BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

ក្រសួងធនធានទឹក និងឧតុនិយម៖ កម្ពុជារងឥទ្ធិពលជាបន្តបន្ទាប់ ពីថ្ងៃទី២០-២៦ ខែមេសា បណ្តាលឱ្យមានភ្លៀង និងបាតុភូតផ្គរ រន្ទះ ខ្យល់កន្ត្រាក់

ភ្នំពេញ៖ ក្រសួងធនធានទឹក និងឧតុនិយម ប្រកាសថា ចាប់ពីថ្ងៃទី២០-២៦ ខែមេសា ឆ្នាំ២០២២ កម្ពុជានឹងទទួលឥទ្ធិពល ពីទ្រនុងសម្ពាធខ្ពស់ (ប៉ាស៊ីហ្វិក) និងកម្រិតសម្ពាធទាបខ្សោយ ដែលស្ថានភាពបែបនេះនឹងធ្វើឲ្យកម្ពុជា អាចមានភ្លៀងធ្លាក់ក្នុងកម្រិតពីខ្សោយទៅមធ្យម លាយឡំ ផ្គរ រន្ទះ និងខ្យល់កន្ត្រាក់ ។ ដោយឡែកកន្លែងខ្លះក៏អាចមានភ្លៀងច្រើនជាបង្គួរផងដែរ៕

មនុស្ស ៧នាក់ស្លាប់ ខណៈរុស្ស៊ីបង្កើនការទម្លាក់គ្រាប់បែកលើទីក្រុងនានាទូទាំងប្រទេសអ៊ុយក្រែន

អ៊ុយក្រែន៖ កងកម្លាំងរុស្ស៊ីបានបើកការវាយប្រហារដ៏ធំលើគោលដៅនានាទូទាំងប្រទេសអ៊ុយក្រែន ជាអ្វីដែលទំនងជាត្រូវបានបង្កើនការវាយប្រហារ ដើម្បីកម្ទេចខ្សែត្រៀមការពាររបស់ប្រទេសនេះ មុនពេលបើកការវាយប្រហារនៅតំបន់ភាគខាងកើតប្រទេសអ៊ុយក្រែន។មនុស្ស ៧នាក់ស្លាប់ក្នុងការវាយប្រហារតាមអាកាសជាបន្តបន្ទាប់របស់រុស្ស៊ីលើទីក្រុង Lviv កាលពីថ្ងៃចន្ទ ដែលត្រូវបានបង្កការឆាបឆេះផងដែរនៅក្នុងទីក្រុងភាគខាងលិចមួយនេះរបស់ប្រទេសអ៊ុយក្រែន ដែលតែងតែរួចផុតពីការប្រយុទ្ធគ្នាដ៏ខ្លាំងក្លាក្នុងអំឡុងពេលជិត ២ខែនៃសង្គ្រាម ហើយបានក្លាយជាជម្រកសម្រាប់ជនភៀសខ្លួននៅក្នុងអ៊ុយក្រែន។ ជាតំបន់ដែលធ្វើឲ្យកំហឹងរបស់វិមានក្រឹមឡាំងកើនឡើងកាន់តែខ្លាំង ទីក្រុង Lviv បានក្លាយជាផ្លូវដ៏សំខាន់មួយសម្រាប់ការផ្គត់ផ្គង់អាវុធរបស់សម្ព័ន្ធយោធាណាតូ និងក្រុមអ្នកប្រយុទ្ធបរទេសចូលរួមជាមួយកងកម្លាំងអ៊ុយក្រែននៅក្នុងសង្គ្រាមទប់ទល់ប្រទេសរុស្ស៊ី។អភិបាលតំបន់ Lviv លោក Maksym Kozytskyy បាននិយាយនៅលើបណ្ដាញសង្គមថា មីស៊ីលរបស់រុស្ស៊ីបានដាក់គោលដៅលើហេដ្ឋារចនាសម្ព័ន្ធយោធារបស់អ៊ុយក្រែន និងកន្លែងជួសជុលរថយន្តមួយ។ ទាហានរុស្ស៊ីបាននិយាយថា ខ្លួនបានកម្ទេចឃ្លាំងស្តុកអាវុធបរទេសដ៏ធំមួយ ដែលទើបបានបញ្ជូនទៅកាន់អ៊ុយក្រែននាពេលថ្មីៗនេះ៕អត្ថបទ៖ សុខមាន

លោក Zelensky និយាយថា រុស្ស៊ីបានចាប់ផ្ដើមវាយប្រហារជាថ្មីនៅក្នុងប្រទេសអ៊ុយក្រែនភាគខាងកើត

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បាននិយាយថា រុស្ស៊ីបានចាប់ផ្ដើមការវាយប្រហារដ៏ធំជាថ្មី ដែលបានរង់ចាំឱកាសជាយូរមកនេះនៅក្នុងតំបន់ព្រំដែន Donbas ភាគខាងកើតរបស់ប្រទេសអ៊ុយក្រែន បន្ទាប់ពីកងកម្លាំងរបស់ខ្លួនបានបង្កើនការវាយប្រហារនៅតាមខ្សែត្រៀមជួរមុខ។ លោក Zelensky បាននិយាយនៅក្នុងសុន្ទរកាពេលយប់ជ្រៅ ចាក់ផ្សាយតាមកញ្ចក់ទូរទស្សន៍កាលពីថ្ងៃចន្ទថា ប្រទេសរុស្ស៊ីបានផ្ដោតសំខាន់លើការប្រមូលកងកម្លាំងរបស់ខ្លួននៅក្នុងតំបន់នេះ ហើយលោកបានប្ដេជ្ញាថា ប្រទេសអ៊ុយក្រែននឹងការពារខ្លួនឲ្យបាន ទោះបីជារុស្ស៊ីបញ្ជូនកងទ័ពទៅកាន់តំបន់នោះច្រើនប៉ុណ្ណាក៏ដោយ។ លោកបានបន្ថែមថា យើងនឹងប្រយុទ្ធដល់ទីបញ្ចប់។ យើងនឹងមិនបោះបង់ចោលអ្វីដែលជារបស់អ៊ុយក្រែនជាដាច់ខាត។គួររម្លឹកថា រុស្ស៊ីបានដកកងកម្លាំងរបស់ខ្លួនចេញពីតំបន់មួយចំនួន នៅភាគកណ្ដាលប្រទេសអ៊ុយក្រែនកាលពីចុងខែមីនា បន្ទាប់ពីវាយយករដ្ឋធានី Kyiv មិនបានសម្រេច និងនិយាយថា ខ្លួននឹងផ្ដោតជាថ្មីលើតំបន់ Donbas ជាទីដែលរុស្ស៊ីបានអះអាងថា ខ្លួនកំពុងការពារពលរដ្ឋដែលនិយាយភាសារុស្ស៊ីនៅក្នុងជម្លោះរយៈពេល ៨ឆ្នាំរបស់ក្រុមផ្ដាច់ខ្លួននៅក្នុងប្រទេសអ៊ុយក្រែន៕អត្ថបទ៖ សុខមាន

នាយករដ្ឋមន្ត្រីអ៊ីតាលីនិយាយថា ការចរចាដើម្បីបញ្ចប់ជម្លោះជាមួយរុស្ស៊ីគឺជាការខ្ជះខ្ជាយពេលវេលា

អ៊ីតាលី៖ នាយករដ្ឋមន្ត្រីអ៊ីតាលីលោក Mario Draghi បាននិយាយថា លោកចាប់ផ្ដើមជឿថា ការនិយាយទៅកាន់លោក Putin គឺជាការខ្ជះខ្ជាយពេលវេលា។ លោកចាប់ផ្ដើមបាត់បង់ភាពស្មោះត្រង់ក្នុងការនិយាយជាមួយទីក្រុង Moscow បន្ទាប់ពីការសម្លាប់រង្គាលត្រូវបានរកឃើញនៅក្នុងទីក្រុង Bucha។លោកក៏បានព្រមានផងដែរថា គោលដៅរបស់ប្រធានាធិបតីរុស្ស៊ីលោក Vladimir Putin មិនទាន់បានសម្រេចនៅឡើយទេ។ លោកនាយករដ្ឋមន្ត្រីបានបង្ហាញការសោកស្ដាយចំពោះលោកប្រធានាធិបតី Vladimir Putin ដោយនិយាយថា លោកចាប់ផ្ដើមជឿថា វាជាការខ្ជះខ្ជាយពេលវេលាក្នុងការចរចាជាមួយលោក Putin ដើម្បីឈានឆ្ពោះទៅរកការបញ្ចប់ជម្លោះ ផ្ដើមចេញពីការវាយលុករបស់រុស្ស៊ីចូលប្រទេសអ៊ុយក្រែន។ ថ្លែងប្រាប់សារព័ត៌មានប្រចាំថ្ងៃ Il Corriere della Sera របស់អ៊ីតាលី លោក Draghi បាននិយាយថា លោកចាប់ផ្ដើមគិតថា អ្នកទាំងនោះនិយាយត្រូវ នៅពេលពួកគេនិយាយថា វាគ្មានប្រយោជន៍ទេក្នុងការចំណាយពេលវេលានិយាយជាមួយលោក Vladimir Putin។ វាបានត្រឹមតែការខ្ជះខ្ជាយពេលវេលាប៉ុណ្ណោះ។គួររម្លឹកថា លោក Draghi និងលោក Putin បានសន្ទនាតាមទូរស័ព្ទកាលពីថ្ងៃទី៣០ ខែមីនា ហើយមេដឹកនាំទាំង២ បានពិភាក្សាពីលទ្ធភាពរបស់ប្រទេសអ៊ីតាលី ក្នុងការទិញឧស្ម័នពីរុស្ស៊ីដោយទូទាត់ជាប្រាក់រូប្លិ៍របស់រុស្ស៊ី។ ប្រទេសនេះត្រូវបាននិយាយថា នាំចូលឧស្ម័នពីរុស្ស៊ីចំនួន ៤០%៕អត្ថបទ៖ សុខមាន

លោកជំទាវ ឱ វណ្ណឌីន៖ យេីងមិនទាន់អាចវាយតម្លៃស្ថានភាពនៃការឆ្លងជំងឺកូវីដ-១៩ ក្នុងអំឡុងពេលបុណ្យចូលឆ្នាំថ្មី បាននៅឡេីយទេ

ភ្នំពេញ៖ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាលបានបញ្ជាក់ប្រាប់អ្នកសារព័ត៌មាន នៅថ្ងៃទី១៨ ខែមេសានេះថា ការព្រួយបារម្ភ មានការឆ្លងកូវីដ-១៩ ឬមិនព្រួយបារម្ភ យេីងគួរពិនិត្យមេីលតាមស្ថានភាព នៃការសប្បាយរីករាយរបស់បងប្អូនប្រជាពលរដ្ឋយេីង ហេីយក៏ជាការទទួលខុសត្រូវ និងការសម្រេចចិត្តរបស់បុគ្គលម្នាក់ៗ និងក្រុមគ្រួសារដែរ ក្នុងការអនុវត្តន៍ការការពារការចម្លងកូវីដ-១៩។លោកជំទាវបានបញ្ជាក់ថា «យេីងមិនទាន់អាចវាយតម្លៃស្ថានភាពនៃការឆ្លងបាននៅឡេីយទេ ព្រោះទេីបតែបញ្ចប់ពិធីអបអរបុណ្យចូលឆ្នាំប្រពៃណីជាតិខ្មែរយេីង ដែលត្រូវរង់ចាំ និងបន្តពិនិត្យមេីលក្រែងមានស្ថានភាពនៃការផ្ទុះការឈឺណាមួយ នៅតំបន់ណាមួយ រហូតដល់ដំណាច់ខែមេសានេះ»។លោកជំទាវបន្តថា ការទទួលខុសត្រូវ របស់បុគ្គល និងសហគមន៍ នាពេលនេះ ជាការកំណត់នូវស្ថានភាពឆ្លងនៃជំងឺកូវីដ-១៩ ក្នុងក្រុមគ្រួសារនីមួយៗ ហេីយប្រសិនបេីលោកអ្នកមានការសង្ស័យ សូមធ្វេីតេស្តរហ័ស ឬ ទៅពិនិត្យសុខភាពនៅតាមមន្ទីរពេទ្យរដ្ឋដែលនៅជិតផ្ទះ។ បេីលទ្ធផលបង្ហាញ វិជ្ជមានកូវីដ-១៩ និងបេីក្នុងលក្ខណ:ស្រាល សូមនៅដោយឡែក ការពារកុំឱ្យឆ្លងទៅក្រុមគ្រួសារ និងអ្នកដទៃ ហេីយថែទាំព្យាបាលខ្លួននៅផ្ទះឱ្យបានល្អហ្មត់ចត់ តាមការណែនាំរបស់ក្រសួងសុខាភិបាលនាពេលកន្លងមក ។ លោកជំទាវបានអំពាវនាវថា បើរោគសញ្ញាសង្ស័យថាវិវត្តន៍ទៅធ្ងន់ធ្ងរបណ្តាលមកពីកូវីដ-១៩ សូមប្រញាប់ទៅស្វែងរកការព្យាបាលនៅតាមមន្ទីរពេទ្យរដ្ឋ កុំសំងំនៅផ្ទះ ដែលអាចស្លាប់បាត់បង់ជីវិតបាន និងត្រូវរាយការណ៍ជូនអាជ្ញាធរមូលដ្ឋាន ឬក្រុមគ្រូពេទ្យដែលនៅតំបន់លោកអ្នករស់នៅ ដេីម្បីជួយអន្តរាគមន៍ បានទាន់ពេលវេលា។ ទន្ទឹមនឹងនោះលោកជំទាវ អំពាវនាវដល់ពលរដ្ឋទៅចាក់វ៉ាក់សាំងកូវីដ-១៩ ទាំងដូសមូលដ្ឋាន និងដូសជំរុញ (ទី៣ និងទី៤) ឱ្យបានគ្រប់ៗគ្នា ដេីម្បីរក្សាបាននូវភាពស៊ាំរបស់បុគ្គល និងភាពស៊ាំរបស់សហគមន៍ សម្រាប់រក្សានិរន្តភាពនៃការរស់នៅធម្មតា តាមគន្លងប្រក្រតីភាពថ្មីបានយូរអង្វែងតទៅ ដែលក្រុមគ្រូពេទ្យនៅបន្តចាក់ជារៀងរាល់ថ្ងៃជាពិសេសនៅតាមគោលដៅធំៗ ដូចជារោងចក្រ សហគ្រាស ទីផ្សារ និងសាលារៀន៕

មនុស្ស ៥នាក់ស្លាប់ និង ៣១នាក់រងរបួសដោយសារការបាញ់ផ្លោងរបស់រុស្សីលើទីក្រុង Kharkiv

អ៊ុយក្រែន៖ មន្ត្រីក្នុងតំបន់បាននិយាយថា យ៉ាងហោចណាស់មនុស្ស ៥នាក់ស្លាប់ និង ៣១នាក់បានរងរបួសនៅក្នុងការបាញ់ផ្លោងរបស់រុស្ស៊ីទៅលើទីក្រុង Kharkov ជាទីក្រុងធំទីពីររបស់អ៊ុយក្រែនកាលពីថ្ងៃអាទិត្យ។ គ្រាប់ផ្លោងបានធ្លាក់ចូលទៅក្នុងអគារលំនៅឋាន និងបានបន្សល់ទុកនៅតាមដងផ្លូវដោយកញ្ចក់បែក និងកម្ទេចកំទីផ្សេងទៀតរួមទាំងបំណែកនៃគ្រាប់រ៉ុក្កែត។ក្រុមអ្នកពន្លត់អគ្គីភ័យ និងប្រជាជនបាននាំគ្នាពន្លត់អណ្ដាតភ្លើងនៅក្នុងផ្ទះល្វែងជាច្រើនល្វែង ខណៈក្រុមគ្រូពេទ្យ និងទាហានអ៊ុយក្រែនបានព្យាយាមជួយអ្នករបួសនៅតាមផ្លូវ។ ទីក្រុង Kharkiv ភាគឦសានគឺជាគោលដៅនៃការវាយប្រហារចាប់តាំងពីថ្ងៃដំបូងនៃការលុកលុយចូលរបស់រុស្ស៊ី ហើយបានមើលឃើញថា ស្ថានភាពកាន់តែយ៉ាប់យ៉ឺន មុនពេលការវាយលុកនៅភាគខាងកើតដែលកំពុងកើតមាន។ប្រធានាធិបតីអ៊ុយក្រែនលោក Volodymyr Zelenskyy បានប៉ាន់ប្រមាណថា ទាហានអ៊ុយក្រែនពី ២,៥០០ ទៅ ៣,០០០នាក់បានស្លាប់នៅក្នុងសង្គ្រាម។ ក្នុងពេលមានការប្រយុទ្ធគ្នា លោក Zelenskyy បាននិយាយនៅក្នុងសុន្ទរកថាអំពីផែនការរបស់អ៊ុយក្រែន សម្រាប់ពិធីរំលឹកដើម្បីរំលឹកដល់មនុស្សជំនាន់ក្រោយ អំពីការវាយប្រហារដ៏ឃោរឃៅ ហើយអ៊ុយក្រែនអាចទប់ទល់ការប្រយុទ្ធបាន៕អត្ថបទ៖ ប៊ុនថន

លោក Zelenskyy និយាយថា ឧក្រិដ្ឋកម្មរុស្ស៊ីលើជនស៊ីវិលនឹងបញ្ចប់ដំណើរការចរចា

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយថា ឧក្រិដ្ឋកម្មរុស្ស៊ីលើជនស៊ីវិលនឹងបញ្ចប់ដំណើរការចរចា។ លោក Zelenskyy បាននិយាយទៅកាន់ក្រុមអ្នកសារព័ត៌មានអ៊ុយក្រែននៅទីក្រុងគីវថា ការវាយប្រហារមកលើប្រជាជនរបស់យើងនៅក្នុងទីក្រុង Mariupol និងអ្វីដែលពួកគេកំពុងធ្វើនៅពេលនេះ អាចបញ្ចប់ដំណើរការនៃការចរចាគ្រប់រូបភាព។លោក Zelenskyy និយាយថា ករណីនៃអំពើឃោរឃៅកាន់តែច្រើនបានលេចឡើង ដែលធ្វើឲ្យអ្នកចរចានឹងមិនបន្ត ឬកិច្ចព្រមព្រៀងនឹងមិនត្រូវបានអនុវត្តឡើយ។ លោក Zelenskyy បានបញ្ជាក់សារជាថ្មីនូវដំណោះស្រាយរបស់ប្រទេស ដើម្បីប្រយុទ្ធជាមួយកងកម្លាំងរុស្ស៊ីក្នុងតំបន់ Donbas ក្នុងសន្ទរកថាប្រចាំថ្ងៃ លោកបានអំពាវនាវសុំជំនួយអាវុធបន្ថែមទៀតសម្រាប់យោធា ខណៈការប្រយុទ្ធនៅតំបន់ភាគខាងកើតកាន់តែរីកធំ៕អត្ថបទ៖ ប៊ុនថន

អំឡុងពេលបុណ្យចូលឆ្នាំ គ្រោះអគ្គិភ័យបណ្តាលឱ្យឆេះផ្ទះអស់៥ខ្នង និងរបួសមនុស្សម្នាក់

ភ្នំពេញ៖ គ្រោះអគ្គិភ័យ ក្នុងអំឡុងពេលបុណ្យចូលឆ្នាំថ្មី ប្រពៃណីជាតិ រយៈពេល៣ថ្ងៃ (ចាប់ពីថ្ងៃទី១៤,១៥,១៦ ខែ មេសាឆ្នាំ២០២២) បណ្តាលឱ្យឆេះផ្ទះប្រជាពលរដ្ឋអស់ចំនួន ៥ខ្នង ,តូប១ ,ខ្សែភ្លើងចំនួន ៣៧ដុំ និងរងរបួសមនុស្សម្នាក់។ហេតុការណ៍គ្រោះអគ្គិភ័យនេះបានកើតឡើង៖១/ ខេត្តព្រះវិហារ ចំនួន១ លើក (ចរន្តអគ្គិសនី) រងរបួសមនុស្សម្នាក់ (ប្រុស) និងឆេះផ្ទះ១ខ្នង។២/ ខេត្តព្រះសីហនុ ចំនួន១លើក(ចរន្តអគ្គិសនី) ឆេះតូបចំនួន១។៣/ ខេត្តកំពង់ធំ ចំនួន១ លើក ( ភ្លើងចង្ក្រាន) ឆេះផ្ទះ១ ខ្នង។៤/ ខេត្តបាត់ដំបង ចំនួន២ លើក (ចរន្តអគ្គិសនី, និងភ្លើងទៀន) ឆេះផ្ទះអស់ចំនួន ២ខ្នង ។៥/ ខេត្តសៀមរាប ចំនួន១ លើក ( ភ្លើងសំរាម) ឆេះខ្សែភ្លើងអស់ចំនួន ៣៧ ដុំ ។៦/ ខេត្តត្បូងឃ្មុំ ចំនួន១ លើក (កំពង់ស្រាវជ្រាវ) ឆេះផ្ទះអស់ចំនួន១ ខ្នង ។នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ប្រកាសថា ប្រៀបធៀបករណីគ្រោះថ្នាក់អគ្គីភ័យ ក្នុងកម្មពិធីបុណ្យចូលឆ្នាំថ្មី ប្រពៃណីយជាតិខ្មែរ ក្នុងឆ្នាំ២០២១ នឹងឆ្នាំ ២០២២ គ្រោះអគ្គិភ័យកើតឡើងចំនួន៩/៧ លើក ថយចុះចំនួន ២ លើក៕

លោកស្រី ពេជ ចន្ទមុន្នី អគ្គស្នងការសមាគមកាយឫទ្ធិនារីកម្ពុជា បានផ្ដល់កិត្តិយប្រារព្ធពិធីសច្ចាបញ្ចូលសមាជិកាជាង២០០នាក់

សៀមរាប៖ សមាជិកាសមាគមកាយឫទ្ធិនារីកម្ពុជាចំនួន ២៤៣នាក់ ត្រូវបានលោកស្រី ពេជ ចន្ទមុន្នី អគ្គស្នងការសមាគមកាយឫទ្ធិនារីកម្ពុជា ធ្វើពិធីសច្ចាជូននៅក្នុងពិធីសច្ចាបញ្ចូលសមាជិកថ្មីលើកទី២២ "Promise Ceremony" នាថ្ងៃទី១៧ ខែមេសា ឆ្នាំ២០២២ នៅសណ្ឋាគារសុខា សៀមរាប។ លោកស្រី ពេជ ចន្ទមុន្នី មានប្រសាសន៍ថា ការចូលជាសមាជិកសមាគមកាយឫទ្ធិនារីកម្ពុជា បានផ្ដល់ឱ្សសមាជិកនូវចំណេះដឹង បទពិសោធន៍ទាំងជីវិតការងារ និងការងារសង្គម ផ្តល់ឱកាស និងលទ្ធភាពធ្វើការរួមគ្នាដើម្បីផលប្រយោជន៍សង្គម។លើសពីនេះកុមារី យុវតី និងសមាជិករបស់សមាគម ត្រូវបានបណ្ដុះបណ្ដាលភាពជាអ្នកដឹកនាំ ធ្វើការជាក្រុម ដើម្បីក្លាយជាធនធាន ដ៏ល្អជួយអភិវឌ្ឍប្រទេសជាតិ។លោកស្រីបានថ្លែងអំណរគុណដល់សមាជិកា សមាជិកសកម្ម និងគាំទ្រ ដែលបានចូលរួមក្នុងការគាំទ្រចែករំលែកទាំងចំណេះដឹង ពេលវេលា សម្ភារៈ និងថវិកាក្នុងការជូនដល់កុមារី យុវតី តាមរយៈសមាគមកាយឫទ្ធិនារីកម្ពុជា។លោកស្រីបញ្ជាក់ថា តាមរយៈជំនួយពីសប្បុរសជននានា សមាគមនឹងយកមកបម្រើដល់សកម្មភាព និងគាំទ្រឱ្យកិច្ចដំណើរការរបស់សមាគមមានប្រសិទ្ធភាពខ្ពស់ដើម្បីជួយអភិវឌ្ឍថាមពលកុមារី យុវតីរបស់កម្ពុជាមានអនាគតល្អ និងក្លាយជាធនធានដែលចាំបាច់ក្នុងការកសាងប្រទេសជាតិតទៅមុខទៀត៕

អ៊ុយក្រែនច្រានចោលឱសានវាទប្រគល់ខ្លួនចុះចាញ់ក្នុងទីក្រុង Mariupol ខណៈរុស្ស៊ីគំរាមកម្ទេចក្រុមអ្នកតស៊ូ

អ៊ុយក្រែន៖ ក្រុមមន្ត្រីជាន់ខ្ពស់របស់អ៊ុយក្រែនបាននិយាយកាលពីថ្ងៃអាទិត្យថា កងកម្លាំងអ៊ុយក្រែនដែលត្រូវរងការឡោមព័ទ្ធក្នុងទីក្រុង Mariupol បានច្រានចោលការទាមទាររបស់រុស្ស៊ីឲ្យទម្លាក់អាវុធចុះប្រគល់ខ្លួន និងនៅតែបន្តតស៊ូប្រយុទ្ធរហូតដល់ទីបញ្ចប់ការពារទីក្រុងកំពង់ផែភាគអាគ្នេយ៍។លោកនាយករដ្ឋមន្ត្រីអ៊ុយក្រែន Denys Shmyhal បាននិយាយថា ទីក្រុងដែលត្រូវបានស្ថិតក្រោមការឡោមព័ទ្ធដោយទាហានរុស្ស៊ីចាប់តាំងពីថ្ងៃទី១ ខែមីនាមកមិនទាន់ដួលរលំទេ។ ទាហានអ៊ុយក្រែនដែលបានជាប់នៅក្នុងទីក្រុងនេះកំពុងប្រយុទ្ធជាមួយកងកម្លាំងរុស្ស៊ី ទោះបីជាកម្លាំងពួកគេមិនដល់ខាងរុស្ស៊ីក៏ដោយ។ លោក Shmyhal បាននិយាយក្នុងកម្មវិធីសប្ដាហ៍នេះរបស់ទូរទស្សន៍ព័ត៌មាន ABC News ថា យើងនៅតែមានកងកម្លាំងយោធារបស់យើង និងទាហានរបស់យើង ដូច្នេះពួកគេនឹងប្រយុទ្ធរហូតដល់ទីបញ្ចប់ ខណៈដែលពួកគេកំពុងស្ថិតនៅក្នុងទីក្រុង Mariupol ក៏ដោយ។ទីប្រឹក្សាមួយរូបរបស់អភិបាលក្រុង Mariupol ក៏បានច្រានចោលឱសានវាទកំណត់ដោយរុស្ស៊ីផងដែរកាលពីព្រឹកថ្ងៃអាទិត្យ។ រុស្ស៊ីនិយាយថា ទាហានរបស់ខ្លួនបានបោសសម្អាតតំបន់ជាយក្រុងដ៏សំខាន់មួយនៃទីក្រុង Mariupol និងនៅសល់តែក្រុមអ្នកប្រយុទ្ធអ៊ុយក្រែនមួយក្រុមតូចប៉ុណ្ណោះ ដែលនៅតែបន្តសំងំនៅក្នុងរោងចក្រផលិតដែកថែបនៅក្នុងទីក្រុងកំពង់ផែភាគខាងត្បូងដែលរងការឡោមព័ទ្ធ។ ភាគីរុស្ស៊ីបន្ថែមថា កងកម្លាំងអ៊ុយក្រែនចំនួន ១,៤៦៤នាក់បានទម្លាក់អាវុធចុះចាញ់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ឆ្មាំអ៊ីរ៉ង់នឹងមិនបើកច្រកសមុទ្រ Hormuz ឡើងវិញទេ ប្រសិនបើអាមេរិកមិនបំពេញតាមការទាមទាររបស់ទីក្រុងតេអេរ៉ង់

នគរបាល៖ ជនជាប់ចោទបាញ់ប្រហារនៅសាលារៀនថៃបានមើលខ្លឹមសារអំពើហិង្សាតាមអ៊ីនធឺណិត

ក្រុមការងារចុះជួយមូលដ្ឋាន នំាយកអំណោយចែកជូនពលរដ្ឋមានជីវភាពខ្វះខាត២០គ្រួសារ រស់នៅក្នុងឃុំបាយដំរំា ខេត្តបាត់ដំបង

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៧នាក់ស្លាប់ ខណៈរុស្ស៊ីបង្កើនការទម្លាក់គ្រាប់បែកលើទីក្រុងនានាទូទាំងប្រទេសអ៊ុយក្រែន

លោក Zelensky និយាយថា រុស្ស៊ីបានចាប់ផ្ដើមវាយប្រហារជាថ្មីនៅក្នុងប្រទេសអ៊ុយក្រែនភាគខាងកើត

នាយករដ្ឋមន្ត្រីអ៊ីតាលីនិយាយថា ការចរចាដើម្បីបញ្ចប់ជម្លោះជាមួយរុស្ស៊ីគឺជាការខ្ជះខ្ជាយពេលវេលា

មនុស្ស ៥នាក់ស្លាប់ និង ៣១នាក់រងរបួសដោយសារការបាញ់ផ្លោងរបស់រុស្សីលើទីក្រុង Kharkiv

លោក Zelenskyy និយាយថា ឧក្រិដ្ឋកម្មរុស្ស៊ីលើជនស៊ីវិលនឹងបញ្ចប់ដំណើរការចរចា

អំឡុងពេលបុណ្យចូលឆ្នាំ គ្រោះអគ្គិភ័យបណ្តាលឱ្យឆេះផ្ទះអស់៥ខ្នង និងរបួសមនុស្សម្នាក់

អ៊ុយក្រែនច្រានចោលឱសានវាទប្រគល់ខ្លួនចុះចាញ់ក្នុងទីក្រុង Mariupol ខណៈរុស្ស៊ីគំរាមកម្ទេចក្រុមអ្នកតស៊ូ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Zelensky និយាយ​ថា ​រុស្ស៊ី​បាន​ចាប់ផ្ដើម​វាយប្រហារ​ជាថ្មី​នៅ​ក្នុង​ប្រទេស​អ៊ុយ​ក្រែ​នភា​គ​ខាងកើត​

មនុស្ស ៥នាក់​ស្លាប់ និង ៣១នាក់​រង​របួស​ដោយ​សារ​ការ​បាញ់​ផ្លោង​របស់​រុស្សី​លើ​ទីក្រុង Kharkiv

លោក Zelenskyy និយាយ​ថា ឧក្រិដ្ឋកម្ម​រុស្ស៊ី​លើ​ជន​ស៊ីវិល​នឹង​បញ្ចប់​ដំណើរ​ការចរចា​

អំឡុងពេលបុណ្យចូលឆ្នាំ គ្រោះអគ្គិភ័យបណ្តាលឱ្យឆេះផ្ទះអស់៥ខ្នង និងរបួសមនុស្សម្នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zelensky និយាយថា រុស្ស៊ីបានចាប់ផ្ដើមវាយប្រហារជាថ្មីនៅក្នុងប្រទេសអ៊ុយក្រែនភាគខាងកើត

មនុស្ស ៥នាក់ស្លាប់ និង ៣១នាក់រងរបួសដោយសារការបាញ់ផ្លោងរបស់រុស្សីលើទីក្រុង Kharkiv

លោក Zelenskyy និយាយថា ឧក្រិដ្ឋកម្មរុស្ស៊ីលើជនស៊ីវិលនឹងបញ្ចប់ដំណើរការចរចា