BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

រុស្ស៊ី៖ លោកប្រធានាធិបតីរុស្ស៊ី Vladimir Putin បានបង្ហាញពិភពលោកនៅថ្ងៃនេះពីឆន្ទៈប្រទេសរបស់លោក ក្នុងការធ្វើសហប្រតិបត្តិការជាមួយដៃគូទាំងអស់ និងអះអាងថា រុស្ស៊ីនឹងគ្មានថ្ងៃធ្លាក់ចូលក្នុងភាពឯកោឡើយ នៅក្នុងការសន្ទនារបស់លោកជាមួយក្រុមកម្មករនៅមូលដ្ឋានបាញ់បង្ហោះយានអវកាស Vostochny Cosmodrome ក្នុងប្រទេសរុស្ស៊ី។លោកថា យើងនឹងមិនឯកាទេ។ ជាទូទៅវាពិតជាមិនអាចធ្វើឲ្យនរណាម្នាក់ឯកា នៅក្នុងពិភពលោកដ៏ទំនើបនេះទេ វាពិតជាមិនអាចធ្វើឲ្យប្រទេសធំដូចជាប្រទេសរុស្ស៊ីឯកាឡើយ។ លោកប្រធានាធិបតីរូបនេះបានថ្លែងបែបនេះ អំឡុងចុះពិនិត្យមូលដ្ឋានបាញ់បង្ហោះយានអវកាសក្នុងតំបន់ Amur របស់រុស្ស៊ីជាមួយសមភាគីបេឡារុសរបស់លោកគឺលោក Alexander Lukashenko។ លោក Putin បានរម្លឹកថា កាលពីអំឡុងឆ្នាំ១៩៦១ សាធារណរដ្ឋសង្គមនិយមនៃសហភាពសូវៀតពិតជាឯកាពីទស្សនបច្ចេកវិទ្យា ហើយទណ្ឌកម្មលោកខាងលិចបានប៉ះពាល់ខ្លាំងដល់ការអភិវឌ្ឍន៍។លោកបានសង្កត់ធ្ងន់ថា ទោះបីជាមានការលំបាក និងការព្យាយាមរារាំងការអភិវឌ្ឍន៍របស់ប្រទេសពីបរទេសក៏ដោយ ក៏រុស្ស៊ីនឹងអនុវត្តផែនការដែលបានគ្រោងទុកទាំងអស់ នៅក្នុងវិស័យអវកាសជាមួយនឹងបច្ចេកវិទ្យាផ្ទាល់ខ្លួន ដើម្បីជំនួសអ្វីដែលបានទិញពីកន្លងទៅដោយប្រើប្រាក់ចំណេញពីការលក់ប្រេង និងឧស្ម័ន៕អត្ថបទ៖ សុខមាន

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

រុស្ស៊ី៖ លោកប្រធានាធិបតីរុស្ស៊ី Vladimir Putin បាននិយាយកាលពីថ្ងៃអង្គារថា ការចរចាសន្តិភាពបានបញ្ចប់ហើយ ដោយប្រើការអត្ថាធិប្បាយជាសាធារណៈដំបូងរបស់លោក ស្ដីពីជម្លោះក្នុងរយៈពេលជាង ១សប្ដាហ៍ក្នុងការប្ដេជ្ញាថា ទាហានរបស់លោកនឹងឈ្នះ និងដាក់គោលដៅលើបណ្ដាប្រទេសលោកខាងលិច ចំពោះការបរាជ័យដែលចង់ឲ្យទីក្រុង Moscow លុតជង្គង់។ថ្លែងពីសង្គ្រាមជាសាធារណៈជាលើកដំបូងចាប់តាំងពីកងកម្លាំងរុស្ស៊ី បានដកថយពីភាគខាងជើងអ៊ុយក្រែន បន្ទាប់ពីពួកគេត្រូវបានផ្អាកការវាយប្រយុទ្ធនៅក្បែររដ្ឋធានី Kyiv លោក Putin បានសន្យាថា រុស្ស៊ីនឹងសម្រេចបានគោលដៅទាំងអស់ដែលខ្លួនបានប៉ងប្រាថ្នានៅក្នុងប្រទេសអ៊ុយក្រែន។ នៅក្នុងសញ្ញាដ៏ច្បាស់លាស់បំផុតរហូតមកដល់បច្ចុប្បន្នដែលមើលឃើញថា សង្គ្រាមនឹងអូសបន្លាយកាន់តែយូរទៀត លោក Putin បាននិយាយថា រដ្ឋធានី Kyiv បានធ្វើឲ្យការចរចាសន្តិភាពបរាជ័យ ដោយបង្កើតឈុតឆាកជាអ្វីដែលលោកបានហៅថា ជាការអះអាងក្លែងក្លាយនៃឧក្រិដ្ឋកម្មសង្គ្រាមទៅលើរុស្ស៊ី និងទាមទារធានាសន្តិសុខលើប្រទេសអ៊ុយក្រែនទាំងមូល។លោក Putin និយាយថា ប្រទេសរុស្ស៊ីគ្មានជម្រើសក្រៅពីប្រយុទ្ធទេ ព្រោះខ្លួនត្រូវតែការពារប្រជាពលរដ្ឋនិយាយភាសារុស្ស៊ីក្នុងភាគខាងកើតអ៊ុយក្រែន និងទប់ស្កាត់ប្រទេសជិតខាងរបស់អតីតសូវៀតមួយនេះ កុំឲ្យក្លាយជារបាំងប្រឆាំងរុស្ស៊ីចំពោះសត្រូវទាំងឡាយរបស់ក្រុង Moscow៕អត្ថបទ៖ សុខមាន

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ លោក ហ៊ុន ម៉ាណែត បានរំលឹករយៈពេលមួយឆ្នាំមុន (១៣ មេសា ២០២១ - ១៣ មេសា ២០២២) ដែលលោក និងភរិយា ព្រមទាំងក្រុមការងារកំពុងមមារញឹកទាំងយប់ទាំងថ្ងៃក្នុងការរៀបចំមណ្ឌលព្យាបាលជំងឺកូវីដ-១៩ កម្រិតស្រាលនៅកោះពេជ្រ តាមបទបញ្ជារបស់សម្តេចតេជោ ហ៊ុន សែន អឲ្យបានលឿន (បន្ទាប់ពីបានបញ្ចប់ការរៀបចំមណ្ឌលព្យាបាលកូវីដ១៩ នៅសណ្ឋាគារ the Great Duke និងមន្ទីរពទ្យហ្លួងម៉ែ ដែលពេលនោះមានឈ្មោះថា នគរទេព្យ) ដោយសារការឆ្លងរីករាលដាលនៃជំងឺកូវីដ-១៩ នៅរាជធានីភ្នំពេញនាពេលនោះ មានការកើនឡើងខ្លាំង ដែលតម្រូវអោយរៀបចំកន្លែងព្យាបាលបន្ថែមជាបន្ទាន់សម្រាប់ព្យាបាលប្រជាពលរដ្ឋដែលឆ្លងជម្ងឺកូវីដ-១៩។ លោកជឿជាក់ថា បងប្អូនដែលរស់នៅភ្នំពេញប្រាកដជាចងចាំច្បាស់នូវអារម្មណ៍របស់យើងនៅពេលនោះ ដែលពោរពេញទៅដោយការព្រួយបារម្ភ ភ័យខ្លាច និងមិនច្បាស់លាស់ថាទៅមុខនឹងទៅជាយ៉ាងណា បើមួយថ្ងៃៗមានអ្នកឆ្លងកូវីដ១៩ច្រើនបែបនេះ? ការគិតគូរ អំពីការនាំគ្រួសារទៅដើរកម្សាន្តពេលចូលឆ្នាំថ្មី កាលពីឆ្នាំមុននោះ ប្រាកដជាមិនមែនជាអាទិភាពសម្រាប់បងប្អូនទេ។ អាទិភាពរបស់បងប្អូននាពេលនោះ គឺការថែរក្សាសុខភាពនិងអាយុជីវិតរបស់ខ្លួននិងក្រុមគ្រួសារ ពោលគឺធ្វើយ៉ាងណាកុំអោយឆ្លងជម្ងឺកូវីដ១៩។ លោកបញ្ជាក់ថា បើយើងចាំពីស្ថានភាពកាលពីមួយឆ្នាំមុនដូចខ្ញុំបានរៀបរាប់ដោយសង្ខេបពីខាងលើ យើងប្រាកដជាមានមោទនភាពណាស់ ដែលក្រោមការដឹកនាំផ្ទាល់របស់សម្តេចតេជោ យើងបានរួមគ្នាប្រយុទ្ធប្រឆាំងនឹងជម្ងឺកូវីដ១៩ បានជោគជ័យ ដែលអាចអោយយើងបើកដំណើរការប្រទេសរបស់យើងឡើងវិញបាន ហើយពេលចូលឆ្នាំនាឆ្នាំនេះ ប្រជាពលរដ្ឋទូទាំងប្រទេសអាចប្រារពពិធីចូលឆ្នាំថ្មីប្រពៃណីជាតិយើង ជាមួយមិត្តភក្តិនិងក្រុមគ្រួសារដោយសប្បាយរីករាយ និងមិនមានការព្រួយបារម្ភ ភ័យខ្លាចដូចឆ្នាំមុនទៀតទេ។ ទមន្ទឹមនឹងនោះ លោកសូមបងប្អូនបន្តការប្រុងប្រយ័ត្ន និងអនុវត្តវិធានសុខាភិបាលដើម្បីការពារសុខភាពផ្ទាល់ខ្លួន និងអ្នកជុំវិញខ្លួន៕

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដី ថ្លៃថ្នូរ និងសុភមង្គល ព្រះអង្គទាំងទ្វេ បានសព្វព្រះរាជ ហឬទ័យ ស្ដេចយាងនិវត្តមកដល់មាតុប្រទេសវិញហើយនៅរសៀលថ្ងៃទី១២មេសានេះ បន្ទាប់ពីព្រះអង្គទាំងទ្វេបានស្តេចយាងទៅកាន់ទីក្រុងប៉កាំង នៃសាធារណរដ្ឋប្រជាមានិតចិន ដើម្បីពិនិត្យ និងព្យាបាលព្រះរាជសុខភាព។យាងនិងអញ្ជើញថ្វាយព្រះរាជដំណើរស្តេចយាងនិវត្តដល់អាកាសយានដ្ឋានអន្តរជាតិភ្នំពេញ សង្កេតឃើញមានវត្តមាន សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្ដេច ឯកឧត្តមលោកជំទាវជាឧបនាយករដ្ឋមន្ត្រី រដ្ឋមន្ត្រីមន្ត្រីជាន់ខ្ពស់នៃរាជរដ្ឋាភិបាល ព្រះរាជវង្សានុវង្ស និងមន្ត្រីអ្នកមុខអ្នការសំខាន់ៗជាច្រើនទៀត។ ក្នុងឱកាសនៃបុណ្យចូលឆ្នាំថ្មីប្រពៃណីជាតិខ្មែរដែលនឹងមកដល់ខាងមុខនេះថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធគ្រប់ប្រភេទ និងប្រជារាស្ត្រជាកូន ជាចៅ បានបួងសួងដល់ព្រះបារមីនៃវត្ថុសក្តិសិទ្ធិក្នុងលោក បារមីនៃព្រះមហាស្វេត្រឆ័ត្រនិង បារមីនៃដួងព្រះវិញ្ញាណក្ខ្ធ អតីតៈនៃព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ ជាពិសេសព្រះវិញ្ញាណក្ខន្ធអតីតៈព្រះបរមរតកោដ្ឋសូមតាមជួយថែរក្សាគ្រង ចំពោះព្រះអង្គទាំងទ្វេ សូមមានព្រះរាជសុខភាពល្អ បរិបូរណ៍ ព្រះជន្មាយុយឺនយូរជាងរយព្រះវស្សាដើម្បីស្តេចគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជារាស្ត្រ ជាកូន ជាចៅ បានជ្រកកោន រស់នៅ ការពារ និងអភិវឌ្ឍន៍ព្រះរាជាណាចក្រកម្ពុជាឱ្យរីកចម្រើនរុងរឿងថែមទៀត៕

TYDA និងធនាគារ ព្រីនស៍ ម.ក ចុះMOUជាមួយគ្នា ជំរុញសកម្មភាពមនុស្សធម៌តាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃទូទាំងប្រទេស

ភ្នំពេញ៖ សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងធនាគារ ព្រីនស៍ ម.ក បានចុះ MOU ជាមួយគ្នា ដើម្បីចូលរួមចំណែកសកម្មភាពមនុស្សធម៌បុព្វហេតុប្រជាពលរដ្ឋ តាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃនៅទូទាំងប្រទេស។ ពិធីចុះ MOU នេះបានធ្វើឡើងក្រោមអធិបតីភាពលោក ហ៊ុន ម៉ាណែត ប្រធានក្រុមប្រឹក្សាភិបាលសមាគម TYDA និងលោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគម TYDA និងលោក ហ៊ន់ សុរចនា អភិបាលគ្រប់គ្រង និងប្រធាននាយកប្រតិបត្តិ ធនាគារ ព្រីនស៍ មក.ក នៅព្រឹកថ្ងៃទី ១២ ខែមេសា ឆ្នាំ២០២២នេះ៕

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

UN៖ នាយកប្រតិបត្តិនៃអង្គការស្ត្រីរបស់អង្គការសហប្រជាជាតិ បាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិថា អង្គការកំពុងទទួលបានរបាយការណ៍អំពីការរំលោភ និងអំពើហិង្សាផ្លូវភេទលើស្ត្រីនៅក្នុងប្រទេសអ៊ុយក្រែន។ លោកស្រី Sima Bahous និយាយថា ការចោទប្រកាន់ត្រូវតែស៊ើបអង្កេតដោយឯករាជ្យ ដើម្បីធានាបាននូវយុត្តិធម៌ និងការទទួលខុសត្រូវ។ លោកស្រី Kateryna Cherepakha នាយកអង្គការ La Strada Ukraine ដែលជាអង្គការសិទ្ធិមនុស្សក្នុងប្រទេសអ៊ុយក្រែនបានធ្វើការអះអាងដោយនិយាយថា ការរំលោភត្រូវបានប្រព្រឹត្តដោយទាហានរុស្ស៊ី ខណៈប្រើជាអាវុធសង្គ្រាម។ ជាមួយគ្នានេះលោក Manuel Fontaine នាយកផ្នែកសង្គ្រោះបន្ទាន់របស់អង្គការ UNICEF និយាយថា អង្គការសហប្រជាជាតិបានផ្ទៀងផ្ទាត់ថា កុមារចំនួន ១៤២នាក់ត្រូវបានសម្លាប់ និង ២២៩នាក់បានរងរបួសចាប់តាំងពីសង្គ្រាមបានចាប់ផ្ដើម៕អត្ថបទ៖ ប៊ុនថន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន

ហ្វីលីពីន៖ ក្រុមមន្ត្រីនិយាយថា ភ្លៀងធ្លាក់ខ្លាំងបណ្តាលឲ្យមនុស្សយ៉ាងហោចណាស់ ២៥នាក់ស្លាប់នៅក្នុងប្រទេសហ្វីលីពីនភាគខាងត្បូង និងភាគកណ្តាល ភាគច្រើនស្លាប់ដោយសារតែបំណាក់ដី។ អធិការនគរបាលក្រុងនិយាយថា អ្នកភូមិចំនួន ២២នាក់បានស្លាប់ដោយសារបំណាក់ដីនៅក្នុងភូមិចំនួន៤ ក្នុងក្រុង Baybay ខេត្ត Leyte ភាគកណ្តាល។មនុស្សយ៉ាងហោចណាស់ ៦នាក់ត្រូវបានរាយការណ៍ថាកំពុងបាត់ខ្លួន ហើយប្រតិបត្តិការស្វែងរកកំពុងធ្វើឡើង។ អ្នកស្លាប់ ៣នាក់ផ្សេងទៀតបានស្លាប់ដោយសារព្យុះ ដែលត្រូវបានរាយការណ៍ដោយទីភ្នាក់ងារឆ្លើយតបគ្រោះមហន្តរាយរបស់រដ្ឋាភិបាលក្នុងខេត្ត Davao de Oro និងខេត្ត Davao Oriental។ មន្ត្រីនិយាយថា ទឹកជំនន់ប្រមាណ ២០០កន្លែងត្រូវបានរាយការណ៍ក្នុងតំបន់ខុសៗគ្នានៅខេត្តភាគកណ្តាល និងភាគខាងត្បូងប្រទេសហ្វីលីពីនកាលពីចុងសប្តាហ៍ ដែលបណ្តាលឲ្យប្រជាជនប្រមាណ ៣០០០០គ្រួសារផ្លាស់ទី ដែលមួយចំនួនក្នុងចំណោមពួកគេបានស្វែងរកទីជម្រកសង្គ្រោះបន្ទាន់។ យ៉ាងហោចណាស់មានព្យុះ និងព្យុះទីហ្វុងចំនួន ២០លើកបានបក់បោកមកលើប្រទេសហ្វីលីពីនក្នុង ១ឆ្នាំៗ ភាគច្រើនក្នុងអំឡុងពេលរដូវវស្សាដែលចាប់ផ្តើមអំឡុងខែមិថុនា៕អត្ថបទ៖ ប៊ុនថន

រុស្ស៊ីព្រមានស៊ុយអែត និងហ្វាំងឡង់ទល់នឹងការចូលជាសមាជិកសម្ព័ន្ធយោធាណាតូ

រុស្ស៊ី៖ រុស្ស៊ីបានព្រមានប្រទេសហ្វាំងឡង់ និងស៊ុយអែតទល់នឹងការចូលជាសមាជិកសម្ព័ន្ធយោធាណាតូ ដោយលើកឡើងថា សកម្មភាពនេះនឹងមិននាំឲ្យមានស្ថិរភាពដល់អឺរ៉ុបឡើយ។ អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកយកសារព័ត៌មានថា សម្ព័ន្ធនេះនៅតែជាឧបករណ៍ឈានទៅរកការប្រឈមដាក់គ្នា។ការព្រមាននេះមានឡើង ខណៈក្រុមមន្ត្រីអាមេរិកនិយាយថា ការវាយប្រហាររបស់រុស្ស៊ីចូលអ៊ុយក្រែនគឺជាកំហុសយុទ្ធសាស្ត្រដ៏ធំ ដែលទំនងជានាំមកនូវការពង្រីកឥទ្ធិពលយោធារបស់សម្ព័ន្ធយោធាណាតូទៅវិញ។ ក្រុមមន្ត្រីអាមេរិករំពឹងថា ប្រទេសជិតខាងនៅតំបន់អឺរ៉ុបខាងជើងទាំង២ នឹងក្លាយជាសមាជិករបស់សម្ព័ន្ធនេះនៅត្រឹមខែមិថុនា។ ទីក្រុង Washington ត្រូវគេជឿថានឹងគាំទ្រសកម្មភាពដែលនឹងមើលឃើញ សម្ព័ន្ធលោកខាងលិចកើនសមាជិកដល់ ៣២ប្រទេស។ ក្រុមមន្ត្រីក្រសួងការបរទេសអាមេរិកបាននិយាយកាលពីសប្ដាហ៍មុនថា ការពិភាក្សានានាបានកើតឡើងរវាងបណ្ដាមេដឹកនាំសម្ព័ន្ធណាតូ និងរដ្ឋមន្ត្រីការបរទេសមកពីទីក្រុង Helsinki ប្រទេសហ្វាំងឡង់ និងទីក្រុង Stockholm ប្រទេសស៊ុយអែត៕អត្ថបទ៖ សុខមាន

ចិនជំរុញអាមេរិកឲ្យចាត់វិធានការជាក់ស្ដែងជំរុញសន្តិភាពជំនួសឲ្យការព្យាយាមពង្រីកជម្លោះអ៊ុយក្រែន

ចិន៖ ប្រទេសចិនបានរិះគន់ការដាក់ទណ្ឌកម្មធ្ងន់ធ្ងរពីសហរដ្ឋអាមេរិកលើទីក្រុងមូស្គូ ជុំវិញជម្លោះក្នុងប្រទេសអ៊ុយក្រែនដោយនិយាយថា ការរឹតត្បិតទាំងឡាយគឺជាឧបករណ៍មិនចំគោលដៅ ក្នុងការបន្ធូរបន្ថយវិបត្តិដែលកំពុងបន្តនៅក្នុងប្រទេសអ៊ុយក្រែន។អ្នកនាំពាក្យក្រសួងការបរទេសចិនលោក Zhao Lijian បានប្រាប់សន្និសីទសារព័ត៌មានប្រចាំថ្ងៃកាលពីថ្ងៃចន្ទថា ទណ្ឌកម្មដែលចេះតែដាក់មិនចេះចប់ មិនបានជួយអ្វីដល់ស្ថានភាពនេះទេ ផ្ទុយទៅវិញបែរជាបង្កើតឲ្យមានបញ្ហាថ្មីៗសម្រាប់ពិភពលោក ស្របពេលដែលពិភពលោកនេះកំពុងប្រយុទ្ធប្រឆាំងនឹងជំងឺរាតត្បាតសកល។ លោកបានបន្ថែមថា ទីក្រុងវ៉ាស៊ីនតោនគួរតែចាត់វិធានការជាក់ស្ដែងជំរុញឲ្យមានសន្តិភាព ជំនួសឲ្យការប្រើប្រាស់ទណ្ឌកម្មដើម្បីរក្សាជំហរអនុត្តរភាពរបស់ខ្លួន និងកេងចំណេញដោយខុសច្បាប់។ លោក Zhao បានបញ្ជាក់ឡើងវិញពីគោលជំហររបស់ទីក្រុងប៉េកាំងថា ជម្លោះរវាងរដ្ឋធានីគីវ និងក្រុងមូស្គូ គួរតែត្រូវបានដោះស្រាយតាមរយៈការសន្ទនា៕អត្ថបទ៖ សុខមាន

អ៊ុយក្រែន៖ មនុស្សរាប់ម៉ឺននាក់បានស្លាប់នៅក្នុងទីក្រុង Mariupol ដោយចោទរុស្ស៊ីពីបទរំលោភសិទ្ធិមនុស្ស

អ៊ុយក្រែន៖ កាលពីថ្ងៃចន្ទប្រទេសអ៊ុយក្រែនបាននិយាយថា មនុស្សរាប់ម៉ឺននាក់ទំនងជាត្រូវបានសម្លាប់ក្នុងការវាយប្រហាររបស់រុស្ស៊ីនៅភាគអាគ្នេយ៍នៃទីក្រុង Mariupol ខណៈអង្គភាពស៊ើបអង្កេតសិទ្ធិមនុស្សរបស់ប្រទេសនេះ បានចោទកងកម្លាំងរុស្ស៊ីក្នុងតំបន់នេះពីបទធ្វើទារុណកម្ម និងប្រហារជីវិត។ពុំមានរបាយការណ៍បញ្ជាក់ទេកាលពីថ្ងៃចន្ទអំពីការលើកឡើងថា មានការប្រើប្រាស់អាវុធគីមីនៅក្នុងទីក្រុង Mariupol។ លោកប្រធានាធិបតីអ៊ុយក្រែន Volodymyr Zelensky បាននិយាយថា រុស្ស៊ីអាចប្រើអាវុធគីមីនៅក្នុងប្រទេសរបស់លោក និងបានអំពាវនាវដល់បណ្ដាប្រទេសលោកខាងលិចដាក់ទណ្ឌកម្មធ្ងន់ធ្ងរលើទីក្រុង Moscow។ កាលពីល្ងាចថ្ងៃចន្ទលោក Zelensky បាននិយាយថា ពួកលោកចាត់ទុករឿងនេះធ្ងន់ធ្ងរបំផុត។ លោកពុំបាននិយាយទេថា អាវុធគីមីទាំងនោះត្រូវគេប្រើរួចហើយ។អ្នកការទូតជាន់ខ្ពស់របស់ទីក្រុងឡុងដ៍បាននិយាយកាលពីថ្ងៃចន្ទថា ចក្រភពអង់គ្លេសកំពុងព្យាយាមផ្ទៀងផ្ទាត់ថា រុស្ស៊ីពិតជាបានប្រើអាវុធគីមីនៅក្នុងទីក្រុង Mariupol មែនឬក៏យ៉ាងណា។ ចំណែកភាគីខាងរុស្ស៊ីវិញបានច្រានចោលការចោទប្រកាន់ដែលថា ខ្លួនបានប្រព្រឹត្តឧក្រិដ្ឋកម្មសង្គ្រាម អំឡុងការវាយរុលទៅមុខរបស់ខ្លួនក្នុងប្រទេសអ៊ុយក្រែន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ភ្លៀងមូសុងកើនឡើងដោយសារព្យុះទីហ្វុងដូហ្វីន បង្កឱ្យមានទឹកជំនន់នៅប្រទេសហ្វីលីពីន

អភិបាលខេត្តបាត់ដំបង អញ្ជើញកាត់កញ្ចប់វិញ្ញាសារជានិមិត្តរូបសម្រាប់ការប្រឡងបាក់ឌុបឆ្នាំ២០២៦ នៅមណ្ឌលប្រឡងវិទ្យាល័យនេត យ៉ង់

បេក្ខជនប្រឡងបំពេញវិជ្ជា បាក់ឌុប នៅមណ្ឌលប្រឡងវិទ្យាល័យ ជា ស៊ីម សន្ធរម៉ុក ប្ដេជ្ញាចិត្តខិតខំប្រឡងឱ្យជាប់

បេក្ខជនស្វ័យរិនប្រឡងសញ្ញាបត្រមធ្យមសិក្សាទុតិយភូមិ បង្ហាញក្តីរំពឹងខ្ពស់ក្នុងការប្រឡងឆ្នាំនេះ

តម្លៃប្រេងកើនឡើង ខណៈការទាមទាររបស់អ៊ីរ៉ង់ធ្វើឱ្យទស្សនវិស័យសម្រាប់ច្រកសមុទ្រហ័រមូសអាប់អួរ

អាណាព្យាបាលសិស្សបង្ហាញក្ដីសង្ឃឹម និងរីករាយ ខណៈជូនកូនៗមកប្រឡងបាក់ឌុបឆ្នាំនេះ

អភិបាលខេត្តស្វាយរៀង ណែនាំបេក្ខជនត្រូវយកចំណេះដឹងដែលខិតខំសិក្សាមកប្រឡងបាក់ឌុបឱ្យទទួលបានជោគជ័យ ហើយបន្តការសិក្សាកម្រិតឧត្តមសិក្សា

អភិបាលរងខេត្ដព្រះវិហារ ណែនាំបេក្ខជនប្រឡងបាក់ឌុប ខិតខំប្រឡង និងគោរពតាមបទបញ្ជាប្រឡងរបស់ក្រសួងអប់រំ

ប្រទេសចិន ជម្លៀសមនុស្សជាងមួយលាននាក់ចេញពីផ្ទះសម្បែង ខណៈព្យុះដ៏ធំមួយមកដល់

ពីដៃកាន់សៀវភៅ និងដេញ Piano មកកាន់សង្វៀនអន្តរជាតិ៖ ភាពក្លាហាន និងទឹកភ្នែករបស់ ម៉ានេតា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន

រុស្ស៊ីព្រមានស៊ុយអែត និងហ្វាំងឡង់ទល់នឹងការចូលជាសមាជិកសម្ព័ន្ធយោធាណាតូ

ចិនជំរុញអាមេរិកឲ្យចាត់វិធានការជាក់ស្ដែងជំរុញសន្តិភាពជំនួសឲ្យការព្យាយាមពង្រីកជម្លោះអ៊ុយក្រែន

អ៊ុយក្រែន៖ មនុស្សរាប់ម៉ឺននាក់បានស្លាប់នៅក្នុងទីក្រុង Mariupol ដោយចោទរុស្ស៊ីពីបទរំលោភសិទ្ធិមនុស្ស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក​ Vladimir Putin អះ​អាង​ថា ​ប្រទេស​រុស្ស៊ី​គ្មាន​ថ្ងៃ​ឯកោ​ឡើយ​

លោក Vladimir Putin និយាយ​ថា​ ការចរចា​សន្តិភាព​ជាមួយ​អ៊ុយ​ក្រែ​ន​ពុំ​មាន​តទៅទៀត​ទេ​

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ព្រះមហាក្សត្រ និងហ្លួងម៉ែសព្វព្រះរាជហឫទ័យយាងនិវត្តមកដល់មាតុប្រទេសវិញហើយ

ក្រុម​ប្រឹក្សា​សន្តិសុខ​ UN ​ពិភាក្សា​ការ​ចោទ​ប្រកាន់​ពី​អំពើ​ហិង្សា​ផ្លូវ​ភេទ​នៅ​អ៊ុយក្រែន​

ភ្លៀង​ធ្លាក់​ខ្លាំង​បណ្ដាល​ឲ្យ​មនុស្ស​យ៉ាងហោចណាស់​​​ ២៥​នាក់​ស្លាប់​ក្នុង​ប្រទេស​ហ្វីលីពីន

រុស្ស៊ី​ព្រមាន​ស៊ុយអែត និង​ហ្វាំ​ង​ឡង់​ទល់​នឹង​ការ​ចូល​ជា​សមាជិក​សម្ព័ន្ធ​យោធា​ណា​តូ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Vladimir Putin អះអាងថា ប្រទេសរុស្ស៊ីគ្មានថ្ងៃឯកោឡើយ

លោក Vladimir Putin និយាយថា ការចរចាសន្តិភាពជាមួយអ៊ុយក្រែនពុំមានតទៅទៀតទេ

ក្រុមប្រឹក្សាសន្តិសុខ UN ពិភាក្សាការចោទប្រកាន់ពីអំពើហិង្សាផ្លូវភេទនៅអ៊ុយក្រែន

ភ្លៀងធ្លាក់ខ្លាំងបណ្ដាលឲ្យមនុស្សយ៉ាងហោចណាស់ ២៥នាក់ស្លាប់ក្នុងប្រទេសហ្វីលីពីន

រុស្ស៊ីព្រមានស៊ុយអែត និងហ្វាំងឡង់ទល់នឹងការចូលជាសមាជិកសម្ព័ន្ធយោធាណាតូ