BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

នាវាផ្ទុកយន្តហោះអាមេរិកបន្តធ្វើសមយុទ្ធនៅសមុទ្រមេឌីទែរ៉ាណេ

សហរដ្ឋអាមេរិក៖ នាវាផ្ទុកយន្តហោះសហរដ្ឋអាមេរិក USS Truman កំពុងធ្វើសមយុទ្ធរួមគ្នានៅសមុទ្រមេឌីទែរ៉ាណេភាគកណ្តាល ជាមួយនឹងនាវាផ្ទុកយន្តហោះបារាំង និងអ៊ីតាលី។សារព័ត៌មាន Associated Press បានចូលថតកាលពីថ្ងៃព្រហស្បតិ៍នៅលើនាវាផ្ទុកយន្តហោះ ជាកន្លែងដែលអង្គភាពកងទ័ពជើងទឹកសហរដ្ឋអាមេរិកកំពុងហ្វឹកហាត់ ដើម្បីបង្កើតអន្តរប្រតិបត្តិការជាមួយសម្ព័ន្ធមិត្តណាតូ ដែលកំពុងហោះហើរលើដែនអាកាសរបស់ខ្លួន ខណៈកំពុងគាំទ្រដោយផ្ទាល់ដល់បេសកកម្មល្បាតដែនអាកាស របស់អង្គការណាតូនៅលើតំបន់នៅអឺរ៉ុបខាងកើត។ មន្ត្រីជាន់ខ្ពស់កងទ័ពជើងទឹកអាមេរិកលោក Carlos Del Toro បាននិយាយពីនាវាផ្ទុកយន្តហោះថា ថ្ងៃនេះនាវាកំពុងធ្វើប្រតិបត្តិការជាមួយនឹងនាវាចម្បាំងរបស់អ៊ីតាលី Cavour និងនាវាផ្ទុកយន្តហោះបារាំង Charles de Gaulle។នាវាផ្ទុកយន្តហោះត្រូវបានផ្តល់ការហ្វឹកហ្វឺន និងដំណើរការជាមួយយន្តហោះចម្បាំងប្រទេសរ៉ូម៉ានី ក្នុងការរៀបចំសម្រាប់ការគាំទ្របេសកកម្មល្បាតដែនអាកាស។ ដោយហោះចេញពីសមុទ្រ Adriatic, Ionian និង Aegean យន្តហោះអាមេរិកកំពុងល្បាតលើព្រំដែនប្រទេសរ៉ូម៉ានីជាមួយអ៊ុយក្រែន។ ការល្បាតដែនអាកាសដែលត្រូវបានពង្រឹង គឺជាផ្នែកមួយនៃវិធានការរបស់ណាតូដែលត្រូវបាន ណែនាំនៅក្នុងឆ្នាំ២០១៤ បន្ទាប់ពីការបញ្ចូលឧបសម្ព័ន្ធរបស់រុស្ស៊ីឧបទ្វីបគ្រីមៀ៕អត្ថបទ៖ ប៊ុនថន

ប្រជាជនក្រុង Mariupol ភៀសខ្លួនចេញពីការឡោមព័ទ្ធ និងបន្តឆ្លងចូលប្រទេសម៉ុលដូវ៉ា

អ៊ុយក្រែន៖ ប្រជាជនទីក្រុង Mariupol របស់អ៊ុយក្រែនដែលត្រូវបានឡោមព័ទ្ធ នៅតែបន្តព្យាយាមគេចពីគ្រាប់ផ្លោងរបស់រុស្ស៊ី។ ខណៈការប្រយុទ្ធគ្នានៅក្នុងទីក្រុងនៅតែបន្ត ប្រជាជនបានចាប់ផ្តើមជម្លៀសខ្លួនកាលពីថ្ងៃព្រហស្បតិ៍ តាមរយៈតំបន់មួយដែលគ្រប់គ្រងដោយកងកម្លាំងសាធារណរដ្ឋប្រជាមានិត Donetsk ដែលប្រកាសខ្លួនឯង។ប្រជាជនទីក្រុង Mariupol គ្មានអគ្គិសនី ហ្គាស និងទឹកសម្រាប់ការប្រើប្រាស់ ឬទំនាក់ទំនងនោះទេ។ ហាងទំនិញនានាត្រូវបានបំផ្លាញ ឬដុតកំទេច ហើយប្រជាជនកំពុងព្យាយាមដណ្តើមយករបស់ដែលនៅសេសសល់ នៅក្នុងឃ្លាំងអាហារក្នុងទីក្រុង។ ជនភៀសខ្លួនអ៊ុយក្រែនបានបន្តឆ្លងចូលទៅប្រទេសម៉ុលដូវ៉ាកាលពីថ្ងៃព្រហស្បតិ៍ ខណៈការវាយលុករបស់រុស្ស៊ីលើអ៊ុយក្រែននៅបន្ត។ ចំនួនប្រជាជនដែលបានចុះឈ្មោះកាលពីថ្ងៃព្រហស្បតិ៍ មានចំនួនតិចជាងមុនបើប្រៀបធៀបកាលពីក្នុងអំឡុងពេលចាប់ផ្តើមជម្លោះរុស្ស៊ី-អ៊ុយក្រែន។ គ្រួសារជនភៀសខ្លួនជាច្រើនបានទៅដល់តំបន់ Palanca ប្រទេសម៉ុលដូវ៉ាមកពីទីប្រជុំជន Mykolayv ភាគខាងត្បូងប្រទេសអ៊ុយក្រែនដែលថ្មីៗនេះត្រូវបានបាញ់ផ្លោងដាក់៕អត្ថបទ៖ ប៊ុនថន

លោក Biden និងលោក Xi នឹងជួបសន្ទនាតាមវីដេអូនៅថ្ងៃសុក្រនេះពិភាក្សាពីសង្គ្រាមអ៊ុយក្រែន

សហរដ្ឋអាមេរិក៖ សេតវិមាននិយាយថា លោកប្រធានាធិបតីអាមេរិក Joe Biden នឹងពិភាក្សាតាមវីដេអូជាមួយសមភាគីចិនគឺលោកប្រធានាធិបតី Xi Jinping នៅថ្ងៃសុក្រនេះអំពីបញ្ហាជាច្រើន រួមទាំងសង្គ្រាមរបស់រុស្ស៊ីនៅក្នុងប្រទេសអ៊ុយក្រែន។ក្រងប៉េកាំងបានច្រានចោលក្នុងការថ្កោលទោសសម្ព័ន្ធមិត្តស្អិតរមួតរបស់ខ្លួន ជុំវិញការចូលលុកលុយរបស់រុស្ស៊ីលើអ៊ុយក្រែន ខណៈស្ដីបន្ទោសសហរដ្ឋអាមេរិក និងការពង្រីកខ្លួនទៅកាន់ភាគខាងកើតរបស់អង្គការណាតូថា ជាដើមចមនាំឲ្យមានភាពតានតឹងកាន់តែខ្លាំង។ សេតវិមានបាននិយាយនៅក្នុងសេចក្ដីថ្លែងការណ៍ថា មេដឹកនាំទាំង ២ នឹងពិភាក្សាពីការប្រកួតប្រជែងរវាងប្រទេសទាំង ២ ព្រមទាំងសង្គ្រាមបញ្ឆេះឡើងដោយរុស្ស៊ីនៅក្នុងប្រទេសអ៊ុយក្រែន និងបញ្ហានានាដែលជាក្ដីបារម្ភសម្រាប់ប្រទេសទាំង២។ប្រទេសចិនកំពុងស្ថិតក្រោមសម្ពាធការទូតដ៏តឹងតែងពីសហរដ្ឋអាមេរិក និងសម្ព័ន្ធមិត្តសហភាពអឺរ៉ុបដើម្បីដកការគាំទ្រចេញពីរុស្ស៊ីដែលកំពុងតែឯកា។ ប៉ុន្តែ ៣សប្ដាហ៍បន្ទាប់ពីការវាយលុកលើអ៊ុយក្រែន ក្រុងប៉េកាំងបានបង្ហាញសញ្ញាមួយចំនួនពីការបោះបង់ចោលមិត្តភ័ក្ដិរបស់ខ្លួនក្នុងវិមានក្រឹមឡាំង៕អត្ថបទ៖ សុខមាន

រុស្ស៊ីព្រមានសហរដ្ឋអាមេរិកថា ខ្លួនមានអំណាចធ្វើឲ្យសត្រូវមិនអាចធ្វើអ្វីបានដូចគ្នា

រុស្ស៊ី៖ កាលពីថ្ងៃព្រហស្បតិ៍ប្រទេសរុស្ស៊ីបានព្រមានសហរដ្ឋអាមេរិកថា ទីក្រុង Moscow មានលទ្ធភាពធ្វើឲ្យប្រទេសមហាអំណាចលេខ ១ លើពិភពលោកមួយនេះចុះខ្សោយឥទ្ធិពល មិនអាចធ្វើអ្វីបាន ហើយចោទប្រកាន់លោកខាងលិចពីបទប្រើគម្រោងខ្លាចរុស្ស៊ី ដើម្បីហែករុស្ស៊ីជាចំណែក។លោក Dmitry Medvedev ដែលបានកាន់តំណែងជាប្រធានាធិបតីពីឆ្នាំ២០០៨ ដល់២០១២ ហើយបច្ចុប្បន្នគឺជាអគ្គលេខាធិការរងនៃក្រុមប្រឹក្សាសន្តិសុខរបស់ប្រទេសរុស្ស៊ីបាននិយាយថា សហរដ្ឋអាមេរិកបានប្រើគម្រោងធ្វើជាខ្លាចរុស្ស៊ីដើម្បីបង្ខំឲ្យរុស្ស៊ីលុតជង្គង់ចុះចាញ់។ ចាប់តាំងពីរុស្ស៊ីបើកការវាយលុកលើអ៊ុយក្រែនកាលពីថ្ងៃទី២៤ ខែកុម្ភៈមក សហរដ្ឋអាមេរិក និងសម្ព័ន្ធមិត្តអឺរ៉ុប និងអាស៊ីបានដាក់ទណ្ឌកម្មលើបណ្ដាមេដឹកនាំរុស្ស៊ី ក្រុមហ៊ុន និងមហាសេដ្ឋកិច្ចធុរកិច្ចដោយកាត់ផ្ដាច់រុស្ស៊ីចេញពីសេដ្ឋកិច្ចពិភពលោក។លោកប្រធានាធិបតីរុស្ស៊ី Vladimir Putin និយាយថា អ្វីដែលលោកហៅថា ជាប្រតិបត្តិការយោធាពិសេសនៅអ៊ុយក្រែនគឺជារឿងចាំបាច់ ព្រោះសហរដ្ឋអាមេរិកកំពុងប្រើប្រទេសអ៊ុយក្រែនដើម្បីគំរាមកំហែងប្រទេសរុស្ស៊ី ហើយរុស្ស៊ីត្រូវតែការពារប្រឆាំងទៅនឹងអំពើប្រល័យពូជសាសន៍ លើប្រជាពលរដ្ឋនិយាយភាសារុស្ស៊ីពីសំណាក់ប្រទេសអ៊ុយក្រែន៕អត្ថបទ៖ សុខមាន

អង្គការសហប្រជាជាតិកត់ត្រាជនស៊ីវិលស្លាប់ជាង ៧០០នាក់រួមទាំងកុមារ ៥២នាក់ក្នុងសង្គ្រាមអ៊ុយក្រែន

អ៊ុយក្រែន៖ ប្រធានកិច្ចការនយោបាយរបស់អង្គការសហប្រជាជាតិលោកស្រី Rosemary DiCarlo បានប្រាប់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍ថា ជនស៊ីវិលជាង ៧០០នាក់រួមទាំងកុមារ ៥២នាក់បានស្លាប់នៅក្នុងប្រទេសអ៊ុយក្រែន ចាប់តាំងពីប្រទេសរុស្ស៊ីបើកការវាយលុក ៣សប្ដាហ៍កន្លងទៅនេះ ប៉ុន្តែចំនួនពិតប្រាកដទំនងជាខ្ពស់ជាងនេះ។លោកស្រី DiCarlo បាននិយាយថា ភាគច្រើននៃជនរងគ្រោះទាំងនេះបណ្ដាលមកពីការប្រើប្រាស់អាវុធគ្រឿងផ្ទុះ មានវិសាលភាពប៉ះពាល់ខ្លាំង។ អគារលំនៅឋានប្រជាពលរដ្ឋរាប់រយ រួមទាំងសាលារៀន និងមន្ទីរពេទ្យជាច្រើនត្រូវបានបំផ្លាញ ឬខូចខាត។ ដោយពុំបានស្ដីបន្ទោសចំៗទៅលើភាគីណាមួយ លោកស្រីបានប្រាប់ក្រុមប្រឹក្សាមានសមាជិក ១៥ប្រទេសថា ទីភ្នាក់ងារសិទ្ធិមនុស្សរបស់អង្គការសហប្រជាជាតិបានកត់ត្រាអ្នកស្លាប់ចំនួន ៧២៦នាក់រួមទាំងកុមារ ៥២នាក់ និងមនុស្សចំនួន ១.១៧៤នាក់បានរងរបួសរួមទាំងកុមារ ៦៣នាក់នៅចន្លោះថ្ងៃទី២៤ ខែកុម្ភៈ និង ថ្ងៃទី១៥ ខែមីនា។ ចំណែកប្រមុខអង្គការសុខភាពពិភពលោកគឺលោក Tedros Adhanom Ghebreyesus បានប្រាប់ក្រុមប្រឹក្សាសន្តិសុខរបស់អង្គការសហប្រជាជាតិថា អង្គការសុខភាពពិភពលោកបានផ្ទៀងផ្ទាត់ការវាយប្រហារចំនួន ៤៣លើកទៅលើទីតាំងសុខាភិបាលនៅអ៊ុយក្រែនដែលបានសម្លាប់មនុស្ស ១២នាក់ និងរាប់សិបនាក់ផ្សេងទៀតរងរបួសរួមទាំងក្រុមបុគ្គលិកសុខភាពផងដែរ។រីឯក្រុមបុគ្គលិកសង្គ្រោះបានបន្តស្វែងអ្នកនៅមានជីវិតកាលពីថ្ងៃព្រហស្បតិ៍ នៅក្នុងគំនរថ្មបែកបាក់នៃអគារមហោស្រពភាពយន្តដែលបានបាក់រលំដោយផ្នែក ដោយសារតែការវាយប្រហារតាមអាកាសរបស់រុស្ស៊ីនៅក្នុងទីក្រុង Mariupol ដែលរងការហ៊ុមព័ទ្ធ។ គួរឲ្យដឹងថា រោងមហោស្រពនេះត្រូវបានប្រើជាទីជម្រកស្នាក់នៅបណ្ដោះអាសន្ន របស់ជនភៀសខ្លួនក្នុងប្រទេសចន្លោះពី ១,០០០នាក់ និង ១,២០០នាក់៕អត្ថបទ៖ សុខមាន

ឯកឧត្ដម ហ៊ុន ម៉ាណែត លើកឡើងថា ពលរដ្ឋកម្ពុជាមានភ័ព្វសំណាង ដែលមានសម្ដេចតេជោជាអ្នកដឹកនាំ

កំពង់ចាម ៖ ក្នុងពិធីសម្ពោធដាក់ឱ្យប្រើប្រាស់ផ្លូវ និងបើកការដ្ឋានសាងសង់ស្ពានបេតុង ៩ កន្លែង នៅក្នុងស្រុកស្រីសន្ធរ ខេត្តកំពង់ចាម នាថ្ងៃទី១៧ ខែមីនា ឆ្នាំ២០២២ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានលើកឡើងថា ប្រជាពល រដ្ឋកម្ពុជាមានភ័ព្វ គឺសំណាងល្អ ដែលមានសម្តេចតេជោនាយករដ្ឋមន្រ្តី ជាអ្នកដឹកនាំប្រកបដោយចក្ខុវិស័យខ្ពស់ ហើយដែលបំណងប្រាថ្នាដ៏ធំបំផុតរបស់សម្តេចតេជោ គឺធ្វើយ៉ាងណាឱ្យប្រជាពលរដ្ឋមានសេចក្តីសុខ និងភាពចម្រុងចម្រើនទាំងផ្លូវកាយ ដែលសំដៅទៅលើការរីកធំធាត់លូតលាស់រាងកាយ សុខភាព និងសមត្ថភាពបញ្ញា ក៏ដូចជាសេចក្តីសុខស្ងប់ផ្នែកផ្លូវចិត្ត គឺសំដៅទៅលើការមិនព្រួយបារម្ភអំពីបញ្ហាសង្គ្រាម និងអសន្តិសុខនានា ដោយសម្តេចតេជោបាននាំមកនូវសុខសន្តិភាព និងសិទ្ធិសេរីភាពគ្រប់បែបយ៉ាង ព្រមទាំងបង្កលក្ខណៈឱ្យមានការជួយគាំទ្រ និងចែករំលែកជួយគ្នាទៅវិញទៅមក ដើម្បីភាពសុខដុមរមនានៅក្នុងសង្គម។ឯកឧត្ដមក៏បានថ្លែងអំណរគុណចំពោះប្រជាពលរដ្ឋ ដែលតែងជឿទុកចិត្ត និងផ្តល់ការគាំទ្រដល់សម្តេ ចតេជោ ហើយតែងបានបោះឆ្នោតជូនគណបក្សប្រជាជនកម្ពុជាក្នុងរយៈកាលកន្លងមក និងសូមបន្តជួ យគាំទ្រគណបក្សប្រជាជនកម្ពុជា ឱ្យមានឱកាសបន្តបំពេញកាតព្វកិច្ចក្នុងការបម្រើប្រជាពលរដ្ឋឱ្យមា នជីវភាពកាន់តែសុខសាន្ត និងរុងរឿង តាមរយៈការដឹកនាំប្រកបដោយភាពទទួលខុសត្រូវខ្ពស់ និងការតម្កល់ប្រយោជន៍ជាតិ និងប្រជាជនជាធំ ព្រមជាមួយនឹងការខិតខំពង្រឹង និងពង្រីកនូវសមិទ្ធផលវិជ្ជមា នទាំងទ្បាយឱ្យកាន់រីកដុះដាល និងខ្លាំងក្លាបន្ថែមទៀត។ក្នុងពិធីនោះដែរ ឯកឧត្ដមក៏បានចូលរួមអបអរសាទរចំពោះសមិទ្ធផលផ្លូវ និងស្ពានទាំងនេះ ដែលនឹងក្លាយជាគុណប្រយោជន៍ដ៏ធំធេង សម្រាប់ប្រជាជនក្នុងមូលដ្ឋាន រួមទាំងអ្នកដំណើរមកទីជិតឆ្ងាយ។ ស មិទ្ធផលទាំងនេះបានកើតចេញពីកម្លាំងរួបរួមសាមគ្គីភាព រវាងវិស័យឯកជនដែលមានក្រុមហ៊ុន ប៉េង ហួត គ្រុប និង ក្រុមហ៊ុន បុរីអង្គរ ភែលេស ដែលបានចូលរួមចំណែកជាមួយរាជរដ្ឋភិបាលក្នុងការកសា ងផ្លូវ និងស្ពានទាំងនេះទ្បើង ដើម្បីនាំមកនូវក្តីសង្ឃឹម ជួយសម្រួលការរស់នៅប្រកបរបរប្រចាំថ្ងៃ បម្រើឱ្យការអភិវឌ្ឍសេដ្ឋកិច្ច និងលើកកម្ពស់កម្រិតជីវភាពរបស់ប្រជាពលរដ្ឋឱ្យកាន់តែចម្រើនរុងរឿងថែមទៀត។ ទាំងនេះកើតមានទៅបាន គឺដោយឈរលើស្មារតី« សិល្បៈនៃការចែករំលែក» ក្រោមដំបូលនៃសុខសន្តិភាព និងវឌ្ឍនភាពនៃសង្គមជាតិ៕ ដោយ៖ គង់ ឌិន

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

រុស្ស៊ី៖ ប្រធានាធិបតីរុស្ស៊ីលោក Vladimir Putin កាលពីថ្ងៃពុធបាននិយាយឡើងវិញ នូវហេតុផលរបស់លោកសម្រាប់ប្រតិបត្តិការពិសេសនៅអ៊ុយក្រែន ដោយដាក់កំហុសលើទីក្រុងគីវចំពោះការបំផ្លាញកិច្ចព្រមព្រៀងទីក្រុង Minsk ប្រទេសបេឡារុស។លោក Putin បាននិយាយថា អាជ្ញាធរទីក្រុងគីវមិនត្រឹមតែមិនអើពើ និងបំផ្លាញការអនុវត្តន៍កញ្ចប់វិធានការទីក្រុង Minsk សម្រាប់ការដោះស្រាយវិបត្តិដោយសន្តិវិធីប៉ុណ្ណោះទេ ប៉ុន្តែកាលពីចុងឆ្នាំមុន ពួកគេថែមទាំងបដិសេធជាសាធារណៈក្នុងការអនុវត្តកិច្ចព្រមព្រៀង។ លោក Putin និយាយថា ប្រតិបត្តិការយោធានៅអ៊ុយក្រែនកំពុងធ្វើឡើងដោយជោគជ័យ ស្របតាមផែនការដែលបានអនុម័តជាមុន ហើយរាល់កិច្ចការដែលបានកំណត់នឹងត្រូវដោះស្រាយ។លោក Putin បាននិយាយថា យើងនឹងធានាបាននូវសុវត្ថិភាពប្រទេសរុស្ស៊ី និងប្រជាជនរបស់យើងដោយភាពជឿជាក់ ហើយនឹងមិនអនុញ្ញាតឱ្យអ៊ុយក្រែនធ្វើជាស្ពានឆ្លង សម្រាប់សកម្មភាពឈ្លានពានមកលើប្រទេសរបស់យើងឡើយ។ ជាមួយគ្នានេះលោក Putin បាននិយាយថា គោលដៅមិនមែនជាការកាន់កាប់អ៊ុយក្រែននោះទេ។ លោក Putin បានចាត់ទុកការបង្កកផ្នែក នៃប្រាក់បម្រុងប្តូរប្រាក់បរទេសរបស់ធនាគាររុស្ស៊ីថា ខុសច្បាប់៕អត្ថបទ៖ ប៊ុនថន

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានរំលឹកការចងចាំនៃកំពង់ផែ Pearl Harbor និងការវាយប្រហារភេរវកម្មថ្ងៃទី១១ ខែកញ្ញា ឆ្នាំ២០០១ ក្នុងការអំពាវនាវកាលពីថ្ងៃពុធដល់សភាសហរដ្ឋអាមេរិកឱ្យខិតខំបន្ថែមទៀត ដើម្បីជួយប្រទេសអ៊ុយក្រែនប្រឆាំងរុស្ស៊ី។លោក Zelenskyy ដែលបានផ្សាយបន្តផ្ទាល់ទៅកាន់សមាជិកសភានៅលើអេក្រង់ធំ បានទទួលស្គាល់ថាតំបន់គ្មានការហោះហើរដែលលោកស្វែងរកការបិទជើងមេឃ ចំពោះការវាយប្រហារតាមអាកាសលើប្រទេសរបស់លោកប្រហែលជាមិនកើតឡើងនោះទេ។ លោក Biden បានជំទាស់លើចំណាត់ការនេះ ព្រមទាំងច្រានចោលការយល់ព្រមឱ្យសហរដ្ឋអាមេរិក ឬ NATO បញ្ជូនយន្តហោះចម្បាំង MiG ពីប្រទេសប៉ូឡូញទៅអ៊ុយក្រែន។ ជំនួសមកវិញលោក Zelenskyy បានអង្វរសុំជំនួយយោធាបន្ថែមទៀតដើម្បីបញ្ឈប់ការវាយលុករបស់រុស្ស៊ី។ជាលើកដំបូងក្នុងការថ្លែងសុន្ទរកថាជាសាធារណៈទៅកាន់មេដឹកនាំពិភពលោក លោកបានបង្ហាញនៅក្នុងសាលប្រជុំរបស់សមាជិកសភា នូវវីដេអូក្រាហ្វិកនៃការបំផ្លាញដែលប្រទេសរបស់លោកបានរងទុក្ខក្នុងសង្គ្រាម រួមជាមួយនឹងរូបភាពនៃភាពសោកសៅការស្លាប់ និងរងរបួសរបស់ជនស៊ីវិល។ លោក Zelenskyy បាននិយាយថា យើងត្រូវការអ្នកនៅពេលនេះ។ ខ្ញុំអំពាវនាវសុំឱ្យអ្នកខិតខំជួយយើងបន្ថែមទៀត។ ប្រធានាធិបតីសហរដ្ឋអាមេរិកលោក Joe Biden មិនបានផ្តល់ការយល់ព្រមចំពោះតំបន់គ្មានការហោះហើរ ឬការផ្ទេរយន្តហោះយោធាពីប្រទេសជិតខាងប៉ូឡូញ ខណៈសហរដ្ឋអាមេរិកព្យាយាមជៀសវាងការប្រឈមមុខដាក់គ្នា ដោយផ្ទាល់ជាមួយរុស្ស៊ីដែលមានអាវុធនុយក្លេអ៊ែរ៕អត្ថបទ៖ ប៊ុនថន

រាជរដ្ឋាភិបាលកម្ពុជា និងក្រុមហ៊ុនសម្ព័ន្ធទូរទស្សន៍កម្ពុជា ចុះកិច្ចព្រមព្រៀងបង្កើត «ថ្នាលទូរទស្សន៍ឌីជីថលកម្ពុជា»

ភ្នំពេញ៖ ប្រទេសកម្ពុជាបានកសាងប្រវត្តិសាស្ត្រថ្មីបន្ថែមទៀត ក្នុងវិស័យសោតទស្សន៍ និងផ្សព្វផ្សាយ នាថ្ងៃទី១៧ ខែមីនា ឆ្នាំ២០២២នេះ រាជរដ្ឋាភិបាលកម្ពុជាតំណាងដោយក្រសួងសេដ្ឋកិច្ច និងហិរញ្ញវត្ថុ បានចុះហត្ថលេខាលើកិច្ចព្រមព្រៀងម្ចាស់ភាគហ៊ុន ជាមួយក្រុមហ៊ុនសម្ព័ន្ធទូរទស្សន៍កម្ពុជា ឯ.ក ដើម្បីបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា។ពិធីចុះហត្ថលេខាលើកិច្ចព្រមព្រៀងនេះ ប្រព្រឹត្តទៅក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ , ចុះហត្ថលេខាដោយ ឯកឧត្តមបណ្ឌិត អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តំណាងរបស់ភាគីរាជរដ្ឋាភិបាលកម្ពុជា និង តំណាងសម្ព័ន្ធទូរទស្សន៍កម្ពុជាឯ.ក មាន លោកជំទាវ ហ៊ុន ម៉ាណា អគ្គនាយិកានៃក្រុមហ៊ុនទូរទស្សន៍បាយ័នគ្រុប , អ្នកឧកញ្ញ៉ា គិត ម៉េង នៃក្រុមហ៊ុន CBS និងលោកឧកញ៉ា អ៊ឹង ឆៃងួន នៃក្រុមហ៊ុនទូរទស្សន៍ហង្សមាសគ្រុប។ពិធីចុះហត្ថលេខាលើ “កិច្ចព្រមព្រៀងម្ចាស់ភាគហ៊ុនរវាងរាជរដ្ឋាភិបាលកម្ពុជា តំណាងដោយក្រសួងសេដ្ឋកិច្ច និងហិរញ្ញវត្ថុ និងក្រុមហ៊ុនសម្ព័ន្ធទូរទស្សន៍កម្ពុជា ឯ.ក ដើម្បីបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា ឯ.ក” គឺជាបង្គោលចរដ៏សំខាន់មួយ ដែលឆ្លុះបញ្ចាំងអំពីវិវឌ្ឍនាការដ៏ជឿនលឿនរបស់ស្ថានភាពសង្គម-សេដ្ឋកិច្ចកម្ពុជា ជាពិសេស វិស័យឌីជីថល នៅក្រោមដំបូលសន្តិភាពនៃការដឹកនាំដ៏ឈ្លៀសវៃរបស់ សម្តេចតេជោនាយករដ្ឋមន្រ្តី ។ កិច្ចសហការរវាងរាជរដ្ឋាភិបាល និង ក្រុមហ៊ុនសម្ព័ន្ធទូរទស្សន៍កម្ពុជា ឯ.ក នៅក្នុងការបង្កើតក្រុមហ៊ុនថ្នាលទូរទស្សន៍ឌីជីថលកម្ពុជា ឯ.ក នេះ គឺជាតថភាព ដែលបង្ហាញអំពីសារសំខាន់នៃភាពជាដៃគូស្អិតរមួតរវាងរដ្ឋ និងឯកជន នៅក្នុងដំណើរការអភិវឌ្ឍប្រទេសកម្ពុជា ។ឯកឧត្តម អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តំណាងរបស់ភាគីរាជរដ្ឋាភិបាលកម្ពុជា បានលើកឡើងថា ស្របតាមផែនការរំដោះបន្ទារហ្វ្រេកង់ស៍របស់រាជរដ្ឋាភិបាល ថ្នាលទូរទស្សន៍ឌីជីថលកម្ពុជានេះនឹងអនុញ្ញាតឱ្យ ក្រុមហ៊ុនទូរទស្សន៍អាណាឡូកឯកជន ផ្លាស់ប្តូរការផ្សាយពីប្រព័ន្ធអាណាឡូកទៅជាប្រព័ន្ធឌីជីថល ដែលមានគុណភាពខ្ពស់ ក្នុងការបញ្ជូនរូបភាព និងសម្លេងទៅកាន់ទស្សនិកជន នៅទូទាំងព្រះរាជាណាចក្រកម្ពុជា, រាជរដ្ឋាភិបាល នឹងមានលទ្ធភាពរំដោះយកបន្ទារហ្វ្រេកង់ស៍ពីក្រុមហ៊ុនទូរទស្សន៍អាណាឡូកឯកជន ជាពិសេស បន្ទារហ្វ្រេកង់ស៍ តំបន់ ៧០០ MHz ដើម្បីប្រគល់ជូនក្រសួងប្រៃសណីយ៍ និងទូរគមនាគមន៍ ចាត់ចែងប្រើប្រាស់ក្នុងវិស័យទូរគមនាគមន៍ ដូចជា ប្រព័ន្ធ 5G ដែលមានគុណប្រយោជន៍ផ្នែកសេដ្ឋកិច្ចកម្រិតខ្ពស់ធៀបនឹងការប្រើប្រាស់ក្នុងវិស័យសោតទស្សន៍ ។ក្នុងឱកាសនោះ ក្រុមហ៊ុនសម្ព័ន្ធទូរទស្សន៍កម្ពុជាឯ.ក បានបញ្ជាក់ថា ក្រុមហ៊ុនទាំងបីដែលបានរួមគ្នា ជាសម្ព័ន្ធទូរទស្សន៍កម្ពុជានេះ និងតាមរយៈការចុះកិច្ចព្រមព្រៀងជាមួយរដ្ឋាភិបាលនៅថ្ងៃនេះ ក៏នឹងសហការគ្នាអោយសម្រេចបានតាម ការកំណត់របស់រាជរដ្ឋាភិបាលផងដែរ។សូមបញ្ជាក់ថា ក្រុមហ៊ុនចម្រុះរវាងរដ្ឋនិងឯកជននេះ បង្កើតឡើងសម្រាប់គ្រប់គ្រង "ថ្នាលទូរទស្សន៍ឌីជីថលកម្ពុជា” ដើម្បីធ្វើឲ្យព្រះរាជាណាចក្រកម្ពុជា ឈានទៅសម្រេចឲ្យបានតាមអនុសាសន៍របស់សហភាពទូរគមនាគមន៍អន្តរជាតិ (ITU) និយាយជារួម និងនិយាយដោយឡែក ស្របតាមយុទ្ធសាស្ត្ររបស់រាជរដ្ឋា ភិបាលកម្ពុជា ដែលបានកំណត់យកឆ្នាំ២០២៣ ជាកាលបរិច្ឆេទនៃការដាក់ឲ្យដំណើរការថ្នាលទូរទស្សន៍ឌីជីថលកម្ពុជា ដោយតម្រូវឲ្យក្រុមហ៊ុនទូរទស្សន៍អាណាឡូកឯកជនទាំងអស់ មកប្រើប្រាស់សេវាថ្នាលទូរទស្សន៍ឌីជីថលកម្ពុជា និងបន្តការផ្សាយព្រមគ្នា ជាប្រព័ន្ធអាណាឡូក និងប្រព័ន្ធឌីជីថលស្របគ្នាមុននឹងដល់ដំណាច់ឆ្នាំ២០២៥ ដែលជាកាលបរិច្ឆេទសម្រាប់បិទការផ្សាយទូរទស្សន៍តាមប្រព័ន្ធអាណាឡូកជាស្ថាពរ៕ អត្ថបទ៖ ស៊ុន រ៉ាឌី

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន

ជប៉ុន៖ យោងតាមរដ្ឋាភិបាលក្នុងតំបន់បានឱ្យដឹងថា យ៉ាងហោចណាស់មនុស្ស ៤ស្លាប់ និង ៩៤នាក់ផ្សេងទៀតបានរងរបួសបន្ទាប់ពីរញ្ជួយដីកម្រិត ៧.៤រ៉ិចទ័របានវាយប្រហារភាគឦសានប្រទេសជប៉ុន កាលពីល្ងាចថ្ងៃពុធ។ ការរញ្ជួយបានកើតឡើងនៅម៉ោងប្រហែល ២៣:៣៦នាទីម៉ោងក្នុងតំបន់ដោយមានជម្រៅ ៦០គីឡូម៉ែត្រ។រញ្ជួយដីខ្លាំងបានកើតឡើងនៅក្នុងតំបន់ភាគឦសាន និងភាគខាងកើតរបស់ប្រទេស ជាពិសេសនៅក្នុងខេត្ត Miyagi និង Fukushima។ ការព្រមានអំពីរលកយក្សស៊ូណាមិដែលមានកម្ពស់រហូតដល់ ១ម៉ែត្រត្រូវបានចេញទៅកាន់តំបន់ឆ្នេរក្នុងខេត្ត Miyagi និង Fukushima ដោយប្រជាជនត្រូវបានជំរុញឱ្យនៅឆ្ងាយពីឆ្នេរសមុទ្រ។ ប្រតិបត្តិកររថភ្លើងនិយាយថា ការរំខានដល់ការដឹកជញ្ជូនត្រូវបានគេរាយការណ៍ បន្ទាប់ពីមានការរញ្ជួយដី ខណៈរថភ្លើងល្បឿនលឿន Tohoku Shinkansen បានរអិលធ្លាក់ចេញពីផ្លូវ ប៉ុន្តែអ្នកដំណើរ ១០០នាក់នៅលើនោះមិនរងរបួសនោះទេ។ ទីក្រុងតូក្យូបានឃើញការរញ្ជួយខ្លាំង ហើយការដាច់ចរន្តអគ្គិសនីត្រូវបានរាយការណ៍ នៅក្នុងតំបន់ខ្លះនៃទីក្រុង និងតំបន់ក្បែរនោះបន្ទាប់ពីរញ្ជួយដី។ ក្រុមហ៊ុនថាមពលអគ្គិសនីទីក្រុងតូក្យូ និងក្រុមហ៊ុនបណ្ដាញថាមពលអគ្គិសនី Tohoku និយាយថា លំនៅឋានប្រមាណ ២.២លានខ្នងគ្មានថាមពលប្រើប្រាស់ ដែលក្នុងនោះមានគ្រួសារប្រហែល ៧០០,០០០គ្រួសាររស់នៅក្នុងទីក្រុងតូក្យូ។ នាយករដ្ឋមន្ត្រីជប៉ុនលោក Fumio Kishida បាននិយាយនៅក្នុងសន្និសីទសារព័ត៌មាននៅព្រឹកថ្ងៃព្រហស្បតិ៍នេះថា រោងចក្រថាមពលនុយក្លេអ៊ែរនៅទូទាំងប្រទេសជប៉ុន បានមើលឃើញថាគ្មានភាពខុសប្រក្រតីណាមួយឡើយបន្ទាប់ពីការរញ្ជួយដី ហើយរាល់ការព្រមានអំពីរលកយក្សស៊ូណាមិ ដែលបង្កឡើងដោយការរញ្ជួយដីត្រូវបានដកចេញនៅព្រឹកថ្ងៃព្រហស្បតិ៍នេះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នាវាផ្ទុកយន្តហោះអាមេរិកបន្តធ្វើសមយុទ្ធនៅសមុទ្រមេឌីទែរ៉ាណេ

ប្រជាជនក្រុង Mariupol ភៀសខ្លួនចេញពីការឡោមព័ទ្ធ និងបន្តឆ្លងចូលប្រទេសម៉ុលដូវ៉ា

លោក Biden និងលោក Xi នឹងជួបសន្ទនាតាមវីដេអូនៅថ្ងៃសុក្រនេះពិភាក្សាពីសង្គ្រាមអ៊ុយក្រែន

រុស្ស៊ីព្រមានសហរដ្ឋអាមេរិកថា ខ្លួនមានអំណាចធ្វើឲ្យសត្រូវមិនអាចធ្វើអ្វីបានដូចគ្នា

អង្គការសហប្រជាជាតិកត់ត្រាជនស៊ីវិលស្លាប់ជាង ៧០០នាក់រួមទាំងកុមារ ៥២នាក់ក្នុងសង្គ្រាមអ៊ុយក្រែន

ឯកឧត្ដម ហ៊ុន ម៉ាណែត លើកឡើងថា ពលរដ្ឋកម្ពុជាមានភ័ព្វសំណាង ដែលមានសម្ដេចតេជោជាអ្នកដឹកនាំ

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នាវា​ផ្ទុក​យន្តហោះ​អាមេរិក​បន្ត​ធ្វើ​សម​យុទ្ធ​នៅ​សមុទ្រ​មេ​ឌី​ទែ​រ៉ា​ណេ​

ប្រជាជន​ក្រុង Mariupol ភៀសខ្លួន​ចេញពី​ការឡោមព័ទ្ធ និង​បន្ត​ឆ្លង​ចូល​ប្រទេស​ម៉ុ​ល​ដូ​វ៉ា​

លោក Biden និង​លោក Xi នឹង​ជួប​សន្ទនា​តាម​វីដេអូ​នៅ​ថ្ងៃ​សុក្រ​នេះ​ពិភាក្សា​ពី​សង្គ្រាម​អ៊ុយ​ក្រែ​ន​

រុស្ស៊ី​ព្រមាន​សហរដ្ឋអាមេរិក​ថា ខ្លួន​មានអំណាច​ធ្វើ​ឲ្យ​សត្រូវ​មិន​អាច​ធ្វើ​អ្វីបាន​ដូចគ្នា​

​ឯកឧត្ដម ហ៊ុន ម៉ាណែត លើកឡើងថា ពលរដ្ឋកម្ពុជាមានភ័ព្វសំណាង ដែលមានសម្ដេចតេជោជាអ្នកដឹកនាំ

លោក Putin និយាយ​ថា ប្រតិបត្តិការ​យោធា​នៅ​អ៊ុយ​ក្រែ​ន​ដំណើរ​ការ​ល្អ​

លោក Zelenskyy និយាយ​ទៅកាន់​សភា​អាមេរិក​ថា យើង​ត្រូវការ​អ្នក​ពេលនេះ

មនុស្ស ​៤​នាក់​ស្លាប់ និង ៩៤​នាក់​រងរបួស​ដោយការ​រញ្ជួយ​ដីកម្រិត ៧.៤រ៉ិច​ទ័​រ​វាយប្រហារ​ប្រទេស​ជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាវាផ្ទុកយន្តហោះអាមេរិកបន្តធ្វើសមយុទ្ធនៅសមុទ្រមេឌីទែរ៉ាណេ

ប្រជាជនក្រុង Mariupol ភៀសខ្លួនចេញពីការឡោមព័ទ្ធ និងបន្តឆ្លងចូលប្រទេសម៉ុលដូវ៉ា

លោក Biden និងលោក Xi នឹងជួបសន្ទនាតាមវីដេអូនៅថ្ងៃសុក្រនេះពិភាក្សាពីសង្គ្រាមអ៊ុយក្រែន

រុស្ស៊ីព្រមានសហរដ្ឋអាមេរិកថា ខ្លួនមានអំណាចធ្វើឲ្យសត្រូវមិនអាចធ្វើអ្វីបានដូចគ្នា

ឯកឧត្ដម ហ៊ុន ម៉ាណែត លើកឡើងថា ពលរដ្ឋកម្ពុជាមានភ័ព្វសំណាង ដែលមានសម្ដេចតេជោជាអ្នកដឹកនាំ

លោក Putin និយាយថា ប្រតិបត្តិការយោធានៅអ៊ុយក្រែនដំណើរការល្អ

លោក Zelenskyy និយាយទៅកាន់សភាអាមេរិកថា យើងត្រូវការអ្នកពេលនេះ

មនុស្ស ៤នាក់ស្លាប់ និង ៩៤នាក់រងរបួសដោយការរញ្ជួយដីកម្រិត ៧.៤រ៉ិចទ័រវាយប្រហារប្រទេសជប៉ុន