។លោក Guterres បាននិយាយថា គោលដៅគឺដើម្បីបើកច្រករបៀងមនុស្សធម៌ ដូច្នេះជនស៊ីវិលអាចគេចចេញពីតំបន់មានការប្រយុទ្ធគ្នា ហើយក្បួនរថយន្តមនុស្សធម៌ជាច្រើនទៀតអាចចូលទៅបាន ជាពិសេសទៅកាន់តំបន់ Donetsk, Luhansk និងទីក្រុង Mariupol នៅតំបន់ភាគខាងកើតដែលគេស្គាល់ថា Donbas ដែលជាគោលដៅសំខាន់នៃការវាយលុកបច្ចុប្បន្នរបស់រុស្ស៊ី និងទីក្រុង Kherson នៅភាគខាងត្បូង។ ប្រជាជនជាង ៤លាននាក់នៅក្នុងតំបន់ទាំងនោះ និង ១២លាននាក់នៅទូទាំងប្រទេសត្រូវការអាហារ ទឹក ថ្នាំពេទ្យ ឬជំនួយផ្សេងទៀត៕អត្ថបទ៖ សុខមាន

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

រុស្ស៊ី៖ រុស្ស៊ីបានផ្ដល់ឱសានវាទថ្មីឲ្យក្រុមអ្នកប្រយុទ្ធអ៊ុយក្រែន ដែលនៅតែបន្តលាក់ខ្លួនក្នុងទីក្រុង Mariupol ឲ្យទម្លាក់អាវុធចុះនៅថ្ងៃពុធនេះ ខណៈខ្លួនជំរុញការរុលទៅមុខដណ្ដើមជោគជ័យឲ្យខានតែបាន ក្នុងការវាយប្រហារជាថ្មីក្នុងភាគខាងកើត ខណៈបណ្ដារដ្ឋាភិបាលលោកខាងលិចបានសន្យាផ្ដល់ជំនួយយោធាបន្ថែមទៀតដល់រដ្ឋធានី Kyiv។ កងកម្លាំងរុស្ស៊ីរាប់ពាន់នាក់ដែលត្រូវបានគាំទ្រដោយកាំភ្លើងធំ និងការបាញ់ស្រោចដោយគ្រាប់រ៉ូកែត កំពុងរុលទៅមុខដូចអ្វីដែលក្រុមមន្ត្រីអ៊ុយក្រែនបានហៅថា ជាសង្គ្រាមតំបន់ Donbas។ ការវាយប្រហាររបស់រុស្ស៊ីជិត ៨សប្ដាហ៍បានបរាជ័យក្នុងការដណ្ដើមយកទីក្រុងធំៗបំផុតរបស់អ៊ុយក្រែន ដោយបង្ខំឲ្យក្រុង Moscow ផ្ដោតជាថ្មីទាំងនៅក្នុង និងជុំវិញតំបន់នានារបស់ក្រុមផ្ដាច់ខ្លួន។ នេះគឺជាការវាយប្រហារដ៏ធំបំផុតនៅរដ្ឋក្នុងតំបន់អឺរ៉ុបចាប់តាំងពីឆ្នាំ១៩៤៥ មក ទោះយ៉ាងណាក៏ដោយគេបានមើលឃើញថា សង្គ្រាមនេះបានបង្ខំឲ្យមនុស្សជិត ៥លាននាក់ភៀសខ្លួនចូលទៅប្រទេសជិតខាង និងបណ្ដាលឲ្យទីក្រុងជាច្រើនគ្របដណ្ដប់ដោយកម្ទេចថ្មបែកបាក់៕អត្ថបទ៖ សុខមាន

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស

ភ្នំពេញ៖ តាមកម្មវិធីដែលគ្រោងទុកនៅថ្ងៃទី២២ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំកំពូលបញ្ហាទឹកនៅប្រទេសជប៉ុនដែលនៅក្នុងឱកាសនោះសម្ដេចនឹងអញ្ជើញចុះហត្ថលេខាលើឯកសារ១ ហើយសម្ដេចនឹងអញ្ជើញនិវត្តន៍មកកម្ពុជាវិញនៅថ្ងៃទី២៤ ខែមេសា។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធសមិទ្ធផលនានាក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ លូ ក្នុងរាជធានីភ្នំពេញជំហានទី៤ នៅមុខក្រុមប្រឹក្សាអភិវឌ្ឍន៍កម្ពុជា(CDC) នាព្រឹកថ្ងៃទី២០ ខែមេសា សម្ដេចតេជោបានមានប្រសាសន៍ថា សម្តេចនឹងអញ្ជើញចេញទៅប្រទេសជប៉ុន នៅថ្ងៃទី២២ខែមេសានេះ ហើយនឹងមានចុះហត្ថលេខាលើឯកសារ១នៅថ្ងៃទី២៣ហើយនៅថ្ងៃទី២៤ខែមេសា សម្តេចនឹងនិវត្តវិញដោយមានកិច្ចការជាច្រើនទៀតដែលត្រូវបំពេញ ហើយបន្ទាប់ពីនោះនៅខែឧសភានាថ្ងៃទី១០សម្តេចនឹងអញ្ជើញចាកចេញទៅកាន់សហរដ្ឋអាមេរិក ដើម្បីចូលរួមកិច្ចប្រជុំកំពូលអាស៊ាន អាមេរិក ក្នុងឋានៈជាប្រធានអាស៊ានឆ្នាំ២០២២ ដែលកម្មវិធីគឺបានកំណត់ច្បាស់លាស់ហើយ។សម្ដេចតេជោប្រមុខរាជរដ្ឋាភិបាលក៏បានបង្ហាញអំពីកម្មវិធីអញ្ជើញទៅក្រៅប្រទេសផ្សេងទៀតពោលគឺនៅថ្ងៃទី ២១ខែឧសភាដែលជាថ្ងៃចាប់ផ្ដើមយុទ្ធនាការឃោសនាបោះឆ្នោតក្រុមប្រឹក្សាឃុំសង្កាត់ សម្តេចនឹងអញ្ជើញចាកចេញទៅជាទីក្រុងដាវ៉ូស ប្រទេសស្វីស ដើម្បីចូលរួមវេទិកាសេដ្ឋកិច្ចពិភពលោកក្នុងឋានៈជាប្រធានអាស៊ានផងដែរ៕ អត្ថបទ មុត សុទ្ធ

អាមេរិក និងលោកខាងលិចប្ដេជ្ញាផ្ដល់អាវុធឲ្យអ៊ុយក្រែន ស្របពេលរុស្ស៊ីបង្កើនការវាយប្រហារជាថ្មី

សហរដ្ឋអាមេរិក៖ មន្ត្រីការពារជាតិជាន់ខ្ពស់របស់សហរដ្ឋអាមេរិកនិយាយថា យន្តហោះដឹកអាវុធចំនួន ៧គ្រឿងរបស់សហរដ្ឋអាមេរិកទៅអ៊ុយក្រែននឹងធ្វើដំណើរទៅសហភាពអឺរ៉ុបក្នុងពេល ២៤ម៉ោងទៀត ខណៈបណ្ដាមេដឹកនាំលោកខាងលិចមួយចំនួនបានប្ដេជ្ញាគាំទ្រផ្នែកគ្រឿងសព្វាវុធបន្ថែមទៀតដល់អ៊ុយក្រែន ដើម្បីទប់ទល់ការវាយលុករបស់រុស្ស៊ីក្នុងភាគខាងកើត។គ្រឿងសព្វាវុធនេះគឺជាផ្នែកមួយនៃកញ្ចប់ថវិកាទិញអាវុធក្នុងទំហំទឹកប្រាក់ចំនួន ៨០០លានដុល្លារអាមេរិកដែលរដ្ឋបាលរបស់លោក Biden បានអនុម័តកាលពីសប្ដាហ៍មុនដែលរួមទាំងប្រព័ន្ធកាំភ្លើងធំ គ្រាប់កាំភ្លើងធំ រថពាសដែក និងឧទ្ធម្ភាគចក្រ។ រដ្ឋធានី Kyiv បានអំពាវនាវរកអាវុធ និងការគាំទ្របន្ថែមទៀតដើម្បីទប់ទល់នឹងការវាយប្រហារដំណាក់កាលទី២ របស់ក្រុង Moscow ក្នុងភាគខាងកើតតំបន់ Donbas ជាទីដែលកងកម្លាំងរុស្ស៊ីកំពុងប្រមូលផ្ដុំ បន្ទាប់ពីការដកកម្លាំងរបស់ពួកគេចេញពីតំបន់ជាយរដ្ឋធានីរបស់អ៊ុយក្រែន។មន្ទីរបញ្ចកោណបាននិយាយកាលពីថ្ងៃអង្គារថា ទាហានអ៊ុយក្រែនបានទទួលយន្តហោះបន្ថែមទៀត ព្រមទាំងគ្រឿងបន្លាស់សម្រាប់ជួសជុលយន្តហោះដែលរងការខូចខាត ដើម្បីអាចហោះហើរឡើងវិញ។ សេតវិមាននិយាយថា ឆ្លើយតបទៅនឹងការវាយប្រហារកាន់តែខ្លាំងក្លា ប្រធានាធិបតីអាមេរិកលោក Joe Biden និងបណ្ដាមេដឹកនាំលោកខាងលិចកាលពីថ្ងៃអង្គារបានពិភាក្សាពីការបង្កើនជំនួយយោធា សេដ្ឋកិច្ច និងគាំទ្រមនុស្សធម៌ដល់រដ្ឋាភិបាលអ៊ុយក្រែន និងមធ្យោបាយបញ្ឈប់សកម្មភាពកងទ័ពរបស់ទីក្រុង Moscow៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិ៖ មនុស្សជាង ៥លាននាក់បានភៀសខ្លួនចេញពីអ៊ុយក្រែន តាំងពីចាប់ផ្ដើមការវាយប្រហាររបស់រុស្ស៊ី

អន្តរក្រសួង គាំទ្រការរៀបចំបង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្រ្តនគរភ្នំ-ឈើកាច់បាភ្នំ

អ៊ុយក្រែនស្វែងរកការចរចានៅទីក្រុង Mariupol ដើម្បីជម្លៀសមនុស្ស បន្ទាប់ពីឱសានវាទទម្លាក់អាវុធផុតកាលកំណត់

កម្ពុជាកាត់បន្ថយការធ្វើចត្តាឡីស័កអ្នកមកពីបរទេសមិនបានចាក់វ៉ាក់សាំង មកត្រឹម៧ថ្ងៃ

អង្គការសហប្រជាជាតិពិភាក្សាអំពីស្ថានភាពមនុស្សធម៌នៅអ៊ុយក្រែន

ប្រមុខអង្គការសហប្រជាជាតិជំរុញឲ្យផ្អាកប្រយុទ្ធគ្នារយៈពេល ៤ថ្ងៃក្នុងប្រទេសអ៊ុយក្រែន

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស

អាមេរិក និងលោកខាងលិចប្ដេជ្ញាផ្ដល់អាវុធឲ្យអ៊ុយក្រែន ស្របពេលរុស្ស៊ីបង្កើនការវាយប្រហារជាថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អន្តរក្រសួង គាំទ្រការរៀបចំបង្កើតតំបន់បេតិកភណ្ឌធម្មជាតិ វប្បធម៌ប្រវត្តិសាស្រ្តនគរភ្នំ-ឈើកាច់បាភ្នំ

កម្ពុជាកាត់បន្ថយការធ្វើចត្តាឡីស័កអ្នកមកពីបរទេសមិនបានចាក់វ៉ាក់សាំង មកត្រឹម៧ថ្ងៃ

អង្គការសហប្រជាជាតិ​ពិភាក្សា​អំពី​ស្ថានភាព​មនុស្សធម៌​នៅ​អ៊ុយ​ក្រែ​ន​

រុស្ស៊ី​ផ្ដល់​ឱសានវាទ​ថ្មី​ឲ្យ​កងកម្លាំង​អ៊ុយ​ក្រែ​ន​ក្នុង​ទីក្រុង Mariupol ទម្លាក់អាវុធ​ចុះ​

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំ​នៅជប៉ុន សហរដ្ឋអាមេរិក​ និងប្រទេសស្វីស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិពិភាក្សាអំពីស្ថានភាពមនុស្សធម៌នៅអ៊ុយក្រែន

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស