BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ផ្ទុះខ្លាំងធ្វើឲ្យរញ្ជួយមូលដ្ឋានទ័ពអាកាស Melitopol នៅអ៊ុយក្រែន និងបាញ់ផ្លោងនៅ Donetsk

អ៊ុយក្រែន៖ ការផ្ទុះដ៏ខ្លាំងបានធ្វើឲ្យរញ្ជួយមូលដ្ឋានទ័ពអាកាស Melitopol ជាមូលដ្ឋានយោធាសម្រាប់ការដឹកជញ្ជូននៅប្រទេសអ៊ុយក្រែនភាគខាងត្បូង។ ខ្សែវីដេអូត្រូវបានថតដោយអ្នកឆ្លើយឆ្លងព័ត៌មានទូរទស្សន៍កណ្តាលរដ្ឋចិន (CCTV) បង្ហាញពីអគ្គិភ័យដ៏ធំនៅទីតាំងមូលដ្ឋានអាកាសរួមជាមួយសំឡេងផ្ទុះខ្លាំង។ប្រធានាធិបតីរុស្សីលោក Vladimir Putin កាលពីថ្ងៃព្រហស្បតិ៍បានអនុញ្ញាតឲ្យមានប្រតិបត្តិការយោធាពិសេស ក្នុងការឆ្លើយតបទៅនឹងការអំពាវនាវរបស់មេដឹកនាំក្រុង Lugansk និង Donetsk នៅក្នុងតំបន់ Donbass។ ប្រជាជននៅក្នុងក្រុងជាច្រើននៃតំបន់ Donbas ដែលគ្រប់គ្រងដោយក្រុមផ្តាច់ខ្លួនគាំទ្រដោយរុស្សី បានត្អូញត្អែរពីការបាញ់ផ្លោងដែលបានបំផ្លាញអគារប្រជាពលរដ្ឋរស់នៅ និងលំនៅឋាននៅក្នុងទីក្រុងជាច្រើននៃក្រុង Donetsk និង Horlivka។ ការបាញ់ផ្លោងបានវាយប្រហារទៅលើរោងចក្រមួយកន្លែងក្នុងក្រុង Horlivka ដែលកម្មករម្នាក់បានស្លាប់។ ភាពតានតឹង និងជម្លោះរវាងកងកម្លាំងអ៊ុយក្រែន និងក្រុមផ្តាច់ខ្លួនបានបន្តចាប់តាំងពីឆ្នាំ២០១៤ មក។ប្រជាពលរដ្ឋនៅទីក្រុងគីវប្រទេសអ៊ុយក្រែនបានប្រតិកម្មជាមួយការភ័យខ្លាច និងការមិនគួរឲ្យជឿ ខណៈការបាញ់ផ្លោងបានធ្លាក់មកលើទីប្រជុំជនទីក្រុងមានប្រជាជនរស់នៅច្រើន។ ប្រជាជនក្នុងទីក្រុងគីវនិយាយថា វាគួរឲ្យភ័យខ្លាចជាខ្លាំងសម្រាប់យើងទាំងអស់គ្នា យើងបានបាត់បង់ជំនឿ។ នៅក្នុងទីក្រុងទាំងមូល ប្រជាជនបានរងចាំនៅចំណតរថយន្តក្រុងដើម្បីធ្វើដំណើរទៅធ្វើការ នៅពេលនោះមានសំឡេងផ្ទុះបានប្រញាប់ប្រញាល់ទៅកាន់រថយន្តរបស់ពួកគេ ដើម្បីចាកចេញពីទីក្រុង៕អត្ថបទ៖ ប៊ុនថន

ពិភពលោកថ្កោលទោសរុស្ស៊ីចំពោះការឈ្លានពានចូលអ៊ុយក្រែន

អ៊ុយក្រែន៖ ប៉ុន្មានសប្ដាហ៍នៃការព្រមានការសម្រេចចិត្តរបស់រុស្ស៊ីកាលពីថ្ងៃទី២៤ កុម្ភៈ ធ្វើឲ្យពិភពលោកភ្ញាក់ផ្អើលដោយសារតែការឈ្លានពានចូលអ៊ុយក្រែន ការឈ្លានពាននេះនាំឲ្យមានការថ្កោលទោសពីជុំវិញពិភពលោក រួមទាំងការដាក់ទណ្ឌកម្ម។ ស្ថានទូតអ៊ុយក្រែនប្រចាំក្នុងទីក្រុងឡុងដ៍របស់អង់គ្លេសបានហៅបញ្ជារបស់លោក Putin ថា ជាសង្គ្រាមគ្មានមូលហេតុដោយបន្ថែមថា រុស្ស៊ីកំពុងបង្កើតសង្គ្រាមប្រឆាំងអឺរ៉ុប និងពិភពលោកទាំងមូល។លោកប្រធានាធិបតីអាមេរិក Joe Biden កាលពីថ្ងៃព្រហស្បតិ៍បានវាយបកទៅនឹងការឈ្លានពាន របស់រុស្ស៊ីចូលអ៊ុយក្រែនដោយការប្រកាសដាក់ទណ្ឌកម្មថ្មីធ្ងន់ធ្ងរ ការបញ្ជាឲ្យបញ្ជូនកងទ័ពរាប់ពាន់នាក់បន្ថែមទៀតទៅកាន់ប្រទេសអាល្លឺម៉ង់ ដែលជាសម្ព័ន្ធយោធាណាតូ និងប្រកាសថា អាមេរិកនឹងក្រោកឈរប្រឆាំងនឹងប្រធានាធិបតីរុស្ស៊ី Vladimir Putin។ ប្រតិកម្មពីអង្គការណាតូវិញ អគ្គលេខាធិការអង្គការណាតូលោក Jens Stoltenberg បានហៅការវាយប្រហាររបស់រុស្ស៊ីលើអ៊ុយក្រែនថា ជាទង្វើដ៏ឃោឃៅនៃសង្គ្រាម និងការបង្ហូរឈាមត្រជាក់ និងការឈ្លានពានដែលមានគម្រោងពីយូរមកហើយ។ ចំណែករដ្ឋមន្ត្រីការបរទេសអូទ្រីសលោក Alexander Schallenberg បានសរសេរលើបណ្ដាញសង្គមធ្វីធ័រថា ប្រទេសអ៊ុយក្រែនក្លាយជាជនរងគ្រោះ នៃការឈ្លានពានមួយផ្សេងទៀតរបស់រុស្ស៊ី។ រុស្ស៊ីបានជ្រើសយកផ្លូវនៃអំពើហិង្សា។ប្រធានាធិបតីបុលហ្គារីលោក Rumen Radev បានរិះគន់រុស្ស៊ីចំពោះការទទួលស្គាល់តំបន់ផ្ដាច់ខ្លួន Donetsk និង Luhask ក្នុងប្រទេសអ៊ុយក្រែនភាគខាងកើត ជាហេតុនាំឲ្យជម្លោះកើតឡើង។ ហើយវិបត្តិនេះមិនអាចដោះស្រាយតាមរយៈការបំពានច្បាប់អន្តរជាតិ និងមធ្យោបាយយោធា។ រដ្ឋមន្ត្រីការបរទេសសាធារណរដ្ឋឆែកបានចេញសេចក្ដីថ្លែងការណ៍ ថ្កោលទោសការឈ្លានពានខុសច្បាប់ និងគ្មានមូលដ្ឋានរបស់រុស្ស៊ីលើអ៊ុយក្រែន។ នាយករដ្ឋមន្ត្រីដាណឺម៉ាកលោកស្រី Mette Frederiksen បានថ្លែងថា ការលុកលុយរបស់រុស្ស៊ីលើសេរីភាព និងអធិបតេយ្យភាពជាតិ គ្មានកន្លែងនៅក្នុងអឺរ៉ុបក្នុងពេលវេលារបស់យើងទេ។ លោកស្រីក៏បានបញ្ជាក់ផងដែរថា រុស្ស៊ីនឹងប្រឈមផលវិបាកធ្ងន់ធ្ងរចំពោះសកម្មភាពរបស់ខ្លួន។ ប្រធានគណៈកម្មការអឺរ៉ុបលោកស្រី Ursula von der Leyen បានចោទប្រកាន់បទបញ្ជារបស់លោក Putin ថា ជាទង្វើឃោរឃៅនៃការឈ្លានពានប្រឆាំងនឹងប្រទេសដែលមានអធិបតេយ្យភាព និងឯករាជ្យ និងមនុស្សស្លូតត្រង់។ មេដឹកនាំប្រទេស G7 បានថ្កោលទោសការវាយប្រហាររុស្ស៊ីលើអ៊ុយក្រែន និងបានប្ដេជ្ញាដាក់ទណ្ឌកម្មធ្ងន់ធ្ងរទាំងសេដ្ឋកិច្ច និងហិរញ្ញវត្ថុដោយមានការសម្របសម្រួល៕អត្ថបទ៖ សុខមាន

អ៊ុយក្រែនអះអាងថា រុស្ស៊ីព្យាយាមដណ្ដើមយករោងចក្រនុយក្លេអ៊ែរ Chernobyl

អ៊ុយក្រែន៖ រុស្ស៊ីបានចាប់ផ្តើមវាយប្រហារលើប្រទេសអ៊ុយក្រែនដោយវាយលុកទៅលើទីក្រុង និងមូលដ្ឋាននានាដោយការវាយប្រហារតាមអាកាស និងការបាញ់ផ្លោង ខណៈជនស៊ីវិលរត់ចូលទៅក្នុងរថភ្លើង និងរថយន្តដើម្បីគេចខ្លួន។ រដ្ឋាភិបាលអ៊ុយក្រែនបានស្វែងរកជំនួយ ខណៈបាននិយាយថា រថក្រោះ និងកងទ័ពរុស្ស៊ីបានឆ្លងកាត់ព្រំដែននៅក្នុងសង្គ្រាមទ្រង់ទ្រាយធំ។ប្រធានាធិបតីអ៊ុយក្រែនលោក Volodymyr Zelenskyy និយាយថា កងកម្លាំងរុស្ស៊ីកំពុងព្យាយាមដណ្ដើមយករោងចក្រនុយក្លេអ៊ែរ Chernobyl ជាទីតាំងនៃគ្រោះមហន្តរាយនុយក្លេអ៊ែរអាក្រក់បំផុតរបស់ពិភពលោក ហើយកងកម្លាំងអ៊ុយក្រែនប្រយុទ្ធជាមួយកងទ័ពផ្សេងទៀតនៅខាងក្រៅទីក្រុងគីវ ដើម្បីគ្រប់គ្រងព្រលានយន្តហោះយុទ្ធសាស្ត្រ។ សំឡេងផ្ទុះខ្លាំងត្រូវបានគេឮនៅក្នុងរដ្ឋធានី និងនៅក្នុងទីក្រុងជាច្រើន ហើយប្រជាជនបានប្រមូលផ្តុំគ្នានៅស្ថានីយរថភ្លើង និងទីតាំងផ្សេងទៀត ខណៈដែលរដ្ឋាភិបាលនិយាយថា អតីតសាធារណរដ្ឋសូវៀតកំពុងឈ្លានពាន ដែលត្រូវបានគេរំពឹងទុកមកជាយូរពីភាគខាងកើត ខាងជើង និងភាគខាងត្បូង។យោធាអ៊ុយក្រែននិយាយថា ខ្លួនបានបំផ្លាញរថក្រោះរុស្ស៊ីចំនួន ៤គ្រឿងនៅលើផ្លូវមួយនៅជិតទីក្រុង Kharkiv ភាគខាងកើត និងបានសម្លាប់ទាហាន ៥០នាក់នៅជិតទីក្រុងមួយក្នុងតំបន់ Luhansk និងបានបាញ់ទម្លាក់យន្តហោះចម្បាំងរុស្ស៊ីចំនួន ៦គ្រឿងនៅតំបន់ផ្សេងទៀតនៅភាគខាងកើតប្រទេស៕អត្ថបទ៖ ប៊ុនថន

បាតុករទូទាំងពិភពលោកតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន

ពិភពលោក៖ ក្រោយប្រទេសរុស្ស៊ីបើកការឈ្លានពានចូលអ៊ុយក្រែន បណ្ដាប្រទេសជាច្រើនបានបញ្ចេញប្រតិកម្មខឹងសម្បារនឹងរុស្ស៊ី ឲ្យពលរដ្ឋនាំគ្នាចេញតវ៉ា ជាក់ស្ដែងនៅសហរដ្ឋអាមេរិក ក្រុមអ្នកតវ៉ាបានប្រមូលផ្ដុំគ្នានៅខាងក្រៅស្ថានទូតរុស្ស៊ី ក្នុងទីក្រុងវ៉ាស៊ីនតោន ឌីស៊ី កាលពីថ្ងៃព្រហស្បតិ៍។មនុស្សមួយក្រុមបានប្រមូលផ្ដុំគ្នានៅខាងក្រៅស្ថានទូតរបស់រុស្ស៊ីនៅក្នុងទីក្រុង Santiago របស់ប្រទេសឈីលី និងទីក្រុង Buenos Aires របស់ប្រទេសអាហ្សង់ទីនដើម្បីបង្ហាញពីកំហឹង ចំពោះការឈ្លានពានរបស់រុស្ស៊ីកាលពីថ្ងៃព្រហស្បតិ៍។ ពួកគេបានកាន់បដា និងសញ្ញាផ្សេងៗនៃទង់ជាតិរបស់អ៊ុយក្រែន និងសញ្ញាបាតដៃប្រឡាក់ឈាមលើមុខលោក Vladimi Putin។ នៅក្នុងប្រទេសលីទុយអានីវិញ ក្រុមអ្នកតវ៉ាបានប្រមូលផ្ដុំគ្នាដើរក្បួនទៅកាន់ស្ថានទូតរុស្ស៊ីក្នុងទីក្រុង Vilnius កាលពីថ្ងៃព្រហស្បតិ៍ ដើម្បីតវ៉ាប្រឆាំងទៅនឹងការឈ្លានពានរបស់រុស្ស៊ីចូលអ៊ុយក្រែន។ មនុស្សរាប់សិបនាក់ភាគច្រើនមកពីអ៊ុយក្រែន បានតវ៉ានៅខាងមុខស្ថានទូតរុស្ស៊ីក្នុងទីក្រុង Mexico City កាលពីថ្ងៃព្រហស្បតិ៍ក្រោយការឈ្លានពានពីរុស្ស៊ីលើអ៊ុយក្រែន។ នៅក្នុងប្រទេសបារាំងវិញ ក្រុមអ្នកតវ៉ាប្រហែល ១ពាន់នាក់បានប្រមូលផ្ដុំគ្នាកាលពីថ្ងៃព្រហស្បតិ៍នៅវិមាន Place de la Republique ក្នុងទីក្រុងប៉ារីស ដើម្បីបង្ហាញការមិនពេញចិត្តចំពោះការឈ្លានពានពីសំណាក់ប្រទេសរុស្ស៊ីចូលអ៊ុយក្រែន។នៅក្នុងប្រទេសព័រទុយហ្គាល់វិញ មនុស្សបានប្រមូលផ្ដុំគ្នាតវ៉ានៅក្នុងនានានៃរដ្ឋធានី Lisbon, Porto និង Faro កាលពីថ្ងៃព្រហស្បតិ៍ ដើម្បីតវ៉ាប្រឆាំងនឹងការឈ្លានពានរបស់រុស្ស៊ីចូលអ៊ុយក្រែន។ មនុស្សរាប់ពាន់នាក់បានប្រមូលផ្ដុំគ្នានៅក្នុងទីក្រុង Tbilisi របស់ហ្ស៊កហ្ស៊ី ដើម្បីបង្ហាញការគាំទ្រដល់ប្រទេសអ៊ុយក្រែនកាលពីថ្ងៃព្រហស្បតិ៍។ ក្រុមអ្នកតវ៉ាបានដើរក្បួនពេញទីក្រុងដោយកាន់បដាបង្ហាញការខឹងសម្បារចំពោះលោក Putin។ ចំណែកនៅប្រទេសប៊ុលហ្គារីវិញ មនុស្សរាប់រយនាក់បានចេញតវ៉ានៅតាមដងផ្លូវនៃរដ្ឋធានី Sofia កាលពីថ្ងៃព្រហស្បតិ៍ ដើម្បីតវ៉ាទៅនឹងសកម្មភាពយោធារបស់រុស្ស៊ីទល់នឹងអ៊ុយក្រែនដែរ ក្រៅពីប្រទេសទាំងនោះក៏មានមានប្រទេសរាប់សិបទៀតដែរ ដែលបានចេញតវ៉ាប្រឆាំងទៅនឹងសកម្មភាពរបស់រុស្ស៊ី៕អត្ថបទ៖ សុខមាន

ការវាយប្រហារនៅទូទាំងប្រទេសអ៊ុយក្រែនបានសម្លាប់មនុស្ស ១៣៧នាក់ក្រោយការឈ្លានពានរបស់រុស្ស៊ីថ្ងៃដំបូង

អ៊ុយក្រែន៖ កងកម្លាំងរុស្ស៊ីដែលកំពុងចូលឈ្លានពានបានលូកចូលកាន់តែជ្រៅ ចូលទៅក្នុងប្រទេសអ៊ុយក្រែនកាលពីថ្ងៃព្រហស្បតិ៍ ខណៈការវាយប្រយុទ្ធគ្នាដ៏ខ្លាំងក្លាបានរាលដាលចូលដល់តំបន់ដាច់ស្រយាលនៃរដ្ឋធានីគីវ (Kyiv) ហើយលោកខាងលិចបានត្រឹមឆ្លើយតបដោយការដាក់ទណ្ឌកម្ម។ការវាយប្រហារដោយមីស៊ីល និងគ្រាប់កាំភ្លើងធំរបស់រុស្ស៊ីបានស្រោចលើទីក្រុងជាច្រើនរបស់ប្រទេសអ៊ុយក្រែន បន្ទាប់ពីប្រធានាធិបតីរុស្ស៊ីលោក Vladimir Putin បើកការឈ្លានពានទ្រង់ទ្រាយធំទាំងនៅលើដី និងអាកាស ដែលបង្ខំឲ្យជនស៊ីវិលរត់ទៅស្នាក់នៅលើប្រព័ន្ធផ្លូវរថភ្លើងក្រោមដី ដែលបណ្ដាលឲ្យមានមនុស្សប្រមាណ ១០០,០០០នាក់បានភៀសខ្លួន។ លោកប្រធានាធិបតីអ៊ុយក្រែនវិញបាននិយាយថា នៅទូទាំងអ៊ុយក្រែនវីរៈបុរសរបស់យើងយ៉ាងតិច ១៣៧នាក់បានស្លាប់់ និង ៣១៦នាក់បានរងរបួសបន្ទាប់ពីថ្ងៃដំបូងនៃការវាយប្រយុទ្ធគ្នាដោយអំពាវនាវឲ្យទាហាន និងអ្នកបម្រុងទូទាំងប្រទេសដើម្បីប្រយុទ្ធក្នុងការចល័តទ័ពទូទៅ។យោធាអ៊ុយក្រែននិយាយកាលពីថ្ងៃព្រហស្បតិ៍ថា ខ្លួនបានកម្ទេចរថក្រោះរុស្ស៊ី ៤គ្រឿងនៅលើផ្លូវជិតភាគខាងកើតទីក្រុងខាគីវ (Kharkiv) ដោយបានសម្លាប់កងទ័ពជិត ៥០នាក់ជិតទីប្រជុំជនមួយក្នុងតំបន់ Luhansk និងបានបាញ់ទម្លាក់យន្តហោះរុស្ស៊ីចំនួន ៦គ្រឿងនៅក្នុងភាគខាងកើតរបស់ប្រទេសនេះផងដែរ។ ក្រសួងការពារជាតិរបស់រុស្ស៊ីវិញនិយាយថា កងកម្លាំងរបស់ខ្លួនបានបញ្ចប់គោលដៅរបស់ខ្លួនដោយជោគជ័យសម្រាប់ថ្ងៃនេះ ហើយកាលពីមុននេះក្រសួងនេះបានអះអាងថា ខ្លួនបានកម្ទេចគោលដៅយោធាអ៊ុយក្រែនជាង ៧០កន្លែងរួមទាំងអាកាសយានដ្ឋាន ១១កន្លែងដែរ៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី២៤កុម្ភៈនេះ បានអញ្ជើញដឹកនាំប្រតិភូរាជរដ្ឋាភិបាលមួយចំនួន ទៅគោរពវិញ្ញាណក្ខន្ធសពរបស់ នាយឧត្តមសេនីយ៍ សុខ សារឿន រដ្ឋលេខាធិការក្រសួងការពារជាតិ ដែលទទួលមរណភាព កាលពីថ្ងៃទី២៣កុម្ភៈម្សិលមិញនេះ ដោយរោគាពាធ។គួរបញ្ជាក់ដែរថា ភ្លាមៗនោះ សម្តេចតេជោ នាយករដ្ឋមន្ត្រី ក៏បានផ្ញើលិខិតសំដែងនូវការក្ដុកក្ដួលនិងសោកស្តាយជាមួយក្រុមគ្រួសារ នៃសពគឺលោកជំទាវ សុខ លាង ។លិខិតមានខ្លឹមសារយ៉ាងដូច្នេះ៖ លោកជំទាវជាទីរាប់អាន! ភរិយាខ្ញុំ និងរូបខ្ញុំបានទទួលដំណឹងដ៏ក្រៀមក្រំ និងសោកស្ដាយរកអ្វីមកប្រៀបផ្ទឹមពុំបាន ដោយទទួលដំណឹងថា ឯកឧត្តមនាយឧត្តមសេនីយ៍ សុខ សារឿន រដ្ឋលេខាធិការក្រសួងការពាជាតិ ដែលត្រូវជា ស្វាមីលោកជំទាវបានទទួលមរណភាព នាវេលាម៉ោង ១០:៤៥ នាទីព្រឹក នៅថ្ងៃពុធ ៧រោច ខែមាឃ ឆ្នាំឆ្លូវ ត្រីស័ក ពស ២៥៦៥ ត្រូវ នឹងថ្ងៃទី២៣ ខែ កុម្ភៈ ឆ្នាំ២០២២ ក្នុងជន្មាយុ ៧៩ ឆ្នាំ ដោយរោគាពាធ ។មរណភាពរបស់ឯកឧត្តម គឺជាការបាត់បងស្វាមី បិតា ជីតាដែលប្រកបដោយព្រហ្មវិហារធម៌ និងជាការបាត់បង់នូវមិត្តរួមអាវុធតស៊ូរំដោះជាតិចេញពីរបបប្រល័យពូជសាសន៍ ប៉ុល ពត និងបានរួមសុខរួមទុក្ខជាមួយគ្នាក្នុងការបំរើជាតិ និងប្រជាជនកម្ពុជារហូតដល់ថ្ងៃអវសាននៃជីវិត ។ក្នុងឱកាសប្រកបដោយសមានទុក្ខដ៏ក្រៀមក្រំបំផុតនេះ ភរិយា និងរូបខ្ញុំ សូមចូលរួមចែករំលែក នូវមរណទុក្ខដោយក្តីស្រណោះ និងការអាឡោះអាល័យជាមួយលោកជំទាវ និងបុត្រាបុត្រី ព្រមទាំងបងប្អូន កូនក្មួយទាំងអស់នៃសព ដោយសេចក្តីសង្វេគជាទីបំផុត ។ភរិយា និងរូបខ្ញុំ សូមឧទ្ទិសបួងសួងដល់ដួងវិញ្ញាណក្ខន្ធឯកឧត្តមនាយឧត្តមសេនីយ៍ សុខ សារឿន បានឆាប់ចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ ។ សូមលោកជំទាវទទួលនូវការរំលែកទុក្ខដ៏ក្រៀមក្រំបំផុតពីភរិយាខ្ញុំ និងរូបខ្ញុំ ។គួររម្លឹកផងដែរថា ឯកឧត្តម សុខ សារឿន អតីតគឺជាមេរបស់សម្តេចតេជោ នៅក្នុងសម័យតស៊ូ៕អត្ថបទ៖ មុត សុទ្ធ

លោក Putin បាននិយាយនៅថ្ងៃព្រហស្បតិ៍នេះថា កងកម្លាំងរុស្ស៊ីនឹងបើកប្រតិបត្តិការសឹកពិសេសក្នុងប្រទេសអ៊ុយក្រែនភាគខាងកើត

រុស្ស៊ី៖ ប្រធានាធិបតីរុស្ស៊ីលោក Vladimir Putin បានប្រកាសប្រតិបត្តិការយោធាពិសេសនៅក្នុងប្រទេសអ៊ុយក្រែននៅថ្ងៃព្រហស្បតិ៍នេះ និងបានអំពាវនាវឲ្យកងទ័ពនៅទីនោះទម្លាក់អាវុធចុះ ជាការផ្គើនទៅនឹងការអត់ធ្មត់របស់លោកខាងលិច និងការអំពាវនាវរបស់សកលលោកថា កុំបង្កសង្គ្រាម។ លោក Putin បានធ្វើសេចក្ដីថ្លែងការណ៍គួរឲ្យភ្ញាក់ផ្អើលមួយតាមកញ្ចក់ទូរទស្សន៍ ដើម្បីប្រកាសពីចេតនារបស់លោក។លោកបាននិយាយភ្លាមៗមុនម៉ោង ៦ព្រឹកម៉ោងនៅក្នុងទីក្រុងមូស្គូថា ខ្ញុំបានធ្វើការសម្រេចចិត្តអំពីប្រតិបត្តិការយោធា ខណៈលោកប្ដេជ្ញាសងសឹកទៅនឹងអ្នកដែលជ្រៀតជ្រែតកិច្ចការរបស់លោក។ លោកក៏បានអំពាវនាវផងដែរដល់យោធាអ៊ុយក្រែនឲ្យទម្លាក់អាវុធចុះ។ សេចក្ដីថ្លែងការណ៍របស់លោកមានឡើងបន្ទាប់ពីវិមានក្រឹមឡាំងបាននិយាយថា ក្រុមមេដឹកនាំឧទ្ទាមនៅក្នុងប្រទេសអ៊ុយក្រែនភាគខាងកើត បានស្នើក្រុងមូស្គូឲ្យជួយខាងយោធាទប់ទល់នឹងទីក្រុងគៀវ។ ជាការឆ្លើយតប ប្រធានាធិបតីអ៊ុយក្រែនលោក Volodymyr Zelensky បានអំពាវនាវទាំងកណ្ដាលអធ្រាត្រដល់រុស្ស៊ីកុំឲ្យគាំទ្រឲ្យមានសង្គ្រាមដ៏ធំនៅអឺរ៉ុប៕អត្ថបទ៖ សុខមាន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

អឺរ៉ុប៖ ក្រុមបាតុករបានប្រមូលផ្តុំគ្នានៅខាងក្រៅស្ថានទូតរុស្ស៊ីនៅទីក្រុងប៉ារីស ដើម្បីប្រឆាំងនឹងការឈ្លានពានដែលកំពុងបន្តរបស់វិមានក្រឹមឡាំង នៅតាមព្រំដែនជាមួយអ៊ុយក្រែន។ សកម្មជននយោបាយ និងសមាជិកសហគមន៍អ៊ុយក្រែន ហ្សកហ្ស៊ី និងបេឡារុស្សត្រូវបានគេឃើញកាន់ទង់ជាតិរៀងៗខ្លួនក្នុងបាតុកម្ម។ក្រុមបាតុករបានចោទប្រកាន់លោក ពូទីន ថា មានបំណងបញ្ចប់លទ្ធិប្រជាធិបតេយ្យ និងអធិបតេយ្យភាពរបស់អ៊ុយក្រែន។ ទន្ទឹមនឹងនេះ ក្រុមអ្នកតវ៉ាបានបង្ហាញក្តីសង្ឃឹមថា ទណ្ឌកម្មសេដ្ឋកិច្ចកាន់តែខ្លាំងនឹងផ្ញើសារទៅកាន់មេដឹកនាំរុស្ស៊ី។ នៅប្រទេសអាល្លឺម៉ង់ មនុស្សរាប់រយនាក់បានប្រមូលផ្តុំគ្នានៅខាងក្រៅស្ថានទូតរុស្ស៊ីក្នុងទីក្រុងប៊ែរឡាំង ដើម្បីតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន។ ក្នុងចំណោមអ្នកតវ៉ាទាំងនោះលោក Alexei Ustenko ជាជនជាតិអ៊ុយក្រែនរស់នៅក្នុងទីក្រុងប៊ែរឡាំងនិយាយថា អឺរ៉ុប និងអាមេរិកមិនបានឆ្លើយតបខ្លាំងគ្រប់គ្រាន់នៅឡើយ ចំពោះសកម្មភាពរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន។ អ្នកតវ៉ានិយាយថា ទណ្ឌកម្មគឺជាឧបករណ៍សំខាន់របស់ប្រទេសលោកខាងលិចសម្រាប់រុញច្រានទៅវិញ ខណៈលោក ពូទីន បានអនុញ្ញាតឱ្យទាហានឆ្លងកាត់ព្រំដែនអ៊ុយក្រែន ចូលទៅក្នុងតំបន់គ្រប់គ្រងដោយក្រុមផ្តាច់ខ្លួនគាំទ្រដោយរុស្ស៊ី និងបានទទួលស្គាល់ឯករាជ្យភាពរបស់តំបន់ក្រុមឧទ្ទាម។នៅក្នុងប្រទេសអ៊ុយក្រែន ក្រុមអ្នកតវ៉ាបានធ្វើបាតុកម្មនៅខាងក្រៅស្ថានទូតរុស្ស៊ីក្នុងទីក្រុងគៀវ បន្ទាប់ពីការបញ្ជារបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ក្នុងការពង្រាយកងទ័ពទៅកាន់តំបន់ផ្តាច់ខ្លួននៅភាគខាងកើតអ៊ុយក្រែន។ មេដឹកនាំប្រទេសលោកខាងលិចបានព្រមានជាយូរមកហើយថា ទីក្រុងមូស្គូនឹងស្វែងរកការបិទបាំងក្នុងការឈ្លានពានប្រទេសអ៊ុយក្រែន ហើយគ្រាន់តែជាលេសបង្ហាញឲ្យឃើញនៅពេលដែលលោក ពូទីន ទទួលស្គាល់ឯករាជ្យភាពតំបន់ផ្តាច់ខ្លួនចំនួន ២ នៅភាគខាងកើតអ៊ុយក្រែន ជាកន្លែងដែលកងទ័ពរដ្ឋាភិបាលបានប្រយុទ្ធជាមួយពួកឧទ្ទាមគាំទ្រដោយរុស្ស៊ី នៅក្នុងជម្លោះដែលបានសម្លាប់មនុស្សជាង ១៤,០០០នាក់៕អត្ថបទ៖ ប៊ុនថន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

បួគីណាហ្វាសូ៖ ប្រព័ន្ធផ្សព្វផ្សាយរដ្ឋ និងសាក្សីបានរាយការណ៍ថា ការផ្ទុះដ៏ខ្លាំងនៅជិតទីតាំងអាជីវកម្មរ៉ែមាសមួយកន្លែងនៅភាគនិរតីប្រទេសបួគីណាហ្វាសូ បណ្តាលមនុស្សយ៉ាងហោចណាស់ ៦៣នាក់ស្លាប់ និងជាង ១០០នាក់ផ្សេងទៀតរងរបួស។ វីដេអូបានបង្ហាញឲ្យឃើញសាកសពនៅលើដីគ្របក្រណាត់ និងផ្លាស្ទីកបន្ទាប់ពីការផ្ទុះ។ ប្រព័ន្ធផ្សព្វផ្សាយ RTB បានរាយការណ៍ថា ចំនួនអ្នកស្លាប់បណ្តោះអាសន្នត្រូវបានផ្តល់ដោយអាជ្ញាធរក្នុងតំបន់។ការផ្ទុះនេះត្រូវបានគេជឿថា បណ្តាលមកពីសារធាតុគីមីប្រើសម្រាប់រក្សាគុណភាពមាស ដែលស្តុកទុកនៅទីតាំងនោះ។ បួគីណាហ្វាសូគឺជាប្រទេសផលិតមាសដែលរីកចម្រើនលឿនបំផុតនៅទ្វីបអាហ្វ្រិក ហើយបច្ចុប្បន្នជាប្រទេសធំជាងគេទី៥ នៅលើទ្វីបនេះដោយការនាំចេញមាសសំខាន់បំផុតរបស់ប្រទេស។ ឧស្សាហកម្មរ៉ែមាសបានជួលបុគ្គលិកប្រមាណ ១.៥លាននាក់ ហើយមានតម្លៃប្រហែល ២ពាន់លានដុល្លារក្នុងឆ្នាំ២០១៩។ យោងតាមវិទ្យាស្ថានសម្រាប់ការសិក្សាសន្តិសុខ មានមូលដ្ឋាននៅអាហ្វ្រិកខាងត្បូងបានឲ្យដឹងថា មាសភាគច្រើនកំពុងត្រូវបាននាំទៅកាន់ប្រទេសជិតខាងដូចជាតូហ្គោ, បេណាំង, នីហ្សេរ និងហ្គាណា។អណ្តូងរ៉ែខ្នាតតូចជាច្រើនត្រូវបានគេរាយការណ៍ថា ប្រើប្រាស់ដោយក្រុមជីហាដមានទំនាក់ទំនងជាមួយក្រុមអាល់កៃដា និងក្រុមរដ្ឋឥស្លាមដែលបានធ្វើការវាយប្រហារនៅក្នុងប្រទេសចាប់តាំងពីឆ្នាំ២០១៦។ ក្រុមនេះត្រូវបានគេរាយការណ៍ថា បានរៃអង្គាសប្រាក់ដោយការយកពន្ធលើអ្នករុករករ៉ែ ហើយថែមទាំងប្រើប្រាស់ទីតាំងអណ្តូងរ៉ែសម្រាប់ជ្រើសរើសអ្នកប្រយុទ្ធ និងស្វែងរកទីតាំងលាក់ខ្លួន៕អត្ថបទ៖ ប៊ុនថន

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ

សហរដ្ឋអាមេរិក៖ អ្នកនាំពាក្យសេតវិមានលោកស្រី Jen Psaki បានប្រាប់ក្រុមអ្នកយកព័ត៌មានកាលពីថ្ងៃអង្គារថា រាល់ផែនការសម្រាប់កិច្ចប្រជុំរវាងលោកប្រធានាធិបតី Biden និងលោកប្រធានាធិបតីរុស្ស៊ី Vladimir Putin ត្រូវបានផ្អាក។ លោកស្រី Psaki មិនបានច្រានចោលការប្រជុំដែលកើតឡើងនៅពេលអនាគតនោះទេ ប៉ុន្តែបាននិយាយថា លោក Biden នឹងមិនជួបជាមួយលោក Putin លុះត្រាតែរុស្ស៊ីបន្ធូរបន្ថយស្ថានការណ៍ក្នុងប្រទេសអ៊ុយក្រែនដោយការដកកងទ័ព។លោកស្រីបានប្រាប់អ្នកយកព័ត៌មានក្នុងអំឡុងសន្និសីទសារព័ត៌មានខ្លីមួយថា យើងនឹងមិនបិទទ្វារទាំងស្រុងចំពោះផ្នែកការទូតនោះទេ ប៉ុន្តែទោះយ៉ាងណាលោកស្រីបានបន្ថែមថា ការទូតមិនអាចជោគជ័យបានទេ លុះត្រាតែរុស្ស៊ីផ្លាស់ប្តូរជំហរ។ ការអត្ថាធិប្បាយនេះពុំមានការភ្ញាក់ផ្អើលខ្លាំងណាស់ណាទេ។ ប៉ុន្មាននាទីមុន ប្រមុខការទូតអាមេរិកលោក Antony Blinken បាននិយាយថា លោកកំពុងលុបចោលកិច្ចប្រជុំជាមួយរដ្ឋមន្ត្រីការបរទេសរុស្ស៊ីលោក Sergey Lavrov ដែលបានគ្រោងទុកជាបណ្តោះអាសន្នសម្រាប់ថ្ងៃព្រហស្បតិ៍ស្អែកនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

[UPDATE] ចំនួនអ្នកស្លាប់ពីរញ្ជួយដីនៅកូឡុំប៊ីឡើងដល់ជាង ២៥០ នាក់ ខណៈក្រុមជួយសង្គ្រោះបន្តស្វែងរកអ្នករស់រានមានជីវិត

ថៃផ្អាកចេញលិខិតអនុញ្ញាតប្រើប្រាស់អាវុធថ្មីក្រោយការបាញ់ប្រហារសម្លាប់មនុស្សដ៏រង្គាល

សម្តេចប្រធានរដ្ឋសភា៖ កិច្ចប្រជុំលើកទី៩ APPF-GH មិនត្រឹមតែជាការផ្លាស់ប្តូរ ចែករំលែកបទពិសោធន៍ ដើម្បីលើកកម្ពស់សេវាសុខភាពជូនពលរដ្ឋប៉ុណ្ណោះទេ តែជាការភ្ជាប់ទំនាក់ទំនង ចំណងមិត្តភាព និងភាពជាដៃគូយ៉ាងស្និទ្ធស្នាលផងដែរ

សម្តេចប្រធានរដ្ឋសភា វាយតម្លៃខ្ពស់ចំពោះកិច្ចប្រជុំលើកទី៩ នៃវេទិកាសមាជិកសភាអាស៊ី-ប៉ាស៊ីហ្វិក ស្តីពីសុខភាពសកល ពិតមានសារៈសំខាន់ក្នុងការធានាឱ្យបាននូវគុណភាព ប្រសិទ្ធភាព និងតម្លាភាព លើសេវាសុខាភិបាលជូនប្រជាពលរដ្ឋ

ក្រុម MSF ៖ការឆ្លើយតបកង្វះអាហារូបត្ថម្ភសូម៉ាលី រងផលប៉ះពាល់ដោយសារការកាត់ផ្តាច់ជំនួយមូលនិធិ

ភ្ញៀវទេសចរស៊ូទ្រាំនឹងអាកាសធាតុក្តៅខ្លាំងនៅសំណង់បុរាណចាស់ក្នុងទីក្រុងរ៉ូមស្របពេលរលកកម្តៅ

ទីភ្នាក់ងារ UN៖អាកាសធាតុក្តៅ កើតឡើងញឹកញាប់ ខ្លាំងក្លា និងយូរជាងមុនទី

ពលរដ្ឋស៊ីរីស្វាគមន៍ទោសប្រហារជីវិតសម្រាប់លោក Bashar al-Assad និងក្រុមមន្រ្តីក្នុងរបបរបស់លោក

UN៖ រញ្ជួយដី នៅកូឡុំប៊ី បំផ្លាញផ្ទះជិត ៥.០០០ខ្នង និងមណ្ឌលសុខភាព ២៤កន្លែងខណៈអ្នកស្លាប់កើនឡើង

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ផ្ទុះខ្លាំងធ្វើឲ្យរញ្ជួយមូលដ្ឋានទ័ពអាកាស Melitopol នៅអ៊ុយក្រែន និងបាញ់ផ្លោងនៅ Donetsk

ពិភពលោកថ្កោលទោសរុស្ស៊ីចំពោះការឈ្លានពានចូលអ៊ុយក្រែន

អ៊ុយក្រែនអះអាងថា រុស្ស៊ីព្យាយាមដណ្ដើមយករោងចក្រនុយក្លេអ៊ែរ Chernobyl

បាតុករទូទាំងពិភពលោកតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន

ការវាយប្រហារនៅទូទាំងប្រទេសអ៊ុយក្រែនបានសម្លាប់មនុស្ស ១៣៧នាក់ក្រោយការឈ្លានពានរបស់រុស្ស៊ីថ្ងៃដំបូង

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ផ្ទុះ​ខ្លាំង​ធ្វើ​ឲ្យ​រញ្ជួយ​មូលដ្ឋាន​ទ័ពអាកាស Melitopol នៅ​អ៊ុយ​ក្រែ​ន និង​បាញ់​ផ្លោង​នៅ Donetsk

ពិភពលោក​ថ្កោលទោស​រុស្ស៊ី​ចំពោះ​ការឈ្លានពាន​ចូល​អ៊ុយ​ក្រែ​ន

អ៊ុយ​ក្រែ​ន​អះ​អាង​ថា រុស្ស៊ី​ព្យាយាម​ដណ្ដើម​យក​រោងចក្រ​នុយក្លេអ៊ែរ Chernobyl

បាតុករ​ទូទាំង​ពិភពលោក​តវ៉ា​ប្រឆាំង​នឹង​ការឈ្លានពាន​របស់​រុស្ស៊ី​លើ​អ៊ុយ​ក្រែ​ន

សម្តេចតេជោ ហ៊ុន សែន អញ្ជើញ​ទៅ​គោរព​វិញ្ញាណក្ខន្ធ​សពនាយឧត្តមសេនីយ៍ សុខ​ សារឿន

បាតុកម្ម​នៅ​ទីក្រុង​ប៉ារីស ប៊ែ​រ​ឡាំង និង​គៀវ​ជុំវិញ​សកម្មភាព​រុស្ស៊ី​លើ​អ៊ុយ​ក្រែ​ន

មនុស្ស ៦៣​នាក់​ស្លាប់​ក្នុង​ការ​ផ្ទុះ​សារធាតុ​គីមី​នៅ​ប្រទេស​បួ​គី​ណា​ហ្វា​សូ

ជំនួប​រវាង​លោក Biden និង​លោក Putin ត្រូវ​បាន​ផ្អាក ខណៈ​ជំនួប​រវាង​ប្រមុខ​ការទូត​ត្រូវ​លុប​ចោល​ដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្ទុះខ្លាំងធ្វើឲ្យរញ្ជួយមូលដ្ឋានទ័ពអាកាស Melitopol នៅអ៊ុយក្រែន និងបាញ់ផ្លោងនៅ Donetsk

ពិភពលោកថ្កោលទោសរុស្ស៊ីចំពោះការឈ្លានពានចូលអ៊ុយក្រែន

អ៊ុយក្រែនអះអាងថា រុស្ស៊ីព្យាយាមដណ្ដើមយករោងចក្រនុយក្លេអ៊ែរ Chernobyl

បាតុករទូទាំងពិភពលោកតវ៉ាប្រឆាំងនឹងការឈ្លានពានរបស់រុស្ស៊ីលើអ៊ុយក្រែន

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

បាតុកម្មនៅទីក្រុងប៉ារីស ប៊ែរឡាំង និងគៀវជុំវិញសកម្មភាពរុស្ស៊ីលើអ៊ុយក្រែន

មនុស្ស ៦៣នាក់ស្លាប់ក្នុងការផ្ទុះសារធាតុគីមីនៅប្រទេសបួគីណាហ្វាសូ

ជំនួបរវាងលោក Biden និងលោក Putin ត្រូវបានផ្អាក ខណៈជំនួបរវាងប្រមុខការទូតត្រូវលុបចោលដែរ